LAMTLUANG CHANCHINTHAR TAWI LAWRKHAWM

 📰 Nimin khan Sairangah tui tlaa boral Pu Mafaka ruang hmuh a ni.

📰 Sialhawk khua atanga tharchhuah lakhuihthei te chu Dubai-ah zawr chhuah a ni.

📰 Assam leh Arunachal Pradesh ten ramri buai chinfel na turin nimin khan state pahnih aiawh sawrkar hotu liante inbiakna an nei.

📰 India sipai ten rikrum thila tualchhung siamchhuah ralthuam te an lei vat theihna turin nimin khan Defense ministry hotu lu ten phalna pek chhuah an remti.

📰 University Grants Commission chuan thiamna bik nei te tana zirna lama degree sang neilo pawh nise college leh university a zirtirtu 'professor of practice' hna an thawh theihna tura kaihhruaina siam chu nimin khan a pawm. He inkaihhruaina siam thar hi thlaleh September vela tihchhuah tum a ni.

📰Madhya Pradesh leh Odhisa ah tulian vangin mi 6 ten nunna an chan. Tulian hian mi nuai 9 chuangte nunphung a ti khaihlak nasa hle nia sawi a ni.

📰 Tunhma lama hetianga LAMTLUANG chanchinthar tawi lawrkhawm kan rawn tarlan ṭhin te kha i lo chhiar ve thin em? In zavaiin tuk chhuah nuam vek ule.

Khawvel ram lian ten Ukraine an phatsan em ni?

Ukraine President Volodymyr Zelenskyy chuan an ram khawpui Kiev ah Russia in an ram a run chungchang sawiin, "nimin ang thovin tukinah pawh khawvel ram lian ten  keimahni chauhin min tan tir a, hla tak aṭangin min thlir vek" a ti. Khawvel ram lian zawk te chu Russia hrekna kalpui ringawt lovin a taka rawn che chhuak ve turin a ngen bawk a ni.

Lamtluang thu lakna ten an tarlan danin Russia chuan Ukraine khawpui Kiev luchhuah tumin hma lam an pan zel. He tih mek lai hian Russia Foreign Minister  Sergei Lavrov chuan Ukraine sipai ten an ralthuam an tun chuan inbiakna neih kan thei reng a lo ti ve mek bawk a ni..

MIZORAM MLA LALRINLIANA SAILO RESIGN

LAMTLUANG NEWS: Aizawl: Mizoram Congress MLA from Tuichang constituency Lalrinliana Sailo submitted his resignation to Assembly Speaker Hiphei on October 3, 2018 (Wednesday). As per the information gathered by Lamtluang news Lalrinliana Sailo also sent resignation from Indian National Congress at the same day. He said that he will be joining Mizo National Front party. When he was submitting his resignation at the Assembly Speaker office he was accompanied by MNF MLAs and R Lalzirliana recently resigned from Home Minister in Mizoram. The reason of his resignation is the incumbent government (Lal Thanhawla led ministry) do not allow to carve out new district for Khawzawl which is located in his constituency. As per the reliable source Lalrinliana Sailo will be given a ticket in Chalfilh Constituency by MNF party in the up coming Mizoram Assembly Election which will be held at the end of this year.

Lalrinliana Sailo, MLA Mizoram

LALRINLIANA SAILO MLA IN BANNA THEHLUT

Aizawl: Tuichang bial MLA nilai Lalrinliana Sailo chuan October ni 3, 2018 khan Assembly speaker Hiphei hnenah MLA atanga a banna a thehlut. Lamtluang thuhriat danin Lalrinliana Sailo hian a awmna thin Congress partyah pawh banna a thehlut bawk. Thuthar lakhawmtu te zawhna chhangin Lalrinliana hian MNF party a zawm tur thu a sawi bawk. MLA atanga banna a thehluh lai pawh hian MNF MLA te leh tunhnaia minister atanga bangta R Lalzirliana ten an tawiawm a ni. A banna chhanah a sawiah chuan tuna sawkar lai INC te hian Khawzawl district puan an tum loh avangin a tan ban mai loh chu tih tur dang awmin a hre ta lo a ni.

THUHRILTU LAR BILLY GRAHAM BORAL CHUNGCHANG A THU BENGVAR THLAK

21.2.2018 (Nilaini/Wednesday) Aizawl: Khawvel huap Pathian thuhriltu lar Rev.Billy Graham (99) chu India sana a Nilaini zan dar 6 vel khan an chenna  Montreat, North Carolina, US ah a boral. Lamtluang thulakna in a tarlan danin Evangelist Billy Graham hian kum 1992 atang khan Parkinson desease (natna) a vei a, chumi hnu chuan rawngbawlna lamah zawi zawiin a chawl chho tan a, kum 2010 April thla a Billy Graham Library cheithat leh hlanna an neih tum a mipui hmaa a lan bak chu pawn a chhuak ta mang lo a ni. Kum 2013 khan a birthday vawi 95-na niah TV kaltlangin Pathian thu a sawi a, chu chu a sermon sawi hnuhnun ber a ni ta a ni.

Rev.Billy Graham hi a nupui Ruth Graham chuan kum 2007 khan a boral san tawh a ni. Rawngbawltu ropui Billy Graham hian a damlaiin khawvel ram hrang hrang 185 chuangah crusade vawi 400 chuang a nei a ni. 

A THLANAH ENGE INZIAK DAWN?

Pathian in rawngbawl tur a a kohna chu a theih na sangberin a ti hlawhtling thin a, www.facebook.com/Lamtluang in Billy Graham Evangelistic Association a belhchian danin a thlan lungah "Lal Isua Krista chanchintha hriltu" tiin an ziak dawn niin an tarlang a ni. 

A LAICHIN TUTE NGE A KALSAN?

Billy Graham hian a farnu Jean Ford, a fanute 3- Gigi, Anne leh Ruth, a fapate 2 - Franklin Graham leh Ned Graham te leh a tute a kalsan a ni. 

ENGTIKAH NGE VUI A NIH DAWN?

Amah vuina inkhawm hi anupui an phumna Billy Graham Library ah neih tur a ruahman a ni a, a hun tur chu nakina la puan chian tur a ni.

RALNA LEH HRIATRENGNA ENGTIA THAWN TUR NGE?

A rawngbawlpui Billy Graham Evangelistic Association te chuan mipuite hnenah thuchah siamin amah sunnan pangpar aiah ama puala thilpek emaw hriatrengna thu te online a thawn mai turin ngenna an siam a, ralna leh hriatrengna thu thawn/ziak duh tan an website https://billygraham.org ah thawn mai theih in an siam a ni. Tin, daka thawn duh tan Billy Graham Evangelistic Association, 1 Billy Graham Parkway, Charlotte, NC 28201, USA.

A HUN TAWP LAMAH ZAWHTE NEN AN INKAWM THIN

Billy Graham fapa Franklin Graham chuan nikum 2017 July ni 7 khan facebook page ah a pa hriselna dinhmun chungchang a tarlang a, a pa chuan a kum 99-na a hmang chho dawn mek a, a hriselna pawh a tha  tho nachungin a kum te a upat ve tawh avangin harsatna hrang hrangin a tlakbuak thu a sawi a, a farnu leh a fanu leh fapa te leh a tu leh fa ten a kan reng thin thu leh, A ma pual pastor Rev.Dr.Don Wilton pawh in chawhkar tin a tlawh thin thu a sawi. A pa chanchin a tarlannaah hian a pa kum 90 tlin lawmnana a tu leh faten zawhte "Kitty" ti a hming an sak an pek chu Billy Graham pawn chhuak thei tawh lo tan a thian tha tak a nih thu a tarlang tel bawk a ni.

#billygraham #lamtluang #mizonews