Sunday 23 November 2014

22nd & 23rd November 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM
 23.11.2014
*KERALA MI PAHNIH POPE IN MITHIANGHLIM AH PUANG
Vawiin khan Pope Francis chuan Kerala mi pahnih Father Kuriakose Elias Chavara ((1805-1871) leh Sister Euphrasia Eluventhinkal (1877-1952) te chu mithianghlim (saint) ah a puang. Pope Francis chuan St.Peter's Square, Vatican ah special mass a neih laiin India mi Roman Catholic rawngbawltu pahnih te hi mithianghlim atan a puang ta a ni.

 
*LAMTLUANG PATHIANNI ZING CHANCHINTHAR LAWRKHAWM
*November 18, 2014 zing dar 9:30 khan Synod Press-ah Computer to Plate (CTP) thar an neih chu Rev. Lalzuithanga, Senior Executive Secretary-in Pathian hnenah a hlan. Khawl thar hlanna inkhawm hi Upa R. Lalmalsawma, PRESCOM General Manager-in a kaihruai a, Pu Lalhruaitluanga Ralte, Synod Press Manager-in CTP chanchin a sawifiah.

Tunhma chuan colour-a thlalak leh lehkhabu kawmte Synod Press-a an chhut dawnin Imagesetter, color separation khawl hmangin color film an siam phawt a, color film atang chuan rangva phek, aluminium phekah an nemkai leh thin a. Chu rangva phek chu Offset khawlah an vuah a, lehkhabute chu an chhu ta thin a ni.

Kum 2001 atanga 2010 thleng kha chuan Synod Press-ah hian Imagesetter khawl German siam tha tak chu an hmang thin a, tunah chuan a technology a lo hlui tak avangin an hluihlawn a, ATC Archives-a thilhlui dahkhawmnaah an suan chho tawh a ni.

Kum 2014 hian Synod Press tihchangtlun nan tunlai technology lar, Violet system CTP chu Synod-in Cheng Nuai sawmnga pathumin a lei leh ta a ni. CTP hian direct-in computer atangin aluminium plate-ah a chhu kai nghal mai thei a ni. CTP hi khawl pahnih a ni a, CTP leh Precessor a ni a. CTP khawl thar hi Electronic Character Recognition Machinery (ECRM) Nautilus model a ni a, Massachussets, USA siam a ni. Processor erawh chu Glunz & Jensen Company, Ringsted, Denmark siam a ni thung.

*November 14, 2014 zan khan Synod Information & Publicity (Synfo) buatsaih Kohler Power Systems Hruaina Eng Quiz Top 20 Round chu zawh a ni a, Top 10 lut tur puan nghal a ni.Top 10 lut tur hian mark hmu sang sang thlan an ni a, Branch 8 an lut chiang sa a, hmun awl pahnih la awmah mark hmuh zat inang te - Bawngkawn Branch, Bawngkawn Hmar Veng Branch, Chanmari West Hmar Veng Branch leh Zonuam Branch te an inel tha leh bawk.

*BCM Assembly Committee lian Central Committee Meeting ni hnih awh November 17 leh 18 2014-a neih chu tunkar Nilaini khan tluang takin an zo ta.Tun tum Committee-ah hian Agenda lian tham leh thu thar langsar lutuk a awm lo va, Central Committee hnuaia Department hrang hrang ten Kum 2015-16 Annual Plan leh Budget ruahman te thlirin kum kal lai mek Achievement leh Report te an thlirho a ni.

**BCM Relief & Development Department chuan an hnuaia puanthui zirte thlahna hun November 17, 2014 khan an nei a. General Secretary, AGS i/c Service leh FOD Director te bakah R&D Committee member ten he hun hi hmanpuiin kumina zir chhuak mi 10 hnenah Puanthui khawl leh Certificate an hlan a ni.

*Aizawl khawpui huam chhunga Baptist Kohhran Mipa Pawl (BMP)te chuan a vawi 18-na atan November 28-30, 2014 chhung khian Aizawl City BMP Meet, Kanaan Veng Biak inah an nei leh dawn. Thupui atan ‘Dinthar lehna’ tih thlangin speaker atan Rev.F. Sangvela an hmang ang.

*Mizoram Home Minister R.Lalzirliana chuan HPC (D) te chuan Mizoram sorkar leh mipui te ralthuam hmang a an tihbuai thin avangin dan ang taka helpawl anga ngaih annih theih nan Home ministry ah thlen anni tawh niin a sawi.

*Home Minister Pu R. Lalzirliana chuan nimin khan Zofate insuihkhawmna kut hman mek Zofa Global Unity Festival 2014 kharna Rih Dil a neih chu a hmanpui. He hun hmang tur hian Parliamentary Secretary Pu KS Thanga leh MLA Pu Vanlalzawma bakah Addl. DGP Pu. Lalthianghlima leh IGP Pu. Zorammawia ten Home Minister hi an tawiawm a ni.

*Nimin chawhma dar 10:30 khan Feed Mill, Selesih Farm ah Pu C. Ngunlianchunga, AH & Vety Minister in chaff cutter (bawngchaw channa khawl) mi 20 hnenah a pe chhuak.Heng chaff cutter dawngtute hi NLUP hnuaia bawng lian dawngtute an niin a dang zawng chu Vety Farm a hman turin pek chhuah a ni.

*Nimin 22 November 2014 khan Kolasib D.C. Conference Hall ah NABARD tangkai zawka hmang theih tur a workshop neih a ni. He hun ah hian Kolasib D.C. Jitender Yadav IAS chu khuallian a ni a, khuallian chuan thu sawi in, NABARD chu mipui leh co-operative society hrang hrang tana tangkai tak, agriculture thiamna sang zawk hmanga thlai chin dan te leh pawisa an mamawh dan ang a bank nen a thawh ho puitu a ni a ti.

*Press Information Bureau leh I&B Ministry hnuaia Media Units hrang hrang - DDK, AIR, DAVP, DFP, Song & Drama Division leh Mizoram Sawrkar leh Mizoram Journalists Association te nena tang tlanga an buatsaih Public Information Campaign/Jan Soochna Abhiyan on Programmes/Initiatives of Government of India chu Lunglei District-ah November 26 - 28, 2014 chhung hian neih a ni dawn a.

*India sipai te hman turin laipui 814 lei turin sorkar in thutlukna a siam ta, hemi atana pawisa senso tur Rs. Vaibelchhe 15,750 pawh pawm a ni tawh a ni. India sipai te hian kum 1986 a Bofor laipui leina tur a buaina nasa tak a chhuah atang khan laipui an la lei belh ta lo a ni.

*Nizan a Indian Super League inkhel ah Fc Goa chuan FC Pune city 2-1 in an hneh.

*Lok Sabha Speaker Sumitra Mahajan chuan naktuk atanga Parliament thlasik thutkhawm tan tur ah tluang tak a session hman a nih theih nan all party meeting nimin khan a ko.

*Minister for Water Resources, River Development and Ganga Rejuvenation chuan nakum 2015 chu India ram pumah "Tui humhalh kum (Water Conservation year)" ah puan a ni ang a ti.
 
*#EPL_RESULT
Manchester United 2-1 Arsenal
 
*JAPAN AH LIRNGHING
Nimin Inrinni tlai ah khan Japan ah 6.8 magnitude a chakin lir a nghing. Lirnghinna hmun hi an ram khawpui Tokyo atanga 180 km huam chhung ah a ni. Rel chak chi te chu an tlan lai tih tawp lailawk a ni a, lirnghing vang hian Nagano leh Hakuba khua ah te In thenkhat a chhia a, hliam tuar zat hriat theih a la a ni lo. Lirnghinna hnaih ah leimin a awm nual bawk.

22.11.2014
*KHAWVELA HMEICHHIA HMUN THUM A THEN A HMUN KHAT TE DAN LO ANGA ENKAWL ANNI
World Health Organization (WHO) report a alandan in khawvel a hmeichhia hmun thum a then a hmun hnih te hi an taksa dan lo ang a hman tir anni. Khawvel pumah hmeichhia maktaduai 100-140 inkar te hi tihduhdahna hnuai ah an awm a, maktaduai 70 te chu kum 18 an tlin hma a pasal neih luih tir anni. Khawvel pumah hmeichhia 7%te hian pawngsual an tawk bawk a ni.
 
*US PRESIDENT INDIA REPUBLIC DAY AH KHUALLIAN NI DAWN
India Prime Minister Narendra Modi sawmna chhangin US President Barack Obama chu nakkum January ni 26 a India Republic day lawmna puiber Delhi a neih turah khuallian a ni dawn. US President te zinga vawi 2 India ram tlawh awm chhun a ni dawn a ni.

21st November 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM

*MIZO TLANGVAL IN IIT BOMBAY ATANGIN Ph.D ZO
Tv Zodinmawia S/o Zothankhuma (L) (C/o Chaldaia) Bawngkawn, Aizawl chuan Indian Institute of Technology (IIT) Bombay atangin Physics-ah Ph.D a zo. A zirbingna hi Topological Quantum Field Theory lam a ni a. A thesis chu ‘Knot polynomials from SU (N) Cherns – Simons theory, superpolynomials and super – A – polynomials’ tih a ni. Tv Mawimawia hian journal tha tak takah paper publication 6 lai a nei hman a. Tin, ani hi Mizo zinga Theoretical High Energy Physics lama Ph.D nei hmasa ber a ni bawk. Tunah hian Indian Institute of Mathematical Science, Chennai lamah Post-doctoral a ti leh mek a ni. Mizo te’n degree thiamna sang tak kan nei belh leh hi a lawmawm em em a ni.
Mizo Scholar Zodinmawia awarded Ph.D (Physics) in IIT Bombay

*LIRNGHING THAWH DAN TEHNA
2.5 emaw a aia hniam - A nghing tih a hriat mang loh, khawl hmang a hriat chi a ni
2.5 to 5.4 - A nghing tih a hriat a, mahse thil tlem te a tichhe thin.
5.5 to 6.0 - In (building) leh thil dang nasa vak lo in a tichhe thei
6.1 to 6.9 - Mihring tamna hmunah chuan thil tam tak a ti chhe thei.
7.0 to 7.9 - Lirnghing lian tham tak a ni a, thil a chhe nasa thei hle.
8.0 emaw aia sang - Lirnghing rapthlak tak a ni. A nghinna hmun laili (epicenter) ah mipui ten nasa takin an tuar thei a ni.
 
*SAIKUTI HALL ATANGIN EVM SAWNCHHUAH A NI TA
Kumin MP Election atana hman EVM Saikuti Hall Strong Room-a dah chu vawiin chawhma dar 10:30 khan Saikuti Hall veka pindan dangah sawn a ni a. Hei hi mipui vantlang ten Hall an hman dawnin harsatna leh remchan lohna engemaw chen a awm thin avanga tih a ni.

EVM sawnchhuah hna hi Election Officer, Lunglei District Pu Mark Lalthanliana vilna hnuaiah Election Office staff ten an thawk a, SDPO Lunglei Pu B.Laldingngheta hovin police security an awm bawk a ni. EVM sawnchhuah lai hian political party hrang hrang aiawhte a hmunah an kim vek bawk an ni.

ECI-in a duhdan angin EVM sawnchhuah lai hi video-a lak a ni a, he cassette/disc hi Election Officer, Lunglei-in a kawl nghal a ni. (DIPR)
 
*INDIA PAWISA LEM MAN HNEM
Kumin January thla atanga September thla thleng khan India rampawn Nepal, Bangladesh, Sri Lanka, Thailand leh UAE atang te in India pawisalem Rs.Vaibelchhe 12.85 man a ni tawh a ni. Heng pawisalem an man tam zawk hi Pakistan mi leh sa te ta a ni.
 
*MIPA TEN HMEICHHE HIGH HEELS BUN AN NGAISANG
France ram a Universite de Bretagne-Sud a researcher Nicolas Gueguen an a zirbingna a hmuhchhuah chu mipa te hian hmeichhe high heels (pheikhawk keartui sang) bun te hi an tanpui duh bik a ni a ti. A research tihna a field experiment hrang hrang a neihna ah, hmeichhia ten mipa te hnen a tanpui tur a ngenna an siam in hmeichhe pheikhawk hniam bun te aiin hmeichhe pheikhawk sang bun te chuan ngaihsak an hlawh zawk zel a ni a ti. TV leh internet lamah hmeichhe model ten high heels an bum fo avang hian mipa ten hmeichhe high heel bun chu 'sexy' riau in an ngai a ni a ti.
 
 *FIMKHUR NAN
Lir a nghin nasat viau chuan dawhkan emaw khum hnuai ah a tawm tur a ni a, inchung a chim hlauhawm khawp a nghin nasat chuan In in a delh phak loh pawn hmun himah a rang thei ang bera tlan chhuah tur a ni.

*LIRNGHING KHA Nizan 20.11.2014 dar 11:45 p.m lirnghing kha Lamtluang in kan enchianna www.emsc-csem.org ah chuan a huaia thlalak ang hian a kimchangin an ziak. A chak lam 5.6 magnitude niin Myanmar leh India ramri hnaih km 60 huam chhung ah a nghing niin an tarlang. Mizoram ah chuan Aizawl 85 km huam chhung leh Khawhai atang a 47km huam chhung ah a na bik niin a lang.
Earthquake in Mizoram 20.11.2014 11:45 P.M (IST)

20th November 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM

*MANIPUR ZIRLAI DELHI AH THAH A NI
Nizan dar 9:30 vel khan South Delhi a Gurudwara Road, Kotla Mubarakpur a inluah a khawsa Manipur mi zirlai Zingran Kengoo chu a hrawk ah thuk taka zaihlum a ni. Amah hi Tata Institute of Social Sciences (TISS) a Ph.D zirlai a ni. A ruang thisen kai hnuang chu a inluahna neitu fapa in a hmu a, police an ko ta a ni. A ruang hi post mortem turin thawn a ni a, pawi khawihtu hi police ten an chhui mek a ni.
 
*INDIA AH INTERNET HMANGTU PUNG NASA
Internet and Mobile Association of India (IAMAI) leh IMRB International te report 'Internet in India 2014' a landan in kumin December thla ah chuan India ah internet hmangtu mi maktaduai 302 an tling dawn a, chu chu US a internet hmangtu aiin an tam tawh zawk dawn a ni. Kumin October thla thleng khan India ah internet hmang awm zat chu mi maktaduai 278 an tling a ni.

Khawvel a internet hmangtu awm tam berna chu China niin US in an dawt a, a pathumna chu India a ni a, a chunga sawilan tawh ang hian kumin December ah chuan India hian US khumin pahnihna a ni dawn ta a ni.
 
*KUM 10 LUNG IN TANG TURIN PASTOR HREM A NI
Chennai khawpui a West Tambaram a pastor David Inbaraj (35) chu, Chennai court in nula kum 17 mi tlanbo pui leh pawngsual a puhin, kum 10 chhung lung in tang tur leh Rs.Singkhat chawi turin a hrem.

Lamtluang thulakna in a tarlan danin Pastor David Inbaraj hian a thawhna kohhran a inkhawm taima tak tleirawl pakhat chu an inah te a tlawh thin in, tawngtai puina te a neih pui thin a, a hnuah an ingaizawng ta a ni. Kum 2013 March ni 16 khan he pastor hian a bialnu chu Nagaland ah a tlanbo pui ta a, chuta tangin Meghalaya ah tlan dun leh a, kum 2013 December ni 12 khan an pahnih chuan Karnataka ah police ten an man ta a ni. An man chhan hi Pastor hi nuipui nei tawh a nih bakah fa pawh a nei tawh a, a nupui chuan Madras High Court ah a pasal tlanbo hi zawng chhuak turin thubuai a thehlut a ni. Pastor bialnu pa pawh hian a fanu chu hruaibo leh pawngsual a ni tiin Tambaram police station ah thubuai a thehlut bawk a ni.
 
*MIHRING EITUR ZUAR ZAWNG ZAWNGTE TAN SAWRKAR AH LICENSE LEH REGISTRATION DIL NGAI
Vawiin chawhnu ah khan Aijal Club ah mihring tana eitur chi hrang hrang zuara sumdawng mek te leh sumdawn tum te neih ngei ngei tur license leh registration chu Online/Internet kaltlanga dil leh pek a nih theih nan Health Minister Pu Lal Thanzara chuan a hawng a. License leh registration hi dilna website hi http://foodlicensing.fssai.gov.in/ ah lut in emaw www.ffsai.gov.in chhunga FLRS link ah te a tih theih a. He phalna tel lova sumdawngte chu hrem theih an ni. Sawrkar laipui in eitur (food) item a tih hian bottled water, hmawmsawm chi tinrengte, bawnghnute, thlai, thei leh ei tur chi hrang hrang te a huam mai ni lovin chaw a rintheih chi hrang hrang thingpui dawr, restaurant leh hotel-a chhawp chhuah te pawh a huam tel vek a ni. Online Food Licensing hi state tam zawk ah kalpui vek tawh niin Mizoram chu online licensing hmangtu state 24-na a ni.

Online licensing bultanna programme hawngtu Health Minister Pu Lal Thanzara chuan Mizo mipuite an lo hrisel zawk nan eitur zuara sumdawngte chu License leh Registration nei vek turin a chah a. Eitur zawrhte a lo thiang hlim nan ngun taka eitur zawrhna hmun hrang hrang, dawr, thingpui dawr, hotel leh restautant te endik turin Food & Drug Administration wing, Health Department a thawkte a hriattir a ni.

Online Food Licensing & Registration hawnna programme hi Pu Lalsawma, Deputy Commissioner of Food Safety leh Pu Sridhar D, Deputy Manager, National Institute of Smart Government, Hyderababd ten an kaihruai a. He hunah hian Health Minister chuan licensing website hmet hawngin Aizawl khawpuia sumdawng pahnih Hotel Sangchia, Zarkawt leh Kan Choka, Chhinga Veng te hnenah Online hmanga License siam tak chu chhu chhuak in a hlan nghal a. License hi sumdawng pangngai, kum 1 chhunga Rs 2 lahks aia tam thawk chhuak te tana ruahman a ni a. Kum khat chhung atan Rs 2,000/- pe in license a nung a, kum 5 atan thleng pawh a pek theih nghal a ni. Registration hi kum 1 chhunga Rs.2 Lakhs thawk chhuak pha lo te tana ruahman a ni thung a, kum 1 chhunga registration fee atan Rs 100/- pek a ngai a ni. (DIPR)

19th November 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM

*HONDURAS MISS LEH A LAIZAWNNU THI A CHHAR ANNI
Central America a ram te tak te Honduras miss atana thlan Maria Jose Alvarado (19) leh a laizawnnu Sofia Trinidad (23) chu Cablotales thingtlang khua ah an ruang hmuh a ni. An unau hian karhmasa November ni 13 khan Santa Barbara region ah party atanga an chhuak lai hmuh anni a, hemi hnu hian an awmna chin hriat loh in an bo ta a ni. He thilthleng avang hian thu zawhfiah turin Maria Jose bialpa leh midang 3 te thu zawhfiah turin man anni. Maria Jose hi London a Miss World thlanna neih turah an ram Honduras aiawh tur a ni nghe nghe.
 
*A RUALIN FA PATHUM HRING
Vawiin chawhnu dar 1:30 vel khan Rosiamkimi w/o Saithangpuia,Hualngohmun chuan Falkawn Refferal Hospitalah a fa pahnihna ni turin fa 'Phir'(Triplets) hmeichhe pathum a nei. Naute te hi zai chhuah an ni a, Naute te hi an pian atha in, an rih zawng hi 2.250 kg, 2.00 kg, 2.750 kg te an ni a. Fa hmasa mipa an lo nei tawh a ni.

Source: Lalhmachhuana Tochhawnga via Dingdi group
Phir pathum (triplet) born in Mizoram, Falkawn Hospital
 
*INDIA PM IN FIJI TLAWH
Nizan khan India Prime Minister Narendra Modi chuan ni 2 cham turin Fiji ram a thlawk lut. Kum 33 hnu a India PM in Fiji an tlawh leh hmasakberna a ni a, kum 1981 khan India PM Indira Gandhi in a lo tlawh tawh bawk a ni.

PM Narendra Modi hian Fiji ram a cham chhung hian sorkar mi pawimawh te nen India leh Fiji inkar a inlaichinna tha zawk a awm theih nan a titi pui dawn a ni. Fiji ram a cheng mipui 37% te hi an pi leh pu te India mi anni a, chung an thlahtu te chu kum zabi 19-na lai vel khan labour hna thawk turin India atangin Fiji ah hian an pem a ni.

Prime Minister Narendra Modi hi tunkar ningani ah India ah a lo let leh ang.
 
*HELICOPTER TLA
Thailand sipai helicopter (Bell 212) tla ah sipai 9 an thi. Helicopter hi sipai camp, Phayao province atanga tlawkchhuak niin an ram hmar lama thingtlang khua a thelret chinna hmunah a tla a, thlawhna a chuang sipai te ruang hi a kang chhe hneh hle ni a sawi a ni.
 
*INDIA AH EBOLA VEI HMUHCHHUAH A NI
November ni 10 khan Delhi International airport ah India mipa kum 29 a upa chu Liberia ram atanga a rawn haw a taksa endik a nih hnuah ebola natna a vei tih hmuhchhuah a ni. Amah hi Liberia rama a awm lai a ebola natna avei avanga enkawl dam anih hnu a rawn haw a ni a, mahse, Delhi airport ah doctor an lo enfiah leh hnuah a zun/chi ah ebola natna hrik an hmuchhuak a ni. Hemi avang hian Health ministry chuan mipui te lo chiai lo turin an ngen a, amah hi hmun hranah enkawlna pek nghal niin enkawl dam thuai an beisei a ni.

18th November 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM

*HEROIN MAN
Mizoram Excise & Narcotics Department (END), Anti-Narcotics Squad te chuan vawiin khan Heroin an man.

Mizoram Excise & Narcotics Department, Anti-Narcotics Squad te chuan vawiin chawhma dar 11:15 khan Heroin 28.5 grams leh neitu Phun-uk-liana (52) s/o Lenghnuna (L), Tuikhingzang, Myanmar nia inchhal chu Thuampui veng (Zuangtui peng) -ah an man.

Heroin neitu, Phun-uk-liana hi The Narcotics Drugs & Psychotropic Substances Act, 1985 (NDPS Act) hnuaiah thubuai siamsak a ni. (DIPR)
 
*CRPF AH HNA RUAK
Central Reserve Police Force hnuaia hna hrang hrang – Driver, Fitter, Bugler, Water Carrier, Safai Karmachari leh Washer Men hna te a ruak a. Mizoram tan bik chuan Driver post 3; Fitter post 3; Bugler post 2 leh Water Carrier, Safai Karmachari leh Washer Men te post pakhat theuh a ruak a. He hna diltu hi kum 18 leh kum 23 inkar mi, zirna lamah Pawl 10 pass a ngaih bakah Driver leh Fitter tan chuan Driving Licence leh ITI thiamna nei a ngai. Dilna hi December ni 5 aia tlai lova – The DIGP, Group Centre, CRPF, Adarini Tea Estate, Agartala, West Tripura, Tripura PIN 799012 hnenah thehluh tur a ni.

Hrechiang duh chuan website – www.crpf.gov.in leh www.crpf.nic.in ah te a en thei a. Hemi bakah hian The Commandant, 1st Battalion CRPF, Zemabawka hemi chungchang hi a zawhfiah thei bawk. (DIPR)
 
*MCI IN DOCTOR 244 THAMNA LAK A INSAWIFIAH TURIN A KO
Medical Council of India (MCI) chuan India ram hmun hrang hrang a doctor thawklai mi 244 te hnenah Allahabad a damdawi siamchhuaktu company pakhat hnen atangin thamna an dawng em tih insawifiah turin hriattirna a pe. Nimin khan MCI ethics committe hma a doctor 109 an inlan a, abak mi 135 te chu December thla ah inlan tura koh ve anni dawn a ni.

Heng doctor insawifiah tura tih te hi damdawi siamchhuaktu company pakhat chuan an damlo te hnenah an damdawi siamchhuah te chawh tur an duh avangin, pawisa nuaih tam tak te pe in, car te leh In (flats) te an leisak bakah chhungkua a foreign a zinna senso te an tumsak ni a sawi a ni.

MCI in thu an dawn danin he damdawi siamchhuaktu company hian kum nga chhung lekin abul tanna bial atangin Rs.Vaibelchhe 400 an la lut hman a, chu chu damdawi siamtu company lian leh larsa ten a man tur tuk aia an tihsan avang leh doctor ten an chawh nasat vang nia rinhlelh kai anni.
 
*MISUAL KHAIHLUMNA SIAM DAWN
Malaysia rama Kelantan state a roreltu te chuan an state chhung a Islamic hudud dan hmanga rorelna kalpui a nih theih nan hma an la mek a, rukruk leh pawngsual ching tw hrem nan French Revolution hunlaina mi an khaihlumna dawhsan (guillotine) siam ve an tum. Misual khaihlum nan bakah an kut leh ke tan chhum nan remchang dawnin an hria a ni. Chutiang a misual hrem theih na dan chu nakum atanga hman theih turin an inbuatsaih mek a ni.

Tuesday 18 November 2014

MPSC IN FINANCE DEPARTMENT HNUAI A ASSISTANT DIVISIONAL ACCOUNTANT ATAN A PERSONAL INTERVIEW TUR A A KOH TE (14.11.2014)

Interview neih ni tur: 9-11 December 2014
Post ruak zat: 13
1. 1019 ALBERT LALNUNPUIA
S/o LALLIANSANGA L
M221, TUITHIANG VENG
AIZAWL MIZORAM Pin-796008

2. 1089 B LALSAWMKIMA
S/o B ZALAWMA
D-181, SECTION-II
TUIKUAL NORTH, NEAR TUIKUAL NORTH
PRESBYTERIAN CHURCH
AIZAWL, MIZORAM Pin-796001

3. 1094 B REMNALALTHIANGHLIMA
S/o B LALFAKZUALA
H/NO-105
VENGLAI KAWNPUI
KOLASIB DISTRICT Pin-70697

4. 1095 B SANGA
S/o LALNUNTHARA
A-51/B, DAWRPUI VENGTHAR
NEAR PASTOR QTR
AIZAWL Pin-796001

5. 1204 C LALHRUAITLUANGA
S/o C LALMUANTHANGA
42, TLANG VENG
NEAR BAPTIST CHURCH
RAWPUI Pin-175697

6. 1211 C LALMALSAWMA
S/o C LALCHHUANMAWIA
C-142,
WORLD BANK ROAD,
ITI VENG, AIZAWL Pin-796005

7. 1252 C LALREMSANGI
D/o C LALCHHUANA
UNCLES SHOPPE
VENGLAI, LUNGLEI
Pin-796701

8. 1261 C LALRINKIMA
S/o VANLALSAWMA
E/35 NEAR BRTF CANTEEN HNAHTHIAL,
ELECTRIC VENG, HNAHTHIAL,
LUNGLEI DISTRICT, MIZORAM
PIN-796571

9. 1417 DAVID VANLALCHHUANGA
S/o C THANSEIA
42, CHANMARI-2
DISTRICT ROAD,
LUNGLEI, MIZORAM
Pin-796701

10. 1512 F LALRINFELI
D/o F HMINGTHANZAUVA
C-27, TUIKUAL NORTH
AIZAWL, MIZORAM
Pin-100697

11 1534 F.Zodinpuia
S/o F.Liannghinga
Bawngkawn Bazar Veng
H.no S/2-5
Aizawl, Mizoram 796014

12 1655 H T LALMAWIZUALA
S/o H T LALHUAPZAUVA
HOUSE NO-T/57,
T-SECTION,
COLLEGE VENG,
AIZAWL Pin-796001

13. 1688 H.Lalawmpuia
S/o H.J.Rodinga
M/74, RD Cabin,
Armed Veng,
Aizawl-796008

14. 1928 K LALHLIMPUIA
S/o K LALBUANA
CN-08, FARKAWN VENGSANG
CHAMPHAI DISTRICT
NEAR ELECTRICT SUB-STATION
Pin-796321

15. 2031 KHUP CHAWNG LALHRIATPUIA
S/o LALNUNTHARA
H.NO A-55, PWD MUAL
RAMHLUN VENGLAI
AIZAWL Pin-796012

16. 2049 L. KHANMANGA
S/o SUMLIANA (L)
DAWRPUI VENGTHAR
HOUSE NO F-26
PIN - 796001

17. 2098 LALCHHANDAMI
D/o C HUALTHANGA
M-61
MISSION VENGTHLANG,
AIZAWL, MIZORAM Pin-796005

18. 2103 LALCHHANHIMA PACHUAU
S/o PC LALSANGMAWIA
B-31, GOLDEN STREET
ELECTRIC VENG
AIZAWL Pin-796007

19. 2167 LALFAKAWMA
S/o LALRUATTHANGA
HOUSE NUMBER-D-20/1
ELIM, ELECTRIC VENG
AIZAWL Pin-796007

20. 2224 LALHMINGSANGA
S/o KHUANGTHANGLIANA
Y-14/1B, VENGMAWI
MISSION VENGTHLANG
AIZAWL MIZORAM
Pin-796001

21. 2431 LALPARVULA
S/o F ZADINGLIANA
VENGLAI, KHAWHAI,
CHAMPHAI DISTRICT Pin-796310

22. 2566 LALRINLIANI CHAWNGTHU
D/o CH VANLALRUATA
77 ELECTRIC VENG
BELOW LDSC GROUND 2
LUNGLEI, MIZORAM Pin-796701

23. 2570 LALRINMAWIA SAILO
S/o SANGLIANA SAILO
B-5, DAWRPUI VENGTHAR
BIAK IN BUL
AIZAWL Pin-796001

24. 2720 LALTHANZUALA SAILO
S/o LALHRANGA SAILO L
EV 4 077A, ELECTRIC VENG
BELOW ELECTRIC DEPARTMENT QUARTER
LUNGLEI Pin-796701

25. 2737 LALTHLENGLIANA
S/o VANLALTHANGA
L N/C-20 DURTLANG LEITAN SOUTH
NEAR MISSION FOR CHRIST
AIZAWL Pin-796025

26. 2741 LALTLANSANGA
S/o LALRINLIANA
G-21, REPUBLIC VETY MUAL,
AIZAWL Pin-796001

27. 2870 MARY LALCHHUANAWMI
D/o PC VANLALHRUAIA
CHHINGA VENG
AIZAWL Pin-796001

28. 2941 NEHEMIA LALRAMDINA
S/o VANLALCHAMA
LUNGLENG VENG
HNAHTHIAL
LUNGLEI DISTRICT Pin-796571

29. 3008 PC LALRINNGHETA
S/o PC KHUANGHNUNAI
ZUCHHIP VENG
KHAWZAWL
CHAMPHAI DISTRICT
Pin-796310

30. 3074 R LALHRUAITLUANGA
S/o ZIRSANGLIANA
D-83B, BASIC MUAL
RAMHLUN NORTH
NEAR ZANGENA PETROL PUMP
AIZAWL Pin-796012

31. 3144 R VANLALZAMLIANA
S/o R VANCHHUNGA
C-6/35, CHHINGA VENG
NEAR BETHANY TAXI STAND
AIZAWL Pin-100697

32. 3244 RINZAMPUII
D/o LALCHHUANAWMA
H-10, NURSERY VENG
AIZAWL MIZORAM
Pin-796001

33. 3289 ROSALYNE VANLALRUATI
D/o FRANCIS SAKHAWLIANA
N-59, TLANGNUAM
BLOCK VENG
AIZAWL Pin-796005

34. 3308 RUALZAKHUMA
S/o THANHRANGA
PENIEL VENG, HNAHTHIAL Pin-796571

35. 3365 SARAH LALRINKIMI
D/o A CHHAWNMAWIA
M-35, DIO FAVENTE
BAWNGKAWN SOUTH
AIZAWL Pin-796014

36. 3514 VANLALCHHUANLIANA
S/o RICKY L ROSANGA
AIR ROAD, RAMTHAR VENG
LUNGLEI Pin-796701

37. 3548 VANLALHRIATRENGA JAHAU
S/o LALDUHAWMA
HOUSE NO-241
NEAR BAPTIST CHURCH
VENGHLUN
LUNGLEI Pin-796701

38. 3563 VANLALMUANA
S/o LALZUITLUANGA
CNB/D-38
CHALTLANG LILY VENG,
AIZAWL MIZORAM Pin-796014

39. 3589 VANLALRUATA
S/o LALNILIANA
D-167, SECTION-II
TUIKUAL NORTH
BELOW INDOOR STADIUM
AIZAWL Pin-796001

40. 3610 VANLALTHANGI
D/o J THATLINGA
A 7 REPUBLIC VENGTHLANG
AIZAWL MIZORAM

41. 3618 VANLALTHLENGLIANA
S/o VANLALMUANA
U-8/A, LAIPUITLANG
AIZAWL, MIZORAM Pin-796012

42. 3674 ZATHUAMA
S/o ROZUALA
SAILULAK
DISTRICT OF SERCHHIP
MIZORAM Pin-796370

43. 3732 ZOREMMAWIA PACHUAU
S/o VANLALVUANA PACHUAU
VB-62/B, 7TH DAY TLANG VAIVAKAWN
AIZAWL Pin-796009

44. 3757 ZOTHANHNUNA HMAR
S/o J H ZOENA
E-40, FIELD VENG
REPUBLIC VENG, AIZAWL
Pin-796001

45. 3771 PC LALREMRUATKIMA
D/o PC LALHMINGLIANA
VENGLAI PHULLEN ROAD
SAITUAL, MIZORAM
Pin-796261

MPSC RESULT FOR GOVT.HSS LECTURER CONTRACT BASIS

MIZORAM PUBLIC SERVICE COMMISSION  IN GOVT.HIGHER SECONDARY SCHOOL LECTURER CONTRACT BASIS ATAN A LAK THAR TE (Dt.14.11.2014)
Malsawmdawngliani
D/o Lalhmachhuana
H.No. A-2/5,
Chawnpui, Aizawl.
Discipline-Education

Z.D.Lalbiakpuii
D/o Z.D.Rualchhawnzova
H.No.236, DIET Road
Serkawn, Lunglei-796701
Discipline-Sociology

C. Lalhlupuii
D/o C. Vanlaldika
H.No.B-27/A. Thlanmual Road, Ramthar
Veng,
Near Presbyterian Pastor Quarter, Aizawl
Discipline-English

Rebecca Lalthanzuali
D/o A. Chhawnmawia
H.No.M-35, Bawngkawn South,
Aizawl
Discipline-English

Zosangpuii Chawngthu
D/o C. Thantluanga (L)
H.No. TLC-II-199, Vengpui, Tanhril,
Near Presbyterian Church
Discipline- Mizo

C.Lalrindika
S/o C.Lallawmzuala (L)
H/No. Z-137,
Kikawn, Bazar Veng,
Near Standard Middle School, Lunglei
Discipline- Geography

Amaria Lallawmpuia
S/o Dr. C.H.Thanchunga
H.No.1/48(i), Presbyterian Church,
Kulikawn,
Near Neihrima Workshop, Aizawl
Discipline- English

Peter Vanlalhluna
S/o Joseph K. Liandailova
H.No. 216,
Mualpui Kawn, Chhingchhip,
Serchhip Dist.
Discipline- Education

Catherine Lalchawngpuii Sailo
D/o Lallura Sailo
H.No. A-31,
Upper Republic, Hmar Veng, Aizawl
Mizoram
Near T. Romana College
Discipline- English

Lalmuanpuii Hauhnar
D/o Lalchhuanmawia Hauhnar
H.No. C-87/1, Ramhlun North,
Near Presbyterian Church, Aizawl. \
Discipline- Sociology

Lallianmawii
D/o Sanghlira
H.No. L-12, Laipuitlang,
Near Social Welfare Hostel, Aizawl
Discipline- English
1
Miltona
S/o M. Nengzachin
VB-6/A, Vaivakawn,
Vaivakawn Police Station, Aizawl
Discipline- English

Krosszarmawii
D/o K. Sangthuama
H.No. T-82,
Godfrey Street, College Veng,
Near PUC, Aizawl.
Discipline- Economics

Lalrammawii Ralte
D/o R. Lalawmpuia (L)
H.No.D/T-3,
Tuikual Road, Dinthar,
Near Prebyterian Church. Aizawl
Discipline- English

T. Lalthazuala
S/o T. Lalfakzuala
H.No. 2,
Chapman Colony,
Serkawn Lunglei
Discipline- Geography

Irene Zosiampuii
D/o P.Lalthanmawia (Zalena)
H/No. T 24/4
Bazar Veng, Lunglei
Near Traffic Point, Lunglei
Discipline- English

KC. Laldampuia
S/o KC. Varparha
H.No. A-3,
Ramhlun Vengchhak, Aizawl.
Discipline- Economics

C. Lalmuanpuii
D/o C. Rodinga
H.No. C-19,
Ramhlun Venglai,
Near Industry Office, Aizawl
Discipline-Mathematics

Lalnunsangi
D/o Lalsangliana
H.No. C-4/2,
Chhinga Veng, Armed Veng Road, Aizawl
Discipline-Mathematics

Laldinkimi
D/o Kapthanga
H.No.T-16/A, Tuikhuahtlang,
Near Laldenga's Residence, Aizawl
Discipline-English

R.Lalthansangi
D/o R.Sangchungnunga
H.No.261, Rahsi Veng
Near BCM Rahsi Veng
Lunglei-796701
Discipline-Economics

Vanlalhmuaka
S/o Thanzama
H.No. 281, Phunchawngkawn, Tlangnuam,
Near VZBM Middle School, Aizawl
Discipline-Mathematics

Zamawia
S/o Raldothuama
H.No. A-451, Tuikual South,
Section III, Near Govt. P/S-III,
A Mual, Aizawl.
Discipline-Economics

Zotluanga
S/o Hmingthanzauva
H.No. 289,
Chhimveng, Kawnpui
Discipline-Geography

C. Liansangpuii
D/o Vanlalzauva
H.No. MK A 25/1, Middle Kanan,
Near Presbyterian Church, Aizawl
Discipline-Geography

Lalbiakzauva
S/o K. Thanchhunga
No. D/V - 39, V-Section, Dinthar, Near
Dinthar High School, Aizawl
Discipline-Geography

R. Lallianthanga
S/o R. Malsawmthanga
H.No. 83,
Kawnpui Hmar Veng, Near Hmar veng Bazar, Kawnpui
Discipline-Geography

J.Lalhruaitluanga Khawlhring
S/o L.TH. Tluanga
H.No. D-44,
Gate Veng, Tlungvel. Near Volley Ball Court.
Discipline-Public Administration

R. Zosangliani
D/o R. Chhawnthuama (L)
H.No. T-5,
Kawnzau, Tuivamit, Aizawl
Discipline- Mathematics

Rosangpuii
D/o C. Kamliani
H.No C-66,
Kahrawt, Champhai
Near LAD Office, Champhai
Discipline-Mathematics

PANEL LIST
H. Lalnghakliana
S/o H. Zoliankhuma (L)
H.No. 127,
Vengthar, Kawnpui Kolasib District.
Near St. Thomas School., Kawnpui.
Discipline-Economics

Laldinpuii Pachuau
D/o Lalsawia Pachuau
H.No.B-125
MST Road, Venglai
Lunglei-796701
Discipline-Economics

Lalruatsangi Zote
D/o Ruata Zote
H.No. C-67B, Biak In Mual, Ramhlun North,
Near Love Academy, Aizawl.
Discipline-Sociology

Hmingthansangi Hauhnar
D/o Lalchhuanmawia
H.No. II/156,
Kawn Veng, Sialsuk.
Discipline-Mizo

Zochhuanmawii Renthlei
D/o R. Vanlalsawma
H.No. A/5,
Chawnpui, Aizawl
Discipline-English

Ngurthansangi Chenkual
D/o C. Thantluanga
H.No. 38 'A',
Electric Veng, Lunglei
Discipline-English

Jennifer Lalduhawmi
D/o K. Lalthlamuana
H.No. L.C/B-11,
Leitan, Durtlang, Aizawl
Discipline-English

Lalthapuii Chhangte
D/o C. Lalbiakliana
H.No. A/39,
Saron Veng, Police Run, Aizawl
Discipline-Education

Lalsangpuii
D/o Lalbiaksanga Vanchhawng
H.No. M/D-20,
Near Chaltlang South Presbyterian Church,
Chaltlang, Aizawl.
Discipline-Public Administration

Lalrinpuii
D/o RK. Thantluanga
H.No.T-103,
Chanmari West, Aizawl
Discipline-Geography

17th November 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM

17.11.2014
*Aizawl khawsir Rangvamual ah lei a min belh zel avangin naktuk ah pawh hemi kalna kawngpui hi khar leh a ni dawn a ni
 
*KIM KARDASHIAN MUMBAI BIG BOSS SHOW AH TEL DAWN
Mumbai ah milarte pual a Big Boss TV show neih mekah Kim Kardashin chuan November ni 22 atangin a zawm ve dawn a ni. Big Boss show ah hian celebrities (milar te) a bik a siam in lianpui ah an khung khawm a, an inkawm ho a, an mahni kawmna te neih thin a ni a, a chhungah Tv, computer, internet leh inbiakpawhna dang te hman phalloh a ni. An duh hun hunah pawn lama chhuah phal anni lo bawk. Heng milar ho in pakhat khungkhawm te inkawmna hi Colours TV ah zirtawpni zanah tih chhuah thin a ni. Tun tum Big Boss show hi Amir Khan an a host a ni.
 
*WHATSAPP MESSAGE CHHAN LOH VANGIN A NUPUI A THEN
Gulf News in an tarlan danin Saudi mi kum 30 a upa (hmingthup) chuan whatsapp atangin a nupui message a thawn a, a nupui hian a chhan tak mai loh avangin a then ta daih a ni. A pasal zawk hian a nupui chu "a hun tam zawk hi phone khawih nan a hmang a, inchhung leh naupang enkawl pawh a ngaihthah phah vek" tiin a sawi a, "ka message thawn pawh application atangin a hmu a, a chhiar tih alang vek a, mahse, keima message chhan ai chuan a thiante message chhan a duh zawk a ni" a ti.

Tunhnai a survey neih ah pawh nupa inthen tam tak te inthen chhan chu social networking site vang niin an sawi. Divorce Online in UK survey an neih ah pawh nupa inthen chhan hmun thum a then hmun khat chu facebook a an tawngkam hman vang niin an sawi bawk.
 
*Indian Railways chuan private parcel train te an tlan ve a phal dawn ta. India ramah hian rel hmanga bungraw thawn zawng zawng hi Indian Railways ten an hma vek a, private parcel train tlan an phal dawn takah hian mipui te mamawh rang zawk a thawn theih beiseina a lian hle.

*MISS NORTH EAST CONTEST RESULT
Aizawl, November 16: Miss Northeast 2014 thlanna chu kar kalta Zirtawpni zan (Nov 14) khan Beraw tlang-ah zawh fel a ni a. Tuntum hi Mizoramin Miss Northeast thlanna a thlen vawikhatna ni mahse, thawm a nei lo hle a. NE state 8 zingah state 5 atang chauhin contestant an awm a, state 5 atanga tel, contestant 10 zingah kum 22 mi, Longjam Rupali Devi, Manipur chu Miss Northeast atan thlan niin, lawmman atan cheng nuai 1 hlan a ni. Suman Lyngdoh, Meghalaya chu 2-na niin cheng sing 5 a dawng a, 3-na Ananya Sharma, Assam-in cheng sing 3 a dawng bawk niin NE Miss thlan Aizawl-a buaipuitute chuan an sawi.

Miss NE 2014 Results :
Winner : Longjam Rupali Devi (Manipur)
1st Runnerup : Suman Lyngdoh (Meghalaya)
2nd Runnerup : Ananya Sharma (Assam)
Subtitles Winners
Miss Talented : Chandam Chanchan (Manipur)
Miss Congeniality : Longjam Rupali Devi (Manipur)
Miss Photogenic : Iban Marwein (Meghalaya)
Miss Perfect 10 : C. Vanlalmalsawmi (Mizoram)
Best Cotume : Longjam Rupali Devi (Manipur)

Miss NE 2014 contestants :
1. Longjam Rupali Devi (Manipur)
2. Suman Lyngdoh (Meghalaya)
3. Ananya Sharma (Assam)
4. Moon Moon Roy (Assam)
5. Chandam Chanchan (Manipur)
6. C. Vanlalmalsawmi (Mizoram)
7. Lalhriatpuii (Mizoram)
8. Ramnunmawii (Tripura)
9. Lalthazuali Ralte (Tripura)
10. Iban Marwein (Meghalaya)

(Pix : L-R : 2nd Runnerup : Ananya Sharma; Winner : Longjam Rupali Devi; 1st Runnerup : Suman Lyngdoh)

Source: Aitea Ralte (The Zozam Times)

Miss North East India 2014 FINALIST, HELD AT AIZAWL
 L-R : 2nd Runner up : Ananya Sharm (Assam); Winner : Longjam Rupali Devi (Manipur); 1st Runner up : Suman Lyngdoh (Meghalaya)
 

16th November 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM

16.11.2014
*CHINA OPEN AH INDIA MI 2 CHAMPION
China Open khelh zawh takah India badminton khelthiam K.Srikanth chu mipa final ah a champion a, India badminton khel thiam tho Saina Nehwal pawh hmeichhe final ah a champion bawk. India mi 2 te hi an che tha hle a ni.
 
*IS FIRFIAK TEN AN MI MAN LU TAN SAK
Islamic State (IS) firfiak te chuan US mi Peter Kassig leh Syria sipai 18 an man te chu an lu an tan sak lai video an tlangzarh.
 
*PATHIANNI ZING CHANCHIN THAR LAWRKHAWM
*Synod Executive Committee vawi 252-na report a alan danin kumin 2014 June thla atanga October thla chhungin Synod Relief Fund atangin Damlo rethei mi 38, Rethei leh rualbanlo mi 34, Tuilian vanga thi mi 2, Leimin tuar mi 15, Thlipui tuar mi 23, Kangmei tuar mi 26 leh thil danga harsatna tawk mi 35 hnenah tanpuina sum pek a ni.

*November 10 - 28, 2014 chhung awh tur Missionary Orientation Training chu November 10, 29014 atang khan Mission Veng Kohhran Hall-ah neih tan a ni. Training hi Synod Mission Board-in kum 2015 chhung missionary (Evangelist, Evangelist Teacher, Staff Nurse, Health Worker, Craft Teacher, Office Assistant) tur mi 119 a lak tharte puala neih a ni.

* Christian Hospital Serkawn ah November 13, 2014, chhun khan
Cabin block thar hawn a ni a, hawnna leh Pathian hnena hlanna hi Upa Dr.B.Laldinliana, Medical Superintendent-in kaihruaiin Report a pe a, Rev. Lalbiaksanga Chinzah, Associate General Secretry, i/c Service in Pathian hnenah hlanna leh lawmthusawina neiin a hawng nghal a ni. Tuntuma Cabin block thar hawn takah hian hian Cabin 8 a awm a ni.

* Nakum 2015-a Mizoram Baptist Kohhran Hmeichhe Pawl(MBKHP) Inkhawmpui Hnahthiala lo awm tur atan Thlarau lam inbuatsaihna pakhat atan Hnahthial khawpui chhunga Kohhran hrang hrangah a rualin November 15-23, 2014 hian Mass Evangelism Programme buatsaih a ni dawn a. Hnahthial North leh South bial huam chhungah hian Kohhran 12 a awm a, Biak in
tinah Crusade/camping hi neih a ni dawn a ni.

* Mizoram UPC hnuaia rampawna thawk Missionary Puala Seminar chu November ni 10, chawhma dar 11 hian Headquarters Biak In Tuikhuahtlang, Aizawl-ah neih a ni. He seminar ah hian missionary 100 vel bawr an tel a ni.

* Union Minister of Health and Family Welfare, Jagat Prakash Nadda chuan sorkar laipuiin ramchhung mipui te tan health scheme thar a duang thuai dawn a ti.

* US Department of Homeland Security hnuai a Immigration and Customs Enforcement te report thar ber in an tarlan danin US a ramdang atanga lehkhazir awm tamber dawttu chu India zirlaite anni. US a India zirlai pun chak lam chu 28% niin zirlai 1,34,292 an awm tling a ni. Australia leh New Zealand ah pawh India zirlai te an pung chak hle a, UK ah erawh pun lam aiin an tlem tial tial zawk a ni.

*Mumbai khawpui sir Mulund hmuna cheng mipa naupang kum 8 mi Aryan Parab chuan kum 2014-2068 thleng calendar a tahrik ni te chu eng ni ber nge (entirnan Thawhlehni) tih second 30-40 inkar chhung a sawi dik vek thei. A thluak that zia entirnan hian mi hrang hrang in kum lo la awm tur a calendar a ni zat te chu engni nge a nih ang tih an zawt a chhan sual a nei lo ni a sawi a ni.

*West Bengal thingtlang khaw thenkhat ah tunkar liamta chhung khan rorellai Trinamool congress leh BJP mi leh sa te nasa takin an intibuai a, hmun tam taka tharum thawhna a thleng a ni. Nimin khan Sirsita khua ah bomb an tipuak hial a ni. Party pahnih te inkar a buaina chhuak hi chinfel tumin police tam tak in buaina chhuahna hmun te an awmchilh mek a ni.

* Democratic Republic of Congo chuan an ram chu ebola natna lak atangin an fihlim ta niin an puang. Congo ramah hian thla thum liamta chhung in ebola hrileng vangin mi 49 an boral a ni.

*China chuan ebola hrilenna hmun Africa ram hrang hrang ah tanpuina hna thawk turin an ram sipai PLA medical team atangin mi 1,000 thawn chhuah a tum. Zirtawpni khan sipai 163 Liberia ramah a thawn a, tin, hemi ni vek hian sipai 41 te pawh Sierra Leon ah a thawn bawk.

*China Open Super Series Premier khelh mek ah India badminton khel thiam Saina Nehwal leh K.Srikant te chu hmeichhia leh mipa final an lut ve ve a ni.

*India chess khelthiam Vishwanathan Anand chuan Russia a World Chess championship khelh mek ah champion lai Magnus Carlsen chu a game 6 na ah a hneh lo. A vaiin game 12 khel tur anni a, game 6 khelh an la hmabak a ni.

*Indian Super League khelh mekah nizan khan Indira Gandhi stadium, Guwahati ah NorthEast United FC leh FC Pune city te goal thun lo ve ve in an in draw a ni.

*Brisbane, Australia a khawvel sorkar lian rual 20 te inhmuhkhawmna G20 summit neih mekah ram hrang hrang hruaitu ten Russia chu Ukraine buaina a a sipai te lachhuak vek turin an ngen hlawm. He inhmuhkhawmna ah hian.kan rawn tarlan tawh thin angin India PM Narendra Modi pawh a tel ve a ni.

*Kan thu post hmasak ho te khu i la chhiar lo a nih chuan "see more" tih kha hawng la i keu thla zel thin dawnnia. Midang ten an hriat tawh lai inhriat ve loh kha kan hlauh pui che ania. Pathianni hman nuam vek ule.
 
*SIMEIKHU AH PHILAE THLALEM A THI
Nilaini liamta a European Space Agency te thlalem kahchhuah Philae chu simeikhu (comet 67P) ah darkar 57 a awm hnu in a khawl tinungtu battery a zawh takin a vangin biak pawh theih a ni ta lo. Philae hi ni zung chakna hmanga a battery recharge theih tur a duan ni mahse, a han tumna hmun simeikhu ah ni sa a awm tlem avangin a inti nung zo ta lo ni a ngaih a ni.

Lamtluang thulakna in a tarlan danin Philae hi lei atanga mihringte siamchhuah thlalem hmanga simeikhu thleng hmasaber a ni. A vawi khatna anih avangin simeikhu leilung awmdan hi mihring tumah in an la hrechiang bik lo a, a han tumna hi kham emaw hmun awih deuh a nih avangin, a tum nghehna tur a duan angin a tum fuh thei ta lo a ni. ESA spacescraft operation manager Stephan Ulamec chuan simeikhu in ni a hnaih deuh hunah Philae thlaem battery tihnun leh theihna hun a la awm mai thei niin a sawi.
 
*FACEBOOK IN MAN CHAWI LO A PAGE SIAM TE NEWS FEED TIH TLEM SAK Facebook chuan an sumlakluhna tih len nan kumin January thla atang khan kalphung thar an hmang a. Sumdawng leh pawlho, a thlawna a an sumdawnna emaw pawl hminga page nei te chu customer ten an thil post an hmuhkim an duh chuan pawisa chawi/ad lei angai tawh an ti. Chung pawisa chawilo a thlawn a thu/video/thlalak post thin te chu fb hmangtute news feed an dawn tur an tih tlem sak tawh a ni. Hei vang hi a niang Lamtluang pawh hi a thlawn in kan post thin sia notification dawng in tlem em em tak ni!! Amaherawhchu, kan thu post te in comment leh like hian in friendlist a kan page like ve tu ten kan page an lo hmuh tam phah ve thei a, comment lamah leh like lamah he thu post hmu pha chin te chuan tan min lo lakpui ve thin turin kan ngen che u a ni. Tin, kan page a thu post te i like loh emaw comment ngailoh chuan notification i dawng khat tial tial bawk dawn a ni.

15th November 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM

15.11.2014
*ANGELINA JOLIE RED CARPET AH
Kumin August thla a Brat Pitt nen an inneih hnu a mipui hma a a inlan leh hmasak ber ni turin nimin Zirtawpni zan khan Angelina Jolie chu 2014 Hollywood Film Awards semna Palladium ah a in lan.
 
*LAMTLUANG WEEKEND SPECIAL (MIZO JOKES)
Zirlai 1 : Result a chhuak dawn, va en ang hmiang...
Zirlai 2 : Ka buai lutuk, min rawn en kep la, Subject khat ka fail chuan
"Chibai" rawn ti la, subject hnih ka fail a nih chuan in pafa in chibai tih i rawn sms mai dawn nia..
A hnu deuh hlek ah chuan.
Zirlai 1 : ( SMS) " Thianpa in chhungin chibaiule.." 
 
*MISS NORTH EAST CONSTEST RESULT
Nizan a Tourist Centre, Beraw tlang, Aizawl a Miss North East contest neih zawh tak result chu hetiang hi a ni:
Winner - Rupali Longjam, Manipur
1st runner up - Suman Lyngdoh, Meghalaya
2nd runner up - Ananya Sharma, Assam
 
*INDONESIA AH LIRNGHING
Vawiin chawhma lam khan Indonesia khawchhak lama Maluku thliarkar ah 7.2 magnitude a chakin lir a nghing. Lirnghing vang hian Tsunami a thleng thei ni a hriat a nih vangin inralrinna thu chhuah nghal a ni. Lirnghing vang hian thi leh hliam an awm hriat a la ni lo.
 
*LAMTLUANG ZINGKAR CHANCHINTHAR LAWRKHAWM
*Nimin khan Dungtlang lalfanu,Lianchhiari ruhro chu a thihna hmun Hreichuk khua ami chu Dungtlang VC,NGO leh Hreichuk VC leh NGO te chuan phawrh in urhsun takin hun hman a ni. Hemi hnu hian Dungtlang lamah a ruhro hi phurh chhoh a ni ta ni. Lianchhiari hi a ngaihzawng Chawngfiang nen inneih tum anni a, an palai in sual a chhuah avangin an innei ta lo a, a lungleng in khawdang a pemta Chawngfianga a thlirna hmun chu tunlai thlengin 'Lianchhiari lunglen tlang' tia hriat a ni.

*Nimin zing dar 4:30 a an hostel atang a tlak vang a boral O2 Academy, Hyderabad a zirlai Malsawmdawngsanga (25), Govt. Complex, Aizawl ruang chu vawiin ah Hyderabad atangin Kolkata panpui hman beisei a ni a, ruhman anga thil a kal a nih chuan Pathianni ah Mizoram thlenpui hman tur a beisei a ni.

*Boko Haram firfiak pawl ten Nigeria ram a kumin April thla a sikul naupang hmeichhia 200 an ruk chhuahna khua Chibok chu Ningani tlai ah khan an thuhnuai ah an dah ta. Chibok khua hi Kristian awm tamna khua a ni.

*I lo hriat loh takin Boko Haram te hi Nigeria ram a Muslim firfiak pawl niin an sakhua Islam rorelna hnuai a Nigeria ram leh tum tute anni. Kum 2002 khan an indin tan a, an din tan tirh a an tumber chu khawtlang ram te zirna dodal a ni. Kum 2009 atang khan ral beih hna an thawk tan a ni. An pawl hming awmzia hi "Khawthlang zirna/zirtirna khap tlat a ni (Western Education is forbidden)" tihna a ni.

* European Space Agency (ESA) te chuan an thlalem kahchhuah Philae in nilaini a simeikhu (comet 67P) leilung a thlen hnu lawk khan a awmna chiah an chhuizawn thei rih lo a, heti chung hian Philae thlalem hian simeikhu thlalak thenkhat chu a mah kengtu thlalem lian zawk Rosetta satellite hnen ah thlalak thenkhat a thawn hman tho a ni. ESA scientist te hian Philae thlalem hi a hmalam hun tur sawi har an ti a, a chhan pawh an awmna tak an hriat chian theih tak loh ah chuan a mah tinungtu battery pawh a tawp thut thei niin an sawi a, an beisei anga an han chhuizui thei lo a nih chuan a battery hian vawiin bak a daih an ring lo a ni.

*UK a Coventry a cheng mipa naupang kum 5 mi Ayan Qureshi chu khawvel a Microsoft exam a pass naupang ber a ni. Ayan hi a pa chu IT consultant a ni a, a pa hian kum 3 a nih lai atangin computer hmandan a lo zirtir tawh a ni. Microsoft exam hi computer lama specialist nih tum ten an hmachhawn thin a ni a, Ayan-a hian a hmachhawn dawn tum hian exam vengtu ten a naupang lutuk an lo ti a, mahse a pa in a exam a dilpui hnuah ah phalsak a ni. Exam chu tha takin a pass ta a, tihian khawvel a Microsoft Certified Professional naupang ber a ni ta a ni. An chhungkua hi 2009 khan Pakistan atangin UK ah an pemlut a ni.

* National Pharmaceutical Pricing
Authority (NPPA) chuan India ram damdawi hralh tam ber pawl chi hrang hranh 100 te chu man tlawm zawk a zawrh tawh turin ruahmanna a siam. An ruahmanna te hi health ministry pawmpui turin an thawn tawh a ni. Heng damdawi man tih tlawm tur a tih te hi stress, hypertension, HIV, nachhawkna leh pneumonia damdawi te anni.

* BSF intelligence wing ten sorkar a report an thehluh ah China sipai ten India ramri hrul ah Pakistan sipai te ralthuam hman dan an zirtir thin niin an sawi.

*Aam Admi Party hotupa leh Delhi CM hlui Arvind Kejriwal chu Delhi assembly inthlan lo awm turah New Delhi assembly constituency ah a ding nawn leh dawn niin an party hruaitu pakhat chuan a sawi.

*Sochi, Russian a khelh mek World Chess Championship ah India chess khelthiam Vishwanathan Anand chuan champion lai Magnus Carlsen chu game 5-na ah a draw pui. Game sarih khelh tur an la nei a ni.

*India President Pranab Mukherjee chuan nimin khan India ram pum huap a naupang academic, sport leh culture lama hlawhtlinna nei mi 20 hnenah chawimawina a hlan.

*Tukin hian Mizoram khawpui lian leh thingtlang khaw tam tak ah vawk leh bawng thahnem tak talh a ni. Hei hian chhungkaw tam tak te Pathianni tuk chawei a tih tui phah hle thei dawn nia rin a ni 
 
*PRINCE WILLIAM TE NUPA IN US TLAWH DAWN
Kumin December ni 7-9 chhung hian Kumpinu lalfapa te nupa Prince William leh a nupui Kate Middleton te chuan US khawpui pahnih New York leh Washington DC an tlawh dawn. December ni 8 ah Prince William hi Washington DC ah kal in World Bank in anti corruption conference an neih turah a tel ang a, Kate Middleton chh New York a cham chhunzawm in tualchhung child development center a tlawh ang. Hemi ni tlaiah hian an nupa in NBA inkhel an en dun ang. A tuk zing ah an nupa hian youth centre an tlawh ang a, zanah St.Andrews University ah gala dinner an kil dawn a ni.
 
*MTV STAR CANCER IN BORAL
MTV Real World/Road Rules Challenge season a a changtunu thin Diem Brown (32) chu tunkar Zirtawpni (November 14) khan chibawm (ovarian) cancer avangin a boral. Kum 2006 khan cancer a ni tih hriatchhuah a ni a, mahse a natna chuan inhneh tir tum lo a MTV a challenge show ah a tel chhunzawm zel a, chemotherapy vawi nga la tur a tih a ni a, mahse vawi 1 chauh a la la hman tih ah a boral ta a ni. Kum 2012 thleng khan cancer vei chungin MTV show ah a la tel a ni.
 
*ISIS FIRFIAK TEN A HRANGA PAWISA NEIH AN TUM
Tunlai a Middle East leh Africa khawmual pui ram thenkhat te chawkbuai em em tu ISIS firfiak pawl te chuan an mahni a pawisa (currency) siam chhuah ve an tum. An pawisa siam tur hi rangkachak (gold), tangkarua (silver) leh darsen (bronze) a siam a ni ang a, a hmingah Islamic dinar tih a ni dawn a ni. He thupek hi the Islamic State pawl thuneitu sang Shura Council in a pawmpui tawh a ni.

14th November 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM

14.11.2014
*INDIA PM IN AUSTRALIA THLENG
Vawiin ah India Prime Minister Narendra Modi chuan Myanmar atangin Brisbane, Australia ah a thlawk lut. PM Modi hi naktuk atanga tan tur ni hnih awh tur khawvel sorkar lian 20 te intawhkhawmna G20 Summit ah a tel ang. I lo hriat loh takin G20 a tel ram te chu- Argentina, Australia,Brazil, Canada, China, France, Germany, India, Indonesia, Italy,Japan, South Korea, Mexico, Russia, Saudi Arabia, South Africa, Turkey, UK, US leh European Union (EU) te anni.

 
*UK IN UNDER GRADUATE ADMISSION TIH NAN CBSE CERTIFICATE PAWM TAWH DAWN
Union minister for Human Resources Smriti Irani in a sawi danin India zirlai ten UK a under graduate programme atana admission an dilna ah CBSE certificate an neih chuan UK a University ten an lo pawm sak zel tawh dawn a ti. UK University thenkhat ten UG admission atan CBSE certificate an lo pawm sak lo fo thin a, hemi chungchang hi nimin khan New Delhi a 6th UK India Bilateral Education Forum meeting ah sawi chhuah a ni a, India zirlai ten harsatna an tawh hi sutkian a ni dawn ta a ni.

Lamtluang thulakna in a tarlan danin, nimin a India leh UK hruaitute inhmuhkhawmna ah hian India zirlai UK a lehkhazirzo tawh ten, post-study work visa hmang a kum khat chhung a 20,000 British Pounds an hlawh theihna tur a hnathawh chhunzawm phalsak turin India sorkar aiawh te hian UK lam hi an ngen bawk a ni. Hemi chungchang hi UK minister of State for Universities Greg Clark chuan an rama thuneitu sang te hnenah a lo thlen tur thu a sawi.

 
*LAMTLUANG ZINGKAR CHANCHINTHAR LAWRKHAWM
*Trained Nurse Association member te chuan an Golden Jubilee lawmna kal zelah nimin khan Aizawl Civil Hospital ah leh Synod Hospital Durtlang ah thisen pek runpui an nei. Aizawl Civil hospital ah hian thisen unit 97 an pe a, Synod Hospital Durtlang ah hian thisen unit 13 an pe bawk a ni.

*Lai Idol 2014 atan Lalchhanhimi, Sangau-I chu thlan a ni. Lawmman atan Rs.Nuai khat dawn a dawn bakah athlawn a US kal theihna lawmman a dawng tel a ni.

*India Army hotute chuan kum 2010 a Jammu and Kashmir a Machil hmun a thulem phuahchawp a Kashmir thalai 3 te kaphlum tu India sipai 5 te chu damchhung lung in tangturin hremna an pe. Heng an kahhlum te hi Pakistan firfiak pawl tiin an kaphlum a, mahse an han chhui chiang a Baramulla District, Jammu and Kashmir a chengte an lo ni leh si a ni.

*India defence minister Goa Chief Minister atanga bangta Manohar Parikar leh mi dang 9 te chu nimin khan Uttar Pradesh atangin Rajya Sabha member atan chuhtu awm lo a thlan tlin anni.

*Bhopal court chuan kum 1984 a Bhopal khawsir a Union Carbide Corporation (UCC) te factory atanga gas put chhuak avanga mitam takin nunna an channa a mawhphurhtu ber Union Carbide Corporation (UCC) leitu Dow Chemical lakah thubuai siam thar leh turin CBI a hrilh. Dow Chemical te hi UCC aiawh hian Bhopal gas vanduaina thleng thubuai court a ngaihtuah a nih laiin an inlan lo a ni.

*14-27 November 2014 chhung a neih tur India International Trade Fare chu vawiin hian Pragati Maidan, Delhi an neih tan a ni dawn. India President Pranab Mukherjee an a hawng dawn a ni. He trade fair ah hian ram hrang hrang 25 atangin sumdawng te an rawn in pho chhuak dawn a ni.

*Nimin piah a UN General Assembly session ah UN Security Council member tih len sawiho a ni a, UK, FRance leh Nepal te chuan India chu Security Council Permanent member atan an thlawp thu an sawi lang.

*International Crimes Tribunal chuan kum 1971 a Bangladeh in zalenna a sual lai a Razakar Bahini pawl hotupa Zahid Hossain (70) chu Hindu te in leh lo halsak bakah mihring thah, pawngsual, hnehchhuh leh Hindu temple halna a mawhphurtu ber ah puh in thi turin a chung thu an rel sak. Zahid Hossain hi Bangladesh atangin a tlanbo a tunah hian Sweden ramah a biru ni a sawi a ni.

*ISIS firfiak pawlte chuan tunhnai a an pawl hotupaber Abu Bakr al-Baghdadi thi anga sawi chu a diklo tih finfiah nan a thusawi lai audio record chu an tlangzarh.

*Nimin khan London ah 10th annual Guinness World Records Day denchhenin khawvel a mihring sangber Turkey ram a mi kum 31 a upa Sultan Kosen (8ft 9inches a sang) leh khawvel a mihring tawiber Nepal ram a mi kum 74 a upa Chandra Bahadur Dangi (inches 21 leh a chanve a sang) te hmaichhan ah inhmuh tir anni. An thlalak kan rawn tarlan hi anni e.

*Lamtluang page a thuthar kan rawn post te hi in comment kan hmu tam lo thin a, in comment a lo awm va hi chuan min hlutsak ve a nih ringin kan lo phur ve em em thin a ni. Tukin a kan thu post hi chhiar chhuak dap te chuan CCD tiin comment ang u hmiang. Tukchhuah nuam vek ule.

 
*HYDERABAD AH MIZO ZIRLAI BORAL
Malsawmdawngsanga, Govt.Complex, Aizawl, O2 Academy, Hyderabad a zirlai chu nizan khan an hostel atangin a tla a, NIMS hospital, Panjagutta ah hruai a ni a, a hliam tuar lo in tukin dar 4:30 khan a boral. A ruang hi tihfel ngai te tihfel a nih hunah Mizoram lama haw pui tur a ni.

 
*TAYLOR SWIFT IN A HLA THAR SPOTIFY ATANGIN LA LET
Zaithiam lar Taylor Swift chuan a album thar '1989' chu Spotify website atangin a lalet leh. Spotify lam hian Taylor-i hlathar an chhawpchhuah sak man ah hian $2m (£1.2m) an pe tawh niin an in sawi ve thung. Taylor Swift album thar 1989 hi US leh UK top chart ah a lang mek a ni.

 
*UNION MINISTER MARKSHEET LEM HMANGA PUH A NI
Karhmasa lawk a Union Minister of State for Human Resources atana lak thar Ram Shankar Katheria chuan a graduate marksheet a Hindi leh English subject a mark hmuh siam chawp nia puhna chu 'poltics hmanga min beihna' a ni a, thutak a lak chi a ni lo a ti. A marksheet siamchawp a puh chungchang hi BSP party mi inthlan a khingpuiin 2010 khan court ah a lo thehlut tawh a, tunthla November ni 26 ah Agra session court ah ngaihtuah a ni dawn a ni.

 
*KIM KARDASHIAN SARUAK THLALAK INTERNET AH A DARH CHAK HLE
Tunkar nilaini a Paper Magazine cover a mi tur Kim Kardashian saruak thlalak chu internet lamah a darh chak hle. Paper Magazine te hian an instagram account ah Kim Kadarshan in a pasal Jean-Paul Goude awmlai a saruak deuh thaw a a thlalak chu an upload a ni.

 
#MPL
Bethlehem Vengthlang FC 1-1 Reitlang FC

13th November 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM

13.11.2014
*DIRECT BENEFIT TRANSFER SCHEME CHUNGCHANGA FCS & CA DEPARTMENT THUCHHUAH
Indian Oil Corporation Limited (IOCL) hnen atanga thu dawn danin, kum 2015, April atangin Central Sawrkar in Mizoram a Domestic LPG Consumer-te tan Direct Benefit Transfer Scheme a kalpui tawh dawn a. He scheme ruahmanna-ah chuan, LPG Consumer ten LPG Distributor/Agent-te hnen atangin Gas man tlawm a lei tawh lovin, a man pangngai (Market Rate) in an lei tawh ang a, a man tlawmna (Subsidy) chu Consumer-te Bank Account-ah sawrkar in a thunsak tawh dawn a ni. Hetianga kalpui anih tawh dawn avang leh Consumer ten he hamthatna hi an dawn ngei theihna atan, Domestic LPG Connection neitu zawng zawng ten Indian Oil Corporation Limited (IOCL)-in a rawn duan, Form 3 leh Form 4 hmangin, Gas Subsidy an dawnna tur Bank Account Number leh Mobile Phone Number, an mahni Distributor/Agent-te hnenah theuh thehluh tur a ni. Bank Account neilo leh thehlut lo chuan he hamthatna hi a dawng ve thei lo ang.

Mizoram chhunga Consumer-ten harsatna an tawh loh nan leh felfai zawk a kalpui anih theih nan, a hetiang hian ruahmanna siam a ni:

i) Consumer-ten Bank Account No. leh Phone No. thehluhna tur form hi copy khatah Rs.5/- ai a to lovin Distributor-ten an hralh thei ang. Midang Form lei-sa pawh photocopy siam a hman theih a ni ang a, internet atanga download pawh pawm a ni bawk ang.

ii) Consumer-te awlsam zawkna atan, Distributor hnenah kal kher ngai lo in, Bank account nei sa tan,Bank-ah ‘Form 3’ hmangin an thehlut thei bawk ang.

iii) Consumer ten form an thehluhna ah hian an Bank Passbook, thlalak leh Hming leh Account No. lanna photo copy an thil tel tur a ni.

iv) He Direct Benefit Transfer Scheme atanga consumer-ten harsatna an tawh loh nan leh leh hun tiam hma a zawhfel a nih ngei theih nan Distributor-te hmalakna lo tawiawm turin, mipuite a ngen a ni. (DIPR)

 
*CASEY WILSON IN NAUPAI
'Marry Me' tih film changtunu Casey Wilson chuan a pasal David Casley nen a an fa hmasaber tur a pai mek thu a sawi chhuak. Hemite nupa hi kumin May ni 25 khan OJai Valley Inn, Ojai (California, US) ah an innei a ni.

 
*THUPEK
Sub-Divisional Magistrate, Aizawl District Aizawl chuan Sec.144 Cr.P.C. 1973 in thuneihna a pek angin a hnuaia mi ang hian thuchhuah a siam :-

New Secretariat Complex huam chhung hmun hrang hrangah hian Driving Scholl-a zir te leh mi hrang hrangten motor/lirthei khalh an zir thin tih hriat a ni a. Helai hmun hi sorkar office pawimawh awm khawmna a nih bakah ke a kal mihring te leh lirthei vei vak te tan a hlauhawmin a him tawk lo hle tih hriat anih avangin helai hmuna motor/lirthei khalh zir hi khap ngei tula hriat a ni a.

Tun atang chuan New Secretariat Complex Khatla huam chhungah hian mi tumahin motor/lirthei khalh an zir tawh tur a ni lo.

He thupek pawisa lo tute chu Dan anga hrem theih an ni ang. He thupek hi sut leh a nih loh chuan vawiin ni 15.11.2014 atanga thla hnih (15.1.2015) chhung a huam ang. (DIPR)

 
*THOSI IN MIHRING THISEN AN ZUK DUHNA CHHAN HRECHHUAK
Rockefeller University, New York a mithiam te chuan thosi in mihring thisen an zuk duh na chhan hi mihring taksa a chemical awm sulcatone rim an hriat theih vang a ni an ti. He mi rim hi mihring ten kan neih avangin thosi te chuan kum sang tam tak kalta atang khan chaw awmna rim niin an lo hre thang tawh a ni an ti.

 
*TLAILAM CHANCHINTHAR TAWI
*Tamil Nadu sorkar chuan an Chief Minister hlui J.Jayalalitha chu kum 10 chhung atan sorkar kaihhnawih a tel thei lo turin hremna a pe. A bial Srirangam Constituency pawh a ruak anga ngaih tur leh inthlan that nei tur a tih a ni.

*Sorkar in petrol leh diesel atanga chhiah (excise duty) a tihpun avangin petrol leh diesel man litre 1 zel ah Rs.1.50 in tihsan a ni a, hei hi petrol pump ten an zawm nghal dawn em tih a la hriat loh.

*Nizan a kan rawn post European Space Agency te te thlalem kahchhuah Philae chu simeikhu ah a tum hnu in a chin hriat loh in a awm mek. ESA scientist te hian Philea atang hian engmah inbiakpawhna leh thlalak an la dawn belh thei hrih lo a ni.

*Supreme Court chuan sorkar laipui hnenah ni 10 chhung a state leh UT zawng zawng chief secretary te ko khawm a India ram hmun hrang hrang a chenna in leh lo neilo te chhawmdawl dan tur ngaihtuah rang turin hriattirna a pe.

*India leh US chuan eitur chhekkhawl chungchang ah inremna thar an siam. Hei hian WTO thuthlung India in a ziahpui duh loh chungchang ah awmzia a nei hle tur a ngaih a ni. WTO thuthlung ah chuan ram pakhat in ram dang a thawn chhuak lo a eitur a chhek khawl teuh bik hi phalloh a ni.

*Post hlui te khu 'see more' tih kha click la hai thla zel teh nizan leh nimin lama kan news post i la chhiar loh a tam a nia. I hrelo bik ang tih kan hlauh pui che.

 
*BOARD MEMBER ATAN RUAT
All India Board Examination for Finger Print Expert-2014, November 15 - 22, 2014 chhunga New Delhi-a neih tura Board member 4 (palin) zingah Pu H. Sangchungnunga, Joint Director, Forensic Science Laboratory, Mizoram chu ruat a ni a ; North-East atanga he board member atana ruat hmasak ber a ni. All India Finger Print Expert Examination hi National Crime Record Bureau (MHA) Government of India chuan kum tin a buatsaih thin a ; heta tlingte chauh hi All India Finger Print Expert atan pawm an ni thin. (DIPR)

 
*LAMTLUANG ZINGKAR CHANCHINTHAR LAWRKHAWM
*Mizoram legislative assembly session neih mek chu vawiinah chhunzawm leh a ni ang.

*Kumin September ni 28-a thi, a tuk ni 29-a North Chaltlang thlanmuala phum tak J Lalawmpuia (20) s/o.Laldawngliana ruang chu nimin khan Magistrate kaihhruaina hnuaiah phawrh lehin, a hmunah Post Mortem a ni. J.Lalawmpui hi September ni 28, 2014 khan Aizawl Ramhlun Sports Complex-ah nikhaw hrelo-in hmuh a ni a, damdawiin panpui a nih laiin a thi a, a chhungten Bawkawn P/S ah FIR an thehluh avang in a ruang hi phawrh leh a ni.

*School Education Department leh Health & Family Welfare Department tangkawpte chuan Children's Day leh World Diabetes Day pualin Fitness Run, naktuk November ni 14, 2014 ah an buatsaih dawn.

*Nimin khan Mizoram Chief Minister Lal Thanhawla'n All Mizoram Farmers' Union (AMFU) din champha vawi 20-na Vanapa hall, Aizawl ah a hmanpui.

* Vaivakawn-Kanan-Seventh Day Tlang kawng peng thuam lai kawngpui tawt thin lutuk sutkian nan kawngpui rawt hniam chungchang sawihovin nimin chawhnu khan UD&PA Minister Pu Zodintluanga hovin Secretariat Conference Hall ah sorkar department kaihhnawih officer te leh helai kawngpui hmangtu veng hrang hrang
khawtlang hruaitute an thukhawm. Kawng rawthniam hna hi tunkar Inrinni zan dar 6 atanga thawh tan tur a tih niin chawlhkar khat chhung a thawh zawh hman an inbeisei a ni.

* Maharashtra Assembly speaker thlan thar Haribhau Bagade chuan nimin a Maharashtra assembly session a thusawi tur a an state Governor lo luh lai a mawi lo tak a an khawsak avangin Congress MLA panga te chu kum 2 chhung atan hremna a pe.

*Lamtluang ah kan rawn post tawh thin angin Inrinni liam ta a Chhatisgarh thingtlang khua Pendari a sorkar doctor ten nu nau nei tawh lo tur an siam te zing a thizat chu 13 an tling ta. (I la hriat chian loh chuan kan post hmasa ho hai let la). Heng hmeichhe insiamte khawihtu ber Dr.R.K Gupta chu police ten thuzawhfiah turin an man tawh a ni. Khami ni khan nu 83 a insiam tir a, insiam nan hian nu pakhat khawih nan minute 2 vel a hmang ni a sawi a ni. Nu 70 te he insiamna avang hian damdawiin ah enkawl mek anni.He thil thleng enfiah tur hian AIIMS, Delhi doctor rual ten Chhatisgarh an thleng tawh a, nimin khan damlo te hi an enfiah a ni.

*Nimin zing khan Gwalior, Madhya Pradesh ah sipai lak tur intlar laiin electric hrui chat a awm tih thuthang a awm avangin sipai a intlar ho an inchil buai a mi 50 chuang in hliam an tuar.

*Nimin khan India Prime Minister Narendra Modi chuan Myanmar ram khawpui Nay Pyi Taw a Park Royal hotel ah Myanmar ram a mipui thlan sorkar din duhtu leh Opossition leader ni mek Aung San Suu Kyi a ti ti pui. I lo hriat loh takin Suu Kyi hi Lady Shriram College, Delhi a lehkha zir thin a ni. PM Modi hian Myanmar ah hian India-ASEAN summit vawi 12-na a hmang a ni.

*India sorkar chuan Indian railways hnuai ah rel(train) ekin, a tihfai leh insukna tha chi siam nan leh zun leh ek sawngbawl nawn turin ram dang atangin company te rawih phalna a pe. Hei hi Foreign Direct Investment dan kalphung ang a tih tur a ni.

*Nimin khan Tamil Nadu a Dindigul district huam chhung a Vilampatti khua a Kallar Higher Secondary School a pawl 12 zirlai Vinod chu a pawlpui pa nen an insualna ah a thaw a chham a boral.

*Russia chuan NATO sipai hotuten Ukraine khawchhak lama Russia zawm duh pawl helpawl te pui tur a sipai leh tank rual a tir chhuak nia an sawi chu thudik lo a ni a ti.



*EBOLA VANGA THI ZAT PUNG ZEL
World Health Organization (WHO) thuchhuah in a tarlan danin Africa khawthlang lama ebolna natna hrileng vangin November ni 9 thleng khan mi 5,147 an thintawh a ni. He natna vei chhinchhiah tawh zat chu mi 14,068 an awm a ni.

 
*POLICE IN ZIRLAI NAUPANG SAWISA
Kolasib Police Station a duty lai Lalremruata IR battalion a mi chuan Diakkawn Salem veng naupang, Class X zirlai Malsawmtluanga chu mobile phone rû ah a puh vangin Police Station ah silawng khawpin kut a thlak a, hei vang hian exam a chhunzawm theilo. Kut thlaktute atang hian nizan thlenga ngaihdam dilna mumal tak an la dawn loh vangin naupang chhungte hi an
lungawi tawh lo hle.
Source: Kolasib Aw

 
*MARC ANTHONY TE INNEI TA
Tunkar Thawhleni (11 Nov) khan zaithiam Marc Anthony (46) leh a bialnu model kum 26 a upa Shannon De Lima chu a in La Romana,Dominican Republic ah "tiam tlat e" an ti ta. An inneih hmanpuitu te hi mi sawm bik 100 anni. Nupa tuak thar te hi kum 2012 atang khan a chang a intihthiamloh nei ve fo chungin an lo inkawp tawh a ni. Marc Anthony hi Jennifer Lopez pasal hlui a ni tih inhriat sa kha, tun a a nupui De Lima pawh hian midang lakah fapa 1 a nei tawh bawk a ni.

 
*SIMEIKHU AH MIHRING SIAM THLALEM TUM TA
India sana a zanin dar 9:30 khan European Space Agency te kahchhuah thlalem Philae lander an tih chu Simeikhu (Comet 67P/Churyumov-Gerasimenko) ah him takin a tum ta. Thlalem Philae lander hi India sana a vawiin chawhnu dar 1:30 khan a kengtu thlalem lianzawk Rosetta spacecraft atang a tawlh chhuak in simeikhu hi a pan a ni. Philae lander hian simeikhu a thla a lak te chu Rosetta spacecraft ah a thawn hmasa zel anga chuta tang chuan lei lamah scientist te zirchian turin a rawn thawn chhawng leh thin dawn a ni.

5th-12th November 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM

12.11.2014 
*MZP Inter high school quiz 2014 result:
1-na St.Pauls Higher Secondary School, Aizawl
2-na Springfield Higher Secondary School, Aizawl
3-na Faith Academy, Aizawl
 
*Iraq khawpui Baghdad a Federal Police headquarters chu thihchilh bomb leh car bomb hmanga beih anih avangin mi 23 an thi.
 
*MP tinte pual model village nei tura ruahman zingah Mizoram bil atan Chhiahtlang khua thlan anih thu Rajya Sabha MP Pu Ronald Sapa Tlau chuan vawiin khan Chhiahtlang Community Centre ah a puang a ni.
 
*BANK HNATHAWK TE AN NUAR
Vawiin ah India ram pumah Bank hnathawk ten hlawhpun leh thildang hamthatna siam sak phutin nawrh an huaihawt. Lamtluang thu lakna in a tarlan danin he bank hnathawk te nawrh huaihawt hi Public sector bank 27 a branch 75,000 leh private bank 18 a branch 25,000 leh foreign bank 8 ten an zawm a ni.

All India Bank Employees Association senior vice president Vishwas Utagi sawi danin Bank hnathawk te an nawrh avang hian vawiin ah cheque Rs. Vaibelchhe 10 chuang chinfel loh a ni ang a, ni 5 chhung vel a chinfel nan tihkhawtlai phah a ni thei a ni a ti. ATM te pawh Ningani zing thleng pawisa dahluh belh a ni thei rih dawn lo a ni.
 
*India boxer Meitei nula L Sarita Devi in Asian Games a boxing semi final lawmman a lakduh loh chungchang ah AIBA president CK Wu chuan AIBA congress ah a chungchang ngaihtuah a ni ang a, khawngaihna tello in hremna na tak pek a ni ang a ti.
 
*NARENDRA MODI AN INSTAGRAM HMANG TAN
India Prime Minister Narendra Modi chuan a vawi khat na atan thlalak share na site instagram chu a hmang ve ta. A thlalak upload hmasak ber chu Myanmar a ASEAN summit vawi 25-na neihna hmun a ni. Modi a hian social networking site a hmang nasa hle a, Twitter ah follower 77,94,847 a nei a, Facebook a page chu mi 2,45,97,751 in an like bawk a ni.
 
*Mizoram Governor Dr.K. K. Paul chuan nimin khan Aizawl hmun hrang hrang – RIPANS, TNT, ATC leh State Museum a tlawh.

RIPANS ah chuan Governor hi Dr. Chawngthanliana, Director leh a thawhpui te chuan RIPANS kalhmang leh helai hmuna zirtirna pek anih dante an hrilh a. Governor hian an hmun hma thenkhat te a tlawh.

Governor chuan TNT a awm ten an thiam thil hrang hrang lam leh brass band te an lo entir chu lawmawm a tiin hetiang ti thei tur hi chuan inpumpekna leh inkhuahkhirhna tha tak an nei tih a lantir a ni a ti. TNT dintu Pu Sangthankima’n tunhnaia Mumbai-a chawimawina ‘Mother Teresa Award’ a dawng chu he hmun mai bakah Mizoram state pum tan thil chhuanawm tak a ni tiin a hnathawh ropui tak avangin naupang hlim hmel tam tak a hmu thei chu Governor chuan lawmawm a tih thu a sawi. Governor hian TNT tan Rs. 25,000/- a pe bawk. Tunah hian TNT ah full time workers 68, nauhnuchham 420, pangpar huanah 250, De-addiction Centre ah 303 an vaiin 1041 an awm mek a ni.

ATC ah Governor hi Principal Rev. Prof. Vanlalchhuanawma leh a thawpui ten lo dawngsawngin he hmun chanchin tlangpui an lo hrilh a ni.Governor hian State Museum tlawhin Art & Culture Jt. Director Pu Hmingthanzuala leh a thawhpui ten Museum-a thil chi hrang hrangte an enpui a ni.

Governor hi Pu M.S. Rao IAS, Principal Secretary to Governor of Meghalaya leh Pu Manoj Kumar IAS, Secretary to Governor of Mizoram ten an tawiawm a ni.


Nizan khan Governor hian Council of Ministers te Raj Bhavan ah zanriah a eipui a, vawiin ah Shillong panin a kal ang.
 
*Tukin a kan rawn tarlan tawh angin vawiin ah Maharashtra sorkar thar chu thlawptu a nei tam tawk em tih fiah a ni a, CM Devendra Fadnavis (BJP) sorkar chuan fiahna pal tlangin sorkarna an chelh zui zel dawn a ni. Tin, assembly speaker atan BJP candidate Haribhau Badge thlan tlin a ni bawk
 
*Vawiin ah Maharashtra state assembly ah Chief minister Devendra Fadnavis (BJP MLA) kaihhruai sorkar thar chu thlawptu a nei tam tawk em tih fiah a ni dawn. BJP hian MLA 121 an nei a, Shiv Sena in MLA 63 an nei a, Congress in MLA 42 an nei a, Nationalist Congress Party in MLA 41 an nei bawk a ni. Sorkarna siamtu BJP leh an thawhpui thin Shiv Sena te hi an tangrual theilo anih chuan NCP hian BJP sorkar hi pawn lam atanga thlawp an hnial loh thu an sawi tawh a ni. Sorkar fiahna neih a nih hma hian Assembly speaker tur thlanna neih a ni ang a, BJP, Shiv Sena leh Congress te hian a hrang theuh in candidate an nei a, an boruak hi a ngaihnawm viau mai thei a ni.
 
*JURASSIC PARK CHANGTUPA IN NUPUI NEI
America ram a filmstar lar Jeff Goldblum (62) chuan kum thum lai a lo rim tawh Emilie Livingstone (31) chu Inrinni liamta November ni 8 khan Los Angeles ah 'tiam tlat e' a tih pui ta.

Lamtluang thulakna in a tarlan danin an inneih ni hian Jeff Goldblum hian piano tumin a nupui tan hian hla a sa a ni. A nupui Emilie pawh hi filmstar tho a ni. Jeff Goldblum hian a hma in nupui dang 2 a lo then tawh a ni. I hriatsa tho mah nise, Jeff Goldblum film chan langsar zual te chu - The Fly, Jurassic Park, Jurassic Park:The Lost World, leh Independence Day te anni. An nupa hi kumin July thla khan innei turin an inhual a ni.

*MZP huaihawt inter-high school quiz chu naktuk zanah final neih a ni dawn.

*LAVA IN SELFIE LAKNA BIK SMARTPHONE SIAM CHHUAK
Lava international chuan phone camera atanga mahni thlalakna (selfie) tur bik a duan smartphone 'Iris Selfie 50' an siam chhuak. Arawng chu chihnih a dum leh a var niin a man Rs.7,699 a ni. A hmalamah camera 8MP auto-focus a awm a, HD recording leh dual LED flash a support bawk a ni. Selfie lak na tur bik a hma lamah tho hian camera 5MP LED flash support a awm bawk.

Lamtluang thulakna in a tarlan danin Iris Selfie 50 smartphone hi a hlai zawng chu 5-inch (854X480p) a ni a, LCM display laminate a ni. Processor ah 1.2GHz quad-core a hmang a 1GB RAM a ni bawk. Internal memory 8GB a ni a, external memory chu microSD card hmangin 32GB thleng a tih len theih a ni. 2400mAh battery a hmang a, tin, Android 4.4 KitKat a hmang tel bawk.

A rawng dang a dumpawl chu karleh ah zawrh chhuah a ni ang a, a man chu a dum leh avar aiin a to hret ang a, Rs 7,899 a zawrh a ni ang.
  
11.11.2014 
*INDIA PM IN BURMA TLAWH
Vawiin khan Myanmar khawpui Nay Pai Taw ah India Prime Minister Narendra Modi chuan Myanmar President U Thein Sein hmu in ram 2 inkar a inkalpawhna tha zawk awm theih dan tur te, hnamzia inhriattawnna tur hun insiam tawn sak te, sumdawnna a thawh dun dan tur te a sawi pui a ni. An thil sawi dun zingah hian Trilateral Highway te, Mizoram chhimlam a Kaladhan Road Project leh Imphal Mandlay Bus Service chungchang te pawh a tel a ni.

*Hemi hma chiah a kan rawn post tawh angin Inrinni liam ta a Chhatisgarh a Pendari thingtlang khua a sorkar doctor ten nu fanei thei tawh lo tur a an siam te zingna thi zat chu 11 an tling ta. Sorkar doctor te hi an fimkhur tawk lo a ni ngei ang. Post hmasa en la.
 
*CHHATISGARH AH NU NAUNEI INSIAM VANGIN 8 AN THI
Chhatisgarh a Bilaspur district huam chhung Pendari thingtlang khua ah Inrinni khan sorkar doctor ten health camp an nei a, nu naunei thei tawh lo turin an siam sak hlawm a ni. Chung an siam zing a nu 8 te chu a tukah an boral a, midang 50 te pawh an insiam avangin insawiselna neiin damdawiin ah enkawl leh mek an ni. He thil thleng avang hian health department a thawk mi 4 te suspend nghal anni a, Bilaspur chief medical health officer pawh suspend nghal a ni. State sorkar chuan doctor leh nurse te inthlahdah vang a he thil hi a thleng anih chuan a tisualtubte chungah na tak a hremna an lak tur thu an sawi a ni.
 
*LAWNG CAPTAIN KUM 30 TANG TURIN ROREL SAK
Kumin April thla a South Korea ram a lawng chesual a zirlai naupang 300 an thih kha kan la hre theuh awm e. Kha lawng chesual a mawhphurtu ber a puh lawng captain Lee Joon-seok chu kum 30 chhung lung in tang turin a chung thu relsak a ni a, lawng chief engineer Park pawh kum 30 chhung tang tur a tih a ni bawk. Lawnga thawk midang 13 te pawh kum 20 lungin tang tur a tih anni.
 
*Vawiin khan Finance minister Lalsawta'n Mizoram legislative assembly ah Mizoram budget 2014-15 a pharh.
 
*NAU NEIH ZAWH HNU IN CHRISTINA AQUILERA MIPUI HMA AH IN LAN LEH
Zaithiam Chritina Aquilera leh a pasal Matthew Rutler te chuan kumin August ni 16 khan an fa 2-na atan fanu Summer Rain an nei a, Christina hi a fa neih hnu a mipui hma inlan leh hmasaber chu Pathianni liamta khan a ni. He mi zan hian an nupa in Breakthrough Prize Awards semna ah an rawn inlan a ni. A nau neih vang hian Chritina hian a thau lutuk a hlau a, eirawngbawltu hran ruaiin a diet a thlak danglam nasa hle a, thla 2 aia tam chhungin a rih zawng pound 46 in a ti tlahniam hman a ni.
 
*CRISTIANO RONALDO IN LA LIGA A STRIKER THABER CHAWIMAWINA NA DAWNG
Real Madrid player Cristiano Ronaldo chuan Spanish League (La Liga) season liamta a striker thaber (Best Striker) chawimawina a dawng. Season liamta ah khan goal vawi 31 a thun a ni.
 
10.11.2014
THIHCHILH BOMB PUAK VANGIN ZIRLAI 48 THI
Tukin khan Nigeria ram a Potiskum khawpui a Government Technical Science College zirlai naupang ten assembly an neih laiin mipakhat in thihchilh bomb a tipuak a, zirlai 48 an thi a ni. He bomb tipuak tu hi Muslim firfiak pawl Boko Haram te tih ni a rin a ni.

9.11.2014
 JLo IN A PASAL HLUI MARK ANTONY NUPUI NEI TUR CHU A THA A TI
Zaithiam lar Jennifer Lopez chuan a pasal hlui Marc Anthony leh Shannon De Lima ten inneih tum a inhualna (engagement) an tifel chu "Ka lawmpui khawp mai"a ti. JLo hian a sawi zel na ah "Tunah hian ka single mek a, mahse kumkhua in ka single bik lo ang, mi ropui tu emaw an la rawn lang ve mai ang" a ti.

Lamtluang thu lakna in a tarlan danin Mark Anyony leh Shannon De Lima te hi tun thla laihawl vel hian Dominican Republic ah inneih an tum a ni. JLo tan hian Mark Antony hi a pasal 4 na a ni a, fa phir an neih hnuah kum 2011 khan an in then a ni.

5.11.2014
BOMBAY STOCK EXCHANGE AH PAWISA PUNG NASA
BSE Sensex (Bombay Stock Exchange Sensitive Index) chuan a vawi khatna atan tukin khan 28,000-mark a kai chho a, NSE Nifty (‘N’ational Stock Exchange F‘ifty’) pawh in 8,363.65 a kai chho a ni. Sensex (30 sensex index) punna hlawkpui tu langsar zual te chu Bajaj Auto, BHEL, Cipla, ITC, L&T, SBI,
Sun Pharma, TCS, Tata Motors and Tata Power te anni. Stock exchange ah hian mi hausa ho in an sum neihsa peipun nan share an hauh thin a ni.