Hyderabad Mizo Association Freshers' Social (15.8.2013)

Hyderabad Mizo Association (HMA) organized Freshers' Day 2013 on 15.8.2013 at St.George's Church Hall, Abids. The I Session was chaired by their President Dr. C. Dothanga IPS (Retd.) and General Secretary Mr. Francis L.Khiangte gave secretary report, based on his report HMA member's enrollment was already done by 300 peoples. Both President Dr. C.Dothanga IPS (Retd.) and Vice President Mr. Lalchungnunga delivered welcoming speeches to their Mizo freshers. The II Session was hosted by Mr. Lalhruaitluanga Bochung & Ms. Lawmsangzuali, HMA freshers gave self introduction on the dais and special items were also presented by the members. The programme was concluded with grant dinner. 

Hyderabad Mizo Associaton Freshers' Social 2013, Pix: Ruben Sailo

HMA FRESHERS' DAY 2013
Hyderabad Mizo Association te chuan Dt.15.8.2013  tlailam dar 3 p.m ah khan St.George's Church Hall, Abids ah kumtin a an lo tih thin dan in an member kalthar te lawmna hun 'Freshers' Social' an hmang. An President Dr. C.Dothanga, IPS (Retd.) leh Vice President Pu Lalchungnunga te chuan kalthar te lawm nan hian thuchah tha tak sawiin zirlai leh hnathawk tur a Hyderabad awmthar te chu kawng engkim ah Mizo te nunzemawi lantir thin turin an fuih a ni. Programme hi session I & II ah then niin Master of Ceremononies Tv. Lalhruaitluanga Bochung & Nl.Lawmsangzuali te kaihhruaina hnuai ah kalthar ten anmahni inhmelhriattir na an nei a, a kar lak ah special item tha tak tak te neih a ni bawk. HMA te hian zanriah tuihnai tak an kilho nghal bawk. HMA General Secretary Tv. Francis L.Khiangte report pek atang a lan danin Hyderabad-Secunderabad khawpui huam chhungah hian HMA a inziaklut member 300 an awm a, tulna dang vang a member la inziaklut hmanlo pawh engemaw zat an la awm a rin a ni. Kumin atang hian Andhra Pradesh chhunga Rajamundry khua a Mizo zirlai thenkhat te pawh an rawn dil angin HMA member ah hian telh anni ve ta a ni.

Source: https://www.facebook.com/Lamtluang

MC- Mahruaia & Lawmi @ Hyderabad Mizo Association Freshers' Day 2013, Pix Xara Hauzel

Independence Day celebration in Aizawl (15.8.2013)

At 9:00 A.M the main celebration of India's 67th Independence day in Mizoram was held at Assam Riffles ground in Aizawl. Mizoram Chief Minister Mr. Lal Thanhawla hoisted India's national flag and took salute to parade contingents after inspecting guard of honour. In his speech Mizoram CM highlighted the achievements of his government since the past five years. 

Mizoram CM LAL THANHAWLA Pix: DIPR

INDEPENDENCE DAY 2013 LAWMNA AIZAWL AH NEIH  A NI

Mizoram a Independence day lawmna pui ber chu tukin dar 9:00 khan A.R. Ground, Aizawl ah neih a ni a Chief Minister Pu Lal Thanhawla chu Khuallian a ni.Khuallian chuan kum kal ta chhunga Mizoram Sorkarin hmasawnna kawnga a thil tihhlawhtlinte a tarlang a. Hmasawnna kipui ber, flagship programme atana kan Sorkarin a ruahman - New Land Use Policy (NLUP) chuan ei leh bar zawnna kawngah te, sumpai dinhmun leh khawtlang nunphung hrim hrim ah hmasawnna tam tak a thlen mek zel a ni tiin, NLUP tanpuina dawng tur hian chhungkua 1,35,000 ruahman mek a nih thu a sawi.

Independence Day lawmnaah hian Chief Minister chuan chawimawina medal hrang hrang a sem mai bakah, Independence Day puala inkhel puahchah a titha te bakah vawin parade a titha te hnenah lawman a sem a ni.

Courtesy: DIPR

Guard of Honour Mizoram CM Lal Thanhawla at AR Ground Aizawl, Pix:DIPR

Evening News (15.8.2013)

Collection of brief news in Mizo language.

 TLAILAM CHANCHINTHAR LAWRKHAWM

*India ram a hmasaber tur paper hmang tawh lo a electronic hmanraw hmanga thubuai remna kalpuina tur electronic court chu vawiin khan Bombay High Court ah Maharashtra CM in a hawng.

*Nizan hmasa a India tuihnuailawng kang INS Sinduraksha ah khan Mizo tlangval Fakmawia, Kolasib chu a duty thin a, vanneihthlak takin he lawng kan lai hian Mizoram lama chawlh hmang a hawbo lai a ni hlauh. -Zonuntluanga, Mumbai

*Hyderabad Mizo Association te chuan vawiin ah kalthar te lawmna hun Freshers' Social St.George's Church Hall ah an hmang. An President Dr. C.Dothanga, IPS (Retd.) chuan kalthar te lawm nan hian thuchah tha tak sawiin zirlai leh hnathawk tur a Hyderabad awmthar te chu kawng engkim ah Mizo te nunzemawi lantir thin turin a fuih a ni. Zanin ah hian kalkhawm te hian ruai an theh nghal dawn a ni.

*Atomic Energy Regulatory Board chuan India civil nuclear power plant nghahfak Kudankulam Nuclear Power Plant, Tamil Nadu a unit 1a tan hman phalna (clearance) nizan khan an pe chhuak ta. KNPP atang hian tunthla tawp lamah nuclear power 400 MW siam chhuah hman beisei a ni.

*Nimin tlai dar 4 vel khan Sairang atanga 8km vel a hla Buichali lei thlen hma Thlanvawng kawn ah Quarry chim in hnathawktu mi 2 hnamdangmi te chu a delh a, nimin khan pakhat zawk chu hliam natak tuarin lak chhuah a ni a, pakhat zawk hi lunglian tak in a delh avangin a ruang la lak chhuah theih a ni lo a, vawiin ah hnatlangin khawl hmangin lak chhuah tum a ni. -Vanneithanga Vanchhawng via Special Report group

*Vawiin ah India leh Pakistan ramri LOC ah India leh Pakistan sipaite intihbuaina vangin India sipai 3 ten hliam an tuar -ToI

*Mizoram Police DIG hlui Kiran Bedi chu Aam Aadmi party hruaitupa leh Team Anna a a telpui Arvind Khejriwal din tumna bial a BJP ticket a MP seat chuh ve turin BJP ten an sawm, an sawmna hi a pawm leh pawmloh hriat chian a la ni lo.

*LPS Vision leh ICFAI Mizoram tangdun in an buatsaih HSS Quiz intihsiak Second round-ah nizan khan Helen Lowry Higher School leh St.Paul's HSS te an in tum a, St. Paul's HSS in point 125 hmuin Hellen Lowry HSS in 115 an hmu a, St.Paul's HSS an chak ta zawk a, zanin hian Synod HSS leh Chaltlang HSS te an intum ve leh ang. -via Special Report group

*Prime Minister Manmohan Singh chuan Red Fort a Independence Day thuchah a Hindi a sawi ah Pakistan chuan India nen inlaichinna tha neih a duh chuan firfiak pawl an thlawp na te leh ramri a India an tihbuai thin te an ti tawp hmasa tur a ni a ti. Nakum Lok Sabha inthlanpui a Congress party te an sorkar leh a nih lo chuan emaw lo sorkar nawn leh mahse Rahul Gandhi a Prime Minister si chuan tun tum a thusawi Prime Minister a nih na vang a a Red Fort a a thusawi hnuhnungber te pawh a ni ve tawh mai thei a ni.

*CENTRAL YOUNG MIZO ASSOCIATION  ZAIPAWL INTIHSIAK 2013 FINAL RESULT:

1. Dam Veng

2. Aizawl Venglai

3. Durtlang

4. Kanan

5. Ramthar North

6, Ramhlun South

7. Bungkawn

8. Dawrpui Vengthar

9. Lunglei Bazar Veng

10. Durtlang Leitan

Zaipawl tam ber: Ramhlun Vengthar

Best Conductor: Lalpiangliana, Dam Veng

-Robert Hmar via Special Report group

*PRS Legislative Research in an chhutchian na ah chuan kumin a Lok Sabha fur thutkhawm neih mek ah hian ni 16 chhung (darkar 36) Parliament thutkhawm na hun an la nei a ni. Heti hian Parliament thutkhawm hun hi an khaikhawm a: nikhat ah darkar 5 thutkhawm nan hun an hmang a, chu chu 11am-5pm niin chhunchawlh darkar 1 an nei thin. Question hour leh zero hour paih in ni 1 chhung a rorel hun chhung an neih tak tak chu darkar 3 chhung chauh a ni. Heng ni 16 chhung an la neih ah hian zirtawpni vawi 4 a la awm a, private member bill ngaihtuah hun chhung tur paih tel pawh in a dik tak chuan Parliament a rorel leh sawiho na hun an la neih chu ni 12 chhung (darkar 36) chauh a ni thung. He ni 12 chhung hian memberten buaina leh bengchheng an la siam leh a nih chuan hun an nei chep ta hle.

Morning News (15.8.2013)

This post is in Mizo language, also known as Mizo tawng. Mizo tawng is largely use by Mizo people who are mostly living in Mizoram state in India and it's neihbouring states like Tripura, Manipur, Assam and Meghalaya and also in Bangladesh and Myanmar.

ZINGLAM CHANCHINTHAR LAWRKHAWM (15.8.2013)

*Ahmasaberin vawiin hi India in British awpna lak atanga zalenna ni a hmuh cham vawi 67 na hming chibai kan buk vek a che u. Tukin zing dar 6:25 ah khan a lawmna pui ber chu New Delhi a Red Fort hmun ah nei tanin India Prime Minister Manmohan Singh chuan hnam puanzar pawt pharh in sipai te leh zirlaite chibai buk a chhang let a ni. Mizoram ah chuan a lawmna pui ber Aizawl sipai lammual ah tukin zing dar 9 ah tan a ni ang a, CM Lalthanhawla'n hnam puanzar pawtpharh in sipate te leh zirlai te chibai buk a chhang let ang.

*Mizoram sorkar aiawhte leh HPC(D) hel pawl aiawhte chu nimin khan Tourist Lodge, Chaltlangah an inbia a, duh dan a inan loh avangin inkahhaina thuthlung, Suspention of Operation (SoO) chu pawtsei a ni lo. Tin Autonmous district council chungchang pawh sawi lan a nia, mahse thutlukna siam a ni lo. -Vanglaini

*Vawiin atang hian Mizoram a nitin chanchinbu semchhuah tam ber Vanglaini chuan Mizoram a hmasaber atan phek 12 in an tichhuak ta.

*Mizoram Synod chuan tun hnaia Ramhlun Sports Complex-a leimin tuarte hnenah Synod Relief Fund atangin chhawmdawlna a pe a, leimin avanga in chhia chhungkaw 15 hnenah Rs. 5,000/- theuh leh mi in luaha khawsachhungkaw 23 hnenah Rs. 2,000/- theuh, a vaiin Rs. 1,21,000/- a sem ral a ni. -Synfocity

*Nimin atang khan ui leh kel thlun pawlh ang mai inhal tawn Israel leh Palestine sorkar hruaitu te chuan inremna zawngin inbiakna an tan ta. An inbiakna hmun hi security lam afimkhur thu hla vangin mipuite hriat ah an puangzar duh lo a ni.

*Zanin atanga Pathianni zan thleng awh tur Mizoram Synod Mission Board hnuai a Home Mission & Cachar Tlangram Missionary Retreat, chu Aizawl Chawlhhmun Presbyterian Kohhran Biak In ah tan a ni dawn.

*Nimin khan Pachhung University College library building thar, cheng nuai 280 sênga sak chu Mizoram University vice chancellor, Prof. R Lalthantluanga'n a hawng. Nimin vek khan PUC te hian an college dincham lawmnan a thlawn thisen unit 292 an pe.

*Egypt (Aigupta) ram a nimin a tualchhung buaina chhuak ah mi 235 chuang an thi tawh. Egypt ah hian sipai sorkar in rorelna an chang mek a ni.

*Vawiin tlai dar 3 ah hian Hyderabad Mizo Association te chuan kumin an member kalthar te pualin freshers' social hun St.George's Church Hall, Abids ah an hmang dawn.

*Pachhunga University College-a Department of History-a zirtirtu pahnih - Malsawmdawngliana leh Rohmingmawii te lehkhabu buatsaih, 'Mizo Narratives : Accounts from Mizoram' tih chu nimin khan PUC seminar hall-ah Mizoram sorkara principal secretary, RL Rinawma'n a tlangzarh. -Vanglaini

*Nizan khan Seventhday Adventist, Southern Asia Division hnuai rorelna inkhawm President's Council chu Mizoram Chief Minister Lalthanhawla'n Tourist Lodge, Chaltlang, Aizawl ah a hawng, he inkhawmpui hian 18 Aug thleng a awh ang.

*Nimina Aizawl a Traffic Rules bawhchhia man zat : Two Wheeler 6, Taxi 11, LMV 6, HMV 1, Bus 1, fine tlingkhawm Rs 5,400/-

*Reserve Bank of India chuan mimal leh company ten  ramdang a pawisa an peipun dawnin RBI phalna an la hmasa tur a ni tiin khuahkhirhna thupek thar an siam.

*Hindu atanga Kristian a inlet Kanti Lakra chu a an khua Kesura, Hazaribag Dist, Jharkhand a Hindu ten Kristian dana phum an phalloh avangin Police venhimna hnuai ah nimin khan Kristian danin vuiliam a ni. He nu khawngaihthlak tak hi a thih hnu hian a pasal  Shiv Prakash Ram chuan Kristian dan a phum a tum a an khua a Hindu ho tan chiah thlan/mitthi halna a awm avangin an huan ah phum a tum ta chu pawh chu an khaw miten dodal in a tawp ah Police te venhimna hnuai ah Kristian dan ngeiin  sorkar ram ah phum a ni ta a ni.

*Kumtin Mumbai khawpui a naupiang 3,000 te chu thla 1 chhung in inenkawlna tha awm tam loh vangin an boral leh ziah thin niin mithiam ten an chhut.

*vairam lamah purunsen man ala to uchuak hle zel a, sorkarin ramdanga purunsen thawn chhuah man pawh a ti sang hial a ni. India ah hian Maharashtra, Karnataka leh Gujarat te purunsen thar chhuak hnem ber anni a, kumin fur ruah tui a tam avangin kum dang angin an thar chhuak tha thei lo a rampumah purunsen man a to phah ta a ni.

*Central YMA in Zo beihpui a thlak hnuah Phunchawngah Zu a tlem phah sawt a, rem chu ala rem lo a, a hranpa a bihchian teh vak ngai lo khawpin a rem niin an sawi.-DINGDI

* LPS Vision leh ICFAI Mizoram tandun buatsaih HSS Quiz intihsiak Second round-ah nizan khan Helen Lowry Higher School leh St.Pauls HSS te an in tum a, St. Paulsin point 125 hmuin Hellen Lowry HSS in 115 an hmu a, St.Pauls an chak ta zawk a, zanin hian Synod HSS leh Chaltklang HSS an intum ve leh ang. -via Special Report

________________________________

Lamtluang in blog thar kan siam a www.lamtluangnews.blogspot.in ah pawh tlawh theih reng kan ni ta e. Sorkar hnathawk te leh zirlaite chawlh hman nuam vek ule.