Zanin zanlai atangin India ramah Rs.500 leh Rs.1000 note te tih thih a ni dawn a. Hei hi sorkar in eirukna leh a ruk a pawisa chheprelh (black money) tih tawp nan a hmalaknan a tih ni. Pawisa note tih tawp tur chungchang Lamtluang chhiar tu ten in lo hriattur pawimawh te:
1. November ni 10 - December ni 30 chhungin Bank ah leh Dak In ah Rs.500 leh Rs.1000 note thleng vek tur a ni.
2. Heng huntiam chhung a thleng theilo te chuan RBI office ruat bik hmun thenkhat ah March ni 31, 2017 thleng thleng theih a ni ang.
3. A tir chuan nikhat chhung a Rs.10,000 leh Rs. 20,000 lakchhuah theih zat a tam thei lo ang a, mahse hun reilote chhungin lakchhuak theih zat tih pun zel a ni ang.
4. A tir ah chuan ATM atanga Rs.2000 note lakchhuah theih zat pawh phalchin siam a ni ang a, Lamtluang thulakna i a tarlan danin ahnuah Rs.4000 chinah nitin lakchhuah theih zat tihsan a ni ang.
5. Heng pawisa note hlui Rs.4000 chin thleng tur te chuan bank zawng zawng ah leh dak in ah ID proof nen tih theih vek a ni ang.
6. Damdawiin leh damdawi zawrhna dawrah te Rs.500 leh Rs.1000 note te hi November ni 12 thleng hman theih a ni ang.
7. Ramdang a zin bo rih ten an tuar loh nan airport ah pawisa an thleng theih nan ruahmanna siam a ni ang.
8. Petrol thunna hmunah pawh November ni 12 thleng Rs.500 leh Rs.1000 note te hi hman theih a ni ang.
9. Petrol pump neitu ten Rs.500 leh Rs.1000 note an dawn te chu November ni 11 thleng uluk takin an kawl tha tur a ni.
10. November ni 9 ah ATM hman theih a nilo ang a, Lamtluang thulakna in tarlan danin hmun thenkhat ah phei chuan November ni 10 ah pawh ATM hman theih a ni rih lo bawk ang.
11.Lamtluang chhiar tu ten in lo hriat atan Cheques, demand drafts, electronic fund transfers, debit leh credit cards hmang a thil lei leh hralh erawh a pangngai reng rih ang.
No comments:
Post a Comment