Lamtluang Online News, September 13, 2025: India Prime Minister Narendra Modi chuan vawiin September 13, 2025 hian Mizoram a rawn tlawh dawn a, chawhma dar 10-ah Aizawla Sipai Lammualah, vantlang inkhawm a nei ang a, Bairabi - Sairang rel kawng siam thar hawnna a nei ang.
Lamtluangin a chhui chian dan chuan, tun tuma Narendra Modi Mizoram lo zin hunah hian, Lammual-a vantlang inkhawmna neih hunah, Mizoram chhunga hmasawnna hna thawhna tur leh thawh zawh tawh Rs. Vaibelchhe 9000 nan hu a rualin hawnna a nei dawn a ni. Chung te chu:
1. Bairabi-Sairang rel kawng Rs. Vaibelchhe 8070 chuang senga siam zawh tawh.
2. Sairang rel chawlhna atanga chhuak thar tur rel 3
3. Prime Minister’s Development Initiative for North East Region (PM-DevINE) scheme hnuaia Rs. Vaibelchhe 500 senga siam tur Aizawl khawpui helna tur kawngpui (bypass road) 45 km a thui.
4. Road under North East Special Infrastructure Development Scheme (NESIDS) hnuaia thawh tur Aizawl - Thenzawl - Lunglei kawngpui awmsa aṭanga Thenzawl - Sialsuk kawngpui siamthatna tur.
5. Road under North East Special Infrastructure Development Scheme (NESIDS) hnuaia thawh tur Serchhip district a Khankawn - Rongura Road siamthatna tur.
6. Lawngtlai - Siaha inkara Chhimtuipui lui chunga lei dawhna tur.
7. Aizawl Tuikuala Khelo India Multipurpose Indoor Hall for Sports Development hall sakna tur.
8. Mualkhanga 30 TMTPA (thousand metric tons per annum) LPG Bottling Plant siamna tur
9. Pradhan Mantri Jan Vikas Karyakram (PMJVK) scheme hnuaia Kawrthaha sak thar Residential School sak thar hawn te.
10. Aizawl Tlangnuama Eklavya Model Residential School thar hawn te a ni.
No comments:
Post a Comment