Monday 4 August 2014

3rd & 4th August 2014 news in Mizo

Latest news collection in Mizo language
MIZO TAWNG A CHANCHINTHAR LAWRKHAWM
4.8.2014
*CHINA LIRNGHING AH MI 367 AN BORAL TAWH
Nimin Pathianni 3.8.2014 a China a tlangram Yunnan province a 6.1 magnitude a chak a lir a nghing a vangin mi 367 chuang in nunna an chan a, hliam tuar pawh mi 1881 an chuang tawh tih Xinhua news chuan an tarlang. Lirnghin hmasa hnu darkar 2 leh chanve ah a tum 2 na a nghing leh a a chak lam chu 4.1 magnitude a ni thung. I lo hriat loh takin lirghinna hmun Yunnan province hi Mizo ten kan pi leh pu te lo chhuahna "Chhinlung" awmna ni a an sawi thin kha a ni.
 
*LAMTLUANG_MONDAY_SPECIAL
THIHNA MAKSAK
Tv.Lianchungnunga S/o Pu Neihliana, Hriangmual vengsang chu nizan zantir inkhawm kal hun lai vel khan a inkhawm tur insiam chu room ah amah chauha a awm laiin sahriak chu a lu a thih lo in a zakhnuai ah a THIH daih a, a bei maksak ve hle a ni:)
#Lamtluang_special

3.8.2014 
*POWER SUPPLY THA DUH VANGIN LUNGLEI THALAI TEN KAWNGZAWH DAWN
Naktuk hian Lunglei thalai rual te chuan Lunglei khawpui a kawlphetha (power supply) an hmu chhe lutuk leh sawrkar in a ngaihsak theih nan kawngzawh an huaihawt dawn. Kawngzawh hi chawhma dar 11 ah an inghakkhawm ang a, Mizofed kawt thleng silent protest march an nei ang a, MSU, MZP, PRISM leh Chhimbial chhantu aiawh ten thusawina an nei ang.
 
*NAKTUKAH SAIHA AH TOTAL BANDH NEI DAWN 
Naktuk Date 4.8.2014 (Mon) khian Saiha GHSS zirlaiten Zirtirtu pa 4, Hostel leh Biology Lab duh vangin Total Bandh an nei dawn.
Source: Te Biaka
 
*CHANCHINTHAR TAWI LAWRKHAWM
*Aizawl Mission veng a bomb tipuak tu a ni rinhlelh Lalringthanga, 45, S/o PT Kaia (L), Mualtluang, Diphucherra, Cachar district, Assam chu tukin zing dar 5:50 khan Vairengte Dinthar Veng ah Mizoram Police ten an man.

*Lirnghing 6.3 magnitude a nghin avangin China a Yunnan province ah mi 150 chuang an boral.

*Vawiin khan India PM Narendra Modi chu ni 2 cham turin Nepal a thleng. PM hian Nepal hnenah an ram hmasawnna tur a hma an lak theih nan India sorkar in US $ Tluklehdingawn 1 hmangin pawisa a puk tir tih a puang.

*Tripura ah tunhnai khan sikserh(malaria) vangin mi 76 an boral.

*India leh France in Rs.Vaibelchhe 30,000 senna tur bomb mitnei (missile) siam dun an tum chu India lamin an mahni siam theih mai niin an hre ta zawk a ni.

*Israel rocket kahchhuah in vawiin khan Gaza a UN School a kap chhe leh a mi 10 in nunna an chan.

*Thawhtanni a class leh office kai tur ten an peih lo lawk hle :-)
 
*Vawiin hi India ram a "thiante ni" (Friendship day) hman ni a ni a, Lamtluang follower zawng zawng he page leh blog leh twitter lama min hlut sak thin tute in zavaiin Friendship Day chibai kan buk vek a che u.

Friendship day hman a tha tih hi 30 July 1958 khan rawt tan a ni a, 27 April 2011 khan General Assembly of the United Nations chuan kum tin July ni 30 ah International Friendship Day hman thin nise tiin a passed a, mahse ram thenkhat India ram tiamin August thla chawlhni hmasaber hi Friendship Day atan hman thin a ni ta zawk a ni. I thiantha te chibai buk ve rawh le.
 
*ELECTRIC SHOCK VANGIN ATM CHHUNGAH BORAL
Nimin Inrinni 2.8.2014 khan Delhi khawthlang lama Holambi Kalan thingtlang khua ah Mipa kum 35 mi Shyamnath Pandey chu ATM atanga pawisa a la chhuak zo a chhuak tur chu kawngkhar a electric kal a khawih fuh palh avangin a boral. Electric hrui kal sual vangin in ATM kawngkhar ah hian current a lo kal palh niin sawi a ni.

No comments:

Post a Comment