Lamtluang Online News, 18 December 2024:
📰 Nizan 17.12.2024 khan Pro Panja League Armwrestling main event neih a ni a, Denic Lalruattluanga chuan Kazakh player Assanali Nurmagambet a hneh.
📰 Nimin chawhnu dar 1:30 pm khan Animal Husbandry & Veterinary Department Minister Pu C. Lalsawivunga chuan Saitual District Veterinary Hospital chu a hawng a, a hawnna inkhawm hi District A.H & Vety Complex, Saitualah neih a ni.
📰 India ram hmar lamah thlasik khawvawt a na chho hle. Nimin khan Punjaba Faridkot khuaah chuan khawvawh lam 0 degree a ni. A vawh dan tur chu i hrethiam thei mai em? 😂
📰 Nimin chawhnu khan All Mizoram Karate Association, General Headquarters, Aizawl buatsaihin ni 2 awh tur 28th AMKA State Karate Championship 2024-25 hawnna inkhawm chu Dawrpui Multipurpose Centre, Pipu Tlang Dawrpui-ah nei a ni
📰 Russia sipai hotu pawimawh leh an rama chemical weapons lam enkawltu lu, Lt. General Igor Kirillov leh a thuihruai mi pakhat te chu chu nimin khan Moscow a electric scooter hmanga bomb tihpuahah an boral. He bomb puakah hian Russia chuan Ukraine sawrkar a inrawlh thuk hle niin an ring a ni.
📰 Lunglei District Bawrhsap Pi Navneet Mann chuan Lungleia naupang enkawlna hmun leh chhawmdawlna in a tlawh kual mek chu chhunzawmin, nimin khan Bethel Centre, Kawlkhuma Boys Home leh Lunglei Home TNT te a tlawh.
📰 Nimin khan Lok Sabha ah 'One Nation, One Election' bill chu sawi ho anih hnuah pawm a ni. He dan hi kalpui anih hunah chuan rampumah Lok Sabha leh Assembly inthlan a ruala neih tawh tur a ni dawn a ni.
📰Nimin khan Environment Forest & Climate Change (EF&CC) changtu Minister Pu Lalthansanga chuan Conservator of Forest (Eastern Circle) Auditorium, Champhai Bethel Veng leh Interpretation Center, Botanical Garden, Zotlang Hmun hlui a mi chu a hawng.
📰Nimin khan Chief Minister Pu Lalduhoma hovin Mizoram State Project Monitoring Committee te chu CM Conference Hall ah an thukhawm a. Hei hi General Body Meeting an neih vawi 4 na a ni.
📰Ni hnih chhung awh tur Winter Carnival chu Police Training School, Thenzawl ah PTS Principal Pu Ruatsanga Ralte, MPS chuan nimin chhun dar 12 khan a hawng.
📰 BJP hruaitu hlui leh India ram Deputy prime minister hlui LK Advani chu Delhi a Indraprastha Apollo Hospital ICU ah enkawl mek a ni. Pathianni atang khan a hriselna a that loh zual avangin damdawiinah hian dah luh a ni.
📰 Khawvela ui dam rei ber chu Australia rama ui nu pakhat Bluey a ni. He ui hi mak tak maiin kum 29 leh thla 5 a dam a ni. Ui pangngai hi chu a dam rei pawl pawh kum 10 - 15 an ni a, he ui dam rei em em zia hi chu mite hrilhfak a tling a ni. 7 June 1910 – 14 November 1939 chhung he ui hi a dam a ni.
📰 Krismas thlen nan ni 6 chiah a awm ta. Lamtluang chanchinthar lo chhiar ṭhin tute in zavaiin hun tha tak in hman kan duhsak a che u. He kan chanchinthar rawn tarlan hi i chhiar chhuak vek a nih chuan 'CCV' tiin i lo comment ve dawn nia. In comment kan hmuh that hi chuan chanchinthar rawn tarlan pawh hi a phurawm ve thin a.
No comments:
Post a Comment