28th February 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

28.2.2014

*MIZO NULA CHANNA FILM MTV IN CHHUAH
Zanin dar 7:00 khan MTV EXIT PROGRAMME ah Mizo nula channa film pek chhuah a ni dawn. MTV hian zai lam chauh an tichhuak thin emaw ti kan tam viauin ka ring a, mahse, zanin dar 7:00 hian Film tawi hmuhnawm tak (true story based), Mizo nula hnahkhat, Khawlhring nula channa a pe chhuak dawn a, hmaih phal chi a ni lo ang.

A CHANGTU
Main role play-tu Vanlalhmangaihzuali @Lovely Khawlhring (https://www.facebook.com/lovely.khawlhring) hi tunah Mumbai khawpuiah lehkha zirin a awm mek a, Synod Choir music video hit zet mai 'I tap thawmah Lalpa...' tihah khan zei leh thiam takin a lo chang tawh a. Tunah MTV EXIT PROGRAMME ah a film channa tihchhuah a ni leh dawn a, a hmalam hun a eng hlein a lang. Mizo takin he Mizo nula hi a chhuan tlak a, duhsak pawh a phu tak zetin a hriat a ni.

FILM STORY
(Kan sawi tawh angin he film hi true story based a ni)

Northeast hmeichhe pathumte Goa ah hnathawk tura hruaithlak an ni a, a hruai thlatute chuan hlawh tha tak pek an intiam avangin chung nula ho chu an phur hle mai a. Goa an han thleng thla chu, a tirah chuan VIP ang maiin an lo cheibawl a, duhsakna tinreng nen an lo buaipui a. Hun a kal hret a, chung ho chuan lemchanna hmaithinghawng hlipin inbumna tenawm leh rapthlak tak nen chung North East nulaho chu an chaih kual tan ta a.

Beiseina sang tak nena an pan, an Jerusalem khawpui ni thei mai awma an lo suangtuah lawk, Goa khawpuiah chuan chhun mumang lam pawha an la man chhin ngai loh nawhchizawrhna industry-ah an tum loh takin an âwk ta tlat mai. An rinna zawng zawng an nghahnate chuan an beiseinate chu pawngsualin an zahawmnate chu an tihbawrhban sak ta zawk a.Duh lo hlein tang nasa teh mahse, vuak leh sawisak an hlawh nasa ting mai si a. Chhantu nei lova mangang taka chu inbumna tenawm taka an tan lai chuan an hnampui tlangval pahnih an rawn lang ta a.

Hetah hian a la tawp mai lo, Police an rawn inrawlh a, NGO lam beng a thleng bawk a, anniho chuan chu inbumna industry chu chhui chiangin hma an la a, an buaipui chho ta a ni.

AWARENESS
He short film hi a hmuhnawm em tih lam ringawt kha a film siamtute tum ber a ni lova, engmah hrechiang lova, eizawnna kawnga tunlai thalaite khawpui dang pana kan liam ngawt mai hi Human Trafficking titamtu ber a ni a, 'I zuan hmain i tumna tur en hmasa rawh' tih anga fimkhur tura thalaite hnena awareness pek hi a tum ber a ni.

Beiseina sang tak nena thlawk chhuak thalai tam tak chu beidawnna leh manganna khurah an tum lut a, tam tak an tang mek a, tun aia tam zawk hi an la tang dawn chauh mai thei bawk. Chumi venna leh fimkhurna pe turin he film hi buatsaih a ni.

A hmuhnawm a ni satliah mai lova, thalai hnazawng mek leh hnazawng lai nei nu leh pate tan phei chuan en ngei ngei chi a ni ang.

MTV EXIT CHU ENG NGE ?
Hre lo tam tak a awm ve theih a, tawitein sawi ila. EXIT lam pum chu 'End Exploitation and Trafficking' a ni a, Human Trafficking Awareness a ni.

MTV EXIT Foundation (MTV Europe Foundation tih a ni thin) hi kum 2003 khan MTV Networks Europe in a din a, tunah Bangkok, Thailand ah Headquarters neiin South East Asia bikah nasa taka hma lain Awareness Campaign nasa takin an bei a, mihring inhralhna (Human Trafficking) leh naupang kidnap leh blackmail, nawhchizuar tura inthlemna leh intihluihna ang chite hi a do nasa em em a ni.(http://en.wikipedia.org/wiki/MTV_EXIT)

FILM CHUNGCHANG THUNAWI

1) Film rei zawng - 30 Minutes
2) Director - Anurag Kashyap.
2) Producer - MTV (Main) with Anurag Kashyap Production.
3) Goa leh Mumbai-ah shooting neih a ni.
4) MTV EXIT PROGRAMME hi Worlwide programme niin America lamah chuan Jenifer lopez leh,Jason mraz ten an buaipui bawk thin.
5) YouTube lama a clip en duh tan- http://www.youtube.com/watch?v=uyF9okyGWjU

Mizo nula @ MTv

Mizo nula @MTv

(Pic : Shooting neih lai thlalak @Goa & Mumbai)
Courtesy: Lalnun Siama Khiangte

 

*MZU-AH NATIONAL SEMINAR
Vawiin khan National Human Rights Commission leh #Mizoram_University (MZU) huaihawtin nihnih awh seminar Mizoram University Multipurpose Hall-ah tan a ni. He hunah hian Justice Shri K.G Balakrishnan, (Ex- Chief Justice of India), Chairperson, National Human Rights Commission ni bawk chu khuallian a ni. He seminar-ah hian “Marginal sections of the society and human rights” tih thupuia hman a ni. Khuallian Justice KG Balakrishnan chuan thu sawiin human rights culture neih pawimawh zia te, hmeichhe ziak leh chhiar thiam tulna te, nausen thihna titlem tura hmalak a ngaih zia te, zirna lama hmasawn leh khawtlanga harsatna thleng thin do let tura thalaite(zirlaite) pawimawh zia sawi. - DIPR

 

*#KTP_KHAWZAWL
2014-2016: Central Kristian Thalai Pawl (CKTP )HRUAITU TUR TE
1.Samuel Laldingliana - Electric Veng bial
2.R. Lalramnghaka - Bawngkawn bial
3.Dr.Laliansanga - Durtlang bial
4.R. Lalruatkima - Dawrpui bial
5.Dr.Julie Remsangpuii - Zonuam bial
6.T.Upa Richard B. Lalhriatpuia - Armed Veng bial
7.Lalchhuanliana - Bungkawn bial
8.Joseph Lalsangzuala - Chaltlang bial
9.Vanlalpeka - Chanmari bial
10.Ngurhmingliana - Khatla bial
11.C. Laldingliana - Kulikawn bial
12.Zonunsanga Ralte - Mission Veng bial
13.PC Biakmuanpuia - Mission Vengthlang bial
14.K. Rorelkima - Ramhlun North bial
15.T.Upa T. Lalawmpuia - Ramhlun Vengthar bial
16. Lalthangvunga Sailo - Republic bial
17. V. Lalrinmawia Vaivakawn bial
18. K. Lalruatpuia - Venghlui bial

 

*OIL MAN PUNG DAWN
Zanin zanlai atangin India ram pum ah Petrol man 60 paise leh Diesel man 50 paise in tihpun a ni dawn.

 

*TAXI CHESUAL HMUCHHUAK, A DRIVER LO THI
28th Feb.: Lunglei - Aizawl inkar Kanghmun ‘S’ khaw dai Bung thlen hma, kawngpui ngil laiah T . Lalawmpuii Aizawl Ramthar veng Taxi MZ 01 H -0083, Malsawmtluanga Kum 22 S/o Zohmingthanga Saitual khalh chu chesualin amah hi a thi a, a ruang hi vawiinah khan lak chhuah niin Lunglei Police ten a hmunah kalin thil awmdan an han enfiah nghal. A chetsual lai hriat a nilova a muthlu a nih rin a ni.

Kanghmun YMA President inah a runag dah niin Saitual atangin a chhungte an kal mek. Vawiin chhun dar 11 vel khan Meilam sialin taxi chesual hi an hmu a, a ruang hi a chhakah a lo vawrhchhuak a ni.
Source: Saia Sailo @ Chanchinthar :World News

 

*PITAR CHILHLUM
Nizan dar 7:55 khan Lower Kanan, #Aizawl ah Laldinpuia (20) S/o.Vanramlawma khalh Swaraj Mazda Truck in Darla-i (70) w/o.Lalramthanga(L), Lower Kanan a mi chu a chil a, ka pawh chhawn lo in a chil na hmunah hian a boral nghal a ni. Truck khalhtu Laldinpuia hi Police in man in thubuai an siam sak nghal a ni. - Zonet Zingdaifim

 

*R.TLANGHMINGTHANGA MAN A NI
Nimin khan MNF MLA hlui R.Tlanghmingthanga chu tun MLA inthlan hnuhnungber a affidavit theh luh ah khan court case neilo ang a a lo in ziah avangin police ten an man, a case hi court a kal kher ngai lo chi a nih avangin bail in chhuah tir leh nghal a ni. - DINGDI

 

*Central YMA chuan Rangvamual leh Phunchawng veng a nitin a Aizawl YMA branch hrang hrang te duty thin chu a ti tawp lailawk a, CYMA in a ruat flying squad ten an vil thin dawn a ni.

 

*#KTP_KHAWZAWL
55th KTP General Conference Khazawl ah neih mek ah palai in ziaklut chu 18,746 anni.Nakkum 2015 CKTP Rorel Inkhawm Mission Vengthlang Biak In, Aizawl a neih tur a rel niin kum 2016 CKTP General Conference chu Champhai in an thleng dawn a ni.
Source:https://www.facebook.com/groups/307184876013774/

55th KTP General Conference, Khawzawl pandal

55th KTP General Conference, Khawzawl pandal

 

27th February 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

27.2.2014

*#KTP_KHAWZAWL

*55th KTP General Conference chu zanin khan Khawzawl a neih tan a ni ta, Zanin dar 7:00 thleng khan inkhawmpui palai mi 15,600 vel an thleng tawh. Lirthei: Bus: 246, Car: 199, Pick Up: 129, Sumo: 281, Bike: 415, Truck: 1, Jeep: 3, Gypsy: 3, 407: 3, 207: 14 hman an ni. KTP Diamond Jubilee meichher chu CKTP Leadear Rev. Lalrinmawia'n a chhi kai ta.

 

*55th KTP General Coference zan 1-na pandal inkhawm
Pix courtesy: https://www.facebook.com/groups/307184876013774/

55th KTP General Conference Khawzawl

55th KTP General Conference Khawzawl

55th KTP General Conference Khawzawl

55th KTP General Conference Khawzawl

*DDK AIZAWL PROGRAMME TLAI DAR 3-AH TAN ZIAH A NI DAWN
DDK Aizawl chuan March ni 1, 2014 atangin nitin tlai dar 3:00- ah programme a tichhuak dawn a. Mizo tawnga chanchinthar puan hun pawh zan dar 7:00 ni tawh loin zan dar 6:30 a ni tawh ang a, North East News pawh zan dar 6:45-ah puan a ni tawh ang. Chanchinthar langsar zual pawh tlai dar 5:00-ah puan a ni ziah tawh ang. DDK Aizawl programme hi pawhsei anih dawn tak avangin Mizoram Cable TV Operator zawng zawngte chu tlai dar 3:00 atanga zan dar 8:00 thleng nitin satellite atanga la chhawnga pe chhuak ziah tura hriattir an ni.

DDK programme pawhseiah hian Kut Hnathawktute programme tlai dar 5:30 ah, Hriselna programme tlai dar 6:00 ah, Zirtawpnia Live Phone-in puanchhuah thin chu zan dar 7:00 atanga dar 8:00 ah, Lengzem leh Pathian fakna hla khaw hrang hrang amite thlan pawh Thawhtan, Inrinni leh Pathianni zan dar 7:30 ah a chhuak tawh thin ang.

 

*HEROIN MAN
Excise & narcotics department chuan nimin khan Lalremi (34) d/o Thanthlir (L) Tahan, Myanmar hnen atangin gram 2.5 an man a. Nimin vek khan Electric Veng Power House bulah Lalthanpuii (27) d/o Laldingliana, Zokhawthar leh T. Lalrinawma (20) s/o T. Vanlalchuana, Zokhawthar te hnen atang 33.2 grams an man bawk.

Heng Heroin te hi Myanmar atanga rawn lak ve ve niin Aizawl-a hralh tura tih a ni.

Tualchhung rate ah chuan Rs. 1,20,000/- man vel ni a chhut a ni. END te hian an mi man te hi NDPS Act ‘85 hnuaiah thubuai an siamsak a ni. -DIPR

 

 *Court-in R Tlanghmingthanga man phalna a tichhuak

Chief judicial majistrate (CJM), Michael L Sailo chuan nimin khan inthlan dawna affidavit dik lo thehluta Health minister hlui, R Tlanghmingthanga puh a nih chungchangah nimin khan R Tlanghmingthanga man theihna tur, warrant of arrest a tichhuak.

R Tlanghmingthanga hi nikuma Mizoram Assembly inthlan dawnah affidavit dik lo thehluta puh a ni a; hemi chungchang hi returning officer chuan chhui zuiin, a report chu Aizawl SP-ah a thehlut a ni. Police-te chuan R Tlanghmingthanga puhna chu an chhui zui a, affidavit dik lo a thehlut ngei nia an hriat avangin police-te hian Court-ah warrant of arrest an dil ta a ni.

Police-te'n warrant of arrest nei tawh mahse nimin thleng kha chuan R Tlanghmingthanga hi man a la ni lo a; remchang hmasa berah man a nih tur thu, case IO chuan Vanglaini a hrilh. R Tlanghmingthanga laka warrant of arrest Court-in a pek chhuah hi bailable a ni.

R Tlanghmingthanga hian a affidavit-a thubuai nei lo angin a ziak a, mahse thubuai a nei mek nia puh a ni.
Source: http://www.vanglaini.org/tualchhung/15644#sthash.8Vzc2gkG.dpuf

 

*Nizan dar 11:50 khan Rangvamual Truck Terminal bul kawngsirah Saienga (22) S/o. Saichhunga (L) Zonuam Berampu veng ruang chhar a ni a, Excise duty ten an hmu a, Vaivakawn Police Out post hriattir a ni a, a ruang hmuh anih hian a thihna a la reilo nia hriat a ni a. A chalah hliam kak a awm a, a beng leh hnar atangoin thi a chhuak bawk. A thih chhan hi mahni chesual aiin kut tuar a nih a rinawm zawk a, he thu buatsaih lai hi chuan a titu man emaw rinhlelh man emaw an kla awm lo nia thu dawn a ni.
Source: Kiddy Vanchhawng via Special Report Group

 

*Zanin atangin Khawzawl ah Kristian Thalai Pawl (KTP) General Conference vawi 55-na chu tan a ni dawn ta. Vawiin hian KTP member ten inkhawmpui hmang turin Khawzawl an pan ang.
pix; Zautea Khalthang

Khawzawl

 

26th February 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

26.2.2014

*PENSION DAWN

C Lalniliana & V Sapchhunga IAS

Mizoram sorkar hnuai a officer senior 2 - C.Lalniliana, Director of Agriculture (Research & Education) leh V.Sapchhunga, IAS, Deputy Commissioner, Lunglei te chu 28.2.2014 hian superannuation pension in an chhuak dawn ta.

 

*LAWNG CHHIATNA THLENG VANGIN INDIA LAWNG SIPAIZAHOTU BANG
Tukin khan India lawng sipaite tuihnuailawng (Submarine) pakhat INS Sindhuratna chhungah meikhu nasa taka a chhuah avangin lawng sipai(Navy) 7 in hliam an tuar a officer 2 te chin hriat loh in an bo mek, hliam tuar te hi helicopter hmangin INS Ashwini hospital ah phurh chhuah vek tawh anni. He chhiatna thlen lai hian INS Sindhuratna ah hian lawng sipai 94 an chuang a, nikum may - december chhung khan he tuihnuailawng hi Russia ramah cheithat tir niin nikum december thla khan Indian Navy te hnenah hlan let chauh a ni a. Cheithat a nih hnu a mumal tak a hman tan anih laiin he vanduaina hi Mumbai lawngchawlhna atanga 80 Km ah an awm laiin a thleng ta a ni. He chhiatna thleng avang hian India Navy hotuber Admiral DK Joshi chuan a ma mawhphurhna ah ngaiin banna a thehlut a, a banna thehluh hi sorkarin an pawmsak a, Vice Admiral RK Dhowan chu Navy hotuber mawhphurhna lo la rih tur a hriattir a ni bawk. Nikum august 14 khan INS Sindhurakshak chhungah pawh chhiatna liantham tak a lo thleng tawh bawk a nih kha.

 

*Zan khat riak a Mizoram sum mamawh te zirchiang tur a lo kal 14th Finance Commission member-te leh officer-te chu vawiin khan Mizoram an lo thleng. Finance Commission member-te hi Finance Minister Pu Lalsawta, Parliamentary Secretary Pu K.S. Thanga leh Chief Secretary Pi L. Tochhawng te’n lo hmuakin, Mizoram mipuiten beiseina sang tak nen an lo kal an chan thu Finance Minister chuan Commission member-te chu a hrilh a ni.

14th Finance Commission Chairman Dr. Y.V. Reddy chuan Mizoram an cham chhungin harsatna leh mamawh state-in a neihte chu hriat a zirchian an duh thu leh, a theih anga hmalak an tum thu a sawi bawk.

Finance Commission Member-te hi Assembly House Annexe Conference Hall-ah tlawmngai pawl hrang hrang aiawhte, Local Bodies aiawhte leh pawl dang hrang hrang atanga aiawhte nen inkawmna hun an hman hnu ah Chief Minister-in zanriah a kilpui ang a. Naktukah Chief Minister hovin Assembly House Annexe Conference Hall-ah hian meeting an nei leh ang.

14th Finance Commission hi an Chairman Dr. Y.V. Reddy leh member pathum - Sushama Nath, Dr. N. Govinda Rao leh Dr. Sudipto Mundle leh Secretary Ajay Narayan Jha bakah Officer pawimawh dangte hovin an lo kal a ni. - DIPR

 

*Naupang huaisen lawmman National Bravery Award , 2013 dawngtu Mizo naupang palite hnenah Mizoram State Council for Child Welfare (MSCCW) chuan vawiin khan chawimawina thuziak leh pawisa fai cheng singkhat theuh an hlan a ni. Mizo naupang zing a huaisen lawmman dawngtu te chu:

Hani Ngurdinthari, kum 15, Lengte, Mamit District. Hani Ngurdingthari hian kum 2013 khan a thiante Dialdawk lui a tla tum li lai a chhanchhuak a ni. March 9 khan a thiannu Lallawmawmi D/o Hmunsiama tui tla chhanhimin, April 29 khan Malsawmzuali D/o Lianmawia a chhanchhuak leh a, May 11 khan a thian te pahnih Zorinpuii D/o Zohmingliana leh Lalchhanhimi D/o R.L. Daniela te a chhanchhuak leh a ni. June 8 khan Malsawmtluangi leh a thiante nena ram atanga an haw Dialdawk lui an kan laia tui lianin a lak Vanrosanga pawh a chhanchhuak bawk a ni.

Malsawmtluangi (L), kum 13, Lengte, Mamit District, Lalduhawmi fanu hian June 8, 2013-a a thiante nena chawhmeh la a an ram kal haw chu Dialdawk luiah an chesual a, a nau Vanrosanga leh a thiannu Lallawmawmi te chu tuiah an tla a. Malsawmtluangi hian chhan tumin luiah hian a zuang thla ve nghal a, mahse tui a thiamloh avang leh tui a khauh em avangin chhan hman lovin a nunna hial a chan phah ta a ni.

Vanlalhruaia, kum 10 , Hmunsam Veng, Mamit, Lalramnghinglova (L) fapa hian May ni 4, 2013 khan a thiannu Zomuanpuii Tuidai luia tla chu a chhanchhuak a. Vanlalhruaia leh a thiante pahnih Zomuanpuii leh Lalramdinthari te hi Tuidai Darbenli-ah an kal tumin an thiannu Zomuanpuii chu tlusualin Tuidai luiah a tla thla a, Vanlalhruaia hian chhanchhuah tumin luiah a zuanglut ve nghal a, Zomuanpuii tui atanga a lak chhuah hnu ah, khaw chhungah midang pun turin a tlan lut lehnghal a ni.

Remlalhruaitluangi, kum 9, Hruaikawn Champhai District D/o Vanlalthanga. April ni 4, 2013 khan Remlalhruaitluangi hian a thiante pahnih Maichammawii leh Lalthanpuia, Tiau luia tla chu chhan tumin theihtawpin a bei a, Lalthanpuia chu chhanchhuakin Maichammawii erawh a chhan hman ta lo a ni.

National Bravery Award dawngtu te hian hian medal, chawimawina thuziak leh pawisa fai an dawn bakah class XII an zir zawh thleng scholarship an dawn ang a, Engineer leh Medical lama kalte chu an graduate thleng scholarship pek an ni ang.

National Bravery Award hi mizo zingah mi 26 in an lo dawng tawh a, an zinga mi 9 te hi thih hnua hlante (posthumous awardee) an ni. -DIPR

 

*Excise & Narcotics Department (END) te chuan vawiin chhun dar 1:30 khan Champhai Jail Veng-ah Heroin gram 9 an man a, a neitu, Lalhmangaihsanga (20) s/o Zothanngura, Champhai Venglai an man nghal bawk.

Heng Heroin te hi a neitu hian Tiau atanga a lak a ni a, Penicillin bur 20-ah dah in Sumo-a Aizawl panpui a tum mek laiin man a ni. Heng Heroin man te hi local Market-ah chuan Rs. 47,000/- man vel ni a chhut a ni.

Lalhmangaihsanga hi Section 21 (b) of The Narcotics Drugs & Psychotrophic Substances Act, 1985 (NDPS Act, 1985) hnuaiah thubuai siamsak nghal a ni. -DIPR

25th February 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

25.2.2014

*"Tho La Eng Rawh" tih thupui hmang a, Kriatian Thalai Pawl (KTP) General Conference, Diamond Jubilee lawmna ninghal tun Ningani atanga March ni 2 thlenga Khawzawla neih tur atan ngawrh taka inbuaitsaih a ni.

Pandal lian tawk, mi sing 1 vel len theihna tur, a dung feet 288 a vang feet 160 chu Khawzawl Vengthar Field No 1-ah sak zawh thawkhat a ni tawha, tunah chuan a chhung chei hna tlemte leh thil dang thenkhat zawhfel mai thieh turte chauh a awm tawh a, a pannga kawng chei leh Ceiling siam hna te chu tunhnai khan zawhfel an ni.

KTP General Conference-ah hian thupui atan- “ Thola eng rawh “ tih thlan a nia, he thupui hmang hian KTP hruai tu hlui pahnih, Rev H Lalrin mawia leh Rev Lalzuithanga te leh Upa C Ngurthantluanga ten Pathian thuchah an sawi thin dawn a ni. He Thalai khawmpui-ah hian Thalai tana tangkai tur, Multiplex Programme – Thupui 4 nei hman a ni dawna, chutah chuan Upa Lalbiakzuala, Central YMA President ni bawk hovin Thalaite hmathlir- Zu leh Ruihhlo chungchangah tih zirho a ni anga, Central KTP Asst. Secy. Pu Lalmuanchhana hovin – Thalaite hmathlir- Globalization leh Social Media-ah tih zir a ni anga, tupui pathumna, Thalaite hmathlir-Harsatna hmachhawn chung changah tih chu Mout Everent lawn chhuaktu-Pu David Zohmangaiha hova zir a ni anga, thupui hnuhnung ber, Thalaite hmathlir- Thalaite hmathlir- Hlem hletna-Corruption chungchagah tih chu PUC a Assistant Professor, Tv Lalthlamuana hoa zir ho a ni ang.

He Conference-ah hian KTP Diamond Jubilee lawm nghal tur a nih avangin March ni 1-ah Diamond Jubilee Concert ropui tak neih tum a nia, hetah hian tunlaia Zaithiam te bakah hranghlui thahnem tak zai tura beisei a ni.

He Conference ah hian tun thla ni 28 Zirtawp zing ah kum 2014 atanga kum 2016 thlenga hruaitu thar tur thlanna neih a ni ang, hemi ni hian chhun lamah rorel palai ten agenda ngaihtuahin ro an rel dawn a ni. He thalai khawmpuiah hian Zaipawl pui, Bial zaipawl zawng zawng infinkhawm in Jubilee lawm nan Pathian fakna hla tum 2 an rem dawn a ni.

Khawmpui chhim tur hian Taiwan atang leh Mizoram chhunga Lairam Isua Krista Kohhran atang in Palai an lo tel beisei a ni. Conference chhung hian Pathian biak inkhawm tum 6, Fellowship tum 2, bakah Variety Programme tum, Jubileet Concert leh Multiplex programme tum khat theuh neih a ni ang. - Source: Lalhmachhuana Tochhawng via DINGDI Group
Pix:Amby Kop

KTP Diamond Jubilee Logo

 

*BAWNGKAWN IN WINESHOP AN DUH LO
Bawngkawn Branch YMA chuan Mizoram sorkarin zu khapna Burna Dan hlih a, Wine Shop siam leh a tum nia an hriat avangin, sorkar in a zuar leh dawn anih pawhin Bawngkawn veng chhungah chuan wine shop awm lo se tiin an rel.

Bawngkawn YMA te hian kar kalta khan he thu hi ngaihtuahin, sawrkar chu an veng chhungah Zu zawrhna dawr siam tir lo turin an ngen a. Bawngkawn mipuite leh Bawngkawn venga In leh lo neite pawh, hetiang atan hian an In te mi luah tir lo turin an lo ngen lawk bawk a ni.
Source: Lalhmachhuana Tochhawng via DINGDI Group

 

*Mizoram Legislative Assembly member-te leh Synod Executive Committee member-te chu vawiin khan JM Lloyd Hall, Synod office ah an inkawm a. He inkawmhona programme pawimawh tak hi Synod Moderator Rev.K.Lalhmuchhuaka’n a kaihruai a ni.

Mizoram Synod chuan ram hruaitute chu Pathian ruat an ni tih kohhranin a pawm a, ram roreltute leh kohhranhote hi Pathian hruaina zuia thawkho tur an ni, an ti a. MLA te chu hleih nei lova dik taka rorel tura ngenin ram hmasawnna hnukpui an thawhna kawngah theihtawp chhuaha bei turin a sawm a. Mizoram leh Cachar inri na venhim thu ah ramri hrula chengte sahimna mai bakah, an huan lo ram venhim leh thlamuang taka an khawsak theih nan sorkarin tan a lak tulin a hria a. Eirukna chu ram hmelma, mihring nun leh rilru tichhetu a nih avangin tibo tura an hmalakna chu hlen chhuak ngei turin an beisei thu an tarlang bawk. MLTP Act, 1995 chungchanga kohhran ngaihdan tarlangin, he dan kenkawh hi kohhranin a thlawp a, chak taka kalpui zel turin ram hruaitute an ngen a ni. -DIPR

 

*RAHUL GANDHI AN VAWIIN AH GUWAHATI TLAWH DAWN NIMIN AH MI 1 INHAL HLUM
Vawiin hian Congress Vice President #Rahul Gandhi chuan Guwahati ah vantlang inkhawm a nei dawn a, a programme hman tur hi a hma ni a thihna thleng vang in khauh takin venhimna kalpui mek a ni. Nimin zing dar 10 khan Dispur a Asssam sorkar secretariat hma ah nitin inhlawhfa a eizawng Pranab Boro(45), #Guwahati a Garchuk veng a mi chu amah leh amah a inhal a, a hliam tuarlo hian Gauhati Medical College Hospital ah nimin tlai dar 4:20 khan a boral a ni. Amah hi Guwahati khaw chhung a miretheite hnena ram pek duhtu pawl Krishak Mukti Sangram Samiti (KMSS) member a ni. Hetiang hi thil awmdan a nih mek avangin KMSS chuan Assam ah bandh an huaihawt mek bawk a ni.

 

*MIZO TLANGVALIN Ph.D DAWNG THAR
Tv. R.Vanlalvena, Buarpui, Lunglei District chuan Department of Geography, North Eastern Hill University, Shillong atangin Doctor of Philosophy (Ph.D) a hmu thar. Kan lawmpui e

 

*MIZORAM SYNOD CHOIR MUSIC VIDEO ‘Aw Isu, min kai ang che’ tih chu ni Feb. 28, 2014 Zirtawp zanah KTP Gen. Conference, Khawzawlah Tlangzarh a ni dawn ta. He Album-ah hian Hla 11 a awm dawn a, Sap hla lehlin 6 leh Mizo phuah 5 a ni ang. DVD mai bakah Data Disc a keng tel nghal dawn a; Data Disc-ah hian Convert ngai lovin awlsam taka a hla kan neih theih nan a hla zawng zawng MP3 te, Music Track te leh hla Copy fiah felfai takin pdf file-in a awm dawn bawk a ni.

He Music Video Album hi Rs. 160/- man tur niin, Thalai Pawl leh Group-a zuar chhawng duh tan Music Home, Chanmari (Ph 9774393985 / 9436152636)-ah Booking a tih lawk theih a; Aizawl pawn lam tan pawh Khawzawl a lam mai theih turin mahni Copy duh zat sawiin a Order lawk theih bawk e.
Source: Ralte Mesa

Mizo Synod choir Album cover