27th May 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

For news related to Mizo people & Mizoram Contact us: lamtluangmizo[at]gmail[dot]com

The President, Shri Pranab Mukherjee and the Vice President, Shri Mohd. Hamid Ansari with the Prime Minister, Shri Narendra Modi and the other members of Council of Ministers after the Swearing-in Ceremony, at Rashtrapati Bhavan, in New Delhi on May 26, 2014. Courtesy: PIB

*PRIME MINISTER NARENDRA MODI COUNCIL OF MINISTER WITH THEIR PORTFOLIOS (FULL LIST)
Narendra Modi: Personnel, Public Grievances and Pensions, Department of Atomic Energy, Department of Space, All important policy issues and all other portfolios not allocated to any Minister

Rajnath Singh - Home Minister

Arun Jaitley - Finance, Corporate Affairs and Defence

Sushma Swaraj - Ministry of External Affairs

Venkaiah Naidu - Urban Development, Housing and Urban Poverty Alleviation, Parliamentary Affairs

Nitin Jairam Gadkari - Road Transport and Highways, Shipping

DV Sadananda Gowda - Railways

Uma Bharti - Water Resources, River Development and Ganga Rejuvenation

Najma A. Heptulla - Minority Affairs

Gopinathrao Munde - Rural Development, Panchayati Raj, Drinking Water and Sanitation

Ramvilas Paswan - Consumer Affairs, Food and Public Distribution

Kalraj Mishra - Micro, Small and Medium Enterprises

Maneka Sanjay Gandhi - Women and Child Development

Ananthkumar - Chemicals and Fertilizers

Ravi Shankar Prasad - Communications and Information Technology, Law and Justice

Ashok Gajapathi Raju Pusapati - Civil Aviation

Anant Geete - Heavy Industries and Public Enterprises

Harsimrat Kaur Badal - Food Processing Industries

Narendra Singh Tomar - Mines, Steel, Labour and Employment

Jual Oram - Tribal Affairs

Radha Mohan Singh - Agriculture

Thaawar Chand Gehlot - Social Justice and Empowerment

Smriti Zubin Irani - Human Resource Development

Harsh Vardhan - Health and Family Welfare

Ministers of State
Gen VK Singh - Development of North Eastern Region (Independent Charge), External Affairs, Overseas Indian Affairs

Inderjit Singh Rao - Planning (Independent Charge), Statistics and Programme Implementation (Independent Charge), Defence

Santosh Kumar Gangwar - Textiles (Independent Charge), Parliamentary Affairs, Water Resources, River Development and Ganga Rejuvenation

Shripad Yesso Naik - Culture (Independent Charge), Tourism (Independent Charge)

Dharmendra Pradhan - Petroleum and Natural Gas (Independent Charge)

Sarbananda Sonowal - Skill Development, Entrepreneurship, Youth Affairs and Sports (Independent Charge)

Prakash Javadekar - Information and Broadcasting (Independent Charge),  Environment, Forest and Climate Change (Independent Charge), Parliamentary Affairs

Piyush Goyal - Power (Independent  Charge), Coal (Independent Charge), New and Renewable Energy (Independent Charge)

Jitendra Singh - Science and Technology (Independent Charge), Earth Sciences (Independent Charge), Prime Minister Office, Personnel, Public Grievances & Pensions, Department of Atomic Energy, Department of Space

Nirmala Sitharaman - Commerce and Industry (Independent Charge), Finance, Corporate Affairs

GM Siddeshwara - Civil Aviation

Manoj Sinha - Railways

Nihal Chand - Chemicals and Fertilizers

Upendra Kushwaha - Rural Development, Panchayati Raj, Drinking Water and Sanitation

Radhakrishnan P - Heavy Industries and Public Enterprises

Kiren Rijiju - Home Affairs

Krishan Pal - Road Transport and Highways, Shipping

Sanjeev Kumar Balyan - Agriculture, Food Processing Industries

Mansukhbhai Dhanjibhai Vasava - Tribal Affairs

Raosaheb Dadarao Danve - Consumer Affairs, Food and Public Distribution

Vishnu Deo Sai - Mines, Steel, Labour and Employment

Sudarshan Bhagat - Social Justice and Empowerment

#NaMo #Modicabinet

*NAUPAI HMEICHHIA LUNGIN DENG HLUM
Pakistan a Lahore High court bulah an thubuai sawi fel tur a kal hmeichhia thla 3 mi naupai bawk Farzeena Parveen (25) chu a chhungten lo sawisa in tiang leh leirawhchan hmangin an sawisa hlum. An sawisak hlum nu Parveena hian a chhungte duh pui loh mi Mohammad Iqbal chu pasal ah a nei lui a, chu chu a chungte hian ngaithiam lo in court ah an khing a, court a an thubuai sawi fel tur a an nupa an kal laiin a chhungte hian an lo sawisa hlum ta a ni. A pasal pawh thi lo a ruang in a tlanchhe thei hram niin mit a hmutu ten an sawi. Pawi khawihtute hi thuneitu ten an man tawh a ni.
 

*MEDICAL COLLEGE DIN A NIH THEIH NANA HMA LA TUR COMMITTEE DIN A NI

Mizoram-a Medical College dinna tur bawhzuina kal zelah Mizoram Larsap chuan Management Board leh Committee peng hrang hrang a din a. Heng committee te hi hriattirna chhuah a nih atangin hna thawk tan nghal tura beisei an ni. Chung committee peng hrang hrang te chu:-

1.Board of Managment: Chairman- Pu Lal Thanhawla, Chief Minister. Member dangte - Pu Lal Thanzara, Minister of State, Health & FW; Dr BD Chakma, Minister of State, Sericulture etc; Pu KS Thanga, Parliamentary Secretary; Vice Chancellor, Mizoram University; Chief Secretary, Govt. of Mizoram; Principal Secretary, Health & FW (Member Secretary); Dr.NK Mohanty, Adviser to Govt.of Mizoram (Invitee) leh Dr K.Ropari, Principal Director, Health & FW (Invitee).

2.Advisory Committee: Chairman: Pu Lal Thanzara, Minister of State, Health & FW. Member dangte- Principal Secretary, Health & FW (Vice Chairman); Dr. Beichhua; Dr Lalthanpuii Hnamte; Dr.NK Mohanty, Adviser to Govt.of Mizoram; Dr K.Ropari, Principal Director, Health & FW; Dr Biakkima, Director, Hospital & Medical Education, Dr Rohmingthanga Ralte, Director, Health Services; Joint Secretary (Tech), Health & FW leh Joint Secretary, Health & FW.

3.Inspection Committee: Chairman- Pu Rin Sanga IAS (Rtd). Member dangte- President, Mizoram Journalist Association; Rev Dr K Thanzauva, Mualpui, Rajiv Gandhi Stadium Rd.; Rev. K.Lungmuana, Mission Vengthlang; Pu Vanlalnghaka, Ramhlun Veng (Former Finance Secretary); Dr.Lalremthanga, Durtlang leh Dr F.Lalhmingthanga, Ramhlun Veng.

4.Infrastructure Sub-Committee: Convener- Principal Secretary, Health. Member dangte - Principal Secretary, PWD; Secretary, P&E; Secretary, PHE; Dr N.K. Mohanty, Adviser to Govt. of Mizoram; E-in-C, PWD; E-in-C. P&E; E-in-C PHE; Director, HME; Dr T Lalhmangaihi, JMD, NHM; Dr Eric Zomawia, Dy.Director, HFW leh Dr Jane Ralte, Dy CMO, Falkawn.

5. Construction Sub-Committee: Convener - Principal Secretary, HFW. Member dangte- Principal Secretary, PWD; Secretary, P&E; Secretary, PHE; E-in-C, PWD; Dr NK Mohanty, Adviser to Govt. of Mizoram leh Joint Secretary (Tech), HFW

6. Procurement Sub-Committee: Convener- Principal Director, HFW. Member dangte- Director, HME; Director, HS; Joint Secretary/Deputy Secretary, HFW, Chief Financial Officer leh Law Officer

7.Academic Sub-Committee: Convener- Dr NK Mohanty, Adviser to Govt. of Mizoram. Member dangte- Principal Director, HFW; Director, HME; Director, HS; Dr Lalmalsawma, Dawrpui leh Dy.Secretary, HFW.

8. Support Group: Chief Financial Officer (CFO), Law Officer leh Administrative Officer. An ni hi Principal Secretary, HFW hnenah report an pe thin ang. (DIPR)

*GOOD EVENING MIZORAM
LAMTLUANG TLAILAM CHANCHINTHAR LAWRKHAWM
*Vawiin khan Sorkar thara a hmasa ber atan Mizoram State Law Commission chuan meeting an nei a, Commission Chairman Pu John Siamkunga, MLA in a kaihruai.An thurel zingah hian The Mizo Marriage, Divorce and Inheritance of Property Bill 2013 siamthat ngai lai te ennawn in an sawiho a ni.

*Mizoram sawrkar hnuaia Oil Palm Price Fixation Committee chuan Oil Palm rah (Fresh Fruit Bunch) Mizoram a hralhna Rs.4.75 ni mek chu Rs.5.50/Kg ah an ti sang. Hei hi collection center rate ani anga, Company ten Loneitute huana lei tawh lovin Collection Center ah an lei zel tawh dawn a ni. He rate fixed thar hi Mizoram pum a Oil Palm rah hralhna man ani tawh dawn ani.(DIPR)

*Tun Inrinni lo awm tur May ni 31, chawhnu dar 1:05-dar 2:00 inkar AIR Aizawl station a Telephone a zawhna leh chhanna Live Phone In programme ah chuan “Malaria” chungchang a hriat duh neite tan a zawh theih dawn a. Mipui zawhna chu : 1) Dr C.Zarzoliana, Jt. Director (Malaria); 2) P.Rualkhuma, Sr. malaria Inspector, Dte. of Health Services, Aizawl ami te leh 3) Dr P.C Lalramenga (MD), Medicine Specialist, Civil Hospital, Aizawl ami ten an rawn chhang ang. A zawh duh tan Telephone No. 0389/2322515 ah eawm 2323148 ah emaw a biak pawh theih ang.
(DIPR)

*Republic Day 2015-a semchhuah turin India rama civil mite tana chawimawina sang berte zinga mi, Padma Award hrang hrang dawng thei tur te chu sorkar laipuia Home Ministry chuan a zawng mek a. Art, Literature & Education, Sports, Medicine, Social Work, Science & Engineering, Public Affairs, Civil Service, Trade & Industry a mi hmingthate leh thawh hlawkte hnenah hlan a ni ang. Hemi chungchanga hriatchian duh neite leh hming chhawpchhuah duh neite chuan August 25, 2014 thleng Aizawl DC office-ah a zawhfiah/thehluh theih ang. (DIPR)

*Amway India CEO William S Pinckney chu Andhra Pradesh police ten pawisa thil felhlel a tih chungchang ah an man

*Arvind Kejriwal chuan Delhi High Court thurawn angin bail a chhuah a duh ta.

*Prime Minister thar Narendra Modi chuan vawiin atanga Office a luah tan a, nimin lam a amah lakluh na hmang tur a lo kal thenawm ramhruaitu lu te nen inkawm nan a hun a hmang nileng deuh thaw a ni.

*India ram a lo zin Pakistan PM Nawaz Sharif chuan PM leh President a hmuh bakah PM hlui Atal Behari Vajpayee pawh a chenna ah a tlawh.

*Vawiin khan Jammu & Kashmir a Anantnag district ah Indian Air Force indo thlawhna MIG-21 a tla a, Pilot Raghu Bansi a boral.

*Vawiin khan India PM hmasaber Jawaharlal Nehru thih champha vawi 50-na a nih avangin a mah hriatrengna hun hman a ni.

*EU foreign policy chief, Catherine Ashton leh Iran Foreign Minister Mohammad Javad Zarif ten nimin khan Turkey khawpui Istanbul ah nuclear siamchhuah chungchang an sawi dun a, vawiin khan inbiakna hi neih chhunzawm leh a ni.

*Nimin a Uttar Pradesh a rail chesual vanga nunna chan zat chu 26 an tling ta. Kan hriat theuh angin nimin khan UP a Chureb, Sant Kabir Nagar ah Gorakhdham Express rel a chesual a nih kha.

*Tukin zing khan Mumbai a Santacruz a Air Force station ah security guard duty lai mi pakhat in athawhpui duty ve tho mi 2 a kaphlum a, midang 2 a hliam bawk. A thiante a kah zawh hian a tlan chhia a, mahse a hnuah an man leh a ni. A pawi khawih chhan hi hriat ala ni lo.

*Railway Minister thar DV Sadananda Gowda te unauzing a naupangber DV Suresh(52) chu Karnataka a Nandikoor railway station master in a thawk mek a, hetia a u in a thawhna dept a minister hna a rawn chang ta mai hi mak a tih thu a sawi chhuak.

*Ukraine tualchhung buaina kal zel ah Donetsk khua ah sipai te leh Ukraine mi Russia zawm duhte intihbuaina ah mi 40 in nunna an chan. Russia zawmduh pawl te lamah hian nunna chan 30 an awm a sipai lamah hian mi 10 an thi bawk a ni.

*HRIAT VE MAI MAI AH: MP/MLA ni lo mahse minister atan a lakluh te hi thla 6 chhung in MP/MLA atan thlan tlin anni hman ngei ngei tur a ni.

*HARRY POTTER CHANGTUNU GRADUATE TA
British lemchangthiam Harry Potter film a achangtunu Emma Watson (24) chuan English Literature subject atangin bachelor degree zir zo in a graduate ta der mai. A zirna Ivy League University (Brown University) hi Rhode Island (US) a awm a ni. Emma Watson hian kum 2009 khan Brown University hnuaiah hian lehkha zir tan a, mahse 2011 khan film chan angaih avangin zirna a chawlhsan lailawk leh phawt a ni. B.A a zir chhung hian film chi hrang hrang -Harry Potter, Deathly Hallows, The Perks of Being a Wallflower, This is the End leh Biblical epic Noah film ah te a chang hman a ni.
 

*MISS MIZORAM 2014 ELIMINATION ROUND
Nimin khan Ramhlun Indoor Stadium ah Miss Mizoram 2014 elimination round tluang tak a neih a ni.
pix courtesy: MISS Mizoram 2014 page

Mizo nula hmeltha rual - Miss Mizoram 2014 contestants

Mizo nula hmeltha - Miss Mizoram 2014 contestants

Mizo nula hmeltha - Miss Mizoram 2014 contestants

 
*THLAWHNA BO MH370 SATELLITE DATA TLANGZARH
Malysia thlawhtheihna MH370 March ni 8 a michuang 239 te nena tun thleng a chin hriatloh a bo ta zawn nan a sattellite hmanga inbiakpawhna raw data an hman chu vawiin khan tlangzarh a ni. Malaysia sorkar hruaitu ten an tlangzarh tak satellite data hi phek 47 a chhah niin chhuichiangtu jetliner leh British company Inmarsat satellite system te inbiakpawhna data te pawh telh vek a ni. Hei hi an tlangzarh na chhan chu kha thlawhna a bo ta chhungten an hmalakna dik tak a ngial a ngan a an lo hriat ve theih nan an ti a ni. MH370 boeing 777 bo ta kha tun thleng in a keh them emaw pawh hmuh a la ni ta chuang lo a, international expert (mithiam) ten an chhui na ah pawh Indian ocean tuifinriat chhimlam khawi emaw laiah a bo hlen ta tih bak hi sawi theih an la nei ta chuang lo a ni. MH370 bo zawng hian khawvel ram 26 te an thawk chhuak a mahse zawn hmuh tih ni awm thei lo.
‪#‎MH370‬
 

*Vawiin ah Prime Minister thar Narendra Modi leh SAARC hruaitu te an inkawm ang. Union council of minister te hna chanpual(portfolio) tun thleng in tih chian a la ni lo.

26th May 2014 news in Mizo

Latest news collection in Mizo language

 

MIZO TAWNG A CHANCHINTHAR LAWRKHAWM

For news related to Mizo people & Mizoram Contact us: lamtluangmizo[at]gmail[dot]com

26.5.2014

*UNION COUNCIL OF MINISTER TE
Cabinet Ministers
Narendra Modi, Lok Sabha MP from Vadodara and Varanasi
Rajnath Singh, Lok Sabha MP from Lucknow
Arun Jaitley, Rajya Sabha member from Gujarat
Sushma Swaraj, MP from Vidisha, Madhya Pradesh
Nitin Gadkari, MP from Nagpur, Maharashtra
Venkaiah Naidu, Rajya Sabha MP from Karnataka
Sadananda Gowda, Lok Sabha MP from Bangalore North, Karnataka
Ram Vilas Paswan, LJP MP from Hajipur, Bihar
Gopinath Munde, Lok Sabha MP from Beed, Maharashtra
Kalraj Mishra, Lok Sabha MP from Deoria, UP
Maneka Gandhi, Lok Sabha MP from Pilibhit, UP
Ananth Kumar, Lok Sabha MP from Bangalore South, Karnataka
Ravi Shankar Prasad, Rajya Sabha MP from Bihar
Ashok Ganapathi Raju, TDP - AP
Ananth Geete, Shiv Sena, Maharashtra
Harsimrat Kaur, SAD, Punjab
Narendra Singh Tomar, MP from MP
Jual Oram, MP from Odisha
Thavarchand Gehlot, MP from MP
Smriti Irani, Rajya Sabha member from Gujarat
Uma Bharti, Water Resources and Ministry for Ganga cleaning
Najma Heptullah, Rajya Sabha
Radha Mohan Singh, RSS
Harsh Vardhan, Lok Sabha MP from Chandani Chowk, Delhi

Minister of State (Independent Charge): 10
General VK Singh, MP from UP
Santosh Gangwar, MP from MP
Sripad Naik, MP from Goa
Dharmendra Pradhan, Rajya Sabha member from Odisha
Sarbananda Sonowal, MP from Assam
Prakash Javadekar, from Maharashtra, not a Member of Parliament
Piyush Goel, Rajya Sabha member from Mumbai
Jitendra Singh, MP from MP
Nirmala Seetharaman, from TN/AP, not a Member of Parliament
Rao Inderjit, MP from Haryana

Ministers of State: 12
GM Siddeshwara, MP from Karnataka
Manoj Sinha, MP from UP
Nihal Chand
Upendra Kushwaha, MP from Bihar
Radhakrishnan P, MP from TN
Kiren Rijiju, MP from Arunachal Pradesh
Krishan Pal Gujar, MP, Haryana
Sanjeev Kumar, MP from UP
Balyan Mansukhbhai Baswa, MP from Gujarat
Rao Sahab Dhanwe,
Vishnudev Sai, MP Chhattisgarh
Sudarshan Bhagat, MP Jharkhand
(An hna chanpual theuh tur tarlan kan duh viau laiin sorkar lam website ah pawh hmuh tur a la awm thei silo a, kan hmuh ve leh kan la rawn tarlang tha mai dawnnia.)

 

*PRIME MINISTER SWEARING-IN LIVE STREAMING
Narendra Modi Prime Miniter a lakluh a nih live/internet atanga enduh tan a hnuai a link ah hian DDK in an pe chhuak e.
https://www.youtube.com/watch?v=pzqqeGRkMi0

 

*KHEHPUAM MAN

Vawiin tlai dar 5 vel khan Mizoram Police, CID Crime hnuaia Special Narcotics P/S Staff ten LD Drug Store, Dawrpui Civil Hospital peng bulah  damdawi khehpuam (Pseudoephedrine) strips nuai 6 chuang an man. LD Drug Store neitu Andrew Lalawmmawia (31) s/o F.Laldika (L) Khatla leh a thurualpui nia hriat Lalhmunsiama (38) s/o Thanliana (L) Zarkawt te man anni bawk.

Dawrneitupa Andrew Lalawmawia hian damdawi khehpuam te chu New Delhi atangin Zawlbuk Real Estate neitupa Henry Lalremsanga rawn thawn a nih thu Police te a hrilh niin sawi a ni. April 2013 khan Henry-a kut atang hian  ‘Damdawi Khehpuam’ Rs. nuai 600 chuang man hu man a lo ni tawh bawk a ni.

Mizoram police seize illegal  drugs - Pseudoephedrine carton in Aizawl market

 

*Zanin dar 6 a PM thar Narendra Modi leh a minister 45 tur te lakluhna tur hmun Delhi a President chenna kawt tualzawl hmalam (Rashtrapati Bhawan forecourt) pawh an in peih tawh thawkhat e. Rashtrapati Bhawan forecourt ah hian A B Vajpayee leh Chandrashekhar te pawh kha lakluh an lo ni tawh a ni.

Rashtrapati Bhawan forecourt ready for PM Narendra Modi Swearing-in ceremony

*AUTONOMOUS DISTRICT COUNCIL BY-ELECTION CHUNGCHANGA THUCHHUAH
State Election Commission-in thuchhuah a siam angin By-Election to Chakma/Lai/Mara Autonomous District Council chu June ni 4, 2014 zing dar 7:00 a.m. atanga tlai dar 5:00 p.m. hian neih a ni dawn a. Representation of the People Act, 1951 section 126-na in a sawi ang dungzui leh Model Code of Conduct for the Guidance of Political Parties and Candidates for the Elections to the Autonomous District Councils in Mizoram para II (7) in a tarlan angin inthlan vote thlak zawh tlai dar 5:00 p.m. atanga chhiar leta darkar 48, June ni 2, 2014 tlai dar 5:00 p.m. hian he inthlanna atana campaign theihna hun chu a tawp ang. June ni 2, 2014 tlai dar 5:00 p.m. atanga June ni 4, 2014 tlai dar 5:00 p.m. chhung hian mi tumahin a hnuaia tarlan te hi an ti tur a ni lo:

1. Inthlan kaihhnawih thila vantlang inkhawm leh kawngzawh buatsaih, kawngzawh leh vantlang inkhawm a tel leh thusawi;

2. Mipui hnena inthlan kaihhnawih thil Cinema/Video, TV leh hetiang ang hmanrua hmanga tihchhuah/ entir;

3. Inthlan kaihhnawih thu thehdarh nan a Musical Concert leh mipui vantlang hip khawm thei tur intihhlimna lampang chi reng reng buatsaih;

4. Opinion Poll/ Exit Poll tihchhuah emaw puan zar;

5. SMS hmanga campaign.

Heng bakah hian campaigner tupawh campaign hun chhung a tawp veleh candidate leh an agent-te tih loh chuan an campaign-na huamchhungah vote an nei a nih loh chuan an campaign-na hmun MDC Constituency an chhuahsan vek tur a ni. (DIPR)

 

 *PRIME MINISTER THAR CHIBAI BUK I BUK DUH EM?
India ram a nitin chanchinbu semchhuah tam ber Times of India chuan Prime Minister thar tur Narendra Modi chibai buk na thu ziak duh tan an website home page ah hmun an siam a, duhsakna chibai bukna thu i thawn ve duh a nih chuan a hnuai a ToI link hi hawng la 'i chibai buka thu, i hming leh i email' te i ziak lut ang a tawk mai e.
http://timesofindia.indiatimes.com/wishnewpm

*DIRECTORY TLANGZARH
Ngopa Student Union (NSU) General Hqr; Aizawl buatsaih Telephone Directory, ‘Information Directory Mizoram 2014’ tih chu vawiin chawhma dar 10:30 khan NLUP Implementing Board (NIB) Conference Hall-ah Pu PL Thanga, Vice Chairman And CEO, NIPB chuan a tlangzarh.

Tlangzarhnaa thu sawiin, Pu PL Thanga chuan, Sawrkar, Kohhran, NGOs leh mipui mimirin kan mamawh em em Ngopa zirlai pawl ten an buatsaih chu lawmawm a tih thu sawiin, Mizoram chhung leh pawna mite tan thil tangkai tak a nih a beisei thu a sawi.

Mizoram khaw hrang hranga awm ten khawpuiah Hqr. tha tak nei a, ram leh mipui mamawh atana thahnem ngai taka an thawk thin chu hmasawnna pawimawh tak a nih thu sawiin, Mizoram hmasawnna atan theihtawpa mahni hna theuh thawk a, hma la chho zel turin a chah a ni.

He Information Directory-ah hian Secrectaries, Sawrkar Department hotute, mipuiin an mamawh thin te biak pawhna telephone number a kimchang hle a ni. (DIPR)

 

PL Thanga released Information Directory of Mizoram

*MIZORAM KARATE TEAM TEN MEDAL LA
Ni 12-16th May,2014 khan D.C.Public School Khandala,Maharastra ah 14 WSKFI National Karate Championship-2014 khelh a ni a, Mizoram atang pawhin All Mizoram Karate Association (AMKA) leh Mizoram State Sports Council (MSSC) ten karate infiammi 10 a tir chhuak a ni.

He championship ah hian India ram hmun hrang hrang atangin karate infiammi 700 chuang an tel a.

Mizoram atang pawhin Medal 11 an rawn hawn a, Gold-4,Silver-3,Bronze-4 a ni. Medal la te chu :- · Dimsannuami -(-48kg) -Gold (Kumite)&Gold (Kata) · F.Laltanpuia -(-65kg) -Golf (Kumite) · Zochhuanawma -Gold · Lalremruati Ralte -Silver · C.Lalhruaizela -Silver · Vanlalthlanawma -55kg -Silver · Lalramthara -Bronze · Lalrawngbawla -55kg -Bronze · Lalruatmawia -Bronze Mizoram Karate Team te hian Aizawl an lo thleng tawh a ni. (DIPR)

*MISS MIZORAM 2014
Vawiin chawhnu dar 1 atang hian Mizo nula hmeltha rual ten Miss Mizoram 2014 thlanna round hmasaber elimination round chu Ramhlun Indoor Stadium, Aizawl ah an tan ta. Miss Mizoram 2014 thlanna tur ah hian mi 300 chuang in hming an pe lut a ni.

#missmizoram

Miss Mizoram 2014 contestants & organizers, Aizawl

 

*OPIUM MAN
Nimin zing khan Lawngtlai Police ten Lalneiha S/o.Thanhranga (L), Sihtlangpui hnen atangin opium gram 520 an man. Tualchhung rate a chhut in an opium man hi Rs.Sang sarih chuang man a ni.

25th May 2014 news in Mizo

 Latest news collection in Mizo language

 

MIZO TAWNG A CHANCHINTHAR LAWRKHAWM

For news related to Mizo people & Mizoram Contact us: lamtluangmizo[at]gmail[dot]com
25.5.2014 
*KUM 20 HNUAH ALIEN TE HMUCHHUAK MAI THEI
SETI Institute, California (US) a scientist te chuan khawvel piah lamah hian nunna nei thil dang an awm ve em tih chu kum 20 hnuah an hriat theih mai theih thu an sawi. Scientist te hian khawvel piah lam a nunna nei dang an awm ve em tih hi method 3 in an zawng/chhut a, chungte chu: (1) Nunna nei sulhnu a awm em (microbial extraterrestrials or their remains) (2) boruak emaw methane a awm em (telltale signs of oxygen or methane) (3) nunna nei an awm tih hriatna tur radio emaw signal dang thawnchhuah (sending radio or other signals for technologically advanced extraterrestrial life.)
 
*CHHANDAMNA SIPAI PAWL HOTU CHAWL DAWN
India Eastern Territory-a Chief Secretary nilai, Lieutenant Colonel Lalramhluna leh a nupui Lieutenant Colonel Kawlramthangi Territorial Secretary Of Womens’ Ministry te chu Salvation Army Active Officer atangin dan angin an chawl (retire) dawn ta a. Anmahni thlahna inkhawm hi THQ pualin May ni 23 khan neih a ni. Territory pum huapa thlahna inkhawm chu Rust Memorial, Bazar Corps Biak In, Dawrpui-ah vawiin khan Thianghlimna inkhawmah neih a ni thung. Retirement Ceremony hi Commissioner Lalngaihawmi, Territorial Commander-in a nei a, Territorial Staff Band leh Songsters ten hun an hmang bawk. Valedictory Sermon chu Lieutenant Colonel Lalramhluna, Chief Secretary kalchhuak tur hnen atangin ngaihthlak a ni thung. Anmahni thlak tur Lt. Col. Davidson Varghese leh Lt. Col. Mariamma Varghese te chuan June ni 2, Thawhlehni khian Mizoram an lo thleng ang. (Zalen)
 
*India President chenna Rashtrapati Bhawan pawh India Prime Minister 15-na la lut turin an inpeih tawh. Kan rawn post tawh thin angin naktuk tlai dar 6 hian Rashtrapati Bhawan forecourt (hmalam tual) ah Narendra Modi chu Prime Minister turin lakluh a ni dawn a, a rual hian council of minister tur te pawh lakluh tel anni ang. Tun thleng hian tutenge council of minister ah tel dawn tih hriat theih a la ni lo a, naktuk zingah erawh President hnenah council of minister tur te hming an thehluh a ngawi tawh thung a ni. PM lakluh inkhawm ah hian mi pawimawh sawmbik 3000 an tel dawn a ni.
 
*PG HIGH SCHOOL AH HIGHER SECTION HAWNG
UPC North Mizoram District enkawlna hnuaia awm Pentecostal Gateway High School, Tuikhuahtlang, Aizawl chu tihchangtlun niin 19.5.2014 (Thawhtanni) atang khan pawl 11&12 zir theihna hawn belh a ni a, a hmingah pawh Pentecostal Gateway (PG) Higher Secondary School tih a ni tawh ang.
 
*MISSION INKHAWMPUI NEI MEK
Varanasi Mission te chuan Zirtawpni kalta zan atang khan Mission veng Biak Inah ‘Buhseng tur a tam hle si a’ tih thupui hmangin inkhawmpui vawi 8-na an nei mek. Speaker-ah Rev. Vanlalzuata hmangin zaninah khawmpui hi a tiak ang. (Zalen)
 
*SANGHA MANTUTE CHHUAH CHUR CHUR DAWN
Sri Lanka President Mahinda Rajapaksa chuan India Prime Minister thar tur Narendra Modi lakluh inkhawm a rawn tel dawn vangin Sri Lanka a India sangha mantute ramri kan avanga an lo man te chhuah vek turin thupek a chhuah. Nimin lamah khan Pakistan pawhin an PM India a rawn kal dawn avangin ram 2 te boruak tih that nan danlo a ramri kan India sangha mantu 151 te chhuah turin thupek an lo chhuah tawh bawk a ni.
 
*MI 6 KANGHLUM
Nizan khan Uttar Pradesh a Agra district chhung Basai Gujar khua a kangmei chhuak ah mi 6 an boral, thi zingah hian mipa 2, hmeichhe 2 leh naupang 2 an tel a ni. Mihring in nunna an chan mai bakah chenna in 12 a kang ral a, hliam tuar mi 2 an awm bawk. Sorkar in nunna chan ta chhungte ral nan Rs.Nuai khat singnga a pek tur thu a puang a ni. He kangmei chhuak hi electric hrui trek atanga rawn chhuak ni sawi a ni.
 
*MODI PUAL IN ATHLAWN IN SANGHA SEM DAWN
Tamil Nadu a BJP fishermen's wing te chuan naktuk hian Chennai khawpui ah Narendra Modi Prime Minister a lakluh a nih lawmnan darkar 2 chhung NaMo Fish Stall atangin a thlawn in sangha an sem dawn. BJP te hian kumin february 25 pawh khan Chennai a Marina beach a lighthouse bulah NaMo Fish Stall hawngin mi 200 hnenah a thlawin sangha an lo sem tawh bawk a ni. NaMo fish stall hi tunah chuan Marina area chhung tho Ice House hnaih ah an sawn leh tawh a, dawr dang zawng zawng aiin sangha an hralh tlawm bik thin a ni.
 
*CHAMPIONS LEAGUE AH REAL MADRID CHAMPION
Nizan khan Real Madrid chuan 4-1 a Atletico Madrid hnehin Champions League nomawi chu an la ta. Real Madrid hian ti hian a Champions League ah vawi 10 an champion ta a ni.

24th May 2014 news in Mizo

 Latest news collection in Mizo language

 

MIZO TAWNG A CHANCHINTHAR LAWRKHAWM

For news related to Mizo people & Mizoram Contact us: lamtluangmizo[at]gmail[dot]com

24.5.2014 
*Vawiin khan South Africa President thar a tan an khawpui Pretoria ah Jacob Zuma lakluh inkhawm neih a ni. African Nation hruaitu thahnem takin an telpui a ni. Jacob Zuma hi President a nih tum 2-na a ni.
 
*#LAMTLUANG_WEEKEND_SPECIAL
POWER SUPPLY AWM LOHNA KHUA A PHONE CHARGE DAN
(la hrelo kan awm takin)
Power supply in a thlen phak lohna khuaah i awm a, i phone charge dan turah i buai thin em? Buai suh, a hnuai point te hi a indawta i tih chuan phone battery full pang i nei thei ang :-

1. I phone chu Nokia nge Samsung (sam-sang ti paw'n lam la sam-sung pawh tila a pawilo) khawchhak chhuak leh pawih sumdawng ta i lei pawh nise a pawilo, a theih vek.

2. Airtel nge i hman Aircel, Reliance emni zawk BSNL pawh nise battery full kha a pawimawh.

3. Top up i ngah em net pack i thun em a pawimawh lo, sms pack pawh nei mahla, i battery a low chuana manganthlak tho tho.

4. Lo ning suh a charge dan ka sawi trep.

5. I phone ah hla i thun em, mizo sex video leak out chhiava te te dah teuh mahla i battery a low chuan darbenthek ri mai mai ai pawhin a ho zawk.

6. Nia phone a thih bul mai hi chuan a MANGANTHLAK ani tiraw..heti hian ti rawh le.

I PHONE CHARGER LA LA, THENAWM KHAW HNAI BER, POWER SUPPLY AWM NA-AH KAL LA, VA CHARGE FULL PÂNG RAWH LE.
Good luck!!

Source: Sena Leo Ngente via Lunglei Chanchinthar leh Hlui group
 
*MIZORAM CM IN NARENDRA MODI LAKLUH INKHAWM TELPUI DAWN
Karleh thawhtanni tlai dar 6 a India Prime Minister thar Narendra Modi lakluhna inkhawm Rashtrapati Bhawan a neih tur a tel turin Mizoram Chief Minister leh MPCC President nibawk Lal Thanhawla chuan vawiin khan Aizawl chhuahsan in New Delhi a pan. Mizoram sorkar Press Information Officer to Chief Minister in a tarlan danin Mizoram CM Lal Thanhawla hi Narendra Modi hian Prime Minister ni tura lakluh inkhawma tel ngei turin a rawn sawm niin a sawi a, Lal Thanhawla duhsakna leh tawiawmna a ngen nghal bawk tiin a tarlang.
 
*NAGALAND CM THAR LALUT
Vawiin khan Nagaland Governor Ashwini Kumar chuan Nagaland Chief Minister 19-na ni turin T.R Zeliang chu rinawmna thu tiam tirin a lalut.Kan rawn post tawh thin angin Nagaland CM nilai Neiphiu Rio chu Lok Sabha MP atan a thlan tlin a nih avangin a hmunruak hi hnawhkhat a ni ta a ni.
 
*MARY KOM INDIA AIAWH TURIN TEL DAWN TA LO
Hmeichhe boxing a world champion vawi 5 lo ni tawh, Manipur boxer Mary Kom chu India aiawh a Commonwealth Games a boxing khel tur zawnnaah a chak zo ta lo. Mary kom hian nimin khan Haryana nula Pinki Jangra chu a hneh tak loh avangin Glasgow (Scotland) a July 23 atanga khelh tan tur Commonwealth Games ah India aiawhin a kal ve dawn ta lo a ni. Mary Kom hian nikum khan a fa 3-na a hring a, tin, a nauneih zawh atanga thla 4-na ah a thin a zaitir bawk avangin a taksa duhthusam in a la fit tawk lo niin a sawi a ni.

India aiawh a boxing khel tur te chu:

Mipa: L Devendro Singh (49kg), Shiva Thapa (52kg), Mandeep Jangra (69kg), Vijender Singh (75kg), Sumit Sangwan (81kg), Dinesh Kumar (91kg), Praveen More (+91kg).

Hmeichhia: Pinki Jangra (51kg), L Sarita Devi (60kg), Pooja Rani (75kg).

*SHAKIRA IN WORLD CUP 2014 HLA 'LA LA LA' TLANGZARH
World Cup hmasa 2010 a 'Waka Waka (This time for Africa)' hla mawi tak a lo sa tawh tu Shakira chuan 2014 FIFA World Cup anthem (hla) 'La La La (Brazil 2014)' tih chu a tlangzarh ta. He hla thar video ah hian a satunu ber Shakira chu thawnhnaw dum in a inthuam a, a kar lakah football star Lionel Messi, Cesc Fabregas, Eric Abidal, Neymar, James Rodriguez, Sergio Aguero, Radamel Falcao bakah a bialpa Gerard Pique te pawh an lang a ni. A video ah hian Shakira leh a chhass Gerard Pique te fapa kum 1 leh thla 4 mi Milan pawh ball a pet lai a lang ve a ni. Tin Brazilian star Carlinhos Brown pawh a khat mawi tawkin a lang a ni. He music video hi Shakira hian khawvel a eitur neilo te buaipui tu World Food Programme (WFP) tanpui nan a siam a nih thu a sawi.

Kumin world cup 2014 ah hian theme song 2 a awm dawn niin a lang a US rapper Pitbull pawn Jennifer Lopez nen zaidunin World Cup official theme song 'We Are One (Ole Ola)' tih chu thla hmasa april khan a lo tlangzarh tawh bawk a ni. Shakira hlasak leh Pitbull hla sak te hi youtube ah en theih in a awm ve ve tawh a ni.

Shakira 2014 FIFA World Cup anthem 'La La La'

GOOD MORNING MIZORAM
LAMTLUANG ZINGKAR CHANCHINTHAR LAWRKHAWM

*POLICE LAL IN BIAL FANG:Deputy Inspector General of Police Southern Range L.H Shanliana, IPS chuan nimin khan Lawngtlai District chhung a Thingkah khua a 3rd Indian Reserve Battalion awmna hmun tur a tlawh .3 IR Battalion awmna tur buatsaihna tur pawisa hi sanction fel tawh niin thla thar atanga hna tan tawh mai tura ruahmanna siam a ni a, a hmun luahtu tur 3 IR Battalion te hi tunah Assam lamah an la awm avangin a hmunhma lo cheibawla bul tan theih tura lo buatsaih turin 2nd Battalion MAP, Lunglei hmuna awmte chu ruat niin, karleh atangin sipai Platoon khat emaw talin an awmchilh nghal dawn nia thu dawn a ni. He hmun cheibawlna tur hian Rs.Vaibelchhe 2850 vel ruahman a ni.

*AGRI HNATHAWK KHAWMPUI: Nimin khan Tourist Lodge, Chaltlang, Aizawl-ah Mizoram Agriculture Service Association (MASA) chuan General Conference – 2014 an hmang. Integrated Training Centre (ITC), Hnahthial hming thlak chungchang te, MASA Cadre Post turin Secretary, Additional Secretary, Joint Secretary post nei ve tura Sorkar-a thlen chungchang te leh Transfer Norms chungchang te an sawiho.

*RORELTUTE:Mizoram Legislative Assembly Secretariat Annexe Building Committee Room-ah Assembly Committee peng pakhat Committee on Public Undertaking chu May 29, 2014 (Ningani) chawhma dar 11 : 00 AM - ah an thu dawn.

Committee-ah hian N.K Chakma chu chairman niin member dangte chu- J.H Rothuama, P.C Zoramsangliana, John Siamkunga, Dr K.Beichhua leh Er. Lalrinawma te an ni.

*THUPEK SUT: Deputy Comissioner, Lunglei District, Lunglei chuan vawiin khan thupek chhuahin, MP(Lok Sabha) Election zawhfel a nih takah chuan Memo No.C.15016/2/2013-DCL dt 13.3.2014 hmanga mimal silai reng reng Police Station hnai berah thehluh tura thupek a chhuah kha vawiin atang hian sut a ni. (DIPR)

*HATIM LUNGLEI: Nimin khan Higher & Technical Institute, Mizoram (HATIM) chuan nimin khan 'Graduation Day 2014' an hmang a, he hunah hian LAD Minister PC Lalthanliana chu Khuallian a ni.Higher & Technical Institute, Mizoram (HATIM) hi Baptist Church of Mizoram (BCM) enkawl lai niin 21 June, 2007 khan he zirna in hi Principal, Lecturer 2, Staff 3 leh zirlai 29 neiin tan a ni a. January ni 24, 2008 khan Education Minister Dr.Lalthangliana khan a hawng a ni. HATIM hian Mizoram University hnuaiah Bachelor of Computer Applications (BCA), Bachelor of Commerce (Honours), Bachelor of Commerce (General), Bachelor of Social Work leh Bachelor of Arts (English Core) Course-te a nei mek a ni. Nimina Graduation Day 2014 hmanah hian zirlai 53 lai heng Course hrang hrang zovin an pass chhuak a ni. (DIPR)

*SIHPHIR VENHLUN H/S: Nimin khan Lal Thanzara leh Deputy Speaker R.Lalrinawma te chuan Sihphir Venghlun High School, HSLC pass tharte lawmpuina programme an hmanpui. Sihphir Venghlun High School hian an sikul atanga regurlar -a exam mi 25 ah 22 an pass a, private a exam 8 an pass bawk. An sikul atang hian Lalnunchama chuan Distinction-ah pass in 9-na dinhmun a hauh a, zirlai 3 dang First Division ah pass in, zirlai 10 Second Division-ah, zirlai 16 chu Third Division-ah an pass a ni.

*EDUCATION DEPTT HOTUTE: Nimin chawhnu khan School Education Minister Pu H. Rohluna chuan Mizoram Education Inspecting Officers’ Association (MEIOA) inkhawmpui chu SSA Mission Conference Hall, DIET Complex Chaltlang-ah a hmanpui a. He hun hi Parliamentary Secretary Pu Joseph Lalhimpuia pawhin a hmanpui a ni.

*CRICKET STADIUM HMASABER HAWNG TA: Nimin a kan rawn post tawh Mizoram a Cricket Stadium hmasaber Aizawl Cricket Stadium, Sihphir a mi chu nimin khan Mizoram Chief Minister Lal Thanhawla'n a hawng. hawng. Stadium sak hna buaipuitu Mizoram State Sports Council hian Cricket Association of Mizoram (CAM) hnenah an hlan nghal a ni. CAM te kuta a awm hnu hian Suaka Cricket Stadium tih a ni tawh ang. Hawnna inkhawm hi R.Lalvena,IAS, Secretary, Sports & Youth Services in kaihruai a ni.

*APUANGTUTE: All India Radio, Aizawl chuan Hmar, Lai, Mara leh Chakma atanga puangtu tur Dialect Casual Announcer leh Hindi Casual Announcer engemaw zat a la thar a, result hi tar chhuah nghal a ni. (DIPR)

*AAP HOTU JAIL AH: BJP hruaitu Nitin Gadkari an politician eiru tia a puh a duh loh vang a Aam Aadmi Party hotupa Arvind Kejriwal lakah thubuai a thehluh ngaihtuah mek ah Arvind Kejriwal chu nimin khan Metropolitan Magistrate hmaah hruai leh a ni a, mahse tihsual neilo ni a a in hriat avangin amah bail na tur bond pawh a sign duh ta chuang lo a, June 6 thleng tang turin Tihar jail ah thawn let leh a ni.

*NAGLAND CM: An state Chief Minister nilai Neiphiu Rio chu Lok Sabha MP atan thlan tlin anih tak vangin vawiin hian Nagaland CM thar atan T.R. Zeliang lakluh a ni ang. Amah hi an state a Geology and Mining minister nilai a ni a, an party Naga Peoples’ Front in Chief Minister thar atan an thlang ta a ni.

*BLACK MONEY CHHUI TUR: Supreme Court chuan sorkar laipui hnenah chawhkar khat chhung a balck money chungchang chhui chiang tur Special Investigation Team (SIT) din turin thupek khauh tak a pe.

*PEON LEH DRIVER FANUTE TAN: Prime Minister ni mai tur Narendra Modi chuan Gujarat sorkar hnuai a thawk driver leh peon fanu te lehkhazir tanpui nan a pawisa khawl atangin Rs. Nuai 21 a pe.

*HNEHNA CHANG: Bihar Chief Minister thar Jitan Ram Manjhi sorkar chu nimin khan thlawptu angah tawk em tih fiah a nia, he trust vote ah hian dan in a phut zat thlawptu neiin hnehna a chang a ni.

*CABINET SIKDAWI: Kan thenawm ram Tripura Chief Minister Manik Sarkar chuan a cabinet minister te hna chanpual a siksawi sak baka Cabinet minister 12-na atan Naresh Jamatia a la lut bawk.

*MEIZU MI TAN HMUN AWM LO: Rajasthan sorkar chuan thupek siamin an state chhung a sorkar hnaruak dil tur reng rengin meizial leh gutkha an zu/ei ngailo tih hriattir ziak a dah zel tawh tur a ti. Meizial zu leh gutkha ei thin te tan sorkar hna dil dawn chuan nghei phawt a ngai tawh dawn a nih hmel.

*THAILAND BUAI: Thailanad ram a sipai ten ram rorelna an lak hnu in an Prime Minister hlui Yingluck Shinawatra leh a chhungte bakah a lamtang politician engemaw zat te chu sipai ten pawn chhuak theilo in an hreng mek a ni.

*PUTIN AN UKRAINSE CHUNGCHANG SAWI: Russia President Valdimir Putin chuan tunhnai a an ram thenawm Ukraine tualchhung buaina thleng vanga dem a hlawk mek laiin Chawlhni a Ukraine inthlanpui neih tur result chu a zah sak tur thu a sawi.

*FLIPKART THANG ZEL: India rama online a thil lei theihna service lar tak Flipkart chuan online a thawmhnaw kaihhnawih zuar thin lar tak Myntra chu US dollar maktaduai 330 in an lei.

*PSG IN DAVID LUIZ LEI DAWN: Chelsea club hruaitu ten an defender David Luiz chu France club pakhat Paris St-Germain hnenah British pound maktaduai 40 in hralh chhawng dawn ta. David Luiz hian 2011 khan Chelsea hi Benfica atangin British pound maktaduai 21.3 hlawh turin a zawm a nih kha kan la hrereng awm e. Tunah hian India pawisaw Rs.98.50 leh British pound 1 a intluk meka ni.

*MIZORAM HRECHIANG ANG: Mizo zing a All India Radio top grade artist awmchhun chu Vanhlupuii, Dawrpui, Aizawl a ni. Rambuai kum 1966 khan All India Radio Aizawl station din tan a ni.

*HMANLAI VAWIIN: Kum 1738 vawiin angah khan Methodist kohhran hmuchhuak tu John Wesley chuan thlarau lam a chaklo takin London a Aldersgate Street ah inkhawmna ah a kal a, chutah chuan thlarau lam harhtharna changin a rawngbawlpui George Whitefield nen Medthodist kohhran an din chhuak ta a ni. Kum 1941 vawiin angah khan zaithiam lar Bob Dylan chu Duluth, Minnesota, U.S. ah a lo piang a, apian tirh hian a hming atan Robert Allen Zimmerman tih phuahsak a ni a, kum 1985 vel khan a hming pangngai aiah Bob Dylan tih hi a pu chho tan a ni.
-----------
"Kan ram Mizoram hi ngaihtuah ila abik in dan siamtu (legislator) leh dan roreltu (judiciary) te hian an chanvo hi an hneh lo deuh niin i hre ve thin em? High Court nei ila dan lam mithiam ten duhsak leh thlei bik nei miah lo in dan ang takin min enkawl se kan thubuai neuh neuh tam tak hi chu a reh in a rinawm. High Court puitling neih hi kan mamawh tak zet in a lang tawh. I ngaihdan comment ah rawn sawi ve rawh le.

Pix: Thlalak kan rawn dah hi kum 1982 a AIR Aizawl station atanga Short Wave(SW) 5050 kHz pek chhuah phalna an nei ta tih AIR Aizawl station director K.P.K Nambiar an a thawhpui Pune a mi a hrilhna post card a ni e. (Courtesy: airddfamily.blogspot.in)

AIR Aizawl Station Director post card