Sunday, 13 November 2016

INDIA PAWISA SIAM CHHUAHNA HMUNPUI TE


Tunlaiin India pawisa tih thih a lar bawk a pawisa te hi khawi hmunah nge an siam thin tih i lo chhui dawn ila. India pawisa lehkha leh thir te hi sawrkar laipuiin a design leh siamchhuah zat tur RBI in rawtna a siam te chu a pawmpui hnuah Security Printing and Minting Corporation of India Limited (SPMCIL) ten enkawl press leh mint ah te siamchhuah thin a ni. 

Security Printing and Minting Corporation of India Limited (SPMCIL) te hian press pali an nei a chungte chu:  Currency Note Press (CNP), Bank Note Press (BNP), India Security Press, and Security Printing Press.  

Pawisa lehkha (note) siamchhuahna press awmna te chu:  Currency Note Press  (Nashik, Maharashtra), Bank Note Press  (Dewas, Madhya Pradesh),  Bharatiya Reserve Bank Note Mudran (P) Ltd  (Salboni, West Bengal) leh (Mysore, Karnataka) leh Watermark Paper Manufacturing Mill (Hoshangabad, West Bengal).

Pawisa thir (coin) siamchhuahna awmna te chu: Government Mints - Mumbai, Alipore (Kolkata), Saifabad (Hyderabad), Cherlapally (Hyderabad) leh NOIDA (UP). 

Lamtluang page chhiartu ten kan lo hriat atan India pawisa siamchhuah leh semchhuah hi RBI thuneihna hnuaiah a awm a ni. Kum 2006 khan India sorkar chuan pawisa lehkha leh thir, judicial stamps, postage stamp leh sorkar kaihnawih lehkha pawimawh siamchhuah lo vil turin Security Printing and Minting Corporation of India Limited (SPMCIL)  a din annih hian sorkar thurawn angin heng a chunga kan sawi press leh mint atang te hian a siamchhuah hna an thawk ta thin a ni.

No comments:

Post a Comment