Tuesday, 11 March 2014

11th March 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM
11.3.2014
*ZNP IN TANGRUAL PAWL CHHUAHSAN
MP thlanna neih turah UDF atangin ZNP an chhuak a. BJP leh Hmar welfare nen thawh ho an tum. Source: Zonet News
Courtesy: Lalsawmliana Hauhnar via Zoram Thlirtu

 
*MIZORAM SORKAR LEIBAT DAN INDAWT
Mizoram sorkar in leiba a neih dan indawt chu a hnuai a mi ang hi a ni:
2007-2008 = Rs. 27.92 Vaibelchhia
2008-2009= Rs. 30.02 Vaibelchhia
2009-2010= Rs. 32.27 Vaibelchhia
2012-2013= Rs. 328.94 Vaibelchhia (NLUP sem kum)
2013-2014= Rs. 345.38 Vaibelchhia
2014-2015= Rs. 362.65 Vaibelchhia
(Source: The Zozam Times Dt .11/3/2014).
Courtesy: Mamuana Mizo via Zoram Thlirtu Group

 
*Lok sabha 2014 inthlan lo awm tur atana inbuatsaih nan vawin khan DC Conference Hall Lunglei ah 1st Level EVM Checking chu tan a ni. EVM te hi Bharat Electronics Limited (BEL) Bangalore atanga lo kal Engineer Pratab Kumar leh Diva Kumar ten checking hi an kaihruai a, he Checking ah hian Official leh Political Party te an tel kim hle ani. EVM hi 270 te endik tur niin vawiin leh naktuk awh tur a ruahman a ni. -DIPR
 
*FORD MOTOR SIAMCHHUAKTU TUPA THI
Khawvel a motor siamchhuaktu lar Henry Ford-a tute zing a mi William Clay Ford Sr chu chawlhni liamta ah khan kum 88 mi niin pneumononoa natna vangin Detroit(US) ah a thi. William Clay Ford Sr. hi tuna Ford Company a Executive Chairman ni lai William Clay Ford Jr. pa a ni. Kum 1948-2005 khan Ford Director a ni a, a thih thleng hian Ford company ah Emiretus Director a ni. Amah hi 1949 khan Yale University atangin a graduate a, kum tam tak chhung Detroit Football Club neitu a lo ni tawh thin bawk a ni.

 
*Vawiin khan Sukma District, #Chhattisgarh ah #Maoist hel ten Police 20 an kaphlum a, 10 in hliam an tuar bawk. Thite hi #CRPF 15 leh state police 5 anni.
 
*LOK SABHA OPPOSITION LEADER PAWN MIZORAM CHAK A LAWMPUI
India parliament Lok Sabha a Opposition Leader ni mek BJP MP Sushma Swaraj chuan a twitter account ah #Santosh_Trophy a Mizoram an champion a lawmpuina a hnuai a mi ang hian Mizo tawng in a ziak(tweet):
"Santosh Trophy a Mizoramin hnehna in chang hi thinlung taken ka lawmpui a che u. Pl RT"
Sushma Swaraj hi 1990-1993 a Mizoram Governor a rawn awm Swaraj Kaushal a nupui a ni. Hman kum a Silchar a tlawh tum pawhin twitter ah tho hian "Mizoram atanga hnai takah zan ka riak dawn a, Mizoram ah chuan zan mut hma in 'mangtha' kan ti thin" tih lam hawiin sap tawng in a tweet(ziak) tawh bawk a nih kha. Kan Governor hlui nupui hian a chang a chang chuan Mizoram a hrechhuak ve thin a ni ngei ang.

Sushma Swaraj tweeted about Mizoram champion@Santosh trophy 2014 in Mizo language
 
*MIPUI THINRIM IN HEL 3 CHIL HLUM
Vawiin khan Goalpara District, Assam ah Meghalaya a helpawl United Ashiq Liberation Army zing a mi 3 te chu mipuite hnenah tihluihna a pawisa an khawn avangin mipui lungawilo ten an sawisa hlum ta a ni. He thil thlenna hi Dudhnoi police station huam chhung a Majipara hmun ah a ni. - AIR

 
*HMAN KUM VAWIIN ANG AH KHAN
Kum 59 kalta (1955) vawiin ang ah hian Penicillin damdawi hmuchhuak tu Sir Alexander Fleming chu kum 73 mi niin London a a inah lungphuchawl in a thi. Kum 29 (1985) kal ta vawiin ang ah tho hian Mikhail Gorbachev chu an ram hruaitupa ber Konstantin Chernenko a thih avangin Soviet communist party Politburo chuan General Secretary atan an thlang thar a, a hnu zelah phei chuan Russia ram President a ni chho ta nghe nghe a nih kha.


 
*LZ WEARHOUSE - LEITLANG DINGDI TOP - 5 PUAN A NI TA
Lunglei Photographers' Association buatsaih LZ Wearhouse - Leitlang Dingdi top-5 chu puan a ni ta a, mipuiin Lunglei Photographers FB group-ah like button hmanga an thlan leh judge-te thu tlukna a ni. Leitlang Dingdi hi Dt 13th March 2014 7:00pm-ah puan a ni ang a, Dt 15th march 2014-ah lawmman hlan a ni ang.
Name (in Alphabetical Order)
1. Lalchhandami Venglai
2. Lalremliani Rahsi Veng
3. Lalremsangi Bazar Veng
4. Vanlalngheti Lunglawn
5. Zonunmawii Salem Veng
source: Muana Chhakchhuak via Lunglei Chanchinthar Group

Leitlang Dingdi top 5 (Miss Lunglei, Mizoram)
 *Mizoram team ten an hlawh chhuah liau liau #Santosh_Trophy nomawi chuan Mizoram House, Ballygunge Kolkata a thleng ta. Mizoram team te hi zaninah Talo Rosanga Kolkota Mizoram House Asst.Resident Commissioner chuan zanriah a kilpui dawn a ni Kolkata Mizo Welfare te pawn lawmpuina pangparthi an awrhtir ang. Zaninah Kolkata ah riakin naktuk ah Air India thlawhtheihna in Aizawl an pan dawn a ni.
Champion Trophy won by Mizoram team @Santosh Trophy 2014
Pix: Fela Khiangte
 
*SANTOSH TROPHY VANGIN MIZORAM INDIA DAPCHHUAK MEK
Vawiin 11.3.2014 thleng pawn India rama chanchinbu darhzau ber te zing a mi 'The Hindu' Sport column ah chuan Mizoram in #Santosh_trophy nomawi an hawn tak thu a la lang chuai chuai reng e. Mizo nih a nuam thin.

The Hindu 11.3.2014 issue highlight about Mizoram champion on Santosh Trophy
  *#Santosh_Trophy a Mizoram team an champion lawmnan Mizoram sorkar chuan naktuk nilaini hi sorkar chawlh ah a puang. Champion thar Mizoram team te hi naktuk a Lengpui airport an lo thlen hunah an mahni lawmna hun tawite hman a ni ang. Aizawl traffic police leh Aizawl Thunders te leh a hmuaktu kal apiang te nen lirtheiin Aizawl panpui anni ang a, Bawngkawn atangin an chuanna tur a bika cheimawi truck hmangin Aizawl khawpui fanpui anni ang. Tlai dar 4 ah an mahni lawmna runpui ber tur chu Lammual ah neih a ni ang a, thusawi leh zaithiam te zai ngaithlak a ni ang. Lawmna prog a kal zawng zawng te MFA in a thlawn in frooty a sem vek bawk dawn a ni. Mizo pasaltha te hi i hmuak ve dawn em le?

No comments:

Post a Comment