Sunday, 17 September 2017

17th September 2017 Morning news in Mizo language

LAMTLUANG PATHIANNI ZING CHANCHINTHAR LAWRKHAWM

*Mizoram Presbyterian kohhran te chuan vawiinah pastor bial hrang hrangah Senior Department inkhawmpui ang hmang dawn. Lamtluang thuhriat danin bial thenkhat chuan speaker te ruaiin thupui thlan bik an sawi tir dawn a ni.

*Nimin khan Union culture minister Dr.Mahesh Sharma chuan Aizawl Tuikhuahtlang ah Archaeological Survey of India (ASI) office thar a hawng.

*Vawiinah PM Narendra Modi chuan a piancham vawi 67-na denchhen in Gujarat a Narmada tuikhuah (Sardar Sarovar Dam) hawnna a nei dawn. He tuikhuah hi April 5, 1961 khan khatih laia PM Jawaharlal Nehru khan a khuahna tur lung a phum a kum 56 zet a khuah hna hi thawh a ni.

*India ram a Air Force Marshal ni hmasber Arjan Singh chu nizan dar 7:47 khan Delhi ah lung lam thalo vangin kum 98 mi niin a boral. Lamtluang thulakna in a tarlan danin amah hi India rama Air Force officer te zing a Five Star Rank dawng awmchhun a ni.

*India high commissioner to Pakistan nilai Gautam Bambawale chu China ah sawn a ni a, Pakistan a India ram palai hna thawk turin Poland a thawk mek Ajay Bisaria ruat a ni bawk. Lamtluang thulakna in a tarlan danin China a India ram palai thawk mek Vijay Gokhale chu Ministry of External Affairs ah Secretary (Economic Relations) hna thawk tur a koh haw a ni dawn.

Friday, 15 September 2017

News in Mizo: LAMTLUANG ZINGKAR CHANCHINTHAR LAWRKHAWM

15th September, 2017 (Zirtawpni)

*Niminah khan 23 Assam Rifle headquarters, Khatla, Aizawlah Myanmar ram atanga raltlan Rohingya Muslim te ramri a an lo luh theihna na laka lo inven dan tur ngaihtuah in thutkhawm neih a ni. Lamtluang thulakna in a tarlan danin he inhmuhkhawmah hian Assam Rifles bakah BSF, CRPF leh Mizoram police hotute an tel a ni. Tunlai boruak avang hian India leh Myanmar inrina ramri ah Assam Rifle company 8 dahbelh anni tawh a ni.

*MNF ten Mizoram chhung a inkalpawhna kawngpui chhe lutuk siamthat ngiat a total bandh an huaihawt chu mipui te thlawpna an hmuh that avangin tlai dar 3 khan tihtawp a ni.

*Niminah India Prime Minister Narendra Modi leh Japan Prime Minister Shinzo Abe te chuan Sabarmati Station ah India ram a bullet train project hmasaber tur lungphum an phum. Lamtluang thuhriat danin he project hi rel tlanchak chi tlanna tur a ni a, Ahmedabad leh Mumbai inkar a tlan tur a ruahmanna siam a ni.

*CBSE chuan Sikul hmun hma awmdan a misual ten pawi an khawih theih mai na tur neite chu a ruk a thlalakna CCTV vuah theuh turin hriattirna a chhuah.

*Iraq ram chhim lam a car bomb puak leh silai hmehpuahna thleng vangin nunna chan mi 74 an awm tawh. He thil thleng ah hian mi 93 ten hliam an tuar bawk.

*Kum 2008 a Ahmedabad a bomb tipuak tu a pu Tausif Khan leh rinhlelh dang mi 2 te chu nimin khan Bihar a Gaya district ah police ten an man.

Wednesday, 6 September 2017

CMC VELLORE IN KUMINAH DOCTOR ZIR TUR LA DAWN LO

India ram a damdawiin lar Mizo te pawn kan kan pan nasat, Christian Medical College (CMC) Vellore chuan kumtin an lo kalpui thin MBBS leh Super Speciality course chu Sawrkar in National Eligibility Entrance Test (NEET) a inziak tling te chauh admission pe tur a tih avangin kuminah MBBS leh super speciality doctor zirtur lak loh mai nise an ti. Lamtluang thulakna in a tarlan danin CMC a doctor zirtur hian anmahni college hian admission tihdan phung an neih angin an kalpui thin a, mahse, kumin atangin NEET behchhanin admission pe ve tawh turin sawrkar in a hriattir a hei hi Inrinni liamta a CMC Council thukhawm chuan an kalphung palzutnaah ngaiin doctor zirtur MBBS leh super Specialty te chu kuminah lak loh turin thu an ti tlu ta a ni.

CMC Council thukhawm hian Supreme Court thupek angin kumin ah hian NEET a inziak tling MBBS zirtur 1 leh DM Cardiology zirtur 1 ve ve te erawh chu tihhlawhtlin nan lak nise an ti a, hei bak hi chu  heng course 2 ah te hian doctor zirtur dang an la thar dawn ta lo a ni. CMC hotute hian an college a doctor zirtur lakdan chungchang a sawrkar in NEET bechhan a hmun dang doctor zirna in ang a kaltir an tum chu awmloh an tih avangin court ah lungawilohna an thlen mek a, an mahni tihdanphung ang a doctor zirtur admission kalpui phal sak an nih chhunzawm dawn leh dawn loh chu court hian October thla ah a ngaihtuah sak dawn chauh a ni. Kumin hian P.G course zirtum te erawh chu sawrkar in thupek a chhuah hma khan an lo tih fel hman tawh avangin NEET hian a khawihbuai ve hman ta rih lo a, a pangangai angin zirlai thar tur te pawh lak anni.

CMC vellore hian MBBS zirna seat 100 an nei a, chuta seat 85 chu hnam tlem zawk te tan an hauhsak a, abikin chu seat chu Kristian te tan hauhsak anni a, seat 15 chu a duh apiang te tan an phal sak thung. Chutiang in PG leh Super Speciality course ah te pawh Kristian te tan he damdawiinah hian doctor zir theihna seat tam zawk chu hauhsak anni. Hetiang a Kristian te tan a doctor zirna remchang an kalpui thin hi Sawrkar lam chuan ramchhung doctor zirna in dang te ang bawk a a zirtur hauhsak bik nei lo in, a rualkhai in NEET a in ziak tling chauh te admission pe tawh turin an ti ve ta a ni.

JOURNALIST KAHHLUM A NI

Chanchinbu mi leh social activist nikawp Gauri Lankesh (55) chu a chenna In Bengaluru a Rajarajeshwarinagar ah kahhlum a ni. Lamtluang thulakna in a tarlan danin mi 3 bike a chuang ten a inah hian luchilh in an silai vawi 7 chuang an hmetpuak ni a sawi a ni. Pawikhawihtu te ti tute nge annih hriat tumin police ten an chhui mek a ni.