3rd March 2016 news in Mizo

News collection in Mizo language Dt.3.3.2016 (Thursday) /Chanchinthar lawrkhawm

*SIPAI LAK RUNPUI NOVEMBER THLA AH NEI DAWN

Headquarters Recruiting Zone (North East States) Shillong hnuaia Army Recruiting Office, Aizawl chuan November ni 2-6, 2016 chhung hian Mizoram pum huapin heng category hrang hrang Soldier General duty, Soldier Tradesman, Soldier Technical, Soldier Clerk/Store Keeper/Inventory Management-ah te hian Sipai lak Runpui buatsaih a tum a. A dil duh tan Application hi On-line-in September ni 4, 2016 atanga October ni 22, 2016 thleng tih theih a ni ang.

Heng a hun tarlan te hi a tul dan a zirin tihdanglam theih a ni ang. (DIPR)

KUM 3 CHHUNG IN TUILIAN VANGIN INDIA AH MI SANGLI CHUANG BORAL
Union Water resources minister Uma Bharti in Lok Sabha ah ziaka zawhna a chhanna atanga alan danin India ramah kum 2013-15 chhung in tuilian avangin mi 4226 an boral a, Rs.Vaibelchhe 44,112 hu bungrua leh in leh lo a chhe bawk niin a sawi. Lamtluang thulakna in a tarlan danin kum 3 chhung hian tuilian avang hian mihring maktaduai 51.86 te nunphung a tibuai a ni. Tuilian tuarte tanpui nan hian sorkar laipui chuan Rs.Vaibelchhe 12360.24 vel a seng niin a sawi bawk.

*KTP GENERAL CONFERENCE VAWI 56-NA CHAMPHAI AH TAN
Mizoram Presbyterian Kohhran Kristian Thalai Pawl (KTP) General Conference vawi 56-na chu zaninah Champhai ah tan a ni ta. Zanin inkhawm ah hian palai lawmna inkhawm neih a ni. Lamtluang thudawn danin tun thleng hian hmun hrang hrang atangin palai te an la thleng khawm mek a ni. KTP inkhawmpuilian ah hian "Pathian Kohhran" tih chu thupui ah hman ani a, Rev.Vanlalbela chu speaker a ni dawn a ni. Inkhawmpui neihna pandal hi a dung Feet 279 avang feet 293 niin a chhungah hian thutthleng Feet 12 a sei mi 9 thut en theihna tur 2280 dah niin, mi 20,520 leng thei tura ngaih a ni a. Stage hi mi 150 vel leng thei tura siam a ni bawk. Lantual hi a dung Feet 70 leh avang feet 55 a zau a siam a ni a, Projector a chhungah panga vuah niin pawnah pahnih vuah a ni bawk. 

*ASSAM AH BJP LEH AGP THAWKHO DAWN
Assam assembly inthlan lo awm turah BJP leh Asom Gana Parishad (AGP) te chuan a thuphung in thawhho an pawm tih Union Minister Sarbananda Sonowal chuan a sawi. Ni3/4 hnuah MLA seat insem dan tur te pawh an siamfel hman a beisei a ni. Lamtluang thuhriat danin hmanni deuh lawk khan AGP te hian BJP te thawhho pui lo a an party mala inthlan chuh an tum thu an sawi tawh a, mahse BJP CM candidate Union Minister nilai Sonowal a thusawi hian assembly inthlan boruak thar a rawn siam leh ta a ni. Assam ah hian kumin April-May ah assembly inthlan an nei dawn a ni. 

UNION BUDGET 2016 ATANGA THIL MAN TO LEH TLAWM TUR TE

THILMAN TO TUR TE:
* Cars (specifically SUVs)
*Cigarettes (except biddis)
*Clothes (ready made and branded apparel over Rs .1000)
*Jewellery (Gold and diamond etc)
*Aerated drinks
*Mineral water
*Air travel
*AC restaurants
*e-reading devices, mobile phones, computers
*Aluminium foils
*Legal services
*Rope way, cable car
*Movies
*Insurance scheme
*Cable
*Electric bills

THIL MAN TLAWM TUR TE:
*Refrigerated containers
*Low cost houses with less than 60 sq mt carpet
*Routers, broadband
*Modems, set-top boxes
*Footwear
*Sanitary pads
*Lottery tickets
*Hybrid electric vehicle
*Dialysis equipment and Braille Paper

24th January 2016 (Sunday) news in Mizo

News collection in Mizo language: 24th January 2016 (Sunday)

*UNION CABINET IN ARUNACHAL PRADESH AH PRESIDENT RULE PUAN REMTI
Vawiin a India PM Narendra Modi ho a cabinet meeting chuan Arunachal Pradesh chu President rule a dah an rem ti. Lamtluang a kan rawn tarlan tawh thin angin AP ah hian nikum December ni 16 khan Congress MLA lungawilo mi 21 leh BJP MLA mi 11 te chuan rorellai CM Nabam Tuki kaihhruai sorkar chu paihthlak tumin assembly house building chhungah inkhawm hmanhmawh an ko a, hei hi assembly speaker in a pawm sak duh ta lo a ni. State Governor Jyoti Prashad Rajkhowa an he inkhawm koh phalna pe mai hi duh lo in sorkar lai kaihruaitu te chuan High Court ah an zualko a, High Court hian thutlingah pawmin Governor thil tih dan hi ram danpui kalh niin an sawi.

*MIZO NAUPANG IN PM HNEN ATANGIN HUAISEN LAWMMAN DAWNG
Vawiinah India Prime Minister Narendra Modi chuan India ram pum a naupang huaisen te chawimawiman award National Awards for Bravery, 2015 chu mi 25 te hnenah a sem. Lamtluang thulakna in a tarlan danin he chawimawina dawng tu zingah hian Mizoram naupang Ramdinthara (15) s/o VLMS Dawngliana, Saiha Vengpui a tel pawh a tel ve a ni. Ramdintharan he lawmman a lak theihd an chu hetiang hian Vanglaini chuan an ziak - January 2, 2015 zan dar 8 vel khan Saihaa naupang pahnih - Moshedyan Lalramliana leh Beihrokhai te chu kawngpui bula electric transformer dahna hung chhungah tla lut palhin electric current-in a man ve ve a ni. Chutih lai chuan Ramdinthara leh a ṭhiante chuan naupang pahnih chetsualna chu thlengin, Ramdinthara chuan Beihrokhai chu a chhip samah manin hmun him lamah a thehchhuak hmasa a, Lalramliana pawh a chhip samah bawk ṭhâmin a chhanchhuak ve leh a ni.

*BJP PRESIDENT ATAN AMIT SHAH THLAN NAWN A NI
Vawiina BJP Nomination board thukhawm chuan an party president atan Amit Shah chu a vawi 2-na atan an thlang nawn leh. Lamtluang thulakna in a tarlan danin Amit Shah hi party president atan PM Narendra Modi an a rawt a Union minister tanglai leh CM ni lai te pawn an pawmpui a ni. BJP party dintu LK Advani leh Murli Manohar Joshi ten he inthlan ah hian an tello a ni. January ni 28 ah BJP Parliamentary board thutkhawm neih a ni ang a, an president thar Amit Shah lakluhna hun an hmang ang.

*INDIA NULA PV SINDHU MALAYSIA GRAND PRIX AH CHAMPION
Hyderabad nula India badminton khelthiam PV Sindhu chu vawiina khelh zawh tak Malaysia Masters Grand Prix ah hmeichhe champion a ni leh ta. Lamtluang thu hriat danin PV Sindhu hian a tumpui Kirsty Gilmour (Scotland) nula chu final ah 21-15, 21-9 in a hneh a ni. Sindhu hi Malaysia Grand Prix ah hian a champion vawi 2-na a ni a, kum 2013 khan a champion hmasak zawk chu a ni. Ti hian Sindhu hian Grand Prix Gold title vawi 5 a la ta a ni.

GOOD MORNING #MIZORAM: LAMTLUANG PATHIANNI ZING CHANCHINTHAR LAWRKHAWM
*Nimin zing dar 4:54 vel khan 5 magnitude a chakin Afghanistan hmarchhak ramah lir a nghing. Lamtluang thuhriat danin lirnghing lo chhuahna hmun epicentre hi Ashkasham thingtlang khua atanga mel 8 vel a hlaah a ni. Nunna chan leh thil a tih chhiat sawi lan a ni lo.

*Mizoram Presbyterian Kristian Thalai Pawl (KTP) ten Zirtawpni zan atang khan Pastor bial hrang hrangah bial inkhawmpui an hmang mek a, Lamtluang a kan rawn tarlan tawh angin nimin khan palai ten ro an rel a, vawiin nileng leh zanin inkhawm thleng hun an hmang ho leh ang.

*Mizoram Synod chuan Chaplain awmna thin hmun ruakah hetiang hian thawktu an dah thar:
-Civil Hospital Chaplain pahnih awmnaah Chaplain pakhat chauh a awm tâk avângin Rev. Lalawmpuia Hmâr,Synod Office-a awm tûra 2015 Synod-in a dah chu Chaplain hna thawk tûra tih a ni.

-Cancer Hospital, Zemabâwk Chaplain atân Rev. Thangzauva (Pensioner), Ramhlun chu kum 2016 January-December chhûng atân contract-a thawk tûra tih a ni bawk.

*Mizoram Baptist Kohhran, Executive Committee Meeting chuan hetiang hian hruaitu lian 3 an thlang: General Secretary atan Rev. F. Ramdinmawia, Associate General Secretary – Mission atan Rev. Dr. C. Vanlkaldika, AGS – Service atan Rev. R. Zohmingliana.

*January 22, 2016(Zirtawpni) chawhma lam khan Christian Hospital Serkawn, ICU tihchangtlun nan Mizoram Thalai Kristian Pawl (MTKP aiawhin MTKP Organiser leh Treasurer chuan Christian Hospital Business Manager Pu K Vanlalrema kutah Rs. 268,550/- an hlan.

*Synod Mission Board chuan missionary an lak thar mi 104 te chu January ni 6 atanga Februaru ni 5 chhung hian Orientation training an neihpui mek a, February ni 7, 2016 (Pathianni) chawhnu dar 1:30 ah Bawngkawn Kohhran biak inah a huho a thlahna neih a ni ang. Hemi hnu hian an thawhna tur hmun thar an pan ang.

*KTP General Conference, 2016 hlabu chu hralh zawh tawh a ni a, Press lamah chhut nawn tir leh mek a ni.Spiral binding erawhchu KTP Office, Synod Office-ah tlem lei tur ala awm.

*Nimintuk khan India Republic Day vawi 67-na lawmna leh ram leh hnam tana inpekna kawnga in fuihtharna tura Project Pushpak-in a buatsaih Mini Marathon, ‘Run For India’ chu Lammualah neih a ni a. Sports & Youth Services Minister Pu Zodintluanga leh Chief Secretary Pu Lalmalsawma, IAS-ten an hmanpui.

*6th North Eastern States FIDE Rating Chess Championship 2016, ni 18 - 23 January 2016 chhunga Electric Veng YMA Hall a neih chu nimin chawhnu dar 2:30 khan Health Minister Pu Lal Thanzara'n a khar.

*Zirtawpni khan Union Railway Minister Suresh Prabhu chuan  Mumbai Central Station ah a thlawna wifi hman theihna a hawng.

*Lamtluang a  kan rawn tarlan tawh angin nimin khan India PM Narendra Modi chuan zalenna sualtu Netaji Subhas Chandra Bose chungchanga sorkar in file a hupbo zinga  file 100 mipui te hmuh theih tawh turin a tlangzarh.

*India Republic Day lawm a hnaih tawh avangin National Investigation Agency chuan ISIS firfiak pawl nen a inzawmna nei ni an rinhlelh mi 13 an man.

*Nimin khan Canada a Saskatchewan a sikul ah mi 4 kahhlum anni. Lamtluang thulakna in a tarlan danin Canada police ten pawikhawihtu hi an man tawh a ni.

*Nizan khan Hero I-League khelh mekah Kolkata khawpui a club lian 2 Mohunbagan leh East Bengal club te an inkhel a, 1-1 in an in draw a ni.

*UN World Economy Report in a tarlan danin kum 2016 chhung hian India ram economy chu 7.3 in a thang chak dawn niin an sawi.

*Mizoram ah chauh emaw khu a vawt thar leh kan tih mek laiin India hmarlamah pawh khu a vawt thar leh hle. Nimin phei kha chuan Delhi pawh tiauchhum in a bawh nasa hle a ni.

*Lamtluang page chhiar tute zawng zawng Pathianni hman nuam vek ule. Lamtluang page hi i thianten an like ve theih nan kan page a 'Invite friends to like this Page" tih kha hawng la la like lo te lo 'invite' ve rawh le.

18th January 2016 (Monday) news in Mizo

News in Mizo language:  18th January 2016 (Monday)

 

GOOD MORNING MIZORAM: LAMTLUANG THUTHAR LAWRKHAWM
*Vawiin atangin Mizoram University hnuaia college hrang hrang ten semester class an nei tan leh dawn. Mizoram University PG class erawh February thla ah neih tan a ni ang.

*Nizan khan Ratu khua ah Lalthakima leh a unaupa Laldinthar te chuan Laltluangkima te nupa chu pawn atanga tawngkam mawilo tak tak a an au nawmnah avangin buaina a chhuak. Laltluangkima thin in an auhnawmnah na chu tuar lo ina tlan chhuak a, Thakima te unau chuan kut an lo thlak a, hemi te unau hi Liantluangkima hian hriamhrei nen a bei let ta a ni. He thu buatsaih a nih lai hian Thakima leh Dinthara te hi Ratu PHC ah dah luh anni a, hliam na tak an tuar ni a sawi a ni.

*SIPAI LAK HUN SAWN: January ni 20 - 24, 2016 a Rajiv Gandhi Stadium, Mualpui, Aizawl-a Army Recruitment Rally neih tura ruahmanna siam tawh chu I-League Football Tournament a awm avangin January ni 29 - February ni 1, 2016 ah a hmun ngaia neih turin sawn hlat a ni. (DIPR)

*Jammu and Kashmir ah an CM nilai Mufti Mohammad Sayeed a boral avangin President rule puan mek a ni a, Lamtluang thulakna in a tarlan danin Peoples Democratic Party chuan an CM fanu leh party president ni mek  Mehbooba Mufti kaihhruaina hnuaiah BJP te nen a tangrual leh in sorkar thar siam ho leh an rem ti.

*India external affairs minister Sushma Swaraj chuan nimin khan Palestine a thleng a, Lamtluang thuhriat danin Palestine sorkar hian West Asia a remna kawng dap mek ah India chu inhnamhnawih ve turin an lo sawm.

*Nimin khan Sikkim khawpui Gangtok ah India sorkar mipawimawh leh mithiam rual ten lo leh thlai chin dan chungchang sawiho in inhmuhkhawm pawimawh an nei. Lamtluang thulakna in a tarlan danin he National agriculture Conference hi vawiinah neih chhunzawm leh a ni ang.

*Nimin khan Union finance minister Arun Jaitley chuan chawlhkar khat dawn thang turin UK a pan. Vawiin leh naktuk ah UK sorkar mipawimawh leh sumdawng lian te a hmu ang a, naktuktukleh ah Switzerland panin a chhuak leh ang.

*Syrian Observatory for Human Rights te sawidan in Syria ah Islamic State firfiak pawl ten civil mi 400 lai an ru bo. Lamtluang thulakna in a tarlan danin an rukbo zingah hian hmeichhia leh naupang thahnem tak an tel a ni.

*US leh European Unuion te chuan hun rei tak nuclear ralthuam an siamchhuah thin vanga an lo hrek tawh Iran chu an hrekna an hlip ta. Lamtluang thulakna in a tarlan danin Iran hrekna hlih anih hi an hmelma kumhlum Israel chuan an helh hle a, enthlak la tha zawkin an hria a ni.

*Dak in ti a kan hriat lar Department of Posts chuan kumin March thla chhung in rampumah ATM 1000 hawn belh an tum. Lamtluang thulakna in a tarlan danin Postal dept te hian an hnuai a department 25 awm te pawh core banking system hmang a thlunzawm vek an tum a ni. Tunah hian Postal dept te hian ATM 300 an nei tawh a, post office (dak in) 12,441 te pawh core banking system hmangin an thlunzawm tawh a ni.

*HMANLAI VAWIIN: Kum 1778 vawiin angah khan English mi lawng hmanga tuifinriat a vak thin lar Captain James Cook chuan Hawaiian Island a hmuchhuak a, amah hian Sandwich Islands tiin a hming a phuah a ni. Kum 1896 vawiin angah khan a vawi khatna atan damlo enna khawl lar X-ray chu  mipui te hmuh theih tur a pho chhuah a ni. Kum 1990 vawiin angah tho khan Lamtluang page chhiartu ten in lo hriat atan internet site lar yahoo.com chu siam a ni bawk.

*MIZORAM BELCHIANG ANG: Mizoram in kum 17 a hman tawh zu khap burna dan MLTP Act chu Mizoram Liquor (Prohibition & Control) Act, 2014  hmang a thlak a ni a, he dan thar MLPC Act hi January ni 15, 2015 khan ataka hman tan a ni. MLPC Act hman anih tak hnu hian Mizoram in hunrei tak a lo hmelhriat tawh lo dan ang tak a zu zawrhna pawh khawpui lian hrang hrang ah hawn a ni ta bawk. Heng zu zawrhna hmun ah hian zu lei tur chuan zu leina (card liquor card) neih angai a, zu leina card nei te chauh in zu hi lei thei tur a duan a ni.