News tawi lawrkhawm

CHINA SIPAI TEN INDO AN INPEIH TIH LANTIR
India leh China ten ramri a inhmuhthiamlohna an neih mek laiin China sipai armored brigade te chuan Tibet ramri hnaih tlangsang 5,100 meters a sangah sipai nunchan an zir. Lamtluang thulakna in a tarlan danin, China sipai ten hetia tlangsang a ralthuam famkim nen nunchan an zir mek hi, India nen a June ni 16 atang a Doklam hmun a an intihthiamlohna an neih mek denchhen a an inpeih zia lantirna chikhat niin an sawi.

THIL MAN PANGNGAI AIA SANG A HRALH KHAP DAWN
Union Consumer affairs ministry chuan January ni 1, 2018 atangin sumdawng thenkhat ten hmun pawimawh bika an thil man an tih to thin chu a ti tawp dawn. Lamtluang thulakna in a tarlan danin sawrkar chuan airport, hotel leh shopping mall ah te dawr dang aia thil man a to bik thin chu hmun dang ami aiin a tha bik chuang pawh a ni silo a man a ngai tur a ni an ti. January ni 1, 2018 hnu a MRP aia thil zuar an awm chuan Facebook page 'Legal Metrology Maharashtra Consumer Grievances' emaw WhatsApp number 9869691666 emaw e-mail: dclmm_complaints@yahoo.com ah te lungawilohna thawn theih a ni dawn a ni.

CHIEF ELECTION COMMISSIONER THAR RUAT
Chief Election Commissioner of India 21-na atan Achal Kumar Joti (64) ruat a ni. Lamtluang thulakna in a tarlan danin Achal Kumar Joti hian Naktuk July ni 6 atangin a hnathar hi a chelh tan ang. Amah hi Election commissioner nilai mek a ni a, kum 1975 khan IAS a zawm a, January 2013 khan Gujarat chief secretary anih laiin pension in a chhuak a ni.

LAMTLUANG WEEKEND SPECIAL (MIZO FIAMTHU)
Tih tur neih viau loh chuan, kekawr kawng thawl deuh hi ha ila, atla tur hi chawi chho leh thin ila, mahni tawk ah, kan buai ve em em mai ni. 😂😂😂😂

NEWS TAWI LAWRKHAWM

*Nizan khan Mizoram Synod Revival Meet vawi 6-na Ramthar Kohhran Biak Ina  neih chu an tiak ta.

*Nimin khan Mizoram Presbyterian Kristian Thalai Pawl Pastor Bial hrang hrang ten kum chanve intawhkhawm (Half year meet) an hmang hlawm.

*US tlawh a zin mek India PM Narendra Modi chuan nimin khan Washington ah US sumdawng lian 21 te intawhkhawmnaah thu a sawi.

*TT Royte Trophy Inter Branch Football Tournament 2017 final ah Ramhlun South Branch YMA ten Chanmari Branh YMA te hnehin an pakhatna anni.

*Vawiin hian Muslim sakhawbetu ten an chawnghei tihtawp nan Idu'l Fitr kut an hmang dawn.

*Inrinni khan Isreal indo thlawhna ten Syria nen an ramri buai lai Golan Height an tih hmun an kap. Israel thlawhna te hian Syria tank 2 an kahchhiat sak niin sawi a ni.

*Haryana state sawrkar chuan mi retheite tan health insurance a pe dawn. CM Manohar Lal chuan an state sawrkar chuan district tinah medical college din vek tumin hma a la mek a ti.

*Nimin khan Pakistan a Punjab province ah tuialhthei phur truck chesual in a phurh tuialhthei lakruk tum te zing a kangmei a chhuah thut avangin mi 150 chuang in nunna an chan a, mi 117 in hliam an tuar.

*Lamtluang min lo hlut sak thintu te in zavaiin Chawlhkar thar hman nuam vek ule. In comment leh like te kan hmu khat ta thin hle mai, in ngaihawm thin ania.

MISS INDIA 2017 INELNAAH MISS RODY TLING ZO LO

#FeminaMissIndia2017 grand finale nizan a neih zawh takah #FeminaMissMizoram #RodyHVanlalhriatpuii chu top 15-ah tling in vanduaithlak takin top 6-ah a tling zo ta lo. Lamtluang thulakna ten an tarlan danin Femina Miss India 2017 atan hian Haryana nula #ManushiChhillar thlan a ni a, 1st Runner-up ah Jammu & Kashmir nula Sana Dua thlan a ni a, 2nd Runner-up ah Bihar nula Priyanka Kumari thlan tlin a ni.

Manushi Chhillar
Pix source: indianandworldpageant.com

MISS MIZORAM RODY H VANLALHRIATPUI IN SUB TITLE 2 LA

Nizan a Mumbai a Femina Miss India 2017 sub contest crowning ceremony neih zawh takah #FeminaMissIndiaMizoram 2017 nilai Rody H Vanlalhriatpuii chuan sub title 2 - INIFD Corporate Miss Talented leh Jio Miss Popular a dawng. Lamtluang thuhriat danin sub contest ceremony hi Mumbai khawpui a Hotel Sahara Star ah neih a ni. Miss Rody sub-title lak pakhat zawk Miss Talented hian kum 1 chhung Inter National Institute of Fashion Designing (INIFD) khawi hmunah pawh fashion & interior design programme Rs. Nuaih 1.5 chuang man a thlawnin an zir thei dawn a ni. Nizan programme hi dar 8.30 ah tan niin Jio TV ah chauh live a tihchhuah a ni. Femina Miss India final round hi June ni 25 zanah neih a ni ang.

Femina Miss India Mizoram 2017 Rody H Vanlalhriatpuii won Jio Miss Popular and INIFD Corporate Miss Talented.

pix courtesy:facebook.com/feminamissindia/

#MissIndia #MissIndia2017 #rodyvanlalhriatpuii #missfeminamizoram #feminamissindia #femina #missmizoram  #vanlalhriatpuii #rodyhvanlalhriatpuii #missrody