PRESBYTERIAN HMEICHHE INKHAWMPUI TIAK TA

Presbyterian Women Fellowship (PWF) 16th Bienniel Conference held at PCI Church Khatla, Aizawl, Mizoram.

Presbyterian Women Fellowship (PWF) Biennial Conference vawi 16-na chu 11-13 November chhung in Khatla kohhran biak in ah neih a ni a, zaninah khan an tiak ta. Presbyterian Church of India hnuaia Kohhran Hmeichhiate inzawmkhawmna Pawl, Presbyterian Women Fellowship (PWF) Inkhawmpuiah hian tlarau lam thupui atan “Lalpa chu zawng rawh u" (Seek the Lord) [Isaia 55:6) hman a ni. November ni 11, 2016 khan Nomination Committee leh Standing Committee te an thu a, hemi zan hian inkhawmpui hawnna inkhawm a awm a, Rev. Lalramliana Pachuau, Senior Executive Secretary, Mizoram Synod-in palaite lo lawmna hun a hmang a, Rev. Rolianthanga Lalsim, Administrative Secretry i/c PWF in Inkhawmpui hawnna neiin keynote address a pe a ni. November 12, 2016 (Inrinni) zing dar 7:00-ah Prof. Lalnghakthuami, Aizawl Theological College hovin Bible Study neih a ni a, chawhma dar 10:00 atangin Rorel Inkhawm neih a ni bawk. Zanah Vantlang Pathian biak Inkhawm a awm a, Mrs. Ladbasuk Lyngdoh, Lecturer, John Roberts Theological Seminary-in inkhawmpui thupui hmangin Pathian thuchah a sawi a ni. Tukinzingah khan Synod Moderator Rev. H. Lalrinmawia'n a Sacrament a buatsaih a a, zanah PCI Moderator Rev. Laldawngliana'n hruaitu thlan thar te Pathian hnenah hlanin fuihna thuchah a sawi a ni. Inkhawmpui chhung hian Mizoram Synod Choir leh zaipawl dang ten hla an rem bawk. Courtesy: mizoramsynod.org