Wednesday 28 August 2013

27th August Evening news in Mizo (2013)

News collection in Mizo language:

NILAINI TLAILAM CHANCHINTHAR LAWRKHAWM (27.8.2013)

*Tukin dar 9:30 khan Koratpur District, Odhisa ah Maoist ten BSF sipai chuanna motor an lambun a sipai 3 an thi tih hriatchian ani tawh a, hliam tuar an awm bawk. Motor a chuang zat BSF sipai te hi 18 anni.

*Vawiin khan Union cabinet in India rampum a power project 18 kalpui mek a hman tur Rs.Vaibelchhe 83,772 leh power project thar 9 siamna tur atan Rs. Vaibelchhe 92,500 an pawm fel.
 
*Lok Sabha Parliament session neih mek chu 6 sept thleng a neih tur a pawhsei a ni.

*Punjabi pop singer lar tak Daler Mehndi chuan nimin khan congress party a zawm.

*Mizoram sorkar hnuai a Excise & Narcotics Dept ah Sub Inspector hnaruak dil theih a ni. 1.10.2013 thleng a dil theih. MPSC website ah mumal zawk in en theih e.

*Art & Culture Department leh Raja Rammohan Roy Library Foundation thawhdunna hnuaia “Assistance to Public Libraries for Increasing Accomodation” atan Raja Rammohan Roy Library Foundation , Kolkata chuan NGO Libraries building sak nan Rs. 6,00,000/- theuh heng a hnuaia YMA Branch te hnenah hian a rawn pe:-
1) Bairabi South Branch YMA, Aizawl District.
2) Venghnuai Branch YMA, Aizawl District.
3) East Phaileng Branch YMA, Aizawl District.
-DIPR

*Vawiin khan Panagarh khua Bardhaman district, West Bengal a bus accident ah mi 7 an boral a, hliam 45 an awm.

*Rajiv Gandhi Grameen Vidyutikaran Yojana (RGGVY) hnuai ah India sorkar in thingtlang khua maktaduai 3 thum chuang te hnenah kawlphetha (electric) an pe tawh a ni.

*US OPEN TENNIS 2013 SCHEDULE
Men's Singles:
Aug 27, 2013. 8:30 PM (IST)
P. Kohlschreiber vs C. Altamirano
P. Andujar vs T. De Bakker
M. Raonic vs T. Fabbiano
J. Benneteau vs M. Przysiezny

Women's single:
Aug 27, 2013. 8:30 PM (IST)
R. Vinci vs T. Babos
E. Vesnina vs A. Beck
M. Larcher de Brito vs E. Daniilidou
P. Kvitova vs M. Doi

*Rapper lar Eminem chuan kumin 5 November hian album thar MMLP2 chu tlangzarh a tum.      

*Vawiin khan Mizoram in airport a neih chhun Lengui Airport ah power supply a awmloh avang in ram pawn atangin thlawhtheihna eng chi mah a rawn tum thei lo, thlawk chhuak pawh an awm lo bawk a ni. Power supply awmloh lai hian airport Generator pawh a hman theih chuang lo a ni.

*Mexico ram a thingtlang khua mihring 2500 chauh chenna hmun Villa Talea de Castro a mite chuan 17 Aug 2013 khan anmahniin mobile network an bun chawp.

He thingtlang khawte takte hi mobile network operator ten tower bun nan a hlawk dawnlo a an hriat thin avang leh mi singkhat ai a tlem awmna khua a tower bun chu an duh ngailoh avangin engtik lai mah in mobile phone an la hmang ve ngai lo a ni. Mi tlawmngai leh pawl hrang hrang (indigenous groups, civil organizations & universities) te puihna in mobile network an siam chawp ta a, mobile antenna an in chung ah dahin ramdang leh ram chhung hmundang ami te an be pawp ve thei ta a ni.

Hetiang mobile network hian radio-electric spectrum hmangin network a pe chhuak a, a khawmi ten an mahni a an enkawl anih avangin a hming ah pawh an khaw hming chawiin Red Celular de Talea (RCT) an ti a ni.

He khua a mobile network bunna ah hian tlawmngaipawl Rhizomatica ten nasa takin hma an lakpui a, an ram sorkar hnuai a Federal Communications Commission atangin hetiang khawl bun phalna nei turin kum 2 ngawt an nghak a ni.

Tuesday 27 August 2013

27th August morning news in Mizo (2013)

News collection in Mizo language:

THAWHLEHNI ZING CHANCHINTHAR LAWRKHAWM (27.8.2013)

*He thu buatsaih anih lai thleng hian India pawisa hlutna chu nimin aiin a tlahniam,tukin thawhlehni zing ah hian India pawisa Rs.65 leh US $1 a intluk mek a ni. Nimin ah khan US $1 leh India Rs.64.30 a intluk kha ania.

*Health Minister Pu Lalrinliana Sailo chuan afapa hminga damdawi zawrhna license hi August ni 19 khan an cancel tawh thu a sawi,  drug license hi Zokhawthar a damdawi dawr hawnna tur atana an ruahman anih thu a sawi a, mahse a enkawltu tura an ruahman kha an dam theih loh avangin Ramengzuali hi an enkawl lailawk tir ani a ti. -DINGDI

*Ngopa open Tennis khelh zawh takah Men's Single's ah Lalrinawma (NTC) chuan Inocent Lalrindika (ATC) chu 6-1,3-6,6-3, a hnehin a champion a, Champion hian tangkafai Rs.8000 a dawng a, runner Up hian Rs.4000 a dawng thung. Men's Double's-ah Hruaitluanga leh Jonhy-a (NTC) te chu an champion bawk a,Boys U-16 ah Lalnuntluanga (NTC) a championa. Veteran's Single's ah K.Lalnunmawia (ATC) a champion ani. -DINGDI

*Damveng YMA chuan Inter Branch zaipawl intihsiak 2013-a pakhatna an nih Dam veng YMA Hall, Aizawl ah an lawm dawn a, pakhatna an nih hriat-rengna lungphun bialtu MLA Col. ZS Zuala’n a nei ang. -DINGDI

*Nizan a Lok Sabha a Food Security Bill 2013 passed tak chu India rampum a mirethei vaibelchhe 82 ten an chhawr tangkai tur a ruahman a ni. He bill in a ruahman ang chuan mirethei ten buhfai, wheat leh chawhmeh te thla tin 5Kg an chang ang a,a man pawh Rs.1 leh Rs.3 inkar vel sengin an lei thei tawh dawn a ni.

*Nimin a Parliament house a awm lai a damlo thut  Congress President Sonia Gandhi chu darkar 5 AIIMS hospital ah enkawl a nih hnuin nizan khan in lamah inenkawl chhunzawm turin haw tir a  ni.

*India pawisa hlutna a tlakhniam nasata vangin electronics bungrua (TV, Mobile phone leh computer, laptop etc) te a man a kaisang chho zel a, tunlai hi hetiang bungrua lei nan a manhla hrih lo a ni.

*Malaysia a Men's Asia Cup hockey tournament  khelh mek ah India chuan semi final an lut ta. Nimin khan defending champion South Korea 2-0 in an hneh a ni. Kum 2003 leh 2007 ah khan India hi Asia  mipa hockey champion an lo ni tawh a ni.

*Nizan khan US Open tennis khelh hmasaber ah khawvel a tennis thiam lar Rafael Nadal, David Ferrer leh Venus Williams te chuan an khingpui te awlsam takin an hneh theuh a ni.

*Syria ram a chemical weapon hman anih chungchang ah UN Inspection team te chhiatna thlenna hmunah Syria sorkarin kal a phalsak ta. Nimin khan UN Team te hi motor 6 ah chuangin enfiah hna thawk tur a an kal lai chu mi tutihhriatloh in silai in an chuana motor an lo kap a ni. Syria ram thil thleng avangin hian US leh UK sorkar hruaitute chuan an dem hle in tharum pawh a tul chuan hman mai an hnial lo ni a lan laiin Russia sorkar erawh chuan chemical weapon an hmang ngei em tih finfiahna engmah hmuh a la nih loh avangin thuthlukna siam nan a la hma an tih thu an sawi.

*Nimin khan Rajya Sabha ah hmeichhiate hamthat zawkna tur Hindu Marriage Act (1955) leh Special Marriage Act (1954) te chu passed a ni.

*Nimin khan Hyderabad a damdawi siamtu company  Bharat Biotech te chuan typhoid vaccine thar Typbar-TCV chu nausen thla 6 ataga puitling te hman theih tur an siam chu an tlangzarh.

*Vawiin hian Delhi Assembly session fur thutkhawm tan a ni dawn a, a vawikhatna atan an session neilai hi internet atang a entheih turin live webcast a pek chhuah a ni dawn. Assembly session live webcast hi Bihar leh Rajasthan te pawn an lo hmang tawh a ni.

*Kum 1789 vawiin ang ah hian French Revolution lai niin khawvel a a hmasaber atan mimal tin te hian zalenna intluk tlang kan nei a, dan hma ah kan intluk tlang vek a, sorkar pawh mimal nilo in mipui thlan chhuah ten an enkawl tur a ni tih dan Declaration of the Rights of Man chu French National Assembly ah pass a ni. Hei hi tunlai a human rights ti a kan hriat lar rawn pian chhuah nan bul tanna pawimawh tak pakhat a ni.
----------------
"Darkar 24 hma lam a ka hmingchhiat na chhan kha ka ngaihtuah let hian thawhlehni a ka tih chu nise mak ka van ti dawn tak em" -Aron Ralston

26th August Evening news in Mizo (2013)

News collection in Mizo language:

THAWHTANNI TLAILAM CHANCHINTHAR LAWRKHAWM (26.8.2013)

*India Parliament rorelna Lok Sabha ah Food Security Bill chu passed a ni ta.

*Vawiin khan Congress President Sonia Gandhi chu Parliament ah a damloh thut avangin AIIMS ah hruai a ni.

*Mizo music video thar "German rallian" Lunglei Bazar veng YMA te buatsaih chu youtube ah en theih in upload a ni ta. A link chu a hnuai a mi hi a ni e:
http://www.youtube.com/watch?v=YXLLaqkJWSc&feature=youtu.be

*14th MTI Senior National Muaythai Championship, LB Stadium, Hyderabad a neih meka vawin 26/Aug thlenga Mizoram Team dinhmun:
quarter final -2, semi final - 2, final-1
(Mizoram atanga rawn kal bakah hian, Samuel Lalrozama Bangalore, India coach nilai chu Mizoram Team ah hian a bet tel bawk) -Rotluanga Ralte via Hydeabadmizo group

*Vawiin hian Director Sports & Youth Services Office chamber-ah Pu Lalzirmawia Chhangte, Director Sports & Youth Services chu Mizoram Bharat Scouts & Guides State Chief Commissioner atan lak luh a ni. Lak luhna inkhawm (induction ceremony) hi Rev. Dr. C.L. Hminga, Vice President Mizoram Bharat Scouts & Guides in a kaihruai a, Bharat Scouts & Guides Flag chelh chungin Pu Lalzirmawia Chhangte chu thutiam (Scout Promise) neih tir a ni a. -DIPR

*Higher & Technical Education Department hnuaia Training & Placement Officer hna lak tura Employment Exchange kaltlanga koh te tan Syllabus Technical Wing, Chaltlang-ah dt 23rd August, 2013 atangin lam theih a ni

*Naktuk hian Serchhip ah NLUP pangngai chhawr phalo mirethei zawk te tanpuina tur Chief Minister's Special NLUP scheme chu CM Lalthanhawla'n hawnna a nei dawn.

*India ah zanin dar 8:30 atangin US Open tennis TV ah entheih ang, TEN Sports leh TEN HD channel ah i lo thlir dawnnia current a awm chuan :-)

*Mobile phone tello a awm theilo tlat a inhriat na hi a saptawng chuan 'nomophobia' an ti. UK a researcher te sawi danin i chhungte leh thiante ai a mobile phone i ngaipawimawh tawh zawk anih chuan 'nomophobia' i vei tih na a ni. Nomophobia tih hi a awmzia chu 'no mobile phone phobia' tih a ni. -RK Jinhlawng 
*Assam a Cachar District a Rongpur a buaina chhuak ah mi 30 in hliam an tuar, sakhaw biakna hmun ah mi tutih hriatloh ten an thil huat zawng nizan a an lo dah avang he buaina hi lo chhuak ni a sawi a ni.

*Vawiin hi Mother Teresa piancham vawi 104-na a ni. Kum 1910 ah Republic of Macedonia ah a lo piang a, kum 1929 ah kum 18 mi niin India ramah rawngbawl turin a lo kal a ni. A piancham pual hian a thihthleng a rawng a lo bawlna hmun Missionary of Charity, Kolkata ah tawngtaina hun hman a ni ang.

*Vawiin khan Lok Sabha ah mirethei ten man tlawm zawk a chaw eitur an lei theihna tur Food Security Bill 2013 chu put luh a ni ta.

*EPL RESULT & SCHEDULE
Sunday, 25 August 2013
Cardiff City 3-2 Man City
Tottenham 1-0 Swansea City

Tuesday, 27 August 2013
12:30 am (IST)
Manchester United vs Chelsea

Monday 26 August 2013

26th August Morning News in Mizo (2013)

News collection in Mizo language:

THAWHTANNI ZING CHANCHINTHAR LAWRKHAWM (26.8.2013)

*Lai Students Association ten an lo ruahman lawk angin tukin dar 6 atang khan Lawngtlai ah total bandh an huaihawt a, boruak tha lo a awm hriat a ni rih lo bawk. -ZOnunsanga Khiangte via Zonet Zing Daifim 

*Zoram Nationalist Party te chuan an vice president K.Liantlinga hoin vawiin atang hian Aizawl atangin Lunglei thleng turin kawngzawh 'Save Mizoram Long March' an tan dawn a, zing dar 9-ah Vanapa Hall kawt atangin an chhuak ang. He kawngzawhnaah hian khaw pasarihah an riak dawn a, September 3-ah Lunglei thlen an tum a ni. -Vanglaini

*Nimin khan Uttar Pradesh sorkar chuan Hindu pawl pakhat Vishwa Hindu Parishad(VHP) ten intawhkhawm 84 Kosi Parikrama Yatra neih an tum avangin Hindu sakhaw puithiam leh VHP pawl a mi 2,100 an man a ni.

*2009-July 2012 chhung khan  Food Corporation of India (FCI) kudam(godown) a eitur dahthat 17,546 tonnes chu a ei loh in a dah chhiat a ni.

*LPS Comedian Search Season 6-na chu 25 September 2013 atangin tan a ni leh dawn ta.A tel duh tan form hi LPS Vision Office, Zarkawt-ah te; LPS-9 Office, Dinthar-ah leh Bikers' Den, Bazar Bungkawn-ah te lakchhuah theih reng a ni. Lawmman hi pakhatna cheng 50000+Trophy+Citation, pahnihna cheng 30000+Trophy+Citation, pathumna cheng 20000+Trophy+Citation a awm dawn a; hei lo pawh hi lawmman dang dang siam a ni dawn bawk. -TSa Khupchong.

*Sorkar laipui chuan medical zirlaite tan postgraduate seats tih pun a nih  zeltheih nan hman an la mek niin an sawi.

*Uttar Pradesh a Deputy Inspector General,National Tiger Conservation Authority tanglai SP Yadav chu Rajiv Gandhi Wildlife Conservation Award 2009  pek niin  Amrita Devi Bishnoi Wildlife Protection Award 2010 chu mi pahnih Saurabh Gupta leh Gaurav Gupta te hnenah pek anni.

*Nimin khan Sibsagar district ah Assam helpawl ULFA (Independent) hruaitu 6 te sipai te hnenah an in pe.

*Zanin atangin US Open Tennis tournament chu New York, USA ah tan a ni dawn. Khawvel a tennis thiar lar Novak Djokovic, Andy Murray, Rafael Nadal, te Agnieszka Radwanska an tel dawn a ni. India atangin Somdev Devvarman chu single ah atel ve ang a, mipa double ah India mi Leander Paes, Mahesh Bhupathi, Rohan Bopanna, Divij Sharan ten ramdang mi theuh tanpui neiin an tel ve dawn bawk.Tin,Sania Mirza pawh hmeichhe Doubles ah China nula Zheng Jie nen an tangdun leh ang.

*Nimin khan US President Barack Obama leh British Prime Minister David Cameroon te minute 40 chhung  telephone a inbia in Syria sorkar chu civil mtite lakah chemical weapon a hmang leh a nih chuan na taka an chhan let tur thu an sawichhuak a ni. Syria sorkar hian chemical weapon hi sorkar hman nilo in helpawl ho hmanni niin tan an khawh ve char char a ni.

*Kum 1934 vawiin ang ah khan Aldolf Hitler chuan France sorkar hnenah SAAR region chu German sorkar hnenah hlan chhawng turin a phut a ni. Indopui I na lo tawp khan helai ram hi ramtha leh industry tamna ram a nih avangin Versailles hmuan inremna thuthlung (Treaty of Versailles) an ziah angin German lak atangin UK leh France ten an awp a, lungalhthei laichhuahna hmunpui a ni.

*Vawiina h West Bengal assembly budget session neih tan a ni ang a, Parliament Lok Sabha ah rokhawlhna a awmloh chuan Food Security Bill 2013 chu put luh a ni ang.
-------------------
"Finna dik tak chu engmah i hrelo a nih tih i inhriatna kha a ni." Socrates

25th August news in Mizo

News collection in Mizo language:

PATHIANNI CHANCHINTHAR LAWRKHAWM (25.8.2013)

*Hindu pawl pakhat VHP hotupa Pravin Togadia chu tukin ah Uttar Pradesh a yatra(punkhawm) huaihawt an tum avangin police in an man. UP Sorkar hian VHP ten an state chhung a yatra neih an tum hi karhmasa lamah khan an phalloh thu dan hmangin thu an lo chhuah tawh a ni.

*US President Barack Obama chuan damdawi atana marijuana zawrh ve phal tur a pawl thenkhat in an nawrna chu a hnawl a ni. -Jessierki, Doha

*"I nunah Pathianni hi dahbo phal suh ang che, Pathianni tal i ngaihpawimawh tawh loh chuan i thlarau nun chu fahrah a ni." - Albert Schweitzer

*Sania Mirza leh Jie Zheng te chuan New Haven Open Tennis, USA a Yale a khelh zawh tak ah Women Double champion anni.

*Asia Men's hockey tournament ah nimin kha India in khelkhatna ah Oman an hneh.

*Mizoram Presbyterian kohhran te chuan zanin inkhawm ah Mizoram Inthlanpui lo awmtur denchhen in Biak In tinah "Ram chu Lalpa ta a ni" tih thupui hmangin sermon ngaihthlak a ni dawn. Kohhran tin ten "Mizoram tan" tawngtai rualn an nei bawk ang.

*National Crime Record Bureau in an chhut danin India ramah hian minute 20 dan zel ah khawilai hmun ah emaw tal hmeichhia ten pawngsual an tawk a ngaih theih a ni. 2010 atang khan India ah pawngsual thleng zat chu 7.1 % in a pung a, kum 10 kalta atang khan kumtlinglo pawngsual tawk zat pawh 336% a tling hman a ni.

*25-28 August 2013 a Muay Thai tournament, LB Stadium, Hyderabad a neih turah Mizoram Team (Mipa 7 leh Hmeichhia 1, Manager 1) te an tel ve dawn. -LRK Hauhnar

*Karleh thawhtanni atangin US Open tennis khelh tan a ni dawn, India tennis thiam Somdev Devvarman pawh khel thei zingah thlan a ni.

Sunday 25 August 2013

Saturday evening news in Mizo (24.8.2013)

News collection in Mizo language:

INRINNI TLAILAM CHANCHINTHAR LAWRKHAWM (24.8.2013)

*Mizoram mipuite hian dan tha kan nitin nun a kan hman tur leh ram inawpna tha neih na turin kan mamawh hle. Kan MLA te hi dan siamtu (legislator) anni a, Assam min awp hunlai a dan tam tak hi kan tunlai nun nen hian a inmil lo awm nual tawh ang. Mipuite pawh in kan rilru put hmang kan tih zauh angai, vengchhung/khawbil kan ngah lutuk te hi kan buai na ti tam tu a ni,kan khawpui ber ah pawh veng ramri hian kan thinlung a la luah thuk lutuk hi a pawi, khawvel khawpui lian a cheng ho hian veng bil feeling an nei ngai lem lo. Veng/khua ramri ni lo in Mizoram ramri hian min hung se, chumi chhung ah chuan hnam khat te chu rilru zau tak pu in mahni veng/khua tan chauh sawi lo in khawsak tlan kan zir a tha tawh hle mai he kum zabi 21 piah lamah hi chuan.

*An khaw tlangval in kut a tuar lungawilo in Sihphir tlangval leh pa rual ten vawiin tunah hian Lungdai an pan leh mek, intualvuak duh hial in an boruak a tang thar leh niin LPS Special report neitu Pu Vana'n a sawi. Police ten buaina hi dan tumin hma an la mek.

*Syria tualchhung buai na kal zel ah chemical weapon an hmang ni a hriat avangin US chuan an indo lawng te Mediterranean tuipui ah a chhawp hnai ta sauh sauh mai. Barack Obama chuan UNO kaihhruaina hnuai a Syria ram buai a inrawlh mai tha a ahriat thu a sawi.

*Pu Vanlalenmawia, Addl.Dist.& Session Judge, Lunglei chuan Chawnghnuna Bungkawn Nursery Veng, Aizawl nikum June thla a Lunglei Ramthar Venga Lalmawizuali (42) Silaia kaptu chu kum 5 tang tur leh Rs.2000/- chawi turin nimin khan a chungthu a rel sak.

Chawnghnuna leh Lalmawizuali te hi nupa anga khawsa thin an ni a, fa pawh pahnih an nei nghe nghe a. Ni 4.6.2012 tlai dar 6 vel khan Chawnghnuna hi Lalmawizuali te chenna In Lunglei Ramthar Vengah silai kenga lutin .22 Maniature Riffle in Lalmawizuali hi a awmah a kap a, Mawizuali hian hliam tuar chungin Chawnghnuna hi a vabawh nghal a, vawikhat bak a kap hman ta lo a ni.Hetia silaia a kah hnu hian Chawnghnuna hi a tlanchhe zui nghal a, Police ten an zawn hnuah an man a, Section 307 IPC leh Section 27 Arms Act hnuaiah thubuai ziahluh a ni. Court in thuhretu 13 a koh hnuah he thubuai hi rinhlelh rual lovin finfiah a ni e, tiin Court hian thutlukna a siam ta a ni. Lalmawizuali hi hun rei tak damdawiina a awm hnuah a dam chhuak leh a ni. -E Rita Fanai via Special Report group

*China ram ah telphawk thli(typhoon) a tleh avangin mi nuai 3 chuang in an tuar a, mi singthum chuang in leh lo a ti chhia, mihring bakah thlai leh ran te pawn an tuar nasa hle.

*Delhi High Court chuan nimin khan facebook leh google te chu an website ah an company Grievances Officer te hming leh an contact details tarlang turin a hriattir.

*Tukin zing atang khan Lungdai leh Sihphir khuate chu ramri chungchang ah an intibuai a, police ten buaina tih reh tum in an awmchilh mek ni a sawi a ni.

*Bazar veng YMA Branch Lunglei te buatsaih 'German Ral run' music video chu nimin khan tlangzarh a ni ta. He music video hi Leitlang Picture product a ni e.

*Tennis World No.1 Novak Djokovic chu nimin kha UNO General Assembly ah thusawina hun pek a ni a, a thusawina ah Pete Samprass a ngaihsan thu leh amah ang nih ve tum a kum 13 chuang a lo beih ve dan te a sawi lang a ni. Karleh a US Open khel turin a inbuatsaih mek a ni.

Saturday 24 August 2013

Saturday Morning News in Mizo (24.8.2013)

News collection in Mizo language:
 
INRINNI ZING CHANCHINTHAR LAWRKHAWM (24.8.2013)

*Mizoram a April-June, 2013 chhunga TB vei thar hmuhchhuah zawng zawng chu 592 an ni a, an zinga mi 223 chu an khakah TB hrik hmuh an ni a, 91% chu enkawl dam an ni. Kum 2012 chhung khan Mizoramah TB natna 79 an awm a, kumin January-June thlenga thi zat mi  43 an awm bawk. Mizorama MDR-TB vei hmuhchhuah zingah mi 7 chu an thi tawh bawk a ni. -DIPR

*Nimin khan Champhai Zote IIDC Grape Festival a ni 2 na neih chhun zawm  niin chawhma lam official function neih a ni a, chawhnu lamah hian Zaithiamten hun an hmang a,  hnamlam chi hrang hrang tarlan anih bakah Grape in eitam siak leh Wine in intam siakna leh Grape Festival Girl puanna leh lawmman semna neih a ni. -DIPR

*Mizoram University Sports vawi 12-na chu nimin khan zawh a ni, a pumpuiah Hrangbana College an champion. Hrangbana College hian gold 5, silver 1 leh bronze 2 an la a; 2-na Pachhunga University College-in gold 2, silver 2 leh bronze 3 lain, 3-na Govt. Aizawl College-in gold 1, silver 5 leh bronze 2 an la a ni. -Vanglaini

*RMSA sum Cheng nuai 35, 25,000 senga sak Electric Veng Govt. High School Lunglei Building sakbelh chu nimin khan HPC Vice Chairman Pu.Joseph Lalhimpuia'n a hawng. -DIPR

*Lai Students Association ten karleh thawhtanni thleng a sorkar atanga an thil ngiat tihhlawhtlin na thu an dawng lo a nih chuan Lawngtlai ah total bandh huaihawt an tum.

*Aizawl New Market-a sa zawrhna building chu a rang thei ang bera thiat tur leh December 31, 2013 ral hmaa thiat zo tur Aizawl Municipal Council chuan thupek an chhuah. Building neitu (Trade & Commerce department)-in hun pek chhunga a thiah loh chuan, AMC-in a thiat ang a, a thiahna senso chu a neitu tum tur a nih thu an tarlang. -Vanglaini

*Comptroller and Auditor General in an tarlan danin in India hmanlai thil hlui chi hrang hrang Archaeological Survey of India an enkawl mek 92 te chu chhui chhuah theih tawhlo in a bo a ni.

*Union food processing industries minister Sharad Pawar chuan nimin khan Parliament ah India hian a dahthatna tha a neih tam tawk loh vangin kumtin Rs.Vaibelchhe 44,000 hu chaw eitur ati chhe thin niin a sawi.

*Ningani khan Myanmar sipai ten Manipur a Kuki te chenna Holenphai thingtlang khua chu an ram chin ni a sawiin temporary camp rawn siam an tum a, Moreh additional deputy commissioner (ADC) in Myanmar sipai hotu hnen ah an thiltum chu India leh Myanmar sorkar hotuten an sawi fel hma chu chawlhsan rih turin a ngen a ni. -ToI

*Vawiin hian Asia Cup Men's hockey tournament Malaysia ah tan a ni dawn, India team ten Oman an tum ang. He ta champion ram te chu World Cup qualification match an tlang nghal dawn a ni. -AIR

*Reserve Bank of India in bank 6- Allahabad Bank, Bank of Maharashtra, Corporation Bank, Dena Bank, IDBI Bank Ltd. leh Indian Bank te hnenah Know Your Customer guidelines an bawhchhiat vangin Rs.Nuai 50 atnga vaibelchhe 2 chawi turin a hriattir.

*Vawiin hian All Bodo Students Union leh pawl dang ten Bodoland state thar siam ngiat a tiamchinawmlo a chawnghei an neih mek chuan a ni 3-na a tling ta.

*India civil nuclear project lianber Kudankulam nuclear reactor chuan kumin october thla tawp hian 1000 Megawatt a pe chhuak thei tawh dawn niin sawi a ni.

*Nimin khan Pakistan in India mi 337 tanin atang in an chhuah, heng mitang tamzawk te hi sangha mantute anni.

*Sorkar in national e-mail policy tihchhuah thuai an tum a, sorkar departments leh Indian embassies a thawk te chu sorkar enkawl NIC server hnuai e-mail hmang theuh turin hma an la mek a ni.

*Lok Sabha fur thutkhawm neih mek ah hian 88% chu a lo thlawn a hmanzawh a ni, ni 16 chhung thutkhawm neih tur ah ni 10 chhung chu member ten bengchheng an siam vangin awmze awm mang lo a hman ral a ni.

*Vawiin tlai dar 4:30 hian Jharkhand cabinet minister thar te lakluh anni ang.

*Kum 1456 vawiin ang ah khan Germany ramah khawvel a printing press a Bible chhut hmasak ber chu zawh a ni. He bible hi Gutenberg Bible tia hriat niin printing press hmuchhuaktu Johannes Gutenberg an a chhut a ni a, a hunlai chuan Catholic kohhran ten printing press a Bible chhut chu an dodal a ni. Bible hi press a chhut anih hma chuan kutziak leh thing atanga siam hmarua hmanga ziah a ni thin a ni.
-------------------
"Inrinni zan a in a i awm lai a telephone alo rik a i phone dawn tur a ni lo tih i lo rin lawk nghal chuan kum 40-60 inkar (Pavalai/nuvalai) ini ve ta tihna a ni e."- Ogden Nash
------------------
Lamtluang page hi i thiante lo like tir ve la aw, i lo sawi darh loh chuan rin tur dang kan nei lo a nia, share tih kha click la i wall/group ah te lo share chhawng ve zel ang che aw.

Friday Evening news in Mizo (23.8.2013)

News collection in Mizo language:

ZIRTAWP TLAI CHANCHINTHAR LAWRKHAWM (23.8.2013)
 
*Nimin tlai dar 3:30 vel khan Lunglei - Zawlpui Bus in Lunglei Electric veng a Chhimtlang Academy hungna bang a su chhia a, sikul naupang 1 in hliam a tuar. -Chhuana Daily Post via Lunglei Chanchinthar Group

*Nimin khan Lebanon helpawl ten rocket 4 hmanga Juda te chenna an kah avangin Israel chuan indo thlawhna hmangin a bei let. Israel PM Benjamin Netanyahu chuan "Israel bei tu leh beih tum ten hei hi lo hre rawh se kan bei let zel dawn" ti hem mai.

*Aizawl Temple - Sakawrtuichhun inkar city bus tlan thin te chu kawngchhiat chhung Aizawl lam atangin Ropaiabawk thleng an thlan hrih dawn.

*Khawvela mobile phone/cell phone hmang hmasaber chu Martin Cooper a ni a, 3 April 1973 khan Seven Avenue, New York atangin telephone siamtu ve tho Joel S. Engel, Bells Lab manager ava bia a ni. Martin Cooper hi motorola company dinchhuak tu niin "Father of the cellphone" tih a ni chhunzawm ta hial a ni.

*Mizoram ah 2003 khan BSNL in mobile phone service an pe chhuak tan a, khatih lai khan SIM card neih tum in Telephone Exchange, Upper Khatla ah mipui an intlar thui thei hle a ni. Kan hriat sual loh chuan khatih laia Governor A.R Kohli kha Mizoram a mobile phone hmang hmasaber a ni.

*Naktuk chhun dar 11:30 ah Zoram Thalai Pawl din duh tu ten Engineer's Club, Babu Tlang, Aizawl ah inhmuhkhawm na an nei dawn.

*Vawiin tlai ah khan Lunglei Ramthar veng a mi Lalmuanawma (12) chu an inkhel haw tuihawk in a la a, a ruang hmuh a ni tawh a, a u Lalmuanpuia leh an thianpa Lalrinmawia te Lunglei Civil Hospital ah enkawl mek anni bawk.

Friday morning news in Mizo (23.8.2013)

News collection in Mizo language:

ZIRTAWPNI ZINGLAM CHANCHINTHAR LAWRKHAWM (23.8.2013)

*Vawiin ah Mizoram University Sports neih mek chu khar a ni dawn. Mizoram University ah 23,26&27 Aug chhung in kawng chhiat avangin zirlaite tan class an titawp hrih dawn.

*Nimin khan Mizo Students' Union, Shillong te chuan kaltharte lawmna 'Freshers Social' an hmang a, Minister Zodintluanga kuallian a ni.

*Nimin khan Art & Culture leh Mizo Academy of Letters, Lunglei Joint Hqtrs. te huaihawt in Lunglei ah Roliana Ralte leh KC Lalvunga (Zikpuii pa) te chanchin zir ho na neih a ni.

*Mizoram College Teacher Association ten an thil phut sorkar in tihhlawhtlin a tiam avangin an nawrh an ti tawp a, vawiin atangin a pangngaiin an hna an chhunzawm dawn.

*Lai Students' Association ten vawiin ah a ni 2 na atan Lawngtlai a zirtirtu dah belh ngiatna entirnan sorkar hnathawk te office kai tur an dang chhunzawm leh dawn.

*Nimin khan Union Cabinet chuan Court a Judge tangtur te ruatna tur National Judicial Appointment Commission Bill an pawm, he bill in a ruahman dan chuan judge ruat thar tur commission chu Chief Justice of India kaihhruaina hnuai ah judges tanglai senior ber 2 te leh Union Law Minister leh khua leh tui zinga mi hmingtha 2 an tel dawn a ni, khua leh tui tha 2 te hi PM leh Opposition leader leh CJI ten a huho in an thlang ang.

*Telecom Regulatory Authority of India chuan thupek khauh tak chhuah in mobile phone operator tupawh Telemarketing hnuai a in register lo te tumah sumdawnna leh hlawkna lam thil mobile phone kal tlanga phone call leh sms thawn chhuah phallo turin a hriattir. He thupek zawmlo a hetiang sumdawnna an enkawl mobile phone hnuaia ti an awm hriat anih chuan vawi 1 dan bawhchhiah ah Rs.5,000 an chawi tir zel dawn a ni.

*Hmeichhe tleirawl kum 22 mi Lifestyle magazine a photography internship ti mek chu shooting an neih laiin nizan kha Mumbai ah pawngsual a ni.

*West Bengal Police tan nimin tlai a Gorkhaland state siam ngiat tu Gorkha Jhanmukti Morcha hruaitu lawk zing a mi Binay Tamang chu an man avanga lungawiloh entir nan Darjeeling ah Gorkha hruaitu man bang zawng ten tiamchin awmlo a chawnghei huaihawt an tum.

*AICC Gen. Secy Digvijaya Singh chuan kum 10 chuang inthlan ah a in candidate loh hnu in 2014 Lok Sabha inthlanpui neih hunah Opposition Leader Sushma Swaraj bial Vidisha, Madhya Pradesh ah din a chak thu a sawi.

*India pawisa hlutna a tlakhniam zel laiin HDFC leh ICICI bank ten insakna tur loan rate an ti sang ve mek bawk.

*Kum 1839 vawiin ang ah khan First Opium War thlen lai niin British sipai ten China sorkar awp mek Hongkong thliarkar chu an la a, he thliarkar hi British hian kum 99 teh meuh awp chhunzawm in kum 1997 khan China kut ah a hlan let leh ta chauh a ni.
--------------------------
*Zing i thawh hian heng thaw thei, ngaihtuah thei, hlim thei, hmangaih thei a kan la awm te hi nungdam a awm te kan vanneih bik zia lantirtu a ni tih i hrechhuak thin dawnnia. - Marcus Aurelius
--------------
Lamtluang page hi i thiante kha lo like tir ve thin la aw. Tuk chhuah nuam vek ule.

Friday 23 August 2013

Thursday Evening news in Mizo (22.8.2013)

News collection in Mizo language:

NINGANI TLAILAM CHANCHINTHAR LAWRKHAWM (22.8.2013)

*South Asia Christian Youth Network (SACYN) Conference 25-31 Aug 2013 a Jaffna, Sri Lanka a neih tur ah Central KTP hruaitu 2 Dr.H.Lalthanzara leh Dr.Julie Remsangpuii te an tel ang. -Synfocity

*Kawng chhiat avangin 23, 26 & 27th August, 2013 ah te Mizoram University zirlaite tan class suspend a ni. Teaching & Non-teaching staff te chu Ropaia Bawk thleng bus in kal theih ang a, chumi thlang lamah chuan bus dangin a lo nghak leh dawn a ni.

*Vawiin ah khan Tamil Nadu khawpui Chennai chuan kum 375 hmel a hmu. Chennai khawpui hi Madras tih a ni thin a, 1996 ah Chennai ti a thlak a ni. He khawpui hi 1639 ah British administrator Francis Day along leh Andrew Cogan ten an din a ni. April 23, 1640 ah kulh Fort St.George chu sak a nia, he kulh hi 1746-49 ah French ho in British an laksak a, mahse 1949 ah British ten an chang let leh a ni.

*Kumin kum tawp Mizoram Legislative Assembly inthlanpui lo awm tura inpuahchahna atan sorkar hnathawkte training peturinElection Commission ofIndia,New Delhiatangin sorkar mi pawimawh ten Mizoram an rawn tlawh.

Deputy Election Commissioner pahnih Vinod Zutshi leh R. Balakrishnan bakah Director General pahnih PK Dash, Ashish Srivastava leh Secretary S.K.Rudola ten nimin khan Aizawl lo thlengin I&PR Conference Hall-ah meeting pawimawh tak an nei nghal a. He meeting-ah hian Mizoram Chief Electoral Officer Ashwani Kumar, Mizoram District pariat atangin District Electoral Officers (DEO) te leh SP te an tel a ni.

Vawiin chawhma khan New Secretariat Complex-a Chief Electoral Officer Pu Ashwani Kumar office-ah ECI mi pawimawh te hian ADGP (Law&Order) leh senior Police Officer dangte, Police Academy Director leh Election Department hotute nen meeting pawimawh tak an nei a. Meeting neih zawh hian Deputy Election Commissioner pahnihte hian Aizawl an chhuahsan a ni.

Vawiin vek khan ECI thuneitute kaihhruaiin I&PR Auditorium-ah Expenditure monitoring leh paid news chungchangte, District Election Management Plan leh Vulnerability Mapping (DEMP & VM), Postal Ballot, Voter Slip leh inthlan kaihhnawih thil pawimawh chi hrang hrang zir ho a ni a. District tin atanga DC leh SP te, RO, ARO leh EO te he training-ah hian an tel a. Training hi ECI Director General PK Dash, Akshay Rout leh Ashish Srivastava bakah Secretary Sumit Mukherjee ten an kaihruai a ni.

Training hi naktukah chhunzawm a ni ang. -DIPR

*Pi K Zohmangaihi, Zarkawt thih chungchang ah a thattu Lalremruata u Lalmuanpuia chu a ruang senghawi puitu ah inhnamhnawih ve niin police hma ah inpuang tiin Evening Post chanchinbu chuan an tarlang

*Vawiin tlai ruahsur vangin Sesawng a Pu Lalnilawma in a chim, thi leh hliam an awm lo ni a sawi a ni.

*Radio neilo tan All India Radio Aizawl station chanchinthar zinglam dar 7:30 leh zan dar 6:30 a mi te a hnuai a link ah hian online in a ngaihthlak theih e. Aizawl tih ah khan i ngaihthla mai dawnnia
http://www.newsonair.com/Regional-Audio-Bulletins-News-schedule.asp

*Union cabinet chuan vawiin 22.8.2013 khan Supreme court in a nawrna angin court thubuai neite chu MP annih na atanga hrem theih na tur Representation of the Peoples Act amendment chu an pawm. He dan siamthat ah hian MP te chu court thubuai an neih chuan ban tawp lo in an thubuai a fel hma chuan vote an thlak thei lo ang a, hlawh leh hamthatna an chan te tihtawp sak anni ang a, tin MP te chu reilote thubuai nei annih chuan vote an thlak thei tho ang a, an thubuai fel hnuah inthlan pawh an chuh thei tho natur in dan hi siamthat a ni.

*Robert Mugabe (kum 89) chu a tum 7-na turin Zimbabwe President atan 22.8.2013 khan lakluh a ni. Lakluh inkhawm hi Harare sports stadium ah neih a ni.

*22.8.2013 khan Chinmoy Bhattacharjee, Kolkata chuan 24th National Photo Contest 2013 ah lawmman 1-na a la. He thlalak contest hi Photo Division, Ministry of Information and Broadcasting te buatsaih niin  Sustainable Energy for All tih chu thupui(theme) atan a hman a ni. Lawmman 1-na la tu thlalak hian Joy of Energy tih caption ah hmangin colour section atanga thlan chhuah a ni. Intihsiak ah hian India ram state 13 atangin thlalak 439 a lut a ni. 2-na chu Santosh Kumar Jana, Midnapur niin  Rishabh Mittal, Indore chu 3-na a ni. 

Thursday 22 August 2013

Thursday morning news in Mizo (22.8.2013)

News collection in Mizo language:

NINGANI ZING MIZO TAWNG CHANCHINTHAR LAWRKHAWM (22.8.2013)

*Vawiin hian Lai Students’ Association, General Headquarters; Lawngtlai bul tumin Gov’t Region Higher Secondary School, Lawngtlai-ah Sociology leh Geography zirtirtu Post siam tawh, tun thlenga sorkarin an la dah loh kar nan Lawngtlai a sorkar office leh zirna in zawng zawng ah te office kal tur te lo dan (picketting) beh an tum.

*Zarkawt Nu, K.Zohmangaihi rawng taka thah chungchangah a pasal u, Lalmuanpuia chu thuzawh fiah turin Police ten manin Central Jail-ah an dah nghal. -DINGDI

*Mara Thyutlia Py (MTP) gen.hqrs chuan Saiha district-a doctor pahnih sawn chhuah duh lohna lantirna leh a thlaktu tur dah thuai tura sorkar an ngenna tihhlawhtlin a nih loh avangin vawiin hian zing dar 5 aá¹­anga tlai dar 6 thleng Saiha district pumah total bandh an huaihawt. -Vanglaini

*Federation of Motor Sports Club of India in 12-15 September 2013 a an buatsaih tur One make race ah B Lalruatsanga s/o B Lalhmuakthanga, Salem Veng, Aizawl chu a tlan ve dawn. He intihsiak hi Buddh International Circuit, Noida ah neih a ni ang.

*Congress President Sonia Gandhi chuan Andhra Pradesh Chief Minister Kiran Kumar Reddy hnenah Telangana state thar siamtur chu thu tihtluk vek tawh anih avangin dodalna awm mahse thutawp a ni e tih a hrilh.

*Tun fur chhung hian ruahsur in chhiatna athlen vangin mi 50 in Himachal Pradesh ah nunna an chan tawh a, an thil chan tawh zat hlut lam hi Rs. Vaibelchhe 2,900 chuang a tling tawh a ni.

*India ritchawithiam (Weightlifter) Venkat Rahul Ragala chuan Asian Youth Games, China a khelh mek ah 77 kg category in Weihtlifting ah Gold meldal nimin khan a la.

*Nimin tlai dar 5:45 vel khan Aizawl Civil Hospital Ambulance Mini Bus Pu Vanlalchhunga ruang phur chu an khua Chawngtlai pan a tlan laiin Zemabawk Forest Check-Gate thlangah kawngchhak a leimin in a delh a, nunna chan an awm lo a ruangzui zing a mi 2 in hliam an tuar.Dar 7 vel ah khan ruang hi motor dangin an khawlam hi panpui leh a ni.

*Goa a mirethei te chenna(slum area) a cheng chhungkaw 4846 awm zing a chhungkaw 870 te chuan computer/laptop neiin internet an hmang thei a, chhungkaw 467 ten motor ke pali nei (car,jeep,van etc.) an nei a ni.

*Delhi Police sub-inspectors Puneet leh Lakshmi Chand te chu North east zirlai 2 te harsatna an siam sak vangin suspend an ni. Heng zirlai 2 te hi bus ticket neilo a Delhi a bus an chuan vangin Police te hian Police station ah an hruai a chutah chuan hmusitna tawngkam natak tak in an tawngkhum niin sawi a ni.

*July 2013 chhung khan Aizawl Civil Hospital ah damlo 1308 Admit anni.
-----------------
*Nieng tello chuan pangpar a parchhuak theilo ang hian mihring te pawh hi hmangaihna tello chuan kan nung theilo. -Max Muller.

Wednesday evening news in Mizo (21.8.2013)

News collection in Mizo language:

NILAINI TLAI CHANCHINTHAR LAWRKHAWM (21.8.2013)

*Nimin tlai dar 4 vel khan Lawngtlai Electric veng ah sumo in rawlthar 2 leh tleirawl 1 a su a, an zinga 1 chu Lunglei damdawi ah thawn niin a dang 2 te hi Lawngtlai damdawiin ah enkawlna pek anni. Driver hian zu a rui ni a sawi a ni.

*Tukin zing dar 3 vel khan Aizawl Bawngkawn ah lungrem chim a, a thlang a in pakhat chu lutheih loh in a hnawh a, tukin khan YMA ten hnatlang in an thianfai. Mihring thi leh hliam an awm lo.

*Naktuk atangin Integrated Infrastructural Development Centre (IIDC), Zote, Champhai ah Grape Festival hman a ni dawn a, a tuk leh zirtawpni ah a tiak ang.

*Vawiin ah sorkar laipui hnuai a RTI hmanga dilna thehlut duh ten online a an tih theih na tur www.rtionline.gov.in chu hawn a ni ta.

*Syria ram a tualchhung buaina chhuak ah mi 1300 chuang te chu chemical theh vanga thi a rinhlelh anni a, heng mi te thih chhan chhui tur hian UN chemical weapons investigators te Syria ah an lut tawh a ni.

*Assam sorkar chuan an state chhung a sorkar sikul leh sorkar tanpui sikul a hmeichhe naupang class 9 & 10 zirlai te athlawnin thirsakawr an pe dawn.

*University of Hyderabad chuan 1.10.2013 hian XV Convocation an nei dawn a, heta degree/diploma award dil tum te tan 10.9.2013 thleng dil theih a ni ang, dilna form hi www.uohyd.ac.in ah chiang zawkin a en theih e.

*Art & Culture Department leh Raja Rammohan Roy Library Foundation thawhdunna hnuaia “Assistance to Public Libraries for Increasing Accomodation” atan Raja Rammohan Roy Library Foundation, Kolkata chuan NGO Libraries building sak nan Rs. 6,00,000/- theuh hetiang hian a rawn sanction :-
1) Maite Branch YMA, Aizawl District.
2) Vangchhia Branch YMA, Champhai District.
3) Luangpawn Branch YMA, Aizawl District.
4) Kawrtethawveng North Branch YMA, Mamit District.
5) Khawzawl Electrict Veng Branch YMA, Khawzawl, Champhai District.
-DIPR

Wednesday 21 August 2013

Wednesday Morning news in Mizo (21.8.2013)

News collection in Mizo language:

NILAINIZING CHANCHINTHAR LAWRKHAWM (21.8.2013)
*2nd Asian Youth Games 2013, Nanjing, China-a neih mekah Champhai rawlthar TBC Lalchhanhima chuan weightlifting ah Bronze Medal India tan a la. -DINGDI

*Tun Inrinni lo awm tur, August ni 24, 2013 chawhnu dar 1:05 - 2:00 inkara Telephone a zawhna leh chhannna AIR Aizawl Station Live Phone-in hunah chuan kar hmasa lama mi “ Mobile Phone, ATM leh Internet Banking chungchang ” bawk a zawh leh theih dawn a. Mipui zawhna te chu - H. Lalhlimpuia, Dy. Manager leh K.C. Lalvena, Channel Manager, SBI, Regional Office, Zarkawt ami ten an rawn chhang leh ang. Zawhna zawt duh tan Telephone no. 0389-2322515 ah emaw 0389-2323148 ah emaw a biak pawh theih dawn a ni.

*Nimin khan Aizawl Tuikual South ah lei a chet avangin chhungkaw 4 te chenna in 2 chu khawtlang in hnatlang in an thiat.

*Chawei hma a tuisik no 10 (500 ml) in hian thau a ti tlem thei. Mi thau te tan exercise lak hma a tui in pawh hian nasa takin thau a pan thei a ni.

*Nimin khan coagate thubuai chhuina a file then khat a bo ni a sawi anih avangin Parliament in 2 Rajya Sabha leh Lok Sabha te rorel mumal thei lo an awm avangin Food Security Bill pawh sawiho theih a ni ta lo a ni.

*Pakistan Sipai roreltu hlui Pervez Musharraf chu nimin khan Court in 2007 a an ram Prime Minister hlui Benazir Bhutto thih chungchang a mawhphurtu  ah puh in 28 Aug ah a chungchang ngaihtuh that leh a ni dawn. Parvez Musahraf hi thla 4 chhung pawn chhuah phalloh (House arrest) a ni tawh a ni.

*Kum 100 chuang thlalak leh thlalakna hmanrua hmanga lo sumdawng tawh Kodak chu tunhnai ah nasa takin an tlachhia a, an tlakchhiat chhanchhuah nan court in sumdawn chhunzawm erawh a phalsak leh. Kodak hian film leh printing lam a an sumdawnna chu kumin kumtir lam khan UK Pension Fund hnenah £419m ($650m) in an lo hralh tawh nghe nghe a ni.

*Nimin thleng khan India leh Pakistan ramri Line of Control ah ram 2 sipaite an la intibuai a, Pakistan sipai te hian ramri kanin India sipai duty post an rawn kap niin sawi a ni.

*Mizorama a tum 24-na tur Bharat Nirman Public Information Campaign chu 21-23 August ,2013 chhung hian Saiha ah neih a ni dawn. -DIPR

*July 2013 chhungin Mizoram Excise & Narcotics Department chuan Zu zuar mi 189 leh zu rui mi 9 an man a, Rak zu 2427.475 Litres leh zu bilhlai tin 4788 leh a chanve an man a, zu phurhna motor 24 an man bawk. -DIPR

*Khawvel a company brand hluber ni a an sawi thin 3 te chu Marlboro, Coca-Cola leh Budweiser te anni.

*1984 vawiin ang ah hian Clint Eastwood chu Hollywood Walk of Fame ah star pek a ni.

*Vawiin khawthlir (Weather forecast):
# Aizawl ah khua a duai a, chawhnu leh zan lamah ruahsur a beisei awm. Boruak lum leh vawh lam chu 22°C-25°C a ni.

#Lunglei ah erawh chuan chhum zing leh nisa inpawlh a, khawpui ri leh zan rei lama ruahsur a beisei awm.

# Saiha ah chuan chhum leh nisa inpawlh a, ruahsur zeuh mai thei a ni.

#Kolasib ah chuan zing atangin chhum zing leh ruahsur nasa a, zan lamah pawh ruahsur leh khawpuiri awm ang.

#Serchhip ah chuan chhum a zing a, ruahsur leh chawhnu lam ruahhmi awm rin a ni, zan lam pawh ruahsur leh chhum zing ang.

#Mamit ah pawh chhum zing leh ruahsur a nasa a, zan rei ah ruah a sur beisei awm bawk.
------------------------  
Facebook a Lamtluang page pawh in zarah like tu mi 2000 kan chuang ve ta reng mai, in zavai a chungah lawmthu kan sawi a, midang pawh lo like tir zel turin kan ngen a che u.

Tuesday Evening News in Mizo (20.8.2013)

News collection in Mizo language:

THAWHLEHNI TLAILAM CHANCHINTHAR LAWRKHAWM (20.8.2013)
*National Sample Survey Organisation (NSSO) in India ram mipui te an zirchianna ah Muslim te chu a nawlpui a lakin sakhaw dang betu te aiin an rethei ber a ni. Sakhaw hrang hrang betu te zing a chhungtin te nitin pawisa hmanral dan khaikhawm chu hetiang hi a ni: Sikh-Rs.55.30, Christian-Rs.51.43, Hindu- Rs.37.50, Muslim-Rs.32.66. -ToI

*Youth Asian Games China neih mek ah vawiin khan India infiammi ritchawithiam(weightlifter) 3 te a kum a upat avangin hnawl an ni leh 

*Coalgate thubuai CBI in an chhui mek chu file 147 a bo avang in Parliament in 2 te vawiin ah rorel theilo in eptu lam ten bengchheng siam in Prime Minister insawifiah an phut a ni.

*Australia lawng mi 105 phur chu Indonesia ram hmar lam Christmas Island hnaih ah a vawiin ah a pil. Australia sorkar thuneitu ten chhanchhuah hna an thawk me a ni. He lawng pil na bul Christmas Island hi ramdang mi Australia ram a venhimna dil tum ten an pan nasat ber thin a ni. Thi leh hiam zat hriat theih a la ni lo.

*Supreme Court chuan Sorkar laipui hnen ah chawlhkar 2 chhung a sorkar motor a dan in a phal te chauh VIP light (red beacon) chhit tir tawh tur in a hriattir. VIP light chhi thei chin te: President, Vice President, Prime Minister, Deputy PM, Former Presidents & PMs, Lok Sabha Speaker, Union Cabinet Ministers, Deputy Chairman Planning Commission, Chief Justice of India, Judges of Supreme Court, Leaders of Opossition in Lok Sabha & Rajya Sabha. SC hian sorkar in hma la lo anih chuan court he mi dan kenkawh na tur dan an siam mai tur thu an sawi lang bawk. Tin, Ambulance, Fire Service leh Army te erawh he thupek hian huam lo ang.

*Aizawl - Lengpui kawngpui chu tukin ah leimin in a hnawh a motor eng chi mah kaltlang theih a ni lo. Kawng chhiatna lai hi Aizawl atanga kal a Pukpui kham thlen hma kawngil chho a waiting shed bulah a ni. Thlawhna a zin tum te tan Sairang lamah kal a tihchi hmel a ni-Zonet Zing daifim

*India pawisa hlutna a tlahniam zel tunah hian India Rs.63.72 leh US $1 a intluk mek.

*Vawiin 20.8.2013 khan Haryana, Uttarakhand, Arunachal Pradesh leh Delhi ah te mirethei ten chaw man tlawm zawk a an lei theih na tur Food Security Programme chu hawn a ni.

**India ram a sorkar enkawl thlawhna khalh leh enkawlna lam zirna tur Rajiv Gandhi National Aviation University Bill, 2013 chu vawiin Dt.20.8.2013 khan Union Minister of State for Civil Aviation K C Venugopal chuan Lok Sabha ah a pu lut. He University hi sonia Gandhi bial a Indira Gandhi Rashtriya Udaan Academy, Fursatganj,Rae Bareli, Uttar Pradesh ah din a ni ang ang a Pilot, Cabin crew leh Aircraft engineering te a zir theih dawn a ni.

*Vawiin Dt.20.8.2013 khan India ram a hmeichhia te pual bik liau liau a Central University hmasaber dinna tur Indira Gandhi National University for Women Bill 2013 chu Lok Sabha ah put luh niin he University thar tur hi Congress President Sonia Gandhi bial Rae Bareli, Uttar Pradesh ah din a ni ang. India ram ah hmeichhia vaibelchhe 58.6 an awm mek a, heng zing a vaibelchhe 9.5 te hi Uttar Pradesh ah an cheng a ni. 

*Union Sports Minister Jitendra Singh chuan Lok Sabha ah ziak a zawhna chhangin sorkar in infiammi te tih hmasawnnan National Institute of Sports Sciences and Medicine for research din thuai a tum a ti. Tin, kum 10 chhung rampum ah District-level sports school din tum a ni tih a sawilang bawk.

*Voice & Data Survey in 2012-13 chhung a India ram a mobile phone hralh tam lam an zirchianna ah Samsung in Nokia an lehpel. Samsung products hi 14.7% a thangin India ram a mobile phone hralh tam ber an ni mek.
----------------------------
Facebook a kan page www.facebook.com/Lamtluang hi i lo like ve dawnnia.

Tuesday 20 August 2013

Tuesday Morning news in Mizo (20.8.2013)

Morning news collection in Mizo language:
 
THAWHLEHNI ZINGLAM CHANCHINTHAR LAWRKHAWM (20.8.2013)

*Shillong - Aizawl sumo service chu tukin zing khan Silchar pelh ah a chesual a, vanneih thlak tak in hliam na an awmlo. He sumo hi DOVE counter atanga chhuak ani e. -Zama Kawlni via Chanchinthar group

*Nizan ah Aizawl Tuikual South vengthlang ah lei a tawlh avangin chhungkaw 6 te chenna in chu luah ngam loh in an riak chhuak a, heng in te hi vawiin ah khawtlang in hnatlang in an thiat ang. -Lampard Drinte-a Pachuau via Special Report Group

*Nizan khan a pasal in rawng tak a a thah Pi K.Zohmingliani ruang chu zarkawt thlanmual ah phum a ni.

*Mizoram Excise & Narcotics department hian kumin chhung hian rak zu 22804.615 litres, dawidim 273.320 kgs, bel 335 leh zu phurhnana hman lirthei 145 an man tawh a. Mizoram Excise & Narcotics department hian January thla atanga July ni 31,2013 thleng khan sawrkar ah chhiah (revenue) Rs. 175,22,978 an chhunglut tawh bawk.-Lalhmachhuana Tochhawng via DINGDI group

*Ramhlun Indoor Stadium chu tukin zing dar 10:30 hian CM Pu Lal Thanhawlan a hawng ang. -Lalhmachhuana Tochhawng via DINGDI Group

*Selesih-a AH & Vety farm-a vawk vulh lai 58 chu porsine reproductive un-resporatory syndrome (PRRS) natna an kai vangin tihhlum an ni a, hmun hnihah uluk taka treatment peka phum an ni. -Vanglaini

*Saipum leh Saiphai khawtlang chuan Bagha leh Saipum inkar kawng chu Tuirial Hydel Project siamtu NEEPCO motor lian tlan nasat vangin kawng hi a chhe nasa hle tih an sawi a, NEEPCO-te'n an siamá¹­hat phutin vawiin hian kawng hi dan (road block) an tum. Road block hian motor laihawl chin a huam dawn lo nia thudawn a ni. -Vanglaini

*Supreme Court chuan Bihar a University Vice Chancellor 9 leh Pro-Vice Chancellor 2 Bihar sorkar in a ruat te chu hnawl sak in thla 1 chhung a VC leh Pro VC thlangtu tur committee thar ruat leh turin state  sorkar a hriattir. VC awmloh chhung hian University tina Dean senior ber ten VC mawhphurhna an lo la ang.

*Supreme Court in Sorkar laipui hnenah chawlhkar 6 chhungin court thubuai neite chu inthlan(election) an chuh ve theihlohna tur a an ngaihdan thehlut turin a hriattir. SC hian thla 8 hmalam khan Sorkar hi a he thu ah hian an ngaihdan siam fel turin a lo hriattir tawh a, an chhan tak mai loh avangin a hriattir nawn leh a, tun bak chu chhan letna hun an pek tawh loh tur thu court hian an sawi lang bawk. -ToI

*Sorkar in Parliament a zawhna an chhan dan in kum 2017 ah chuan India ram khawpui a mirethei te chenna (slum) a cheng zat chu maktaduai 104 an tling tawh dawn niin an chhut. Maharashtra, Uttar Pradesh, Andhra Pradesh leh Madhya Pradesh ah te khawpui a mirethei cheng an pung nasa zual a ni.

*Nimin khan J Satyanarayana, Secretary, Department of Electronics and Information Technology chuan Jorhat, Assam ah  National Institute of Electronics and Information Technology centre thar a hawng, Dibrugarh ah pawh centre hawn leh thuai sorkar in an tum.

*11th Chief Minister Running Trophy in YMA Cultural Dance Competition - 2013’,5-6 September a neih tur atana inpuah chahna kal zelah Technical Committee-te chu Mizoram State Museum-ah an Converner Pu Lalchuailova, Museum Curator hovin an thukhawm. Intihsiakna tur atana thlan - Khuallam, Cheraw (Kantluang) leh Chai (Lalvunga leh Lera zai)-ah te dan leh hrai tur tul zawng zawngte an ngaihtuah a ni. Intihsiakna a Judge leh Tabulator turte ruat nghal an ni bawk. -DIPR

*China ram ah tuilian leh ruahsur nasa avangoin mi 91 in nunna an chan tawh a, mi 110 chuang chin hriat loh in an bo mek bawk. -AIR

*Ram chhung hmun hrang hrang ah purunsen man a tlakhniam thuai beisei a ni.

*Nimin a New Delhi a neih Symposium on Media Education ah Union Information and Broadcasting Minister Manish Tewari chuan thusawiin India ram a chanchinchu mi/thuthar lakhawmtu ni tur in common exam a inziahtlin ngai ve ta se thuthar chhuah kawng ah hmasawnna tha zawk a awm a rinawm tiin a sawi. Minister hian a sawi zel na ah Ukil hnathawk turte tan Bar Council of India in an buatsaih  All India Bar Examination an paltlang phawt a ngai thin ang hian chanchinbu mi/thuthar lawkhawm tu te tan pawh an eizawnna chu thiambik nei (professional) te thawh chi a nih avangin common exam neih ve a tha a a rin thu a sawi a ni. Thla 5 kalta khan Press Council of India (PCI) chairman Markandey Katju pawh in thuthar lakhawmtu te tan a thiamna (qualification) neih ngai tur ngaihtutur chungchang a rawtna siam tur committee a lo ruat tawh bawk a ni.
-------------------------------
Lamtluang hian facebook ah page kan nei a www.facebook.com/Lamtluang  ah pawh like theih reng kan ni e.

Monday Evening news in Mizo (19.8.2013)

News collection in Mizo language:

TLAILAM CHANCHINTHAR LAWRKHAWM (19.8.2013)

*Vawiin 19.8.2013 khan Iraq ram ah mi 17 khaihlum anni. Heng an mi khaihlum te hi firfiak pawl a mi te niin an zing a 2 te hi hmeichhia anni. Kumin chhungin Iraq ah hian mi 67 khaihlum anni tawh a ni. -ToI

*Vawiin chawhma dar 11:00 khan SSA BRC hall Serchhip-ah Pu K. Lianzuala, Tuikum bialtu MLA leh Mizoram KVI Board Chairman ni bawk chuan Middle School-a hmanturinComputer Laptop a sem. Heng computer set-te hi SSA Mission hnuaia Computer Aided Learning Programme atanga sem a ni. -DIPR

*Korean War (Kum 1950-53) vanga Korean chhungkua, North leh South-a inthen darh ta-te chu Sept 19-ah North kutpui Chuseok hman hunah an inhmuhkhawm (reunion) theih dan tur ruahmansak an ni. -R.Lalzarmawia (Zara)

*India thlalem siam GSLV D-5 chu vawiin tlai a kahchhuah tur a tih nimahse a pang ah thil phuilo a lo awm avangin ISRO ten an thulh leh ta a ni. He thlalem hi India mithiam ten ramdang tanpuina tello a an siam ve a ni.-Lalzarzoa

*India sorkar in ramdang atanga thlawhna a lo haw ten TV phek chi (LED TV, Flat TV) an hawn a chhiah an chawi ngailo chu 26 Aug atangin chhiah (custom tax) a la ve tawh dawn. -Lalzarzoa

*Tukin khan  Khagaria district, Bihar ah rel (train) in mi 37 a chilhlum.  Saharsa-Patna Rajyarani Express 80km/ph a chak a tlan chuan heng mi 37 Dhamara Ghat station bula rel kawng bul an kal chu a chil hlum ta a ni.-ToI

*10 Aug 2013 atanga bo K.Zohmangaihi(49), Zarkawt chu a pasal Lalremruata Ralte in tuboh a chhut hlum thu a Police hma ah a sawi. Lalremruata hian a u fanu 11 Aug a Delhi ah hruai a tum thu a sawi chu anupui K.Zohmangaihi hian remti lo in an inhau thimrim chuan bed room ah tuboh in a chhu hlum a, a ruang hi 10 Aug zanah buara ah khungin Sakawrhmuituai tlang a LAD bawlhhlawh paihna ah han paih ta a ni. Lalremruata hi Delhi ah chuan a kal ta tho a, 18 Aug ah rawn haw in Lengpui Airport ah Police ten thu zawhfiah atan an lo la a, tichuan Police hma ah a inpuang ta a ni. Police te leh Zarkawt veng mipui ten a ruang hi an han zawng hmu ta a ni. -Zonunsanga Khiangte

*Naktuk 20.8.2013 hian Lok Sabha ah sawi hlawh tak Food Security Bill chu sawiho a ni dawn.

Monday 19 August 2013

Monday Morning news in Mizo (19.8.2013)

Morning news collection in Mizo language:

THAWHTANNI ZINGLAM CHANCHINTHAR LAWRKHAWM (19.8.2013)

*Mizoram University Sports chu vawiin hian á¹­an a ni dawn a, August 23, 2013 thleng neih a ni ang. MZU Sports-ah hian infiamna chi ruk - football, volleyball, basketball, table tennis, chess leh badminton-ahte inelna a buatsaih dawn a; MZU hnuaia college hrang hrangte tel thei tura beisei an ni. -Vanglaini

*Inrinni zan khan Mizoram Football Association in an thlen mek "Asian Football Confederation 'B' Licence Coaching Course" chu Mizoram Sports Minister Zodintluanga'n a hawng Aizawl ah hawng.India ram hmun hrang hrang atangin training tur hian football coach 23 an lo kala,an zinga pathum hi hmeichhia niin, Mizoram atangin mi 7an tel bawk. He course hi 18 August, 2013 ah tan a ni anga, 6 September, 2013 thleng a awh ang.-DIPR

* P.S.Raghavan, Indian Foreign Service(IFS), Ministry of External Affairs Special Secretary (Development Partnership Administration & Public Diplomacy) chuan Chief Minister Pu Lal Thanhawla chu a chenna bungalowah a hmu. CM nen hian ramri a ramdang te nen a insumdawnnna tawnna kalpui mek chungchang an sawi dun a ni.PS Raghavan hi Mizoram University Department of Political Science in 19-20 Aug chhung a’International Conference on Regionalism, Sub Regionalism and Connectivity : India’s Foreign Policy in the 21st Century’ an huaihawt hmang tur a lo kal a ni.

*Mizoram Legislative Assembly member châwl tawh zinga mi 41-te January 2009 aṭanga July 2013 inkara damdawi-ina an inenkawlna senso chu Rs. 62,13,092 a ni a; inenkawl senso pek tur la pek chhuah theih loh (bill táng) cheng nuai 8 vel a awm mek. Ex-MLA-te damdawia an inenkawlna senso hi Assembly House aṭanga pek chhuah a ni. -Vanglaini

*India ISRO mithiam ten ramdang tanpuina tello a thlalem an siam Geo-synchronous Satellite Launch Vehicle (GSLV-D5) chu vawiin tlai dar 4:50 p.m ah Sriharikota, Andhra Pradesh  atangin kah chhuah a ni dawn.

*Nimin khan khawvel a hmeichhe puitling dam zing a teber/tawiber Jyoti Amge (kum-18, san zawng-62.8 cm.) chuan khawvela lehkhabu lianber 'Kadve Pravachan' tih Jain Muni Shri Tarun Sagar ziah chu a tlang zarh. He lehkhabu hi 2,000 kg a rit niin, a len zawng chu 30x24 feet a ni.

*Nikum khan kawngpui a motor chetsualna chhan 23,979 chu zu leh damdawi ruih vang a ni.

*Vawiin atang hian Gorkhaland state thar siam ngiat nan GJAC hmalakna na in tumah pawn chhuah duh lohna (Ghar Bhitra Janta) chu kal pui tum a ni, zirtawpni thleng neih tum a ni. Hemi chhung hian mipui te an mahni in theuh a pawn chhuak lo turin an awm dawn a ni.

*India mi leh sa Pakistan leh Bangladesh khua leh tui ni tawh te chu Indian overseas citizen nih an dil thei tawh dawn lo. -AIR

*Inrinni zan dar 11 atanga nimin Pathianni zing thlen khan Pakistan sorkar thlawp firfiak pawl te leh India sipai te LOC ah an inkap, an inkahna hmun hi Jammu & Kashmi a Poonch District chhung a Krishna Ghati, Balakote leh Hamirpur belts ah te a ni. India sipai te thi leh hliam an awm lo. -AIR

*Tunhnai ah Princess Diana thih dan chungchang ah Bitish sipaite thah a ni tih sawi thar a nih vangin  Scotland Yard ten a tih dan chungchang an chhui tha leh dawn. He hnuchhuina hi investigation tih nawn leh na nilo in a chhan sawithar awm leh chu a ni ngei tih enfiah tumna chauh niin UK Police te chuan an sawi. -ToI

*Asian Institute of Gastroenterolgy (AIG) leh Centre for Cellular and Molecular Biology (CCMB), Hyderabad chuan kum 13 an lo zirbing tawh India mi ten pumpui bawh/pumpui bawm (pancrease) natna benvawn an vei thin thlentu ber gene an hmuchhuak.

*Kumin kumtawp a Bangladesh Parliament inthlan neih tur chu ram danpui mil a dik tak kalpui a ni ang tiin an ram Prime Minister Sheikh Hasina chuan a sawi.-AIR

*Kumpinu sipai officer, Mizoram awptu hmasa ber Lt.Col.Thomas Herbert Lewin (TH Lewin) chanchin ziakna 'Thangliana' tih lehkhabu, Lalhruaitluanga Ralte buatsaih chu Inrinni khan Aizawl ah tlangzarh a ni. -DINGDI
--------------------------------
"Hlim tak a hnathawh hian hna thawh a ti sawt bik a ni"- Aristotle

Sunday 18 August 2013

Sunday evening news in Mizo (18.8.2013)

News collection in Mizo language:

CHAWLHNI TLAI CHANCHINTHAR LAWRKHAWM (18.8.2013)

*Zirtawpni kal ta a Delhi Police ten an man tak firfiak pawl a mi Abdul Karim Tunda chuan India sorkar in a man tum a kum tam tak a lo veh tawh Dawood Ibrahim chu Pakistan a Karachi ah ISI te venhimna hnuai ah a awm niin a sawi. -ToI

*Ruahsur leh tuilian vangin Odhisa leh Uttar Pradesh ah mi 16 an thi. -AIR

*EPL SUNDAY RESULT:
Crystal Palace 0-1 Tottenham  
Chelsea 2-0 Hull City Tigers

*Electronic Voting Machines (EVM) chu inthlanah a fair tawk lova ngaihna a lian a, sawi a hlawh hle. Election Commission chuan Sept 4-a Nagaland election-ah Paper trail system Voter Verifiable Paper Audit Trail system (VVPAT) a vawi 1 nan hman a tum. EVM-ah voter-in a duh thlan nan button a hmet ang a, candidate hming leh party symbol slip a rawn chhuak ang a, chumi chu box-ah a thlak tawh mai dawn a ni. Hetiang system hi 2014 Lok Sabha election-ah hman tum rilruk a ni. -R.Lalzarmawia (Zara)

*Union Finance Minister P. Chidambaram chuan kum 1 chhung in ram pum ah bank hnathawk tur mi 50,000 lak thar anni ang a ti. -Lalzarzoa

*Bollywood Movie chhuak thar Shahrukh Khan leh Deepika Padukone te channa 'Chennai Express' chuan 8 Aug 2013 a release anih atangin Rs.Vaibelchhe 171.71 an lalut tawh. He Hindi Action comedy film hi Rohit Shetty direct na hnuai a chan niin Gauri Khan (Red Chillies Entertainment) chu producer a ni. -Lalzarzoa

*India pawisa hlutna a tlahniam nasa tawh hle. Aug 14 khan US dollar 1 leh Rs 62.03 a intluk tawk chiah tawh. India pawisa hlutna a tlakhniam ber tum (record) a thleng chho ta malh malh mai. -R.Lalzarmawia (Zara)

*Mizo Photographers' Society chuan August ni 19, 2013 chawhma dar 11 hian I&PR Auditorium-ah '4th World Photography Day' an hmang dawn a, I&PR Director, Jim K.Chozah chuan hmanpuiin, 'Mini Workshop-cum-Interaction' neih nghal a ni ang. -Zalen    

* Asian Youth Games, Nanjing, China a neih mek  ah India infiammi (athletes) 18 te chu a an kum a tam (overage) avangin haw leh tura tih anni. Asian Youth Games ah hian kum 16 ai a upa tel theih loh  ani. Anni bak ah hian India badminton khel thiam 4 te pawh list ah an hming a awm loh avangin an tel thei lo bawk. -ToI
----------------------------------------
Facebook a kan page www.facebook.com/Lamtluang hi i lo like ve dawnnia. 

Sunday Morning News in Mizo (18.8.2013)

News collection in Mizo language:

CHAWLHNITUK CHANCHINTHAR LAWRKHAWM (18.8.2013)

*Vawiin hian Mizoram Baptist Kohhran ten Theological Education Sunday an hmang dawn. 'Hma i sawn zel ang u' tih thupui hmangin thuchang ngaihthlak a ni ang.

*14 Aug atanga Aizawl a neih mek outhern Asia Division of Seventh Day Adventists Presidents’ Council chu vawiin hian a tiak dawn.

*15 Aug atanga Aizawl Chawlhhmun Presbyterian Biak in a neih tan Mizoram Synod Mission board hnuai a Home Mission & Cachar Tlangram Missionary Retreat chu ah zanin ah a tiak ang. Thupui ah ‘An hnungtawlh lo’(Hebrai 11:15) tih hmangin Speaker ah Rev.Remlalfaka, Lecturer, MTC chu hman a ni. -Synfocity

*August 20 (Thawhlehni) chawhma dar 11:00 atangin Synod Conference Centre-ah Hlamzuih chungchanga inrawnkhawmna neih a ni dawn a, Rev. Lalramliana Pachuau, Synod Moderator-in a kaihruai ang a, Rev. H. Lalrinmawia, Synod Secretary-in thu pawimawh a puang ang a, Rev. Vanlalzuata, Senior Executive Secretary-in Keynote Address a pe ang. Sawihona hun hman zawhah Rev. Lalzuithanga, Executive Secretary-in lawmthu sawina hun a hmang ang. He inrawnkhawmnaah hian Kohhran hrang hrang, Tlawmngai Pawl leh mi sawm bikte tel tura sawm an ni.-Synfocity

*August 22 (Ningani) chawhnu dar 1:00 hian Presbyterian Bible School (PBS) chuan Pi Zaii Hall, Synod Conference Centre-ah Session 28-na Graduation Service an hmang ang. -Synfocity

*Vawiin, August ni 18, 2013 hi Salvation Army, Central South Division huam chhungah Missionary Campaign atan a hman a ni dawn a. Colonel Lalngaihawmi, Territorial Commander chuan Gilgal Corps-ah hmanpuiin, Lt.Col.Lalramhluna, Chief Secretary te nupa chuan Tuikual ‘S’ Corps-ah an hmanpui ang. -Zalen

*UPC-NEI Missionary Convention hman tur inbuatsaihna chu chak zawka kalpui chhoh zel a ni a, nizan khan N. Mizoram District Hqrs. Biak In, Tuikhuahtlangah Convention Hlabu, Rs. 20/- man chu General Missions Director, Rev. Zohmingthanzama'n a tlangzarh. -Zalen

*Salvation Army General, Andre Cox leh a nupui Commissioner Silvia Cox, World President for Womens' Ministries te chuan kum thar 2014 January ni 7 khian India Eastern Territory rawn tlawhin Mizoramah an lo zin dawn. -Zalen

*Nimin tlai khan Lt.Gen S.L.Narasimhan, GOC of 3 Corps, Dimapur chuan Chief Minister Pu Lal Thanhawla chu a chenna bungalow-ah a hmu a, ram venhimna lam an sawi dun a ni. -DIPR

*Nimin khan Chhingchhip Community Hall, Venghlun-ah Rajiv Gandhi Grameen LPG Vitrak hnuaia Chhingchhip leh a chheh vel chawmtu gas agent thar S. K. Indane Gramin Vitrak chu Supply Minister H.Rohluna'n a hawng. -DIPR

*Pi K.Zohmangaihi kum 49 W/O Lalremruata Ralte Aizawl zarkawt veng a mi hi Aug ni 10 zan dar 11 vel atanga a chin hriat loh a bo chu vawiin aug ni 17 thleng hian a chin hriat a la ni lova, a chhungte chuan aizawl police Station ah FIR an thehlut a, a awmna chin hria chuan Police Station hnai ber ah hriattir turin mipuite an ngen a ni. - David Hrahsel via Special Report Group

*Vaivakawn to Mizoram university, Mzu road siam mek chu, hna a muangin kawng a chhe hle a, motor te leh ke 2 (hnih) nei tan phei chuan kal harsa khawpin a khuarin a diak hle a, ke a kalna tur tak ngial pawh awm manglo khawp a kawi zek zuk avangin, MZU Road Joint Local Council, Mizoram University Non Teaching Staff Association (MUNTSA) leh NGO's te hmalakna in, Dt 19.08.2013 monday, zing dar 8:00 atangin kawng dan chah an tum. -Vangkeu Ramenga Ralte via Special Report Group

*Nimin khan Syria ram a Homs province ah mipakhat in silai mi 11 a kaphlum, thi zinga mi 9 te hi Kristian an ni. -ToI

*Kum 2023 a Sikeisen a mihring chenna siam tum Netherlands ram a pawl pakhat Mars One hnuaiah India mi 1800 dawnin Sikeisen (Mars) ah chen an duh vangin an in ziak lut tawh. He pawl website ah hian Sikeisen a cheng duh kum 18 chunglam hriseltha tan $7 sengin registration tih theih a ni. -ToI

*India ram hmun hrang hrang a bomb puak a mawhphurtu a rinhlelh firfiak pawl hotupa Abdul Karim Tunda chu nimin khan Delhi Police ten Nepal ramri ah an man. -AIR

*1984 atanga August ni 7,2013 thleng khan Mizoram ah ruihhlo vangin mi 1241 an thi tawh a, thi zinga 1114 hi mipa an ni a, hmeichhia 127 an awm bawk. -Zalen

*WORLD ATHLETIC CHAMPIONSHIPS 2013, MOSCOW, MEDAL TABLE TOP 10
1. Russia 15 (7 gold, 3 silver, 5 bronze)
2. United States 20 (6 gold, 11 silver, 3 bronze)
3. Jamaica 7 (4 gold, 2 silver, 1 bronze)
4. Kenya 10 (3 gold, 4 silver, 3 bronze)
5. Ethiopia 10 (3 gold, 3 silver, 4 bronze)
6. Germany 6 (3 gold, 2 silver, 1 bronze)
7. Great Britain & NI 5 (3 gold, 0 silver, 2 bronze)
8. Czech Republic 3 (2 gold, 0 silver, 1 bronze)
9. Ukraine 3 (2 gold, 0 silver, 1 bronze)
10. Poland 3 (1 gold, 2 silver, 0 bronze)
-BBC

-----------------------------
"Kan beisei thurin hi a nghin lohna turin i pawm tlat ang u, thutiamtu chu a rinawm si a; tin, hmangaih leh thil tha tiha inchawk tho turin inngaihtuah tawn ang u; thenkhat tih dan anga kan inkhawmte bansan lovin, infuih tawn zawk ang u; ni chu lo hnai telh telha in hriatin infuih tawn nasa lehzual sauh rawh u." Hebrai 10:23-25

EPL 2013 Result & Schedule

Barclay's English Premiere League result:
 
Saturday, 17 August 2013
Liverpool 1 - 0 Stoke City
West Ham 2 - 0 Cardiff City
Sunderland 0 - 1 Fulham
Norwich City 2 - 2 Everton
West Brom 0 - 1 Southampton
Arsenal 1 - 3 Aston Villa
Swansea City 1 - 4 Manchester United

Barclay's English Premiere League schedule:

Sunday, 18 August 2013
Crystal Palace 6:00 pm (IST)
Tottenham vs Chelsea

8:30 pm (IST)
Hull City vs Tigers

Tuesday, 20 August 2013 12:30 am (IST)
Man City vs Newcastle

Evening News in Mizo (17.8.2013)

News collection in Mizo language:

TLAILAM CHANCHINTHAR LAWRKHAWM (17.8.2013)

*Scavenger Rock Idol 2013, Aizawl Result:
1st:Ably, 2nd: El Volente, 3rd: Paradime
INDIVIDUAL WINNERS:
best vocals- Andy Varte Paradime
best guitarist - Ruata Renthlei @ably
best bassist- Hriata Renthlei ABLY
best drummer- Msa Kakashi Ralte El Volente

*Vawiin ah Champhai Ruantlang veng a mi mi pakhat chu Tiau lui ah a tlahlum, thian 3 te nen a tui cheng anni a, an zing a 2 chu chhanchhuah hman niin 1 hi a vanduai ta a ni.

*Aizawl Municipal Council phalna lo a Aizawl a in sate chu sorkar in tui leh eng pek tawh lo nise tiin AMC chuan an rel.

*Nizan ah Jammu & Kashmir a Poonch District a India leh Pakistan ramri Line of Control hnaih a India sipai post awmna Mendhar leh Hamirpur ah India leh Pakistan sipai te an inkap. He inkahna hi Pakistan sipai ten an rawn kah hmasak vangin India sipai ten an lo kap let ve a ni. India sipai lam thi leh hliam an awm lo a ni. -AIR

*Dilip Trivedi, IPS chu CRPF Director General thar atan ruat a ni. Amah hi Indian Police Service I978 batch niin Uttar Pradesh cadre niin BSF ah Special Director General tanglai mek a ni. CRPF hi India a paramilitary force lianber niin mi 3,00,000 an tang mek a ni.

*Nizan ah Jammu & Kashmir a Poonch District a India leh Pakistan ramri Line of Control hnaih a India sipai post awmna Mendhar leh Hamirpur ah India leh Pakistan sipai te an inkap. He inkahna hi Pakistan sipai ten an rawn kah hmasak vangin India sipai ten an lo kap let ve a ni. India sipai lam thi leh hliam an awm lo a ni. -AIR
-----------------------------------
Facebook a kan page www.facebook.com/Lamtluang tih hi i lo like ve dawnnia.

Saturday 17 August 2013

Morning News in Mizo (17.8.2013)

Morning news collection in Mizo language:

ZINGLAM CHANCHIN LAWRKHAWM (17.8.2013)

*Election Commission of India thupek anga Mizoram puma Photo Electoral Rolls Special Summary Revision, 2013 neih mek a Final Electoral Rolls chu nimin khan peih fel a ni ta. Mizoram pum ah vote nei mi  6,86,305 an awm a ni. Final Electoral Rolls copy lei duh tan a soft copy Rs. 100/- in leh a hard copy phek khat Rs.5/- zelin a lei theih a ni. Polling Station thar 58 siam belh a ni a, Mizoram pumah polling station 1,126 a awm ta a ni. - DIPR

*Canada ram a Winnipeg khawpui a Canadian Museum for Human Rights panna kawngpui chu India Independence Day vawi 67 na hriatreng nan Mahatma Gandhi kawngpui tiin a hming an vuah thar.

*Mizoram Auto rickshaw Owner Association (MAOA) chuan sawrkarin nasa taka road tax a tih san dodal nan karleh thawhlehni 20 Aug khian nawrh huaihawt an tum. Sokar hian road tax kum khat a Rs.250 ni thin chu Rs.850 in an ti sang a ni.

*Nimin khan rangkachak man pungin Delhi ah Rs 31,000/10 gram  a ni.

*UD & PA department hnuaia NLUP trade hrang hrangte tan 2nd instalment pek chhuah mek a nih laiin, hna thawk tha lo 19 te chu an sum dawn tur hrensak an ni. -DIPR

*An khua a sorkar sikul ah te zirtirtu indaihlohna awm sorkarin angaihsak loh avangin MZP sub-headquarters, Zawlnuam hmalaknain nimin aṭang khan Zawlnuam khaw chhunga high school, higher secondary school leh college-te chu tiamchin awm loa khâr a ni. -Vanglaini

*Nimin khan Egypt tualchhung a buaina vangin mi 95 an thih belh leh tawh, an buaina hian tawpni a nei thei hrih lo anih ber hi maw!

*Nimin ah Lunglei SAI Extension Centre, Electric Veng-ah national, regional leh state level-a titha bik infiammi te hnenah HPC Sports Incentive Cash Award chu Sports Minister Pu Zodintluanga'n a hlan. -DIPR

*Kan post hmasa lama kan rawn tarlan tawh India tuihnuailawng INS Sindhurakshak

*India tennis khelthiam Leander Paes leh Rohan Bopanna te chu ATP Cincinnati Masters, USA a khelh mek ah quarter final an lut. -AIR

* 24 August - 1 September chhung a Eight-nation Asia Cup khel turin nimin khan India mipa hockey team te chuan  Malaysia an pan. -AIR

*UNICEF chuan india ram pumah naupang te hralh leh thawnbo annih thin chungchang ah child trafficking survey a nei dawn.  -AIR

*Nizan atang a tukin thleng hian Mizoram khawpui lian a chawhmeh bazar a chawhmeh zawrh tum leh lei tum ten heng te hi zuar/lei ta ila kan hlawk/eitui ang'em tih chu an ngaihtuahna luahtu ber pakhat a ni:) Inrinni chawhmeh bazar dan azirin chawlhni tuk a chhungkaw lawmna a thlen thei tih hi chhungkaw tin a eirawngbawltu te ngaihpawimawh ber te zing a mi a ni fo thin. Sialsuk Kohhran upa pakhat pawn "Chawlhni tuk a sahmeh chuan naupang an hlim, puitling pawh kan lawm" a ti a ni. :) :-) :D

Mizoram octogenarian baker Hmingliani passed away

Aizawl based famous baker and proprietor of Hmingliani Bakery Mrs. Hmingliani (83 years)  of Mission Vengthlang passed away this morning (2:20 a.m) due to diabetics at Aizawl Hospital. Her funeral programme will be held today's noon on their residence at Aizawl, Mission Vengthlang. The octogenarian baker Hmingliani was one of the earliest bakers in Mizoram, she was well trained by Welsh Christian Missionary Pi Te-i (G.R. Roberts). RIP
Pi Hmingliani (Proprietor of Hmingliani Bakery, Aizawl)

ZUALKO: HMINGLIANI BAKERY NEITUNU BORAL
Aizawl a bakery lar tak 'Hmingliani Bakery' neitu nu Pi Hmingliani, Mission vengthlang chu tukin dar 2:20 khan zunthlum natna vangin Aizawl Hospital ah a boral. Pi Hmingliani hi Mizo te zinga chhangur hmasa pawl leh tun thleng a eizawnnan a la hmang niin, Zosap Missionary Pi Tei te kaihhruaina hnuai a chhangur bul tan a ni. Vawiin 17.8.2013 ah an chenna Mission Vengthlang ah vui a ni ang. A kalsan tak a chhungte kan tuarpui e.
----------------------
Hetah hian i lo like ve thin dawnnia  www.facebook.com/Lamtluang


Evening News in Mizo (16.8.2013)

Brief news collection in Mizo language

TLAILAM CHANCHINTHAR LAWRKHAWM (16.8.2013)

*Zanin dar 9 vel khan Philippines a Cebu lawngchawlhhmun bul tuipui ah mi 692 te chuanna lawng in bungraw phur lawnglian a sut avangin lawng hi tuipui ah pil , michuang zing  a 17 te chu an tlahlum tih finfiah anni tawh, thi zingah hian naupang te pawh an tel a ni, mi 525 chhanchhuah anni tawh bawk.
*Prime Minister in India rama Schedule Tribe te chawikanna tur zirchiang turin member 7 awmna committee a ruat. Prof. Virginius Xaxa kaihhruaina hnuai ah India ram a tribal te dinhmun an zirchianna leh tih hmasawnna tur an rawt na te thla 9 chhunga PM hnen ah thehlut tur a tih a ni.

*Union Finance Minister P Chidambaram chuan Dt.16.8.2013 khan thalai hnaneilo ten eizawnna kawng an zawh theihna tur National Skill Certification and Monetary Reward Scheme chu a hawng ta. He scheme hmang hian thalai hnaneilo te job & skilled oriented training pek thin anni ang, kum 1 chhung in mi maktaduai 1 ten eizawnna thar an neih hman beisei a ni. Sorkar hmalak tum dan ang chuan he scheme hi public-private and public-public partnership anga kalpui tur niin kum 1 chhungin thalai hnaneilo mi nuai 10 training pek thin anni ang.

*Pathianni khan India ram ahmasaber niturin Tripura high court ah Cyber Forensic Laboratory chu Supreme Court Judge Justice B.Lokur an a hawng a ni. He lab hmang hian ukil leh thubuai neiten court thutlukna leh rorel te court chhung ah awmlo mahse rang zawk leh awlsam zawin an hre pawp zung zung thei tawh dawn a ni.

*Nizan dar 2-3 khan Aizawl Bungkawn Tuikhur veng a kopang lungrem chim in motor 4 a delh chhia a, mihring thi leh hliam an awm lo.

*Nizan dar 10:30 khan Lungdai leh Sihphir inkar ah 909 truck balu phur chu a chesual a mi 3 an chuang a a hmunah handyman Lalsawitluanga(27) s/o. Lalnunmawii chu a boral a, an mi phurh mipa 1 in hliam natak a tuar a, tunah Synod Hospital Durtlang ah enkawl mek niin driver erawh chuan hliam na lutuk a tuar lo thung.

*Tukin 16.8.13 zinglam ruah sur vangin Aizawl to Thenzawl inkar kawng chu Thenzawl atanga 15 km vel a hla Sialsuk lamah kawng chhak lei tawlhin kawng a hnawh ping a, motor eng chi mah atlang thei hrih lo. -Maruata Hmar
---------------------------------
Facebook a kan page https://www.facebook.com/Lamtluang hi ilo like ve dawnnia

Friday 16 August 2013

Morning News in Mizo (16.8.2013)

Morning brief news collection in Mizo language:

ZINGLAM CHANCHINTHAR LAWRKHAWM (16.8.2013)
*
Tukin 16.8.13 zinglam ruah sur vangin Aizawl to Thenzawl inkar kawng chu Thenzawl atanga 15 km velah kawng chhak lei tawlhin kawng a hnawh ping a, motor eng chi mah atlang thei hrih lo. -Maruata Hmar

*Nimin khan Cenral YMA in Rokunga hla hmanga rampum huap Zaipawl intihsiak a buatsaih ah Dam veng YMA Branch Zaipawl te chu 1-na anni. Zaipawl result indawt hi kan post hmasa lam ah en theih e (See more tih kha clik la)

*Nimin khan Sakawrtuichhun Local Council hmalakna in an veng chhung mi 100 chuang in an veng kalkawng chhe lutuk siamin hnatlang an nei.-Aar Eem Bawihtlung via Special Report Group.

*Nimin khan Champhai kawng Tuipui leh Tuifar inkar ah sabereka khuangkaih in kawngpui ah leivung leh thing a chhek khawm teuh vangin motor a kal tlangtheilo a, heta motor tangkhang te hian Pawisa an thawhkhawm a Khawzawl JCB hmangin he lei hi an paihfai a ni. -Amar Akbar Salung via Special Report Group

*Nimin tlai dar 5 vel khan Michael Lalruatdika (13) S/o Darduna UDC chu Lawngtlai D.C Office a National Flag tarna ngula electric current kalin a man a, a hmunah a boral nghal. Nizan khan tlaivarpui niin vawiin ah vui a ni ang. -Eldy-a Oct Chhangteposted via CHANCHINTHAR(Zofate tan) group

*Vawiin hian Sihfa khua chuan thlai thar kut leh lozawh runpui ropui takin hman an tum. -Malsz Hmar via Special Report Group

*Nimin chawhnu dar 1 vel khan 14 Aug a Sairang bula quarry chim in a delh Manipal Rana ruang chu lak chhuah niin nimin ah khan Sairang ah vuiliam nghal a ni. -DINGDI

*Tun hnaia Serampore Colege (University) hnuaia Theological Graduate ( BD) leh M.Th Result chhuakah Mizoram Baptist Kohhran tirha M.Th zir pahnih Rev. K. Lalzarliana (Communication) leh Rev. R. Lalmuanzuala (Missionlogy) chu tha takin an passed ve ve a. Tin, Theological Graduate (BD) Result pawh chhuakin Academy of Integrated Christian Studies(AICS) atanga Exam te an ti tha hle a. Candidate 24 exam te chu an vaiin an passed a, an zinga pakhat – Lalmuanawma Renthlei chu Grade – A hmuin First Division-ah a passed a. Mi 7-in B+ ah an passed a, Grade B -ah mi 10 passed in B- ah mi 6 an passed a ni.-DINGDI

*Road Ministry transport research wing report a landan in Punjab state a khawpui lian 2 - Amritsar leh Ludhiana ah te chu nikum chhung a India ram a motor accident vanga thi tamna ber anni.Heng khawpui 2 ah te hian nikum chhung khan motor kawngpui a chesual 10 zelah mi 6 zel thi thin anga chhut theih a ni. Delhi in an dawt a ni. -ToI

*Egypt (Mizo ten Aigupta tia kan hriat lar) ram a tualchhung buaina avangin mi 638 in nunna an chan tawh. Egypt buaina avang hian nizan khan UN Security Council emergency koh niin Egypt ram chhunga party hrang hrang te chu remna awmtir thuai turin an ngen a ni. Canada sorkar chuan Egypt a an embassy an khar tawh a, US sorkar pawh in an mi leh sa te Egypt chhuahsan turin an ngen bawk.

*Lebanon khawpui Beirut ah bomb puak vangin mi 16 chuangin nunna an chan a, mi tam takin hliam an tuar. Bomb puahna hmun hi Muslim hel Hezbollah te chettlatna hmun a ni. -BBC

*India tuihnuailawng INS Sindhurakshak a kan atanga ni 2 hnuah pawh lawng chhung a thim chhah em avangin sipai tuilut thiam te an la lut tlang thei ta chuang lo. He lawng kan hnua hian lawng sipai mi 18 te chu chin hriat loh in an la bo a, an zinga mi Liju Lawrence (29) phei chu June 5 a an khua Thiruvanthapuram nupui nei zo hlim deuh hlawl a ni.

*Cenral YMA in Rokunga hla hmanga rampum huap Zaipawl intihsiak a buatsaih ah Dam veng YMA Branch Zaipawl te chu 1-na anni. Zaipawl result indawt hi kan post hmasa lam ah en theih e (See more tih kha clik la)

*Kum 1 leh thla 1 chuang awrh India President la ni chauh mahsela Pranab Mukherjee hian mi in thil an tihsual vang a court in thi tur a an chungthu rel mi 11 te khawngaih dilna chu a hnawl tawh a ni. Dr.Shankar Dayal Sharma khan kum 5 chhung (1992-1997) a President a nih lai khan mi 14 te khawngaihna dilna a hnawl sak a, tuna India President hian khawngaihna a nei tam vak lo a niang e:)

*Academic Ranking of World Universities (ARWU) in 2013 a khawvel a University tha an thlan chhuah 500 zingah India ram university/institute te atangin Indian Institute of Science (IISc) Bangalore chiah a langpha, IISc hi ranking 300-400 inkar ah a awm a ni. Top 10 University te chu an rank san dan indawt in: Harvard University, Stanford University University of California- Berkeley, Massachusetts Institute of Technology (MIT), University of  Cambridge, California Institute of Technology(Caltech), Princeton University, Columbia University (New York), University of Chicago, University of Oxford te anni.
--------------------------------------------------------------
Mizo tawng a chanchinthar ber ber te facebook hmangtute tan a a thlawn a tarlanna Lamtluang page www.facebook.com/Lamtluang hi i lo like ve dawnnia..