Tuesday 15 November 2016

SAINIK SCHOOL CHHINGCHHIP NAKUM ACADEMIC SESSION ATANGIN TAN DAWN

Government of India, Ministry of Defence chuan Sainik School Chhingchhip chu nakum (Academic Session) atanga school tan turin phalna a rawn pe ta a ni.

Sainik School Chhingchhip hi Class-VI atanga tan tur a ni a, he school-a lut turte chuan Sainik School Society, Government of India, Ministry of Defence-in 2017-2018 All India Entrance Examination a buatsaih an hmachhawn a ngai dawn a. He exam-a inziak tlingte chuan Interview leh Medical Examination an hmachhawn bawk ang a, heta tling leh tithate atang hian Final Merit List siam a ni leh ang. Sainik School Chhingchhip tan nan hian zirlai (cadet) 30 lak tum phawt a ni a. Entrance Examination hi State chhunga candidate-te tih that dan azirin hei aia tam pawh hi lak theih a ni.

Sainik School Society, Government of India, Ministry of Defence-in 2017-2018 All India Entrance Examination programme a duan chu hetiang hi a ni -
1. Prospectus/Admission Form hralh hun : 16-30 November, 2016.
2. Application Form thehluh hun tawp : 10. 1 2. 2016
3. Entrance Examination neih hun : 15. 1. 2017
4. Roll Number-wise-a Interview, Medical  Examination hmachhawn tur Merit List puan leh Call Letters chhuah hun  :   8.2. 2017
5. Interview leh Medial Exam neih hun : 20. 2. 2017 to 6. 3. 2017
6. Final Merit List leh Waiting List puan : 13. 3. 2017

Prospectus/Admission Form hi mahni bialtu Sub-Divisional Education Officer office atangin Rs. 250/-in Scheduled Castes/Scheduled Tribes-te tan lei theih a ni a, Admission Form hi a chunga hun tarlan ang khian Director, School Education-ah thehluh leh tur a ni.

Source: DIPR Mizoram

No comments:

Post a Comment