Lamtluang Online News: Kum 1990 hnu lama Mizo zaithiam zingah chuan, Liandingpuii leh Vanlalsailova te hi hriat hlawh pawl tak leh chuai thei lo ber te zinga mi anni.
Liandingpuii hian a gospel album hmasaber "Thiamchanna Kraws" (2001) kha a tichhuak a, a hla lar zingah "A hmel mawi min hmuh tirtu" leh "Van hla mawi" te a tel a ni. A hnuah gospel album hrang hrang Mizo leh English tein a siam chhunzawm leh a ni.
Vanlalsailova hian a love song album hmasaber "Zoram Tang Fan Fan/Derna Anka Maw" (2002) kha a tichhuak a, a hla lar zingah "Hmeltha", "MS i dawn chiang lo" leh "Lung i her leh si" te a tel a ni. A pianthar hnua, Pathian fakna hla a sak lar hmasak zingah "Chhantu ka ngai", "Tuifinriata mi vakvai ten", "Isua neih ka duh zawk" leh "A tawpah Isua" te a tel a ni.
Mizoram millennial-te (1980- 1990 a piang te) tan chuan anni pahnih tluka mite hriat lar leh la lar chhunzawm zel hi an tam awm lo ve. Anni pahnih hi tun thleng hian, an zai mawi tak hmangin Zoram mipuite min la chawm reng a ni.
 |
| Liandingpuii & Vanlalsailova |
No comments:
Post a Comment