Monday 23 November 2015

MCS MAINS 2015 RESULT CHHUAK TA

MCS MAINS 2015 RESULT CHHUAK TA
Vawiin ah hian MPSC chuan Mizoram Civil Services (Combined Competitive) Main Examination, 2015 result a tichhuak . Lamtluang thudawn danin mains exam tluantling mi 168 atangin mi 38 te chu personal interview hmachhawn turin thlan chhuah anni. Interview tur a tling te chu:

1. ABRAHAM V L FANAI
S/o F LALTHANZUALA
Falkland veng, Aizawl

2. B. LALZARLIANA
S/o B. S. KAILIANA
IB Veng, Champhai

3.BEITLOTHA NOHRO
S/o N CHAKHAI
ECM Veng, Saiha

4. BENJAMIN LALREMSANGA
S/o B LALCHHUANLIANA
Chaltlangruam veng, Aizawl

www.facebook.com/Lamtluang

5. C LALHRUAITLUANGA
S/o C LALMUANTHANGA
Rawpui

6.C LALMALSAWMA
S/o C LALDINA
Mission Vengthlang, Aizawl

7.COLLIN HC
S/o HC ZOKHUMA L
Circuit House, Khatla, Aizawl

8.DAVID A LALHMINGCHHUANA
S/o LAWNGTHANGA
Council veng, Lawngtlai

9.DAVID LALRINLIANA
S/o B LALCHHUANLIANA
Chaltlang Ruam veng, Aizawl

www.facebook.com/Lamtluang

10. ESTHER LALHRUAITLUANGI
D/o MALSAWMTLUANGA
Chaltlang, Aizawl

11.HENRY MALSAWMTLUANGA
S/o C DARTHANTLUANGA
Kawrthah

12.HMINGMAWIZUALA
S/o C THANGLURA
Khawbung

13.JOSEPHINE ZONUNSANGI
D/o JOE NGURDAWLA L
Tuikual South, Aizawl

14.K LALHMUNMAWIA
S/o K LALSANGZUALA
Khatla, Aizawl

www.facebook.com/Lamtluang

15.KAMLALMUANA SINGSON
S/o ZAMKHAWTHANGA SINGSON
Chaltlang, Aizawl

16.LALDINFELI
D/o C LALDINA
Mission vengthlang, Aizawl

17.LALHMANGAIHHLUA
S/o BAWITHANGA
Rangvamual, Aizawl

18. LALNGAIHZUALA
S/o HMINGTHANSIAMA
Mission veng, Aizawl

19.LALRINAWMA KHIANGTE
S/o LALSANGLIANA
Model Veng, Aizawl

www.facebook.com/Lamtluang

20.LALROSANGA COLNEY
S/o R LALTANA
Saron veng, Aizawl

21. LALTHANPUII SAILO
D/o SAINGURA SAILO
Bungkawn veng, Aizawl

22.MANESIA KHAIMEICHHO
S/o K ZOHRA
New Colony, Saiha

23.MARY L RODINPUII
D/o R VL THLANA
Venghnuai, Aizawl

24.N LALZARZOVA
S/o N KILSAIA
Bualpui NG

www.facebook.com/Lamtluang

25.NATALIA ROSANGLIANI SAILO
D/o LALTHUAMLUAIA SAILO
Venghlui, Aizawl

26.NENG THIANLALA
S/o NGULZAPAUA
Khawkawn

27. NGURSANGZUALI SAILO
D/o LALSANGLUAIA SAILO
Kulikawn, Aizawl

28.NGURTHANSANGA
S/o LALKHAWNGAIHA
Dinthar, Aizawl

29.P. THANGSUANHAU
S/O PAUKHANGIN
Serchhip

www.facebook.com/Lamtluang

30.PAUL ROKIMA
S/o ROSIAMA
Durtlang

31.R.LALRINZUALI
D/o R.VANLALSAWMA
Chawnpui, Aizawl

32. REMLALLIANA HNAMTE
S/o LALVENA HNAMTE
Chanmari, Aizawl

33.ROBERT S BEIHROSA
S/o NAHLO SOLO
College veng, Saiha

34. VABEIMOZACHHI CHOZAH
S/O JOHN CHOZAH
ECM Vaih, Saiha

35. VANLALMUANA
S/o LALZUITLUANGA
Chaltlang Lily veng, Aizawl

www.facebook.com/Lamtluang

36.VANLALRUATI
D/o ZORAMTHANGA
Kanaan Veng, Aizawl

37. VICTOR ZOTHANSANGA
S/o ROZAMLIANA L
Mission veng, Aizawl

38.ZOMUANSANGA
S/o LALDAWNGLIANA
Kolasib

Thursday 5 November 2015

4th November 2015 (Wednesday) news in Mizo

Latest news collection in Mizo language (Online News update from Mizoram) 
MIZO TAWNG A CHANCHINTHAR LAWRKHAWM


*MIZO IDOL STAR JAMES KAN CHAN TA
Mizo Idol thar ber 2015 Top 7 James Lalruatsanga, Mission veng chu zaninah khan Zarkawt Lalbuaia Shopping Complex inchung atangin a tla thla a, hliam na tak a tuar avangin New Life Hospital ah hruai a ni a, Lamtluang a kan rawn tarlan tawh angin zanin vek khan doctor ten a pum a thi tling awm chu zai nghal in theih tawp an chhuah a, a thin a lo thler nasat avangin an chhan zo ta lo a, zanin dar 11:30 khan a boral ta a ni. A ruang in an chenna Mission veng, Aizawl ah lak phei tur a buatsaih mek a ni.

Mizo Idol 2015 Top 7 James Lalruatsanga died in accident. He fell down from Lalbuaia Shopping Complex top floor and was brought to nearby Newlife Hospital, met operation  soon but Doctors could not save his live and was proclaimed his death at 11:30 PM. His funeral programme will be held on 5th.11.2015 (Thursday) at their residence in Mission veng, Aizawl, Mizoram.


*Mizoram‬ UPC hruaitu te vawiin a thukhawm chuan Puitling Sunday School zirlaibu ziaktu atan Rev.Zoramthara an thlang.

*BAWNGNOTE RUK VANGIN MIPUIIN SAWISA HLUM
Manipur a sorkar primary sikul a headmaster tanglai Md Hasmad Ali (55) chu bawngnote a ru lai an hmuh avangin mipuiin an sawisa hlum. Lamtluang thudawn danin he thil thlenna hmun hi Manipur a Imphal East district a Makating thingtlang khua ah a ni. Hasmad Ali ruang hi an in atanga 5km a hlaah hmuh a ni a, amah tantu mipui thinrim chuan Irilbung police station hualin pawikhawihtu te man chhuah an phut a ni.



*AMC ELECTION OBSERVER TE RUAT

State Election Commission, Government of Mizoram chuan AMC inthlanna tur atan Election Observer ah heng mi te hi a ruat :-
ELECTION OBSERVERDESIGNATIONWARD
1. Pu Zothankhuma, IASSecretary, LR&S Deptt.XVI, XVII, XVIII, XIX
2. Pu Lalthangpuia Sailo, IASSecretary, SW Deptt.VIII, IX, X, XI
3. Pu C.Lalhmachhuana, ITSSecretary, ICT & MD ZOHANDCO, XII, XIII, XIV, XV
4. Dr C.Vanlalramsanga, IESSecretary, UD&PA Deptt.I, II, III
5. Pu B.Lalhmingthanga, MCSSecretary, RD Deptt.IV, V, VI, VII

(DIPR)


*SERCHHIP-AH VICTIMS OF CRIME COMPENSATION SCHEME CHUNGCHANG SAWI HO A NI

Serchhip District Legal Services Authority bul tumin vawiin chawhnu dar 2:00 khan Serchhip DC Office Chamber-ah Serchhip District Bawrhsap Dr. Lalrozama, IAS hovin Serchhip District a a vawi hnih nan ‘Victims of Crime Compensation Scheme’ (Pawikhawihnaa a tuartu/victim ten zangnadawmna an hmuh theih dan tur) chungchang sawi ho a ni.
Vawiina thutkhawm ah hian Pi Lalrochami Ralte, MJS, Senior Civil Judgechuan Victims of Crime Compensation chungchang leh a dawn theih dante a sawi fiah a. Superintendent of Police, YMA Sub Headquarter Serchhip, MUP Sub Headquarter Serchhip bakah Serchhip District Consumer Association aiawhte an tel a ni.
‘Mizoram Victims of Crime Compensation Scheme 2011’ in ruahmanna a siam angin BPL chhungkuaa mi, misual kuta thite leh pawngsual tuartute chu zangnadawmna pek theih a ni a, a tuartu (Victim) ten vanduaina an tawh dan a zirin Rs. 50,000/- atanga Rs. 1,00,000/- thleng zangnadawmna (Compensation) hi pek theih a ni.

Vawiin thukhawm hian Serchhip District chhunga khaw pathum Chhingchhip, Serchhip leh Thenzawl atanga dilna lut pathum a ngaihtuah a, chung zingah chuan ni 28.8.2015 a Chhingchhip a Pu Kawldingliana fate hmeichhe naupang pahnih rawng taka an thah te tan compensation pek rem a ti a, vanduaina tawk hmeichhe naupang kum ruk mi (pawngsual leh thah) tan Rs. 1,50,000/- a nau zawk kum thum mi tan Rs. 1,00,000/- pek a remti bawk a ni. Hei bakah hian Serchhip a naupang pakhat kum 14 mi, ni 1.8.2015 a pawngsual tawk tan Rs. 50,000/- pek a remti bawk a ni. (DIPR)


*#‎Mizo‬ Music Video thar
Durtlang YMA Zaipawl - Thuvate



*MALDIVES THLIARKAR AH EMERGENCY PUANG
Indian Ocean a thliarkar Maldives sorkar chuan vawiin chhun dar 12 atang khan an ramah emergency an puang. Lamtluang thulakna in a tarlan danin he sorkar thutlukna hi an ram President hlui tan in a khung mek Mohamed Nasheed kaihhruai eptu pawl Maldives Democratic Party ten nawrh huaihawt an tum hma ni 2 ah siam a ni. Emergency puan hi an ramah silai leh ralthuam hlauhawm thahnem tak hmuh anih avangin Attorney general Mohamed Anil chuan an ram President Abdulla Yameen thupek in a puang tak a ni. National Security Council chuan emergency puan hi tul tak zet niin an hria a, chumi behchhan chuan sorkar in thutlukna a siam ta a ni.



*LADC MNF CANDIDATE TE PUANG TA
1. Sangau South - Jb.Vanhawi
2. Sangau West - K.Lalrohlua
3.Cheural - Michael DI Kompa
4. Lungtian - H.Biakzauva
5. Lungpher South - C.Lalhnuna
6. Vawmbuk - Biaknawla
7. Bualpui West - V.Zathang
8. Bualpui East - Lalrozawna
9. Lawngtlai Bazar - Glory Lalropuia chinzah
10. Lawngtlai Vengpui - VL.Dawma
11. Lawngtlai Chandmary - Lalsawmzuala
12.Council Veng - Manghmunga Chinzah 
13.College Veng - C.Championthanga
14.L 3 - T.Lalengmuana
15. Lawngtlai AOC - MC.Lalmawikim 
16.Paithar - Sakhawliana
17.Diltlang South - C.Ramhluna
18. Chawngte - Andrew
19. Sakeilui - Tuturut Singh
20. M.Kawnpui - N.Zangura
21.Bungtlang South - B.Lalvuana 22.Tuithumhnar - H.Sangkunga 
23. Vathuampui - Richard Lalthanzuala
Source: Lawngtlai Future Group (LFG)


*Aizawl N- III Bial By-election neih turah NDA ticket in Lalduhawma ZNP president chu a ding dawn.

*SOUTH SUDAN A THLAWHTHEIHNA TLA AH MI 40 CHUANG THI
Vawiin ah South Sudan a bungraw phur thlawhtheihna Cargo plane chu Paloch, Upper Nile State ah a tla a, mihring chuang 40 chuang an boral. Lamtluang thulakna in a tarlan danin he thlawhtheihna hi chetsualna hmun hi Juba International Airport runway atanga metre 800 vel a hla a ni a, an ram khawpui Juba atanga thlawk chhuak a ni.


*INDIA AH MAGGIE ZUAR LEH DAWN
Nestle Maggie hotu te chuan tun thla chhungin maggie noodle masala chu India ah an zuar tan leh dawn niin an sawi. Lamtluang thulakna in a tarlan danin Bombay High Court thupek in maggie noodle te hi NABL (National Accreditation Board for Testing Calibration Laboratories) pathum ten an endik hnuah mihrinh ei atan ahim tawk niin an finfiah a ni.



*HMELHRIAT LOH FACEBOOK THIAN IN PASAL NEILAI NU PAKHAT PAWNGSUAL
Rajasthan a Jodhpur khua a mi nu pakhat pasal nei lai kum 35 mi chu a facebook friend in pawngsual in, an chanchin a sawi chhuah chuan tih mualpho ah a vau bawk. Lamtluang thulakna in a tarlan danin he nu pawngsual tawk hian kum 2013 khan facebook account a siam ve a, a hmelhriat sa nilo mi pakhat Gajendra Singh, Nagaur district ami chuan friend request rawn thawn in a lo accept a. An in friend takah chuan an inthiantha chho ta a, phone number te thlengin an in hrilh ta a ni. A mipa zawk hian a hmeichhia hi an in awmna address a zawt a, ani chuan a lo hrilh ve mai bawk a. A mipa zawk Gajendra Singh chu an inah chuan rawn leng in thil in tur a rawn ken sak a. Hmeichhia chu a pasal awmloh lai a lo ni nen a intur pek chu a a lo in sak ve mai a, a hnuah a rui ta a, a ruih lai hian a inlengpa chuan a pawngsual ta a, a pawngsual lai hi video in a la bawk a ni. Chu nu mangang lutuk chuan a hnuah chuan a facebook account chu a closed ta hial a, mahse a pawngsual tupa chuan chu.nu hming chuan fake account te siamin an chesual lai thlalak te a post thin a. A tawpah chu nu mangang tawp khawk chuan a pasal a hrilh ta a, an chanchin chu Inrinni liamta zanah police hnenah report in pawngsual tupa chu an man chhuak ta a ni. Lamtluang thulakna in a sawi danin he case khawihtu police hotu ACP Swati Sharma chuan niminah khan a hmeichhe thusawi hi section 161 of CrPC hmangin chhinchhiah sak a ni a, magistrate hnenah an thubuai chu lo ngaihtuah sak turin thawn a ni tawh a, a mipa pawngsual tu hi IPC dan section hrang hrang hnuaiah pawngsual, mi vau leh rikrap thubuai ziahluh sak a ni bawk niin a sawi. (FB ah hian hmelhriatloh thian a accept loh hi a him ber fo thin reng a ni.)



*NUPUI PASAL NEINAWN TE TAN FA NEIH BELH PHALSAK
Rajasthan sorkar cabinet meeting chuan an state chhung a sorkar hnathawk nupui pasal nei nawn leh te chu fa 1 neih leh a phalsak. Lamtluang page chhiar thintu ten in lo hriat atan Rajasthan ah hian kum 2001 June thla atanga khan sorkar hnathawk te chu fa 2 aia tam neih an phallo a ni. Sorkar thupek zawmlo te chu sorkar hna thar pek theih annih loh bakah sorkar hnaah kaisan phalsak anni lo bawk a ni.

*NAGALAND KAWNGPUI SIAM NAN Rs.VAIBELCHHE SANGKHAT PE DAWN
Nimin khan Kohima ah Union Road and Highways minister Nitin Gadkari chuan Nagaland tan kawngpui, leilawn leh hmasawnna thildang siam nan sorkar laipui chuan Rs.Vaibelchhe Sangkhat pek a ni dawn a ti. Lamtluang thudawn danin Union minister hian Dimapur-Kohima National Highway 29 thlur li a siamna tur lung a phum bakah Naga hmeichhe lar zalenna sualtu Rani Gaidinliu piancham kum 100-na lawmna Peren District ah a hmanpuibawk a ni. Minister hian Nagaland road project chu kum 2017 March thla thleng thawh a ni ang a ti. NH-39 Kohima-Imphal kawng 126km a thui chu Rs.Vaibelchhe 1250, Peren-Dimapur kawng a 63kms a thui chu Rs. Vaibelchhe 364 crore leh Kohima- Dimapur bye-pass kawng 61km a thui chu Rs. Vaibelchhe 550 a siam a ni bawk ang a ti. Dimapur leh Kohima inkar kawngpui thlur li a siam tur hi 25km niin Rs.Vaibelchhe 250 hmanga siam tur a ni.

*Mizoram mipui te hi ziak leh chhiar thiam kan tam ngaihtuah in ram hruaitu thlan kan thiam lo in i hria em? Nge hruaitu tur a thlan tur kan nei tha lo zawk? Mi ramah chuan opinion poll ah te hian an rilru dik tak an sawi mai a, kan ramah erawh mipui sukthlek ngaihtuah in inthlan result a dik lem hlei lo a, state dangah chuan municipal leh panchayat (VC/LC) inthlan result a zir hian assembly result pawh a dik duh tlang pui thin a ni. Kan nihna ang a kan lan ngam loh avang hian tha kan tih pawh kan vote ngam lo in i hria em? Sorkar tha hi kan duh tak tak em le?

Tuesday 3 November 2015

3rd November 2015 (Tuesday) news in Mizo

Latest news collection in Mizo language (Online News update from Mizoram)
MIZO TAWNG A CHANCHINTHAR LAWRKHAWM
*Aizawl mipui te u, fimkhur leh rilru puitling takin he kan Zofate Jerusalem enkawltu tur hi in thlang dawn a, miram ah chuan khawpui enkawltu Municipal corporation hruaitu tur hi mi tha tak tak an thlang chhuak thin a ni. Kan Aizawl khawpui hi en ula, kawngpui zauh ngai, motor parkna tha zawk, mipui te tan a tui leh eng tha te, eirawngbawlna gas hnianghnar zawk te, mipui te punkhawmna tha te, hunawl hmanna leh hawithawtna tur fianrial hmun tha te, kan tui leh ek thli mumal taka senghawi dan te ngaihtuah angai a sin. Kan inluah dan te hi a neitu leh inluah te inkar a duh hun hun a inchhuah tir leh mai thin te thleng hian dan mumal zawk siam thei tur te, bazar hmun tha zawk te, khawpui a lo thianghlim theih zawkna tur a hma la thei tur municipal corporation member tha tak thlang chhuak theuh ang u. Miram kan awh em em ah te chuan maw, roreltu ten dan tha an duang chhuak a, chumi dan hmang chuan sorkar hnathawk ten hna an thawk a, a zawm lo te hremna pawh thuneitu ten an lekkawh a, tichuan ram/khaw nuam a lo ni thin. Tute nge dan siam ta ang? ele mipui aiawh a kan thlan lal te hi dan siamtu tur chu anni a, chutiang ang quality nei chauh thlang chhuak ang u. Aizawl hi Aizawl mi te tan chauh nilo in khawvel pum a Zofate tan hian kan Jerusalem a ni si a, a mawi leh a that te a hmasawn dan tur hi Lamtluang chuan kan duh in kan vei ve ve em em a nia. Zawlkhawpui a cheng te u, fimkhur leh uluk takin vote thlak ang che u aw.
*HELHO RUKBO BDO CHHUAH A NI TA
Tukin khan Garo National Liberation Army (GNLA) te chuan Meghalaya Civil Service officer Jude Rangku T.Sangma chu ni 17 an hren hnuah dam takin an chhuah ta. Lamtluang thulakna in a tarlan danin Rangku Sangma hi South Garo Hills a Chokpot a Block Development Officer hnathawk lai a ni a October ni 27 khan GNLA hel te hian an rubo ta a ni. Tukin zingah khan GNLA hel te hian Allagre thingtlang khua ah an rawn chhuah ta a ni. GNLA hel te hian an area chhungah police emaw sipai ten operation nei tawh lo se tiin phut an nei a, hetih lai mek hian vawiin khan Meghalaya High Court chuan Garo Hills ah hian hel ho ten buaina an siam nasat avangin Armed Forces (Special Powers) Act hman phalna pe turin sorkar laipui hnenah hriattirna a chhuah a ni.
Pix: Jude Rangku T.Sangma while he was under GNLA camp hostage

*Aizawl North-II Assembly by-election neih tur atan INC+MPC candidate Lalthanzara chuan vawiin ah khan nomination a a file ta. MNF leh ZNP+BJP candidate ten nomination an la file lo thung. Lamtluang page hi i thiante lo like tir ve rawh le

*ZONET ZONUNIN POLITICS ZAWM TA
Zonet TV anchor hriatlar Zonunsangi Fanai, Vaivakawn Aizawl chuan Aizawl Municipal Corporation inthlan lo awm turah hian Ward no.13-ah MPCC ticketin din ve a tum tih vawiin a MPCC leh MPC tangrual ten candidate list an chhuah ah a lang. Lamtluang thudawn danin Zonuni dinna bial turah hian MNF lamah chuan a khingpui tur chu Dawrpui vengthar nula Dr.Saithantluangi Zote a ni dawn a ni. Mizo TV thupuangtu zei tak Mali LPS pawh khan AMC term hmasaber ah khan MNF ticketin a lo ding tawh bawk a nih kha. MPCC leh MPC te candidate list hi Lamtluang a hemi hma chiah post ah hian en theih e.
Mizoram local TV channel Zonet TV celebrated anchor Zonunsangi Fanai is contesting for Aizawl Municipal Corporation Ward No.XIII election to be held on November, 2015 She is popularly knows as Zonet Zonuni

*AMC INTHLANA MPCC (INC) LEH MPC CANDIDATE TE
Ward 1. Zomuanpuii. MPCC
Ward 2. Thanruma Sailo MPC
Ward 3. Pu Dalkhena MPCC
Ward 4. G. Thuamliana MPC
Ward 5. Rosiamngheta MPCC
Ward. 6 Lalchhuanmawia MPCC
Ward 7. K. Lalhmingliani MPCC
Ward 8. S. Kapzathanga MPCC
Ward 9. Laldinpuii MPCC
Ward 10. Lalzirliana MPCC
Ward 11. T. Lalnunzira MPC
Ward 12. K. Lianhmingthanga MPC
Ward 13. Zonunsangi fanai MPCC
Ward 14. Lalrimawia MPCC
Ward 15. Zodingpuii MPCC
Ward 16. C. Lalsawivunga MPC
Ward 17. H. Vanlalruata MPCC
Ward 18. M. Zohmingthangi MPCC
Ward 19. R. Lalchhuanawma MPCC

2nd November 2015 (Monday) news in Mizo

Latest news collection in Mizo language (Online News update from Mizoram)
MIZO TAWNG A CHANCHINTHAR LAWRKHAWM
 2.11.2015

*KASHMIR AH INDIA SIPAI 2 KAHHLUM ANNI
Vawiin chhun dar 12:30 vel khan India leh Pakistan inrina Line of Control (LoC) awmna Gurez sector, Jammu and Kashmir ah Pakistan sipai ten India sipai te mortar leh machine gun in an rawn kap a, India sipai ten chhanglet nghal in darkar 2 dawn an inkah hnuah India sipai 2 in nunna an chan a ni.

*‘MIZORAM HMATHLIR’ TIH THUPUI HMANGA ESSAY INZIAH SIAK BUATSAIH A NI
A duh apiang tel theihna tur ‘Mizoram Hmathlir’ tih thupui hmanga Mizotawnga Essay inziahsiakna (Essay Competition) chu Planning & Programme Implementation Department chuan 30th November, 2015 hma a thehluh theihin a buatsaih a. Essay inziah siak lawmman hetiang hi a ni :
a) 1st Prize - Rs. 50,000/-
b) 2nd Prize - Rs. 30,000/-
c) 3rd Prize - Rs. 10,000/-
d) Consolation Prize (2 Nos.) - Rs. 5,000/- each

Secretary, Planning & Programme Implementation Department ah Hming, Address leh Contact kimchang ziak langin hard copy 3 leh soft copy (mizoplan@gmail.com) ah thehluh tur a ni. Essay ziah atang hian rawtna leh ngaihdan tha ziahte chu Planning Department in a remchan anga a taka hman a tum avangin tihhlawhtlin theih chi chauh ziah tur a ni. Hrechiang duh chuan Planning & Programme Implementation Department (Research & Development Branch) ah Office hunchhungin zawhfiah theih a ni. (DIPR)

*MLA BYE-ELECTION DISTRICT LEVEL STANDING COMMITTEE THUKHAWM
ECI kaihhruaina anga 12-Aizawl North-III (ST) A.C. Bye-election neih tur atana din District Level Standing Committee chu Chairman Dr Franklin Laltinkhuma DEO hovin vawiin chawhnu dar 1:00 khan ama office chamber ah an thukhawm a, inthlanna neih tur atana tul hrang hrang - Polling Station leh Counting Centre buatsaih dan tur te, power supply, water supply, medical, security, traffic, fire chungchang te leh training buatsaih dan tur te an sawiho. 12-Aizawl North-III (ST) A.C. bial huam chhunga veng paruk ah hian Polling Station 19 siam tura ruahman a ni. District Level Standing Committee ah hian Returning Officer leh Asst. Returning Officer te bakah department kaihhnawih hrang hrang te, Political Party, MJA, CYMA, MUP, MHIP leh MPF aiawh te an tel a ni. (DIPR)

*TINKLE DIGEST AH AIZAWL TLEIRAWL MAPUI CHANG VE DAWN
India rama naupang leh thalai te chhiar hlawh tak Tinkle Digest a superhero thar ber tur chu Mapui, Mizoram tleirawl a ni. Lamtluang thulakna cathnews in a tarlan dan in Tinkle superhero thar 'Mapui Kawlim' hi Aizawl tleirawl kum 13 niin 'Wingstar' tih hminglem pek a ni a, a pa chu sorkar hnuaia Space Development hna thawk anga tarlan ni dawn. Mapui hian a pa a chhun a Rocket Thrusters, Iron Fists leh Reinforced Robotic Arms te a thiam em em a, an thenawm te tan malsawmna tam tak a ni dawn a ni. Tinkle Digest ah hian hmeichhia superhero 2 an lo awm tawh thin a Mapuii hi a 3-na a ni dawn ta a ni. Mapui lanna Tinkle copy hi tunthla chhung a tihchhuah tum a ni. Lamtluang in a zirchiannaah he comic a Mizo tleirawl an tarlang tur hi a lawmawm viau rualin a hming hi duh aiin an zirchiang lo emawni 'Mapui Kawlim' an ti ringawt a pa hming lah chu Mizo hming lo deuh 'Tashi Kawlim' an phuah bawk a, a buatsaihtu te hian Mizo hmingphuah dan chhuichiang hmasa se a duhawm khawp mai.

CRITICAL ANALYSIS OF TINKLE COMIC NEW SUPERHERO MAPUI FROM MIZORAMLamtluang did a preview/analysis by our own about this upcoming superhero Mapui, based on our insider Mizo point of view we think that the editorial team may never know that in almost every Mizo female name are ended with letter 'i', if it is the real Mizo name in a correct form Mapui would be written as 'Mapuii' because if we say 'Mapui' means we called her in nick or half  name, but for writing we do Mapuii. And regarding her surename no Mizo has any surename of Kawlim, but we have Kawilam, this may also their ignorance about Mizo surename. Moreover,  regarding her Father name, he may be non-Mizo because Tashi never known in real Mizo name. So, based on our studies of news report about Tinkle comic new superhero Mapui idendity is difficult to trace from our Mizo perspective. She may be Mixed kid of Mizo and Non-Mizo. We really wanted to tell the editorial team about how we the Mizo composed name and getting our surename in a correct format. We also appeal to the editorial team to write Mapui name as Mapuii in a correct format, if they do so it will be pleasant to read for the Mizo people.

Snippet of Tickle comic that will feature Mizo girl Mapui as superhero.
Lamtluang did a preview by our own about this upcoming superhero Mapui, based on our insider Mizo point of view we think that the editorial team may never know that in almost every Mizo female name are ended with letter 'i', if it is the real Mizo name in a correct form Mapui would be written as 'Mapuii' because if we say 'Mapui' means we called her in nick or half  name, but for writing we do Mapuii. And regarding her surename no Mizo has any surename of Kawlim, but we have Kawilam, this may also their ignorance about Mizo surename. Moreover,  regarding her Father name, he may be non-Mizo because Tashi never known in real Mizo name. So, based on our studies of news report about Tinkle comic new superhero Mapui idendity is difficult to trace from our Mizo perspective. She may be Mixed kid of Mizo and Non-Mizo. We really wanted to tell the editorial team about how we the Mizo composed name and getting our surename in a correct format. We also appeal to the editorial team to write Mapui name as Mapuii in a correct format, if they do so it will be pleasant to read for the Mizo people.
 
*MIZO ZAITHIAM HLUTEIN KHIANGAWI DAWN
Pathian fakna hla satu lar Lalruathlui (Hlutei), D/o. C.Zaia, Dawrpui veng, Aizawl chuan November ni 12, 2015 ah pasal a nei dawn, a pasal tur hi Newton Zomuansanga S/o. Rozamliana Hrahsel (L), Mission veng, Aizawl a ni. Lamtluang in thu a lo hriat danin Hlutei leh Newton te hi Ningani dar 1pm-ah Mission veng Presbyterian Biak Inpui, Aizawl-ah an innei dawn a ni.
Mizo celeb Gospel singer Hlutei (Lalruathlui) will be getting married on November 12, 2105 with Mr.Newton Zomuansanga at Presbyterian Church, Mission veng, Aizawl.

*MIZO NATIONAL FRONT, GENERAL HEADQUARTERS, MIZORAM : AIZAWL
Heng a hnuaia hming tarlante hi Aizawl Municipal Corporation inthlan 2015-a neih turah MNF Official Candidate -te an ni.
Ward No-I - Pi C. Lalrinsangi (Sangpuii) Durtlang
Ward No-II - Pu Lalringliana Bawngkawn
Ward No-III - Pu K. Romawia Ramhlun North
Ward No-IV - Pu Laltlanzova Khiangte (Tetea) Ramhlun South
Ward No-V - Pu Lalrinenga Sailo Durtlang North
Ward No-VI - Pu C. Lalmuanpuia Chanmari West
Ward No-VII - Pi Lalrinzuali Zemabawk North
Ward No-VIII - Pu P.C. Lalhmingthanga Armed Veng South
Ward No-IX - Pi B. Lalawmpuii Chhinga Veng
Ward No-X - Pu R. Lalbiakthanga Chawnpui
Ward No-XI - Pu H. Zonunsanga Luangmual
Ward No-XII - Pu R. Thanglura Dinthar
Ward No-XIII - Dr. Saithantluangi Zote Dawrpui Vengthar
Ward No-XIV - Pu Lalhmingmawia Mission Vengthlang
Ward No-XV - Pi Lalvulliani Bungkawn
Ward No-XVI - Upa Ramherliana Bethlehem Vengthlang
Ward No-XVII - Pu Lalremtluanga (Pataia) Republic Veng
Ward No-XVIII - Pi Lalrengpuii Dam Veng
Ward No-XIX - Er. C. Lalthansanga Tlangnuam

(T. LIANSIAMA)
Chairman
(ZORAMTHANGA)
Secretary
AMC NOMINATION COMMITTEE
MNF Gen. Hqrs, Mizoram : Aizawl

*HERO COMPANY DINCHHUAKTU BORAL
India rama two wheeler company lianber Hero MotoCorp dinchhuaktu Brijmohan Lall Munjal (92) chu nimin khan South Delhi a private hospital ah a boral. Lamtluang thu hriat danin British in India an awp lai khan Pakistan ramah a piang a, kum 1940 atangin thirsakawr siam na an din tan a, India independent hnu khan Ludhiana ah Munjal te unau ho chuan thirsakawr siamna company an din chu an suan a, kum 1956 ah official hming atan Hero Group tih an hmang tan a ni. An sumdawnna a lian zel a two wheeler siam hna an tan a, khawvel a two wheeler siamchhuak tu lianber dawttu anni chho ta a ni. Kum 1986 khan Japan company Honda te nen two wheeler siamchhuah hna an thawk ho a Hero Honda tih anni a, khawvel a lirthei ke hnihnei siamchhuak hnem ber anni ta a, kum 2011 khan an thawhhona an titawp leh ta a ni. 

Lamtluang page chhiartu ten in lo hriat atan Brijmihan Lall Munjal kaihhruaina hnuaiah tho hian kum 1986 atang khan India ram a thirsakawr siamchhuak hnember Hero Cycle company hi an din tel leh bawk a ni. Kumin kum tir lam khan Brijmohan Lal Munjal hian Hero MotoCorp hotu anih na atangin a chawl a, mahse a chawlh hnuah pawh Chairman emiretus nihna an chelh tir zel tho a ni. Kum 2005 khan India sorkar in 'Padma Bhusan' chawimawin a hlan a ni. Brijmohan Lall Munjal hian a fapa 3 leh a fanu 1 te a boral san a, vawiinah a ruang halral a ni ang. An company hna a thawh bakah hian Ludhiana leh a chheh velah zirna in leh damdawiin te a din nual bawk a ni.

LAMTLUANG ZINGKAR CHANCHINTHAR TAWI LAWRKHAWM
*Zofate zai leh a hlaphuah hmanga min awitlei thintu Laltanpuia Tochhawng (55) chu vawiinah an chenna in Chawnpui veng, Aizawl ah vuiliam a ni ang.

*Mizoram University hnuai a Undergraduate Course zirlai ten November ni 9 atanga December ni 4 thleng Semester exam an nei dawn.

*Russia aviation official te chuan Airbus A-321 chu vansang a awm lai kah darh ani an ti.

*Nimin zing khan Indian Navy (Lawng sipai) te chuan indo lawng INS Kochi atangin hlawhtling takin BrahMos supersonic cruise missile an enchhin. Lamtluang thudawn danin he missile hi km 290 a hla kap thei a ni.

*Nimin khan Bihar ah assembly inthlan thawh 4-na neih zawh ania 57% vote a tla.

*Nimin thleng khan Aizawl North-II bial assembly by-election neih tura chuhtum hming pelut an la awm lo.

*Indonesia leh Brunei ram tlawh tur a zinchhuak mek India Vice President Hamid Ansari chuan nimin khan Indonesia khawpui Jakarta a thleng. Lamtluang thu hriat danin November ni 4-6 chhungin Brunei a tlawh leh bawk dawn a ni.

*Nimin khan Somalia ah Al-Shabab Islamist firfiak ten an ram khawpui Mogadishu ah hotel luhchilh in mi 15 an kaphlum.

*Nimin khan Sania Mirza leh Martina Hingis te Singapore Open hmeichhe double final ah an champion.

*American actor Al Molinaro chu kum 96 mi niin California ah a boral.

*Thingtlang loneitu te pawh in an buh chin te seng turin an inbuatsaih tan, lolamah thlam leh buhzem, fasuar tur chak an lakkhawm hun a ni leh ta bawk.

*Thawhtanni a lo ni leh ta reng mai, Lamtluang page chhiartu te in zavaiin chawlhkar thar hman nuam vek ule. Thlalak kan rawn tarlan hi India leh Myanmar inrina Zokhawthar a nia , reddit.com atanga kan lakchhawn a ni e. I chhiar chhuak dap em?

*TURKEY INTHLANPUI AH AKP CHAK
Turkey ram a parliament inthlanpui a vote tla te chhiar zawh thawkhat ani a, rorellai Justice and Development Party (AKP) chuan 49.4% an hmu tawh a, sorkar na an chang nawn leh thei dawn a ni. Lamtluang thudawn danin eptu pawl lianber CHT te chuan 25.4% chauh an hmu pha a ni. Prime Minister Ahmet Davutoglu chuan "Kan ram a mipui rorelna (democracy) leh mipui te tan a hnehna a ni e" tiin hnehna an chan thu a sawi. Kumin June thla khan rorellai AKP te hian rintawkloh an hloh tak avangin inthlanpui hi buatsaih a ni ta a ni.

1st November 2015 (Sunday) news in Mizo

Latest news collection in Mizo language (Online News update from Mizoram)
MIZO TAWNG A CHANCHINTHAR LAWRKHAWM

*MLTR TE GUWAHATI LEH DIMAPUR AH CONCERT DAWN
Khawvel a pop/soft rock band lar Michael Learns to Rock (MLTR) te chuan December ni 13 ah Guwahati a Sarusajai Stadium ah concert an nei dawn a, Lamtluang in thu a dawn danin December ni 15 ah Dimapur a NEZCC Ground ah concert an nei chhunzawm leh ang.

*Zanin a kan thentak Lalțanpuia Tochhawng hian Pathian fakna lam hla 3, khawhar hla 2, Lengzem hla 30 leh Hla lenglawng 3 a phuah a. A hla phuahte hi a hit hlawm hle. A bikin 'Hmangaihna ka ngên a ni' (1988) tih bakah, 'Mite'n an hmu ve lo' (1989) tih te, ' Ka duat ngawt ang che ' tih hla a phuah leh sakte chuan mi lawm a hlawh hle a ni. Hei bakah hian 'Hmangaih LM' (1986), 'Mampui ka duh ber che a' (1988), 'Min tuahrem thuai se' (1983), 'I hriat loh ka hlau țhin a' (1987), 'Lung min rualpui leh rawh' tih te hi tunlai thlenga sak hlawh a ni.
-
Lalțanpuia Tochhawng hi kum 1961 September ni 15 khan Kawrthah khuaah a piang a. Kum 1981-ah Aizawlah an rawn pem chho va. Kum 1984-ah Lawmnapari nen an innei a, kum 1993 khan a piangthar a; Aizawl Chawnpui Vengah a nupui fanaute nena khawsa mek an ni.

*GARO HEL TEN BDO AN MAN LA CHHUAH LO
October ni 27 tlai a Garo National Liberation Army (GNLA) ten Meghalaya a Chokpot BDO Jude Rangku T.Sangma an man chu tun thlengin an la chhuah lo. Lamtluang thulakna in a tarlan danin BDO Rangku Sangma hi Garo Hills khawpui Tura a pan laiin a Deku bul ramhnuaiah Garo hel te hian ti dingin amah leh a mi phurh mi 2 te nen an hruaibo ta a ni. Meghalaya sorkar hruaitu te chuan BDO hi a chhuah theih nan theihtawp in hma an la mek a ni

*REL TICKET WAIT LIST A AWM TE TAN VIKALP HAWNG
Vawiin khan Indian Railways chuan rel ticket latu zing a confirmed ticket chang lo wait list a awm te tan rel dang remchang an chan theih na tur Vikalp an tih chu an hawng. Lamtluang thulakna in a tarlan danin Vikalp scheme ah hian an ticket lak laiin wait list a awm te chuan rel rawn tlan remchang dang a ticket pek an duh tih an thai tel chuan chutiang remchang ah chuan ticket pek theih anni tawh dawn a ni. Vikalp scheme hi thla 6 chhung atan internet atanga ticket la te tan phalsak phawt anni dawn a ni.

*ZAITHIAM LALTANPUIA TOCHHAWNG BORAL
Mizo hranghlui zaithiam leh hlaphuah thiamLaltanpuia Tochhawng chu vawiin tlai dar 4:30 vel khan an in bul kopang sang tak atangin a tla a, damdawiin panpui nghal a ni a, zanin chawi eikham dar 6:13 vel khan a boral ta ni a sawi a ni. Lamtluang in whatsapp atanga thu a dawn danin a ruang hi Aizawl Civil Hospital ah ah a la awm a, an chenna veng Chawnpui ah phurh thlak tur a buatsaih mek a ni. Mi tam takin kan hriat lar theih dan tur chu 'Hmangaihna ka ngen a ni' tih hla satu kha a ni. Laltanpuia Tochhawng hi Kawrthah khaw chhuak a ni.
 
Mizo classic singer Laltanpuia Tochhawng died in accident at their locality Chawnpui veng, Aizawl
*Vawiin ‪#‎Aizawl‬ boruak chu a vawt var mai. Zing atangin khua a duai a, ruah tam vaklo in a tla zeuh bawk. Boruak lum leh vawh lam chu Lamtluang thulakna in a tarlan danin 19C-23C inkar a ni. Thli pawh khua ti vawt belh tawk lekin a thaw zeuh zeuh bawk. A thlasik tan ta hle mai.In khaw lam boruak a vawt ve deuh em?

*KHAWVEL PUM A NATION BRAND LIST AH INDIA 7-NA
Brand Finance ten kumtin a khawvel pum a sumdawng lian te thil siamchhuah zawrh na atana hmun tha list a chhutchhuah ah India chu 7-na a ni. Lamtluang thulakna in a tarlan danin 'Nation brand' list ah hian US chu pakhatna niin China, Germany, UK, Japan, France leh India ten an dawt a ni. Nation brand value a India hmasawnna hi 32% a ni a chu chu a pawisa in $ Tluklehdingawn 2.1 a ni. Nation brand tih hi economic term niin kum 5 chhung a company brand nei te thil zawrhna atana hlawk leh hlawk lo tur ram te chhuichianna a ni ber mai. BRICS ram te zingah India chiah hi a sang zawng a brand value than tir awmchhun a ni.

*BIAKMUANA VUILIAM A NI TA
Nimin a Tuirial a bike chesual a boral zaithiam ‪#‎Lalbiakmuana‬ chu vawiin chhun dar 12 khan Aizawl a Tuikual South YMA hall ah chatuan atan vuiliam a ni ta. A vuina ah hian an chhungte leh amah ngaina tu Zoram hmun hrang hrang atangin an pungkhawm a ni.

*Vawiin hi Khawvel Sunday School ni a ni a, kohhran hrang hrang ten thupui neiin he hun hi hman an tum. Khawvel Sunday School ni hman nuam vek ule.

31st October 2015 (Saturday) news in Mizo

Latest news collection in Mizo language (Online News update from Mizoram)
MIZO TAWNG A CHANCHINTHAR LAWRKHAWM

*IS TEN RUSSIA THLAWHTHEIHNA AN KAPTHLA NIIN SAWI
Vawiin a Lamtluang a kan rawn tarlan tawh Egypt ram a Russia thlawhtheihna Airbus A-31 tla kha Islamic State firfiak pawl te chuan an kahthlak niin Aamaq website ah an tarlang. Twitter lamah pawh IS te chuan ti hian an ziak a"Islamic State tan a beitu te chuan Sinai Province ah Russia thlawhtheihna crusader mi 220 phur chu an kap thla thei a, an thi vek leh nghal, Pathian hnenah lawmthu awm rawh se" tiin

 *MIZO IDOL 2011 2-NA BIAKMUANA BORAL
Whatsapp atanga Lamtluang in thu kan dawn danin zanin tlai khan Mizo Idol 2011 a 2-na ‪#‎Lalbiakmuana‬, Chhiahtlang chu Tuirial bulah bike accident avangin a boral. A chetsual na hmun atang hian Greenwood hospital, ‪#‎Aizawl‬ panpui a ni a, doctor ten a nunna chhan theih a ni tawhlo niin an sawi. (News hi kan dawn ang ang a post a ni a, confirmed tawh a ni e, comment ah news dang a copy paste kan dah bawk e.)
Mizo artist and Mizo Idol 2011 runner up Lalbiakmuana died in bike accident at Tuirial airfield, Mizoram

*Mizo Music Video thar S.VOX Project - Chhura Sangha vua
https://www.youtube.com/watch?v=ILd_F8qWd7g 
 
*SINAI AH RUSSIA THLAWHTHEIHNA MI 224 PHUR TLA
Vawiin chhun ah khan Russia khualzin phur thlawhtheihna Airbus A-321 chu Eygypt rama Sinai tuipui hnaih ah a tla. Lamtluang thulakna in a tarlan danin he thlawhtheihna hi Tuipui sen (Red Sea) bul a Sharm el-Sheikh atanga Russia ram St.Petersburg pan a thlawk chhuak a ni. Thlawhtheihna tla ah hian khualzin mi 217 leh thlawhna thawktu mi 7 an chuang a, khualzin te hi Russian deuh vek ni a sawi an ni. Thlawhna tla hi ‪#‎Russia‬ ram a airline company Kogalyma te ta niin registration number chu KGL-9268 a ni.

*MIHAUSA IN MIRETHEI INSAK SAK DAWN
India mi London a cheng mihausa Robin Raina chuan India ram a mirethei in leh lo neilo te tan in sangruk sak sak a tum. Lamtluang thulakna in a tarlan danin Robin Raina hian software company a nei a, a hausak sum hmang in India a mirethei te chenna sak sak hi a tum a ni.

*CSS AH NE TAN 50:50 NI DAWN TA LO
Mizoram leh India Hmarchhak state dang te tan India sorkar laipuiin hmasawnna hnathawhna tur a duan centrally-sponsored schemes (CSS) chu a hma kalpui danin state in a lo tum ve tur chu 10% a la ni chhunzawm dawn a ni. Lamtluang thulakna in a tarlan danin CSS hi India hmarchhak state hnufual te tan 90:10 a ni ang a, tin CSS hnuai a hmasawnna hnathawhna tur thenkhat ah erawh chuan 80:20 a ni tawh thung dawn a ni.

Monday 21 September 2015

21st September 2015 (Monday) news in Mizo

Latest news collection in Mizo language (Online News update from Mizoram)
MIZO TAWNG A CHANCHINTHAR LAWRKHAWM

*JHARKAND LEGISLATIVE ASSEMBLY HNUAIA PUBLIC ACCOUNT COMMITTEE IN MIZORAM RAWN TLAWH
Ni. 19.9.2015 khan Jharkhand Legislative Assembly a Public Accounts Committee te chuan Study Tour neiin Mizoram an rawn thleng a, ni 22.9.2015 hian an ram lam panin an haw leh ang.

He Assembly Committee hian vawiin khan Mizoram Legislative Assembly Speaker Pu Hipheia chu a Pisa ah hmu in titi hona an neihpui a, Speaker hian ngaihhruina thilpek a lo pe a ni, Hemi hnu hian Mizoram Legislative Assembly a Public Accounts Committee Member te nen Joint Sitting an nei a. State pahnih-a Committee hnathawh dan chungchang te sawihoin, inzirna tur an neih ang ang te leh thil pawimawh dangte an sawi ho a ni. (DIPR)

*ZU RUI MI 28 MAN
Mizoram Excise te chuan August 2015 chhung khan Zu rui mi 208 an man a, Zu zuar mi 97 an man bawk. Rakzu 2562.625 litres & 9 packs an man a, Asenchi (MFL) um 303 leh beer um 12 an man a, Zu bilhlai tin 6080 an man bawk.

*MIZORAM POLICE CONSTABLE (UNARMED) LA DAWN
Mizoram Sorkarin Mizoram Police Manual one time relaxation hmanga a phal angin Mizoram Police Constable (Unarmed) mi 20 a la dawn a Law and order kenkawh-ah hian pa lian leh chakte hi an tangkai bik hle a, hei hi hriain sorkar chuan fit 6 (182 cms) aia sang hlir 20 (an daih loh chuan fit 5 leh inches 10 (178 cms) chin chunglam) lak tha a ti a. Anni hi khawpui chhunga duty bik tur an ni anga. a tul erawh chuan hmun dangah pawh duty tir theih tho an ni thung dawn a ni. He Police Constable hna a lut turte chu HSLC leh a tlukpui pass, September 30, 2015 a kum 18 leh 28 inkar (SC/ST tan chuan kum 33 thleng) an ni tur a ni a. middle school a zir chin ang Mizotawng an ziakin an chhiar thei tur a ni bawk.

Dilna form hi District SP Office pariat leh PHQ atangin ni 23 September atangin office hun chhungin Rs 50/- zelin lakchhuah theih a ni a. Hriattur tulte chu dilna form-ah ziahlan a ni. Dilna chu a tul anga ziahluh turte ziah luh hnuah 3rd BN MAP Ground, Mualpui-ah Ni 12 Oct, 2015 Dar 10-ah thehluh a, medical test neih nghal tur a ni dawn a, a tlingte chuan ni 14 atangin physical test - Long Jump (3.30 mtrs), High Jump (1 mtr), 1 Km Run (minute 5 chhung), 100 mtrs (15 secs. chhung) te test anni leh ang a, heta tlingte hian written test leh personal interview neih leh tur a ni ang. Hriatchian duh nei chuan AIG - 1 Office, Police Headquarters, Khatla, Aizawl-ah zawhfiah theih a ni. Mizoram Police website www.police.mizoram.gov.in-ah en theih a ni bawk. (DIPR)

*LIRNGHING VANGIN MI SANGKUA IN IN LEH LO CHAN
September ni 16 a 8.6 magnitude a chak a Chile a lir a nghin avangin mi 9000 chuang in in leh lo an chan. Mi 13 chin hriat loh in an awm mek.

*CSS HINDI TEACHER TE HLAWH TUR NAWRIN SORKARIN THEIHTAWP A CHHUAH RENG
CSS Hindi Teacher te hlawh chungchanga School Education Department thuchhuah chu a hnuai ami ang hi a ni.

Tun hnaia tualchhung chanchinbu thenkhata lo lang CSS Hindi zirtirtuten thla 7 hlawh an la tawh lo tih chungchangah thil awm dan chu hetiang hi a ni.

Mizoram sorkar chuan CSS Hindi Teacher te hlawh atana sum dilna (sanction proposal) chu Govt. of India-ah thehlutin a tul apiang a bawhzui zel a, theihtawp a chhuah mek. Hindi teacher-te hlawh atana sum dil kawngah hian Ministry of Human Resource Development (MHRD), Govt. of India chuan kumdanga a phut ngai loh thil chi hrang hrang a rawn phut a. An thil phut chi hrang hrang thehluh anih hnuah pawh duh angin hna a kal chak mawh hle mai a, a hma thei ang bera nawrchhuah tumin Mizoram sorkar chuan a nawrzui zel a ni.

Hindi Teacher-te hlawh tur dilna thehluh dawn hian a hmaa sum hmuh tawh hmanna audit certificate thil tel a ngai zel a, hetiang anih avang hian Accountant General Mizoram-in min audit zawh veleh an hlawh tur proposal hi Govt. of India-ah audit certificate nen thehluh nghal a ni. AG hian Audit calendar ang pawh ni lovin Department in hmanhmawh a ngenna a hriatthiampui avangin audit hi min tih hma sak nghe nge a, a lawmawm hle. Proposal hi School Education Department-a official-ten Audit certificate nen thlap Ministry of Human Resource Development (MHRD), Govt. of India-ah Dt 22.4.2015 khan thehlutin an nawrzui zel a ni.

MHRD ah hian Languages (Hindi teaching scheme) khawihtu officer-te Ministry dangah transferred an ni a, Officer thar, mi thar, a hma lam thu hre loten an khawih avangin file a kal chak mawh hle. Rei tak proposal an enfiah hnuah kum danga an la phut ngai loh, High School leh Middle School Hindi Teacher list leh contact number-te MHRD hian a rawn phut thar a. Hei pawh hi OSD Mizoram House, New Delhi kaltlangin Dt 23.7.2015 ah thawn a ni.

MHRD chuan an ngaihtuah zel a, State sorkar pawhin bawhzui ngai apiang a bawhzui reng bawk a, chuti chung chuan Dt 7.9.2015 ah MHRD chuan thil pahnih - CSS Hindi Teachers 1305 te tan Govt. of India-in approval a pekna leh Heng mite Department-in a chhawr avanga State-in a hlawkpuina (Progress report leh physical achievement) thehlut turin Mizoram sorkar a rawn hriattir leh a. Heng an thil phutte hi Dt 10.9.2015 ah chhanna peihfel a ni a (vide No.A.11013/8/2015-EDN Dt 10.9.2015) Dt 11.9.2015 ah Minister, School Education Department-in Delhi-ah a keng nghal nghe nghe a ni.
School Education Minister, Parliamentary Secretary leh Department official-ten Hindi teacher hlawh tur dilna hi bawhzuiin an ngaihven reng a. Department chuan a tih theih a ti nghal zel a ni.

Sorkar kalphung leh thawktu inthlak danglam nasa tak kan tawng a. MHRD ah phei chuan he lam khawihtu Section Officer, Under Secretary, Deputy Secretary, Economic Adviser, Director, Joint Secretary, Additional Secretary, Secretary thlengin mi thar an ni a, eng stage-ah pawh hian thil hrechiang turin hun an mamawh niin a lang.

CSS Hindi Teacher te hlawh tur nawr hian School Education Department chuan theih tawp a chhuah reng a ni.

*SAUDI INDO THLAWHNA TEN YEMEN BEI ZEL
Saudi Arabia leh an tanrual pui Arab ram te indo thlawhtheihna ten Yemen hmarthlang lam Sa'ada an beihna ah mi 50 chuang an boral. Lamtluang thulakna in a tarlan danin Saudi leh Arab tangrual te indo thlawhtheihna ten Yemaen an beihna ah hian tunhnai ah mi 100 chuang in nunna an chan a ni. Ram pahnih buaina avang hian mi 5300 chuang in nunna an chan tawh a, mi sang tam takin hliam an tuar bawk a ni. He inbeihna ah hian India mi hnathawk a awm thenkhat te pawh in nunna an chan a ni.

*TRIPURA AH NLFT HEL 3 MAN
Niminpiah zan khan Tripura police ten National Liberation Force of Tripura(NLFT) zing a mi 3 an man. Lamtluang thulakna in a tarlan danin heng zinga mi 2 te hi Bangladesh ramchhung Japui thingtlang khua atangin an man a, pakhat dang chu Sepahitala khua atangin an man a ni.

*INDIA LEH PAKISTAN IN LOC AH MEETING NEI DAWN
Vawiinah India leh Pakistan sipai hotute chuan Jammu and Kashmir a Poonch hmuna Chakan da Bagh a Line of Control (LoC) ah ramri kan chungchang a inremna neih tumin inbiakna an nei dawn. Lamtluang thulakna in a tarlan danin he inbiakna hi sipai brigade commander level ten an nei dawn a ni.

*TURKEY TUIPUI HNAIHAH RALTLAN TE LAWNG KEHCHHIA
Nimin khan Islamic State firfiak te hlau a tlanchhia raltlan te chuanna lawng Turkey tuipui hnaih ah a keh avangin raltlan mi 13 an thi. Lamtluang thulakna in a tarlan danin he lawng keh ah hian mi 46 an chuang a, mi 29 te chu chhanchhuah an ni a, thi zingah hian naupang 4 an tel, midang 27 te chu chin hriat loh in an la awm a ni. He lawng kehchhe ta hian Greek thliarkar Lesbos an pan laiin lawnglian nen an insu palh a ni.