Zirtirtute Ni Chibai (Teacher's day greetings)

Teacher's day greetings in Mizo language (Zirtirtute Ni Chibai)

LAMTLUANG CHAWLHNI ZING NEWS LAWRKHAWM

13th August 2017 (Sunday) news in Mizo language:
 
*Synfo chuan zai intihsiakna "Praise On 2017" chu CKTP hriatpuina-in a buatsaih leh dawn a. Tun tumah hian KTP Branch tin atangin group zai pakhat aia tam tel theih a ni ang. September ni 15, 2017 thleng Synod office ah group hming pek luh theih a ni ang.

*August 8, 2017 atang khan Dr. Vanlalmalsawmdawngliana, MD (Medicine) chuan Christian Hospital Serkawnah specialist hna zawm thar.

*Khawvela metal band lar Dream Theatre te chuan October ni 8 ah Mumbai a MMRDA ground ah concert an rawn nei dawn. August ni 16 atangin bookmyshow.com ah ticket a lak theih tan dawn ni a sawi a ni.

*Uttar Pradesh sawrkar chuan August ni 7 atanga BRD Medial college Hospital a naupang 60 an boral avangin Prinicpal ni lai Dr.Rajiv Mishra chu an suspend.

*Janta Dal (United) chuan tun hnaia Bihar CM Nitish Kumar an BJP a thawhpui avanga lungawilo an president hlui Sharad Yadav chu Rajya Sabh a JD(u) leader anihna atangin an ban a, aiah RCP Singh an ruat thar.

*Assamah tui lian in ziaawm lam a pan thei rih lo a, nimin khan tuilian avangin mi 5 in nunna an chan belh. Lamtluang thulakna in a tarlan danin Assam a tuilian avang hian mi nuaih 10 chuang te nunphung a tibuai a district 19 ah tuilian hi an tuar a ni.

*Tripura ah chuan nimin khan tuilian in ziawm lam a pan hret ni a sawi a ni.  Tripura a tuilian tuar te tanpui tur hian NDRF sipai te thawn luh anni.

*US President Donald Trump leh China president Xi Jinping te chu telephone a inbia in North Korea chuan ram dang te ngaipawimawh lo a ralthuam hlauhawm enchhin a chin chu a ti tawp tur a ni thu an ti tlu.

*Nimin khan Indian railways chuan rel thar a tlan tir nual a, he rel thar te hi ttar Pradesh, Odisha, Bihar, Punjab, Delhi, Madhya Pradesh, Maharashtra, Gujarat leh Jammu and Kashmir a khualzin thin ten an chhawr tangkai dawn a ni.

*June ni 16, 2017 atanga Doklam hmun a sipai an sipai te inep mek India leh China te chuan sipai te lakkir an la tum lo ve ve. He lai hmun hi Bhutan leh China in an ram tia an chhal ve ve a ni a, China sipai ten kawng an rawn sial avangin Bhutan thlavang hauh in India chuan sipai a tir lut ta a ni.

*MIZORAM HRECHIANG ILA: Kum 1972 april ni 2 khan sawrkar thuchhuah angin Pawi-Lakher Regional Council chu hmun 3 ah then a ni a, Pawi Regional Council, Lakher Regional Council leh Chakma Regional Council ah te then anni. Hemi kum vek April ni 29 khan heng regional council te hi Autonomous Disrtict Council ah hlankai vek anni.

India & China inepna hmun Doklam

Mizo tawng chanchinthar (10 August 2017)

LAMTLUANG ZINGKAR CHANCHINTHAR LAWRKHAWM
*Nimin khan India ram hmun hrang hrangah India in zalenna a sual lai a zalenna sualtu ten Quit India movement an kalpui tan atanga chhiar kum 75-na champha hman a ni. Lok Sabha ah hemi pual hian special discussion hun an hmang bawk.

*India defence minister Arun Jaitley chuan ram pawn atanga India tihbuai tum an awm chuan India sipai te an tha tawk a ti.

*Thawhlehni zan a China a Sichuan province a 7.0 magnitude a chak a lir a nghin a vangin nunna chan mi 19 an awm. He lai bialah hian kum 2008 khan lirnghing avangin mi sing sarih chuang in nunna an lo chan tawh a ni.

*Lamtluang chhiartute in zavaiin tukchhuah nuam vek ule.

News tawi lawrkhawm

CHINA SIPAI TEN INDO AN INPEIH TIH LANTIR
India leh China ten ramri a inhmuhthiamlohna an neih mek laiin China sipai armored brigade te chuan Tibet ramri hnaih tlangsang 5,100 meters a sangah sipai nunchan an zir. Lamtluang thulakna in a tarlan danin, China sipai ten hetia tlangsang a ralthuam famkim nen nunchan an zir mek hi, India nen a June ni 16 atang a Doklam hmun a an intihthiamlohna an neih mek denchhen a an inpeih zia lantirna chikhat niin an sawi.

THIL MAN PANGNGAI AIA SANG A HRALH KHAP DAWN
Union Consumer affairs ministry chuan January ni 1, 2018 atangin sumdawng thenkhat ten hmun pawimawh bika an thil man an tih to thin chu a ti tawp dawn. Lamtluang thulakna in a tarlan danin sawrkar chuan airport, hotel leh shopping mall ah te dawr dang aia thil man a to bik thin chu hmun dang ami aiin a tha bik chuang pawh a ni silo a man a ngai tur a ni an ti. January ni 1, 2018 hnu a MRP aia thil zuar an awm chuan Facebook page 'Legal Metrology Maharashtra Consumer Grievances' emaw WhatsApp number 9869691666 emaw e-mail: dclmm_complaints@yahoo.com ah te lungawilohna thawn theih a ni dawn a ni.

CHIEF ELECTION COMMISSIONER THAR RUAT
Chief Election Commissioner of India 21-na atan Achal Kumar Joti (64) ruat a ni. Lamtluang thulakna in a tarlan danin Achal Kumar Joti hian Naktuk July ni 6 atangin a hnathar hi a chelh tan ang. Amah hi Election commissioner nilai mek a ni a, kum 1975 khan IAS a zawm a, January 2013 khan Gujarat chief secretary anih laiin pension in a chhuak a ni.

LAMTLUANG WEEKEND SPECIAL (MIZO FIAMTHU)
Tih tur neih viau loh chuan, kekawr kawng thawl deuh hi ha ila, atla tur hi chawi chho leh thin ila, mahni tawk ah, kan buai ve em em mai ni. 😂😂😂😂