13th May 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

For news related to Mizo people & Mizoram Contact us: lamtluangmizo[at]gmail[dot]com

13.5.2014 
*LUNGALHTHEI KHUR CHIM
Turkey ram Manisa Province a Somsa khua ah lungalhthei laichhuahna (Coal mine) a chim a, a chhung ah mi 20 an thi a, midang 30 in hliam na tak an tuar. He lungalhthei laichhuahna khur chim ah hian mi 400 chuang leihnuai 2km a thuk ah an tangkhang mek ni a hriat a ni. Chhanchhuahna hna kalpui mek a ni.
 

*FULL TIME: TSG 1899 Hoffenheim 3-0 Mizoram XI

(TSG 1899 Hoffenheim India Tour - Exhibition match @AR Lammual, Aizawl, Mizoram, India)

Mizoram XI (India) vs TSG 1899 Hoffenheim (Germany) exhibition match @AR Lammual, Aizawl, India

Mizoram XI (India) vs TSG 1899 Hoffenheim (Germany) exhibition match @AR Lammual, Aizawl, India

Mizoram XI (India) vs TSG 1899 Hoffenheim (Germany) exhibition match @AR Lammual, Aizawl, India

Mizoram XI (India) vs TSG 1899 Hoffenheim (Germany) exhibition match @AR Lammual, Aizawl, India

Mizoram XI (India) vs TSG 1899 Hoffenheim (Germany) exhibition match @AR Lammual, Aizawl, India

*LUNGALHTHEI KHUR CHIM
Turkey ram Manisa Province a Somsa khua ah lungalhthei laichhuahna (Coal mine) a chim a, a chhung ah mi 20 an thi a, midang 30 in hliam na tak an tuar. He lungalhthei laichhuahna khur chim ah hian mi 400 chuang leihnuai 2km a thuk ah an tangkhang mek ni a hriat a ni. Chhanchhuahna hna kalpui mek a ni.

 

*1899 Hoffenheim team in Mizoram XI lak a an goal 2 na an khunglai video clip en duh tan a hnuaia link ah hian en theih e.
https://www.youtube.com/watch?v=T6RdO5gRAXU

 

*LIVE STREAM IN EN THEIH E
Mizoram XI vs German football team '1899 Hoffenheim' a hnuaia link ah hian en theih e
http://www.turbotv.in/dd-sports-live/

 

*EXCISE & NARCOTICS TEN RUIHHLO MAN
Excise & Narcotics Department (END), Champhai Station thawktute chuan vawiin khan Mualkawi khaw daiah Heroin gram 7 an man. Hemi kaihhnawihah hian Heroin neitu Lalbiaksanga (21) s/o Lalramzauva (L), Kanan Veng, Champhai chu an man nghal a ni a. Heroin hi Tiau a lak, Champhaia zawrh tur niin a sawi.

Nizan (12 May, 2014) dar 8:45 khan Excise & Narcotics Department, Anti-Narcotics Squad leh Tuikual South Branch YMA te tangkawp chuan Tuikualah Heroin Gram 6 leh a neitute – Lallianpari (52) d/o Lalthangliana (L), Tiau, Myanmar leh Lalliansangi (45) d/o Thangliana (L), Tahan Myanmar, tuna Dawrpui Veng, Aizawla khawsa mek intite chu an man bawk.

Excise & Narcotics Department hian an mi mante hi Section 21(b) of The Narcotic Drugs & Psychotropic Substances Act (NDPS Act) hnuaiah thubuai an siamsak nghal a ni. (DIPR)

 

*LAMTLUANG ZINGKAR CHANCHINTHAR LAWRKHAWM
*ZO VAL VS VUNNGO INKHEL: Zanin dar 8 ah hian Aizawl Sipai Lammual ah Mizoram XI leh German football team '1899 Hoffenheim' te an inkhel dawn. Inkhel entur te chu zan dar 6;30 ah Lammual a lut fel vek tur a ngen anni. Zonet TV in inkhel hi live in an pe chhuak dawn a ni.

*CoLLEGE ADMISSION: Tunlai hi Mizoram ah College admission tih hunlai a ni a, a bikin khawpui a college hrang hrang te zirlai te admission buaipui in an buai vanglai a ni.

*COUNCIL INTHLANG LEH DAWN: 4 June 2014 ah Mara Autonomous District Council (MADC), Lai Autonomous District Council (LADC) leh Chakma Autonomous District Council (CADC) a constituency pali ah te inthlan that by-election neih a ni dawn.

*LUNGLEI AH BURMA VAWK LAKLUH KHAP: LUnglei District Magistrate chuan thu leh awm hma chuan Lunglei district huam chhungah Myanmar atanga vawk lakluh a khap.

*SIKEISEN PAN IN: India in sikeisen thleng tur a thlalem a kahchhuah "Mangalyaan" chuan a zinkawng tluang takin a zawh zel a, 24 Sept 2014 hian Mars (sikeisen) a thlen hman beisei a ni.

*RAM PUMAH VOTE TLA THA: Tun tum Lok Sabha inthlan hi India rama vote tlak that ber kum niin vote tla zat chu 66.4% a ni. Kum 1984 a 64% chu a khum a ni.

*INTHLAN HAUTAK: Tun tum Lok Sabha inthlan senso atan a Sorkar sum sen zat chu Rs.Vaibelchhe 3,426 a ni.

*SIPAI HOTU THAR TUR: Sorkar laipui a rorellai UPA chuan India army hotuber Gen Bikram Singh July 31 a chawlh huna amah thlaktu turin eptu lam te sawiselna nasa tak karah Defence ministry kal tlangin Lt.General Dalbir Singh chu an recommend a, Appointments Committee of Cabinet in thutawp an la siam ang.

*SORKAR HNATHAWK HOTU THAR: BJP kaihhruai NDA in sorkar laipui ah hnehna an chan chuan Uttar Pradesh Chief Secretary tanglai IAs 1978 batch Javed Usman chu Cabinet Secretary thar atan ruat anih ring an tam hle.

*MANIPUR NULA TE CHAMPION: Assam a 20th Senior National Women's Football Championships khelh zawh tak ah Manipur nula ten 3-1 a champion lai Odhisa hneh in champion nomawi an la.

*NIGERIA LAM HAWI IN: Boko Haram firfiak pawl ten an naupang rukbo te leh sorkar tan a in an mahni mi leh sa tang mek te inthleng pui a Nigeria sorkar a sawm chu sorkar lamin an hnawl. Kan hriat theuh angin 14 april 2014 khan Nigeria ram ah hian sikul naupang hmeichhia 200 chuang firfiak pawlte hian an rubo a ni kha.

*MCC ZAIPAWL LO ZIN: Mizo zirlai tam tak te lo zirchhuah tawh na Madras Christian College (MCC), Chennai zaipawl member mi 35-te chuan Aizawl rawn tlawh in tunkar nilaini (14 May) thleng Mizoram hmun hrang hrang ah zai a rawngbawlna an nei ang.

*BJP SORKAR RING: India ram a media lian thenkhat ten Exit Poll an lakna hrang hrang ah BJP kaihhruai NDA in sorkar na an siam ring an tam ber.

*POLITICIAN KAPHLUM: Spain ram Leon provincial government a hotunu ber Isabel Carrasco (59) chu an party meeting a tel tur a kal laiin khawlaiah kahhlum a ni. Police ten hmeichhe 2 thuzawhfiah turin an man tawh.

*MIZO HISTORY ZIR LAWK ANG: Kum 1898 khan Mizo tawng chanchinbu hmasaber 'Mizo chanchin Laisuih' tihchhuah a ni. A kum leh kum 1899 kha Mizo ten thlichhe tleh kum kan tih thin hi a ni.

*HMANLAI VAWIIN: Kum 1888 vawiin angah khan Brazil ramah bawih/sal neih theihna dan tihbo a ni. Kum 1996 vawiin ang ah tho khan kan ram thenawm Bangladesh ah chuan thlipui(tornado) avangin mi 600 an thi a nih kha. Kum 1998 vawiin angah hian alawm India in a tum 2-na atan nuclear test a neih kha.
----------
Lamtluang page hi midang te like chhawn tir ve thin tur leh kan thu post te inthlahrung hauh lo a i timeline a share chhawng thin turin kan ngen a che. Kan news post te hmun dang a chhuah atan ti a lo la chhawng in awm a nih pawn 'source:Lamtluang' tih min dahsak tawh turin kan ngen a che u. He post hi tha i tih chuan rawn comment ve la aw. Nui sak phawt mai teh le! Ni hman nuam le!

12th May 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

For news related to Mizo people & Mizoram Contact us: lamtluangmizo[at]gmail[dot]com

12.5.2014 
*LOK SABHA EXIT POLL AH NDA CHUNGNUNG
Lok Sabha inthlan a vote chhiar hma a tlingtur lo rinlawkna (Exit poll) media hrang hrang ten an neih ah BJP kaihhruai National Democratic Alliances (NDA) ten rin an kai ta ber a ni. Hetiang hi exit poll result a ni:
Times Now- ORG:
NDA-49 seats, UPA-148 seats, Others-146 seats.
ABPNEWS: NDA-281 seats, UPA-97 seats, AAP-4, Others-161 seats.
CNN-IBN news: NDA 270-282 seats, UPA 92-102 seats.
Chanakya: NDA-340 seats, UPA-70 seats, Others-133 seats.
India TV-Cvoter: NDA-289 seats, UPA-101 seats, AAP-5, Others-148 seats.
India Tody-Cicero: NDA-261-283 seats, UPA-110-120 seats, Others-150-162 seats.
 
*DIESEL MAN TO DAWN
Zanin zanlai dar 12 atangin India ram pumah diesel man Litre 1 zel ah Rs.1.09 in tih pun a ni dawn. Oil Company te sawi dan chuan hetia a man tihpun anih hnu pawh hian diesel ah hian 1 litre zel ah Rs. 5.71 an hloh char char dawn tho niin an sawi.
 
*Vawiin khan India Parliament rorelna Lok Sabha 16-na a member tur thlanna tawpber chu zawh a ni a, tihian Lok Sabha inthlan neih mek chu zawhfel a ni ta a ni. Ram pumah tun tum Lok Sabha inthlan a vote tla zat chu 66.38% a ni. 2009 khan ram pum a vote tla zat chu 58.19% a ni. Inthlanpui result hi tunkar zirtawpni 16 May ah puan a ni dawn ani.
 
*MYANMAR RAMA ZOHNAHTHLAKTEN CHIEF MINISTER AN CHAWIMAWI HUN TUR SAWN

Myanmar ram chhunga zohnahthlakte chenna khua pahnih Salachhuah khua leh Vuangtu khua tlawh tuma zinchhuak Chief Minister Pu Lalthanhawla chuan khaw nawm loh vanga kir lehin hun danga tlawh zawk turin ruahmanna a siam.

Chawimawi an duh avanga Myanmar rama zohnahthlak intelkhawm ten an sawm Chief Minister Pu Lalthanhawla kar kalta May ni 9 khan Salachhuah tlawh a, May 12 hian zan riaka Vuangtu khua pan turin a zinchhuaka, amaherawh chu ni thum chhung zet Mizoram chhim lamah ruah nasa taka a tlak avangin he a zinna hi titawp rihin hun remchang danga kal zawk turin ruahmanna a siam ta a ni.

May ni 9 a lehlanga tlawh a tum Salachhuah leh a chhehvel khaw 16 zet te chu hemi ni hian inchahkhawmin ropui taka Mizoram Chief Minister hi lo hmuah a, ran lu kima lo lawm an tuma, amaherawh chu an khaw panna kawng chu a chian loh avangin thlen theih a ni ta lova. Vawiin May ni 12 hian Vuangtu leh a chhehvel khaw hrang hrang bakah Chin State Chief Minister leh a Cabinet minister pariat zet te nena hun hman ho tuma ruahmanna siam a nih laiin Chin Chief Minister leh a thuihhruaite hi leiminin a dan leh tak si avangin Vuangtu lama hun hman tum pawh hi thulh a ni leh ta rih a ni.

Vuangtu khaw hotute hnen atanga thudawn danin Vuangtuah hian Mizoram Chief Minister leh a Offial te thlenna tur in thar engemawzat sak thar a ni a, sial 17 bakah ramsa leh ransa lu kima lo lawm tumin an inbuatsaih a. Lui lam sa pawh an hmuh phak ang ang a lukima lo siam pawh tumin luia ram vak thin mi engemawzat in an bei mek bawk a. Hnam peng hrang hrang ten an chaw siam theuhte pho chhuaka mipuite hrai an tum bawk a ni.

Nasa taka inbuatsaihna hi kalpui ni mah se kawng thuah harsatna a awm leh tak si avangin hun dang atan sawn a nit a a ni.
(DIPR)
 
*GAS CHUNGCHANG A MIPUITE HRIAT NGEI NGEI TUR
Food, Civil Supplies & Consumer Affairs Department hotute leh LPG Distributor te Meeting dt.21.4.2014 a Director, Food, Civil Supplies & Consumer Affairs chamber a neihah heng a hnuaia mite hi Distributor leh mipuiten zawm ngei tur a tih a ni :

1. Distributor ten Point-a Gas an semdawn reng rengin Bukna (Spring balance/Weighing scale) an keng tel ngei ngei tur a ni a. Vengchhunga Gas sem reng reng buk vek tur a ni. Buk lova la te chuan a buk a tlin loh pawhin an sawisel thei lovang.

2. Distributor ten an Gas sem buk a tlin loh chuan a tlin lohna zat man consumer-te hnenah a pe let tur a ni.

3. Gas la tuten Distributor hnen atangin Cash memo an la ngei ngei tur a ni.

4. Consumer ten Gas chungchanga an harsatna emaw zawhfiah ngai emaw an neih reng reng in Distributor ten tha taka lo dawngsawngin an hriatthiam loh te an lo hrilhfiah thin tur a ni.
(DIPR)
 
*Vawiin chawhnu dar 2:00 Pm khan Chief Minister Pu Lalthanhawla chuan Lai Autonomous District Council Chief Executive Member Office Building thar a hawng. He building thar hi 13th Finance Commission atanga sum hmuh atang a sak a ni a, cheng nuai 211 senna tura ruahman niin tunah hian luah theiha zawh fel a ni tawh a ni.
Courtesy: DIPR

Mizoram CM Lal Thanhawla inaugurate LADC new building, Lawngtlai
Pix: DIPR

Mizoram CM Lal Thanhawla inaugurate LADC new building, Lawngtlai
Pix: DIPR

 
*INDIA CHHIM LAM HAWI ZUAI ANG:
ANDHRA PRADESH MUNICIPAL INTHLAN RESULT
India chhim lailai lai a awm, tunhnai a state pahnih a then tur a sorkar in a tih fel tak, Andhra Pradesh state chhung Seemandhra leh Telangana bial a khawpui lian ho municipal election result chu vawiin khan puan fel a ni. Hetiang hi political party hrang hrang te vote hmuh dan chu a ni:

SEEMANDHRA: Telegu Desam Party - 1,446 seats, YSR Congress Party - 852, Independent - 120 seats, Congress - 55 seats.

TELANGANA: Congress - 525 seats, Telangana Rashtra Samithi (TRS) - 313 seats, Independent - 355 seats, TDP-BJP (Tangrual) - 162 seats.

Telangana bial ah hian municipalities 56 leh corporation 3 ah inthlan na neih a ni a, Seemandhra bial ah hian municipalities 90 leh corporation 7 ah te inthlan na neih a ni.
 

*MIZO BIBLE CHANG (BIBLE VERSE IN MIZO)
I hun hman danah Bible chhiar hmanloh chang te i nei thin em? Thlarau lam nun tihthar ngai riau a inhriat chang i neih emaw I FB pah hian Bible chang chhiar tur i duh chuan a hnuai a link ah hian hawng la a page ah khan i like mai dawnnia:
Computer atanga online tan: https://www.facebook.com/MizoBibleverse
Mobile phone atanga online tan: https://m.facebook.com/MizoBibleverse

 

*TOOTHPASTE, SUNSCREEN LEH SAHBAWN CHEMICAL AWMTE MIPA TAN A PAWI THEI
EMBO Journal a European Scientist ten an thil hmuchhuah thar tarlan danin mihring in nitin a taksa tan a kan hman thin thil 3 - hanawhna hlo (toothpaste), sunscreen leh sahbawn siam nan a chemical (non-toxic) an hman thin zingah hian mipa te chithlah na a tibuai thei thil awm niin an hria. He thil an hmuchhuah avang hian mipuite lo chiai chuk angai hran lem lo a, zirbingmi te chuan mipa te chithlahna kawngah engti tak a pawi nge a nih zirchian mek zel a nia, hriat chian var a nih hunah thuneitu lam hnenah heng products te hi tihtawp tir emaw hman dan uluk zawk a inzirna la siam mai turin an ngai a ni.

Medical Research Council Human Reproductive Sciences Unit in Edinburgh, a senior scientist Professor Richard Sharpe chuan "He thil zirchian mek hian environmental chemical emaw kan nitin nunphung a kan thil hman thin ten mipa te chithlahna kawngah nghawng a nei thei tih ngaihdan thar a rawn paw chhuak a ni" a ti a ni. Kum 1991 khan Copenhagen University Hospital a thawk Professor Niels Skakkebaek chuan kum 50 chhung in mipa te chithlah theih na (sperm count) hi 50% in a tlahniam niin a zirchianna a lo tlangzarh tawh a ni.

 

*MIZO NU IN INDIA RAM NURSE CHAWIMAWINA SANG DAWNG
Pi Lallungmuani Nursing Tutor Retired, Falkland, Zemabawk a mi chuan vawiin khan India President Pranab Mukherjee hnen atangin India rama nurse chawimawina sang National Florence Nightingale Awards for 2014 a dawng. Vawiin May ni 12 hi 'International Nurses day" a ni a, he ni pual hian kum tin India ram a nurse thawk tha te hnenah India President in chawimawina sang "Florence Nightingale Award" a hlan thin a ni. Kumin pawh hian nurse 35 in he chawimawina hi an dawng a ni.

Pi Lallungmuani hian sawrkar hna a thawh chhungin Outstanding Service - mi nunna chhanchhuahna atan leh service tha tak a lo pek thin avangin National Florence Nightingale Award hi hlan a ni ta a ni. He Award hian Rs.50,000/- (Singnga), Medal, certificate leh Citation a keng tel a ni. Hetiang chawimawina ropui dawng thei Mizo nu chhuanawm Mizo ten kan nei hi Lamtluang chuan chhuanawm kan tiin kan lawmpui em em a ni.

Mizoram Nurse Mrs. Lallungmuani receiving National Florence Nightingale Award 2014 from India President

 

*ASHLEY COLE AN INTERNATIONAL FOOTBALL CHAWLHSAN
English football khelthiam Ashley Cole (Kum 34) chuan an ram team a telh ve a ni ta lo tih a in hriat hnu in international football a chawlhsan thu a puang. Football goal thlawp (defence) a khel thin Ashley Cole hian an ram England World Cup football squad ah tel ve a lo inrin ran ran laiin, an ram coach Roy Hodgson chuan phone in an ram aiawh a khel tur zingah a telh tak loh thu a hrilh a ni. Amah Ashley Cole chuan hetiang hian a sawi a "Roy-a hnen atangin phone ka dawng a, England team chu player naupang zawk ten khel se a tih chu ka pawmpui a. Tichuan England team atanga chawlh chu ka tan atha ta ber in ka hria a ni." tiin. Ram aiawh tur a thlan a ni lo hi a la na ve ngang a niang hetiang hian twitter ah a ziak a: "In pawm zawng a ni chiah lo mai thei a, mahse hei hi chu lo ring hram teh u kan ram tan a ka inkhel tawh loh tur hian min ti na ve a ni. England ram hi ka ngaisang in ka zah a ni"

 

*IN CHIM
Nimin chhun dar 12:25 vel khan Aizawl Dinthar veng a R.Lalmuana te chhungkaw chenna In assam type a sak chhawng 3 chu an inkhawm hlan in a chim. In chim hi a bula lungrem chim in a min pui a, a bul a Baptist biak in chung a zuk su a, a tlusawp lo ni a sawi a ni. Vawiinah khawtlang hnatlang in inchim hi an thiat dawn a ni.

Dinthar veng landslide, Aizawl

*PAKISTAN ENTHLATU TEN PHONE HMANGIN INDIA MI PAWIMAWH TE BUM TUM THIN
India intelligence agencies report a landan in Pakistan enthlatu (spies) ten India ram a sorkar hnathawk lian ho (bureaucrats) bakah police, intelligence leh Army officer te department leh official thuruk hriat tumin telephone hmang a bum (spoof call) an tum thin tih hriatchhuah ni. India sorkar hnuai a department hrang hrang - intelligence agencies, police, defence leh home ministry office a thawk te chu telephone hmang a mi pawimawh anga insawi a India sorkar thuruk hriat duh nei a insawi an awm pawhin an mahni thu a lo chhang mai lo turin hriattir anni. Pakistan enthlatute hian Telephone a heng office pawimawh te hi bia in army, Intelligence Bureau (IB) leh Research and Analysis Wing (RAW) officers chumi kha mi chu ka nia ti a dawtsawiin India thupawimawh te zawh an ching ni a hriat chhuah a ni. Office staff tan chuan an mahni aia lal zawk ni a insawi ten thuhriat duh nei an rawn phone chuan lo chhan loh kha thilmawi a ni bawk silo a, chuvangin sorkar in thuruk vawn tur chin a tih (classified/secret information) te chu eng ang a lal a insawi pawh nise a dan pangngai lo chuan tumah lo share miah lo turin sorkar office staff te hriattir vek anni.
--------
"Thawhtanni hi zingah mutrei ve theih nise a ropui ngawt ang. Mihring thil ho te te nuam tichi ka ni a, ka ti tak tak ania." - Arthur Darvill
------
Chawlhkar thar hman nuam vek ule.

10th & 11th May 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

For news related to Mizo people & Mizoram Contact us: lamtluangmizo[at]gmail[dot]com

11.5.2014
*SAIHA AH INKANG
Zanin (May 11) khan Saiha Bazar bulah Assam type In chhawng hnih chu bungrua engmah chuh hman lohvin a kang ral. Inneitu hi Simon Hlychho (Boxer) a ni.
 

*CHAW EI BAN CHUAN PAWISA CHAWI TIR DAWN
Switzerlanad ram Losone khua a French restaurant 1 hmingthang deuh, Patrizietta restaurant antih ah chuan, an dawr a thil eithin ten an thil ei bang (chawnawi) an hnuchhiah thin chu thil uihawm tak leh sum tam tak luanral tirna ni a hria in, vawiin thawhtanni atang hian an customer te zing a an chaw order eizo leh silote chu an ram pawisa Francs nga zel an chawi tir tawh dawn a ni. Mifing te pawn i ei zawh theih tawk chauh lam thin rawh an lo tih thin kha mawle!

 

*SAIHA AH INKANG
Zanin (May 11) khan Saiha Bazar bulah Assam type In chhawng hnih chu bungrua engmah chuh hman lohvin a kang ral. Inneitu hi Simon Hlychho (Boxer) a ni.

 

*NI 30 CHAW NGHEI TAWH
BCM Evangelist Upa Biakchungnunga Tlau, KROSS THUCHAH PUANGTU TEAM Speaker chuan kan ram leh khawtlang tan ni 40 leh zan 40 chaw nghei tawngtai Nehemia Prayer mountain Zobawk ah a nei mek a, vawiin May 11, 2014 Pathianni hi ni 30-na a ni ta. Khawlum zual lai chuan tuisik leh vur chauh a ei/in thin a ni. 'Elija a au vawng vawng, Mosia'n a ban a phar ta. Ramchhung a thil tenawm te vangin'.
Source: Lunglei Chanchin thar Group

 

*CHAWLHNI ZAN THUTHAR LAWRKHAWM
*EPL CHAMPION: Manchester City chu English Premier League champion an ni ta.

*MAOIST HEL AN HRANG: Tukin dar 9:40 khan Gadchiroli District, Maharashtra ah Moaist hel ten police 7 an kap hlum a, mi 2 an hliam bawk.

*RAMSA TE PAWN COOLER MAMAWH: National Zoological Park, Delhi ah sahuan a ramsa leh sava ten nipui khawlum an tawrh a ziawm theih nan boruak tihvawhna khawl (Desert cooler) vuah an tum a, tin, an eitur(diet) ah pawh nipui lai a an taksa vawngdai thei tur tuipai tam lam entiran dawnfawh etc te telh thar a ni.

*HINDUJA BROTHERS UK AH HAUSABER: India mi UK a khawsa Hinduja Brothers tia hriatlar Srichand Hinduja leh Gopichand Hinduja te chu Sapram (UK) a hausaber ah Sunday Times chuan an tarlang. An hausak lam chu Pound tluklehdingawn 11.9 an nei a ni. (British Pound 1 leh India pawisa Rs.100.99 intluk mek)

*TB NATNA TIHBO CHUNGCHANG: Union ministry of science and technology, department of biotechnology (DBT) India leh National Institute of Allergy and Infectious Diseases (NIAID, US) te chuan India ram a TB(Ngawr natna) enkawlna leh tihrem dan tur project thawk ho turin inremna an siam.

*HMEICHHE FOOTBALL FINAL: Naktuk hian Golaghat, Assam ah 20th Women's National Football Championships final Manipur leh Odhisa ten an khel ang. Odhisa hi champion lai anni.

*Libya rama lawng chesual ah mi 40 an thi a, mi 51 chhanchhuah hman anni.

*Iraq hmar lamah firfiak pawl ten sipai 20 an kaphlum.

*Afghanistan ah thihchilh car bomb hmangin sipai motor beih a ni a, civil mi 5 an thi a hliam tuar mi 36 awmin sipai 4 pawh in hliam an tuar ve a ni.

*Delhi sorkar chuan tatkal service hmang a darkar 24 chhung a inneih certificate pek chhuah theihna a kalpui mek. Tatkal hmang a inneih certificate sorkar dil te hian Rs.10,000 an chawi zel a ngai thung a ni.

*Kan page Lamtluang tlawmngai a min like saktu hi mi 6183 kan nei mek che u a, kan hlawm em em e. In thian te pawh lo like tir ve turin kan ngen a che u. Kan page hi i hmuh dan rawn comment rawh le!

 

*LOK SABHA INTHLAN HNUHNUNG BER NAKTUK AH
Naktuk Thawhtanni hian West Bengal, Uttar Pradesh leh Bihar ah te inthlanna neih a ni ang a, hei hi tun tum Lok Sabha inthlan neih mek a hnuhnung ber tur a ni ang. Naktuk inthlan neihna tur zingah hian BJP Prime Minister Candidate Narendra Modi leh AAP hotupa Arvind Kejriwal te dinna Varanasi bial pawh tel ve in, venghimtu sipao 45,000 rawih anni hem mai. ECI chuan tluang tak a Lok Sabha inthlan hmawrbawk theih an in beisei a ni.

 

*NUTE NI (MOTHER'S DAY) CHIBAI
Vawiin 11.5.2014 hi India ramah chuan Nute Ni (Mother's day) a ni. He ni ah hian mitin in an hringtu nu te chawimawi nan leh an tan a thiltha tih nan hun an hmang thin. Nute ni hman hun hi khawvel hmun hrang hrang ah a inanglo thluah a, a lo chhuahna ni a sawi chu US a nu pakhat Anna Jarvis chuan a nu Ann Reeves Jarvis , boral tawh hriatreng nan "Nute ni" hman anih theih nan nasa takin a campaign thin a, kum 1908 khan a hma kum 3 kalta atang a lo campaign tan tawh leh a chak em em thin Mother's Day hmasaber chu an khua Grafton, West Virginia ah an hmang ta a ni. Kum 1914 khan US President Woodrow Wilson chuan may thla chawlhni vawi 2-na chu Mother's Day (Nute ni) atan tiin national holiday ah a puang ta a ni. 1920 chho atangin hallmark leh company dang ten Mother's day card te an zuarchhuak tan in ti hian vawiin thleng in kan hmang chhunzawm ve ta zel a nih hi. Kumin 'Nute ni' ah hian Lamtluang page min like saktu zing a "NU" zawng zawng chibai kan buk vek a che u.

"I nu leh pa chu hlim takin awm sela, A hringtu che chu hlim takin awm rawh se." (Thufingte 23:25)

10.5.2014 

*MANMOHAN SINGH AN IN MANGTHA NA LEHKHA THAWN CHHUAK
India Prime Minister Manmohan Singh chuan a hun tawp a hnaih tak avang leh PM nih chhunzawm a tum tawh loh avangin khawvel ram hrang hrang sorkar hruaitulu India PM a nihna anga alo dawr thin ho hnenah in mangtha na lehkhathawn a thawn chhuak hlawm a, a thawnchhuah zingah hian US President Barack Obama, Chinese Premier hlui Wen Jiabao, Russian President Vladimir Putin, German Chancellor Angela Merkel te chu a langsar zual anni.

Rahul-a Nu Congress President leh UPA chairperson nimek Sonia Gandhi pawh in Lok Sabha inthlan result puan hma ni 2 la awmah Manmohan Singh thlah nan zanriah (farewell dinner) a buatsaih sak dawn a, hriatrengna thilpek Congress Worsking Committee members leh Union minister zawng zawng ten hming an signed hnan chu a pe dawn ni a sawi a ni. Manmohan Singh hi 17 May 2014 thleng Prime Minister a ni ang.

 

*Vawiin chawhma dar 11:00Am khan Chief Minister Pu Lalthanhawla chuan MADC complex-ah tuna MADC sorkarna kalpui mek ten kumhnih(2) an tlin lawmna programme an buatsaih chu a hmanpui. He kumhnih (2) tlin lawmna programme hi Pu LC. Chakhai, MADC Chairman-in inchawnglawmna thusawiin, Rev. P.Riabi Sr.Executive Secretary, ECM kohhran chuan hunserh a hmang.

He lawmna programme-ah hian chhimlam fanga thang mek Pu Lalthanhawla chuan thusawiin, mipui ten an tawiawm loh chuan sorkar hian ram hmasawnna kawng sial tur leh a chhelaite siamtha turin a mah chauhvin a kal thei lo va. Chuvangin Mara ram mipuite chu Mara ram tih hmasawn tur leh a chhelaite siamtha turin rinawmna, taimakna leh Pathian tihna nena; eng party nge sawrkarna siam tih-ah buai lo va, MADC sawrkar chu tawiawm tlat thin turin a sawm. CM Pu Hawla chuan tunlai EVM kaihhnawi thuthang lengvel chungchang sawiin, Dawt hian ke a nei lo va, reilote-ah a tlu leh mai thin a ni, a ti.

CM Pu Lalthanhawl chuan Chhim lamah kan awm vang emaw; Hmar lama kan awm vang emaw hian; ram kilkhawra awm anga inngaihna rilru kan pu tur a ni lova. Mizoram neihtu kan nihna adang chuang lo va, kan chanvo leh mawhphurna pawh a in ang vek a ni, a ti. CM Pu Lalthanhawla chuan sawi zelin, Mizoram kristian te hian missionary hna hi mihring chungah chauh emaw thawh tur ka ti thin a. Tunah chuan Pathian “thilsiam”dang heng ramsa, sava leh luisa, thing leh mau leh ramngawte chungah hian kan missionary a tul tawh tak zet a ni. Chutilo chuan reilote-ah kan ramngaw te hi an chereu-in; kan luisa, sava leh rams ate hi an thih mang vek mai dawn a ni, a ti.

He lawmna programme-ah hian Pu R.T Zachono, CEM MADC pawhin thusawiin, tun kum hnih chhunga sawrkar hmalakna hrang hrangte a tarlang a, Mara ram mipuiten pa anga kan en kan CM in hun chep tak kara min tlawh hi a lawmawm tak zet a ni, a ti bawk.

Chief Minister hian nimin khan Myanmar ram chhung Salachhuah khuaa a kal tumin Lawngtlai a chhuahsana, mahse khua in a bumro tak avangin Salachhuah hi thleng lovin Vahaiah a tawp rih a, Vahaiah hian khawtlang mipui ten ropui taka lo lawmin an lo hmuak a ni. Khuain a zir a nih chuan thawhtanni lo awm turah hianMyanmar ram chhung tho Vuangtu panin a chhuak ang.

Salachhuah leh Vuangtu khuate leh an chhehvel mipui tangrualten Chief Minister hi chawimawina hlan an tum a, chumi hun hmanpui tur chuan Chief Minister hian heng khaw pahnihte hi tlawh a tum a ni. (DIPR)

 

*SAMSUNG INDIA HOTUPA BANG
Kum 1 chuang India ram chhung bik a samsung mobile phone company hotupaber (Country Head of Samsung Mobile and Digital Imaging) nihna lo chelh tawh Vineet Taneja chuan banna a thehlut. A hrechiang deuh ten an sawi danin Samsung hian tunhnai ah India ramah an in beisei aiin phone an hralh tha lo a, a bikin smartphone Galaxy S5 leh Galaxy S4 ah phei chu rin aiin an hralh tlem a ni awm e. Hengte avang hian India ram an sumdawnna enkawltuber Vineet Taneja chung a awm tur managing director(Sales) thar an lo ruat bawk nen a lungawi chiah lo in banna a thehlut ta mai ni a ngaih a ni. He thuthang ah hian Samsung lam chuan engmah thuciang an sawi hrih lo a ni. Vineet Taneja hi IIT Roorkee atang a Engineering a graduate niin IIM Calcutta atangin MBA zo a, Nokia leh Airtel company ah te alo thawk tawh thin a ni.
-------
Lamtluang page hi vawiin chu i thian te lo like tir ve char char teh le.

 

*IROM SHARMILA MAHNI INTIHHLUM TUM THUBUAI SIAM SAK A NI
Manipur a Sipai ten magistrate phalna kherlo a an mi rinhlelh zawngte an dap/koh theihna dan AFSPA an tih, tihtawp duh vanga kum 2000 November thla atanga vawiin thleng a chaw la nghei ta char char, Meitei hmeichhia Irom Sharmila chu police in court ah thubuai siamsak(chargesheet) in IPC section 309 hnuaiah mahni intihlum tum anga thubuai ziah luh sak a ni.

Kan hriat theuh angin Irom Sharmila hian kum 13 chuang chaw pangngai ei tawh lo in damdawiin ah a hnar atanga chaw pek luih a ni a, court thupek angin kum tin march thla ah chhuah zalen thin a ni a, mahse a chawnghei a chawlhsan duh chuan siloh avangin a tukah manna order an chhuah leh mai thin a ni.

Manipur police te hian Irom Sharmila an chargesheet (thubuai siam sak) na hi Chief Judicial Magistrate (Imphal East) hnenah an thehlut a, karleh Thawhlehni ah he thubuai hi ngaihtuah a ni ang. Irom Sharmila aiawh hian human rights ukil lar Khaidem Mani a ding dawn a, a ukil hian Sharmila hian mahni intihhlum a tum lo a AFSPA dodal nan chaw a nghei chauh zawk a ni tiin tan a tum a ni. Amah Sharmila ngei pawn mahni intihhlum tum chu nila hman a hman ah ka thi daih tawh ang chu tiin an puhna chu a pawm lo hle.

 

*LAMTLUANG ZINGKAR CHANCHINTHAR LAWRKHAWM

*OIL PALM DISTRICT: Kolasib District chu Mizoram sawrkarin Oil Palm District-ah a puan tak avangin Oil Palm chin uar lehzual turin ngawrh taka tan lak a nit a, Bukvannei-a Oil Palm Factory pawh hna thawk thei tura engkim peihfel a nih tawh bawk avangin nitina a her theih tur zat tam tham thar chhuah a ngaih avangin a chingtute an pun thar a ngai a. Hei vang hian sawrkar flagship programme NLUP 3rd leh 4th phase dawngtu zinga za zela 80 te chu Oil Palm chin thlang turin sawrkarin a beisei ta a ni. Bukvannei-a Oil Palm Factory ah tunah hian Oil Palm rahte chu her tan tawh a ni a, a crude oil chu lak a niin tam tham her a nih hunah Refinery hnai berah thawn thin a ni dawn a ni. Kolasib District chhungah hian Oil Palm collection Centre 26 Godrej chuan a siam a., heng atang hian Factory ah thlenpui thin a ni ang, tuna thar chhuah zawng zawng atanga chhutin thla khat zelah ni 4 her daih chauh ala ni rih a. Amaherawhchu thar chhuah hi ala pun chhoh beisei a ni a. A nih ang taka her a chhawr tangkai tak tak tur chuan a chingtu mi engemaw zah an awm belh a ngai ta a ni. (DIPR)

*MIZO PHANTOM SPECIAL CELL AH DAH: Nimin khan Mizo Phantom tia hriatlar K.Chhawnthuama, Durtlang chu court ah hruai a ni a, a tanna Central Jail chhungah special cell a dah dilna chu Aizawl District bawrhsap (DC) Juhi Mukherjee in a sign sak duh loh avangin Mizo Phantom Fans Club te DC complex ah an pungkhawm a tlai office ban hun thleng a an haw darh duh loh avangin Aizawl DC hian a tawp ah chuan K.Chhawnthuama Special Cell a awmtir phalna hi a signed ta hram a ni.

*DU PROFESSOR MAN: Delhi University English Department professor G N Saibaba chu Maoist helpawl te nen a inzawmna nei a puh anih avangin Maharashtra Police ten an man.

*EC IN AN THU ZUK: Tun hnai a Narendra Modi dinna bial 1 Varanasi Returning Officer Pranjal Yadav chu BJP ten nasa tak an sawisel chung pawn ECI lam chuan tihdik lo neilo niin an tan a, mahse nimin khan ECI hian Varanasi ah hian special observer atan Tamil Nadu chief electoral officer Praveen Kumar chu an ruat thar leh chuk chuk a ni.

*SOUTH AFRICA AH INTHLAN ZO: South Africa ram a inthlanpui neih mek ah President tanglai Jacob Zuma te party African National Congress te chuan hnehna an chang a, Jacob Zuma hi a tum 2-na atan President a ni leh dawn hmel e.

*IPS NU KHA: Nimin zinga kan rawn post Tamil Nadu cadre IPS officer Archana Ramasundaram in CBI additional director hna a zawm chu dan kalh a ni tiin Supreme Court in thupek a siam. India ram a hmeichhe CBI additional director hmasaber hian darkar 24 chhung bak he hna hi a chelh hman dawn ta hrih lo a ni.

*UN TEAM LUNGLEI AH: Tukin hian Mizoram tlawh a lo zin mek UN Mission Technical Team member, Sandeep Tandon (UNIDO), Manjula bhyan (UNIDO), Antonia Paliwal (FAO), Kalpana Tawakley (UNDP), leh Sanjeev Kumar Gupta (UNDP) te chuan serchhip atangin Lunglei an pan ang.

*LAWNGNEITU MAN: Thla hmasa 16 April a South KOrea a lawng chesual vanga sikul naupang tui a an tlakhlum na lawngneitu company Chonghaejin Marine Co Ltd President Kim Han-sik chu a mawhphurhna hlen loh ah puh in man a ni.

*MAHATMA GANDHI LIM US AH: USA a Texas state chhung a Irving khua ah Bronze a siam Mahatma Gandhi lim feet 7 a sang inches 30 a chhah chu din tir a ni dawn.

*NIGERIA SORKAR CHE HAR: Amnesty International chuan tunhnai a hmeichhe naupang 300 rukbo chungchang ah Nigeria sorkar chuan hetiang vanduaina thleng thei hi lo inveng turin hma la chak lo niin an sawi. A rubotu Boko Haram helpawl te hian vawi tam tak sorkar hi an lo warning tawh thin a ni awm e.

*THUFING DAWNTISEI:"Zing dar 10 thleng rilru hlim takin han awm phawt mai la, a hnu leh a i ni hman dan tur chu rawn in hril chawp zel tawh mai ang"- Elbert Hubabrt

*MIZO HISTORY ZIR ZUAI ANG: Mizo ten Vailen vawi 1-na kan tih First Lushai Expedition kha 1871-1872 kum ah a thleng. Hemi tum hian British sipai ten Bengkhuaian sal a a man Mary Winchester (Zoluti) chu an rawn la chhuak a ni.

*HMAN KUM VAWIIN KHA: Kum 1503 vawiin ang ah khan tuipui mihrang Christopher Columbus chuan North leh South America inkar Caribbean Sea an tih ah thliarkar thar Cayman Islands a hmu chhuak a, kum 1857 vawiin ang ah vek khan India vai sipai ten an mahni awptu Kumpinu sorkar lakah helna chaw chhuak in chu chu Revolt of 1857 tiin kan lo zir thin ta a ni.

*Lamtluang cover pic kan rawn dah hi a thei apiang in Lamtluang page a lo darh zau zel theih nan cover pic ah hmang theuh ang u. Cover pic a hmang remchang lo pawn in timeline/wall ah theuh khan vawi 1 tal lo upload ve turin kan ngen a ngawih ngawih a che u. Weather forecast lamah chuan vawiin nilengin Aizawl ah khua a chhiat an ring. Tun thla hi Mizo chuan Tomir thla kan ti. Chuan i CCD (Chhiar Chhuak Dap) a nih chuan comment ah i rawn sawi leh mai dawnnia, kan lo ngaichang ve thin che u a nia, in comment kan hmuh hian in hriat loh in min ti phur ve thin lutuk asin!

Mizo Facebook free cover pic downloadable (Lamtluang)

 

*KHAWVEL A MODEL SEXY VIDEO PAWIMAWHBER AN TIH CHU! He video hi NDTV page in an rawn share atanga kan lo hriat a ni a, khawvel a model hmeichhia leh mipa tha thlan chhuah thiau ten shooting an neih lai a sexy thei ang ber tur a an in pose lai cover na ni ber. A sexy apiang chu hralh a kal tih crew member ten an hrilh avangin studio a video in pose ngawr ngawr mai bakah shooting neih lai hian an aw (voice) hmang a sexy tih an sawi chhuah hialna a ni. A link kan hmuhna NDTV page phei chuan"Most Important'Sexy'Model Video Ever"ti hial in a caption an dah a ni. A video hi en duh tan a hnuai a youtube link ah hian en theih (En la Mizo model te tih atan mawi/tha i tih leh tih loh comment ah rawn sawi turin kan ngen a che):
https://www.youtube.com/watch?v=bOXMKEnra8w

 

*TUALTHAHNA RAPTHLAK ICU AH THLENG
Assam Medical College Hospital (AMCH), Dibrugarh a hmeichhe doctor specialist (PG) zir mek Dr. Sarita Tasniwal (Kum 24) chu zirtawpni zing khan AMCH ICU ward chhung ah a nghawng vei lamah mi zaina chemte (Surgical knife) hmanga vihhlum a ni. Police ten pawikhawihtu hi man in ICU ward a tirhkah (ward boy) Tiru Mech-a chuan a thah a nih thu a inpuang tawh a ni. Dr. Sarita hi AMCH ah hian Doctor of Medicine (MD) in obstetrics and gynaecology kum 1-na a zir mek a, zan duty neiin ICU ah hian a awm a, zing dar 5:30 thleng hna thawh hnu in ICU chhung a doctor rest room ah a hahchawlh laiin he vanduaina hi a chungah a thleng ta a ni. Police te rin dan chuan a thattu ward boy hian pawngsual a tum ang a hlawhtling silo in a that ta mai niin an ngai. Dr. Sarita hi Assam Sibsagar district a mi niin July 7 hian pasal neih a tum a, a pasal tur hi doctor tho niin an college ah hian PG a zir ve mek bawk a ni.

RIP Dr. Sarita Tasniwal

9th May 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

For news related to Mizo people & Mizoram Contact us: lamtluangmizo[at]gmail[dot]com
9.5.2014
*UN Mission Technical Team member, Pu Sandeep Tandon (UNIDO), Ms Manjula bhyan (UNIDO), Ms Antonia Paliwal (FAO), Ms Kalpana Tawakley (UNDP), leh Pu Sanjeev Kumar Gupta (UNDP) te chuan vawiin khan Serchhip District tlawhin NLUP Line Department official te an kawm. UN Team hian Serchhip an luh hma hian Baktawng Tlangnuam tlawhin NLUP hnuaia Carpentry leh Bungbel siamna te an tlawh a, hemi hnu hian Chhingchhip a MIFCO Processing Plant leh S.K Bamboo Chipping Industry an tlawh leh a, tlai dar 5:00 vel khan Serchhip lutin DC Office a Video Conferencing Hall ah Serchhip Bawrhsap mawhphurhna la mek tu Pu V.L.Remliana Addl. DC leh NLUP Line department hotute bakah Thuthar thehdarhtute nen inkawmhona hun an hmang a ni.

UN Team chuan Serchhip District an tlawh chhan pakhat chu hmasawnna hna thawh kawng a mipuite leh sawrkar hmalak tawh dan bakah harsatna an tawh te zirchian a, UNO in engtin nge a tanpui theih ve ang tih ngaihtuah ani tih thu an sawi a, abik takin NLUP thil tum zing ami Ecosystem Management, Bamboo Development, Horticulture lama hmalakna te bakah land-based hmalakna te chu an ngaipawimawh ani tih an sawi a, NLUP Line Department hrang hrangte chuan a mal te te in an hmalakna leh an hmasawn dan te, harsatna an tawh te an sawi a, UN Team pawhin zawhna chi hrang hrang zawtin harsatna sutkian theih dan tura kawng tha ni a an hriat te an sawiho a. NLUP hnuaia thlai chingtute tan hectare khat mila ruahmanna siam chu a aia hectare zau zawka kalpui theih ni se tha lehzuala an rin thu an sawi a. Piler khua a Coffee ching hlawhtling te chanchin an ngaihthlak chuan a tiphur hle tih sawiin Coffee Board kaltlang lovin “Mizo Coffee” tih hming chawiin emaw a rim diktak pu chunga hralhchhuah nise a hlawkin a hlu lehzuala an rin thu te an sawi a, hetianga Coffee a that theih chuan nasa lehzuala chin dan tur ngaihtuah pawimawh a an hriat thu an sawi bawk a ni. UN Team hian Line Department te hi NLUP chungchang an zawt chik hle a ni.

UN Team chuan Chhingchhipa MIFCO Processing Plant an tlawh chuan thil tam tak a ngaihtuah tir thu an sawi a, raw materials awm that loh vanga hna anih tur anga thawh theih a nilo chu pawi an tih thu leh uihawm an tih thu an sawi a, hmanraw changkang ber ber nena thuam anih laia a hnathawh tur ang a thawh theihlohna hi NLUP kaltlanga theirah chin chuan a phuhruk thuai theih ngei an beisei thu an sawi a ni.

UN Team hi Serchhipah an riak ang a, naktuk zingah Lunglei an pan ang. (DIPR)
 

UN Mission Technical Team visited Serchhip District in Mizoram

*SIPAI A TLING TE
Army Recruiting Office, Zemabawk chuan kumin January leh April thlaah Sipai Lak Runpui result vawiin khan a ti chhuak a. April thla ah Sipai Lak Runpui neia Soldier (General Duty); Soldier(Technical) leh Soldier (Tradesman) atan mi 72 an tling bakah January thla ah Rally neih a Soldier (Clerk) atan mi 6 an tling bawk a ni. Tling te Roll No. chu a hnuai ami ang hi a, May ni 12 leh 15 inkara Army Recruiting Office, Zeamabawk ah in report tura hriattir nghal a ni e.

January Rally-a tling te
SHI/IZ /CL/020214/MP/47013
SHI/IZ /CL/020214/47001
SHI/IZ /CL/020214/47004
SHI/IZ /CL/020214/47005
SHI/IZ /CL/020214/47028
SHI/IZ /CL/020214/47031

April Rally-a tling te
SHI/IZ /GD/270414/1028 [ Disp ]
SHI/IZ /GD/270414/1166 [ Disp ]
SHI/IZ /GD/270414/U.P/1024
SHI/IZ /GD/270414/1031 [ Disp ]
SHI/IZ /GD/270414/1172 [ Disp ]
SHI/IZ /GD/270414/U.P/1025
SHI/IZ /GD/270414/1034 [ Disp ]
SHI/IZ /GD/270414/1178 [ Disp ]
SHI/IZ /GD/270414/U.P/1026
SHI/IZ /GD/270414/1037 [ Disp ]
SHI/IZ /GD/270414/1184 [ Disp ]
SHI/IZ /GD/270414/RAJ/1277
SHI/IZ /GD/270414/1039 [ Disp ]
SHI/IZ /GD/270414/1194 [ Disp ]
SHI/IZ /GD/270414/RAJ/1281
SHI/IZ /GD/270414/1042 [ Disp ]
SHI/IZ /GD/270414/1210 [ Disp ]
SHI/IZ /GD/270414/BIH/1290
SHI/IZ /GD/270414/1043 [ Disp ]
SHI/IZ /GD/270414/1211 [ Disp ]
SHI/IZ /GD/270414/1045 [ Disp ]
SHI/IZ /GD/270414/1213 [ Disp ]

SOLDIER TECHNICAL
SHI/IZ /GD/270414/1049 [ Disp ]
SHI/IZ /GD/270414/1216 [ Disp ]
SHI/IZ /ST/270414/39557
SHI/IZ /GD/270414/1052 [ Disp ]
SHI/IZ /GD/270414/1220 [ Disp ]
SHI/IZ /GD/270414/1056 [ Disp ]
SHI/IZ /GD/270414/1223 [ Disp ]

SOLDIER TRADESMAN
SHI/IZ /GD/270414/1059 [ Disp ]
SHI/IZ /GD/270414/1226 [ Disp ]
SHI/IZ /TM/270414/54512 [ Disp ]
SHI/IZ /GD/270414/1062 [ Disp ]
SHI/IZ /GD/270414/1231 [ Disp ]
SHI/IZ /GD/270414/1069 [ Disp ]
SHI/IZ /GD/270414/1236 [ Disp ]
SHI/IZ /GD/270414/1071 [ Disp ]
SHI/IZ /GD/270414/1244 [ Disp ]
SHI/IZ /GD/270414/1081 [ Disp ]
SHI/IZ /GD/270414/1249 [ Disp ]
SHI/IZ /GD/270414/1103 [ Disp ]
SHI/IZ /GD/270414/1253 [ Disp ]
SHI/IZ /GD/270414/1106 [ Disp ]
SHI/IZ /GD/270414/1256 [ Disp ]
SHI/IZ /GD/270414/1113 [ Disp ]
SHI/IZ /GD/270414/1262 [ Disp ]
SHI/IZ /GD/270414/1115 [ Disp ]
SHI/IZ /GD/270414/1264 [ Disp ]
SHI/IZ /GD/270414/1116 [ Disp ]
SHI/IZ /GD/270414/1268 [ Disp ]
SHI/IZ /GD/270414/1118 [ Disp ]
SHI/IZ /GD/270414/1279 [ Disp ]
SHI/IZ /GD/270414/1120 [ Disp ]
SHI/IZ /GD/270414/1285 [ Disp ]
SHI/IZ /GD/270414/1132 [ Disp ]
SHI/IZ /GD/270414/1296 [ Disp ]
SHI/IZ /GD/270414/1133 [ Disp ]
SHI/IZ /GD/270414/1297 [ Disp ]
SHI/IZ /GD/270414/1134 [ Disp ]
SHI/IZ /GD/270414/1301 [ Disp ]
SHI/IZ /GD/270414/1150 [ Disp ]
SHI/IZ /GD/270414/1310 [ Disp ]
SHI/IZ /GD/270414/1154 [ Disp ]
SHI/IZ /GD/270414/BIH/1002
SHI/IZ /GD/270414/1156 [ Disp ]
SHI/IZ /GD/270414/1007
SHI/IZ /GD/270414/1159 [ Disp ]
SHI/IZ /GD/270414/1008
SHI/IZ /GD/270414/1161 [ Disp ]
SHI/IZ /GD/270414/1018
SHI/IZ /GD/270414/1162 [ Disp ]
SHI/IZ /GD/270414/UTT/1023
(DIPR)
 
*RO PHUM RUK
DDK Aizawl chuan naktuk May ni 10, 2014 (Inrinni) atangin Documentary Film “Ro Phum Ruk” a chhuah dawn a; he film-ah hian Tripura-a Gas laih chhuahin an ram a tih hmasawn dante, a zarzotu ngei Mizo chhungkua kawmna te leh Mizoramah laihchhuah ni ve ta se, sorkar leh mipuite engtianga lo inbuatsaih tur nge kan nih tih te chhui a ni. (DIPR)
 
*LEIMIN
Vawiin tlai dar 3:30 vel bawr khan Aizawl Electric veng Hall bul a lei laih lai chu a min a, mihring thi an awm hriat a ni lo a, hliam na tak tuar 2 an awm thung a ni.

Landslide in the heart of Aizawl city

 
*INDIA PRESIDENT IN VOTE THLAK DAWN LO
India President Pranab Mukherjee chuan tun tum Lok Sabha inthlan ah hian neutral tak a awm theih zawk nan vote thlak loh a tum ta zawk a ni. A hma chuan postal ballote hmangin a vote neihna Sout Kolkata ah vote thlak a tum kha a nia. India President lo ni tawh tam tak te pawn tanlam neih bik an duh loh avangin vote an lo thlak lo tawh thin a ni.
 
*MIZO PHANTOM COURT AH INLAN DAWN
Vawiin hian Mizo Phantom ti a hriatlar K.Chhawnthuama chu court a a inlan ni a ni. Kan hriat theuh angin Guwahati Hotel pakhat ah police in an man a nih kha, Mizoram ah rawn hawpui a nih hnu in Central Jail ah a dan a ni ta char char a ni.
 
*THLITLEH IN CHENNA IN TICHHIA
Tukin zing dar 5 vel khan Kolasib district a New Builum khua ah thlitleh in PC Lalbiakdika te chhungkaw chenna in a chhem thlu a, inluahtute hi an thenawmte inah an insaseng hman nia sawi a ni a, mihring thi leh hliam an awm lo. Vawiin ah New Builum khawtlang in inchhe senghawi hnatlang an nei chhunzawm ang. He in thli in a len chhiat hi Kolasib Diakkawn a Lalremsanga te ta a ni.
 
LAMTLUANG ZINGLAM CHANCHINTHAR LAWRKHAWM
*RAMRI CHUNGCHANG:Nimin khan Mizoram Chief Secretary Pi L. Tochhawng, IAS chuan Kolasib PWD Staff Lodge-ah Kolasib DC Jitender Yadav, IAS leh Official dangte kawmin tun hnaia Buhchangphai Ramthar zau hmuna ramri buai chungchang a sawipui. Kolasib DC hian tunhnai thilthleng hi misual tlemte chet thawhna vang in ramri hrul buaina hi lo chhuak niin a sawi. Ramri hrul ah buaina chhuak thar a awm tawh hrih lo a ni.

*AMFU LAI RAMAH: Nimin khan Mizoram CM Lal Thanhawla chuan Lawngtlai CYLA Hall ah All Mizoram Farmer’s Union (AMFU) General Assmbly vawi 16 naah khuallian niin a hman pu.17.4.2014 a ram kang thelh vanga nunna chan Tv. Lalsiamkima Ralte, Buarpui khua hnena chawimawina thuziak leh pawisa fai AMFU in a pek chu khualzahawm hian Lalsiamkima Ralte pa Pu Laldawngliana hnenah a hlan nghal bawk.

*DOCTOR THAR: Samuel Lalzarlawma Sailo chuan Mizoram University-a Department of Social Work aṭangin Doctor of Philosophy a hmu thar a, a thesis chu Mizoram a hmechhe awmtha lo te enkawlna zirchianna lam hawi 'Women sex workers in Aizawl : A situational analysis' tih a ni.

*POLICE LAL BAN: Tamil Nadu sorkar chuan nimin tlai khan an state chhung a IPS officer thawk lai tunhnai a CBI additional director hna zawm ta chu suspend order an ti chhuak. An state Chief secretary in a sawi danin Archana Ramasundaram hian state sorkar hnen ah a hnathar zawm tawh hnu ah chauh hriattirna thawn hei dan kalh a ni a ti. Sorkar laipui lam thung chuan thla 3 chhung he IPS nu hi Tamil Nadu sorkar hnenah an lo dil tawh a, mahse an chhuah theih loh avangin Union cabinet meeting chuan CBI a hnathar tur hi an tihfel sak ta tho niin an sawi.

*THAILAND PM BANG: Thailand Prime Minister Yingluck Shinawatra leh a cabinet member thenkhat an ram court in a ban tir hnuah, an PM hi buhfai subsidy scheme a kalpui dan diklo avangin a chungchang thubuai an ram rorelna senate ah ngaihtuah mek a ni. Thiamloh chantir a nih chuan kum 5 chhhung politics khelh thei lo tur a hrem a ni ang.

*BOMB MITNEI: Nimin khan kan ram thenawm Pakistan chuan bomb mitnei Hataf-III Ghaznavi missile hlawhtling takin an enchhin. He missile hian nuclear ralthuam keng tel theiin km 290 a thui a kap phak a ni.

*AIGUPTA THLAN HLUI: Cairo University Faculty of Archaeology te chuan Aigupta (Egypt) ram khawpui Cairo chhim lamah hmanlai thlan hlui kum 1100 BC vel a mi ni a rin chu an lai chhuak. He thlan chhung ah hian sipai thil hlui leh an ram lal ten ramdang sorkar te tan lehkha an thawn te hmuh chhuah tel a ni.

*Mr.INDIA THLANG: India ram a tlangval hmeltha thlanna neih zawh tak Provogue MensXP Mr. India World 2014 a lawmman la tute chu: 1-na Prateik Jain Kum 25, Mumbai), 2-na Puneet Beniwal (Kum 25, New Delhi), 3-na Bharat Raj (Kum 23, Chennai) te anni. 1-na hian 15 June 2014 a Torbay, UK a Mr.World 2014 Pageant ah India ram ai a awh dawn a ni.

*HMAN KUM VAWIIN: French nula huaisen Joan of Arc chuan kum 1429 vawiin ang ah khan France khawpui pakhat Orleans ah English sipai te a hneh a ni. Tin, kum 1994 vawiin ang vek ah khan South Africa ah Nelson Mandela chu mihang zing a President ni hmasaber tura thlan tlin a ni.

*LUSHAI HILLS: Kum 1935 khan tuna Mizoram tih lo nita khatih lai a Lushai Hills ti a hriat chu phai vai ten an chim ral mai loh nan Excluded Area ah Bristish sorkar in a puang.

*In zarah liau liau Lamtluang page pawn like tu mi sangruk chuang kan nei ta che u a, kan lawm hle mai. Rawn like lo ta la sangruk hi kan tling thei lawk dawn silo a, chuvangin min lawmpui ve hle in kan ring bawk a ni. Thil pakhat ngen che u kan duh chu chu i friend list a mi te kha a tam thei ang ber kan page hi lo like tir ve tur kan ngen vek a che u. He kan news lawrkhawm sei tak hi i chhiar chhuak dap anih chuan KCCDE (Ka chhiar chhuak dap e) tih comment ah rawn type ve rawh le! Ni hman nuam vek ule.