1st February 2015 news in Mizo

Latest news collection in Mizo language (News update from Mizoram)

MIZO TAWNG A CHANCHINTHAR LAWRKHAWM

1.2.2015
*ANGLICAN IN NU LEH PA 3 NEIH THEIHNA DAN DODAL
England ram a kohhran lianber Church of England chuan an ram parliament in danthar nu leh pa 3 inkar a naute hrin phalna pawm an tum chu an dodal tih an tarlang. He dan thar hi karleh ah House of Commons ah sawiho a ni ang a, a tlang chuan February ni 23 ah House of Lords ah sawiho leh a ni ang a, anni pawhin an pawm chuan kumin October thla atangin nu leh pa mi 3 inkar atangin naute pai phalna chu kalpui ani ang a, nakum favang ah chuan naute an pian hman beisei a ni. He dan in a tum ber chu nu hrisel lo tak emaw natna khirh tak vei te tan an pasal nen fa an pai chu damdawi thiamna hmangin hmeichhe dang hrisel zawk pai tir phalna pek a ni.

*#‎EPL_RESULT‬
Crystal Palace 0-1 Everton
Liverpool 2-0 West Ham
West Brom 0-3 Tottenham
Chelsea 1-1 Manchester City
Hull 0-3 New Castle
Manchester United 3-1 Leicester
Stoke City 3-1 QPR
Sunderland 2-0 Burnley

Zanin inkhel tur ‪#‎EPL‬ Sunday match:
Arsenal vs Aston Villa (7p.m)
Southamptoon vs Swansea City (9;30 p.m)

*GOOD MORNING MIZORAM
PATHIANNI ZING CHANCHINTHAR TAWI LAWRKHAWM
*January ni 29, 2015 chawhnu dar1:00 khan Synod Committee Room-ah Mizoram People Forum General Headquarters hruaitute leh Political Party hrang hrang hruaitute an inkawm khawm a. He inhmuhkhawmnaah hian Aizawl Municipal Council, Local Council, Village Council leh Autonomous District Council inthlan lo awm tura thawh ho dan tur te an sawi ho bawk. Kal khawmte chuan Politics huang chhunga eng inthlanna pawh thianghlim leh fel taka tih vek an duh thu leh chutiang atana hma chak taka lak an duh thu an sawi hlawm. (Synfo)

*Synod Mission Board chuan vawiin(Pathianni) chawhnu dar 1:30 hian Tlangnuam Kohhran Biak Inah Masihi Sangati Kendra hnuaia thawktu tur mi 10 te tirhchhuahna hun an hmang ang. (Synfo)

*Mizoram Baptist Kohhran chuan Mission Field thar atana Field Director atana lak thar mi 2 Rev. Lalhmunsanga, (Kolkota Field) leh Rev. R.Lalmuanzuala, (Arakan Field) te chu vawiin chawhma inkhawm ah Lawngtlai Bazar Biak inah tirhchhuah inkhawm a nei dawn.

*Mizoram Thalai Kristian Poawl (MTKP) Rorel chu tunkar Ningani, February 5, 2015 khian Mizoram Baptist Kohhran Biak In, Rahsiveng, Lungleia neih a ni dawn.

*Nimin khan India in ramdang thiamna tello a ama puala asiam chhuah inter-continental surface-to-surface missile Agni-5 chu hlawhtling takin a enchhin. Agni-5 missile hi nuclear ralthuam keng tel thei a ni.

*Nimin khan Union Minister of State for Home Affairs Matang Sinh chu Saradha Chit Fund thubuai avangin CBI in Kolkata ah an man.

*India External Affairs Minister Sushma Swaraj chu nimin khan ni 4 cham turin China khawpui Beijing a thleng. 13th Foreign Ministers’ Meeting of Russia-India-China Trilateral ah a tel ang. 2nd India-China High-Level Media Forum a hawng bawk ang. Naktuk ah China President Xi Jinping nen an inkawm dawn a ni.
#‎EPL_RESULT‬
Crystal Palace 0-1 Everton
Liverpool 2-0 West Ham
West Brom 0-3 Tottenham
Chelsea 1-1 Manchester City
Hull 0-3 New Castle
Manchester United 3-1 Leicester
Stoke City 3-1 QPR
Sunderland 2-0 Burnley

Zanin inkhel tur ‪#‎EPL‬ Sunday match:
Arsenal vs Aston Villa (7p.m)
Southamptoon vs Swansea City (9;30 p.m)

*Nimin khan Indian Air Force thlawhtheihna MiG-21 chu Bed thingtlang khua ah a tla. Thlawhtheihna khalhtu pilot chu a zuang chhuak a, tui chungah a tla a, IAF chopper hmanga chhanchhuah a ni a, hliam a tuar a ni.

*Prime Minister Narendra Modi chuan India in Independence vawi 75-na a lawm hunah chuan Delhi a mirethei chenna veng a in te chu cement a sak in ah leh hman vek a ni ang a ti.

*Nimin khan Pakistan a Shikarpur khua ah bomb a puak a, mi 60 in nunna an chan ani.

*Italy President thar atan Constitutional Court Judge tanglai Sergio Mattarella (73) chu Italy Parliament in an thlang. Ani hian an President tanglai tunhnai a banna thehlut ta Giorgio Napolitano(89) chu a thlak dawn a ni.

*Political Party hrang hrang ten Delhi assembly inthlan campaign ngawrh takin an kalpui mek zel a, nizan hmasa khan Election Commission officials ten Delhi khawthlang lam a Uttam Nagar vengah zu um 6,000 an man a ni.

*Vawiin ah 77th conference of Presiding Officers' of Legislative bodies of India chu Lucknow ah neih tan a ni dawn.

*Gujarat ah Swine flu vangin mi 6 an thih belh. Ti hian an state chhungah January thla chhungin swine flu vangin mi 37 an thi a ni. Delhi ah pawh swine flu vei mi 46 hmuhchhuah thar anni bawk. Ram pumah tunkum chhungin swine flu avangin mi 439 in nunna an chan tawh a ni.

 

*ISIS TEN JAPAN PA LU AN TAN SAK LAI VIDEO TICHHUAK
ISIS te video tihchhuah second 66 a rei ah an mi man Japan ram mi thuthar lakkhawmtu Kenji Goto lu an tan sak lai a lang a ni. Kenji Goto hi kum 46 a upa niin nikum kumtawp lam khan Syria ramah chanchinthar lakkhawm hna a thawh laiin ISIS firfiak te hian an man a ni. He video hi a hmingah "A Message to the Japanese Government,” tih a ni a, a video ah chuan Goto chu luikam ah a thingthi a, mi pakhat hmai tuamin saptawng a thusawiin chemte in Goto nghawng ah a tin ta a ni. Tunhnai ah Japan reporter Kenji Koto chhanchhuah dan tur ngaihtuah hian Japan sorkar chu a buai hle a ni.

 

*MIZO PA LAR LALZAWNA BORAL
Khawchhak lungpui lian hlau zirtirna avanga Mizoram a lar tak thin Lalzawna (67), Tlangsam, Champhai bul ami chu tukin 1.2.2015 dar 1:30 khan Greenwood Hospital, Aizawl ah chuap lam thalo (pneumonia) avangin a boral. Lalzawna hian rinna kawngah ho hran neiin 'Pathian Kohhran" a din a, chu chu Lalzawna pawl tia hriat lar anni a, Champhai bul Tlangsam ah an pawl ho hi an khawsa ho a ni. Chhiarpui a tel duhloh avang leh sakawlh hlauh avangin an pawl hi hriatlar an hlawh hle bawk.

 

*60TH FILMFARE AWARDS 2014  WINNER LIST (LAWMMAN DAWNGTUTE)
Best Actor in Leading Role (Male) - Shahid Kapoor
Best Actor in Leading Role (Female) - Kangana Ranaut (Queen)
Best Film - Queen
Best Director - Vikas Bahl (Queen)
Best Director (Debut) - Abhishek Varman (2 States)
Best Debut (Male) - Fawad Khan (Khoobsurat)
Best Debut (Female) - Kirti Sanon (Heropanti)
Critics Award for Best Actor (Male) - Rajat Kapoor (Ankhon Dekhi)
Critics Award for Best Actor (Female) - Alia Bhatt (Highway)
The Lifetime Achievement Award - Kamini Kaushal
Best Dialogue Award - Abhijat Joshi and Rajkumar Hirani (PK)
Best Screenplay Award - Rajkumar Hirani and Abhijat Joshi (PK_
Best Story Award - Rajat Kapoor (Ankhon Dekhi)
Best Actor in Supporting Role (Male) - Kay Kay Menon
Best Actor in Supporting Role (Female) - Tabu (Haider)
Best Lyrics Award - Rashmi Singh - Muskurane Ki Wajah (CityLights)
Best Music Award - Shankar Ehsaan Loy (2 States)
Best Playback singer (Male) - Ankit Tiwari for Galliyan (Ek Villain)
Best Playback Singer (Female) Award - Kanika Kapoor for Baby Doll (Ragini MMS 2)
Best Choreographer Award - Ahmed Khan - Jumme Ki Raat (Kick)
Best Background Score Award - Amit Trivedi (Queen)
Best Action Award - Sham Kaushal (Gunday)
Best Cinematography Award - Bobby Singh and Siddharth Diwan (Queen)
Best Editing Award - Abhijit Kokate and Anurag Kashyap (Queen)
Best Production Design Award - Subrata Chakraborty and Amit Ray (Haider)
Best Sound Design Award - Anil Kumar Konakandla and Prabal Pradhan (Mardaani)
Best Costume Award - Dolly Ahluwalia (Haider)

 

*WHITNEY HOUSTON FANU NIKHAWHRELO IN HMU
Zaithiam lar boralta Whitney Houston fany Bobbi Kristina Brown (21) chu an chenna in Roswell, Georgia ah bual in chhung inbualna thleng (bathtub) ah nikhawhrelo a awm chu a pasal Nick Gordon leh thian ten an hmu a, damdawiin ah hruai nghal a ni. He thu post a nih lai hian a dinhmun tak hriat chian theih a la ni lo. Kristina Brown-i nu Whitney Houston pawh khan kum 2012 khan Hotel bual in a a bathtub ah tho nikhawhrelo a chhar a ni tawh bawk a ni.

29th - 31st January 2015 news in Mizo

Latest news collection in Mizo language (News update from Mizoram)

MIZO TAWNG A CHANCHINTHAR LAWRKHAWM

31.1.2015

*NATIONAL GAMES VAWI 35-NA TAN A NI
Vawiin khan Kerala khawpui Thiruvananthapuram ah 35th National Games chu tan a ni. Union Urban Development minister Vekaiah Naidu an infiammi te chibai buk a chhang let a, Kerala CM Oommen Chandy an inlawmna thu a sawi a ni. India ram state leh UT hrang hrang atangin infiammi 2,500 chuang an kalkhawm a ni.

 

*AUSTRALIAN OPEN HMEICHHE FINAL AH SERENA WILLIAMS CHAMPION
Australian Open 2015 hmeichhe single final khelh zawh takah Serena Williams chuan a khingpui Maria Sharapova 6-3, 6-7 a hnehin a champion.

Naktuk ah mipa final ah Novak Djokovic leh Andy Murray ten an intum ang.

 

*IS TEN SAUDI ARABIA RUN TUM
Islamic State firfiak pawl ten video tichhuak in Saudi Arabia ram run an tum thu an sawi. Saudi Arabia run an tum chhan ah hian hmanni lawkah an lal a boral a lal thar an neih hlim a run nghal tha in an hria a ni.

 

*KURDISH TEN KOBANI LALET
Kurdish sipai te chuan ni 112 chhung ISIS firfiak te nen an inbeih hnuin Syria ramri hnaih khua Kobani chu an lalet leh ta. Kobani hi Syria ramchhung Turkey nen a an inri na hnaih a awm a ni a, ISIS te leh Kurdish sipai te nasa taka an inbeihna hmun a ni a, in leh bazar hmun ten nasa takin a tuar a ni. Kurdish sipai te hi US kaihhruai indo thlawhna ten an pui bawk a ni.

 

*MIZO GOSPEL SINGER PENSY ALBUM TLANGZARH A NI
Nimin khan Mizo Zaithiam Lunglei Zohnuai nula Pensy B.Lalthangliani chuan gospel album thar Nitinin hmangaih che ka duh - Min tir ta che" tih a tlangzarh. He album hi Lunglei khawchhunga awmte tan #VirtualCity Chanmari ah leh #BrotherEnterprise Bazar vengah te, Aizawl khaw chhunga awmte tan #OMBooks Chanmari ah leh #ColneyBrothers ah te,Shillong khaw chhunga awmte tan #OMBooks ah te lei theihin a awm reng ani. CD leh DVD in a awm a, a man hi Rs.200/- a ni.

 

 30.1.2015

*LAMTLUANG WEEKEND SPECIAL (MIZO FIAMTHU)
An fanu sawn pai an hauh lai takin kawhtebel zuar an lo kal a -
Ka pu kawhtebel in lei duh em?
Pa ber - Kawhte pakhatah pawh chhungkua min ti buaia, a bel bel chuan kan duh lo ang  

 

*OFFICER SIKSAWI
DP & AR (CSW)chuan thuchhuah siamin IAS/MCS Officer thenkhat te chu an hna chanpual siksawi a ni a, an awmna hmun tur chu a hnuai ami ang hi a ni :
H.L. Rochungnunga, IAS
Hnachelh lai: Special Secretary, SAD & Industries Department
Hnathar tur: Director, Food Civil Supplies & Consumer Affairs

H.Lalengmawia, IAS
Hnachelh lai: Director, School Education Department
Hnathar tur: DC Champhai

Sangdingliana, IAS
Hnachelh lai: DC Champhai
Hnathar tur: Special Secretary, Industries Department

K.Lalthawmmawia, MCS
Hnachelh lai: DC Mamit
Hnathar tur: Director, School Education Department

Vanlalngaihsaka, MCS
Hnachelh lai: Addl. Secretary, GAD & H&FW Department
Hnathar tur: DC Mamit

R.Zarzosanga, MCS
Hnachelh lai: Addl. Secretary, LR&S and DM&R
Hnathar tur: DC Saiha

 

*AIR AH ZAIPAWL KUTPUI (CHORAL FESTIVAL) BUATSAIH DAWN
All India Radio Aizawl chuan Thawhtanni February ni 2, 2015 chhun dar 12 hian an office kawtzawl ah Zaipawl Kutpui (Choral Festival) a buatsaih dawn a. Aizawl khawpui chhunga Kohhran hrang hrang zaipawl tha tak tak 15 an zai dawn a. He hunah hian Prasar Bharati Board Chief Executive Officer - Pu Jawhar Sircar bakah All India Radio mi pawimawh tak tak te an tel bawk dawn a. He programme hi AIR, FM Zoawi leh Doordarshan Aizawl ten Live in an pe chhuak ang.
(DIPR)

 

*DIK LO TAKA SUM LAKLUH VANGIN MLA 2 BAN
Uttar Pradesh ah Lok Ayukta in thu a rawn angin sorkar hna thawk chung a hlawkna tel ruk thubuai nei MLA 2 Bajrang Bahadur Singh (BJP) leh Uma Shankar Singh (BSP) te chu MLA atangin Governor in a ban. Heng MLA 2 te hi MLA a thlan tlin annih tawh hnuah contractor hna an thawh chhungzawm avangin ban anni.

 

*SAIHA-AH M.S.O. LIBRARY HAWN A NI
Nimin hawhnu dar 1 : 30 khan M.S.O. (H) Inpui, New Colony Saiha-ah M.S.O. Library hawn a ni.

He Library hawnna inkhawm tawi neih hi Pu Aldrin Laihlei Hlychho, Vice President, M.S.O.Headquarter Saiha chuan a kaihruai a, hunserh Rev. Dr. S.T. Zawsi, Patron Member, MSO chuan a hman hnu-ah Khuallian Pu Beila Khithie, Additional Deputy Commissioner, Saiha Distrct, Saiha chuan thu sawina a nei a, a ni bakah hian Pu FC Khihnia, Adviser MSO, Headquarter Saiha pawhin thu sawina a nei bawk. Pu C. Laitha, Secretary i/c Education chuan Technical Report a pe a, MTP leh MCHP aiawh ten thusawi tawi an neih bakah a duh a piang thusawina hun hman a ni. He MSO Library ah hian Lehkhabu chi hrang hrang mi tlawmngai ten an pek 650 a awm a, Computer pathum Internet thlunzawm a awm bawk. Pu T. JB Rona, General Secretary, MSO, Headquarter, Saiha chuan lawmthu sawina neiin he MSO Library hawnna hi tihtawp a ni. (DIPR)

 

*THALAI TRAINING CHHUAKTE HNENAH CERTIFICATE HLAN
Nimin khan Mizoram Youth Commission leh Mizoram Building & other Construction Works Welfare Board bultuma Emporium Training Consultancy Pvt., Ltd. Kolkata a Professional course hrang hrang, Aviation, Hotel Hospitality, Travel, Tourism sector a training zo Mizo thalai mi 39 te hnena certificate hlanna programme chu Horticulture Conference Hall, Aizawl ah Pu T. Sangkunga, Chairman, Mizoram Youth Commission hovin neih a ni. (DIPR)

 

*INDIA RAM CENTRAL UNIVERSITY THABER AH UNIVERSITY OF HYDERABAD THLANG
India ram Central University te zing a thaber thlanchhuahna neih ah University of Hyderabad chu pakhatna a ni. He chawimawina 'Visitor's Award for the Best University' hi University of Hyderabad hnenah thlaleh February ni 4 hian India President Pranab Mukherjee an Rashtrapati Bhavan ah a hlan ang.

University of Hyderabad hnenah ‘Visitor’s Award for the Best University’ pek a nih dawn bakah hian, chawimawina dang ‘Visitor’s Award for Innovation’ chu University of Delhi a mi Prof.Vijay K. Chaudhary leh Dr.Amita Gupta te hnenah hlan a ni ang a, ‘Visitor’s Award for Research' chu Cosmology and Astrophysics Research Group of Jamia Milia Islamia’s Centre for Theoretical Physics te hnenah hlan a ni ang.

'Best University award' dawngtu te hian citation leh tropy a dawng ang a, 'Innovation leh Research Award' dawngtu te hian citation leh pawisa fai Rs. Nuai 1 an dawng bawk ang.

India President hi India ram a Central University zawng zawng ah "Visitor" a ni a, 'Vistor's Awards' te hi pathum ah then a ni a, chungte chu - 'Best University', 'Innovation' leh 'Research' ah te then a ni. Heng chawimawina te hi nikum a Central University Vice Chancellor's Conference ah India President in central university te inkar a inelna tha zawk a awm theih nan tiin a siamthar a ni.

"Visitor's Awards" dawng tur hian Central University zawng zawng hnenah online application a thawn turin hriattirna chhuah a ni. Selection Committee member te chu:

Chairperson - Ms Omita Paul, Secretary to the President,

Member te -
Secretary, Department of Higher Education, MHRD;
Secretary, Department of Science & Technology;
Chairman, University Grants Commission (UGC);
Chairperson leh Vice Chairpersons of National Innovation Foundation;
Director-General, Council for Scientific & Industrial Research (CSIR)
Director, Indian Institute of Technology (IIT) Delhi

 

*MARTYR'S DAY HMANG DAWN
Kum tinin India zalenna suala nun chanta te hriatreng nan ram pumah vawiin January 30 hian Martyr’s Day hman thin a ni a. Mizoram sorkar pawhin kumin hian urhsun takin he ni hi a hmang leh dawn a. January ni 30, zing dar 11-ah Siren tihrik a ni ang a, hna kallai zawng zawng dah tha a, motor tlan lai leh khawlaia mipui kal velte pawh chawla minute 2 chhung ngawi renga ding turin sorkar chuan mipuite a hriattir a ni. (DIPR)

 

*SAWRKAR OFFICE ZAWNG ZAWNGAH CLEANLINESS DAY HMANG DAWN
Mizoram sawrkar chuan National Cleanliness Day, vawiin ni 30.1.2015 (Zirtawpni) hi sawrkar office zawng zawnga hman turin a rel a. Hemi denchhen hian sawrkar hnathawk zawng zawng ten Faina Beihpui Hnatlang mahni office theuhah nei tura hriattir leh ngen an ni. (DIPR)

#cleanmizoram

 

*STATE 6 IN CONDOM SEM TUR TLACHHAM
HIV hrik darh zel tur vennan a sorkar in condom a sem thin chu India ram state 6 Haryana, Uttarakhand, Madhya Pradesh, Uttar Pradesh, Andhra Pradesh leh Rajasthan ah te nasa takin sem tur an tlachham. Heng state te harsatna hi nimin a National AIDS Control Organisation (NACO) senior official ten Union health Secretary Lov Verma an hmuhna ah an thlen a ni.

29.1.2015

*Vawiin chawhma dar 11 hian Govt, J.Thankima College Building sak tur Bawngkawn Brfigade Field bula mi chu Mizoram Chief Minister Pu Lal Thanhawla'n a lungphum a phum ang.

 

*INDIA HMARCHHAK LEH RAMRI A KAWNG SIAM TUR COMPANY SORKAR IN DIN
Nimin khan Union Road transport and highways minister Nitin Gadkari chuan India hmarchhak leh ramri hnaih te a rang zawk a kawng siam leh insak hna thawktu tur National Highways and Infrastructure Development Corporation (NHIDCL) logo leh hmathlir a tlangzarh. He e-company hian tlangram chhengchhia leh India hmarchhak ah te kawng siam hna chak zawkin an thawk thei dawn a ni. He company hi e-PSU a nih avangin office hnathawhna ah pawh paper an hmang dawn lo a electronic hmanraw hmang in hna an thawk thin dawn a ni.

 

*DEVELOPMENT DEPARTMENTS MEETING NEI DAWN
Vawiin 29.1.2015 khian Principal Secretary, DM&R, Excise & Narcotics Pu PC Lallawmsanga hovin Lunglei DC’s Conference Hall-ah chawhnu dar 2:30-ah Lunglei District chhunga Development Department zawng zawngte hmalakna leh thawh tawhnate thlirhona (review meeting) pawimawh tak neih a ni dawn a. He meeting-a tel tura hriattir Department-te chu a hnuaia mi ang hi an ni :

1. SP, Lunglei
2. SE, P&E Department, Lunglei
3. SE, PHE Department, Lunglei
4. SE, PWD, Lunglei
5. Project Director, DRDA, Lunglei
6. General Manager, DIC, Lunglei
7. Conservator of Forest, Lunglei
8. Joint Dirtector, AH&Vety, Lunglei
9. DAO, Lunglei
10. DFDO, Lunglei
11. DUDO, Lunglei
12. DO, Soil & water Conservation, Lunglei
13. EE(PWD) Highway Div-IV, Lunglei
14. DHO, Lunglei
(DIPR)

 

* Nizan ah National Democratic Front of Bodoland-Songbijit faction helpawl zinga 1 chu Kokrajhar district, Assam ah kahhlum a ni.

*KRISTIAN IAS OFFICER THUHRIL TAWH LO TURIN TI
Tamil Nadu sorkar chuan an state chhung a IAS officer tanglai Kristian sakhaw zuitu C.Umashankar chu vantlang zing a Pathianthu sawi tawh lo turin a hriattir. C.Umashankar hi Kerala a Kanyakumari district a Pathian thu a sawina ah sakhaw dang te tan a pawi tur a sawi a puh anih avangin sorkar hian hriattirna hi a chhuah a ni. Umashankar hi Hindu sakhua atang a Kristian a inlet a ni a, vantlang leh media lamah Pathian thu a hril nasa a, Hindu firfiak pawl te pawhin nasa takin an dodal a ni. "Mipui te ka thusawi ngaithla a damna chang turin an lo pungkhawm thin a. Keimah ah thiltihtheihna a awm lo a ti tu chu Isua a ni" tiin Umashankar chuan a sawi a, "Kristian sakhaw zirtirna ka sawi avang chauh a dodalna tawk ka ni a, thuhril hi ka chhunzawm zel ang a, sorkar thupek hi dan ang takin ka hmachhawn dawn a, sorkar hi Hindu pawl thenkhat ten an fuihpawrh mai mai niin ka hria" a ti a ni.

 

*INDIA FOREIGN SECRETARY THLAK A NI
India foreign secretary tanglai Sujatha Singh chu Nilaini tlai atang khan sorkar laipuiin a hna atangin an chawlhtir. IFS 1976 batch Sujatha Singh hian a hun pangngai ah chuan thla riat hun a la nei a ni. US a India ambassador tanglai Subrahmanyam Jaishankar chu foreign secretary thar atan ruat a ni. Amah hi IFS 1977 batch a ni. Tunhma lamin China, Singapore leh Czech Republic ah te India ambassador a lo ni tawh thin a ni. Jaishankar hian a hna thar hi karleh ningani ah a zawm dawn a ni.

26th - 28th January 2015 news in Mizo

Latest news collection in Mizo language (News update from Mizoram)

MIZO TAWNG A CHANCHINTHAR LAWRKHAWM

28.1.2015
*MIZO MUSIC VIDEO THAR: J&J SENTEI RAWN INLAR LEH
Hman deuh a unau a zai thin J&J tia hriatlar, a hmeichhia zawk J.Lalremruati (Senteii) chuan music video 'Inhrilh dun ang' tih chu a tlangzarh ta. He hla hi amah sentei youtube channel ah pawh en theih a upload a ni tawh a ni. He hla hi a zaipui thin a u J.Lalthlengliana (Tetea) phuah a ni. A hnuaia youtube linkah hian en theih e.
https://www.youtube.com/watch?v=uoKoUrRFaFE
 

*NUI LAWK ILA - MIZO FIAMTHU (MIZO JOKES)
A bialnu kha tui hleuh a zirtir a, nakinah chuan nula chuan "Awi !! U Mawi, hup lo ta la tui a lut dawn tihna ami....." hhahhaahaha

 

*STATISTICAL HANDBOOK MIZORAM 2014 TLANGZARH
Nimin khan Finance Minister Pu Lalsawta, Planning & Programme Implementation Department enkawltu Minister ni bawk chuan a Office Chamber ah Directorate of Economics & Statistics buatsaih ‘Statistical Handbook Mizoram 2014’ a tlangzarh.

Pu Lalsawta chuan inrelbawlna leh hmasawnna kawngah statistics chuan dinhmun pawimawh tak a luah a, inrelbawlna leh hmasawnna hi statistics chuan a ti phuisui a chuvangin statistical data reng reng a dik tak kan lakkhawm leh vawn that a tul a ni, a ti. Directorate of Economics & Statistics chu Department lian nilo mahse an hnathawh a pawimawh thusawiin Minister chuan Sawrkar Department leh mipuiten he lehkhabu hi tangkai taka an hman a beisei thu a sawi bawk.

He lehkhabu tlangzarhna ah hian Planning & Programme Implementation Department Secretary Dr. C. Vanlalramsanga, IES; Special Secretary Pi Nandini Paliwal IAS; Economics & Statistics Department Director Pu Vanlalrema leh a thawhpui officer thahnem tak an tel a ni.

Statistical Handbook Mizoram 2014 hi bu khat cheng 50 man miin vawiin atang hian Directorate of Economics & Statistics, Nursery Veng, Aizawl ah a lei thei dawn a, District Headquarters dangah chuan February ni 2 atangin a lei theih ang. (DIPR)

 

*MISS UNIVERSE 2015 ATAN COLUMBIA NULA THLANG
Pathianni zan khan Miami a Paulina Vega ah Miss Universe 2015 atan Columbia ram miss Paula Vega kum 22 mi chu thlan a ni a, amah hi business administration zirlai a ni. 2-na Nia Sanchez (USA), 3-na Diana Harkusha (Ukraine), 4-na Kaci Fennell (Jamaica), 5-na Yasmin Verheijen (Netherlands).

*CARTOON ZIAK THIAM R.K LAXMAN VUILIAM A NI
Nimin khan Pune a Vaikuntha cemetorium ah India rama cartoon ziakthiam lar R.K Laxman chu vuiliam a ni. Amah hi Thawhtanni khan Deenanath Mangeshkar hospital, Pune ah a boral a ni. Times of India chanchinbu a cartoon a ziah 'You Said It' leh 'Common Man' te chu a larpui em em thin. A nupui Kamala leh a fapa te a kalsan a ni.

 

*DELHI AH SWINE FLU VEI MI 28 HMUH BELH
Nimin khan Delhi ah Swine flu natna vei mi 28 hmuchhuah belh anni a, tihian tunhnai ah Delhi ah swine flu vei hmuhchhuah zat chu mi 285 an tling tawh a ni.

 

26.1.2015

*HASHTAG ‘#’ HMANGIN CLEANMIZORAM.COM AH THU LEH THLALAK THUN THEI DAWN
Vawiin chawhnu ah khan ICT Conference Hall-ah School Education Minister Pu H.Rohluna chuan ICT leh School Education Department te tang dun in a buatsaih, mipui ten an hman theih tur clean Mizoram website, www.cleanmizoram.com chu a hmet hawng. He website ah hian hashtag ‘#’ hmangin social network lar pathum facebook, twitter leh instagram a account nei ten faina chungchanga hmalakna te khawvel pumpui hmuh ah an phochhuak thei dawn a ni.

Twitter emaw facebook leh instagram hmangtute chuan an status update na text/media box chhungah faina kaihhnawih thil a hmalakna thu emaw thlalak te thun lut(upload) hmasa in #cleanmizoram an type belh anga, chu chu www.cleanmizoram.com ah chawplehchilh in a lo awm nghal dawn a ni.

Clean Mizoram website hawngtu School Education Minister Pu H.Rohluna chuan Clean Mizoram Movement chu sawrkar hnathawk-te leh Education Department siam programme bil nilovin Zoram mipuite ta leh hmachhawp lian tak anih avangin a hlawhtlin ngei a ngai a. He movement hlawhtlinna atan hian Zoram mipui zawng zawng thukhat vua in kan tanho vek a ngai dawn a ni a ti a. Zoram mipuite thinlungah faina, thianghlimna leh invawnfai hlawkna a intuh phawt chuan faina in a ken tel hlawkna dang tam tak – hriselna, hmasawnna, thluak thatna, hmingthatna leh thil tha tam tak Mizoram mipuiten kan dawn tur thu a sawi bawk a ni.

Thusawitu dang Parliamentary Secretary Pu Joseph Lalhimpuia pawhin Faina chungchanga Mizoram sawrkar hmalakna hi kum hmasa lamah daih a in tan tawh thu sawiin Faina ngaipawimawh tak Prime Minister kan nei chhunzawm hi Mizoram tan phurna nasa tak leh faina kawnga kan hmalakna te a hlawhtlin theihnan a vanneihna a ni a ti. Kan bawlhhlawh khawl khawm leh hmun tawp lai te thianfai hmasa in fai leh thianghlim hlawkzia mipui thinlung ah kaih harh hmasak kan tum ang a. Mizoram a lo fai hun chuan ram hmelhmang mawi tak leh a aia boruak nuam zawk a awm lo tih hnamdang leh ramdang miten lo hria in an rawn pan dawn a ni a ti.

Clean Mizoram website hawnna programme hi Pu Lalhmachhuana, SPD, SSA in a kaihruai a. Pu C.Lalhmachuana, Secretary, ICT, School Education Director Pu H.Lalengmawia, Pi Malsawmthangi, Director, SCERT, NGO hruaitute leh zirlai pawl hruaitu te bakah Clean Mizoram Network hotute pawh he hunah hian an tel a ni. (DIPR)

 

*AIGUPTA TUALCHHUNG BUAINA VANGIN MI 15 CHUANG BORAL
Nimin khan Egypt (Mizo ten Aigupta kan tih) ram khawpui Cairo ah sorkar dodaltu mipui pungkhawm te leh police te an intihbuai avangin mi 15 chuang in nunna an chan a, mi tam takin hliam an tuar bawk. Nimin kha kum 2011 a Muslim Brotherhood ten khatih lai a sorkar Hosni Mubarak kaihhruai paithlak tum a Tahrir Square a mipui punkhawm an huaihawt Arab Spring an tih thlen champha vawi 4-na a ni a, Cairo khawpui bakah ramchhung hmun hrang hrang ah sorkar dodaltu leh sorkar tantu mipui te inkarah buaina a chhuak nasa hle. Venghim tu police te pawh nunna chan zingah an tel a ni.

 

*India khua leh tui zawng zawng te Lamtluang in Republic Day vawi 66-na chibai kan buk vek a che u. Republic Day lawmna ropui ber chu tukin dar 9 atangin Delhi a Rajpath ah neih a ni dawn a, India President Pranab Mukherjee an hnampuanzar a pawt pharh ang a, sipai leh zirlai ten parade an nei chhunzawm ang. Khuallian ah US President Barack.Obama a ni ang. Mizoram ah chuan a lawmna pui ber Aizawl ah Assam Rifle lammual ah neih a ni ang a, Governor Dr.Aziz Qureshi an hnampuanzar pawt pharh in parade chibai a chhanglet bawk ang. District khawpui leh thingtlang khawlian deuh ah te pawh Republic Day hi hman a ni ang.

 

*NEW YORK AH INKAHNA THLENG
Nimin Pathianni chawhnu khan New York a Mahattan a Home depot ah mi tu tih hriatloh in silai a hmetpuak a, mi pakhat in nunna a chan. He lai hmun hi bazar na hmunpui anih avangin dawr chhung a awm mipui te an chiai in an buai hle a ni. He thu buatsaih a nih lai hian silai hmetpuak tu hi police ten an kap thlu ve tawh ni a sawi a ni.

24th - 25th January 2015 news in Mizo

 Latest news collection in Mizo language (News update from Mizoram)

MIZO TAWNG A CHANCHINTHAR LAWRKHAWM

 

25.1.2015
*SMART CITY SIAM TURIN INDIA LEH US IN MOU ZIAK
Vawiin khan India leh United State chuan India rama khawpui pathum Visakhapatnam, Allahabad leh Ajmer te smart city a siam turin inremna thuthlung an ziak fel. Inremna thuthlung hi India Union Urban Development Minister, M Venkaiah Naidu leh United States Trade Development Agency, USTDA Director, Leocadia I. Zak ten an ziak a ni.

*MIZORAM ATANGA POLICE MEDAL FOR MERITORIOUS SERVICE DAWNG TUR TE
India sorkar in kumin Republic Day denchhen a police huaisen chawimawina dawng tur a thlan te zinga Mizoram police atanga hming lang te chu:

1.Shri Vivek Kishore, DIG, Training, PHQ Khatla, Aizawl.
2. Smt. Chhaya Sharma, DIG, CID Complex Bungkawn, Aizawl.
3. Shri R.Lalrinmawia, Chief Drill Instructor, Police Training School, Thenzawl
4. Shri C.Lalchhuanliana, Inspector, Reserve Officer, Aizawl DEF

*MIZO POLICE OFFICER IN PRESIDENT's POLICE MEDAL FOR DISTINGUISHED SERVICE DAWNG DAWN
India sorkar in Republic Day denchhen a police hnathawk tha te hnenah chawimawina dawng tur a thlan zingah Mizoram police atang atangin Pu Joseph Lalchhuana, SP CID, Aizawl chu a tel ve.

*PADMA AWARD 2015 DAWNG TUR PUANG
Vawiin khan India civilian Award dawng tur te puan chhuah a ni a, mi 9 hnenah Padma Vibhushan pek anni a, mi 20 hnenah Padma Bhushan pek anni a, mi 75 hnenah Padma Shri pek anni.

Padma Vibhushan dawngtu tur te chu:
1. Shri L. K. Advani, Public Affairs, Gujarat
2. Shri Amitabh Bachchan, Art, Maharashtra
3. Shri Prakash Singh Badal, Public Affairs, Punjab
4. Dr. D. Veerendra Heggade, Social Work, Karnataka
5. Shri Mohammad Yusuf Khan alias Dilip Kumar, Art, Maharashtra
6. Shri Jagadguru Ramanandacharya Swami Rambhadracharya, Others, Uttar Pradesh
7. Prof. Malur Ramaswamy Srinivasan, Science and Engineering, Tamil Nadu
8. Shri Kottayan K. Venugopal, Public Affairs, Delhi
9. Shri Karim Al Hussaini Aga Khan (Foreigner), Trade and Industry, France/UK

*#FA_Cup results:
Chelsea 2 - 4 Bradford City
Spurs 0 - 2 Leicester
Man City 0 - 2 Middlesbrough
Southampton 2 - 3 Crystal Palace

*UKRAINE TUALCHHUNG BUAINA KAL ZEL AH MI 21 IN NUNNA CHAN BELH
Lamtluang ah vawi tam tak kan rawn posf tawh thin angin, Ukraine atanga Russia zawm duh vanga helna chhuak mek ah, nimin khan Ukraine a Azov sea tuipuikam a lawngchawlhna pawimawh tak awmna Mariupol khua chu Russia zawm duh helpawl ten rocket a an kah avangin mi 21 in nunna an chan belh leh a ni. An rocket kahchhuah hian bazar te, sikul te leh mihring chenna in te a kapfuh a ni.

*PATHIANNI ZING CHANCHINTHAR TAWI LAWRKHAWM
*India Republic day vawi 66-na a khuallian ni turin US President Barack Obama chuan a nupui leh sorkar mi pawimawh te nen tunah hian Air Force One thlawhtheihna in India an rawn pan mek a, tukin dar 10 ah Delhi an rawn thleng ang.

*Nimin khan India Prime Minister Narendra Modi chuan naupang huaisen mi 24 hnenah chawimawina National Awards for Bravery a hlan.

*Telangana ah swine flu natna vei mi 48 hmuhchhuah belh anni a, tihian an state chhungah swine flu vei mi 291 an tling ta a ni.

*Kan ram thenawm Bangladesh tualchhung poltics buaina chhuak avang in mi 34 in nunna an chan. Tunlai hian Prime Minister Sheikh Hasina leh eptu pawl te inkar ah buaina a chhuak a, boruak a muanawm loh hle.

*Sorkar laipui hnuai a Department of Personal and Training chuan thuchhuah siamin Indian Administrative Service, Indian Police Service leh India Forest Service officer tanglai te chu kumin January thla ral hma an sum leh ro neih hlut zawng kimchang te sorkar hnenah thehlut vek turin a hriattir. Hei hi eiruk dona dan Lokpal Act in a phut angin April thla ral hma in an thehlut nawn a ngai leh dawn bawk a ni.

*Nimin khan Iran leh United States palai ten Switzerland ram khawpui pakhat Davos ah nuclear siamchhuah chungchang ah inbiakn an nei.

*Imphal ah tunhnai lawk ah bomb vawi hnih apuah avangin sorkar in uluk leh zual in venhimna a kalpui mek.

*Republic day a nih dawn avangin Delhi metro rail chu vawiin leh naktuk ah a tlan mumal thei dawn lo a ni.

*Islamic States firfiak pawl ten Japan mi 2 an hrente chu a that ta niin an ram PM chuan a sawi. IS firfiak pawl te hian nikum August thla atang khan khawthlang ram mi 5 an mi man te an that tawh bawk a ni.

*Indian Statistical Institiute Kolkata chuan Bachelor, Master, M.Tech leh Research course zirduh te tan 3.2.2015-3.3.2015 chhungin admission dilna online in an hawng dawn.


*KTP BIAL CONFERENCE NEIH MEK A NI
Mizoram Presbyterian kohhran Kristian Thalai Pawl (KTP) te chuan Pastor bial hrang hrang ah bial inkhawmpui an hmang mek a, nimin ah rorel inkhawm an nei a, vawiin nileng leh zan in thleng in hun an hmang ho leh dawn a ni. Bial thenkhat ah speaker te neiin thupui thlanchhuah bik hmangin thuchah an ngai thla a, bial thenkhat ah erawh bial KTP hruaitu ten thuchah an in sawi chhawk a ni.

*ELECTRIC IN MAN HLUM
Nimin zing dar 7 vel khan W. Phaileng Dintharveng ah Pu Vanlalchaka( kum 55)chu electric current in a man a, Aizawl pan pui anih laiin kawng lakah a boral.
Pu R. Vanlalchaka hian an In saklai ah tui a pe a, an Inrel chunga electric hrui chu a lu in a tawk palh (a sam pawh electric hrui ah hian ala kai nghe2 niin an sawi) a current in a man a, a hnuai chhuatah a tla ta a ni. Pu R. Vanlalchaka hi Phaileng damdawi inah hruai a ni a. Doctor ten Aizawl lam panpui tura an rawn angin Aizawl panpui a ni a, Dapchhuah bulah a thi ta a ni. Pu R. Vanlalchaka hi Mizoram Police ah Head Constable niin W. Phailengah thawk a ni a, a ruang hi lumenpui mek a ni, vawiinah vui a ni ang.

Source: Lachua Palian

24.1.2015
*BOKO HARAM IN MI 15 THAT
Nimin zing khan Nigeria hmarchhak lama awm Kambari thingtlang khua ah Boko Haram firfiak pawl ten mi 15 an that a, an khua an hal sal bawk. He khua hi Maiduguri khaw bul hnai a ni a, firfiak pawlte hian Maiduguri khua ah luh an tum a, an lut theilo in Kambari khua hi an bei ta niin ngaih a ni.

*BABA RAMDEV AN CHAWIMAWINA SANG HNAWL
Kumin Republic Day vawi 66-na ah hian Yoga guru lar Baba Ramdev chu sorkar laipuiin khua leh tuite chawimawina sangber dawttu 'Padma Vibushan' dawng tur a puan an tum a, mahse amah Ramdev hian a pawmloh thu Union Home Minister Rajnath Singh hnenah a thawn a ni. A hnawl na chhan ah hian sakhuana lama mi inhmang anih angin eng chawimawina mah dawng tur niin a inhre lo a ni.

*OBAMA TE NUPA IN INDIA PAN
Vawiin chawhnu khan India ram a Republic Day hman pui tur in US President Barack OBama leh a nupui Michelle Obama te chuan Air Force One thlawhtheihna in Andrews Air Base atangin India lam an pan. US President te nupa leh an mahni rawn zuitu te hi naktuk zingah New Delhi an rawn thleng ang. Ruahmanna hmasa ang chuan January 27 ah Agra a Taj Mahal tlawh tum anni a, mahse Saudi Arabia lal a thih tak avangin an ram lal thar hmuh a duh leh tak thut avangin Taj Mahal tlawh hi a thulh leh ta a ni.

*UKRAINE A RUSSIA ZAWM A DUH HEL TEN INBIAK DUH LO
Tunlai a international news luah tu langsar tak Ukraine khawchhak lam a Russia ram zawm duh zawk vanga tharum hmanga helna chawk chhuak mek Donetsk separatist hotupa Alexander Zakharchenko chuan Ukraine sorkar nen a inremna zawng a inbiak an tum loh thu leh an luahchin ram bakah khawthlang lam ram te zau zawk a lak belh zel an tum thu a sawi. Ukraine buaina avang hian nikum April thla atang khan mi 5086 in nunna an chan tawh niin United Nations human rights office thuchhuah chuan an sawi.

*IIT BOMBAY IN KHAWVEL A NETBOOK MAN TLAWMBER TLANGZARH DAWN
Indian Institute of Technology - Bombay (IIT-B) chuan khawvel a netbook man tlawm ber tur an duang chhuak. He netbook hi inches 10 a hlai niin, Rs.6,000 man tur a ni a, thlaleh February chawlhkar hnihna ah tlangzarh an tum a ni. He IIT Bombay ten a project an neih hi Delhi company Basic Computers te nen a thawk tlang an ni.