Lamtluang Online News, 20 November 2024:
📰 Nimin khan Lamka, Manipur-ah CRPF ten Hmar Pasaltha an kahhlum mi 10 te zahna entir nan an kuang chu vantlangin kawngzawhpuina an nei. Amaherawhchu, ruang te hi post mortem result a la chhuah kim loh avangin, damdawiina ruang dahnaa la dah annih avangin kuang lem siamin kawng hi zawhpui a ni.
📰 Vawiinah Maharashtra leh Jharkhand-ah assembly inthlan neih a ni dawn. Maharashtra leh Jharkhand-a vote tla te hi November ni 23 ah chhiar tur a ni.
📰 Meitei pawl lian tak Coordinating Committee on Manipur Integrity te chuan, Zohnahthlak hel pawl te chu dan lo anga che annih avangin, an laka sawrkarin inkahhai puan chu darkar 24 chhunga sut nghal vek turin an phut thu an tarlang. He pawl hian an ngenna hi sawrkarin a zawm lo anih chuan, state leh central sawrkar office zawng zawng khar nghal a ni ang an ti.
📰 US President thlan thar Donald Trump chuan mi hausa tawntaw Howard Lutnick chu commerce secretary atana a ruat tur thu a sawi. Howard hi Cantor Fitzgerald CEO ni lai mek a ni.
📰 India zaithiam lar A.R Rahman leh a nupui Saira Banu te chu kum 29 an inneih hnuah nimin khan an inthen fel tih an puang. Anni nupa hian fa 3 an nei a ni.
📰 Kumthar January 2025 aá¹angin Aizawl veng tam zawkah eirawngbawlna gas home delivery kalpui tum a ni.
📰 Nizan dar 7:30 vel khan Pi Ningngawhluni in,New Champhai, Helipad Biak In mual chu bungraw chuh hman loh in a kang ral a. Pi Ningngawhluni hi a fapa nen chauh an cheng an ni a, he thil thlen lai hi an len chhuah lai anih avangin mihring thi leh hliam an awm lo a ni. In hi Assam type niin in leh bungraw kang ral hlut zawng hi cheng nuai li, sing thum, sang ruk leh za nga (₹436500) vel nia rin a ni.
📰 LAMTLUANG thuthar min ngaihhlut sak tute in za vaiin ni hman nuam vek ule. Like leh comment i uar zel ang u.
No comments:
Post a Comment