News in Mizo language:
21.9.2013 ZINGLAM CHANCHINTHAR
 |
| Pu Khamliana (Mizoram) receiving National Communal Harmony Awards for 2011 |
MIZO PA IN NATIONAL COMMUNITY HARMONY AWARD 2011 A DAWNG
Nimin 20.9.2013 khan India President Pranab Mukherjee chuan New Delhi ah Pu Khamliana, Founder President of the Mizoram Youth Club chu National Communal Harmony Awards for 2011 a hlan. Pu Khamliana rual hian Odisha a Social Activist Md. Abdul Bari leh kum 2012 atan Delhi a NGO pakhat Foundation for Amity & National Solidarity (FANS) te hnenah pawh he award hi a hlan a ni.
National Communal Harmony Awards 2011 dawngtu Pu Khamliana hian Mizoram a drug addict te leh AIDS vei te tan a tanpuina leh chhawmdawlna a thawh leh India khua leh tuite tana inunauna leh inpumkhatna tha a awm theih nan a Mizo thalaite zinga a hnathawh atang te in he award hi dawng a ni. Pu Khamliana hian AIDS awareness campaign te neiin Mizo thalai te chhiar tur lehkhabu tha 6 a publish tawh a, hnamdangte nen a inpumkhatna neih nan cultural exchange leh essay competition te a a huaihawt thin bawk a ni.
National Communal Harmony Awards hi kum 1996 ah khan India sorkar laipuiin Ministry of Home Affairs hnuai a din National Foundation for Communal Harmony (NFCH) in Vice President of India kaihhruaina hnuai ah India khua leh tui te zing a hnam inpumkhatna leh inunauna tha awm theih nan a hnathawk tha te chawimawina atan a an thlan chhuah thin a ni a, chawimawina award bakah thuziak leh pawisa fai mimal tan Rs.Nuai 2 leh pawl hming a dawng te tan Rs.Nuai 5 an pe thin a ni. Hetiang India ram pum huap a chawimawina sang Mizo pa Pu Khamliana'n a dawng hi a chhuanawm in a lawmpuiawm em em a ni.(Mi mal takin ka lawmpui bawk e.)
National Communal Harmony Awards 2011 & 2012 hlanna inkhawm ah hian India President Pranab Mukherjee bakah Prime Minister Manmohan Singh, Vice President Hamid Ansari, leh Union Home Minister Sushikumar Shinde te pawh an tel a ni.
Source: Lamtluang (www.facebook.com/Lamtluang)
Pix courtesy: http://presidentofindia.nic.in
Nimin 20.9.2013 khan India President Pranab Mukherjee chuan New Delhi ah Pu Khamliana, Founder President of the Mizoram Youth Club chu National Communal Harmony Awards for 2011 a hlan. Pu Khamliana rual hian Odisha a Social Activist Md. Abdul Bari leh kum 2012 atan Delhi a NGO pakhat Foundation for Amity & National Solidarity (FANS) te hnenah pawh he award hi a hlan a ni.
National Communal Harmony Awards 2011 dawngtu Pu Khamliana hian Mizoram a drug addict te leh AIDS vei te tan a tanpuina leh chhawmdawlna a thawh leh India khua leh tuite tana inunauna leh inpumkhatna tha a awm theih nan a Mizo thalaite zinga a hnathawh atang te in he award hi dawng a ni. Pu Khamliana hian AIDS awareness campaign te neiin Mizo thalai te chhiar tur lehkhabu tha 6 a publish tawh a, hnamdangte nen a inpumkhatna neih nan cultural exchange leh essay competition te a a huaihawt thin bawk a ni.
National Communal Harmony Awards hi kum 1996 ah khan India sorkar laipuiin Ministry of Home Affairs hnuai a din National Foundation for Communal Harmony (NFCH) in Vice President of India kaihhruaina hnuai ah India khua leh tui te zing a hnam inpumkhatna leh inunauna tha awm theih nan a hnathawk tha te chawimawina atan a an thlan chhuah thin a ni a, chawimawina award bakah thuziak leh pawisa fai mimal tan Rs.Nuai 2 leh pawl hming a dawng te tan Rs.Nuai 5 an pe thin a ni. Hetiang India ram pum huap a chawimawina sang Mizo pa Pu Khamliana'n a dawng hi a chhuanawm in a lawmpuiawm em em a ni.(Mi mal takin ka lawmpui bawk e.)
National Communal Harmony Awards 2011 & 2012 hlanna inkhawm ah hian India President Pranab Mukherjee bakah Prime Minister Manmohan Singh, Vice President Hamid Ansari, leh Union Home Minister Sushikumar Shinde te pawh an tel a ni.
Source: Lamtluang (www.facebook.com/Lamtluang)
Pix courtesy: http://presidentofindia.nic.in
No comments:
Post a Comment