Thursday 4 October 2018

MIZORAM MLA LALRINLIANA SAILO RESIGN

LAMTLUANG NEWS: Aizawl: Mizoram Congress MLA from Tuichang constituency Lalrinliana Sailo submitted his resignation to Assembly Speaker Hiphei on October 3, 2018 (Wednesday). As per the information gathered by Lamtluang news Lalrinliana Sailo also sent resignation from Indian National Congress at the same day. He said that he will be joining Mizo National Front party. When he was submitting his resignation at the Assembly Speaker office he was accompanied by MNF MLAs and R Lalzirliana recently resigned from Home Minister in Mizoram. The reason of his resignation is the incumbent government (Lal Thanhawla led ministry) do not allow to carve out new district for Khawzawl which is located in his constituency. As per the reliable source Lalrinliana Sailo will be given a ticket in Chalfilh Constituency by MNF party in the up coming Mizoram Assembly Election which will be held at the end of this year.


Lalrinliana Sailo, MLA Mizoram


LALRINLIANA SAILO MLA IN BANNA THEHLUT
Aizawl: Tuichang bial MLA nilai Lalrinliana Sailo chuan October ni 3, 2018 khan Assembly speaker Hiphei hnenah MLA atanga a banna a thehlut. Lamtluang thuhriat danin Lalrinliana Sailo hian a awmna thin Congress partyah pawh banna a thehlut bawk. Thuthar lakhawmtu te zawhna chhangin Lalrinliana hian MNF party a zawm tur thu a sawi bawk. MLA atanga banna a thehluh lai pawh hian MNF MLA te leh tunhnaia minister atanga bangta R Lalzirliana ten an tawiawm a ni. A banna chhanah a sawiah chuan tuna sawkar lai INC te hian Khawzawl district puan an tum loh avangin a tan ban mai loh chu tih tur dang awmin a hre ta lo a ni.

Wednesday 21 February 2018

THUHRILTU LAR BILLY GRAHAM BORAL CHUNGCHANG A THU BENGVAR THLAK


21.2.2018 (Nilaini/Wednesday) Aizawl: Khawvel huap Pathian thuhriltu lar Rev.Billy Graham (99) chu India sana a Nilaini zan dar 6 vel khan an chenna  Montreat, North Carolina, US ah a boral. Lamtluang thulakna in a tarlan danin Evangelist Billy Graham hian kum 1992 atang khan Parkinson desease (natna) a vei a, chumi hnu chuan rawngbawlna lamah zawi zawiin a chawl chho tan a, kum 2010 April thla a Billy Graham Library cheithat leh hlanna an neih tum a mipui hmaa a lan bak chu pawn a chhuak ta mang lo a ni. Kum 2013 khan a birthday vawi 95-na niah TV kaltlangin Pathian thu a sawi a, chu chu a sermon sawi hnuhnun ber a ni ta a ni.

Rev.Billy Graham hi a nupui Ruth Graham chuan kum 2007 khan a boral san tawh a ni. Rawngbawltu ropui Billy Graham hian a damlaiin khawvel ram hrang hrang 185 chuangah crusade vawi 400 chuang a nei a ni. 

A THLANAH ENGE INZIAK DAWN?
Pathian in rawngbawl tur a a kohna chu a theih na sangberin a ti hlawhtling thin a, www.facebook.com/Lamtluang in Billy Graham Evangelistic Association a belhchian danin a thlan lungah "Lal Isua Krista chanchintha hriltu" tiin an ziak dawn niin an tarlang a ni. 

A LAICHIN TUTE NGE A KALSAN?
Billy Graham hian a farnu Jean Ford, a fanute 3- Gigi, Anne leh Ruth, a fapate 2 - Franklin Graham leh Ned Graham te leh a tute a kalsan a ni. 

ENGTIKAH NGE VUI A NIH DAWN?
Amah vuina inkhawm hi anupui an phumna Billy Graham Library ah neih tur a ruahman a ni a, a hun tur chu nakina la puan chian tur a ni.

RALNA LEH HRIATRENGNA ENGTIA THAWN TUR NGE?
A rawngbawlpui Billy Graham Evangelistic Association te chuan mipuite hnenah thuchah siamin amah sunnan pangpar aiah ama puala thilpek emaw hriatrengna thu te online a thawn mai turin ngenna an siam a, ralna leh hriatrengna thu thawn/ziak duh tan an website https://billygraham.org ah thawn mai theih in an siam a ni. Tin, daka thawn duh tan Billy Graham Evangelistic Association, 1 Billy Graham Parkway, Charlotte, NC 28201, USA.

A HUN TAWP LAMAH ZAWHTE NEN AN INKAWM THIN
Billy Graham fapa Franklin Graham chuan nikum 2017 July ni 7 khan facebook page ah a pa hriselna dinhmun chungchang a tarlang a, a pa chuan a kum 99-na a hmang chho dawn mek a, a hriselna pawh a tha  tho nachungin a kum te a upat ve tawh avangin harsatna hrang hrangin a tlakbuak thu a sawi a, a farnu leh a fanu leh fapa te leh a tu leh fa ten a kan reng thin thu leh, A ma pual pastor Rev.Dr.Don Wilton pawh in chawhkar tin a tlawh thin thu a sawi. A pa chanchin a tarlannaah hian a pa kum 90 tlin lawmnana a tu leh faten zawhte "Kitty" ti a hming an sak an pek chu Billy Graham pawn chhuak thei tawh lo tan a thian tha tak a nih thu a tarlang tel bawk a ni.

#billygraham #lamtluang #mizonews

Friday 9 February 2018

FORMER DIPLOMAT INAUGURATE CAPACITY BUILDING FOR RESEARCH SCHOLARS

Lamtluang News Service, Aizawl (February 8, 2018):

Yesterday evening Capacity Building for Research Scholars programme for 5 days was inaugurated by Mr. Lalduhthlana Ralte, IFS (Retd.), Chief Information Commissioner, Mizoram Information Commission at Tourist Lodge, Chaltlang, Aizawl. This programme is jointly organised by Department of History, PUC and OKD Institute of Social Change and Development (OKDISCD), Guwahati. The inaugural function was Chaired by Mr. H.S Lalsangpuia Head, Department of History, PUC, Prof. Bhupen Sarmah, Director, OKDISCD had a speech on the introduction of the programme. Dr. Tawnenga, Principal, PUC and Prof. Joy LK Pachuau, CHS, JNU also delivered speeches . Dr. Joseph K.Lalfakzuala, Faculty,OKDISCD delivered a vote of thanks. Ms. H Vanlalhlimpuii, V Sem student also presented a special number on this function. Various research scholars within the state and outside participated this programme. From today onward the programme is scheduled to be held at Seminar hall, PUC. The programme will be concluded on February 11, 2018.  Mr. Lalzarzoa, Faculty, Department of History, Pachhunga University College and Programme co-ordinator told our reporter that in this programme various important academic discourses in North East India and Mizoram related socio-political issues - Mizo uprising, Gender issues etc. will be covered by the resource persons and invited panelists. 

Mr Lalduhthlana Ralte (IFS Retd.) at Capacity Building for Research Scholars organised by Department of History, PUC Aizawl and OKD Institute of Social Change and Development (OKDISCD), Guwahati

Dr. Tawnenga, Principal, PUC at Capacity Building for Research Scholars organised by Department of History, PUC Aizawl and OKD Institute of Social Change and Development (OKDISCD), Guwahati
Mr. HS Lalsangpuia, Head, Department of History, PUC at Capacity Building for Research Scholars organised by Department of History, PUC Aizawl and OKD Institute of Social Change and Development (OKDISCD), Guwahati
Prof. Bhupen Sarmah, Director, OKDISCD at  Capacity Building for Research Scholars organised by Department of History, PUC Aizawl and OKD Institute of Social Change and Development (OKDISCD), Guwahati

Monday 5 February 2018

LAMTLUANG THAWHTANNI ZINGKAR CHANCHINTHAR LAWRKHAWM

5th February 2018 (Thawhtanni/Monday) Aizawl: 

*Nimin khan Maldives President Abdulla Yameen leh a kaihruai sawrkar chuan Supreme Court in MP 12 te hremna a hlih chu an pawm dawn loh thu an sawi nawn leh. Lamtluang a kan rawn tarlan tawh angin Maldives ah hian tualchhung buaina a thleng mek a, MP 12 te hi an thubuai hlih a nih chuan rorellai sawrkar an paihthla thei dawn a ni. An ram police hotu chuan Supreme Court thu aiin Attorney General thu an awih zawk dawn niin a sawi bawk.

*Nimin chawhnu khan Jammu and Kashmir a Shahpur sector leh Poonch leh Rajouri district ah te Pakistan sipai ten India sipai te an kah avangin India sipai officer 1 leh sipai 2 an boral. Lamtluang thulakna in a tarlan dangin sipai 3 te pawn hliam natak an tuar a India sipai te hian Pakistan sipai te hi an kap let ve ni a sawi a ni.

*Nimin khan rampumah World Cancer Day hman a ni a, Mizoramah chuan vawiinah hman tum a ni.

*Vawiinah India parliament in 2 te chuan rorel an chhunzawm leh ang. Rajya Sabha leh Lok Sabha ah President Ram Nath Kovind a thusawi a lawmthu sawina motion sawi ho a ni ang.

*February ni 6-8 chhungin India External Affairs Minister Sushma Swaraj chuan Saudi Arabi a thlawh dawn. A cham chhungin Janadriyah festival ah khualtha ah a tang dawn a ni.

*Bible a Kupra thliarkar tia kan hriat thin Cyprus ram inthlanah a tum 2-na atan Nicos Anastasiades chu President atan thlan tlin leh a ni.

*Nimin khan BJP chuan Nagaland Assembly inthlan lo awm tur atan candidate tur mi 20 hming an tlangzarh.

*CBI chuan Delhi sawrkar hnuai a registrar and an advocate of Delhi Dental Council hnathawk lai chu eiruk thubuai avangin nimin khan an man.

*India sawrkar laipui chuan ramdang a purunsen thawn chhuaktu te tan an thawnchhuahna tur man a bithliah sak thin minimum export price(MEP) chu a tihbo sak ta. MEP tihbo a nih chhan hi India ram atanga purunsen hmang a ei tur siamchhuah te tam zawk a ramdang a thawnchhuah beiseina avang a ni.

*India Open Badminton Tournament New Delhi a khelh zawh tak a hmeichhe final ah India nula PV Sindhu chuan America atanga lo kal Beiwen Zhang chu a hneh zo ta lo a, 2-na a ni ta a ni.

*India ram a sikul naupang te infiamna lam a an intihsiakna Khelo India School Games Inrinni a neih zawh takah a pumpuiah Tamil Nadu chu 1-na niin medal 19 an la. Kerala chu 2-na niin Haryana 3-na anni.

*Mizoram pawh thlasik khawvawt in a la kalsan thei meuh lo a inchhungah sikri leh heater ai ala ngai chhunzawm zel.

*Facebook lamah Lamtluang hian Mizo tawng a chanchinthar tarlanna page kan nei a, www.facebook.com/Lamtluang hi lo like ve turin kan sawm a che.

Sunday 4 February 2018

LAMTLUANG ZINGKAR CHANCHINTHAR LAWRKHAWM

4th February 2018 (Pathianni/Sunday), Aizawl (Lamtluang news): 
*Central Board of Secondary Education (CBSE) chuan pawl 6 atanga pawl 8 zirlai te mark hmuhzat enfiahna tur a ruahmanna an siam thar chu National Commission for Protection of Child Rights (NCPCR) in naupangte dikna chanvo rahbehna ti a khinlet avangin sut leh a ni. Lamtluang thulakna in a tarlan danin CBSE hian zirlaite mark hmuh zat leh exam dan tur chu tum 2 ah then in, a then hnih hian mark 100 zel pu turin an ti ta zawk a ni.

*Vawiin chawhnu inkhawmah #Mizoram Presbyterian Kohhran chuan missionary tirhchhuah inkhawm Chawnpui kohhran biak inah an nei dawn. Synod Moderator Rev.F.Lalrinnunga'n tirhchhuah leh thuchah sawina a nei ang a, Synod Mission Board Seretary Rev.K.Lalrinmawia'n inkhawm a kaihruai ang.

*Synod Higher Secondary School-a luh tum te tan 1-9 February chhungin dilna form a lakchhuah theih, form te hi February ni 9 thleng thehluh theih niin February ni 10 ah entrance test neih tur a ni.

*January 17 & 18, 2018 khan Zawlpui Pastor Bial-ah Mobile Clinic neih a ni a. Inentirna hi Zawlpui-ah leh Putlungasihah neih a ni a, thawktu 7 kalin damlo 164 en an ni.

*February 02, 2018 (Zirtawpni)-a Mizoram Baptist Kohhran Hmeichhe Pawl (MBKHP) Rorel vawi 68-na, Mizoram Baptist Kohhran Biak In, Lunglawn East-a neih chu tluang takin an zo ta a,  hriat theih chinah rorel palai 566 an kal.

*Vawiin February 4, 2018 hi Khawvêl puma Baptist Kohhran Inzawmkhawm Pâwl – Baptist World Alliance (BWA) Day a ni a. Mizoram Baptist Kohhran pawhin he Ni hi urhsûn takin kan hmang leh dawn a ni. Pathianni Chawhma inkhawm-ah kumin BWA Day atana thupui thlan sa “Zan hi a ral lek lek tawh a, khua a var dawn ta e” (Rom 13:12) tih thu hmangin thuchah ngaihthlak a ni a ang; Headquarters atanga BWA Day puala thu chah chhiar tur buatsaih pawh chhiarchhuah a ni bawk ang.

*Vawiinah India sipai zing a regiment upaber te zing a mi Maratha Light Infantry te chuan an kum 250 din champha Manekshaw Centre, Delhi-ah an lawm dawn.

*CBI chuan India ram a thurem fel hleih theih loh bofor laipui leina tur a Rs.Vaibelchhe 64 tih chingpenna case chu tihnun leh tumin Zirtawpni khan Supreme Court ah dilna an thehlut leh. Lamtluang thuhriat danin Bofor laipui leina tur a thubuai hi, kum 1986 kum a Rajiv Gandhi PM nih lai a India sawrkar leh Sweden company Bofor ten India sipai te hman atan a laipui leina tur a US dollar maktaduai 285 tih chingpen anih atanga rawn intan a ni.

*Indian Ocean a awm Maldive ram a Supreme Court chuan an ram a MP 12 thubuai neih vanga tang mek te chu thiam a chantir a, hei hi rorellai an ram President Abdulla Yameen leh a hote chuan tihkhawtlai tumin hma an la ve mek bawk. Lamtluang thulakna in a tarlan danin President Abdullah Yameen hian Thawtanni a parliament session koh tur a tih fel vek pawh a sut leh a ni. Maldive president hlui a sahimna zawng a Sri Lanka a tlanchhe mek Mohamed Nasheed pawhin Supreme Court thutlukna avang hian inthlan ah din a tum leh thu a sawi chhuak ta bawk.

*Nagaland assembly inthlan lo awm turah BJP chuan CM hlui Neiphiu Rio kaihhruai Nationalist Democratic People's Party te nen a thawhho an tum fel ta. Thawhhona thuthlung an siam fel tak avang hian BJP hian kum 15 an lo tanrual pui tawh Naga People's Front te chu an bansan ta a ni.

Monday 29 January 2018

Lamtluang Thawtanni zing chanchinthar lawrkhawm

29th January 2018 (Thawhtanni/Monday), Aizawl:

*#Mizoram Tourism Minister John Rotluanglian chuan  Durtlang leh #Aizawl Tourist Lodge inkarah ropeway siam tum mek a ni a, siam zawh a nih hunah chuan Asia khawmualpui a ropeway thui ber a ni dawn niin a sawi.

*Aizawl FC te chuan naktuk zan dar 7-ah Zob Ahan club nen AFC Champions League play-off an khel dawn. #AizawlFC te hian inkhel tur hian Iran ram an pan tawh a ni.

*Central Information Commission (CIC) chuan Prime Minister Office (PMO) hnenah India PM Narendra Modi an ramdang a tlawh a amah zuitu te hming tarlang turin  hriattirna a thawn. Lamtluang thulakna in a tarlan danin PMO lam hian PM vengtu te hming erawh chu security thil anih avangin puanzar an remti lo a ni.

*India finance minister hlui P Chidambaram an Indiaah chuan sawrkar in pakoda (Mizo ten pakora kan tih) zuar te pawh hna neiah a chhiar tel ta vek chu mak a tih thu a sawi a, hei hian a awmna Congress party leh BJP inkarah miretheite dinhmun chungchangah in beihna a chawk chhuak nasa hle.

*Nagaland sawrkar chuan Naga mi India football captain hlui Dr.T.Ao chawimawi nan a hming in an state chhung a infiamna, zirna leh a kaihnawih thildang a ti tha te pualin Dr.T.Ao Award an siam thar.

*Nimin khan India ram pumah naupang kum 5 chin te tan a zenghri danna National Immunisation Day hman a ni.

*India sipai hotulu General Bipin Rawat chuan rambuaina hmun a sipai te uchuak tak a thuneihna pekna dan Armed Forces Special Powers Act (AFSPA) hnuhkir emaw siamthat tumna hun a lo thleng lo niin a sawi.

*India sipai te chhut danin nikum 2017 chhung khan India leh Pakistan inrina ramri Line of control chhungah Pakistan in inkahhaina thuthlung vawi 860 an bawhchhia niin an sawi.

*Sawrkar laipui chuan acid theh vang a vanduaina tawk te chu sawrkar laipui department hrang hrang hnuaiah 1% hna hauhsak anni tawh niin an sawi. Acid theh vanga vanduaina tawk te bakah autism, mental illness leh intellectual disability nei te tan pawh he hna hauhsak hian a huam tel ang.

Sunday 28 January 2018

LAMTLUANG ZINGKAR CHANCHINTHAR LAWRKHAWM

28.1.2018 (Pathianni)

*Mizoram Presbyterian Synod hnuai a Kristian Thalai Pawl te chuan Pastor Bial hrang hrang ah Zirtawpni zan atang khan Bial conference an hmang tan a, zaninah an tiak ang.

*Baptist Church of Mizoram te chuan vawiinah Phal pual Pathianni (Leprosy Sunday) an hmang dawn a, Headquarters atanga thupui thlan sa ‘Phar te tithianghlim ula.’ (Matt. 10:8) hmangin Pathian thuchah ngihthlak a ni ang.

*January 23, 2018 (Thawhlehni) tlai dar 3:00 khan Mizoram Baptist Kohhran-in Nau hnuchham a enkawlna (Baptist Church Orphanage (BCO)) Building nghenga sak thar BCM Sick Room leh Counseling Hall chu Rev. R. Zohmingliana, Associate General Secretary, BCM chuan Pathian hnenah hlanin a hawng.

*Mizoram Synod-in Lungleia Family Guidance & Counselling Centre thar a din chu January 23, 2018 chawhnu dar 1:00 khan Rev. F. Lalrinnunga, Synod Moderator chuan hawngin Pathian hnenah a hlan a; he hmuna Counsellor awm tur, Rev.Lalrintluanga Ngente a dah nghet nghal bawk. He Centre hi Lunglei Bazar Venga Synod Building (Bazar Veng Pastor Quarters) bulah siam a ni.

*Nimin khan Afghanistan khawpui Kabul ah car (ambulance) hmangin bomb tihpuah a ni a, mi 95 in nunna an chan a, mi 158 chuangin hliam an tuar. Lamtluang thulakna in a tarlan danin he pawikhawihna hi Taliban te chuan an tih niin an chhal.

*Nimin khan Jaipur Literature Festival ah Oxford Dictionaries chuan 'AADHAAR' tih chu Hindi Word of the Year 2017 ah an puang. 

*Nimin khan BJP te chuan Tripura state assembly inthlan February ni 18  a neih tur a an candidate tur te list hmasaber chu an puang. Hetih lai hian Congress party pawhin Meghalaya leh Tripura inthlan lo awm tur a an candidate tur list hmasaber an puang bawl. Lamtluang thulakna in a tarlan danin Tripura leh Meghalaya ah hian March ni 3 ah he inthlan neih tur a vote tla te hi chhiar a ni ang.

*Niminpiah thim hlim khan Lungdai (Sihphir leh Serkhan inkar) Hmar Vengah In a kang a. In neitu Pi Awii te hi an len chhuah lai a nih avangin kangmei chhuah chhan hi chiang taka hriat a ni lo. Inkang hi bungrua chuh hman loh in a kangral vek a ni.

*Assam a New Haflong railway station ah tlawmngai pawl hrang hrang ten sawrkar dodalna an buatsaih avangin rel a zin mi 1,200 chuang te an tangkhang. Lamtluang thulakna in a tarlan danin heng pawl hrang hrang te hian Dima Hasao district chu Naga hel leh sawrkar laipui remna kawng an inbiaknaah Naga te huam chhung a rinluh tumna awm nia an hriat avangin sawrkar dodalna hi an huaihawt ta a ni. He buaina avang hian rel kawng te tihchhiat a ni a, rel pawh tlan thei lo in khualzin te hi an tangkhang ta a ni.

*Nimin khan Australian Open hmeichhe final ah Denmark mi Caroline Wozniack chuan a khingpui Romania nula Simona Halep chu 7-6, 3-6, 6-4 a hnehin a vawi 1-na atan Grand Slam title a la. Vawiin chawhnu dar 2 hian Mipa final Marin Cilic leh Roger Fererar ten an khel ve leh dawn a ni.

*China ram hmun thenkhatah vur a tlak nasat avangin mipui te nunphung a khaihlak nasa hle. Central Hubei province ah phei chuan kawngpui 30 chuang vur tla avang hian khar a ni a, hmun hrang hrangah rel leh thlawhna zin chhuak tur te pawh tih tawp a ni.

*India sawrkar laipui chuan December 2017 chhung khan GST chhiah atangin Rs.Vaibelchhe 86,703 a hmuchhuak. Lamtluang thulakna in a tarlan danin tun thleng in GST hnuaiah hian chhiah chawitu vaibelchhe 1 an in ziak luh tawh a ni.

*India Prime Minister Narendra Modi chuan February ni 9 atanga ni 12 chhungin Palestine, UAE leh Oman a tlawh dawn. A zin chhung hian Dubai ah World Government Summit vawi 6-ah thusawina hun a chang bawk ang.

#news #mizoram #newsinmizo #mizo #chanchinthar #mizonews #mizoramnews

#LAMTLUANG ZINGKAR CHANCHINTHAR LAWRKHAWM

26.1.2018 (Zirtawpni)

*Mizoram chhung a India #RepublicDay lawmna ropui ber chu #Aizawl sipai Lammual ah neih a ni dawn a, tukin dar 9-ah Governor in hnam puanzar pawt pharh in sipai leh zirlaite chibai buk a chhang let ang.

*January ni 22, 2018 khan 225 Bn, CRPF te chuan an Commandant Shri Sanjeev Hampal kaihhruiana hnuaiah Civic Action Programme an hmang a, he hunah hian tui filter, white board, school bag te Chawngte huam chhung Primary leh Middle school hrang hrangah school naupangte hman turin an sem.
*Vawiina India in Republic Day a lawm na ropui ber New Delhi a neih turah ASEAN a tel ram hrang hrang hruaitu 10 te chu khuallianah an tang dawn. Lamtluang thulakna in a tarlan danin tun tum hi India in Republic Day a lawm tawh a khuallian a ngah ber tum a ni dawn a ni.
*India President Ram Nath Kovind chuan India ram a civil mite chawimawina sang padma award dawng tur a thlanchhuah mi 85 te niminah khan a pawm. An zingah hian mi 3 in Padma Vibhushan dawng tur mi 3 an awm a, Padma Bhushan dawng tur mi 9 leh mi 73 ten Padma Shri an dawng ang.
*India Republic Day hi India in zalenna a neih hnu a ama pual a danpui (constitution) a hman tan atanga lo intan a ni. January ni 26 kher a Republic Day hman anih chhan chu Lamtluang chhiar tu ten in lo hriat atan: kum 1929 December khan Indian National Congress in British laka zalenna pumhlum nei tur a thutlukna Poorna Swaraj an puang a, chumi kum leh 1930 January ni 26 chu India zalenna ni a puang in India flag tur a an duan chhuah thar chu rampumah an zar tan tan a ni. Chumi avang chuan Republic Day hmanni atan pawh he ni kher hi thlan alo ni ta a ni.