4th May 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

Contact us: lamtluangmizo[at]gmail[dot]com

4.5.2014 

*Rs.75 A RED BULL MAN TIH TO AVANGIN Rs.NUAI 50 CHAWI TIR
Kum 2009 October tukkhat chu Chennai Airport Snack bar ah Delhi lam mi DK Chopra chuan Red Bull (Energy Drink) Rs.150 in a lei a, a to a tih em avangin dawr neitu te (A Unit of Saptagiri Restaurant) chu National Consumer Disputes Redressal Commission (NCDRC) ah a khing a, dawrneitute chu red bull man Rs.75 atanga a let thawk Rs.150 a an lo zawrh thin avang chuan Rs.Nuai 50 chawi turin thu an rem ta a ni. Thubuai thehluttu D.K Chopra hnenah pawh Rs.Sing 1 pe turin an hriattir bawk.

National Consumer Disputes Redressal Commission (NCDRC) hian Airport chhung a dawr awmte hi Airports Authority of India(AAI) in thil man tihsan phalna lo pe tawh thin mahse AAI hi thilman(MRP) chungchang a thuthlukna siamtu tur annih loh avangin thil man lo tih danglam ve ringawt hi dan kalh a ni an ti. Kum 2009 hmalam atang daih tawh khan he snack bar hian red bull manah hian a man let thawk an lo la tawh thin mai thei a, chuvangin vaibelchhe tam tak an hlep tawh atanga Rs.Nuai50 lo chawi chu an tan ana lutuk lo in hremna petu NCDRC chuan an ring a ni.

 

*PAWNGSUAL TAWK
Mi rinawm tak hnen atanga thu kan dawn danin zanin inkhawm lai khan hmeichhe naupang kum 7 chu New Capital Complex Khatla ah mipa puitling 1 in a pawngsual a, he hmeichhe naupang hian a chhungte hnenah hrilh in a pawngsualtupa hi Dinthar veng ah man a ni tawh a ni.

 

*SUNDAY MID DAY NEWS
*Odhisa ah khawlum avangin mi 10 an thi.

*Bangladesh a Kolagacha lui ah lawng chesual ah mi 8 an thi a, mi 20 chinhriat loh in an bo.

*Maharashtra ah Diva-Sawantwadi passenger train pindan 4 thlawn ah mi 4 thih ngam in an hliam a, midang 25 pawh hliam tuar an awm.

*Nashik ah state transport bus leh oil tanker insu ah mi 5 an thi a, thi zingah hian naupang 2 an tel. Mi 20 in hliam an tuar.

*Assam a Bodo hel ten an kahhlum ruang te chu an chhungten CM in a tlawh hma chu phum an tum lo.

 

 *AFGHANISTAN LEIMIN TUARTE CHHANCHHUAH HNA CHAWLHSAN A NI TA
Nimin lama kan rawn post tawh ang khan Zirtawpni chawhnu khan Aghanistan hmarchhak ramri hnaih a Badakshan province huam chhung ah ruahsur nasa lutuk vangin tlang a tawlh a, chu lei tawlh chuan khua 2 a hnawl a ni. He vanduaina thleng avang a thizat chu mi 2500 chuang ni tawh in, in chhia 370 a awm bawk. Leimin in a delh atanga chhanchhuah tawh zat chu mi 350 anni. Ni 2 chhung chhanchhuah hna thawh a nih hnuah chirh a chhah tawh lutuk avangin dam an awm theih beisei a ni tawh lo a, nimin tlai ah khan chhanchhuah hna hi chawlhsan a ni ata a ni. Leimin lai hian helai hmun ah hian innei an awm a, mipui an punkhawm that lai tak a ni awm e. Mi sangli chuang in leh lo nei lo in an awm mek a, khawvel ram hrang hrang ten tanpuina an thawn lut mek zel a ni. Vanduaina tawk tu te tan hian vawiin ah Biak In ah i inkhawm hunah tawngtaina i hlan dawnnia.

 

*LAMTLUANG WEEKEND SPECIAL (Mizo Fiamthu)
Mi Ui an lo talh ru aaa, a neitu ten an rawn zawng leh siaa...
Ui Neitu: In Ui talh chu eng rawng nge?
Ui talh rutute: A Pawl
:) :-P :D
(True Story)

3rd May 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

3.5.2014

*BODO BUAINA KAL ZEL AH RUANG HMUH BELH
Assam a Kokrajar leh Bakhsa district a Bodo hel pawl NDFB(S) ten Muslim te an tihbuai boruak thalo kal zelah vawiin khan Naryanguri khua ah mitthi ruang 9 police ten an hmuchhuak leh a, ti hian he buaina avanga thizat chu 32 an tling tawh a ni. Zirtawpni zan atanga khan NDFB helpawl te hian Muslim te chenna khua an pawng kah chiam a ni.

 

*PASTOR ACCIDENT
BCM Pastor pension Rev. Tc. Laltlawmlova chu vawiin May ni 3 2014 chawhnu dar 1:00pm vel khan a tute lam tura Lengpui Airport a panna kawngah accident in a lu ah hliam natak a tuar a, tunah hian Greenwood Hospital, Aizawl ah enkawl mek a ni. Motor hi a ma khalh a ni. Rev. Tc. Laltlawmlova hi BCM President leh AGS i/c Mission pawh ni tawh, Lawngtlai area ES te pawh lo ni tawh thin a ni. Source: BCM Kaihhnawih Group

 

*Mizoram Board of School Education (MBSE) chuan harsatna dang a awm loh chuan karleh Zirtawpni 9 May 2014 hian Cl-12 (Higher Secondary School Leaving Certificate) Exam result an tichhuak ang.

Mizoram HSSLC exam 2014 result to be declared on 9 May 2014

 

*Vawiin hi World Pres Freedom Day a ni. Kumin a he ni pual thupui chu "Media Freedom for a Better future" tih a ni. UNESCO General Conference thurawn angin kum 1993 khan UN General Assembly chuan vawiin 3 may hi kumtin a World Press Freedom Day hmanni atan a lo puang a ni. He ni hi khawvel a thuthar chhuahtu ten khapna leh khuahkhirhna tello a thil a nihna dik tak an puanchhuah zel theih nan a duan a ni. Mizoram lama kan chanchinbu miten he ni hi hmangtangkai tak maw?

 

*THAWMHNAW HAK PAN LUTUK VANGIN BOLLYWOOD MODEL MAN A NI
Bollywood filmstar leh model ni bawk Poonam Pandey chu nizan tlai tawh tak ah khan Mumbai khawpawn Mira road ah a incheidan a lo pan lutuk mah mah aniang police ten la in police station ah an hruai a, thutha an hrilh hnuah an chhuah leh. Amah Poonam Pandey chuan "Min man lo, ka car ah music ka lo ngaithla a. Police te chuan ka inthuam danah thildik lo a awm thu an sawi a, chuti chuan police station ah min hruai a, minute 2/3 ah min kal tir leh ta mai a, ka music ngaihthlak dan khan vantlang pawi a sawi aniang e " a ti ve thung a ni. Amah hi vantlang hma a mawilo tak a inchei/inthuam a puh niin Sections 110 (behaving indecently in public) and 117 of Maharashtra Police Act hmanga thubuai siam sak a ni.

Poonam Pandey hian 2011 Cricket World Cup pawh khan India team te an chak chuan saruak in ka lam ang a lo ti tawh a nih kha. Hetiang lamah hian sawi neuh neuh a kai duh bik nge maw ni Bollywood film Nasha poster ah pawh a taksa a lo tilang thui mah mah aniang dodaltu tam tak an awm phah hial kha.

 

*Afghanistan hmarchhak ram Badakhstan province ah nimin khan nasa takin lei a min a, mi 2100 an thi a, mi 4000 chuang chenna tur neilo in an awm mek bawk. Chhanchhuahna hna thawk tuten leimin in a delh te chu nungdam a lakchhuah tur in beiseina awm tawh manglo niin an sawi.

 

*Ph.D DAWNG THAR
T.John Chinliankap chuan Mizoram University-a Department of Geography aṭangin Doctor of Philosophy(Ph.D) a dawng thar a, a thesis chu 'Distribution and Adaptation of the Mizos in North East India' tih a ni. Kan lawmpui e.

 

LAMTLUANG ZINGKAR CHANCHINTHAR LAWRKHAWM
*NLUP 3rd & 4th Phase ah chuan a dawngtu ten an duh ang trade thlang tawh lovin khaw pakhat tan trade thlan theih bik siam a ni tawh dawn. Hemi atan a khawtinah "One village One crop" kalpui tur a ruahmanna siam tur hian district tinah meeting neih a ni dawn.

*Nimin khan Transport Minister John Rotluangliana'n Silchar tlawh in Aizawl-Silchar ah MST bus service dan tur ruahmanna a siam thar.

* Taxation department chuan internet kaltlang a chhiah(tax) pek theihna e-payment facility chu Industrial Development Bank of India (IDBI) kaltlangin a pe chhuak.

*Presbyterian Church of India (PCI) inkhawmpui kum khat dana neih ṭhin, Biennial General Assembly vawi 41-na chu Laitumkhrah Presbyterian Church, Shiilong-ah neih mek a ni a, Mizoram aṭangin palai 300 chuang an kal.

*Buhfai man tihto chungchangah Parliamentary Secretary TT Zothansanga chuan, "Buhfai man tihto hi kan inthlahrung lo. Kuhva fûn khat Rs. 20 te pawhin kan lei ngam a lawm," a ti.(Vanglaini)

*Election Commission of India chuan sorkar laipui chu Sipai lalber (Army General) thar ruat tur chungchang ah Lok Sabha inthlan zawh nghak tur a ngenna siam an tum,

*Mizoram thalaite ngaihsan em em, an incheina thleng a mawi inti tak a kan lo lakchhawn ve thin South Korea ram khawpui Seol ah nimin khan leihnuai rail insu avangin mi 200 in hliam an tuar.

*Portugal Open tennis tournament khelh mek ah India tennis khel thiam Sania Mirza leh a tanpui Cara Black Women's Doubles match ah semifinal an lut.

*Uttar Pradesh Loni khua Nasbandi colony ah Driver pakhat a hming Gayasuddin chuan a fanu kum 15 mi chu a hrawk a zaihlum. A fanu thah tak hi hmannai lawk ah a bialpa nen an tlandun a, police te ruaiin an hruai let leh a, a fanu khawsa zia hian a pa lung a tiawi zo ngang lo aniag ti hian a that chhunzawm ta mai niin an sawi.

2nd May 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM
2.4.2014

*ASSAM BUAINA IN ZUAL LAM PAN
Zanin atang khan Assam a Bodoland Territorial Administration Districts (BTAD) area huam chhung a district 2- Kokrajhar leh Baksa ah te curfew puan a ni. Vawiin lama kan rawn post tawh ang khan helai hmunah te hian Bodo helpawl NDFB(S) ten nizan atang khan buaina siam in mi 23 an kaphlum a, mi thahnem takin hliam an tuar bawk. Curfew hian zanin dar 6 atanga naktuk zingdar 4 thleng a awh ang. Helpawl te hian mihring ah kahlum mai bakah Muslim te chenna in te an halsak bawk a ni. Buaina chingfel tur hian Assam police te mai baka Army te pawh pun anni tawh a ni. He buaina chhuak thar leh hi Assam state chhung a political party leh tlawmngai pawl hrang hrang ten an dem thu an tarlang a ni.

 

*Mizoram Premiere League (MPL) Season-II 2nd Leg Individual trophy winners:
Top Scorer: Lalbiakhlua, Mizoram Police Fc
Best Forward: MS Dawngliana, Chanmari Fc
Best Player: R.Malsawmtluanga, Chanmari Fc
Best Keeper: Lalawmpuia, Chanmari FC
Best Defender: Zothanpuia Chanmari FC
Best Midfielder: Ruben Zosangpuia,Luangmual FC
Source: M.Lailung

 

*Mizoram Premiere League(MPL) Season-II 2nd Leg Final Result
Full time: Chanmari FC 3-0 Luangmual FC
Chanmari FC an champion ta!!!

 

*MPL Season-II 2nd Leg Final khelh mek ah Finalist 1 zawk Luangmual FC fans te lungawilo in field chhungah bottle an vawm lut nasa hle a, "Referee bang rawh se" tiin an au rual luih luih bawk.

 

*MIZORAM IN DGP THAR NEI DAWN
Ministry of Home Affairs chuan Mizoram Police lalber Director General of Police(DGP) turin Delhi a Special Commissioner of Police nilai Dharmendra Kumar, IPS (1984 Batch) chu a ruatthar. Tun thla ni 17 hma a hnathar hi zawm tur a tih a ni.

Mizoram DGP mawhphurhna chelhmek tu AK Patnaik chuan Addl. DGP hna a chelh chhunzawm ang a, IGP mawhphurhna chelh mektu Zorammawia pawh Inspector General of Police puitlingah hlankai a ni ta bawk.

 

*MIZORAM PREMIERE LEAGUE
Zanin MPL Season 2 Final 2nd leg Dar 7 ah Luangmual FC vs Chanmari FC. 1st leg ah Luangmual Fc in 2-1 in chanmari FC an hneh tawh a ni.
Source: Muantea Chinzah

 

*MIZO TLANGVAL IN SIPAI CHAWIMAWINA SANG DAWNG
Vawiin khan India President Pranab Mukherjee chuan a chenna Rashtrapati Bhavan, New Delhi ah India sipai huaisen te chawimawina hun Defence Investiture Ceremony a hmang a. He hun pawimawh takah hian India sipai mi 55 te hnenah huaisen lawmman (Gallantry award) a hlan a ni. Huaisen lawmman dawng zingah hian Mizo tlangval Tuahzawl khua, Mamit District a mi Sepoy Lallawmzuala S/o.Jacoba, 18 Rashtriya Rifles (Rajputana Rifles) pawh in Sipai huaisen chawimawina Shaurya Chakra a dawng a ni. Mizo sipai Lallawmzuala ten hel an beih dan leh chawimawina a dawn tur hi hman deuh khan kan page Lamtluang ah hian kan rawn post tawh tho na a la hre lo kan awm takin: 24 January 2013 khan J&K ah Lallawmzuala hian helho tumkuk an luhchilh na ah firfiak pawl Jaish-e-Mohammed-a an commander a kaphlum a ni. Mizo darfeng val Lallawmzuala kan chhuang in kan lawmpui e.

Defence Investiture Ceremony 2014@Rashtrapati Bhavan, Delhi
Pix:PIB

 

*ZAWNGHRI DAHTHAT TICHHE LO TURIN SCIENTIST TEN AN NGEN
World Health Organization(WHO) in kum 1980 khan khawvel atanga zawnghri(smallpox) umbo a ni ta tih an puang tawh a nih kha. Khami hnu khan zawnghri thlentu virus te hi US leh Russia a laboratory ah uluk tak a venhim na hnuai ah vawnthat a ni a, chu chu tun thla hian WHO in tihral tawh mai tur nge hemi atana research hi la kalpui zel tur ni ang tih ngaihtuah an tum a ni. Chumi avang chuan scientist 3 Inger Damon (US Centres for Disease Control and Prevention), Clarissa Damaso (Universidade Federale do Rio de Janeiro), leh Grant McFadden (University of Florida College of Medicine) te chuan zawnghri(smallpox) chu khawvel ah awm tawh lo mahse tuna research la kapui zel tho a nih avangin a virus la vawnthat chu tihchhiat loh hram nise tiin PLOS Pathogens Journal kaltlang in ngenna an siam a ni

 

*BODO HELHO IN ASSAM AH MI 11 THAT
Assam Bodo helpawl National Democratic Front of Bodoland(Songbijit) te chuan Bodoland Territorial Administration huam chhung a Balapara-I khua, Kokrajhar district ah nizan khan mi 11 an kaphlum a, an kahhlum te hi Muslim sakhaw betute niin an zingah hian naupang 3 leh hmeichhia 4 an tel a ni. NDFB(S) helpawl te hi mi 20-25 vel niin tunhnai a anmahni mi leh sa thah anih phuba laknan an che ta vak ni a rin a ni.

 

*Tlawng luihnar a kam chak avanga Greater Lunglei Water Supply Scheme (GLWSS)-in Lunglei chawm tur duh anga tam tui pump tur a hmuh loh leh khawl thawmthat a nih nana hmalak dan tur enfiahin vawiin khan PHE Minsiter Pu Zodintluanga chuan GLWSS Pialthleng a hmunah a tlawh a ni.

Kum 1995 November ni 22-a Chief Minister Pu Lal Thanhawla-in a hawn GLWSS khawlte hi a tir atanga thlak miah loh a nih avangin a hluiin pump theih loh thut dinhmunah a ding a. PHE Minister Pu Zodintluanga chuan tun sorkar kum (Financial Year) chhung ngeiin a pawimawh zual laite a rang theih ang bera thlak turin hma a lak tur thu a sawi a. India rama ‘Single Phase Pump’ sang ber GLWSS tui lakna Tlawng hnar hi a kang chak em avangin ni khata Lunglei chawm tura darkar 16 tui pump ngaihnaah tunah hian darkar 8 chauh pump tur a tlingkhawl thei a, hei vang hian tuikhuahna thlanga Pialthleng lui tui chu tuikhuahah hian pump belh thin a ni a. Hetiang harsatna hi sutkian a nih theih nan lui hnar lamah ‘recharging dam’ siamna tur survey a ni mek bawk a ni, a ti.

GLWSS-a khawl Vertical Pump leh pump-na khawl dangte chu kum 19 vela upa an ni tawh avangin chherup thei dinhmunah a ding niin PHE thawktuten an sawi a; Minister chuan a thei anga ranga a thara thlak a nih tur thu a hrilh a ni. PHE khawl siamthat chungchangah Minister chuan engineer-te siamthat theih thil a nih thu sawiin hemi kawnga a thiam bikte chu GLWSS harsatna zawngchhuaka siamtha turin ruahmanna siam nghal a nih tur thu a sawi bawk.

Kawlphetha an dawn atanga tui pump tura harsatna an tawh thin chungchang sawifiahin P&E SE (Southern Circle) Pu R.Lalrema chuan PHE leh P&E Department te inkarah thawhhona leh inbiakpawhna tha neih a tul thu Minister a hrilh a. Kawlphetha an hmuhdan leh a ‘frequency’ a zirin P&E chuan a sem rual thin thu leh tui pump a tul hunah chuan inhrilhhriat vat a, PHE mamawh kawlphetha pek chu ruahman thei a ni tih a sawi bawk a ni. Tui pump-na tana kawlphetha kalkawng tha lote endik turin MRT EE leh a hote sawmin a thatlohnate tihthat a nih chuan harsatna an tawhte sutkian a nih theih thu leh hemi atan hian PHE Department chuan Rs.50,000/- tal hnathawh nan pe thei se tih Pu R.Lalrema-in a sawi chu PHE Minister chuan a rang thei ang bera hemi chungchangah hmalak a nih tur thu a sawi nghal a ni. Heng harsatnate avang hian 132KV Sub-Station-II Kawmzawlah bun turin rawtna thlen mek a nih thu Pu R.Lalrema chuan sawiin, a hma thei ang bera he Sub-Station-II tipuitling tura ngenna Minister hnenah a thlen chu Pu Zodintluanga chuan theihtawp a chhuahpui tur thuin a chhang a ni,

PHE hnathawktute chuan P&E nena an inbiakpawhna kawngah mobile signal a awm loh avangin harsatna an tawh thin tih an sawi a, tui tha taka pump tur chuan Khawiva-a PHE hnathawkte nena inbiakpawhna tha tak neih a tul thu an hrilh chu Minister chuan hemi chungchangah pawh hmalak vat a ni ang, a ti.

GLWSS-ah hian thawktu mi 34 awmin mi 17 zelin kar khat danah an inriah luh chhawk thin a, tui hi a hma berah dar 9:30PM vel atanga pump theiin, mi pakhat hi zan 2 aia tlem lo tlaivar ang ziah an ni.

Vawiina Pialthleng hmun a tlawhnaah PHE Minister Pu Zodintluunga hi PHE SE Pu Anoop Chhetri, P&E SE Pu R.Lalrema, chanchinbumite leh heng Department pahniha hnathawk engemawzatin an tawiawm a. GLWSS-a thawktu hrang hrang ten an hnathawh dan leh harsatna an tawhte meeting-ah hian Minister hnenah an thlen a. Power lama harsatna an tawhte sutkian dan tur an sawiho nghal bawk a ni. - DIPR

 

*ABUJA AH CAR BOMB PUAK AH MI 9 THI
India ram a zing dar 2 vel bawr mipui te tui tak a anla muthilh thlurh thlurh laiin, Nigeria ram ah chuan zan dar 10 vel a ni a, an ram khawpuiber Abuja khawpawn a Nyanya hmunah car bomb a puak a, mi 9 an thi. Hliam tuar zat hi hriat theih a la ni lo mahse mi engemaw zat in hliam an tuar a ni. Bomb puahna hmun hi thla hmasa 14 April a bomb puak vanga mi 70 an thih tawh na atanga feet 650 hnai ah a ni. Bomb puahna hnai a awmten an sawi danin mi pakhat in a car a hung a, a kalsawn hlanin car ah hian bomb a rawn puak ta mai a ni an ti. Bomb puahna hmun ah hian hliam tuar buaipuitute leh police lam ten fimkhur takin tanpui hna an thawk mek a ni. Eng pawl mah in bomb puak hi an tih ah an la chhal hrih lo.

1st May 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM
1.5.2014

*Zoram thalai te hian lehkhabu tha chhiar i uar thar leh ang u. Social networking hi a nuam a, a bengvar thlak bawk a, mahse finna tak tak hi chu mithiam te kutchhuat lehkhabu chhiar hian a lo fiah in a chiang ber mai thin zawk a ni. Finna nei duh lo Zo thalai kan awm em ni le? Kan awm lo, tun atang chuan lehkhabu tha chhiar kan uar tawh dawn a ni. A dik em?

 

*North East Students Organisation (NESO) Vice President hlui Lalmuanpuia Punte, Aizawl Kanan veng chu Zoram Nationalist Party (ZNP) Thalai Headquarters President atan ruat thar a ni.

Former NESO leader Lalmuanpuia Punte is recently elevated to ZNP Youth President

*KOLASIB DC LEH HAILAKANDI DC TE RAMRI A BUAINA CHUNGCHANGAH AH INBIA
Buhchangphai Ramtharzau a Assam Police ten In an tihchhiat avanga buaina chungchangah nimin tlai khan Kolasib DC Jitender Yadav leh Hailakandi DC Sam Sher Singh te Hailakandi DC Office ah an inbia a, he inbiakna ah hian Kolasib atangin SP Rishi Pal, Addl SP MS Dawngkima leh DFO Pu Lalthlamuana leh Pu Lalrinawma, ASO te telin, Hailakandi DC hi SP leh DFO ten an tawiawm ve bawk.

He inbiakna ah hian tunhnai a Buhchangphai Ramtharzau a Assam Police ten In an tihchhiat chu Mizoram sorkarin a ngai thutak hle ani tih Kolasib DC hian a sawi a. Ramri hrulah state pahnih te inkar a buaina chawkchhuak thei zawnga hma lak loh nise, tun dinhmunah kalphung pangngai zawmin (status quo) -a kal hrih nise, tiin thutlukna an siam a. State ramri ah hmalakna tharlam siam loh nisela, ramri buaina a awm leh reng reng in, Kolasib leh Hailakandi District DFO ten joint verification neih thin ni tawh sela, buaina chingfel turin DC ve ve ten dawhkan khat kila sawi ho thin nise, thilthleng a awm a nih chuan rang taka inhrilh tawn ni bawk se an ti a ni.

Tun dinhmunah Buhchangphai leh a chhehvel khua chu Boruak a muanawm tawh hle a, 1st IR batallion Platoon thum (3) -in an awm chilh mek a, Buhchangphai leh a chhehvel khua ah buaina a thlen tawhlohna turin Patrolling an nei reng a, Vairengte SDPO leh 1st IR batallion Deputy Commandent ten an thut chilh bawk a ni.

Tin, Vairengte police Station a FIR thehluh pawh case ziah fel tawh niin, a titu leh inhnamhnawih zawng zawngte zawnchhhuah hna ngawrh taka chhuizui zel a ni tih Kolasib Addl.SP Pu MS Dawngkima chuan a sawi bawk a ni. - DIPR

*CHENNAI CENTRAL RAILWAY STATION AH BOMB VAWI 2 PUAK
Tukin dar 7 khan Chennai Central Railway station platform no.9 ah Guwahati-Bangalore Express pindan S4 & S5 ah a indawt in bomb tihpuah a ni. He bomb puak ah hian Tata Consultancy Services(TCS) a thawk engineer nula kum 24 mi thlahnih chhung a pasal nei mai tur Swathi chuan nunna a chan a, midang 14 ten hliam na tak an tuar bawk. Hliam te hi Rajiv Gandhi General Hospital, Chennai ah enkawl mek anni. Nunna chan ta Swathi hi Andhra Pradesh a Guntur khu a mi niin Hyderabad atanga engineering a graduate a ni a, thla 4 kalta khan Bangalore ah TCS hi a zawm a, Bangalore atanga an khua a haw tur ti hian vanduaina hi a tawk ta a ni. Tamil Nadu CM Jayalalitha chuan thi chhung te hnenah luman Rs.Nuai 1 leh hliam tuar nasa te tan tanpuina Rs.Sing 5 leh hliam tuar nep deuh te tan Rs.25,000 pek turin thu a pe a. Railway minister M Mallikarjun Khargea pawn thi chhungte tuarpui nan Rs.Nuai 1 leh hliam tuar na deuh te tan Rs.25,000 leh hliam tuar nep deuh te tan Rs.Sang5 pek annih tur thu a sawi bawk. He bomb puak hi tute tih nge tih tun thleng in hriat a la ni lo.