6th June 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

6.5.2014 
*MISS MIZORAM 2014 FINAL RESULT
1-na: H. Lalchhanhimi, Armed Veng South, Aizawl
2-na: C.Vanlalmalsawmi, Luangmual, Aizawl
3-na: Lalruatfeli, Kulikawn, Aizawl
Pix Courtesy:  Jiksaw Photography

Miss Mizoram 2014 winner H.Lalchhanhimi, Armed veng, Aizawl

Miss Mizoram 2014 1st Runner up C.Vanlalmalsawmi, Luangmual, Aizawl

Miss Mizoram 2014 2nd Runner up Lalruatfeli Royte, Kulikawn, Aizawl

*MISS MIZORAM 2014 GRAND FINALE
Zanin dar 8 hian Miss Mizoram 2014 thlanna final zan hman a ni dawn ta. Miss Mizoram Grand Finale host tur hi Rini Hlondo a ni dawn a ni. In lam atanga en duh tan Zonet leh LPS ten live telecast in an tichhuak dawn a ni. Tu tak tling ang maw? 

  *WCC ZIAKTU LIAN MIZORAM LO KAL DAWN
June 12-15, 2015 chhung hian Archpriest Dr. Daniel Buda, General Secretary, World Council of Churches (WCC) chuan Mizoram a rawn tlawh dawn a, Mizoram Synod chu lo dawngsawngtu atan ruat a ni. (Synfocity)
 

*MISS MIZORAM 2014 BIKINI ROUND VIDEO
A hnuai a youtube link ah hian Miss Mizoram 2014 contestant te bikini dress nen an in lan lai video clip en theih e.
https://www.youtube.com/watch?v=LecuNLsiGfk&feature=youtu.be

*LADC MEMBER THLAN THAR TE
Vawiin Dt. 6.6.2014 hian Lai Autonomous District Council bial pahnih Bye-Election Dt. 4.6.2014 a vote thlak chu Lawngtlai a BNRGSK hall ah tluang taka chhiar zawh a ni a, Lawngtlai Bazar bial ah MNF Candidate Lalropuia Chinzah, Lawngtlai Bazar veng chu thlan tlin a ni a. Tuithumhnar bialah INC Candidate Pu Malsawmdawngliana, Tuithumhnar chu thlan tlin a ni thung.

Tukin zing dar 10:00 AM atang khan vote te hi chhiar tan a ni a, Lawngtlai Bazar bial chhiar hmasat niin an vote hmuh dan chu a hnuai a mi ang hi a ni.
Sl. No. Name of Candidate Party Affiliation Vote hmuh zat
1. C. Sangchhunga INC 495
2. Lalropuia Chinzah MNF 515
3. C. Zobuanga Independent 142

Lawngtlai Bazar bial chhiar zawh hian Tuithumhnar bial chhiar leh nghal a ni a, an vote hmuh dan chu a hnuai a mi ang hi a ni.
Sl. No. Name of Candidate Party Affiliation Vote hmuh zat
1. Malsawmdawngliana INC 1051
2. H. Sangkunga MNF 736

Vote chhiar hi chhun dar 12:00 khan zawh fel a ni a, Returning Officer Pu. J. Hmingthanmawia, District Election Officer ni bawk chuan thlan tlin te hnenah hian thlan tlin an nihna Certificate a hlan nghal a ni.
Source: Lawngtlai Future Group
 
*BREAKING NEWS: MIBO RUANG HMUH A NI
1.6.2014 (Sunday) tlailam dar 3:00 khan Rangvamual atangin a chin hriat lohva bo Pu Zothansanga Kum 67, Pachang (Hauruang) khua, Pu Malsawmkima, Lower Kanan, (Pu B. Zosangliana in luah tute) mikhual chu Rangvamual Ruatkima petrol pump thlenthlak hma kawng thlanglamah Dar 4:20 p.m vel khan a ruang hmuh a ni. 
Source: BigDaddy Hmahmatea IV via ZORAM KHAWVEL : CHANCHINTHAR Group

Missing person body found in Rangvamual at Aizawl outskirt

*LOK SABHA SPEAKER THAR HMEICHHIA THLAN A NI TA
Member of Parliament atana a Indore, Mahdya Pradesh atanga vawi 8 thlan tlintlin ni tawh Sumitra Mahajan (71) chu vawiin khan chuhtu awmlo in Lok Sabha 16-na Speaker atan thlan tlin a ni.Amah hi India ram hmeichhe MP nireiber niin BJP party ticket a thlan thlin a ni. Thiamna lamah M.A., LL.B a ni. Kum 1989 atang khan Indore bial atang hian a la tling ta char char a ni. India ram parliament Lok Sabha a hmeichhe speaker 2-na a ni. A pasal Jayant Mahajan nen fapa 2 annei a ni.
 
*ZOSAP MISSIONARY BORAL
Zosap Pi Hlimi (Gwen C Evans), kum 1958 leh 1959-a Synod Hospital leh PC Girls’ School, Aizawl-a lo thawk tawh chu April 11, 2014 Zirtawpni zing dar 8:30 khan London-a a chenna inah kum 93 mi niin a thi. (Synfocity)
 
*ATI DIRECTOR THAR
Tunhnaia IAS-a tling thar Dr. Lalrozama chu Administrative Training Institute (ATI) director hna chelh tura tih a ni. Dr. Lalrozama ATI director atana ruatna order hi June 4 khan tihchhuah a ni. (Vanglaini)
 
*Lengteng Wildlife Sanctuary-a thing zai rûk leh Environment & Forest department motor hâl thubuaia man Selam khaw mi 14-te chu nimin piah chawhnu khan bail-a chhuah an ni. Mi 14-te hi Champhai chief judicial magistrate, R Lalduhawmi court chuan nimin piah khan bail a phal a, anmahni buaipuitute'n an bail nghal a ni. (Vanglaini)
 
*WORLD CUP 2014 TICKET MAN
FIFA World Cup 2014 Brazil-a khelh tur ticket man i hre duh em? Brazil ram pawn kotlang A team naran te tan ticket hi category 4-ah then a ni a, category 4na hi pianphung a rualbanlo te tan hauh a nia ticket man erawh catgory 3-na nen a inang a siam a ni. Chuan Opening match ticket man chu: $495 (Rs.29447.25), $330 (Rs.19550.92), $220 (Rs.13033.95) te anni. Final match atan a ticket man chu: $990 (Rs.58652.76), $660 (39101.84), $440 (Rs.26067.90).
 
GOOD MORNING MIZORAM
LAMTLUANG ZINGKAR CHANCHINTHAR LAWRKHAWM
*Mi harsa zualte hnena tanpuina turin Joint YMA North Vanlaiphai chuan Rs. 2,000/- (cheng sanghnih ) leh Village Council North Vanlaiphai chuan Rs. 3,000/- (Cheng sangthum) Chief Minister Relief Fund ah an chhung lut.(DIPR)

*Tripura Transit Camp atanga Reang (Bru) laklet na tura ruahmanna kal mekah nimin khan Home Minister Pu R.Lalzirliana hovin a pisaah meeting pawimawh tak nei leh a ni.

Reang (Bru) chhungkua engemaw zat hruai letna tur thawh rukna ah hian Reang (Bru)chhungkua te duhthlanna (self-repatriation) ngeia laklet tur an ni dawn a. Chhungkua 492 velin lo let an duhthu hi hriat a ni a, mahse chhungkaw zat hi la danglam thei a nih avangin, tun dinhmunah chuan chiang taka lo let tur zat tur hriat theih a nih loh thu Mamit DC, K. Lalthawmmawia chuan a sawi. Reang (Bru) ho thiarna tur chungchangah Tripura sawrkar nena inbiakna neih tum anih thu pawh sawilan a ni bawk.

Vawiin meeting ah hian Home Department , Mamit District hotute bakah tlawmngai pawl hrang hrang CYMA, MUP, MZP, MSU leh MHIP te an tel a. Hmalak dan kal mek te leh hmalak zel dan tur te in hrilhriat a ni.(DIPR)

*Nimin khan Cooperative Societies Secretary leh Registrar Pu Jack L.Darkim IRTS, hovin Mizoram Pig Producers’ Cooperative Federation (PIGFED) chuan General Assembly vawi 21-na, Chanmary YMA Hall-ah an hmang.

*Mizo lemziak thiam Tanpuia leh Saitluanga Sailo buatsaih Duet Painting Exhibition 2014 Aizawl Art Gallery chu nimin khan hawn a ni a, June, ni 12 thleng zing dar 10 atanga tlai dar 7 thleng Exhibition hi en theih a ni.

*Nimin khan United Nations Organisation hnuaia Food and Agriculture Organisation in June ni 1 hi kum 2001 atang khan ‘World Milk Day’ ah alo puan tawh angin Mizoram a a vawi 1-na tana June ni 1 kha chawlhni a nih avangin nimin khan Vanapa Hall ah hman a ni. Inkhawmah hian Mizoram hmun hrang hrang atangin bawng vulhtu thahnem tak an tel a, chawhnu session ah paper presentation leh sawihona neih chhunzawm a ni.

*Mizoram sorkarin zirna tihhmasawnna tura a ruahmanna ‘Educational Campaign’ bultanna chu nimin khan Lunglei Saikuti Hall-ah neih a ni a, Education Parliamentary Secretary Pu Joseph Lalhimpuia chuan he Campaign Kick-off hi a hmanpui a ni. State pum tuam tur Educational Campaign thupuiah chuan ‘Education For All-Round Development’ tih vuah a ni. (DIPR)

*Vawiin hian India parliament rorelna hniam zawk Lok Sabha 16-na atan a Speaker tur thlanna neih a ni dawn a, tun thleng hian rorellai BJP candidate Sumitra Mahajan khing turin tumah in hming an pek loh avangin chuhtu dang awm lo a thlan tlin anih ngei rin a ni. Amah hi kan rawn tarlan tawh angin Indore, Madhya Pradesh atanga vawi 8 lai MP atan a thlan tlin a ni tawh a ni.

*Andhra Pradesh Governor ESL Narasimhan chuan Telegu Desam Party hotupa Chandrababu Naidu chu sorkarna siam turin a sawm. Naidu hian CM atana lakluh inkhawm hi Vijayawada leh Guntur inkar ram Nagarjuna Nagar ah June ni 8 zan dar 7:27 ah neih a tum a ni. Kan rawn post tawh thin angin Andhra Pradesh khawpui thin Hyderabad chu Telangana huam chhung a nih tak avangin CM thar tur hian Andhra huam chhung ngei ah rinawmna thu thiam lak a tum ta zawk a ni. Hyderabad khawpui chu Telangana leh Andhra Pradesh in kum 10 chhung an intawm anga, a hnuah Telangana khawpui a ni chhunzawm tawh ang a, Andhra lam hian khawpui tar thar an din leh dawn a ni.

*Prime Minister Narendra Modi chuan US President Barack Obama an kumin September thla chawlhkar tawp ber a inhmu tur a sawmna chu a pawm.

*Tamil Nadu Chief Minister Jayalalitha chuan PM hnenah lehkhathawnin Afghanistan ram a Kristian sakhaw puithiam hel pawl ten an rukbo Father Alexis Prem Kumar chungchang ah a rang thei ang ber a Afghanistan sorkar sawipui tur leh chhuah a nih theih nan hma la turin a ngen.

*Airport Council International(ACI) chuan Indira Gandhi International Airport, New Delhi chu khawvel a airport thaber dawttu ah a puang a, Chhatrapati Shivaji International Airport, Mumbai pawh 5-na ah an puang a ni.

*Prime Minister Narendra Modi an PM a nih hnu a rampawn a tlawh hmasak ber tur atan Bhutan a thlang ni a sawi a ni, a tunthla tawp hian Bhutan khawpui Thimpu a tlawh dawn a ni.

*Maria Sharapova chuan French open semi final ah Eugenie Bouchard hneh in final a lut. In hneh dan chu 4-6, 7-5, 6-2 a ni. Hmeichhe semi final dang ah Romanian hmeichhia te zinga French Open final thleng hmasaber ni turin Simona Halep chuan a khingpui Andrea Petkovic chu 6-2, 7-6, (7/4) in a hneh bawk.

*Zanin tlai dar 5:30 hian French Open Mipa semi final khelh a ni dawn a, intum tur te chu: N.Djokovic vs E.Gulbis leh Rafael Nadal vs Andy Murray te anni.

*Google Map chuan World Cup 2014 khelhna tur stadium 12 te entheihna turin online in street view an dah thar.

*HMANLAI VAWIIN: Kum 1674 vawiin angah khan Maratha lal Shivaji chuan Raigad (Maharashtra) ah Hindu lal atan ropui takin lakluh a ni. Khatih lai khan India ram chu Muslim lal ten an awp a, Hindu thil ti thei deuh te chu loneitu hotu zamindar ah te bak an ruat ngai lo a,  Shivaji hian chu chu duh tawk lo in a ma thu in puithiam te a rawn a Hindu danin lal ah a inlakluh tir ta a ni. Kum 1947 vawiin angah khan  Basketball Association of America chu New York khawpui an din tan a ni.

*MIZORAM HRECHIANG ANG: 30.4.1991  khan Mizoram Public Service Commission Chairman hmasaber turin SR Vala IAS (Orissa Cadre) chu Mizoram sorkar in a ruatna order a tichhuak a, 1.5.1991 khan a hnathar hi a zawm a ni. Chuti chuan Mizoram in state a neih atanga kum 4-na ah State Public Service Commission a nei ve t a ni. 12.7.1991 khan MPSC member hmasaber turin M.Lalmanzuala IAS chu sorkarin a ruat a, a ni hian a hna thar hi 15.7.1991 khan a zawm a ni.

*THURIL: "'Ka hmangaih che' tih sawi tur hian mi pakhat in 'Ka' tih hi a sawi ngam phawt a ngai. - Ayn Rand
--------------
Sorkar leh company a hnathawk te tan chuan a tlangpui thu in Zirtawpni hi chawlhkar 1 chhung a hnathawh tawp berna hun a ni a, khawthlang ram leh phai lamah chuan tul leh hah tak a kartluan a hnah an thawh chu zirtawpni tlai ah an chawlh hun a lo thlen dawn avangin "TGIF" an ti thin a chu chu "THank God It's Friday" tihna a ni a Mizo tawng chuan "Zirtawpni a lo thleng leh ta Lalpa ka lawm e" tihna a ni mai awm e. I thiante pawn an timeline ah TGIF te chu an post ve fo thin kha, hrethiam tawh mai em? Chuan, comment lam hi chu in chan a nih kha, rawn ti leh hram la aw. Ni hman nuam le.

*SHILLONG KAWNG BANDH
East Jaintia Hills, Narpuh Elaka hnuaia khaw sawm pasarih (17) tualchhung thuneituten nimin piah zing dar 6:00 atang khan darkar 72 chhung awh tur Bandh National Highway 44 ah an huaihawt a. Hemi avang hian Deputy Resident Commissioner Shillong chuan Shillong lama zin veivak tur te fimkhur turin a chah. (DIPR)

5th June 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

5.6.2014 
*CONGRESS IN LOK SABHA DEPUTY LEADER TUR RUAT
Congress party chuan Lok Sabha a an deputy leader atan Ludhiana bial MP Captain Amrinder Singh an ruat. Jyotiraditya Scindia chu Chief Whip of Congress ah ruat niin Venugopal leh Dipender Singh Hooda te pawh hip of Congress ah ruat bawk.
 
*FOOTBALLER DIDIKA'N NUPUI A NEI TA
Vawiin chawhnu dar 2 khan BCM Biak In, Electric Veng, Lunglei ah Mizo Footballer lar East Bengal FC midfielder leh India International Player Lalrindika Ralte (Didika) chuan Vanlalruati Renthlei, Luangmual, Aizawl chu damchhung atan "Tiam Tlat E' a tih pui ta. Vawiin inneih hi Bialtu MLA Pu Joseph Lalhimpuia bakah Mizo Footballer lar tak tak te bakah chhung leh khat, thenrual tha leh thian ten an hman pui a, mipui an tam hle. Inneih zawhah hian Cake dangdai tak, Football cake, Zomawii Hrahsel (Tepuia Chhang) siam chu an zai nghal bawk a ni.!
Source: Gilbert Renthlei via Lunglei Chanchinthar Group
#Lalrindika_ralte_wedding

India national football player and East Bengal FC Midfielder Lalrindika Ralte weds  Vanlalruati Renthlei in Lunglei Mizoram

*MELRIAT DAIAH MARUTI 800 ACCIDENT, A HMUNAH PAKHAT THI
Vawiin tlai Dar 2 vel bawr khan Maruti 800 chu Melriat daiah chesualin a hmunah Jacob Zoengthanga ( Jacob Ngente), kum 24 s/o Ng Rosangliana(L) Venglai, Lunglei chu a thi nghal, Motor ah hian mi 4 chuangin mi 3 chuang ve te hi an na lutuk lo niin thu kan dawng.

Jacob Zoenthanga hi Bangalore-a a zirlai zirzawm tura chhuk tur a ni a, a ruang hi Lunglei lamah phurh haw mek a ni.

Source: Gilbert Renthlei via Lunglei Chanchinthar group
 
*MISS MIZORAM 2014 PEOPLE'S CHOICE SMS HMANGIN VOTE THEIH
Vote dan tur : missmz space contestant no. chhuta, phone no. 9212148888 ah sms a thon mai tur a ni. Entirnan: contestant no. 14 i vote duh chuan: missmz 14 tih type la 09212148888 ah thawn mai tur a ni.

Contestant te number chu:
1 H. Lalchhanhimi Armed Veng, Aizawl
3 C. Vanlalmalsawmi Luangmual, Aizawl
4 Lalchhanchhuahi Khiangte Durtlang, Dawr kawn
5 Biti Soren Kulikawn, Aizawl
6 Lalruatfeli Royte Kulikawn, Aizawl
7 Christina Lalhmingthangi Electric Veng, Aizawl
8 Vanlalhruaii Hlondo Kolasib Venglai
9 Vansangkimi Mualpui, Chhingchhip, Serchhip Dist
10 Ngurthanpuii Sailo Zarkawt, Aizawl
11 Ramthanmawii Champhai/North Khawbung
13 Lalhriatpuii Zemabawk, Aizawl
14 Naom VL Hmangaihzuali Sialsuk, Aizawl Dist.
16 Zonunmawii Champhai
18 Laltanpuii Champhai Vengsang
19 Zodinhlui Pachuau Edenthar, Aizawl
21 Lalruatfeli Kulikawn, Aizawl

Couretsy: MISS Mizoram 2014 page

Miss Mizoram 2014 charinity show@Millennium centre, Aizawl

*MISS MIZORAM 2014 BIKINI ROUND
#missmizoram #missmizoram2014 

Miss Mizoram 2014 bikini round

 
*OIL PALM CHINNA KHUAAH AGRICULTURE DEPARTMENT HOTUTEN ZIRTIRNA BEIHPUI AN THLAK
Agriculture Department (Crop Husbandry) Director, Dr.C.Lalzarliana leh Officer pawimawh ten Mamit District huam chhunga Oil Palm chinna hmunpui khaw thenkhat tlawhin Oil Palm enkawl dan an zirtir.

Saithah leh Phuldungsei khuaah te Agriculture hotute kalin training an buatsaih sak a, Salem Boarding chhehvela Zawltezau ram ah Oil Palm a huhova chinna hmun Agriculture hotute hian an fangkual nghal a ni. He Zauvah hian chhungkaw 38 in ram tin 112 ( 45 Ha.) hmunah Oil Palm a huhovin an ching a, heng hmunte hi Agriculture hotuten fangchhuakin, an thlawhhma ah ngei an zirtir a ni. He Zauah hian Oil Palm 6435 phun a ni a, tha taka enkawl an ni.

Agriculture Director leh a hoten Damparengpui- a Oil Palm an chinna hmunpui, Sesihzau, tin 300 zet a zau pawh an tlawh zui nghal a, he khua hi Mizoram chhunga khawtlang anga Oil Palm hmun siam hmasak berna a ni. Ram tin 300 hmun a zauah Oil Palm kung 9850 an phun a, a neitu bik awm lovin khawtlangin an enkawl a. Agriculture Officer te hian Oil Palm enkawl dan zirtirna an pe zui nghal a ni.

Pu L.V.Zomuana, District Agriculture Officer, Mamit, Pu R.K.Nithanga, Dy.Director (Oil Palm) leh Pu Tlangtimawia Zote te’n Director hi an tawiawm a ni. (DIPR)

 
*Tukin zing lam khan East Garo Hills bawr velah GNLA helpawl te leh Meghalaya police te an inkap. Thi leh hliam report a awm lo a ni.
Source: North East Today.
Courtesy: Maena Pautu
 
*NATIONAL CHAMPIONSHIP-AH MIZORAM KARATE TEAM IN MEDAL 5 AN RAWN HAWN
All Mizoram Karate Association (AMKA), General Headquarters Mizoram State Sports Council (MSSC) tirh chhuah Mizoram Karate Team chuan date 30.5.2014 - 1.6.2014 chhunga Karate Association of India (KAI) Sub-Junior, Cadet, Junior & Under 21 years National Karate Championship New Delhi-a neih chu khelin, Under 21 years category-ah Bronze Medal 4 leh Junior category-ah Bronze Medal 1 lain Medal 5 an hlawh chhuak.

He National Karate Championship-ah hian India ram State leh UT hrang hrang bakah Force/Security Team hrang hrang, a vaiin Team 40 vel telin player 1000 zetin an khel a; Mizoram Karate Team pawh player 17 leh Team Manager 1 leh Team Coach 1 an tel a. Mizoram Karate Team hi Team Manager Pu Lalnunhluna, Mission Veng, Aizawl leh Team Coach Sensei F.C. Sahku @Sasa te hovin an feh chhuak a a ni.

Medal latute chu hengte hi an ni:-

Lalmuanawmi, Sialsuk Under 21 yrs- below 53kgs Bronze Medal

Zonunmawii, Lianpui Under 21 yrs- above 60 kgs Bronze Medal

Lallawmzuala, Lawngtlai Under 21 yrs- below 68kgs Bronze Medal

Lalsangliana, Ramhlun Venglai Under 21yrs- below 78kgs Bronze Medal

Zorinkima, Tlangnuam, Aizawl Junior- below 76kgs Bronze Medal
(DIPR)

 
*OIL PALM CHINNA KHUAAH AGRICULTURE DEPARTMENT HOTUTEN ZIRTIRNA BEIHPUI AN THLAK
Agriculture Department (Crop Husbandry) Director, Dr.C.Lalzarliana leh Officer pawimawh ten Mamit District huam chhunga Oil Palm chinna hmunpui khaw thenkhat tlawhin Oil Palm enkawl dan an zirtir.

Saithah leh Phuldungsei khuaah te Agriculture hotute kalin training an buatsaih sak a, Salem Boarding chhehvela Zawltezau ram ah Oil Palm a huhova chinna hmun Agriculture hotute hian an fangkual nghal a ni. He Zauvah hian chhungkaw 38 in ram tin 112 ( 45 Ha.) hmunah Oil Palm a huhovin an ching a, heng hmunte hi Agriculture hotuten fangchhuakin, an thlawhhma ah ngei an zirtir a ni. He Zauah hian Oil Palm 6435 phun a ni a, tha taka enkawl an ni.

Agriculture Director leh a hoten Damparengpui- a Oil Palm an chinna hmunpui, Sesihzau, tin 300 zet a zau pawh an tlawh zui nghal a, he khua hi Mizoram chhunga khawtlang anga Oil Palm hmun siam hmasak berna a ni. Ram tin 300 hmun a zauah Oil Palm kung 9850 an phun a, a neitu bik awm lovin khawtlangin an enkawl a. Agriculture Officer te hian Oil Palm enkawl dan zirtirna an pe zui nghal a ni.

Pu L.V.Zomuana, District Agriculture Officer, Mamit, Pu R.K.Nithanga, Dy.Director (Oil Palm) leh Pu Tlangtimawia Zote te’n Director hi an tawiawm a ni. (DIPR)
 
*LARSAP IN MIZORAM STATE CANCER INSTITUTE A TLAWH
Mizoram Governor Pu Vakkom Purushothaman chuan nimin khan Zemabawk-a Mizoram State Cancer Institute a tlawh. Governor hi Pu Manoj Kumar, IAS, Secretary to Governor, Dr. Lalsiampara, Director, Mizoram State Cancer Institute leh helai hmuna Institute-a doctor-ten an tawiawm a. Institute enkawltu doctor leh nurse-te leh thawktu dante titi puiin Institute enkawl chungchanga an harsatna leh mamawh hrang hrangte a ngaihthlak sak a. Governor hian Institute-a awm damlote hi Blanket 1 theuh a pe.

Mizoram State Cancer Institute hi 2012 khan tunhmaa TB Hospital awmna thinah khan din a ni a. Tunah hian khum 40 awmin damlo mi 26 an awm mek a, Doctor 9 leh Nurse 18 – in helai hmun hi an enkawl a ni. He Institute bakah hian a bulhnaiah Cancer Day Care Centre khum 15 awmna a awm bawk a ni. (DIPR)
 
*MIZORAM SAWRKAR HNUAIA VIP LIGHT CHHI THEI TE

Mizoram Sawrkar chuan sawrkar motor-a VIP Light chhi thei a hnuai ami ang hian a siam thar :-

Red Light with Flasher Mizoram chhungah : 1) Governor ; 2) Chief Minister ; 3) Judges of High Court ; 4)Speaker, State Legislative Assembly ; 5) Cabinet Ministers ; 6) Leader of Opposition in Legislative Assembly ; 7) Deputy Chief Whip ; 8) Vice Chairman (SPB) ; 9) Deputy Speaker of State Legislative Assembly ; 10) Minister of State ; 11) Parliamentary Secretaries ; 12) Chief Secretary, (Govt. of Mizoram) ; 13) Director General of Police ; 14) Advocate General ; 15) State Election Commissioner ; 16) Chairman, Aizawl Municipal Council (AMC) ; 17) Chairman Mizoram Public Service Commission (MPSC) ; 18) State Chief Information Commissioner.

Blue Light with Flasher Mizoram chhungah : 1) Vice Chancellor of University ; 2) Principal Secretaries/Commissioner/Secretaries of Govt. of Mizoram.

Blue Light with Flasher on Jurisdiction ah : 1) Deputy Commissioner ; 2) Chairman Autonomous District Council ; 3) District & Session Judges ; 4) Police Officers SP Level atanga Addl. D.G.

Multi Colour Light, blue, white etc. but not red leh Siren : 1) Ambulance ; 2) Police Escorts ; 3) Patrol Cars.

A chunga tarlan te bakah khian Sawrkar in an anpui a a dahte pawhin an rank puite chhit ang VIP Light chhit phal a ni a, VIP te an chuan loh chuan light hi a khuhna dumin khuh tur a ni, official duty ah chauh chhit tur.

VIP light chhi theite hian Sawrkar motor an kawl laiah chauh chhit tur, an private motor ah dah phal a ni lo.

VIP light chhit tur bituk ang nilo chhi te chu dan angin hrem theih an ni. (DIPR)

GOOD MORNING MIZORAM
LAMTLUANG ZINGKAR CHANCHINTHAR LAWRKHAWM
*Nimin khan Lai Autonomous District Council huam chhunga MDC Seat ruak pathum hnawh khahna tura Bye-Election vote thlak chu tluang taka neih a ni a, II-Borapansury II bial ah erawh chuan tlai lam dar 4:00 Pm thleng khan vote tla a la awm lo.

*Mizoram Youth Commission leh Labour Employment & Industrial Training Department buatsaih, ni hnih awh tur, Mizoram Skill Fest 2014 chu nimin khan Assembly House Annexe Building-ah neih tan a ni a vawiin tlai ah khar a ni ang. Vocational Training Providers (VTP) hi ram chhung hmun hrang hrang atangin 22 an lokal a ni.

*Nimin khan Lunglei DC Office Chamber-ah Lunglei khawpui chhunga ui leh ran dangte khuahkhirh chungchang meeting neih a ni a; sorkar Department, Village Council leh NGO hrang hrang aiawhte an tel. Ui leh ran dangte nasa leh zuala khuahkhirh chu a tul thu leh veng tin VC te chu thuneihna pek an nih angin khuahkhirh dan tur chu an vengchhung theuhah kengkawh mai se tih an rel. (DIPR)

*Tun Inrinni lo awm tur, June ni 7, chawhnu dar 1:05-dar 2:00 inkar Telephone a zawhna leh chhanna AIR Aizawl a Live Phone In Programme ah chuan “Tunlai chanchin inhrilhhriatna kawnga fimkhur tulna (pawimawhna)” chungchang a hriat duh nei te tan a zawh theih dawn a. Mipui zawhna chu - 1) Vanlalfaka Ralte, Addl. SP, CID (Crime) ; 2) Lalthlamuana, Chief Informatics Officer, ICT ; 3) Lalrempuia Sailo, Deputy Engineer, NIELIT leh 4) David H. Lalthangliana, OSD-cum-Under Secretary, Home Department ten an rawn chhang ang a. A zawt duh tan Telephone No. 0389/2322515 ah emaw 2323148 ah emaw a biak pawh theih ang. (DIPR)

*Union minister for Road transport and highways  Nitin Gadkari chuan Gopinath Munde boral san tak ministry 3 -rural development, panchayati raj leh drinking water and sanitation te chu a minister thar ruat a nih leh hma zawng a hmui hrih dawn a ni.

*Indore, Madhya Pradesh atanga vawi 8 lai MP atan a thlantlin lo ni tawh Sumitra Mahajan (71) chu Lok Sabha Speaker atan thehchhuah a nih rin a ni. He nu hi 2002-2004 khan Atal Bihari Vajpayee sorkar ah Union Minister of State a lo ni tawh a ni. Kan rawn post tawh thin angin Zitawpni ah Lok Sabha Speaker thar hi thlan a ni dawn a ni.

*Nimin khan Delhi CM hlui leh AAP hotupa leh a thuihruai mi 2 te chu Delhi Metropolitan magistrate Muneesh Garg chuan bail in a chhuah tir ta.

*Vawiin hian Lok Sabha 16-na atan a thlantlin MP ten rinawmna thu tiam an la tan dawn.

*Tunhnai lawk a hmeichhe naupang thahnem tak rubo tu Nigeria ram a Muslim firfiak pawl Boko Haram te chuan nimin khan Nigeria hmarlam Borno state ah mi 12 an kaphlum. An mi kahhlum na hmun 1 phei chu Biak In compound chhung ah a ni.

*India rama khualzin phur thlawhna service thar AirAsia chuan kar leh atangin Bangalore leh Goa inkar thlawh tan an tum a, minute 10 chhungin an thlawh hmasak ber atana zin tum ten ticket an leizo nghal vek.

*Madras High court chuan Tamil Nadu a engemaw hunbik a bawng insual tir (Jallikattu) an chin thin chu khapna thupek a siam hnuin Madurai khua a Arulmigu Muniyandi Temple festival a arpa insualtir an chin thin pawh khap an duh thu state sorkar an hriattir.

*Thawhtanni zan ah khan Pune ah software professional Muslim tlangval kum 28 mi Shaikh Mohasin Sadiq chu Facebook ah Shivaji leh Shiv Sena hotu boralta Bal Thackerey te thlalak mawilo tak a post avangin Hindu sakhaw zuitu mithenkhat lungawilo ten hockey tiangkawm in an vawhlum. He tualthah na a inhnamhnawih ni a rinhlelh mi 13 te police in an man tawh a ni.


*Syria President thar atan Bashar Assad chu thlan nawn leh a ni. Asad hian a khingpui 2 te lakah vote 10,319,723 votes ( 88.7%) a hmu a ni.

*US thuruk puangdarh tu Edward Snowden chuan Russia ram a awmphalna pawhsei a dil.

*KUMTE CHU NUMBER MAI MAI ALAWM: China ram a Xinjiang Autonomous Region a tarchawmna in (old age home) pakhat ah Pitar kum 113 mi Azatihan Sawuti chuan amah aia kum 43 a naupang Aimti Ahemti kum 70 mi chu pasal atan a nei. He mi te nupa hi tarchawmna in atanga inchhar niin thla 6 chhung an inngaizawng hman a ni.

*HMANLAI VAWIIN: Kum 1851 vawiin angah khan bawih tihduhna thawnthu lar tak Mizo ten 'Pu Tawma In" ti a kan hriat lar a sap tawng a "Uncle Tom's Cabin" tih chu a ziaktu Harriet Beecher Stow chuan a vawi 1-na atan The National Era chanchinbu ah a chhuah tan. Kum 1967 vawiin angah khan 'Niruk indo' (Six day War) chu Israel leh a thenawm ram Egypt, Syria leh Jordan ten an tan. Kum 1723 vawiin angah khan  Classical economics lar Adam Smith chu Kirkcaldy, Fife, Scotland ah a lo piang.

*MIZORAM HRECHIANG ANG: Mizoram a Vocational subject a degree/diploma laktheihna awm hmasaber Mizoram Polytechnic chu kum 1981 khan Hrangchalkawn, Lunglei ah sorkar in a din. Department 4 a awm a chungte chu:
Electrical Engineering, Civil Engineering, Mechanical Engineering, Computer Science & Engineering te anni. Kan hriat theih dan awlsam ber tur chu JE zirna ti ila kan sawi sual tamlo ang. Mizoram Polytechnic Lunglei hian zirna thatlam tehna ah ISO 9001:2008 a nei mek a ni.

*THURIL: "Hlawhtling tur chuan kan ti thei a ni tih rin hmasak phawt angai" - Nikos Kazantzakis.
----------
In comment hlu tak tak te hi kan lo chhiar chhuak dap (CCD) thin a nia, comment leh like hi inthlahrung reng reng suh u, in fakna kher lo pawh induhkhawp lona leh sawisel ngai lai in hriatte pawh comment ah rawn sawi thin rawh u.

Chuan, kan page a thu kan post te hi 'share' chhawn kan phal a, tin share option hmang lo a angial a ngan a lo copy thin te tan "Thulakna: Lamtluang" tih tarlang tel thin turin kan ngen a che u. Vawiin hun hman nuam vek ule.
 

4th June 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM
4.6.2014 
*MODI LEH OBAMA INHMU DAWN
India Prime Minister Narendra Modi leh US President Barack Obama te chu kumin September thla chawlhkar tawp ah Washington ah an in be dawn.
 
*RS.20 A RU LAI HMEICHHE NAUPANG IN A LO HMUH VANGIN A THAT
Nimin khan Chembur, Mumbai ah Prokash Hajra (kum 30) chuan an thenawm a awm hmeichhe naupang kum 7 mi Beauty Sarkar in a pawisa ru lai a lo hmuh avangin a that. Tualthattu Prokash hian an thenawm in Beauty Sarkar te chenna ah hian a mobile phone a charge a, chutih lai chuan inneitupa pawisa dahna ipte atangin Rs.20 a la ru lai chu Beauty Sarkar hian a lo hmu si a, a sawichhuah a hlauh avangin a man lawk a tuiah thawtheilo in a chiah hlum ta a ni awm e. Nimin chawhnu dar 2:30 khan hmeichhe naupang nu hnathawk rawn haw chuan a fanu thi lo a ruang a awm chu, damdawiin a panpui nghal a mahse doctor a thi tawh tih an lo hrilh a ni. Tualthattu hi police ten manin a thah ngei a ni tih a inpuang tawh a ni.
 
*PAWNGSUAL DUH LOH VANGIN A LU AH KAP DARH
Meghalaya a South Garo Hills a Raja Rongat khua ah nu pakhat chu a pasal leh a fate nen nizan thimhlim a inah an awm laiin helpawl Garo National Liberation Army (GNLA) pawl a mi 4/5 ten hruaichhuak in pawngsual an tum a, a duh loh avangin an a lu ah an kaphlum. GNLA helpawl te hian he nu pasal leh a fate 5 hi inchhung ah kalhkhum in nu ber hi an hneh lak a ni. Police te sawi danin a lu a rifle a an kah avang hian hmun hnih ah a darh a niin an sawi. He thil thleng hi Garo Hills MP PA Sangma chuan a dem thu a sawi.
 
*MIZORAM DGP THAR LO THLENG
Mizoram DGP thar tur, Dharmendra Kumar, IPS chuan nimin khan a hna thar zawm turin Aizawl a lo thleng. Dharmendra Kumar hi 1984 batch IPS niin, AGMUT cadre a ni a, Delhi Police Special Commissioner thin a ni. Nimina Mizoram a lo thlenin Mizoram police hotute'n Lengpui Airport-ah an lo hmuak a ni. (Vanglaini)
 
*BRITISH LAWNG KHALHTU IN MH370 HMU
8 March 2014 a Malaysia thlawhtheihna  MH370 bo zan khan British hmeichhe lawngkhalhtu Katherine Tee (41) chuan Indian Ocean ah lawng atang thlawhtheihna kang chung a thlawk lai a hmuh thu a sawi.  A sawi dan in a thlawhtheihna hmuh chu tuifinriat hmar lam atang a chhim lam panin a thlawk a "Thlawhtheihna sei chi serthlumrawng lar tak, a mei lam a meikhu chhuak awm" a ni a ti.

Katherine Tee hian thil hmuh hi MH370 a ni chiah em tih finfiahna tak nei bik lo mahse he thlawhtheihna bo zawng mek tu Joint Agency Coordination Centre (JACC)te hnen ah a thil hmuh dan leh GPS data a neih ang ang te zirchian an duh chuan a tanpui theih tur thu a hrilh tawh a ni. Katherine Tee leh a pasal Marc Horn te hian lawngin Kochi, India atangin Phuke an pan a, chutih lai chuan thlawhtheihna kang thlawk lai hi hmu in a insawi a ni.
#MH370

GOOD MORNING MIZORAM
LAMTLUANG ZINGKAR CHANCHINTHAR LAWRKHAWM
*Nimin khan Salvation Army India Eastern Territory-a Chief Secretary thar tur Lt. Colonel Davidson Varghese leh a nupui, Lt. Colonel Miriama Varghese te chu Territorial Headquarters chuan Territorial Head quarters Chapel ah an lawm lut a,inkhawm  hi Territorial Commander, Comissioner Lalngaihawmi’n a kaihruai a ni.

*Nimin zing a Delhi a car accident a boral Union Rural Development Minister Gopinath Munde ruang chu vawiin tlai hian an khua Parli, Beed District, Maharashtra ah vui a ni ang.

*Vawiin hian India Parliament Lok Sabha vawi 16-na chu neih tan a ni dawn ta a, Protem Speaker (Speaker lailawk) atan congress pachal Kamal Nath chu rinawmna thutiam tir a lakluh a ni ang. Union Minister Gopinath Munde boral ta sunna hun an neih hnua ah house an tin ang a, naktuk leh zirtawpni ah MP te lakluh anni ang a, zirtawpni hian Lok Sabha speaker tur thlanna neih a ni bawk ang. Vawiin hian MP thar te lakluh annih dawn hrih tak loh avang hian Protem speaker Kamal Nath chiah hi Lok Sabha member a chhiar theih a ni hrih dawn a ni.

*Nimin khan Pakistan khawthlang ram Parachinar ah truck in bomb a chil puak a, mi 7 an boral a, mi 3 in hliam na tak an tuar.

*Egypt (Aigupta) ram President thar atan  Army chief Field Marshal hlui Abdel Fattah el-Sissi chu thlan tlin a ni.

*Nimin khan Syria ram mipui ten an ram President thar tur thlanna an nei.

*Tunlai hi Delhi University in admission an hawn lai a ni a, admission buaipui in zirlai te an pungkhawm nasa thei hle. Delhi Mizo Zirlai Pawl te pawh hin Mizo zirlai te tanpui nan Help Desk an siam a ni.

*French Open tennis khelh mek ah India tennis khel thiam Sania Mirza leh a tanpui Sara Black te chuan Women's Double quarter final ah  Su-Wei Hsieh leh Shuai Peng te hneh loh in an tla.

*Nimin khan IIT Kanpur chuan khawlthluak nei chakber chi Supercomputer thar an Rs.Vaibelchhe 48 seng a an din chu an hawng ta. IIT Kanpur hian Supercomputer 2 an nei ta a ni.

*Union Minister Gopinath Munde chuanna car su tu Tata Indica car (DL 7C E5459) khalhtu Gurvinder Singh (32) chu court ah hruai a nih hnu in bail in chhuah tir a ni.

*Tennis World No.2 Novak Djokovic chuan French Open 2014 semi final a lut ta.

*England football captain hlui David Beckham chuan nikum may thla atanga football a chawlhsan hnu in hunrei tak a lo khelh thin game a chawlhsan ta chu insum a har thin thu BBC in an kawmna ah a sawi chhuak. Basketball game a en thin thu leh infiammi ten theih tawp an chhuah lai hmuh chuan inkhelh ve leh mai a chak thin thu leh "ka inkhel ve mai dawn em ni aw? "Ka kir leh mai dawn?" "Ka chawl tawh ka tih na in inkhelh leh zawk mai tur em ni aw?" tih te a rilru ah a awm nasat thin thu a sawi.

*BSNL chuan an customer te tan internet tello a facebook an hman theih dan tur ruahmanna thar an siam. Unstructured Supplementary Service Data (USSD) hmangin BSNL customer te chuan internet/date connectivity tello in Facebook an access(hawng) thei tawh ang a, post leh status an en theih bak ah, friend requet chhan te, birthday reminder en leh message thawn te pawh a theih dawn a ni. He ruahmanna hmang te chu BSNL plan Rs.4-Rs.20 inkar charge thin anni thung dawn a ni. BSNL hian U2opia Mobile nen ruahmanna hi an siam a, East leh South zone ah kalpui phawt a nih hnuah West leh North zone ah te chhunzawm zel a ni ang.

*Football ngaina tu ten an nghahhlelh em em FIFA World Cup 2014 khelh nan ni 8 chiah angai ta.

*HMANLAI VAWIIN: Kum 1647 vawiin ang ah khan Kumpinu (British) sipai ten an lal King Charles I chu man in Newmarket tan in ah an khung. Kum 1878 vawiin angah khan Turkey chuan Kupra (Cyprus) thliakar chu Britain hnen ah a hlan.

*MIZORAM HRECHIANG ANG: Mizoram a ran doctor zirna awm chhun Selesih a College of Veterinary sciences & Animal Husbandry hi 1997 khan  B.V.Sc. & A.H batch hmasaber an lut tan a ni. He college ah hian UG, PG leh Ph.D te a zir theih a Central Agricultural University, Manipur enkawlna hnuai a awm a ni.

*THURIL: "Hmatiam hlen thar tur emaw suangtuahna thar nei tawh lo tur khawp a kum upa a awm theih loh." - CS Lewis
--------
Facebook a Lamtluang page pawh tunah hian like tur nangmah tiamin mi 9619 kan awm a, Sing kan tlin lohna chu mi 381 chiah a ni ta, tang tlang ila, mahni thian te theuh like tir ang aw.  I rawn comment ve loh chuan a nuam lo a nia, tukchhuak nuam vek ule.

 

3rd June 2014 news in Mizo

 Latest news collection in Mizo language

MIZO TAWNG A CHANCHINTHAR LAWRKHAWM

3.62014 
*PELE FAPA TANG DAWN
Footballer Pele fapa Edson Cholbi Nascimento chu damdawi tawlhru thin pawl te zing a a inhnamhnawih avangin an ram court in kum 33 tang turin a hrem. 2005 pawh khan thubuai dang avangin jail a lo tang tawh bawk a ni.
 
*MIZORAM SAWRKARIN UNION MINISTER GOPINATH MUNDE SUN DAWN
Mizoram Sawrkar chuan hun lo tak a Pu Gopinath Munde, Union Minister for Rural Development vawiina, boral chu pawi a ti takzeta. Amah sun nan naktuk hi State Mourning a puan a ni a, naktuk hian Hnam Puanzar pharh thin na hmun ah te chuan Hnam Puanzar hi ngul chanve a zar tur a ni ang. Hei bakah hian naktuk hian Sawrkar anga intihlimna programme(official entertainment) eng chi mah hman a ni lo bawk ang. (DIPR)
 
*JNV SCHOOL SAK LAI MEK MAMIT JOINT V/C TEN AN TLAWH
Vawiin khan Mamit Chhimlam Khiangthelh hmuna Jawahar Novadaya Vidyalaya School (JNV) sak mek chu Mamit Joint V/C ten a hmunah tlawhin hmalakna kal mek an enfiah, Kum 2012 March thla a bul tan Mamit JNV School Complex ah hian mipa leh hmeichhia Hostel 3+3 = 6, Principal leh Staff Quater 5, Kitchen Building 1 sak mek a ni a, Office leh School main building sa tu tur Contractor thlan fel tawh a ni a. Hna hi 40 % zawh fel tawh a ni.

Mamit JNV te hian Mamit Hmar venga Trade & Commerce Department Market Building leh DC Hall an luah mek a, Heng hmun te hi bazar hmun a nih avangin khawtlang hmasawnna a nih zawk beiseiin mipui lam atangin chhuahsan tawh se tih duhna a awm avangin Mamit Joint V/C te hian an hna kal mek hi an tlawh a ni.

Mamit Joint V/C te hi Pu Ramdinsanga Site Engineer MAMCO chuan lo dawngsawngin JNV Complex hi Central suma sak niin tuna hna kal mekah hian kum 2013 December thla a running bill an submit tawh chu June thla tawp hian pawisa a chhuah hman beisei a nih thu a sawi a, chak taka hmalak chhoh tum a ni a ti bawk.

Joint V/C te hian building sak zawh hmasak a piangah a remchan dan ang anga insuan luh an duh thu te an sawi bawk a ni. Joint V/C te hi Pu P.C Lalthanzuala Chairman Joint V/C in a ho a ni. (DIPR)
 
*BRU LAKLET CHUNGCHANGAH A MAWHPHURTUTE AN THUKHAWM
Vawin dar 11:00 am khan Bru laklet dan tur chungchangah Mamit District Level Core Committee chu an Chairman Pu K.Lalthawmmawia, District Bawrhsap, Mamit hovin a Office Chamber-ah an thukhawm.

He thutkhawm ah hian Tripura Camp hrang hranga Bru lak let dan turah Mamit District inpuahchahna hrang hrang te ennawn a ni a. Bru lak let turte hi chhungkua 3800- 4000 inkar niin an rawnletna tur inhmun hi Hachhek Constituency-ah chuan 2000 mamawh anih laiin tun dinhmunah 875 chauh la tihfel theih anih avangin YMA leh VC te la biak rawn tur a tih a ni. Bru lak let tur hi ni 8 chhunga zawh hman tum a ni. Facilitation Centre hmun hnih Zomuantlang ah Primary school leh Kanhmunah chuan BNREGSK ruahman a ni.

Facilitation hi Zomuantlangah hian BDO W.Phaileng, SDC, SDPO W. Phaileng bakah Medical Officer, Staff Nurse leh Health Worker pakhat theuh duty tura ruahman niin Kanhmun-ah hian BDO Zawlnuam, SDC, SDPO Kawrthah, Medical Officer, Staff Nurse leh Health Worker pakhat theuh duty tur a tih a ni bawk.

Facilitation-ah hian Family Ration Card pek chhuah nghal tur niin chhungkua pakhatah buhfai 20 kgs pek nghal ni se tih a ni.

He hunah hian Mamit District Level Core Committee member-te leh invitees te an kal tha hle a ni. (DIPR)
*NORTH VANLAIPHAI DAMDAWIIN KUM 100 TLIN LAWMNA
North Vanlaiphai damdawiin PHC kum 100 tlin lawmna Vanlaiphai Community Hall-a neih Chief Minister Pu Lal Thanhawlan a hmanpui.

Chief Minister chuan N.Vanlaiphai mipuiten an damdawiin kum 100 tlinnaah lawm nachang an hria chu Pathian duhzawng a ni tiin kum 100 Pathianin a thlenpui chu a ropui hle a ni a ti a. Lawm nachang hriat loh hi a vanduaithlak thin a ni a ti. Damdawiin kum 100 tlin lawmna ni atang hian intiamkamna leh ngaihtuahna thar nei turin mipuite chu Pu Lal Thanhawla hian a chah a, ei leh bar leh sum leh paia intodelh thei turin mahni hriselna theuh ngai pawimawha kan hriselna tichhe theitu lakah fihlim turin a chah a ni. Sorkar chuan hnam intodelh leh hnam zahawma Mizo mipuite a siam tumna kawngah an chian thu sawiin Chief Minister chuan kan arkhawthim dai mai mai lo a ni a ti.

Chief Minister chuan kan awmna theuh hi Pathianin a rawngbawl tura min dahna a ni a, chuvangin, rinawmna, taimakna, dikna nen tui taka kan thawh hi mitinte mawh a ni a ti. Chief Minister chuan Hrangturzo bial mipuiten Pi Vanlalawmpuii Chawngthu an thlan tlin thu-ah lawmthu sawiin MLA 34 zinga an farnu awmchhun tur anih avangin duat pawh a hlawh hle ang a ti.

Chief Minister hian PHC kum 100 tlin lawmna hriatrengna Souvenir a tlangzarh nghal bawk.

Khual zahawm Health Minister Pu Lal Thanzara chuan N.Vanlaiphai damdawiin in kum 100 hmel a hmu thei hi a ropui a, a khaw mipuite tawiawmna leh enkawlna vang a ni a ti a. A bul tantute leh enkawltute bakah mi thahnemngaitu zawng zawng chungah lawmthu a sawi a. Pu Lal Thanzara chuan hmun lian leh changkang zawkah doctor tha zawk leh hmanrua changkang zawk awm bawk mahse mahni khua ngeia mahni hmelhriatten min enkawl hi a hlu a, a thlakhlelhawm fo zawk a ni a ti. Hriselna hi sorkar laipui ang bawkin Mizoram Sorkar pawhin a ngaipawimawh a ni a ti a, Falkawn Referral Hospital pawh Central Sorkarin Multi-Disciplinary Center atan a thlan thu sawiin hemi atan hian cheng vaibelchhe nga a rawn pek tawh thu a sawi a. Aizawl Civil Hospital tihchangtlun nan cheng vaibelchhe 40 ruahman anih thu tarlang bawkin tunah hian a hmahruaiah cheng vaibelchhe nga a rawn pek tawh thu a sawi bawk a. Mizoram-in Medical College a neih tura lo bawhzuitu tur peng hrang hrang Sub-Committee siam anih tawh thu pawh a tarlang bawk a ni. Health Minister hian N.Vanlaiphai PHC mamawh hrang hrang an thlente chu tihpuitlin sak a tum thu a sawi bawk.

Khual zahawm dang bialtu MLA Pi Vanlalawmpuii Chawngthu pawhin thu sawiin an aiawh tura an thlang tling chu Hrangturzo bial mipuite chungah lawmthu a sawi a. Hnathawh turin a umzui nghal thu sawilang nghal bawkin mipuite tawiawmna ngen chungin theihtawpa hnathawh a tum thu a sawi bawk a ni.

PHC hi a tir chuan Dispensary anga bul tan a ni a, a building pawh British kutchhuak a la ni nghe nghe a ni. A enkawltu doctor 22 chuang an lo awm tawh bawk a ni.

Lawmna inkhawm hi VCP & Chairman, Celebration Organising Committee Pu Lalthanmawia Sailo-in a kaihruai a ni.

Inkhawm zawh hian Chief Minister Pu Lal Thanhawla chuan damdawiin bathlara kum 100 tlin hriatrengna lungphun a hawng bawk a ni. (DIPR)
 

North Vanlaiphai Primary Health Centre Centenary celebration
Pix; DIPR

North Vanlaiphai Primary Health Centre Centenary celebration
Pix; DIPR

North Vanlaiphai Primary Health Centre Centenary celebration
Pix; DIPR

 
*THIM THAM A PHONE HMAN NASAT LUTUK VANGIN TLANGVAL KUM 26 MIIN A MIT TICHHIA
China a Shandong Province a Qingdao khawpui a tlangval kum 26 mi chuan phone application WeChat hmang a thim tham a bialnu a biak nasat lutuk avangin a mit veilam in a tuar lo a damdawiin ah zai a ngai phah a ni.

He tlangval hian WeChat hmang in a bialnu hi chhun ah pawh a text char char thin a, zan ah a mut hnu in khum atangin thim tham ah a text chhunzawm leh thin a, a tawp ah chuan a mitmu tuam tu rang (retina) in a tlin ta lo a, a khawhmuh a chiang kuan tak loh thut avangin hmanhmawh tak in doctor ten an zai sak ta chuk chuk a ni.

Mithiam ten an sawi dan in mitmu tuam tu rang chiangkuang lo (Retinal detachment) vanga buaina hi tunhma lam chuan kum upate deuh chauh in an vei thin a ni a, mahse tunhnai chho ah hian mobile phone hman nasat avangin kum naupang te zingah pawh he natna vei hi an pung chak hle a ni. Zan mut tawh hnu light(eng) tih thim hnu a phone khawih hi mit in a haw em em a, tin eng awm pawh nise rei tak phone/electronic hmanrua en char char thin te hian mit a tih chhiat chak bak ah mit kham (eye stress), mitna (conjunctivitis) leh mit sa (Keratitis) te pawh a awm tir thei a ni. I mit kha uluk hle teh.
 
*MIZO LEHKHABU THAR TLANGZARH
Vawiin khan Law Minister Pu Lalsawta chuan I&PR Auditorium-ah Pu Laldova lehkhabu ziak "History of Chittagong Hill Tracts" a tlangzarh.

Pu Lalsawta chuan mahni thlahtute chanchin thui tak chhui tur hre lo, mahni hnam chanchin hre mang lo hi Mizo zingah a tam zawk kan nih laia Chittagong Hill Tracts-a Zofate leh an chhehvela cheng hnamte chanchin chipchiar taka ziakna lehkhabu Pu Laldova’n a buatsaih thei chu chhuanawm tiin, Mizo hnam tana thil hlu leh rotling a ni ngei ang, a ti. Mizo hnam kan nihna hi kan duha kan pawm leh kan duha kan hnawl theih a ni lova, hnam khat unauza kan nih miau avangin khawvel siam chawp ramri hian min then hrang tur a ni lo, Minister chuan a ti a. Hnam hi tlahniam leh boral thei a ni a, Mizo hnam tlemte hi kan inpumkhata a kan tanrual erawh chuan tun atanga hun reiloteah hnam ropui tak kan la ni thei ngei ang, a ti bawk.

Lehkhabu tlangzarh programme hi Pu Vanneihtluanga’n a kaihruai a, Pu Lalhruaitluanga Chawngte chuan thlirlawkna hun a hmang a ni. (DIPR)
 
*LARSAP IN TAR CHAWMNA IN TLAWH
Mizoram Governor Pu Vakkom Purushothaman chuan vawiin khan Luangmual – a Tar Chawmna in (Old Age Home) a tlawh. Governor hi Pu Lalrinliana Fanai, IAS, Commissioner, Social Welfare, Pu Manoj Kumar, IAS, Secretary to Governor, Pi Vanlaldini, Director, Social Welfare Department leh officer dangten an tawiawm a. He Home enkawltu Warden leh a thawhpuite bakah Department atanga amah tawiawmtute titi puiin Home enkawl chungchanga an harsatna leh mamawh hrang hrangte a ngaihthlak sak. Governor hian Home-a awmte hi Blanket 1 theuhin a pe bawk.

Tunah hian Tar Chawmna Inah hian mipa 5 leh hmeichhia 3 an awm a, 1st March, 1989 khan Mission Veng-ah mi In luahin bul tan a ni a, heta tang hian June ni 20, 1990 khan Durtlang-ah sawn a ni leh a, mahse, helai hmun hi thlasik ah a vawh thin em avangin tuna an awmna hmunah hian 5.11.1996 ah an insawn leh a ni. (DIPR)

Mizoram Governor  Vakkom Purushothaman visit Aizawl old age home

Mizoram Governor  Vakkom Purushothaman visit Aizawl old age home

 
*FINANCE MINITER HLUI JAIL AH THAWN A NI
Union Finance Minister hlui Yashwant Sinha leh BJP mi leh sa 54 te chu Jharkhand a Hazaribagh Judicial Magistrate RB Pal an ni 14 chhung tang turin tanin(jail) ah a thawn. Nimin khan Jharkhand State Electricity Board a General Manager Dhanesh Jha chuan electric mumal loh vangin Yaswant Sinha leh an mi man dang te hian mawilo takin an an khum avangin an lakah FIR a thehlut a ni.

Yaswant Sinha hian an party mi leh sa te hi fuihpawrh tih a pha lo a, bail a chhuah an duh bawk siloh avangin ni 14 chhung tang phawt tur in court chuan a ti ta a ni.
 

*UNION MINISTER GOPINATH MUNDE BORAL
Tukin zing dar 7:40 khan Union Rural Development Minister Gopinath Munde chu All India Institute of Medical Sciences, Delhi ah accident vangin a thi. Gopinath Munde hi tukin zing dar 6:30 vel khan Airport pan a an tlan laiin Prithviraj road-Tughlak, Delhi ah a chuanna car chu indica car in a rawn su a, a tir phei chuan a taksa ah hliam engmah a awm lo a, mahse a lung lam a that loh avangin chutiang a thil thleng thut chu a zo ta lo niin a lang.

Gopinath Munde hi kum 64 mi niin 12 December, 1949 khan Maharashtra a Nathra khua ah chhungkaw rethei tak karah a lo piang a, MLA atan vawi 5 thlan tlin a ni. 1995-1999 khan Maharashtra Deputy Chief Minister a ni a, Lok Sabha hnuhnungber ah khan Deputy Leader of Opposition a ni bawk. Amah hi NDA sorkar hmasa a Union IT Minister thin boralta Pramod Mahajan te makpa a ni.

An chhungkaw ho tan hian thla khat a ni 3-na hi thihna ni a ni ta ringawt mai a ni. May ni 3, 2006 khan a nupui a unaupa Pramod Mahajan a chu a unaupa in a kaphlum a, March ni 3, 2010 khan Pramod Mahajan kaphlumtu a nupui a unaupa tho Pravin Mahajan a thi leh a, vawiin June ni 3-ah amah Gopinath hi a thi ve leh ta a ni.

 

*VANLAIPHAI IN DAMDAWIIN KUM 100 TLIN LAWM DAWN
North Vanlaiphai chuan an khaw Damdawi In kum 100 tlin chawhma dar 11 hian an lawm ang. Chief Minister Lal Thanhawla bak ah Health Minister Lal Thanzara leh bialtu MLA, Vanlalawmpuii Chawngthu ten an hmanpui ang. (Dingdi)

 

GOOD MORNING MIZORAM
LAMTLUANG ZINGKAR CHANCHINTHAR LAWRKHAWM
*June ni 4 (Nilaini) khian Autonomous District Council pathum hnuaia MDC bial 4 ah By-Election neih a ni dawn a, heng MDC bial pali a vote nei ten vote an thlak theih nan a hnuaia constituency tarlan chhung a khua/veng te tan hian Larsap chuan chawlh a puang:
1. 2-Borapansury - II MDC Constituency (CADC)
2. 10 - Lawngtlai Bazar MDC Constituency (LADC)
3. 11 – Tuipang – II Constituency (MADC)
4. 24 – Tuithumhnar MDC Constituency (LADC)

*Mizoram sorkara minister leh parliamentary secretary-te hman tur car 36 lei turah car paruk, Verna leh Bolero pathum ve ve chuan Aizawl a lo thleng tawh a, Secretariat Administration Department hman tur pick-up motor pakhat a lo thleng bawk. VIP-te car lei nan hian Rs. 3,41,50,000 ruahman a ni a; Verno car 18, Bolero 18 leh pick-up pakhat, a vaiin 37 lei tum a ni.(Vanglaini)

*NLUP hnuaia din ‘Committee for Review of Interest Free Loan’ chu nimin khan an chairman Chief Secretary, Pi L. Tochhong hovin Chief Secretary Conference Room-ah an thukhawm. He thutkhawmnaah hian NLUP hnuaia pung awm lova loan pek te an hnathawh dan thlir ho niin, loan dawngtute dinhmun leh hmalak zel dan tur sawiho a ni. (DIPR)

*Dr C Zonunsanga s/o C Lianmawia, Nursery Veng leh Dr Hmingthanmawii w/o CH Rosanga, Mission Veng te chuan Physical Medicine & Rehabilitation-ah RIMS, Imphal aṭangin specialist an zo thar. Anni hi Mizo zinga PMR-a specialist hmasa ber an ni a, Dr C Zonunsanga hi an batch-ah RIMS-ah pakhatna (gold medalist) a ni. (Vanglaini)

*May ni 25 tlai dar 3:30-a Singapore-a a awmna in-a thi a hmuh Mizo nula Nl.Laltlansangi (kum 17), Aizawl Bungkawn veng a mi ruang chu June ni 1(Pathianni) khan Mizo Christian Fellowship, Singapore (MCFS) ten Singapore a Mandai Crematorium ah an vuiliam ta. Amah hi Burma passport hmanga kal a nih avangin Mizoram ah a ruang lak theih a ni ta lo a ni.

*Mizoram sorkar Animal Husbandry & Veterinary Department hnuai a Veterinary Hospitals leh Dispensaries Wing ten April 2014 chhung khan sawrkar sum bawn (Government revenue) ah Rs. 2,26,585 an chhung lut a ni.

*Vawiin hian Prime Minister Narendra Modi chuan central sorkar hnuai a department a secretary theuh te kokhawm in an hnen atangin an hnathawh dan leh hmasawnna tur a ruahmanna an neih te slide presentation a neih tir dawn a, department tin secretary te hian minute 10 theuh hun ang chang dawn a ni.

*Sorkar laipui chuan Priyanka Gandhi in airport a security check ngailo a a duhsakna a dawn hlip tur a ngenna chu an hnawl sak. Nehru-a thlah te hi India ramah mi pawimawh tak tak annih avangin an mahni hawtu leh hruaibo duh mai tur emaw an awm theih dawn thin avangin venhimna leh duhsakna tha takin sorkarin an pe a ni.

*Nimin khan Palestina ramah pawl 2 inngeih lo thin Hamas leh Fatah ten inremna an neih tak hnu a tangrual sorkar hmasaber Palestinian national unity Government chu lakluh a ni ta a, Prime Minister atan Rami Hamadallah rinawmna thu tiam tir a lakluh a ni. He sorkar thar hi Israel chuan an pawmloh thu an puang ve thung.

*Maharashtra inthlan lo awm tur a Shiv Sena party ten CM candidate atan a an hotupa Uddhav Thackeray an puang chu NDA an thawhpui BJP ten an ngaimawh tan hle.

*BJP hruaitu hlun leh finance minister hlui Lok Sabha inthlan dawn hnaih a hnawhchuak tak Jaswant Singh chu BJP ah let leh dawn niin a sawi a ni. Thu hre ril deuh te chuan Jaswant Singh hi BJP ah let leh in Tamil Nadu Governor atan ruat a ni dawn niin an sawi bawk.

*IAS 1974 batch tuna Cabinet Secretary ni mek Ajit Seth chu kumin June ni 13 a pension tur a ni a, mahse sorkar in thla 6 chhung thawk chhunzawm leh turin a hun an pawhsei sak. He Uttar Pradesh cadre IAS pa hi a tha thawkhat anih rin theihna chu sorkar hmasa UPA pawh khan 2013 khan a pension hun tur an lo pawhsei sak tawh a, tun tum NDA sorkar in an pawhsei sak leh hi a tum 2-na a ni.

*Bihar Chief Minister thar Jitan Ram Manjh chuan a cabinet tilian in minister thar 14 a lakluh belh, lakluh thar zingah hian hmeichhia 2 an tel.

*India hmarchhak (North east India) mite ramchhung hmun hrang hrang ah enhran an tawh lohna tur leh an lo him zawk theih na tur a rawtna siamtur committee sang M P Bezbaruah kaihhruai te chuan nimin khan Minister of State for Home Affairs Kiren Rijiju hmuin an hmalak tawh dan leh hmachhawp te an sawipui.

*Libya ram Prime Minister thar Ahmed Maiteeq chuan dodalna nasa tak hnuai ah a office a luah tan a, police venhim na hnuaiah cabinet meeting hmasaber a nei. An ram hruaitu hlui Abdullah al-Thinni an charge (mawhphurhna) a hlan duh loh avangin police ten tihluihna in PM thar hnen ah charge an hlan tir a ni.

*HMANLAI VAWIIN: Kum 1923 vawiin angah khan Italy roreltu Benito Mussolini chuan hmeichhia ten vote an thlak a phalsak a ni. Kum 1972 khan hranghlui band lar tak thin The Eagle te chuan an album thar 'Take It Easy" an tlangzarh. Kum 1986 vawiin angah tho khan Manacor, Spain ah tennis thiam Rafael Nadal a lo piang bawk.

*MIZORAM HRECHIANG ANG: Mizoram a Pathian thu a harhna thlen runpui thlen kum te chu: A vawi 1-na: 1906, a vawi 2-na: 1913, A vawi 3-na: 1919, a vawi 4-na: 1935. Heng harhna thlen lai hian harhna chang te hian a huho a lam leh zaikhawm te nuam an ti thin em em bakah Mizo irawm chhuak Pathian fakna hla thar tam tak an rawn chhuak tel bawk a ni.

THURIL: "Mi hlawhtling chu a mah vawmnan a leirawh chan an hman te rualrem taka lo charkhawm thiam tu hi a ni." - David Brinkley
--------
Lamtluang page min hlutsak avangin lawmthu kan sawi e, i vahvel na ah te, i thian kawmna a i titi naah te, i nula rim na ah te, i inleng neih lai te leh i chhung te nen in inkhawm emaw i zina pawh lo nise Lamtluang hi an like tawh em tih zawt la, an lo la like lo anih chuan like tir ngei ngei ang che aw. In comment te pawh kan chhiar leh khat ta, engemaw tal rawn sawi ve rawh le. Ni hman nuam vek ule.