Friday 29 November 2013

29th November 2013 news in Mizo

Latest news collection in Mizo language:
MIZO TAWNG A CHANCHINTHAR LAWRKHAWM
29.11.2013
*Lai Autonomous District Council Chairman F.Rohnuna chuan vawiin khan banna a theh lut. Amah hi Congress party in an party dan kalh a inthlan ah a campaign vangin an ban bawk.

*Mizoram Pa lar leh mi tam takin an zui thin Pu Vanawia chu Vawiin chawhnu dar 1 vel khan a chenna Sangau-I, Zion Veng ah Cancer natna avangin a boral. Amah hi 'Vanawia Pawl' ti a hriatlar din chhuak tu kha  a ni.
 
*Kum 2014 Baptist Church of Mizoram (BCM) Calendar leh Diary a tichhuak ta a; Kohhran hrang hrangah sem darh mek a ni. Hetiang hi a rate a ni e: Calendar phek khat chi Rs. 10/- Calendar phek 3 chi Rs. 50/- BCM Diary Rs. 130/-
 
*Current fiscal chhung hian Prime Minister's Economic Advisory Council chuan 5.3 % a GDP growth a awm theih an beisei.
 
*Mizo band Boomarang album 'HOME' chu Universal Music India-in Mumbai Hard Rock Cafe-a a tihchhuah hnu ah Mizoram atanga lei duh tan Scavenger Records, Ramhlun South, Aizawl-ah ngaihven theih a ni e. Aman Rs.175/-
 
*Nimin tlai dar 5:30 vel khan Thingsai naupang 2, C.Lalhuthanga (12) s/o C.Sangchunga leh Mesak Remnalalnghaka (14) s/o K.Lalmuansanga (L) chu Tiau luiah an tla hlum a, vawiin ah vui an ni ang.

Tiau luia Uchang veha kal Tiu lui Bungkhaw kaiah C.Lalhuthanga hi chesual a, chhan tum Mesaka pawh chesual ve nghalin Tiau luiah hian an tlahlum dun ta a ni. - DINGDI

Thursday 28 November 2013

28th November 2013 news in Mizo

Latest news collection in Mizo language:
MIZO TAWNG A CHANCHINTHAR LAWRKHAWM
28.11.2013
*India mi UK a cheng Aravindan Balakrishnan, kum 73 mi chuan Isua ka ni tiin zirtirna a kalpui thin a, a In ah hmeichhia 3 kum 30 lai sal angin a lo kawl tih Scotland Yard ten an chhuichhuak. He pa hi Maoist zirtirna a tui niin Comrade Bala tiin hminglem an phuahsak a Tanzania lam mi nupui ah a nei a, an nupa hian police ten man in thu an zawtfiah tawh nghe nghe.
 
*Borazjan, Iran nuclear plant atanga 60 kms ah 5.6 ritcher scale a chakin lir a nghing a mi 7 in nunna an chan a mi 30 chuangin hliam an tuar.
 
*Supreme Court of India chuan inneih hma a nupa anga lo khawsak dun(live in relationship/marriage like relationship) chu India ram khawtlang nun ah entleu ni thin mahse dan bawhchhiatna a ni lo a, sual pawh a ni hek lo tiin thu tlukna a siam. Hetiang a lo khawsa ten fa an lo nei anih chuan leh a bikin hmeichhe dinhmun a chhiat zawk thin avangin an hmalam zel a an awm dan tur ngaihtuahna tur dan erawh Parliament in an siam a ngai a ni tiin an thu an ti tlu.
 
*India rama mobile phone operator lar tak Idea Cellular chuan android smartphone dual SIM hmang 'Aurus 4' Rs.8,999 man an siam chhuak ta.
 
*Vawiin khan Union Agriculture Minister Sharad Pawar chuan Sikkim khawpui Gangtok ah Annual Conference of Minister of Agriculture in North Eastern States hawngin hmarchhak bial a kuthnathawktute chu oil palm ching uar turin a hrilh.
 
*Britain's National Crime Agency ten Premier League football fixing vangin mi 6 an man, rinhlelh zingah hian premier league player nilai 3 leh player hlui te pawh an tel a ni.
 
*Nihnih awh tur Thalfavang Kut chu naktuk November 29 hian Hmuifang Tourist Resort-ah Mizoram Governor Pu Vakkom Purusthothaman’ a hawng dawn. - DIPR
 
*FIFA World Ranking thar berah India chu 148-na a ni mek, Top 5 a lang te chu 1-na Spain, 2-na Germany, 3-na Argentina, 4-na Columbia, 5-na Portugal.
 
*Fifa World Cup khelhna tur stadium sak lai Brazil a mi chu crane a chim a, mi 2 in nunna an chan.
 
*Vawiin khan Meghalaya Police ten Garo helpawl United A'chik Liberation Army zinga mi 3 an kaphlum a, mi 1 an kahhliam hnu ah man tel a ni bawk, an inkahna hmun hi East Garo Hills khawpui Williamnagar atanga 10 kms a hla ah a ni.
 
*Social activist Anna Hazare chuan kumin Parliament thlasik thutkhawm huna Lokpal Bill passed a nih ngei theih nan Yadavbaba Temple, Maharashtra ah 10 Dec 2013 atangin chawnghei leh a tum.
 
*Vawiin hian Election Commission of India thupek angin Aizawl South I constituency a Republic veng Polling Booth-I ah vote thlak that mek a ni.
 
*Tehelka Chanchinbu Editor-in-Chief Tarun Tejpal chuan hmeichhe khuaikhem a puh a nihna insawifiah nan Goa Police te hnenah hun tam zawk inbuatsaih nan a dil.

*Underworld firfiak a che thin Abu Salem chu passport lem hmang a puh a nih avangin CBI Court Hyderabad in kum 7 lung in tang turin a chung thu a rel.


*Syria sorkar leh opposition party ten Geneva Peace conference ah an tel tur thu an ti chiang ta.


*Vawiin chawhnu hian Andhra Pradesh tuipui kam hnaih Cyclone Lehar in a nuai dawn ni a sawi a ni.


*Vawiin hian Mizo History Association chuan Govt. Aizawl College ah Annual Session XXXIII -na an hmang tan a, 'History of Mizoram' tih thupui hmangin Seminar an huaihawt, Pu J.Malsawma khuallian a ni. He Session hi Dept. of History, Govt. Aizawl College in an thleng a, naktuk 29.11.2013 ah an chhunzawm ang.

Wednesday 27 November 2013

25th - 27th November 2013 news in Mizo

Latest News collection in Mizo language
MIZO TAWNG A CHANCHINTHAR LAWRKHAWM

27.11.2013
*Karleh Inrinni atangin Punjab ah 4th World Cup Kabaddi khelh tan a ni dawn.
 
*Pentecostal Youth Department, North Mizoram District te chuan 29 Nov 2013 - 1 Dec 2013 hian Sialsuk Community Hall ah Inkhawmpui an nei dawn.
 
*Students' Self Support Union (SSSU) chuan vawiin khan Vanapa Hall, Aizawl ah rorel inkhawm an nei a, naktuk ah General Assembly an nei chhunzawm leh ang.
 
*AIR AH CASUAL ANNOUNCER LA DAWN
All India Radio, Aizawl chuan Mizo leh English Casual Announcer eng emaw zat lak a tum a. Graduate chin kum 21-35 inkar aw tha tak neite tan dil theih a ni. Dilna chu lehkhapuan pangngaia ziakin thla leh /tun thla December ni 6 thleng thehluh theih a ni ang. Dilna ah hian HSLC Mark Sheet leh Certificate, Graduate/Post Graduation Mark Sheet leh Certificate leh Passport thlalak 2 copies thil tel tur a ni. Voice test hi thla leh/tun thla December ni 11 (11.12.2013) ah neih tur a ni ang. - DIPR
 

*Mizoram Sorkar chuan ni 3.10.2013 a State Level (Technical) Committee-in rawtna a siam bawhzuiin, ni 1.11.2013 a hman tan turin computer zirna Institution 16 hnenah kum khat chhung nung tur Provisional Affiliation a pe. Inspection team-ten inkaihhruaina ansiamangin heng institution thlanchhuah te hian zirna an kalpui tur a ni.
Affiliation pek tur a computer zirna in thlan te chu:
Mizoram Computer Centre (MCC), Bawngkawn, Aizawl
Eastern State Computer Centre, Ramhlun North, Aizawl
Merge Computer Centre, Chanmari, Aizawl
K.C.I.T., Zarkawt, Aizawl
ComputerEnterprise(CENT), Zarkawt, Aizawl
Zakamlova Computer Training Institute, Dawrpui, Aizawl
Infosteps Computer Centre, Dawrpui South, Aizawl
Divine Computer Centre, Dawrpui South, Aizawl
Modern Information Technology, Chhinga Veng, Aizawl
Zoram Arvy Commercial Mechanical Institute,Zodin Square, Aizawl
FingerTipsComputerAcademy, Sikulpuikawn, Aizawl
IdEA Computer Institute, Khatla, Aizawl
V.T.R. Computer Centre, Khatla, Aizawl
V.C. e-Learning, Chanmari-II, Lunglei
BethelComputer Centre, Venglai, Lunglei
Lawngtlai, I.T. Computer Centre, Bazar Veng, Lawngtlai

-DIPR
 
*Cyclone Lehar chuan naktuk chawhnu lam hian Andhra Pradesh tuipui kam Machillipatnam leh Kakinada te a nuai dawn niin khaw awmdan zir mi ten an sawi, he cyclone thli hi rin ang a a tleh a nih chuan 150-160 kmph a chakin a tleh a rin a ni.
 
*1 Dec 2013 hian Bawngkawn Pastor Bial Zaipawl Music Video Vol-5 na 'Malsawmna Danglam' tih chu Bawngkawn Presbyterian Kohhran Biak In ah chawhnu dar 1-ah tlangzarh a ni dawn.
 
*Aizawl South-I constituency huam chhung a Republic - I Polling station huam chhung a mi ten naktuk hian vote an thlak tha dawn, Polling official zinga miin vote thlak na tur a lo hrilh avang in vote thlak that tir anni dawn a ni.

26.11.2013
*May 2008 a Gaziabad a an fanu Aarushi leh an Nepali awmpuipa Hemraj arual a an thihna chungchang a mawhphurtu ber a puh Dentist nupa Rajesh Talwar leh Nupur Talwar te chu CBI court in damchhung lung in tang turin an chungthu a rem.
 
*Bangalore ah ATM 1100 te chu Police ten kaihhruaina dan an siam an zawm that loh avangin khar lailawk sak anni. ATM awmna ah hian CCTV, alarm system, card swipe door lock system te awm kim vek tur a tih a ni.
 
*Vawiin hi India ram in constitution a neih champha 'Constitution day' a ni. India constitution hi 26 Nov 1949 khan khatih lai a Constituent Assembly ah put luh niin 26 Nov 1950 atanga hman tan a ni.
 
*Nimin a Mizoram Assembly Election vote thlakna neih zawh takah khan kum 100 chuang hmeichhe 2 in vote an thlak a chungte chu - Kimchawngi, kum 104 mi North East Khawdungsei leh Lianengi, kum 103 mi Baktawng Tlangnuam a mi te anni.
 
*Mizoram Assembly Election 2013 chu tluang taka neih zawh a ni a, polling station 1126 awmin 81% vote a tla a ni. Tun tum inthlanpui ah hian Mizoram a a vawi 1-na atan Election Commission of India ruahmanna angin Aizawl Dist huam chhung a constituency 10 ah Voter Verifiable Paper Audit Trail(VVPAT) hman a ni bawk.
 
25.11.2013
*Sumsuih dai midum kham ah bike a tlan liam, mipa2 kham ah an tla, an mahni zawn mek a ni, chesual te hi Zosanglian saron veng leh Joshua te nia hriat a ni.

 
*Vawiin MLA Inthlan ah Lunglei East Constituency huam chhung Hlumte khua leh Lengteng Constituency huam chhung a Taitawkawn ah 100% vote a tla.
 
*Vawiin hian Mizoram hmun hrang hrang ah tluang takin mipui ten MLA thar thlang turin vote an thlak mek.

Sunday 24 November 2013

15th - 24th November 2013 news in Mizo

News collection in Mizo language
MIZO TAWNG A CHANCHINTHAR LAWRKHAWM

24.11.2013
*German mi Sebastian Vettel chu Brazilian Formula One Grand Prix ah pakhat na a ni. Amah hi Red Bull tan a tlan a ni.
 
*NE ETHNIC FASHION VOICE FUSION 2nd ROUND LUTTE
NE Ethnic Fashion Voice Fusion 2013 Dimapur-a 1st Elimination round October 16 a neih chu November 20 khan voting khar a ni a, vote hmuh leh Judge te point belhkhawm atanga 2nd round lutte :
VOICE -ah
C. Lalbiakzuali (Mizoram)
Rosang (Nagaland)
Laldinpuii Sailo (Mizoram)
Pidianghun Kharbithai (Meghalaya)
Zorini Khiangte (Mizoram)
RK Jack (Manipur)
David Lalremruata (Mizoram)
Marilyn Lalmalsawmi (Mizoram)
Samuel L Ralte (Mizoram)
Terence LA (Manipur)

FASHION -ah
Rosey Zohmingliani (Mizoram)
Leishang Nakheidei (Manipur)
Lalzuidiki (Mizoram)
Keouneino Kuotsu (Nagaland)
Vihousa Movi (Nagaland)
Abbacy Lalhmangaihzuali (Mizoram)

Better Life Foundation, Nagaland buatsaih NE Ethnic Fusion 2013 2nd Round chu November 29-ah Vanapa Hall, Aizawlah neih a ni ang.
Courtesy: Aitea Ralte via Times Corner Group

 
*Zirtawpni zing ah khan Lalchhuanthangi (Kum 37), Aizawl chu Phuket International Airport, Thailand ah damdawi ruihtheih ya ice (crystal methamphetamine) 4.5 kilograms a bungraw karah hmuh a nih avangin man a ni. Lalchhuanthangi hi Thai Police te hma ah inpuangin Delhi atangin heng ruihhlo hi Thailand ah Rs.100,000 hlawhin a keng lut niin a insawi.

*Mizo rapper lar Vincy Chhangte chuan 30 Nov 2013 zanah a album thar 'Kei leh MLTP Act' tih chu Vanapa Hall ah a tlangzarh dawn, hla 20 a awm dawn a ni.

*Naktuk hian Mizoram Assembly Election neih a ni dawn ta a, mi nuai 6.9 in vote neiin candidate 142 an awm a ni. Hruaitu tha thlang chhuak tur i inpeih tawh em le?

22.11.2013
*Tunmai khan Aizawl Bawngkawn Thuampui road ah in a kang a, mit a hmututen an sawi danin gas bur niawm tak vawi 3 lai a puak ni a sawi a ni. Thuchiang hriat a la ni lo.

*Norway mi kum 22 mi Magnus Carlsen chu World Chess champion thar niin champion lai India mi Vishwanathan Anand chu Chennai tournament ah a hneh ta a ni.

*Vawiin khan Dibrugarh University ah North East Business summit neih tan a ni, he summit hi Indian Chamber of Commerce leh DONER Ministry tangkawpin an huaihawt a ni.

21.11.2013
*Tunmai khan Lunglei Venglai ah Pu K.Chalbuanga In assam type chu a thlang a inhmuntur laih vangin a chim a leilaitu JCB leh LPK Truck pawh a delh a, mihring 8 a delh ni a hriat niin mi 2 lakchhuah anni tawh -Dawngtea CMS via Lunglei Chanchinthar Group

*Tracy Lalduhawmi D/o.Kapsanga, Chhinga Veng chuan Mizoram University atangin Ph.D degree hmu thar, a thesis chu 'The role of bureaucracy in development administration in Mizoram' tih a ni

*Nov 19,2013 khan Saikhawthlir M/S a pawl 7 zirlai mipa naupang in fei khawh (Javelin throw) a khawh chhuak tla in an Sikul thenawm P/S a zirlai mipa naupang kum 6 mi awmah fuh palhin feiin a khawhfuh mipa naupang hi a boral nghal a ni.

20.11.2013
*Cyclone 'Helen' in darkar 24 chhung a Tamil Nadu leh Andra Pradesh tuipuikam hnaih a nuai dawn ni a rin anih vangin mipuite hmun him lamah sawn chhuah anni.

*Vawiin khan Serchhip District Election Office atang Postal Ballot 49 thawnchhuah leh a ni a, tihian avaiin Postal Ballot 941 thawnchhuah tawh a ni. -DIPR

19.11.2013
*Vawiin hian Chhatisgarh ah Assembly inthlan thawh 2-na neih mek a ni a, chhunlai dar 12 thleng khan 30% vote a thlak an awm tawh a ni.

*Vawiin tlai dar 4 vel khan Pachhunga University College building thenkhat nasa takin a kang a, a kan chhan hi hriat a la nilo.

18.11.2013
*C.Laldina (Fire & Emergency Services Director), Vanlalhruaia (Mizoram Home Guard Commandant General), Joseph Lalchhuana (SP, Crime) te chu MPS atangin IPS ah an kaisang.

17.11.2013
*Samajwadi Party hotupa Mulayamsingh Yadav chuan India rama MP te chu Parliament ah saptawnga thusawi khap nise Hindi chauh a thusawi ni tawh rawh se a ti.

16.11.2013
*Cricket khelthiam Sachin Tendulkar leh Scientist CNR Rao te chu India khua leh tuite chawimawina sang Bharat Ratna dawng tur a thlan anni.

*Mizoram Presbyterian Kohhran Puitling Sunday School zirlaibu 2014 a mi tur Rev.Dr.Vanlalchhuanawma ziah 'Ephesi, Philippi, Kolassa, Philemona' lehkhathawn hrilhfiahna bu chu Synod Bookroom ah lei theih a ni ta.

*Zorammawia IPS chu Mizoram IGP thar atan sorkar in a ruat a, DIG(Hqtrs.) atan V.Lalthakima ruatthar in Anti Corruption Bureau Director atan Virender Singh chu ruat thar a ni bawk

*State Bank of India chuan Technical Officer an la thar dawn a 23.11.2013 thleng Engineering graduate te tan dilna thehluh theih a ni a, SBI website ah mumal zawkin en theih a ni e.

15.11.2013
*Thuthang i hriat reng reng in a chinchhuak in a nihna tak hriatfiah tum hmasa thin la buailoh na tur a i buaina tam tak i pumpelh thei thin ang.

6th - 12th November 2013 news in Mizo

News collection in Mizo language
MIZO TAWNGA CHANCHINTHAR LAWRKHAWM
12.11.2013
*International Film Festival, Goa a neih turah Mizo film 'Khawnglungrun' chhuah a ni ve dawn.

11.11.2013
Mizoram MLA candidate tur zingah Serlui Bial ZNP Candidate R.Lalawia chu hausaber in Rs.Vaibelchhe 69 a nei a, Aizawl North-III BJP candidate Biakmawia chuan Rs.Sing 1 chuang hret neiin a rethei ber thung a ni.

10.11.2013
*Mizo Idol Lalthuthaa leh a nupui Bethsy Zothankimi te chuan 1 Nov 2013 khan Synod Hospital Durtlang ah fapa V.L Malsawmpuia an nei. Lalthuthaa leh Bethsy Zothankimi te hi 9 Nov khan Salvation Army Saiha Corp ah an innei a ni. -Times Corner

*Kumin Mizoram Assembly election neih turah hian sorkar sum senso tur atan Rs.Vaibelchhe 24.30 ruahman a ni a, kum 2008 inthlan ah khan Rs.Vaibelchhe 14.55 senral a ni thung. Inthlan hmasak nen sum senso tur khaikhin chuan 40.11 % in a pung a ni.

*Vawiin khan Chhattisgarh ah Assembly inthlan thawh 1-na neih a ni.

*Prince Charles te nupa in vawiin khan International War Memorial, Khadki, Pune a mi an tlawh.

*DDK Aizawl ah Indian National Congress aiawh in C.Lalruata'n inthlan thuchah sawi mekin "Tun Congress sorkar ah hian minister corruption thubuai nei an awmloh mai bakah, mipuite rintlak leh thlamuanpui tlak kan rorelna kan siam a ni" a ti.

*BJP PM candidate Narendra Modi chuan tunah hian Kheda, Gujarat ah vantlang hmaah thusawi mekin "Engatinge India ram a kan text book hman mek ah hian 1857 a helna chhuak kha sipai ho helna 'mutiny' kan la tih reng?" a ti.( Sipai helna nilo in zalenna sual nan a hmalakna tih zawng a ziah a duh ni awm tak a ni-Lamtluang)

*Vishwanathan Anand leh Magnus ten World Chess championship Chennai a game vawi 2 na vawiin a an khelh chu an in draw.


*Assembly Speaker hlui Lalchamliana chuan Aizawl Civil Hospital atangin a dinna tur Kolasib Constituency tan nomination a file. Pu Chama hi a chauh thut avangin damdawiin ah hian dahluh a ni a, damdawiin ah hian R.O hma a thutiam laktur pawh video a record niin Civil Hospital superintendent in hei hi a hriatpui a ni. A nomination paper leh video hi Kolasib Dist election R.O hnen ah thawn thlak a ni.


*Mizoram Assembly Election neih tur a an rosum neih zat affidavit hmang a an thehluh atanga alan danin Political party President zingah Lalthanhawla a hausa ber a, Lalduhawma a rethei ber thung a ni.

*Election Commission of India chuan Mizoram, Chattisgarh, Rajasthan, Madhya Pradesh, Delhi ah te Assembly inthlan neih a nih dawn vangin vote chhiar hma mipui te an vote thlakna lo zawh 'exit poll' huaihawt a khap a ni.

9.11.2013
*Mizoram Assembly Election neih tur ah MLA nih tumin mi 139 ten nomination an file a ni.

*Philippines ramah typhoon haiyan thlitleh vangin mi 100 in nunna an chan a, in leh bungraw chhia pawh chhut tham fe a awm bawk.

*Nizan dar 12:45 vel khan Mel-5 ruam ah Samlukhai nuho Aizawl a chawhmeh zuar tur phurtu 407 truck a chesual a, a hmunah Pi Lalnunmawii (43) W/o.Lalbiakliana Sailo a boral a, midang 6 te erawh hliamna lutuk an tuarlo niin sawi a ni. -Zonet Zingdaifim

8.11.2013
*Vawiin chawhnu dar 2 khan MPSC in Mizoram Civil Service Mains Exam result a tichhuak ta, 2-6 Dec 2013 ah interview neih tur a ni.

*Vawiin hi Mizoram leh Madhya Pradesh Assembly Election atana candidate tur ten nomination an file theih na ni hnuhnung ber a ni.

7.11.2013
*Vawiin hian 53rd FIDE World Chess championship chu Tamil Nadu CM J.Jayalalitha chuan a Jawaharlal Nehru Stadium, Chennai ah a hawng. 9 Nov hian defending champion lai Vishwanathan Anand leh a mah chotu Norway Grand Master Magnus Carlsen te an intum ang.

6.11.2013
*Tukin zing dar 9:45 khan Karbi Anglong, Assam ah 5.5 ritcher scale a chakin lir a nghing a, thil tih chhiat nasa awm lo niin sawi a ni.

Wednesday 6 November 2013

5th November 2013 news in Mizo

Latest News collection in Mizo language:
MIZO TAWNG A CHANCHINTHAR LAWRKHAWM

*Vawiin khan Garo National Liberation Army (GNLA) ni a rinhlelh ten Garo Hills, Meghalaya ah jail tang phur police motor lambun in police 5 an kaphlum.
 
*Tukin a kan rawn post tawh ang khan vawiin chawhnu dar 2:38 khan Indian Space Research Organization (ISRO) chuan sikeisen (mars) pan tur thlalem Polar Satellite Launch Vehicle (PSLV C-25) chu hlawhtling takin Satish Dhawan Space Centre, Sriharikota, Andhra Pradesh atangin a kap chhuak ta. He thlalem hi a kaltluang a nih chuan September 24, 2014 ah sikeisen (mars orbit) ah a lut hman tur a rin a ni. Ti hian India chu khawvel ah mars mission tan a rocket kapchhuak thei ram 4-na a ni ta a ni, European Space Agency (ESA) of the European consortium, National Aeronautics and Space Administration (NASA) of the US leh Roscosmos of Russia ten an lo kap chhuak tawh bawk a ni.
 
*Vawiin hian Asia khawmualpui a neih hmasakber ni turin Hyderabad ah World Agriculture Forum Congress chu Hyderabad International Convention Centre ah A.P C.M Kiran Kumar Reddy an a hawng. Union Minister of State for Agriculture Tariq Anwar chu khuallian niin khawvel ram hrang hrang atangin agriculture mithiam te leh palai te an fuankhawm a ni.
 
*Electronic Voting Machine hi India ram a hman hmasakber chu 1981 ah khan Kerala a Paravur Constituency Assembly By-election ah hman a ni. Lok Sabha inthlan 1999 ah India ramchhung hmun thenkhat ah mumal tak a hman tan niin 2004 Lok Sabha inthlan atang khan ram pum ah hman a lo nita a ni.
 
*Mizoram Assembly Election 2013 a chuh tumte tan 8 Nov 2013 thleng nomination a file theih a, 11 Nov 2013 thleng inhnukdawk duh te tan hun hawn a ni bawk. Ram hmangaihtu in thlan chhuah ngei kan duhsak a che u.
 
*Vawiin chawhnu dar 2:38 hian India in Sikeisen (mars) a thlalem a kahchhuah hmasakber tur PSLV C-25 a hming atana Mangalyaan (Mars mission) tih an phuah chu Satish Diwan Space Centre, Shriharihota atangin kah chhuah a ni dawn. He mission hi a hlawhtling a nih chuan India hi khawvel a mars mission tihlawhtling thei ram zing a 4-na a ni thei dawn a ni.

Monday 4 November 2013

4th November 2013 news in Mizo

Latest News collection in Mizo language:
MIZO TAWNG A CHANCHINTHAR LAWRKHAWM
*Goalpara District, Assam ah Garo hel ten mi 7 an kahhlum avangin zanin hian curfew puan a ni.
 
*Election Commission of India chuan Congress Vice President Rahul Gandhi hnenah ni 4 chhungin Madhya Pradesh leh Rajasthan inthlan campaign an election model code of conduct a bawhchhiat leh bawhchiatloh sawi fiah turin hun an pe.
 
*MNF/MPC/MDF TANGRUALIN CANDIDATE PUANG
Vawiin (Nov 4) khan MNF/MPC/MDF party tangrual chuan tun thla (Nov) ni 25-a Mizoram Assembly inthlan lo awm tura an party candidate te an puang :
1. Hachhek - Saikapthianga (MNF)
2. Dampa - Liansuama (MNF)
3. Mamit - HB Lianmunga (MNF)
4. Tuirial - Dr. Kenneth Chawngliana (MPC)
5. Kolasib - Lalchamliana (MNF)
6. Serlui - Lalhmingliana (MNF)
7. Tuivawl - Gogo Lalremtluanga (MNF)
8. Chalfilh - LT Kima Fanai (MPC)
9. Tawi - Lalmalsawmi (MNF)
10. Aizawl North I - Vanlalhlana (MPC)
11. Aizawl North II - Lalthanliana (MPC)
12. Aizawl North III - Lalchhandama Ralte (MNF)
13. Aizawl East I - Lalhmangaiha Sailo (MPC)
14. Aizawl East II - Sailothanga Sailo (MNF)
15. Aizawl West I - K. Sangthuama (MNF)
16. Aizawl West II - Lalruatkima (MNF)
17. Aizawl West III - Vanlalzawma (MNF)
18. Aizawl South I - RK Lianzuala (MNF)
19. Aizawl South II - R. Tlanghmingthanga (MNF)
20. Aizawl South III - Tawnluia (MNF)
21. Lengteng - L. Thangmawia (MNF)
22. Tuichang - Dr. H. Lallungmuana (MNF)
23. Champhai North - TC Kaphmingthanga (MNF)
24. Champhai South - Rosiamngheta (MPC)
25. East Tuipui - Zoramthanga (MNF)
26. Serchhip - C. Lalramzauva (MNF)
27. Tuikum - Er. Lalrinawma (MNF)
28. Hrangturzo - Lalthansanga (MPC)
29. South Tuipui - ZH Ropuia (MNF)
30. Lunglei ‘N’ - Dr. K.Vanlallawma (MNF)
31. Lunglei ‘E’ - Lalrinzuala (MPC)
32. Lunglei ‘W’ - Dr. R. Lalthangliana (MNF)
33. Lunglei ‘S’ - Dr. K. Pachhunga (MNF)
34. Thorang - Joseph Lalzawmliana (MNF)
35. West Tuipui - Priti R. Chakma (MNF)
36. Tuichawng - RM Chakma (MNF)
37. Lawngtlai ‘W’ - C. Ramhluna (MNF)
38. Lawngtlai ‘E’ - Ukmang Zathang (MNF)
39. Saiha - Dr. K. Beichhua (MNF)
40. Palak - PP Thawlla (MDF)
source: Aitea Ralte via Times Corner

*Vawiin khan Zoram Nationalist Party (ZNP) chuan an MLA candidate ture te an tlangzarh ta:
1 Hachhek (ST) Lalzamlova Tochhawng
2 Dampa (ST) Lal Rimawia
3 Mamit (ST) H.Laltanpuia
4 Tuirial (ST) Joseph L.Ralte
5 Kolasib (ST) Lalduhoma
6 Serlui (ST) R.Lalawia
7 Tuivawl (ST) Lalmuanpuia Punte
8 Chalfilh (ST) J.Lalchhanhima
9 Tawi (ST) R.Lalthatluanga
10 Aizawl North – I (ST) C.Lalmalsawma
11 Aizawl North – II (ST) Lalchhanhima Pautu
12 Aizawl North – III (ST)
13 Aizawl East – I Zarzoliana
14 Aizawl East – II (ST) K.Laltuvela
15 Aizawl West - I (ST) Lalduhoma
16 Aizawl West – II (ST) C.Ropianga
17 Aizawl West – III (ST) Dr.C.T.Tluanga
18 Aizawl South – I (ST) K.Liantlinga
19 Aizawl South – II (ST) Rinzawna
20 Aizawl South – III (ST) R.Vanlaltluanga
21 Lengteng (ST) Er.H.Ginzalala
22 Tuichang (ST) Lalbiakzama
23 Champhai North (ST) C.Lalremliana
24 Champhai South (ST) Vanlalneiha Ralte
25 East Tuipui (ST) W.Chhuanawma
26 Serchhip (ST) P.B Lalsawmliana
27 Tuikum (ST) P.C Vanlalruata
28 Hrangturzo (ST) H.Lalduhawma
29 South Tuipui (ST) J.Lalchhuana
30 Lunglei North (ST) RD Lalrammawia
31 Lunglei East (ST) Lalduhthlanga
32 Lunglei West (ST) R.Lalramzauva
33 Lunglei South (ST) Dr.Aichhunga
34 Thorang (ST) Elis Lungtiawia
35 West Tuipui (ST) H.Lalrinpuia
36 Tuichawng (ST)
37 Lawngtlai West (ST) M.C Lalramchhana
38 Lawngtlai East (ST) F.Sangdawna
39 Saiha (ST) F.Lalhmachhuana
40 Palak (ST)
Source: Lalsawmliana Hauhnar
 
*Nimin khan Myanmar khawthlang ram a Muslim sakhaw betu Rohingya mi 70 te chuanna lawng tuifinriat ah a pil. Lawng a michuangte hi an chanchin hriat ni rih lo mahse tuipui ah hian an tlahlum ni a rin a ni. Burma ram a Muslim te hian chi leh chi intihbuai nasat vangin a rukin Indonesia leh Malaysia lam panin lawngin an kal chhuak thin ni a sawi a ni.
 
*Bolivia ram a Riberalta khua a Fairchild Metro 23 aircraft (thlawhtheihna) kang ah mi 8 an thi a, mi 10 in hliam na tak an tuar. He thlawhna kan chhan ah hian khawl lam felloh vang nia sawi niin Brazil ramri hnaih Riberalta khua ah hian ruahsur hnuai ah emergency landing an neih laiin thlawhna hi kang ta niin an sawi. Mi chuang 16 an awm a ni.
 
*University Grant Commission hnuai a India ram University te zinga affiliated college nei tam 5 te leh affiliated college an neih zat te chu: 1-na Osmania University (Hyderabad)- 901 Colleges, 2-na Pune University- 811 Colleges, Rashtrasant Tukadoji Maharaj Nagpur University - 800 colleges, 4-na Rajasthan University-735 colleges, 5-na Mumbai University - 711 colleges.

*Garo helpawl ni a rinhlelh ten Goalpara District, Assam ah mi 6 an kap hlum.
*Mizoram Chief electoral officer, Ashwani Kumar chuan Assembly inthlan lo awmtur a venhim hna thawk tura Union Home Ministry-a para military force company 31 an dil chu phalsak an nih thu a sawi.
 
*Sabereka Khuangkaih (Monthly magazine) Editor Zara (R.Lalzarmawia) lehkhabu 3-na 'Nangma khawvel' tih chu lehkhabu dawr hrang hrang ah Rs.100 in lei tur a awm e. Zara hi Vanglaini a 'Bihchianna' columnist a ni bawk.
 
*Naktuk chawhnu dar 2:38 a Sikeisen(mars) lam pan a kahchhuah tur India thlalem PSLV C25 chu ISRO mithiam ten Sriharikota hmunah an vil uluk hle. He thlalem hi hlawhtling tak a kahchhuah a nih chuan nakum 24 september ah Sikeisen hi a thlen hman beisei niin kum 20-25 chhung hman theih beisei a ni. India mars mission hi a hlawhtling a nih chuan US, Russia, Europe ho bakah khawvel a sikeisen a thlalem kapchhuak ram 4-na a ni dawn a ni

3rd November 2013 news in Mizo

Latest News collection in Mizo language:
MIZO TAWNG A CHANCHINTHAR LAWRKHAWM

*Tun thleng hian Mizoram Assembly election (inthlan) turah nomination file an la awm lo.
 
*Chief Election Commissioner, VS Sampath leh Election Commissioner 2 Harishankar Brahma leh Syed Nasim Ahmad Zaidi te chu Nov. ni 5 khian Mizoram MLA General Election, Nov. ni 25-a neih tur thlithlaiin Aizawl ah an tlawh dawn.
 
*Zoram Nationalist Party (ZNP) chuan naktuk, November ni 4, 2013 hian Vanapa Hall-ah MLA inthlanpui lo awm tura an party candidate turte an puang dawn nia thu dawn a ni. -Zalen
 
*Vawiin hi Khawvel Sunday School Ni a ni a. Khawvel Sunday School Ni hi Dr. George W. Bailey, Tabernacle Presbyterian Church, Philadelphia Kohhran Upa rawt chhuah a ni.

Sunday 3 November 2013

2nd November 2013 news in Mizo

Latest News collection in Mizo language:
MIZO TAWNG A CHANCHINTHAR LAWRKHAWM
*LPS COMEDIAN SEARCH 2013 FINAL RESULT:
1-na Lalnunsanga, Kanan veng Aizawl, 

2-na Albert Vanlalchhanzuala, Khawbel, 
3-na C.Lalthantluanga, Armed veng, Aizawl.
*Vawiin tlai khan Gotlam, Vizianagaram District, Andhra Pradesh ah rel (train) chesual ah mi 8 an boral a mi tam tak in hliam an tuar.
 
*Mizo Post Graduate Students' Union, University of Hyderabad te chuan zanin hian an campus ah Advance Christmas programme an hmang a zanriah an kilho nghal ang.
 
*India ram a management zirna tha te zing a sawi thin Indian Institute of Management Indore (IIM-I) atangin Michael Lalhriatpuia S/o Lalrokhuma Pachuau IPS (DG&IG Karnataka) chuan Post Graduate Programme (PGP) in Manangement [Institution dang MBA degree nen intluk] tha takin a zir zo. Michael-a hian PGP a zir hma hian Dr.Ambedkar Institute of Technology, Bangalore atangin Engineer a lo zir chhuak tawh bawk a ni. Mizo tlangval IIM Indore a zirchhuak kan nei hi a lawmawm kan tiin kan chhuang hle.
 
*Indian National Congress party chuan Mizoram Assembly Election 2013 atana an candidate tur te an puang fel ta:
INDIAN NATIONAL CONGRESS CANDIDATES:-
1. Hachhek - Lalrinmawia Ralte
2. Dampa - Lalrobiaka
3. Mami - John Rotluangliana
4. Tuirial - Hmingdailova Khiangte
5. Kolasib - Pc. Zoramsangliana
6. Serlui - K. Lalrinthanga
7. Tuivawl - RL. Pianmawia
8. Chanfilh - Dr. H. Ngurdingliana
9. Tawi - R. Lalzirliana
10. Aizawl N-I - R. Romawia
11. Aizawl N-II - H. Liansailova
12. Aizawl N-III - Lal Thanzara
13. Aizawl E-I - R. Lalrinawma
14. Aizawl E-II - Lalsawta
15. Aizawl W-I - Tlangthanmawii
16. Aizawl W-II - Dr. Lalmalsawma
17. Aizawk W-III - R. Selthuama
18. Aizawl S-I - R. Vanlalvena
19. Aizawl S-II - Lt. Col. Zosangzuala
20. Aizawl S-III - K.S. Thanga
21. Lengteng - H. Rohluna
22. Tuichang - Lalrinliana Sailo
23. Champhai 'N' - TT. Zothansanga
24. Champhai 'S' - JH. Rothuama
25. East Tuipui - T. Sangkunga
26. Serchhip - Lal Thanhawla
27. Tuikum - K. Lianzuala
28. Hrangturzo - Lal Thanhawla
29. South Tuiphi - John Siamkunga
30. Lunglei ‘N’ - PC Lalthanliana
31. Lunglei ‘E’ - Joseph Lalhlimpuia
32. Lunglei ‘W’ - Chalrosanga Ralte
33. Lunglei ‘S’ - S. Laldingliana
34. Thorang - Zodintluanga
35. West Tuipui - Nihar Kanti Chakma
36. Tuichawn - Dr. BD Chakma
37. Lawngtlai ‘W’ - C. Ngunlianchuna
38. Lawngtlai ‘E’ - H. Zothangliana
39. Saiha - S. Hiato
40. Palak - Hiphei
 
*Election Commission of India chuan tun tum state 5 a assembly inthlan lo awm tur ah electronic voting machine(evm) ah candidate duh ber thlan tur nei lo tan a 'None of The Above' tih hmeh tur an dah thar tur chu rawng senno (pink colour) in an ti lang dawn tih an puang ta.
 
*MNF,MPC leh MDF intelkhawmna Mizoram Democratic Alliance (MDA) chuan nimin khan Vanapa Hall-ah November 25 a Mizoram Assembly inthlan lo awm tur atan campaign hawnna an nei a, chhim lam bial 11 a an candidate turte an puang nghal a chungte chu:
South Tuipui-Z.H Ropuia MNF
Lunglei North-Dr.K.Vanlallawma MNF
Lunglei East-Lalrinzuala MPC
Lunglei Sout-Dr.K.Pachhunga MNF
Lunglei West-Dr.RLalthangliana MNF
Tuipui west-Priti Ranjan Chakma MNF
Tuichawng-Rashik Mohan Chakma MNF
Palak-P.P Thawla MDF
Saiha-Dr.K.Beichhua MNF
Thorang-Joseph Lalzawmliana MNF
Lawngtlai East-Vanhupa Zathang MNF
Lawngtlai West-C.Ramhluna MNF
source:vanglaini.org
 
*Dr.Lianthuamluaia S/o. Vanlallawma, Upper Kanan, Aizawl chu Indian Council of Agriculture Research (ICAR) hnuaiah Agriculture Research Service (Agriculture Scientist) turin a tling thar, kan lawmpuiin chhuanawm kan ti hle.
*Christina Lalramchhani D/o.Lalhmachhuana, Chaltlang, Aizawl chu Indian Council of Agriculture Research (ICAR) hnuiah ah Agriculture Research Service(Agriculture Scientist) ni turin a tling thar a, amah hi Fishery science zir chhuak a ni. A chhuanawmin kan lawmpui em em e.
 
*Hmingthanpari Hlawndo D/o.Hranglawma Hlawndo, Chanmari, Aizawl chuan 1 Nov 2013 khan British army a 'Royal Logistic Corp' ah eisiam 'chef' niturin a passed chhuak ta. A chhuanawmin kan lawmpui e.

Saturday 2 November 2013

1st November 2013 news in Mizo

Latest News collection in Mizo language:
MIZO TAWNG A CHANCHINTHAR LAWRKHAWM
*Vawiin hi Andhra Pradesh, Karnataka leh Kerala state te din champha (state formation day) a ni.
 
*Prof.J.V Hluna leh a thuihruai MNF General Secretary 3 leh midang thenkhat ten MNF chhuahsan in Congress party ah vawiin hian lawmluh anni dawn nia sawi a ni. Prof. J.V Hluna te hian nikum Nov ah khan MPC atanga chhuak an party dinthar MPC(Reformed) chu MNF party nen an lo insuihfin pui tawh a nih kha. Prof.Hluna ten MNF an chhuahsan na chhan hi MPC leh MNF thawkho turah an duh anga thil a kal loh vang niin mi tam tak chuan an ring.
 
*Vawiin atangin Mizoram leh Madhya Pradesh a Assembly Election a MLA din tum te tan nomination a tih tan theih ta e.
 
*US sorkar thuruk ti put ru tu Edward Snowden chu Russia sorkar in venhimna(asylum) a pek atanga thla 3 hnuah 1 Nov atang hian Russia ram a company lian tak 1 hnuai ah hnathar hmu in web developer hna a thawk tan dawn a ni.
 
*US Federal Aviation Administration(FAA) chuan thlawhna passenger ten thlawhna chhung ah electronic hmanrua (smartphone, tablets, iphone etc) an hman an phalsak tawh dawn. FAA hotuten he dan thar an hman tur an sawi dan chuan 10,000 ft hnuai lamah pawh electronic hmanrua te hi hman phal a ni tawh ang a mahse phone call dawn leh siam erawh chu khap chhunzawm zel a la ni ang an ti. He dan thar hi kalpui anih dawn chuan airlines operator ten an thlawhna electronic khawl in a tihbuai theih loh tur a an thuam that erawh a ngai phawt dawn a ni.