13th March 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM13.3.2014
*SUB HQRS YMA, LUNGLEI HRUAITU THAR TE
Vawiin khan kum 2014-16 chhunga Sub Headquarters Young Mizo Association, Lunglei Office Bearers thlanna Saikuti Hall-ah neih a ni a. Heng a hnuai amite hi thlan tlin an ni:
President : Pu R. Lalnunthara, Lunglawn
Vice President : Pu K. Lalfakzuala, Farm Veng
Secretary : Pu Lalrotluanga Electric Veng
Assistant Secretary : Pu Malsawmdawngliana, Venglai
Treasurer : Pu Lalduhawma Hnamte, Zohnuai
Finance Secretary : Pu R. Chhuanvawra, Theiriat

Courtesy: Gilbert Renthlei via Lunglei Chanchinthar Group
 
*GOVERNOR IN MIZORAM TEAM TE PAWISA A PE

Tea party - Mizoram team & Governor

Mizoram Governor Pu Vakkom Purushothaman chuan vawiin khan Raj Bhavan ah 68th National Football Championship for #Santosh_Trophy a Champion #Mizoram_Football_Team te chu thingpui ruai a buatsaih sak. He hun hi Pu Lal Thanzra, President, MFA leh MFA Office Bearers ten an hmanpui.

Governor chuan India ram pum hriat hlawh turin Mizoram kilkhawr tak ami chuan State tan thil chhuanawm tak an thlen a ni a ti a, thingkung pawh hi a chi tuhtu an awm loh chuan amah maiin a tiak thei ngai lo ang bawkin Mizoram Football atan pawh hian kan Chief Minister ni lai hian tunhma deuh tawh khan football chi hi a lo tuh a, chumi thanglian chu vawiin hian kan hmu ta a ni a ti.

Champion an nih lawmpui nan Governor hian Team Captain Zico Zoremsanga hi Rs. 10,000 leh players dang te leh Official te chu Rs. 5000 theuh a hlan. MFA President Pu Lal Thanzara pawhin thusawiin Governor tawiawmna ah lawmthu sawiin players te chu duhsakna a hlan.
Courtesy: DIPR
 
*Tunlai a khawvel sorkar hrang hrang te ngaihven ruk reng Crimea parliament chuan Ukraine lakah independence an puang a, Pathianni lo awm turah hian an ram mipuite hnenah Russia sorkar zawm nge mahni a a hrang a rorelna neih an duhzawk tih ngaihdan an lakhawm dawn a ni. Khawvel sorkar lian 7 intel khawm Group of Seven, G-7 ti a sawi thin Canada, France, Italy, Germany, Japan, US, UK te chuan Russia chu Ukraine tualchhung buaina ah hian inrawlh tawh lo turin an ngen bawk.

*India ram a a vawi 1-na atan Lok Sabha inthlan lo awm tur ah Nagaland leh Assam ah tw Plastic Photo Identity Card hman tir anni dawn. 

*Nimin a Mumbai a AAP hotupa Arvind Kejriwal phurtu autorickshaw driver chu AAP hotute 3 aia tam a phurh avangin pawisa chawi tir a ni.