Lamtluang Online News, 25 November 2024:
📰 Vawiin aṭangin Parliament thlasik thutkhawm tan a ni dawn a, December ni 20 tileng neih tura ruahman a ni. Bill 16 pharh a ni dawn. Manipur buaina leh mi hausa tawntaw Adani Group te buaina tawh chungchang chu Parliament thutkhawmah hian eptu lam ten an sawichhuah a rinawm hle.
📰 Jharkhand chief minister atan Hemant Soren chu November ni 28 ah lakluh tum a ni. Maharashtra lamah erawh tun thlengin CM tur sawi chian a la ni lo.
📰 US President atana thlan thar Donald Trump chuan Secretary of Agriculture atan Brooke Rollins a ruat. Ti hian a cabinet member tur mi 15 a ruat kim ta a ni. Cabinet atana ruat te hi Senate in a pawmpui an la ngai dawn a ni.
📰 Mizoram Rajya Sabha MP K Vanlalvena'n Manipur buaina chinfel nan chuan, CM Biren Singh chu ban tir a, Manipur-ah President rule puan nise. Chumi hnuah Zo hnahthlak leh Meitei ten in enkawlna hran ve ve nei se tia a sawi chu, Manipur MP Rajya Sabha Leishemba Sanajaoba chuan natakin a sawisel.
📰 Krismas thlen nan ni 30 chiah angai ta e. Kumin Krismas hlim leh lawm taka in hman kan duhsak a che u. Lamtluang chhiartute in vaiin chawlhkar thar hman nuam vek ule.
No comments:
Post a Comment