8th March 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

8.3.2014

*C.L RUALA MP AH IN CANDIDATE LEH DAWN

Mr. C.L Ruala (INC), MP Lok Sabha, Mizoram
Pix: PIB

Kan hma lawk a MP thlan lo awm tur atan Indian National Congress chuan candidate 140 chuang hret an puan zingah Mizoram Lok Sabha member nilai Pu C.L Ruala chu Mizoram a INC candidate turin an puang.
Source: Lalhmachhuana Tochhong via DINGDI Group (Mizo daily news)

 

*FALKAWN AH MEDICAL COLLEGE DIN A NI DAWN TA

Falkawn Hospital building, Mizoram

Mizoram sorkar DIPR thuchhuah in an tarlan danin Mizoram a medical college din phalna Central sorkar Ministry of Health and Family Welfare chuan ni 3.3.2014 khan an lehkha No.D.O.U. 12012/46/2012 - ME (P.II) dt.19.2.2014 kaltlangin Mizoram sorkar an rawn hriattir a ni. A senso tur hi Central leh Mizoram sorkar intumtawm tur a ni a, central sorkar hian za a sawmkua (90%) a tum ang a, abak chu Mizoram sorkar tum ve tur a ni a, central sorkar hian a tum tur Rs. 189 Crore pawh a rawn tichiang nghal nghe nghe a ni. Medical College tur hi State Referral Hospital, Falkawn a bun tura ruahman a ni.

Thil bawhzui ngai awm apiangte chu Mizoram sorkarin chak takin a umzui nghal zel dawn a, Medical College hi din thuai a nih theihna turin #Mizoram sorkar chuan hma ala nghal char char dawn a ni.

 

*Vawiin tlai dar 5 vel khan Aizawl atanga Lunglei pan Car Thenzawl dai Lau lui peng bul ah a accident a, Mi 3, Mipa 2 leh Hmeichhe 1 an chuang. Hliam te hi Thenzawl damdawi inah enkawl an ni. Ngaihtuahawm lutuk an ni awm lo e.

Car accident in Thenzawl, Mizoram

Source:Dawngtea Cms & David Laltanpuia via Lunglei Chanchinthar Group

 

*#Malaysia_Airlines (MH370) thlawhtheihna chu chin hriat loh in ala bo a, ram hrang hrang ten tuipui leh khawmual ah he thlawhna hnuhma hmuh chhuah tumin an zawng mek. Malaysia leh Vitenam chhim lam ah inkar ah he thlawhna hi a tla ni a ring an tam hle. Michuang 227 zingah hian India mi 5 pawh an tel ve in Mumbai leh Chennai lam mi te anni. He thlawhna chin hriat loh a bo dan hi post hmasa lamah hrechiang duh chuan in lo hai let mai dawnnia.

 

*2014 Miss Chapchar Kut Lunglei: Vanlalruatpuii Khiangte, Salemveng

Miss Chapchar kut, Vanlalruatpuii Khiangte, Salemveng, Lunglei

Source: Rdl Khiangte via Lunglei Chanchinthar group

 

*THLAWHTHEIHNA CHIN HRIAT LOHIN AWM MEK An ram sana a nizan dar 12:41 a Kuala Lumpur airport atanga Beijing(China) pana thlawk chhuak #Malaysia_Airlines MH370, Boeing 777 mihring 239 (Passenger naupang 2 tiam in 277 leh cabin crew 12) chuanna chu tukin zing dar 2:40 khan air traffic control room atangin biak pawh theih anni ta rih lo a, he thlawhna hi a tla ni a rinhlelh niin Malaysia sorkar hruaituten a awmna chin hriat tumin ngawrh takin hma an la mek. Tluang takin tlawk tase he thlawhtheihna hian zing dar 6:30 a Beijing airport a tum hman tur a ruahman a ni. Chanchinthar a awm chuan kan rawn update zel dawnnia.