Saturday 29 March 2014

27th, 28th & 29th March 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM
29.3.2014
*KHAWPUI THAR THLIR DAWN
Sorkar laipui chuan Andhra Pradesh atanga Telangana a indan dawn tak vangin Andhra Pradesh state khawpui thar tur lo ngaihtuah turin member 5 awmna panel a din ta. Member te chu K. Sivaramakrishnan (retired IAS officer), Prof K.T. Ravindran, Prof Jagan Shah, Aromar Revi leh Dr. Rathin Roy te anni. Andhra Pradesh khawpui Hyderabad chu Telangana state thar in khawpui atan an hmang chhunzawm ang a, hetih rual hian kum 10 chhung Hyderabad hi Andhra Pradesh leh Telangana ten an intawm hrih dawn bawk a ni.
 
*CJI THAR ATAN JUSTICE LODHA RUAT
Supreme court judge tanglai zinga senior ber Justice R.M. Lodha chu april 26 atang a Chief Justice of India 41-na ni turin sorkar in an ruat fel ta. Justice Lodha hi 1994 ah High Court Judge ni tanin Bombay leh Rajasthan high court ah a thawk thin a, may 2008 ah Patna High Court Chief Justice ah hlankai a ni a, December 2008 atangin Supreme Court Judge atan lakluh tan a ni. Amah hi acid zawrh khapna dan passed tu kha a ni.
 
*IAF THLAWHNA TLA
Nimin khan India in tunhnai a US hnen atanga a lei Indian Air Force thlawhtheina Super Hercules (C-130J) chu Madhya Pradesh leh Rajasthan ramri Karauli District ah a tla a, a mi chuang Air Force sipai 5 te an boral vek a ni. Nimin zing dar 10am khan Agra atangin an thlawk chhuak a, an vanduai zui ta a ni. Super hercules thlawhna hi aman chu Rs. Vaibelchhe 965 man a ni.
 
28.3.2014
*Supreme Court in India cricket thuneitu sangber BCCI President lailawk(Interim working President) atan Sunil Gavaskar a ruatthar. BCCI President N.Srinivasan chu IPL season 6 thubuai dik taka chhui a nih theih nan bang turin an hriattir a ni.
 
*March 27 - 30, 2014 chhung hian National Council of Churches in India (NCCI) Centenary - North East India Celebration, Synod Conference Centre & Mission Veng Kohhran Biak Inah neih a ni dawn a, Mizoram Synod-in a thleng dawn a ni. Pi Zaii Hall, Synod Conference Centre-ah Centenary lawm hawnna programme neih a ni dawn a, a lawmna pui ber chu March 30, 2014 hian Mission Veng Kohhran Biak Inah neih a ni ang. NCCI hruaitute hi palai 100 vel an ni dawn a, heng bakah hian a thlengtu Mizoram Synod, Baptist Church of Mizoram, Aizawl Theological College leh Mizoram Theological Association atangin palai engemaw zat an tel dawn bawk a ni. - Synfocity=480
 
27.3.2014
*EXCISE & NARCOTICS TEN RUIHHLO MAN
Vawiin khan Excise & Narcotics Department (END) thawktute chuan heroin (No.4) gram 46 leh a neitu Singneihpari (35) d/o Paudokhup, Khampat, Amanhnit ‘C’ Group, Myanmar chu Edenthar Vengah an man. He ruihhlo hi Myanmar lam atanga lakthlak, Aizawl-a hralh an tum mek lai niin END chuan tarlangin, an mi man hi Section 21 (b) of The Narcotic Drugs & Psychotropic Substances Act, 1985 (NDPS Act) hnuaiah thubuai an siamsak nghal a ni. - DIPR
 
*WHO IN INDIA AH ZENGHRI AWMLOHNA AH PUANG
Vawiin tlai a New Delhi a Health Ministry in thuchhuah an siam danin India ram chu World Health Organisation (WHO) in zenghri(polio) awmloh na a puang ta. Ti hian India chu South-East region a zenghri awmlohna ram 11-na a ni ta a ni. A region ang zawng pawh in WHO hian South-East Region hi zenghri awmlohna apuan zing a 4-na a ni dawn ta a ni. 1994 khan America region chu polio free region ah a lo puang tawh a, 2000 ah Pacific region chu puang leh in 2002 khan European Region pawh zenghri awmlohna ah a lo puang tawh a ni.
 
*KUM 17 HNU AH PIANO TUM THIAM YANNI INDIA AH LO KAL LEH DAWN
Khawvel huap a piano tum thian Yanni chuan 1997 a Taj Mahal a concert a neih hnu a India ram a concert a neih leh hmasakber tur hun a ti chiang ta. 14 April 2014 zan dar 8 ah hian Nehru Indoor stadium, Chennai ah concert a nei ang a, 18 April 2014 zan dar 8 ah White Orchir Convention centre, Bangalore ah concert a nei chhunzawm leh dawn a ni. Chennai concert ticket man hi Rs. 2000 - Rs. 20000 a ni a, Bangalore concert ticket man chu Rs. 2500 - Rs. 20000 ni thung. #Yanni hi a hming tak chu Yiannis Chryssomallis niin 14 November 1954 khan Kalamata, Greece ah a lo piang a 1972 khan B.A Psychology zirtruin United states of America ah a pem a ni. US a a pem tan tirh hian a lehkhazirna University of Minnesota student Union ho thlengsil te in a inhlawh ve nasa thin a ni. Saptawng a thiam nal zan loh avangin theih tawpin a zir a, a hnua a sawi leh danin saptawng zir chu thiam chak a har duh khawp mai paragraph tin hi a awmzia hre turin vawi tam tak chhiar nawn tlut tlut a ngai a ti hial a ni.
 
*SAMSUNG IN GALAXY S5 HRALH CHHUAK DAWN
Samsung chuan android phone #Galaxy_S5 chu kumin April ni 11 atangin India ramah a lei theih tawh dawn niin an sawi. Aman hi Rs.51,000 - Rs.53,000 niin India ram khawpui 8 leh online atang te hin Rs.1500 advance a pekin a lei theih dawn a ni. Glalaxy S5 hi rawng chi 4 - adum, avar, apawl leh rangkachak rawng te a ni dawn a ni. A screen hlai zawng hi 5.1 inch niin 1080 x 1920 pixels AMOLED screen a hmang a, camera 16MP a nei a, a hmalamah 2mp camera a awm a, RAM 2GB a chak a hmang a 1.9 Ghz exynos processor a nei bawk. Android 4.4.2 version hmangin battery 2800mAh a hmang a, a body hi tui leh vaivut luhtheih loh tur a duan a ni a, finger-print scanner a awm bak ah heart-rate sensor a awm tel bawk. Internal memory 16/32 GB a nei a, microSD card 64GB thleng hman tel theih bawk.
 
*CRICKET THUBUAI AH SUPREME COURT IN BCCI HOTU BANG TURIN TI
Supreme Court of India chuan nikum khelh zawh tak Indian Premier League (IPL) a thamna leh thildiklo awm dik tak a chhui a nih theih nan Board of Control for Cricket in India (BCCI) ni mek N.Srinivasan chu bang turin an hriattir. IPL season 6 ah khan Chennai Super Kings (CSK) leh Rajasthan Royals (RR) a infiammi thenkhat te pawisa a tham annih avangin he thubuai hi a kal mek a, BCCI President ni mek N.Srinivasan te company Indian Cements hian Chennai Super Kings hi an enkawl lai niin amakpa Gurunath Meiyappan chu he thamna pek thubuai ah hian a inrawlh thuk hle nia hriat a ni. Supreme Court hian thuthlukna a siam thar berah chuan Chennai Super Kings leh Rajasthan Royals team te hi kumin a neih tur IPL season 7 ah hian an thubuai tihfel a nih hma chuan tel tir loh nise an ti a, tin BCCI President lailawk atan Sunil Gavsakar chu ruat nise an ti bawk. Court hian BCCI chu zirtawpni ah an thuthlukna thawn let turin a hriattir a vawiin khan BCCI hian an president chuan he thubuai dik tak a chhui a nih theih nan ban a tum thu court an hriattir a, thubuai chhhui chhung chuan an secretary Sanjay Patel an BCCI chu lo kaihhruai hrih mai se an ti ta a ni.

Wednesday 26 March 2014

25th & 26th March 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM
26.3.2014
*MH370 KEH THEM NIAWM TAK SATELLITE IN HMUH BELH
Malaysia transport minister Hishammuddin Hussei chuan an ram thlawhna bo mek MH370 kehthem niawm tak 122 lai mai chu France ram a Airbus Defence & Space satellite in a hmuh belh niin a sawi. Satellite thil hmuh thar hi Indian ocean chhimlam MH370 tlakna hmun nia an rin lai vel kha niin a sawi a, thil kehthem ni awm tak te chu an sei zawng pawh 1metre-23 metres (75ft) te anni hlawmin a sawi. Khawvel ram hrang hrang Australia, the United States, New Zealand, China, Japan leh South Korea ten an thlawhna leh lawng te thawh chhuahpuiin MH370 bo hi an zawng mek a tun thleng hian hmuh emaw a kehdarh na hnuhma tak tak erawh hmuh tur a la awm thei chuang lo a ni.
 
*FACEBOOK IN COMPANY DANG LEI LEH
Facebook chuan video games khel thinten an hman thin virtual reality headset siamtu Oculus VR chu US $ 2 billion (tluk leh dingawn) a lei tumin an in be fel tawh tih Facebook neitu Mark Zuckerberg chuan a sawi. Oculus company leichhawnna tur thil tih fel ngai te an buaipui mek a ni. Thla hmasa lawk khan FB hian $19 billion in WhatsApp an lei tawh bawk a nih kha. Oculus VR hian 2012 atang khan virtual reality headset an siam chhuak tan a ni.
 
*Lai Autonomous District Council hnuai a Village Council 93 a, VC 85 a inthlanna nimin a neih a Ballot Box te chu tukin zing dar 9:30 khan Lawngtlai phurh thlen kim a ni a, District Election Officer, Political Party aiawh leh Police lam te hmuhlai in Strong Room hi kalh that nghal a ni.

LADC huam chhunga VC 93 aVC pariat heng; member 4 awm nate Hmawngbuchhuah, Laitlang, Sabualtlang, Chamdur 'P'-II, Chamdurtlang-II, Kawnkhua leh VC Member 5 awmna Sangau-IV leh Bolisora ah te Congress Candidate te chu chuhtu awmlo a tlingah puan an lo ni tawh a hei vang hian nimin khan VC 85 ah inthlanna hi neih niin, Vote 76.9% a tla a ni. Tum dangah chuan Vote thlak zawh hian Vote tlate hi chhiar nghal thin ni mah se MP inthlan hmachhawn mek vangin, tun tum inthlanna a Ballot box te chu Lawngtlai ah phurh khawm a ni a, venhimna uluk tak hnuai ah dah niin State Election Commission in vote chhiar hun tur atan a ruat April 12 ah chhiar a ni ang. District Election Officer Pu J.Hmingthanmawia chuan vote chhiar dan tur chu State Election Commission lam in ruahmanna an la siam tur thu a sawi.

LADC huamchhung ah hian Village Council 93 awmin, V.C Seat 445 a awm a, hetah hian Candidate Mipa 889 leh Hmeichhia 207 an vaiin 1096 an awm. Vote nei thei hi hmeichhia 23312, Mipa 22398 an vaiin 45710 an awm bawk. Tun tum village council inthlanna ah hian tumdang a la tih ngai loh Hmeichhiate tana seat hauhsakna dan chu kalpui a ni a, VC tinah hmeichhia ten seat khat a bika an chuh theih turin ruahmanna siam a ni. -DIPR
 
*Tun Inrinni lo awm tur March ni 29 chawhnu dar 1:05 leh dar 2:00 inkar, AIR Aizawl a Telephone a zawhna leh chhanna Live Phone In Programme ah chuan ‘Hmeichhe lam natna’ chungchang a hriat duh neite tan a zawh theih dawn a. Mipui zawhna chu - Dr. Z.R. Thiamsanga, Gynaecologist, Civil Hospital, Aizawl a miin a rawn chhang ang a. A zawh duh tan Telephone No. - 0389/2322515 ah emaw 2323148 ah emaw a biak pawh theih ang. - DIPR
 
*NORTH EAST TRADITIONAL MUSIC FESTIVAL
All India Radio (AIR), Aizawl chuan Naktip i.e. March 28, 2014 chawhnu dar 1:00 hian North East Traditional Music Festival Vanapa Hall-ah a buatsaih dawn a. He hunah hian – Shillong, Agartala, Itanangar, Kohima leh Silchar atangin zaithiam leh lamthiam te bakah Mizorama zaithiam lar engemawzat an zai bawk ang. He North East Traditional Music Festival, Vanapa Hall-a neih tur ah hian AIR, Aizawl chuan mi zawng zawng a sawm a ni. - DIPR
 
*MIZORAM NULA HMELTHA TE THLALEH AH INLAN DAWN
11-25 April 2014 chhung hian Miss Mizoram 2014 thlanna Aizawl ah neih a ni dawn. Miss Mizoram contest neih tur Chief Organizer chu C.Dinthanga (Editor, Lelte Weekly) niin Organizing committee Chairman Er. K.Lalsawmvela (Chief Engineer, PWD) kaihhruaina hnuai ah member 28 awm in anni ho hian hma chak takin an la mek a ni. Lawmman dawn dan tur: Miss Mizoram: Rs.1,10,000, 1st Runner up: Rs.50,000, 2nd Runner up: Rs.30,000. Ruahman dan chuan 11 April ah I&PR Auditorium, Aizawl ah Elimination round neih a ni ang a, hemi ni hian nula tha zual 20 thlan chhuah anni dawn a ni. 25 April 2014 zan dar 8-ah Vanapa Hall ah final contest leh result puan na neih a ni dawn a ni.
 
25.3.2014
*Arvind Kejriwal an Varanasi bial ah Narendra Modi khing tur a din a tum thu a sawinawn leh.
 
*HIV LEH HEPATITIS - C DAMDAWI HMUCHHUAK
Australia mithiam te chuan kum 5 chhung a HIV leh Hepatitis - C enkawl dam theih na damdawi DNA vaccine an hmuh chhuah thu an sawi. Adelaide University mithiam ten an sawi danin an damdawi hmuhchhuah thar hi ransa leh rannung ah enchhin ni tawh in a thawk tha hle a, nakum atangin mihring ah enchhin(clinical trial) neih a ni dawn niin an sawi.
 
*Vawiin khan Mizoram Governor Vakkom Purusothamam chuan zan 2 riak turin Champhai a thleng. A mah hmuahna ropui takin neih a ni.
 
*HMEICHHIATE HMAN TUR PISTOL SIAM A NI
Vawiin hian khawvel a hmeichhia te hman tur bik liau liau a puakruk pistol siam hmasakber Nirbheek (.32 lighweight revolver) chu a siamtu Indian Ordnance Factory ten an tlangzarh dawn. Nirbheek pistol hi hmeichhia te an mahni an invenhim nan a siam niin a rih lam chu 500 gram a ni a, purse leh handbag ah te ken mai theih tur a duan a ni a Rs.1,22,360 man a ni. He hmeichhe pistol hming pawh hi 2012 a Delhi a pawngsual rawn tawktu Nirbhaya hming chawi a phuah a ni.

Monday 24 March 2014

23rd & 24th March 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM
24.3.2014
*MALAYSIA THLAWHNA MH370 CHU INDIAN OCEAN AH TLA NIIN NGAI
Malaysia Prime Minister Najib Razak chuan UK Air Accident Investigation Branch in an chhui danin an ram thlawhna bo mek MH370 chu a bo dawn khan southern corridor hrul ah thlawk in a thlen chin chhui theih hnuhnung berah chuan Indian ocean laili lai Perth (Australia) atanga khawthlang lamah a tla ni a ngaih a ni a ti. Malaysia airlines te pawh in he data thar an hmuhchhuah atang hian #MH370 chu Indian ocean chhim lamah a tla ni ngei an rin thu leh pawi an tih thu passenger chhungte hnenah an hrilh tawh niin a sawi a ni. He thuthang chungchang ah hian Malaysia PM chuan naktuk lamah thuchiang zawk nen press conference neih a tum thu sawiin an thuthar dawn hi Inmarsat satellite data kal tlang a an hriat niin a sawi. (He thu thar avang hian MH370 chu an hmu ta tih nemnghehna a la awm chuang lo tih i lo hre tel tho dawnnia - Lamtluang)

*JNU DELHI AH MIZO PA LEHKHABU TLANGZARH
Vawiin 24.3.2014 chawhnu dar 2:30 khan India ram a University thaber ti a sawi thin Jawaharlal Nehru University (JNU) Delhi-ah Mizo hnam sipai hlui C.Zama lehkhabu ziah "Untold Atrocity (The struggle for freedom in Mizoram 1966-1986" tih chu JNU a School of International Studies a faculty Dr.Sanjay Pandey chuan a tlangzarh ta. Tlangzarh inkhawm hi JNU a School of Social Science-1 Auditorium ah neih niin Prof. Tiplut Nongbri (Centre for Studies of the Social Systems, JNU) in a kaihruai a, JNU a #Mizo zirtirtu thawk mek Dr.Joy L.Pachuau (Centre for Historical Studies, JNU) in lehkhabu review na hun a hmang bawk a ni. #C_Zama hi Aizawl Chawnpui veng a mi niin a lehkhabu tlangzarh tak hi saptawng a ziak niin #Mizoram buai lai chanchin leh mipui ten hreawm nasa tak an tawrh chanchin chhuizau na a ni.A man pawh Rs.100 chauh a ni. JNU a zirlai te bakah Mizo pa lar L.Keivom (IFS Retd.) te, H.V Lalringa (IAS Retd.), Lalhmangaiha (IRS Retd. & MPC President) te leh TBC Rozara (IRS Retd.) te leh midang thahnem tak lehkhabu tlangzarh inkhawm ah hian an tel a ni.
Mizo author C Zama book "Untold Atrocity (The struggle for freedom in Mizoram 1966-1986"release function at JNU, Delhi, the book price is Rs.100/- only
pix: Zorem Mawia
Mizo author C Zama book release function at JNU, Delhi
pix: Zorem Mawia
Mizo author C Zama book release function at JNU, Delhi
pix: Zorem Mawia
 
*Tripura a Tuikuk Vote thlak tir tum duhloh lantirna PROTEST DAY Aizawl ah hman a ni.

Vawiin khan Aizawl ah Mizoram atanga an duhthu a tlanchhuak Tuikuk te an awmna hmun Tripura a Vote thlak tir leh tum duhloh lantirna neih ani a, Mizo mipui thahnem tak an pungkhawm a ni. He hunah hian tlawmngai pawl hruaitu hrang hrang aiawh te'n thu an sawi bawk. Millenium Center kawt a thusawitu,

Sainghinga Sailo MUP General Secretary chuan, "Tuikuk te hi tunhma chuan Mizoram khua leh tui nihna nei an ni ngailo a, tunhnai ah Mizo mipuite'n kan khawngaih avangin Mizoram khua leh tui nihna kan pe a, hetiang a min tibuai reng hi a pawi hle e, mikhual chamrei mai an ni tih inhria se kan duh a ni", a ti.

Anggu Lalhmachhuana MZP President chuan, "Vawiin hi Mizote tan ni chhinchhiahtlak ani, Mizo mipuite kan tanrual chuan Tuikuk te hi kan duh ang ngeiin kan awm tir thei ang. Kan pi leh pu ten huaisen taka an lo hum Mizoram hi thangthar ten kan humhim zel tur a ni", a ti bawk.

Vanapa Hall kawt ah hian thusawina hun hman leh a ni a,

Zodinpuia MSU President chuan, " Mizote hi British sorkar awpbehna hnuaiah kum 57 zet kan awm a, British in min chhuahsan hnuin India awpbehna hnuaiah kum 67 kan awmna tur kan hmang leh mek a, Mizote'n kan him lohna tur kan tawng ta zeuh zeuh mai tih thu sawiin, Tuikuk te hi Sorkar laipui in Representation of People Act 1951 hnuaia Section 60 in a sawi, Kashmir atanga raltlan Kashmiri Pandit te nen ang khat in en tawhlo se a duhthu sawiin, Tuikuk te hi an duhthu a Mizoram chhuahsan an ni ati a, India Union hnuaiah kan himlo a nih chuan kawngdang kan dap a ngai ang a ti bawk.

Dr.Thanpuii MHIP Vice President chuan, "Tuikuk Pathian siam theihloh te hi Tripura ah um zui reng hi hriatthiam theih a ni tawhlo tih sawiin, Mizoram pawn a Mizo zirlai leh hnathawk tamtak awmte hi ECI hian vote an thlakna tur ngaihtuah ve se

a duhthu a sawi a. Mizo hmeichhia te hian theihtawp in hma kan lazel dawn a ni", a ti bawk.

Kawngzawh tawpna, Election Office kawt ah Lalbiakzuala CYMA President chuan thusawiin, " Tuikuk ten MP inthlanah vote an thlak lohna tura kan hmalakna hi a bul tanna chauh ani a, a hlawhtlin theihnan a tawp thlengin kan dodal zel dawn a ni ati a, Political Party te hnenah ngenna thlenin Tuikuk vote beisei in tu party mah Tuikuk khua ah kallo turin kan ngen a ni ati a, kal lui an awm a nih chuan an chungchang Jt.NGO meeting in a ngaihtuah ang a ti bawk. Kohhran hrang hrangte pawn member tam duh vangin Tuikuk te tlawn tawhlo tura a duhthu sawiin, India hnuaiah Mizote hi kan him tawhlo a nih chuan kawngdang kan zawn a ngai ang a ti bawk a ni.

He hunah hian CYMA General Secretary Vanalalruata chuan resolution chhiarchhuak in lungrual takin kalkhawm ten an passed a ni.
source: LalBiaksanga Bsa Hauhulh via Special Report Group
Mizoram NGO protest rally against giving a chance to Bru votes in Tripura camp
*Mizoram Congress party in vawiin tlai dar 3 khan Election Returning Officer hnenah UDF candidate Robert Romawia Royte chu case nei lei leh registered contractor a ni tiin complaint an thehlut. - DINGDI
 
*Vawiin hi World TB day a ni, TB natna hi Mizo ten ngawr natna tiin kan sawi a, tunhma chuan natna tihbaiawm tak a vei ten an thihpui ngei ngei thin ni a hriat ni mahse thiamna te a sang zel a tunlai ah chuan damdawi tha tak tak hmangin enkawl dam theih a ni ta. Mizoram a TB Hospital Zemabawk a mi chu 2012 khan sorkar in a ti tawp a, Falkawn Hospital ah chauh enkawlna siam a ni. Tualchhung sub centre ah te TB damdawi a dawn theih reng bawk. Mizo thu leh hla lama mi thiam kan neih hmasak L.Biakliana leh Kaphleia te kha TB natna vangin an lo boral tawh a nih kha.
 
*Vawiin khan Mizoram Lok Sabha inthlan lo awm tur a MP candidate te nomination paper endik na neih a ni a, an zingah hian Vanlalngaia, Independent candidate chu a inhnukdawk a, a bak zawng CL Ruala(INC), M Lalmanzuala(AAP), Robert Romawia Royte (Independent) te nomination paper chu pawm sak an ni ta a ni.
23.3.2014
*BJP mihlun te zing a mi Union Finance minister hlui Jaswant Singh chu an party in a duhna hmun Barmer, Rajasthan MP seat an pek loh avangin independent a din a tum. Jaswant Singh hian hman deuh khan Pakistan hruaitu Jinnah chanchin lehkhabu a a ziah avangin BJP hian an lo suspend tawh a ni.
 
*THISEN HLU PE
Nimin khan Sialsuk Pastor Bial KTP ten Synod Hospital, Durtlang a hman turin a thlawn in thisen unit 50 chuang an pe.
 
*TUITLA RUANG HMU
Nimin tlai a tui tla H.Vanlalmalsawmsanga S/o.H.Thansanga, #Lawngtlai Council veng ruang chu vawiin dar 11:30 vel khan Chhimtuipui lui Tuipui Ferry ah hmuh a ni a, a ruang hi vawiin dar 2pm khan Lawngtlai thlen pui a ni.
 
*JNU AH MIZO PA LEHKHABU ZIAH TLANGZARH DAWN
Naktuk 2:30pm hian Jawaharlal Nehru University (JNU) a School of Social Science Auditorium-1, Delhi - ah Aizawl Chawnpui veng pa C.Zama (Ex-Mizo National Army) lehkhabu ziah "Untold Atrocity (The struggle for freedom in Mizoram 1966-1986" tih chu Dr.Sanjay Pandey (SIS) an a tlangzarh dawn. Tlangzarh inkhawm hi Prof. Tiplut Nongbri (CSSS) in a kaihruai ang a, Dr. Joy L.Pachuau (Centre for Historical Studies, JNU) in he lehkhabu review na hun a hmang bawk ang. C.Zama lehkhabu tlangzarh tur hi saptawng a ziak niin Mizoram buai lai chanchin a ni. JNU a Mizo zirlai te pawh book release programme atan hian an buai tawh hle a ni.
Mizo author Mr. C Zama book release poster @JNU
 
*HEL RUK BO CHHUAH KIM TA
Nizan khan Tuikuk hel ten hun rei tak an rukbo zing a mi Deep Mondol chu Mizoram rawn thlen pui niin West Phaileng ah doctor ten a hriselna an endik sak hnuah Aizawl lam panpui a ni ang.
 
*HRIATZAUNA HUANG (I LO HRETAWH NGAI EM?)
India mipui ten hun in ang kan hman theih nan a duan chhuah Indian Standard Time (IST) hi Shankargarh Fort, Allahabad District, Uttar Pradesh atanga teh a ni a, Longitude 80.5 Degree east atang a mil niin khawvel hun teh nan a hman mek Greenwich Mean Time (GMT) aiin darkar 5:30 in a hma a ni. India independence hma khan Bombay leh Culcutta ten an mahniin time zone hran an hmang thin a, ram pum a sana hun vawn inang hman a nih dawn khan Indian Standard Time tehna hmunpui hi Chennai atangin Shankargarh Fort ah hian sorkar in a sawn ta a ni.


*PEPSI HOTUNU HLAWH PUNG NASA
Khawvel a cold drinks siamtu lar PepsiCo a Chief Executive tanglai India a piang Indra Nooyi (Kum 58 ) chu nikum 2013 chhung khan a thawhna company hian a hlawh atan US $18.6 Million (India pawisa in Rs. Vaibelchhe 113) an pe. Pepsi company hian a hlawh hi kum hmasa aiin 7% in an tih pun sak, an tih punsak chhan a an sawi chu Indra Nooyi kaihhruaina hnuaiah an company in nasa taka hma an sawn vang a ni. Kum 2006 atang khan India nu hian PepsiCo ah hian Chief Executive hna a lo chelh tan tawh a ni. Mifate hi chu an vannei thin teh e!
 

21st & 22nd March news in Mizo

Latest news collection in Mizo language
MIZO TAWNG A CHANCHINTHAR LAWRKHAWM
22.3.2014
*TANK LORRY CHESUAL AH MI 7 KANGHLUM
Vawiin tlai dar 3 khan Thane, Maharashtra ah Tank lorry petrol phur chu chesual in kang nghal a, mi chuang 3 leh motor chetsualna bulhnai a lo awm mi 4 te pawh an kangmei chhuak hian man tel in an kang hlum a ni. Hliam tuar dang pawh an awm nual bawk. He tanker chetsualna lai hi Chaori check point Mumbai-Ahmedabad kawngpui ah a ni.
 
*NUPUI DUH ZAH ZAH NEIH PHAL
Nizan khan rei tak an sawiho hnuah Kenya ram parliament chuan mipa ten an duh zat zat nupui an neih phalsakna tur dan "Polygamy law" chu an passed, he dan an passed tak hi a tak a hman a nih hma in an ram President in a pawmpui phawt a la ngai a ni. Polygami law hi Kenya ram a hmeichhe politician ten nasa takin an duh loh thu sawi mahse an dang zo ta chuang lo a ni.
 
*THLAWHNA BO THUTHAR
Malaysia thlawhna bo #MH370 chungchang ah China chuan thuthar an nei a, an ram satellite in Australia khawthlang lamah thlawhtheihna bo ni awm tak an hmuh thu an sawi thar ve leh, he satellite in a hmuh thar hi finfiah turin an kal mek niin an sawi. Rin thu leh ngaihdan hrang hrang a tam chho ta hle mai a nih hrih hi.
 
*Indian Ocean chhim lama satellite in thil awm ni a hmuh chu zawn ni mahse vawiin thleng hian Malaysia thlawhna bo #MH370 chinchang ti chiang tur in engmah thuthar hriat belh tur a la awm chuang lo. Australia PM chuan eng pawh nise kan hmuh hma chuan rin na zawn tal kan dap zel ang a ti.
 
*Tukin dar 3 vel khan Bungkawn Vengthar a Hmingdailova Colney(L) in Sinlung Hill Development Council Chairman Hmingchungnunga te luah mek ah bomb puakin thi leh hliam an awm lo a, an kawngkhar leh tukverh darthlalang te erawh a chhe nasa hle a ni. - Zonet Zingdaifim
 
*CHHUNGKUA IN KANG
Nimin 21.3.14, 7pm bawr vel khan Ngaizawl khua a mite James Paungaihlian (38) leh a nupui Manglianniang(3 0) leh an fate pahnih Esther Paumuansang ( 1 ) Timothy Liandeihpau (3) te chu an mahni inah an kang a. Khawzawl CHC ah enkawl mek an ni. Kangmei chhuah dan: An gallon chu petrol thun nan an hawh sak a. Chumi hnu ah a bur chu a fai tawh emaw tiin khawnvartui an thun a. Current awmloh vangin an arte an inhnuai a an dah chu tihlum nan lalt(r)in an chhi a. A tui a zawh avangin khawnvartui thun an tum a. An chhungkua a an kil lai in petrol chambang (?) Chu a rawn alh puat a. An kang ta ani. Naupang pahnih leh an pa chu an kang na lutuk lova. A nu erawh 20% vel ani. Kan tawngtaina ah I hre threuh ang u.

Tin, nimin piah 19.03.2014 khan Ngaizawl khua vek NANGLIANKIM (28) leh Sawmngaihpau (40) chu ram kang an threlh na lamah an kang bawk a. Nanga phei hi chu a kang na hle a. 30-40% vel ani. anni pawh hi KHAWZAWL CHC ah enkawl mek an ni.
source: Mambawihi Lalhmingmawii Jahau (Dt.22.3.2014, Khawzawl)
 
*Zanin dar 7:11 khan 6.5 magnitude a chakin Andaman & Nicobar Island ah lir a nghing a, mithiam ten Tsunami a thlen a hlauhawm phah lo niin an sawi.
 
21.3.2014
*WORLD WATER DAY 2014 HMANG DAWN
Mizoram PHE Department chuan kumtin alo hman tawh thin angin naktuk ni 22.3.2014(Inrinni) chawhma dar 11:00 ah Zarkawt YMA Recreation Center-ah World Water Day 2014 (Siktuithiang kut) a buatsaih leh dawn.

Kumin Siktuithiang Kut thupui chu Tui leh Kawlphetha (Water & Energy) tih a ni a. Chu mi in a tum ber chu tui leh kawlphetha inlaichinna phochhuah a ni. Kawlphetha siamchhuah nan hian tui tam tak a ngai a, chutiang bawkin tui lak, tihthianghlim leh semchhuah nan kawlphetha tam tawk tak a ngai ve leh zel bawk thin a ni.

He hunah hian PHE Department hotute hnen atangin thuchah pawimawh tak tak ngaihthlak tur a awm ang. He ni pual atana intihsiakna hrang hrang lawmman semna hun neih a ni bawk ang a, zai leh skit en tur a awm dawn bawk a ni.

Chawhnu lamah WaterJAM 2014: an event of Music, Water & Life hun hman a ni zui ang a, hetah hian Mizoram chhunga zaithiam langsar tak tak leh fiamthu thiamte'n hun an hmang dawn bawk a ni. - DIPR
 
*Indian Ocean a satellite in a hmuh thlawhna keh them ni awm tak chu vawiin a Australia team ten uluk takin an dap a, mahse he thu ziah a nih lai thleng hian Malaysia thlawhtheihna #MH370 keh them ni awm ang tur engmah an la hmu chuak chuang lo. Australia deputy Prime Minister chuan satellite thil hmuh thar kha tuifinriat chhung ah a pil hman a nih ngawt loh chuan tun thleng in hmasawnna kan la hmuh belh hrih lo a ti a ni. Thlawhna bo hi zawn chhunzawm zel tum a ni a, Australia team te hi New Zealand leh US thlawhna ten an pui dawn a, China leh Japan ram te pawn kar tawp lam hian bo zawn nan an thlawhtheihna te an rawn thawh ve dawn bawk a ni. India pawh in tuipui a hman chi thlawhtheihna 2 Poseidon P-8I (maritime surveillance aircraft) leh C-130 (Hercules transporter) te a thawh ve bawk. Indian ocean a bo zawnna neih mek ah hian Norway sumdawng lawnglian Hoegh St. Petersburg chuan awm chilh mek vawiin tlai ah lawnglian dang pawh an thlen belh hman beisei a ni bawk.
 
*Vawiin hi World Forestry Day a ni a, he Ni pual hian Nature Trip, Tamdil-ah buatsaih a ni a School leh college zirlai thahnem tak an kal a ni.
 
*MALAYSIA THLAWHTHEIHNA ZAWNG LEH DAWN
Nimin lam a Indian Ocean chhimlam a satellite in thil kehthem niawm tak 79 feet a sei 2 a hmuh chu Malaysia thlawhtheihna bo mek #MH370 keh them a nih beisei in vawiin hian Australia sorkar chuan thlawhtheihna 4 hmangin an bel chiang dawn. Nimin lamah khua a that loh avangin helai hmun hi an duh angin an enfiah thei lo ni a sawi a ni. Satellite in thil liantham 2 awm ni a ahmuhna hmun hi finfiah turin Norway sumdawng lawng 1 pawh an thang mek a, vawiin tlai lamah lawnglian dang in an belh hman beisei a ni bawk.

Thursday 20 March 2014

20th March 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM
20.3.2014
*TANGRUAL PAWL IN ELECTION KICK OFF HUN HMANG
Inthlan neih tur atana Eptu party tangho, United Democratic Front (UDF) chuan vawiin khan Campaign beihpui an thlak tan a, Hemi pual hian Aizawl Vanapa Hall-ah inkhawm buatsaihin UDF Chairman Dr. R. Lalthangliana’n a kaihruai a, Lok Sabha Candidate tur Pu Robert Romawia Royte leh Hrangturzo bial By- Election-a Candidate Pu Dawngliana te mipui inhmel hriattirna neih a ni.

He huna Party President hrang hrang zinga thusawitu hmasa ber, ZNP President Pu Lalduhawma chuan, Election reng rengah a tam ber an chak thin a, chuvang chuan thu tam sawi ngai lovin mahni Party member-te theuh vote tha taka thlak tura tih chuan an chak mai dawn a ni a ti. Mizoram Assembly inthlanpui neih zawh takah thil diklo tak EVM hmanga vote Rigging a awm ngei nia puhna SMS MPCC President Pu Lalthanhawla’n a dawn avangin, Pu Lalthanhawla chuan FIR thehlutin Court Case siam a ni a, amaherawhchu chargesheet ah EVM hmansuala puhna lam reng reng a awm ta miah lo mai chu, rinloh khana Court Judgement chhuah tir tumna a awm niin a rin theih nghal tih sawiin amaherawhchu an thil tih dikloh chu puan chhuah a nih hnuah inthlan thatna reilote ah neih leh ngei a ni ang a ti.

MNF President Pu Zoramthanga chuan, “Mizoram Congress thiltihdan tha lo tam tak do turin Political Party 8 ten tanhona United Democratic Front (UDF) an din niin a sawi a, Congress chuan Mizorama Zu zawrh an tum avanga Kohhran pawhin an tawngtai khum luai luai, Kohhran an pawisak lohzia lantirna tura ‘Kohhran rawn kan tum lo’ tia Kohhran thamlohna chhakchhuak duh ngat an ni a ti a, an hneh ngei ang tih an inring tlat tih a sawi a ni.

UDF Lok Sabha candidate Pu Robert Romawia Royte chuan, “Mizoram mipui te’n an beisei hmasawnna tha zawk, mipui leh pawl, Society ang pawha hmasawnna tur sum an beisei ruk thin, engtia hai chhuah tur nge tih an hriat chiah si loh te hnuk chhuak turin theihtawp chhuah turin a inpeih tih a sawi a, Hrangturzo By-Election Candidate Pu Dawngliana chuan, Hmasawnna lam ngaihtuahtu, mirethei leh chanhaite chhawmdawl tuipui ve thintu a nihna chu a taka hmanna hun a neih ngei a tih a sawi bawk.
Source: Regional News Unit AIR Aizawl

 
*LK ADVANI AN THUTHLUK NA SIAM FEL
#BJP party hruaitu hlun #LK_Adavani chuan an party hotuten a bial ngai Gandhinagar (Gujarat) Lok Sabha bial a ding nawn leh tur a an tih chu lungawi chiah lo in Bhopal bial a din a duh zawk thu a sawi chhuak a. Nizan leh vawiin nileng in he a lungawiloh na avang hian an party chhungkua an buai hman hle a, an hruaitu senior tih lungawi tum hian BJP hruaitu lawk ten a in an tlawh awllo a, a tawp a tawp a chuan vawiin tlai ah khan India ram politician hlun L.K Advani chuan an party hruaitu te thuthlukna ang a a bial ngai Gadhinagar a MP seat a chuh leh tur thu a sawi chiang ta a ni. He thil ah hian RSS lam pawh an inrawlh ni a sawi a ni.

 
*February 2014 chhunga Mizoram Excise & Narcotics Department (END) in zu leh a kaihhnawih thil a mihring leh thildang an man zat hetiang hi a ni :
1. Zu zuar 91
2. Zu rui 5
3. Rak Zu 2365.925 litres
4. Zu bilhlai 4898 tins
5. Dawidim 14 kgs
6. IMFL 750 ml - 7723 bottles & 1 Loose
IMFL 180 ml - 109 bottles
Canned Beer 500ml - 16 Cans
Foreign (Imp) Liquor - 1980 litres
Foreign (Imp) Canned Beer - 286 cans
7. Zu sakna bel man zat - 30 Nos
8. Motor man zat -12 Nos.
 
*BAWRHSAPIN THLIPUI TUARTE TLAWH
Nimin tlai lam dar 4 velah khan Lawngtlai leh a chhehvelah thli na tak mai a tleha, Lawngtlai khawpui chhung, a bikin Chanmari II huam chhunga chenna in sawmpahnih tichhiain heng chenna in chhiate hi District Bawrhsap Pu J. Hmingthanmawia chuan nizan la la khan a hmunah a tlawh.

Nimin tlai thli tleh hian Lawngtlai khawpui veng hrang hrangah harsatna a thlen hlawm a, a tuar na ber Chanmari II vengah hian chenna in 12 zet tichhia in heng zinga in pakhat chu luah zui tlakloh vin a chhia a, a dangte hi chu a chung hawkte, a bang tla te leh a then a zar chhiate an ni hlawm. Veng dang Electrict Veng leh A.O.C lamah te pawh chenna in chhia a awm bawka, amaherawh chu nasa taka chhia an ni lo thung. Lawngtlai Council venga Electric thir ban pakhat chu thli hian a len tlu bawka, hei vang hian nizan zankhua khan Council veng hian eng an hmuhloh phah bawk.

Lawngtlai khawthlang lam km 80 vela awm Bungtlang South khuaah pawh nizan thli avang khan chenna in sawmpakhat lai a chhia nia thu dawn bawk a nia, khaw dang dangah pawh harsatna tawk an awm rin a ni.

Nizan khan heng chhiatna tawkte hi Bawrhsap hian tlawh kual nghalin tanpuina awm thei ang anga chhawmdawl an nih tur thu a sawi a, tukin zing lam pawh khan Bawrhsap hian a Officer te tirin khawchhung enkual a ni bawk.

Nimin tlai lam khan thawtlawk pawh awm lemlovin Lawngtlai leh a chhehvel chu thli ro, na tak si hian hun rei vaklo chhung a nuaia, he thli hi a na in khawpui chhung pawh vaivut leh meivapin hun engemaw chen a tuam phah hial a, chenna in Office leh zirna in engemawzat chhungah vaivut leh meivap a lenlut nasa hle a ni. - DIPR
 
*Vawiin chawhnu khan Serchhip District huam chhunga 28-Hrangturzo Assembly Constituency By- Election lo awm tur chuh turin Nl. Vanlalawmpuii Chawngthu, MYPCC President chuan, INC ticket-in he bial Returning Officer leh Serchhip District Bawrhsap ni bawk Dr. Franklin Laltinkhuma IAS office chamber-ah nomination a file ta a, he biala din tum nomination file hmasa ber a ni.

Nl. Vanlalawmpuii Chawngthu hi October 8, 1979 a piang, Pu Chawngkunga fanu, Aizawl Dawrpui Vengthar-a cheng a ni a, vawiina nomination a file-naah hian Aizawl, Serchhip leh a dinna tur Hrangturzo bial party mi leh sa thahnem takin an tawiawm a ni. - DIPR
 
*IAS-ah kaisang
Mizoram Civil Service (MCS) officer pathum - LAD secretary, HL Rochungnunga; Joint CEO, H Lalengmawia leh Champhai DC, C Sanghmingliana te chu IAS-ah kaisantirna thupek, tun hnai khan chhuah a ni. - Vanglaini
 
*Vawiin chawhnu dar 1:00pm khan #Mizoram a eptu pawl (opposition parties) ten Vanapa Hall-ah Lok Sabha Election leh Hrangturzo constituency MLA By-Election Campaign hawnna an nei.
 
*ZIAKMI LAR KHUSHWANT SINGH BORAL
A thuziak ngaihnawm leh hlimawm tak tak te avanga India mipui te mai bak a khawvel in ziaktu ropui ni a a hriat thin Punjabi pa #Khushwant_Singh chu vawiin khan an chenna in Sujan Singh Park, New Delhi ah kum 99 mi niin a boral. A fapa Rahul Singh an a sawi danin a pa hi a kum upa tawh tih mai loh chu taksa lamah thawk harsat chang a nei thin a chu bak chu in sawiselna dang a neilo lutuk lo a ni.

Ziaktu ropui famta Khuswant Singh hi 2 February 1915 khan Hadali, tuna Pakistan ram chhungah a lo piang a, Modern School, New Delhi, Government College, Lahore, St. Stephen's College, Delhi leh King's College London ah te lehkha a zir thin a ni. A hun hmasa lamah chuan ukil hna te pawh a lo thawk tawh thin in London a Inner Temple ah te alo thawk ve zak zak tawh a ni. Indira Gandhi hunlai 1980-1986 khan Rajya Sabha member atan ruat a ni a, 1974 ah Padma Bhushan chawimawina pek a ni. 1984 a India sipai ten Golden Temple a Operationn Blue star an neih duhloh entirnan Padma Bhushan hi sorkar hnenah a pe let leh a ni. 2007 kum khan Padma Vibhusan chawimawina sorkarin a hlan leh a ni.

A thuziah hmasak zing a mi "Train to Pakistan", "I Shall Not Hear the Nightingale" leh "Delhi" tih te chu vawiin thleng a thu leh hla khawvel a mite ngaihhlut a la ni. Khushwant Singh hi chanchinbu mi hlun niin Yojona, The Illustrated Weekly of India, Hindustan Times leh The National Herald te a lo enkawl tawh thin a ni.

Khushwant Singh hi tuktin zing dar 4 ah tho ziah thin in a ama kutziak ngei hmangin chanchinbu a ama column a chhuah tur a ziak thin ni a sawi a ni. Chawlhkar tin a tihchhuah thin ama pual column "With Malice Towards One and All" phei chu chhiartu ten an hmaih phal ngai lo a ni. 2002 khan a ma chanchin ziahna(autobiography) "Truth, Love and a Little Malice" chu Penguin in an publish sak a ni. A lehkhabu ziah hnuhnung ber "The Good, The Bad and The Ridiculous" tih chu nikum(2013) October thla khan tlangzarh a ni. Khushwant Singh hian nupui Kawal Malik neiin fapa 1 leh fanu 1 a nei a ni.
 
*D.U AH KUM 1 CHHUNGIN MASTER ZIR ZAWH TIR DAWN
#Delhi_University Vice Chancellor Dinesh Singh an a hmathlir a sawina ah 2015-2016 academic session atang chuan Delhi University(D.U) hnuai a post graduation course zir te chuan kum 1 chhungin an zir zo thei tawh ang a ti. A sawi zelna ah mahni subject bakah zirlai ten an duh a nih chuan subject dang pawh choice based credit system hmangin tam leh zual an thlan theih nan ruahmanna siam an tum tih a sawi. Kum 4 chhung degree course zir tawh tur a an kalpui mek Four Year Undergraduate Programme (FYUP) chu an beisei ang ngeiin a hlawhtling niin a sawi bawk.

Wednesday 19 March 2014

19th March 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM
19.3.2014
*MCS LEH MPS LA THAR LEH DAWN (MCS & MPS EXAM 2014)
Mizoram Public Service Commission chuan Mizoram Civil Services (Combined Competitive) Examinations a buatsaih leh dawn a, he exam ah hian Junior Grade of Mizoram Civil Service (MCS) posts 10 leh Junior Grade of Mizoram Police Service (MPS) posts 10 hnawhkhah tur niin exam form hi 30.4.2014 chhung a thehluh tur a ni. Exam form hi MPSC office Aizawl leh District tin a DC office ah RS 200 + 10 = RS 210 (or RS 150+10= RS 160 for SC/ST applicants) chawiin a lak theih a ni. Online pawh in MPSC website www.mpsc.mizoram.gov.in ah thehluh theih a ni bawk.

 
*HRANGTURZO BIAL AH EPTU LAMIN DAWNGLIANA DIN TIR DAWN
#Hrangturzo bial MLA by-election lo awm turah #Mizoram a eptu pawl ((MNF, ZNP, MPC, BJP, MDF, HPC etc.) tangrual UDF te chuan an candidate atan Kolasib DC hlui Dawngliana, MCS retd. Zemabawk a mi chu an thlang. Naktuk ah UDF te hian inthlan campaign hawnna Vanapa Hall ah an nei dawn a ni.
 
*TANGRUAL PAWLIN MP CANDIDATE PUANG VE TA
#Mizoram_MP Lok Sabha seat 1 chuh turin eptu lam (MNF, ZNP, MPC, BJP, MDF, HPC etc.) tangrual pawl United Democratic Front te chuan Robert Romawia Royte, Chhinga veng, Aizawl a mi chu an candidate atan an puang fel ta. #Robert_Romawia_Royte hi thiamna lamah M.A.,M.Phil.,B.Ed niin North East Consultancy Service (NECS) ah Chairman & Chief Managing Director leh Aizawl Football Club President a ni lai a ni. Education Department hnuai ah District Project Coordinator, SSA hna lo chelh thin a ni bawk.
Mr. Robert Romawia Royte, United Democratic Front MP candidate in Mizoram 2014
*Jaintia Hills a NGO 5 te tangrualin Jaintia Hills NH 44 kawng siam that an ngiat avangin 20 leh 21 March, 2014 zan dar 7:00 atanga zing dar 5:00 thleng kawngpui an dan dawn avangin hemi hun chhung hian Mizoram ram atanga Meghalaya state huam chhung paltlanga zin tur te fimkhur turin mipui te hriattir an ni. -DIPR
 
*SIPAI LAK RUNPUI RESULT TICHHUAK
Army Recruitment Office, Aizawl chuan sipai lak runpui January ni 15 - 20, 2014 a neih result a tichhuak a, mi 88 thlan an ni. He result tihchhuahah hian Soldier Clerk Category bik erawhchu a tel rih lo a ni. Intlar zingah a tira medical-a tlinglo a hnua tih tling leh tak te chuan written exam 27 April, 2014-a neih turah an ziak thei ang.

He sipai lak runpuia intlar zawng zawngte chu Army Recruitment Office, Aizawl-ah emaw, telephone no : 0389-2350241-ah an tlin leh tlinloh ngaihven turin ARO, Aizawl chuan a hriattir a. Tling zawng zawngte chu 26 leh 29 March, 2014 inkarah Army Recruitment Office, Aizawl-ah nakina thilpawimawh leh tul turte ngaihvena kal theuh turin a hriattir bawk.

ARO, Aizawl chuan candidate zawng zawngte bumna leh thamna lakah fihlim tur leh Director, Recruiting hnenah thil zawtfiah zel turin a ngen bawk.

A tlingte roll no. a hnuaih hian tarlan a ni e:-
SHI/IZ /GD/020214/1004 [ Disp ]
SHI/IZ/GD/020214/1071 [ Disp ]
SHI/IZ /GD/020214/1119 [ Disp ]
SHI/IZ/GD/020214/1016 [ Disp ]
SHI/IZ /GD/020214/1073 [ Disp ]
SHI/IZ /GD/020214/1124 [ Disp ]
SHI/IZ /GD/020214/1018 [ Disp ]
SHI/IZ /GD/020214/1078 [ Disp ]
SHI/IZ /GD/020214/1125 [ Disp ]
SHI/IZ /GD/020214/1019 [ Disp ]
SHI/IZ /GD/020214/1080 [ Disp ]
SHI/IZ /GD/020214/1127 [ Disp ]
SHI/IZ /GD/020214/1020 [ Disp ]
SHI/IZ /GD/020214/1085 [ Disp ]
SHI/IZ /GD/020214/1129 [ Disp ]
SHI/IZ /GD/020214/1023 [ Disp ]
SHI/IZ /GD/020214/1086 [ Disp ]
SHI/IZ /GD/020214/1130 [ Disp ]
SHI/IZ /GD/020214/1024 [ Disp ]
SHI/IZ /GD/020214/1087 [ Disp ]
SHI/IZ /GD/020214/1132 [ Disp ]
SHI/IZ /GD/020214/1025 [ Disp ]
SHI/IZ /GD/020214/1088 [ Disp ]
SHI/IZ /GD/020214/1133 [ Disp ]
SHI/IZ /GD/020214/1027 [ Disp ]
SHI/IZ /GD/020214/1089 [ Disp ]
SHI/IZ /GD/020214/1134 [ Disp ]
SHI/IZ /GD/020214/1028 [ Disp ]
SHI/IZ /GD/020214/1090 [ Disp ]
SHI/IZ /GD/020214/1136 [ Disp ]
SHI/IZ /GD/020214/1029 [ Disp ]
SHI/IZ/GD/020214/1091 [ Disp ]
SHI/IZ /GD/020214/1137 [ Disp ]
SHI/IZ /GD/020214/1030 [ Disp ]
SHI/IZ /GD/020214/1096 [ Disp ]
SHI/IZ /GD/020214/1138 [ Disp ]
SHI/IZ /GD/020214/1033 [ Disp ]
SHI/IZ /GD/020214/1097 [ Disp ]
SHI/IZ /GD/020214/1139 [ Disp ]
SHI/IZ /GD/020214/1034 [ Disp ]
SHI/IZ /GD/020214/1099 [ Disp ]
SHI/IZ /GD/020214/1141 [ Disp ]
SHI/IZ /GD/020214/1038 [ Disp ]
SHI/IZ /GD/020214/1102 [ Disp ]
SHI/IZ /GD/020214/1142 [ Disp ]
SHI/IZ /GD/020214/1039 [ Disp ]
SHI/IZ /GD/020214/1104 [ Disp ]
SHI/IZ /GD/020214/1143 [ Disp ]
SHI/IZ/GD/020214/1040
SHI/IZ /GD/020214/1105 [ Disp ]
SHI/IZ /GD/020214/1145 [ Disp ]
SHI/IZ /GD/020214/1042 [ Disp ]
SHI/IZ /GD/020214/1106 [ Disp]
SHI/IZ /GD/020214/1147 [ Disp ]
SHI/IZ/GD/020214/1043
SHI/IZ /GD/020214/1108 [ Disp ]
SHI/IZ /GD/020214/1148 [ Disp ]
SHI/IZ /GD/020214/1044 [ Disp ]
SHI/IZ /GD/020214/1109 [ Disp ]
SHI/IZ /GD/020214/1149 [ Disp ]
SHI/IZ /GD/020214/1045 [ Disp ]
SHI/IZ /GD/020214/1111 [ Disp ]
SHI/IZ /GD/020214/BIH/1150
SHI/IZ /GD/020214/1046 [ Disp ]
SHI/IZ /GD/020214/1112 [ Disp ]
SHI/IZ/GD/020214/1153
SHI/IZ /GD/020214/1058 [ Disp ]
SHI/IZ /GD/020214/1116 [ Disp ]
SHI/IZ/GD/020214/1158
SHI/IZ /GD/020214/1061 [ Disp ]
SHI/IZ /GD/020214/1118 [ Disp ]
SHI/IZ/GD/020214/1165
SHI/IZ/GD/020214/1166
SHI/IZ /TW/020214/53001
SHI/IZ /GD/020214/1168 [ Disp ]
SHI/IZ /TW/020214/53002
SHI/IZ /GD/020214/1169 [ Disp ]
SHI/IZ /TW/020214/53008
SHI/IZ /GD/020214/1171 [ Disp
SHI/IZ /TW/020214/53011
SHI/IZ /GD/020214/1174 [ Disp ]
SHI/IZ /ST/020214/39530
SHI/IZ /GD/020214/UTT/1180
SHI/IZ/ST/020214/39541
SHI/IZ /GD/020214/1184 [ Disp ]
SHI/IZ /ST/020214/BIH/39554
SHI/IZ /GD/020214/PNJ/1186
SHI/IZ /ST/020214/U.P/39563
Source: DIPR
 
*RAHUL GANDHI AN MIZORAM TLAWH THULH
Congress vice president Rahul Gandhi chuan vawiin a Mualpui, Aizawl a election rally neih a tum chu state assembly session neih lai a nih avangin a thulh leh a, Lengpui airport a thuthar lakkhawmtute kawm a tum pawh thulh leh a ni. Hetih lai hian vawiin hian Meghalaya leh Manipur ah te Rahul Gandhi hian election rally a hmanpui a ni.
 
*Naktuk hian Mizo Zirlai Pawl (MZP) te chuan Borapansury khawdai ah 'Zofate Chawlhbuk" sak a tum a, Borapansury hi Tlabung atanga hlalo te a awm a ni.
 
*Kum 2014-15 chhunga Mizoram sum hmuh tura ruahman chhin chu cheng vbc. 6362.52 a ni a, heta ṭang hian thla li (April-July) chhunga hman tura ruahman, Vote on Account chu cheng vbc. 2182.55 a ni. Kum 2014-15 chhunga Mizoram budget ruahman chhin te, Vote on Account-a sum pass turte leh Supplementary Demand for Grants 2013-14 te chu nimin khan Finance minister, Lalsawta'n Assembly House-ah ah a pharh a ni.

Kum 2014-15 atana Mizoram Plan Fund tur chu tihfel a la ni lo a, mahse cheng vbc. 3,325 ni tura ruahman chhin a ni a; kum 2013-14 Plan Fund cheng vbc. 2500 aiin vbc. 825-in a tam a ni. - Vanglaini

18th March 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM
18.3.2014
*CRIMEA CHU RUSSIA HNUAI AWM LEH TURIN THUTHLUNG ZIAH FEL A NI TA
Vawiin khan #Russia President Vladimir Putin leh Crimean Prime Minister Sergei Aksyonov te chuan Moscow khawpui a sorkar hmunpui awmna Kremlin ah #Crimea chu Russia sorkar hnuai a awm leh turin thuthlung an ziak fel ta. He thil thleng hi Indopui II na zawh hnu a Russia in an ramri an zauh leh na hmasaber a ni. Crimea ah hian pawisa pawh Russia pawisa hman a ni tawh dawn a, time zone pawh tun thla tawp atangin Russian time zone an hmang tawh dawn a ni.

Russia in Crimea ram an neih dawn tak avang leh an tualchhung buaina a an sipaite an tirh avangin khawvel a sorkar lian 8 intelkhawm Group of Eight (G8) te France, Germany, Italy, Japan, United Kingdong, United State, Canada te chuan an member Russia chu an suspend ve nghal a ni. Khawvel ram dang te nen a insumdawn tawnna leh hmun dang a bank leh financial transaction ah te Russia hi an hrek hrih dawn a ni.
 
*Mizo tawng hawrawp(alphabet) A AW B zir nan he video hi a tha khawp mai, i hnamdang thiante emaw i fate tan he mi link hi lo en rawh le
http://www.youtube.com/watch?v=g6YVrjc9Ivw
 
*Mizoram a eptu party te MNF, ZNP, MPC, MDF, BJP, HPC etc. te vawiin ah inhmukhawm in MP inthlan lo awm turah ah tanho an rem ti, naktuk ah an cadidate tur puan theih an in beisei.
 
*India sipai za hotu hlui General V.K Singh chu BJP ticketin Ghaziabad Lok Sabha constituency ah a ding dawn.
 
*LUNGLEI D.C. THAR
#Lunglei District D.C. thar Pu Ashish Madhaorao More, IAS chuan March ni 15, 2014(Inrinni) khan Lunglei lo thlengin vawiin khan a hna a zawm a ni.

Pu Ashish Madhaorao More hi Nagpur, Maharashtra-a mi niin IAS 2005 Batch, AGMUT Cadre a ni a. Andaman & Nicobar Islands bakah Delhi-ah post tawh niin tunah hian #Mizoram sorkarah lo lutin Lunglei District Bawrhsap atan ruat a ni ta a ni. - DIPR
 
*AIZAWL DC LEH SERCHHIP DC TE INTHLAK DAWN
Election Commission of India thupek angin Aizawl District Deputy Commissioner Dr Franklin Laltinkhuma, IAS leh Serchhip District Deputy Commissioner Pi Juhi Mukherjee, IAS te chu an awmna inthlak turin Mizoram Sorkar-in vawiin khan notification a tichhuak a, inthlan zawh fel hunah an awmna ngaia let leh tura tih an ni. - DIPR
 
*ZOHNUAI VENGIN "IDOL" ROPUI TAKIN AN HMUAK
Nimin khan Lunglei Zohnuai Tlangval Indian Revenue Service (IRS) tling thar Eric Lallawmpuia Chawngthu chu an veng Lunglei Zohnuai khawtlang mipui ten Pukpui daiah lirthei tamtak nen lo hmuakin Zohnuai mualah chawimawina inkhawm an hman pui a ni.

Tv. Eric Lalawmpuia Chawngthu hi C.Lalbiakdika (L) leh K.Lalmuankimi te fapa upa ber niin MSLC 1st Division -ah passed in HSLC Disticntion -ah Mizoram-ah 6-na a ni a, HSSLC St Edmund's Colege-ah Shillong-ah High First-a zovin B.Sc. (Chemistry) NEHU-ah Gold Medalist a ni a, M.Sc chu NEHU-ah Gold Medalist bawk a ni leh a ni. Kum 2013-ah UPSC examna hnuaia Indian Revenue Service-ah tling in tunah hian Custom & Central Excise hnuaiah Faridabad Haryana-ah training an nei mek a ni.

Eric Lallawmpuia Chawngthu chawimawina inkhawmah hian Zohnuai VCP leh YMA President te bakah Pu Assish More (Maw-re )IAS Lunglei bawrhsap tharin thu an sawi a, Lunglei Bawrhsap thar Pu Asish Mawre chuan Lungleia a hun hmasaber a Central Service tling thar chawimawinaa a tel ve chu lawmawm tih thu a sawi a, Tlangval Eric-a chu rampum huap ang pawha mi thluak tha thlanchhuah zinga a tel ve chu lawmawm a tih thu a sawi a, Mizoram chu a rin aia mawi leh nuam a tih thu a sawi tel bawk a ni.

Eric Lallawmpuia Chawngthu chuan a thusawi hmahruai atan Bible chhiarin Sam 121-na chhiar chhuakin a hlawhtlinna chu Pathian a ni tih a sawi a. Vawinah hian Lal Isua ropui ber se ka duh a, a chhuang apiangin Lalpa chu chhuang rawh se tiin bul a tana, a zirna kawnga Kohhran ho nasa taka an tawngtai vanga lawmthu sawiin a pa C Lalbiakdika'n kum 1989 a aboral hnua a nu K.Lalmuankimi'n a fahrah ni chunga a chawmlen dante leh a lehkha zir chhoh dan te a sawi a. Bialtu MLA Pu PC Lalthanliana LAD Minister chuan lawmpuithu thawnin a bial chhunga India rampum huap ang pawha mi chhuanawm chawimawi tlak an nei chu lawmawm a tin duhsakna a hlan bakah amha lo hmuah na thingpui sensovah Rs 10000, (Sing khat ) a rawn hlan thu chhiar chhuah a ni bawk.
Source: Lal Tea Smf via Lunglei Chanchinthar
 
*Russian President Vladimir Putin chuan sorkar hrang hrang te dodalna karah Crimea ram chu Russia hnuai a mipuite rorelna(republic) ram pakhat ang a awm turin a pawm ta. Vawiin ah Parliament ah hemi chungchang hi a sawi dawn a ni. US leh European Union chuan Russia sorkar thil tih dan duh lo in pawn lam atangin economic ah a hrek mek a ni. Crimea parliamentary speaker chuan an ram chhung a an mahni awmptu hmasa Ukraine sipaite chu an ram chhuahsan thuai turin an duh tih a sawi.
 
*AIR LIVE PHONE IN PROGRAMME
Tun Inrinni lo awm tur March ni 22, chawhnu dar 1:05-dar 2:00 inkar Telephone a zawhna leh chhanna All India Radio Aizawl station a Live Phone In programme ah chuan “68th Santosh Trophy Champion Mizoram zinkawng” chungchang a hriat duh neite tan a zawh theih dawn a. Mipui zawhna chu : 1) H. Vanlalthlanga (Head Coach), College Veng ; 2) H.C. Zarzoliana (Asst. Coach) Ramhlun South ; 3) Lalbiakzuala (Manager) Kulikawn leh 4) Zico Zoremsanga (Team Captain) Khuangleng, 68th Santosh Trophy Champion, Mizoram ten an rawn chhang ang. A zawh duh tan Telephone No. 0389/2322515 ah eawm 2323148 ah emaw a biak pawh theih ang. - DIPR

Tuesday 18 March 2014

17th March 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM
 17.3.2014
*U2 BAND AN KEHDARH DAWN EM NI?
Irish rock band U2 chu kum 38 an zaiho tawh hnuin an kehdarh dawn hnai ni a sawi a ni. Tun hnai a an hla thar 'Ordinary Love' i beisei ang a mipui ten an hlut lem loh avangin an band hian kal zel an phur ta vak o niin an sawi. An zaitupa ber Bono hian malzai (solo) a kal a mahni pual a album neih chu a chakber a ni thin bawk a ni. Hetiang boruak a nih chuan tour neih an tum mek chu an band tan a tawpna a nih theih mai ring an tam hle a ni.
 
*Central Young Mizo Association (YMA) CEC meeting vawiin a neih chuan Tuikuk (Bru) raltlan te an mahhni duhthu ngei a Mizoram chhuahsan ten an awmna hmun a MP inthlan ah vote thlak tir tum anni chu an duh loh thu Election Commission ah thlen nawn leh nise an ti.
 
*Vawiin thleng khan Mizoram a opposition party lian MNF, ZNP, MPC etc ten Lok Sabha MP leh Hrangturzo bial by-election atan candidate tur an la puang thei lo. INC in CL Ruala leh AAP in M.Lalmuanzuala te candidate an nei tawh thung a ni.
 
*M.LALMANZUALA'N MP SEAT CHUH VE DAWN
Mizoram MP inthlan lo awm turah Chief Secetary hlui M.Lalmanzuala IAS (retd.) chuan Aam Aadmi Party (AAP) hming in a chuh dawn. Vawiin khan Aizawl PressClub-ah Pu Manzuala hian a din tur hi a puang , Mizorama AAP hruaituten an tawiawm a ni.Central AAP hruaituten an rawn pawmpui tawh a ni.
Source: TawmaManuna Fanai via Zoram Thlirtu
 
*Robert Romawia Royte, North East Consultancy Services (NECS) neitupa Aizawl Chhinga veng a mi chuan ZNP, MNF, MPC, MDF, BJP, NCP, HPC(Registered) te leh an thawhpui ten lungrual taka an puih theih dawn chuan ram leh hnam tan Independent Candidate- a MP chuh ve tur a tua an sawmna chu a pawm tur thu nimin khan thuchhuah siamin a tarlang. A thuchhuah (rejoinder) chu a hnuaiah hian tarlan tel a ni e.
Robert Romawia Royte rejoinder about MP(Lok Sabha) seat in Mizoram
*Mizorama kuhva rah leh panhnah zuartu pawlte chhinchhiah danin, kum khatah Mizoramin kuhva rah leh panhnah manah Rs. nuai 6,393.60 chuang a sêng thin. - Vanglaini
 
*LEITLANG DINGDI (LUNGLEI NULA HMELTHA) ATAN VANLALNGHETI
LZ WEAR HOUSE - LEITLANG DINGDI 2014 thlanna neih zawh tak ah Lunglei khawpui a Mizo nula hmeltha thlan chhuah zingah Vanlalngheti, Lunglawn thlan niin lawmman Rs. 10,000/- hlan a nih bakah Citation leh 12x18 portrait photo hlan tel a ni.
He hun ah hian Khuallian atan Pu K. Lalrinpuia, President, MJA Lunglei hman a ni.
Pix: Henry de Ccorn
Mizo nula hmeltha - Leitlang Dingdi - Vanlalngheti
pix: Henry de Ccorn

NEWS LAWRKHAWM
*Nimin khan Crimea ram mipui ten vote an thlakna ah 93% in Russia zawm an duh a 7% in Ukraine hnuai a awm zel an la duh thung. He hian international politics a ti buai pha hle ang.

*Vawiin hi vai ho in rawng an theh thin 'holi' ni a ni.

*BJP PM candidate Narendra Modi chu Varanasi(UP) bial ah a ding dawn.

*EPL RESULT: Liverpool 3-0 Manchester United, Arsenal 1-0 Tottenham.

*LA LIGA RESULT: Barcelona 7-0 Osasuna, Real Betis 0-0 Elche.

Monday 17 March 2014

16th March 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM
16.3.2014
*Michael Lalrinsanga Sailo(33), Mizoram Judicial Service (MJS), Chief Judicial Magistrate hlui leh tuna Senior Civil Judge Aizawl chu Pathianni zan a fapa nen an infiam laiin a ma pistol kawllaiin a lu ah a inkap palh a hliam tuar lo in New Life hospital Aizawl-ah dar 10:15 vel khan a boral, a nupui leh a fa te 2 a boral san a ni. Amah hi Aizawl Ramhlun North ah chhungkua a cheng anni a, Pu J Malsawma tupa a ni.
 
*Chaltlang Lily veng leh Zemabawk ah bekang eisual vangin mi 17 damdawiin pan pui anni.
 
*RIVALDO AN FOOTBALL CHAWLHSAN TA
Brazil football khelthiam Barcelona club a lo khel tawh thin leh Fifa's Playesr of the Year 1999 pawh lo ni tawh Rivaldo chuan nimin atang khan kum 24 chuang teh meuh a lo khelh tawh football chu a chawlhsan ta.

Mid fielder tha ti a hriat lar Rivaldo Vítor Borba Ferreira hi 19 April 1972 khan Brazil a khawpui lian vak lo Paulista ah a lo piang a, a mah in a sawi dan in "Ka career ah hian thilmak thlen tir ngei tum ka beih tlat thin a, kan khua Paulista chu sum leh pai pawh nei lo in chhungte pawisa neihsa ringin ka chhuahsan ve mawp a, eizawnna dang ka nei lo a doctor leh trainer te lawmzawng pawh ni lo khan tumruhna leh theih tawp a inpekna ka neih tlat avang in leh Pathian kaihhruaina vang liau liau in a hnuah chuan khawvel a player thaber chawimawina min chan tir ve a, world champion team ah te hial ka khel pha ve ta a ni." tiin a sawi.

Rivaldo hian an ram Brazial aiawh in tum tam tak a lo khel tawh thin a:
2002: World Cup
1998: World Cup
1997: COpa America
1996: Atlanta Olympic

Tin club lamah Barcelona hmingin Spanish league tilte tum 2 an lo la tawh a, 2003 khan AC Milan hmingin Champions League trophy an lo la tawh bawk a ni. Greece club a engemaw chen a khelh leh hnu in kum 4 kal ta atang khan an ram Brazil lamah inkhel chhunzawm turin a haw a nih kha. Tun ah hian Brazil a football club 1 Mogi Mirim Esporte ah President a ni mek a ni. Football a chawlhsan dawn tih a puan lai hian a thlalak chu mittui nen a tlangzarh a, a fapa nen a thla hmasa an club Mogi Mirim a football an khel dun lai thlalak pawh a tlangzarh tel a ni. Pafa a club khat a kan awm dun thei hi hman atanga ka lo suangtuah tawh thin chu a takin a thleng ta ni a ti hial.

 
*VAWIIN AH CRIMEA MIPUI TEN DUH AN THLANG DAWN
Thla hmasa atang tawh a tualchhung buaina hrang hrang an tawh avang a khawvel sorkar lian ten ngun tak a an thlir mek #Crimea ram mipui te chuan vawiin hian an ram sorkar kal zel dan tur duhthlang turin referendum (vote) an nei dawn. Mipui te ngaihdan lakkhawm na ah hian zawhna pahnih siam niin Ukraine sorkar hnuai a awm chhunzawm zel nge an duh a Russia sorkar zawm an duh zawk? tih chu mipui ten an thlang dawn a ni.

1991 a #USSR a lo keh chhiat khan #Crimea hi #Ukraine sokar hnuaiah autonomous body neiin an awm a, mahni a rorelna nei hrang ni mahse Ukraine hian thu neihna thuk tak an ramah hian a nei tho a ni. Tum tam tak Crimea ram chhungah hian Ukraine awpna hnuai a awm duh loh vangin buaina alo chhuak fo tawh thin a ni. 2014 February a Ukraine sorkain an ram chhung a tawng(state language) atan Ukrainian chauh hman tawh tur tih dan thar an siam atangin buaina a lo chhuak thar leh a, he dan hi #Crimea hian duh loh in Ukrainian tawng chauh hman a nih tawh dawn ai chuan #Russia sorkar zawm mai tha zawk a ngai mipui tam takin buaina an chawk chhuak ta a, tichuan Crimea hian Russia chu tanpui ah sawmin Russia sipai tam tak Crimea ram chhung ah hian an inkulh chho ta a ni. Crimea ram chhung buaina a Russia a inrawlh hi Ukraine leh US leh European Union te mit a ti mim in tunlai a khawvel ti ti ber a lo ni chho ta zel a ni.
 
*LO HAL NA AH KANG HLUM
Nimin khan Thenzawl a Khangte ram an tih ah Lalhmuaka(43) Thenzawl Venghlun chu a kanghlum. Lalhmuaka hian a nupui leh fate 3 a kalsan a, amah hi IR Police niin Mamit a post a ni a pension a dil mek ni a sawi a ni. Nimin khan an lo vah hal turin midang 2 nen an thawk chhuak a, a ni hi a hnuai lam a rawn dep turin a chhuk a, lo hal zawh pawh a a rawn lan tak mai loh avangin an zawng ta a, an lo vah vau a kawrte kam ah a ruang hi hmuh a ni a, a thawmhnaw pawh a lo kang chhe hle niin an sawi.
Source: Vanlal sena Sailo via Khawvel Chanchinthar

15th March 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM
15.3.2014
*RANG DEUH A CHHIAR CHHUAH TUR: "Tlang a thing ding ro khi thli tha chhem thluk nge, thli chhe chhem thluk?" :) :-P :D
 
*NEPAL PM IN MOBILE PHONE BAK "KA TA" TIH TUR NEIH DANG A NEILO
#Nepal ram Prime Minister ni mek #Sushil_Koirala chuan a mobile phone hmanlai 2 bak bungraw dang leh ro thil dang neih a neilo. Nepal PM official ten an PM property form an fill up sak na ah harsatna an tawh chu an PM in a ma pual a neihsum dang sawi lan tur a nei eih lo chu a ni. PM hi kum 75 mi niin nupui fanau a nei lo a, a ma pualin in leh ram a nei lo a, lirthei a nei lo a, bank account pawh a nei lo. Rangkachak leh silver pawh a nei chuang lo a, company ah ama pualin engmah investment tih a nei loh bakah a ma pualin ro ti a sawi tur engmah a nei lo. PM quarter a chen hma khan Kathmandu khawdai fem ah Nepali Congress ten miin an luah ah a khawsa thin a ni. Mawlmang tak a a khawsak thin avang hian amah hrechiangtu ten an ngaihsan phah fo thin a ni.
(Hausak tum lo politician hi #Zoram hi engtik ah tak nei ve ang i maw!!)

 
*THINGSEN KHUA A TUALTHAHNA...Pu CL Hranga hnen atangin...
Nimin ni 14.3.14 zan dar sawm velah khan Tv Onesima kum 25 s/o HC.Biacho Thingsen Saiha veng chuan Pu T.Ngunliana k-36, Pi Abisani pasal chu Silaiin a kaphlum.

Onesima hian an venga JNV school pipe phuma hnathawk Cheural khaw ho chu zu rui chungin a ti buai a. Hemi tlaiah hian Pu Ngunliana chuan pipe phum ho chu chawei a sawm hlawm a. Chawei hun tawh hnuah pawh an rawn kal tak loh avangin an awmnaah sawm turin a va kal ta a ni. Onesima avanga an buai lai takin Pu Ngunliana chu a va thlega, a thlelhna lamah amah zawk chu lo Onesima chuan lo chovin an intibuai deuha. Chempui te pawh an lek a ni. Onesima chu an inah hawngin ah ina silai mu chu la chhuakin an thenawma Pu HC. Beily silai chu Sazaw kah nan tia hawhin, Pu Ngunliana te in lam a pan ta a ni. Onesima hian Pu Ngunliana te in bul a thlen hian pawn atangin a kap ta ani. Heitih hun lai hi thimhlim a ni a, chempui te leka an intihbuai chungchangah Pu Ngunliana nulehpa te pawhin ngaihdam an lo dil sak a. Anu leh pa bula thu mek Pu T.Ngunliana chu Kawgkapui inhawng atang chuan mupui leh Lg mu-3 thun kawp chuan a luah a kap ta a ni. A kaptu hi Saiha Police Stationah kawl mek a ni.
Source: Vanneihthanga Vanchhawng via SPECIAL REPORT group

 
*SCOUT & GUIDE RAJYA PURASKAR TESTING CAMP
Directorate of Sports & Youth Services, Scouts & Guides Wing chuan nimin khan State in Chawimawina Award a pek theih sang ber Rajya Puraskar (Governor Award) dawng thei turin State Training Centre, Tanhril-ah Scout leh Guide-te tan March ni11 – 15, 2014 chhungin in Test a buatsaih a, District hrang hrang atangin Scout 39 & Guides 71 he Testing Camp ah hian an lo kal a ni.

Nimin tlai khan kharna hun hman niin, Pu Lalzirmawia Chhangte MCS, State Chief Commissioner, Mizoram Bharat Scouts & Guides leh Director, Sports & Youth Services ni bawk chu Khuallian a ni. He test a tlingte hi Governor-in award a la hlan dawn a ni.

He Testing Camp–ah hian Leader of the Camp chu Pi Saizampuii, Youth Welfare Officer, Sports & Youth Services niin, Scouts Section hi Pu Lalngilneia Colney, State Organising Commissioner (Scout) leh Pu Lalthlanthanga, Asst. State Organising Commissioner (Scouts) ten an kaihhruai a. Guide Section hi Pi Lalnunsiami Pachuau, Asst. State Organising Commissioner(Guide) leh Pi K. Lalhruaipari, Asst. State Organising Commissioner (Guide) ten an kaihhruai bawk a ni. - DIPR

  
*Malaysia thlawhtheihna bo chungchang ah thuthar ber ah chuan an ram sorkar hotu pakhat thlawhna bo chhuina a tel zing a mi chuan kha thlawhtheihna #MH370 kha hruaibo (hijack) a nih ngei an rin thu a sawi. A sawi zelna ah thlawhna chinchang hre tak tan lo chuan radar man theih loh tur a khawl ti thi a hun engemaw chen thlawh pui si kha thil theih loh a ni a ti. Chu chu ngaihdan thar ber ni mahse thlawhtheihna awm na chin hria reng an la awm ta chuang lo.
 
*NDTV OPINION POLL AH NDA IN SORKARNA SIAM RING
Hans Research in NDTV mipui ngaihdan an lakkhawm(opinion poll) na atanga chhut in Lok Sabha inthlanpui lo awm turah hian BJP kaihhruai NDA a tel te chuan seat 229 an lak rin a ni a, sorkar lai Congress kaihhruai UPA te chuan seat 129 chauh an lak phak rin a ni. NDA in seat an lak tur a rin 229 ah hian BJP in a mimal in seat 195 an chan phak rin a ni bawk. He opinion poll hi a dik a ngem tih chu inthlan result puan hunah a la hriat ang chu.

 
*Mizoram Presbyterian Kohhran chuan vawiin hian Chanchintha thlen ni lawmna hun chhun leh zan programme an siam, 15 March 1891 ah Rev.William Williams chu Mizoram chutih hunlai a Lushai Hills ah rawngbawl turin a lo chhuak a ni. Vawiin hian Serlui Presbytery te chuan Kawnpui ram Tlawng lui kiang Kutbul kai ah Rev.William Williams an chanchintha a hril na hmasaber hmun hriatrengna lungphun hawnna an nei dawn a ni. He hun hi Synod Executive secretary Rev. Lalzuithanga'n a hmanpui ang.

Friday 14 March 2014

14th March 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM
14.3.2014
*KC FACE PACK NEITUNU IN LAWMMAN DAWNG
Guwahati-a hmunpui nei Sreemanta Sankar Mission-in ‘Vashundara – North East Woman Enterpreneur of the Year’ Award dawng tura hmarchhak state-a mahni eizawnna kawnga hmeichhe chungchuang an thlan zingah K.C. Face Pack siamchhuaktu leh nei tu Lalmuankimi d/o Upa K.Lalchhinga chu a tel ve. He award hi Guwahati-a Pragjyoti – ITA Centre for performing Arts, Machkhowa hmunah ssam Governor nupui Pi Jayanti Patna chuan a hlan a ni.

KC Face pack owner Lamuankimi receiving Vashundara Award
 
*SAUDI ARABIA SORKAR IN HMING PHUAH PHALLOH CHIN AN NEI
#Saudi_Arabia interior ministry chuan an ram chhung a Lal chhungkaw fate tih loh naute piang thar tute pawh an hming phuah sak annih dawn in an lalram leh an sakhua (Islam) kalh zawng a phuah phalloh na dan an siam thar a, ramdang mite hming thenkhat pawh phuah phalloh zing ah hian an telh a ni. A hnuai a hming 50 te hi mipui ten an fate hming atan an phuah thei tawh dawn lo a ni:Malaak (angel), Abdul Aati, Abdul Naser, Abdul Musleh, Binyamin (Arabic for Benjamin), Naris, Yara, Sitav, Loland, Tilaj, Barrah, Abdul Nabi, Abdul Rasool, Sumuw (highness), Al Mamlaka (the kingdom), Malika (queen), Mamlaka (kingdom), Tabarak (blessed), Nardeen, Sandy, Rama (Hindu god), Maline, Elaine, Inar, Maliktina, Maya, Linda, Randa, Basmala (utterance of the name of God), Jibreel (angel Gabriel), Abdul Mu'een, Abrar, Iman, Bayan, Baseel, Wireelam, Nabi (prophet), Nabiyya (female prophet), Amir (prince), Taline, Aram, Nareej, Rital, Alice, Lareen, Kibrial, Lauren.
---------------------
(Tun hma a #Mizo pi leh pu ten Lal hming sak dal lo an lo tih thin te pawh a ang dawn rum rum a lawm le. Lamtluang like tu te zingah hian Benjamin-a te, Linda-i te Alice-i, Sandy-i te in awm em? Saudi ah chuan awm ula in hming ang hi in fate hmingah phuah phalloh ani bur tawh dawn a nih chu!)

 
*Jasmine Lalremmawii d/o Prof. C. Lalkima, Zarkawt, Asst.Professor, Dept. of Pub.Administration chuan Dept. of PA, MZU atangin Doctor of Philosophy(PhD) a hmu ta. A Thesis hi 'Role of Women in the Socio-Economic Development in Mizoram' tih a ni.
*LPG HRALH RUK LEH KHAWIHCHINGPEN CHUNGCHANGAH HRIATTIRNA
Legal Metrology Department chuan thuchhuah siamin, tunlaiin Legal Metrology Staff-ten LPG Black leh buktlinglo zuarte an vai mek a, hetiang ang hmu leh hriate chuan Legal Metrology Department Officer-te phone number, a hnuaia tralanah te hian report turin mipuite a hriattir a ni:
9436352298 ; 9463153188 ; 9436151718; 9436362030; 9436196512; 9436155164; 9436365377 ; 9862359243 ; 9436157328 ; 9856335411. -DIPR
 
*HRANGTURZO BIAL INC CANDIDATE TUR VANLALAWMPUII
Congress Thalai (MPYCC) President ni mek C Vanlalawmpuii D/o. C.Chawngkunga, Dawrpui Vengthar, Aizawl chu Hrangturzo bial a MLA By-Election lo awm tur a candidate atan Congress party chuan an puang fel ta.
C Vanlalawmpuii, INC Candidate, Mizoram
Courtesy: Zoa Tlau via CHANCHINTHAR (Zofate chanchinthar inhriat tawnna)
 
*BRU & CHAKMA TE CHANCHINTHAR
*Election Commission of India chuan Tripura a Mizoram Bru raltlan a awmmek te chu April 9 2014 ah Lok Sabha inthlan a vote thlaktir turin ruahmanna a siam.

*Tunhnai a Nunsury a Chakma hruaitute thukhawm chuan Chakma sikul ah Bengali medium hman chhunzawm zel an duh thu an tarlang a, Mizo tawng subject pawh sorkarin zirtirtu a pe thei a nih chuan tha an tih thu an sawi bawk.

#Lamtluang page a news kan dah te hi share chhawn kan phal e, i lo share ve thin dawnnia.
 
*KUM 5 LIAMTA A CATHOLIC NUN PAWNGSUALTU HREMNA PE TA
Cuttack district court chuan vawiin khan 2008 kum a Kandhamal, Odhisa Kristian ten nasa tak a tihduhdan an tawrh lai a Roman Catholic hmeichhe puithiam (Nun) pawngsual rawn tu a puh mi 3 te chu thiamloh a chantir a, midang 6 te erawh thiam a chantir thung.
 
*KOHHRAN HRUAITU TEN ZU KHAPNA HLIH DUHLO
Nimin a Aizawl a Mizoram Kohhran Hruaitute Committee (MKHC) thukhawm chuan thuchhuah siam in zu khapna dan Mizoram Liquor Total Prohibition Act(MLTP) 1995 chu hlip lo turin sorkar an ngen a ni.
 
*March 12, Nilaini tlai dar 6 vel khan Thangreia (39), Farkawn chu Lamsial rama an rahvahnaah a ṭhianpa Zoramenga'n haiin a kâp palh a, a thi nghal nia thu dawn a ni. - Vanglaini (Mizo daily news)