Lamtluang Online News | Mizo Entertainment News, 6 November 2024: Mizo hmeichhe pathuam zaithiam 'Blue Corn' te music video thar 'Luah loh zun' chuan 1 million view a nei tling ta der mai. An music video thar hi an YouTube channel-ah 11 October 2024 khan an tlangzarh a, tuna he thu ziah lai mek hian view an neih zat chu 1,048,530 a tling tawh a ni. Chawlhkar thum chhungin thlir saktu mi maktaduai khat chuang an nei hman a ni. He an music video thar hi Ephraim Malsawma music siam a ni a, Kings and Prophets-ah recording tiin videography hi Wowv Production kutchhuak a ni thung a ni.
Lamtluanga page-ah pawh kan rawn tarlan tawh angin, Blue Corn te hian kum tam tak hnuah music video hi an rawn nei thar leh a ni a, an music video hi an member Kimkimi hla phuah an sa a, Mizo lengzem hla ngainat tak chi thluk a ni nghe nghe. Hetiang taka kum tam tak an chawlhnua an rawn 'come back' hian an fans te tan a lawmawm em em a, anni pawhin an tifuh hle niin a hriat. Hla thar dang pawh Zofate min la rawn hlui zel turin kan beisei e.
An hla hmasa 'Lunglawm a kim', 'A re, a re lanu', 'Di hlui', 'Hmangaih mengmawite', 'Aw vala vala,' 'Min hlan ve ta che', 'Krisma nang nen' leh hla dang te khan Zofate thinlungah hmun thuk tak a lo chang tawh thin a ni.
Blue Cornn band member Tlingi leh Kimkimi te hi Aizawl-ah chengin Felicia te erawh sap ram lamah an cheng a ni. Blue Corn ten an music video thar 'Luah loh zun' tih hlaa 1 million view an nei hi kan lawmpui em em e.
 |
| Blue Corn, Mizoram girl band |
No comments:
Post a Comment