19th December 2013 news in Mizo

Latest news collection in Mizo

MIZO TAWNG A CHANCHINTHAR LAWRKHAWM

19.12.2013
*R.L Pianmawia, MLA chu Mizoram Government Deputy Chief Whip atan ruat nawn leh a ni.
 
*Dr.Ngurdingliana, MLA chu MAMCO chairman atan ruat thar a ni.
 
*K.Chhawnthuama, Durtlang chu MLA inthlan chungchang ah Mizoram CM Lalthanhawla sms hmang a vau a puh a nih avangin police in an man.
 
* Naktuk December ni 20, 2013 hian dar 12 chhung (zing dar 5:00 AM atangin tlai dar 5:00 PM thleng) BJP, Assam Unit chuan Assam-ah bandh a huaihawt dawn a. Chuvangin hemi hun chhung hian zin mite fimkhur turin Deputy Resident Commissioner, Guwahati chuan a hriattirin a ngen a ni. - DIPR

* Mizoram sorkar a Parliament Secretary thar te hna chanpual tur chu hetiang hian siam fel a ni:
K.S. Thanga -Minister, Industries, School Education etc,.
Lt. Col. (Rtd) Z.S. Zuala - Minister, Finance, Law & Judicial, etc,.
H. Zothangliana - Minister, Higher & Technical Education, etc,.
Joseph Lalhimpuia - Minister, Home, Rural Development, etc,.
T.T. Zothansanga - Minister, Horticulture, LAD etc,.
K. Lalrinthanga - Minister, Food Civil Supplies & Consumer Affairs, Transport etc,.
Hmingdailova Khiangte - Minister, UD&PA, Sports & Youth Services, etc,.

*NGAIHDAN: India ram a Kristian tam berna ram Mizoram ah hian Krismas hi sorkar hian tourism lam a sum lakluh nan a hmang thiam lo ngawt hian i hre ve thin em? Khawvel hriat a 100% Kristian awmna ram inti si hian kan kut pui ber hi zaikhawm leh ruaitheh leh thalai carol etc tih vel bak hman dan hre chuang em em lo in kum 100 chuang kan lo hmang liam tawh a,  kan economy thalo tak siam that nan te hian heng hun te hi hman tangkangkai a tha ngawt lo maw? Sorkar laipui chawmhlawm inti reng si hian heng hunpui ah te hian rampawn khualzin te hip zawng leh khualzin ten kan ram a pawisa thlauh tir ngei tum a sorkar in programme/tourist package siam in hma a lak a hun tawh i ti ve em? Nge Thailand chu nise eng engemaw an tih leh awmsia tiin ral khat ram hi kan awt leh ringawt dawn? Enge i ngaihdan ni ve le?
 

*Vawiin hian Goa mipuite chuan Portuguese sorkar lak atanga an zalenna ni vawi 52-na an lawm. 19 December 1961 khan Goa mipuite hian Portuguese awpna lak atangin zalenna neih tumin nasa tak a an beih bakah India sipai ten operation Vijay hmang a an puih avangin zalenna an lo hmu thei ta a, chumi hnuah India union an zawm ve thei ta chauh a nih kha.

*Mizoram Larsap Pu Vakkom Purushothaman in Mizoram mipuite hnena Krismas leh Kumthar thuchah a sawi chu December 22 tlai dar 5:35 p.m hian DDK Aizawl ah tihchhuah a ni ang a. Hemi ni vek tlai dar 6:05 p.m ah AIR in a tichhuak ang a. LPS leh ZONET ten December 23 zanah an ti chhuak bawk ang. -DIPR

*Facebook i hmang a nih chuan kan page https://www.facebook.com/Lamtluang hi i lo like ve dawnnia.

17th & 18th December 2013 news in Mizo

Latest news collection in Mizo language:

MIZO TAWNG A CHANCHINTHAR LAWRKHAWM

18.12.2013
*John Siamkunga, MLA chu Chairman, Mizoram Law Commission atan sorkar in a ruat thar.
 
*S Laldingliana, MLA chu Vice Chairman, Lunglei High Power Committee ah sorkar in a ruat thar.
 
*JH Rothuama, MLA chu Chairman, NLUP Implementation Board ah sorkar in a ruat thar.
 
*H Liansailova chu Mizoram State Planning Board Vice Chairman atan vawiin tlai khan lakluh a ni.
 
*Lok Sabha ah eiruk do na leh hremna tur dan Lokpal Bill chu passed a ni ta.

*Ni 15 - 17 January, 2014 inkara Army Recruitment Rally neih tur a intlar dan tur (Programme) kimchang chu hetiang hi a ni - 15 January, 2014 ah Sipai pangngai (Soldier GD), 16&17 January, 2014 ah Sipai Technical, Sipai Nursing Assistant, Sipai Clerk/ Store Keeper, Inventory Management (IM). Sipai-a intlar tumte chuan intlarna hmun Rajiv Gandhi Stadium, Mualpui thlen hma ngeiin Physical Fitness, Educational Qualification, Mark, etc. -ah te an tlin leh tlin loh in endik hmasak vek nisela, a tha hle ang. Hrechiang duh tan Army Recruitment Office -ah emaw, Mizoram Youth Commission Office 0389 - 2310317/ 2310333 -ah emaw Office hun chhungin zawh fiah theih a ni e. - DIPR


*Mizoram Legislative Assembly Deputy Speaker atan R Lalrinawma, INC chu chuhtu awmlova thlan tlin a ni.
 

*Mizoram sorkar a Parliamentary Secretary ruatthar te:
KS Thanga, 

Lt.Col(Retd.) Z.S Zuala, 

H Zothangliana, 

Joseph Lalhimpuia, 

K Lalrinthanga, 

Hmingdailova Khiangte, 

TT Zothansanga te hi vawiin tlai dar 4-ah Assembly Conference Hall ah rinawmna thu tiam tir a lakluh anni ang.

 

*Vawiin ah Lok Sabha ah eiru te hremna tur leh chhuichianna tur dan Lokpal leh Lok Ayukta Bill chu sawiho a ni dawn a, nimin khan Rajya Sabha chuan he dan hi an lo passed tawh a ni.

 

17.12.2013

*Mihring puitling hian taksa tan a hahdam nan zantin darkar 7-8 inkar tal muthilh a mamawh niin mithiam ten an sawi.

 

*Vawiin tlai dar 5 khan Dibrugarh, Assam a bomb puak ah mi 1 boral in mi 9 in hliam na tak an tuar.

 

*Naktuk atangin Andhra Pradesh Assembly house ah Telangana Bill chu sawiho tan a ni dawn a, ruahman ang chuan zirtawpni thleng a sawiho tur a tih a ni.

 

*T Sangkunga, INC, East Tuipui Bial MLA chu Mizoram Youth Commission Chairman thar atan ruat a ni.

 

*Naktuk a thlan tur Mizoram Legislative Assembly Deputy Speaker atan tun thleng hian R Lalrinawma, INC chiah in nomination a la file a ni.

 

*MNF President Zoramthanga chuan an party hruaitu te hnenah vawiin khan banna a thehlut a, he a banna thehluh hi MNF Hqtrs OB ten ngaihtuah nghal in an pawm sak lo a ni.

 

*Vawiin khan Rajya Sabha ah eiruk hremna dan thar tur Lokpal leh Lokayukta Bill 2011 chu sawiho a ni a, Samajwadi Party member te erawhin dodal in house an chhuahsan. He bill hi nilaini ah Lok Sabha ah sawiho a ni leh ang.

 

*Angela Merkel chu a tum 3-na atan Germany ram Chancellor turin German Parliament chuan an thlang tling leh ta a ni.

 

*NLUP 2nd, 3rd leh 4th Phase tanpuina sem chhunzawm dan turah ruahmanna siam mek a ni a. Hei hi peih fel a nih hma chuan tanpuina sem chhunzawm rih lo turin NLUP Implementing Board(NIB) chuan line department te leh D.C te a hriattir a ni. -DIPR

 

*Lamtluang page/blog visitors/likes tu te in zavaiin Christmas e-card Mizo tawngin kan thawn vek a che u, kan hma lawk a Krismas lo thleng tur hi thinlung hlim tak a in hman vek kan duhsak a che u.

*DDK Aizawl chuan kumin Christmas pualin zanin dar 7:30 leh dar 10:30 inkarah Live Advance Christmas programme a tichhuak dawn a. Tunlai zaithiam lar tak tak te leh Zaipawl te zai bakah zaikhawm-na hun hman a ni ang. -DINGDI

15th & 16th December 2013 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

16.12.2013
*MIZORAM COUNCIL OF MINISTER TE HNA CHANPUAL THAR
CHIEF MINISTER : LAL THANHAWLA :
1) Political & Cabinet 2) Vigilance 3) General Administration Department 4) Secretariat Administration 5) Personnel & Administrative Reforms 6) Information & Public Relations 7) Public Works 8 ) Power & Electricity 9) District Council Affairs

COUNCIL OF MINISTERS :
1. R. LALZIRLIANA :
1) Home (including Prisons & Sainik Welfare Resettlement) 2) Agriculture 3) Rural Developmenmt 4) Excise & Narcotics

2. R. ROMAWIA :
1) Higher & Technical Education 2) Art & Culture
3) Land Revenue & Settlement 4) Parliamentary Affairs

3. LALSAWTA :
1) Finance 2) Planning & Prog.Implementation
3) Taxation 4) Law & Judicial

4. H. ROHLUNA :
1) School Education 2) Industries including Directorate of Mining & Mineral Resourses 3) Trade & Commerce

5. ZODINTLUANGA :
1) Urban Development & Poverty Alleviation 2) Sports & Youth Services 3) Public Health Engineering

6. JOHN ROTLUANGLIANA :
1) Food, Civil Supplies & Consumer Affairs
2) Transport 3) Tourism

7. P.C. LALTHANLIANA : 1) Horticulture 2) Local Administration Department 3) Social Welfare

MINISTERS OF STATE
1. LAL THANZARA :
1) Health & Family Welfare 2) Minor Irrigation 3) Information & Communication Technology. ( PWD leh P&E departmentahte Chief Minister a pui ang)

2. LALRINMAWIA RALTE :
1) Environment & Forests 2) Cooperation 3) Labour,Employment & Industrial Training 4) Soil & Water Conservation

3. C. NGUNLIANCHUNGA :
1) Animal Husbandry & Veterinary 2) Disaster Management & Rehabilitation 3) Printing & Stationery

4. Dr. BUDDHA DHAN CHAKMA :
1) Sericulture 2) Fisheries

Courtesy: Aitea Ralte via Time Corner Group
 

*Class 12 zirlai final la exam lo leh B.A/B.Sc/BCA final la exam lo tan pawh 4.12.2013 - 4.1.2014 chhungin University of Hyderabad ah entrance exam form a fillup theih e.

 

*Delhi ah sorkarna siam thei eng party mah an awm loh avangin Delhi Lt.Governor chuan Delhi ah President rule puan mai a rawt.

 

*Tun thleng hian Delhi Assembly inthlan ah party mal sorkarna siam thei bik an awmloh avangin sorkar thar lakluh tur an la awm lo a ni.

 

*Vawiin ah Andhra Pradesh assembly house ah Telangana state thar siamna tur bill house ah putluh a ni a, Seemandra bial MLA ten he bill ziahna paper hi dodal in an pawtthler a ni

 

*Ranchaw leina sum nasa taka tichingpen a puh RJD hotupa Bihar CM hlui ni bawk Lalu Prasad Yadav chu thla 1 chuang jail atan hnuah vawiin khan bail a chhuah tir a ni.

 

*7th Mizoram Legislative Assembly Speaker thar atan Hiphei, INC Palak bial MLA chu chuhtu dang awmlo a thlan tlin a ni.

 

*Nitin tui thianghlim no 4 tal in thin ang che, thlasik ah hian khua a vawt a tui in a peihawm lo em na chungin i taksa that nan tui in i mamawh tho ania.

 

*Tamil Nadu a tualto party lar tak DMK chuan 2014 Lok Sabha inthlanpui lo awm tur ah Congress party thawhpui tawh lo a mal din an tum thu an sawi.

 

*Manipur sorkar chuan Rashtriya Uchchatar Shiksha Abhyan(RUSA) scheme hnuai ah an state chhung a sorkar college leh aided college a thawk turin lecturer 1100 a la thar dawn.

 

15.12.2013

*Mizoram Council of Minister te:
CHIEF MINISTER :
Lal Thanhawla

CABINET MINISTERS :
R Lalzirliana
R Romawia
Lalsawta
H Rohluna
Zodintluanga
PC Lalthanliana
John Rotluangliana

MINISTER OF STATE :
Lal Thanzara
Lalrinmawia Ralte
C Ngunlianchunga
Buddha Dhna Chakma

 

*South Africa rama mihang President ni hmasaber Nelson Mandela ruang chu vawiin khan a pianna khua Qunu ah ropui takin phum a ni ta.

10th - 13th December 2013 news in Mizo

Latest news collection in Mizo language

MIZO TAWNG A CHANCHIN THAR LAWRKHAWM

13.12.2013
*Naktuk chawhma dar 11 hian Mizoram CM thar atan Lalthanhawla leh a council of minister tur te rinawmna thu tiam tirin Raj Bhawan kawtah Mizoram Governor in a lalut dawn.
 
*Vawiin khan Jerusalem khawpui ah chuan khawvawt lutuk avangin mipuite nunphung a ti buai hle. Vur a tlak nasat avangin kawngpui, Sikul leh sumdawnna hmunte khar niin vurtla hi 4 inches a tling hial a ni. Vur tla avang hian kawngpui ah motor tam tak a tangkhang bawk a ni.
 
*Mizoram Democratic Alliance (MDA) a tel MNF, MPC leh MDF party MLA thar te chuan hetiang hian MDA Legislature Party hruaitu an thlang:
Leader: Vanlalzawma, MNF
Deputy Leader: K Sangthuama, MNF
Treasurer: Lalthanliana, MPC
Secretary: Lalruatkima, MNF
Members: 1. Dr.K Beichhua, MNF
                2. Er.Lalrinawma, MNF
 
*Vawiin khan Lunglei Sobji Bazar chung atangin JH Lallawmsanga(17), Thuampui khua Leitlangpui HSS a Cl-XI zirlai chu tla palhin Lunglei Civil Hospital panpui a nih hnuah a boral.
 
*Mizoram Governor Pu Vakkom Purushothaman chuan India Constitution Article 174 hnuai a Clause (1)-in thuneihna a pek angin, 7th Mizoram Legislative Assembly chu ni 16 December, 2013 zing dar 10:30 a Legislative Assembly House, Aizawl-ah Session hmasaber nei turin a ko a ni. - DIPR
 
*Mizoram Calendar 2014 leh Mizoram Diary 2014 chu a buatsaihtu Directorate of Information & Public Relations chuan a tichhuak leh ta a. Ni 16.12.2013 (Thawhtanni) atangin lei theih a ni ang. Calendar hi pakhat Rs. 50/- (Sawmnga) a ni a, Diary hi a lian Rs. 100/- leh a te Rs. 80/- man a ni. Office hun chhungin I &PR Treasury Square, Aizawl ah lei theih a ni ang. -DIPR
 

*Vawiin ah Vasundhara Raje, BJP chu Rajasthan Chief Minister turin rinawmna thuthiam tirin lakluh a ni dawn.

12.12.2013

*Lawngtlai East bial a Tialdawngilung polling station a EVM a vote tla te chhiar that niin H Zothangliana, INC chu MLA ah tling a puan a ni. Tihian rampum ah INC - 34, MNF - 5, MPC -1 in seat an la ta a ni e.

 

*Vawiin hian Raipur ah BJP hotupa Dr.Raman Singh chu a tum 3-na atan Chhattisgarh Chief Minister atan lakluh a ni dawn.

 

*Nimin a Mizoram Congress Legislature party thukhawm chuan CM atan Lalthanhawla an thlang.

 

11.12.2013

*Supreme court in Delhi High court thutlukna hnawl in India ramah mahni anpui(hmeichhia leh hmeichhia & mipa leh mipa) te nen a inneih chu ram danpui kalh a ni a ti.

 

*Mizoram sorkar thar 7th Mizoram Legislative Assembly a Council of Minister thar tur te chu tunkar inrinni 14.12.2013 hian Raj Bhawan, Aizawl ah lakluh anni dawn.

 

*Tialdawngilung, Lawngtlai Dist, Mizoram ah vawiin hian vote thlak that mek a ni.

 

10.12.2013

*Mizoram Congress legislature party te chu ni reilo te ah sorkar thar siam dan tur leh council of minister te lakluh hun tur te ngaihtuah turin an in hmu khawm thuai dawn.