21st December 2013 news in Mizo

Latest news collection in Mizo

MIZO TAWNG A CHANCHINTHAR LAWRKHAWM
21.12.2013
*Enteh, a lo her chhuak leh dawn ta, mitin tan a hlimna tur chu!
 
*Rajasthan ah BJP in sorkar thar an siam hnu in an state chhung a IAS officer 30 te chu an post an transfer kual sak tawh a ni.
 
*Nakum a Lok Sabha inthlanpui atana an party (Congress) tan a nasa zawk a thawh a tum avangin Jayanthi Natarajan (59) chu Union council of ministers for environment & forest a nihna atangin a bang. E& F ministry hi Oil Minister M Veerappa Moily an a lo hmui rih dawn nia sawi a ni. Jairam Ramesh (Rural Development), Sachin Pilot (corporate affairs) leh Jitender Singh Bhanwar (MoS-defence) te pawh party tan a campaign turin minister annih na atang a bang mai tur a rinkai anni bawk.
 

*Nimin piah khan 23 Sector Assam Rifles hnuaia awm 14 Assam Rifles Battalion-in zirlai naupang te tan National Integration Tour an buatsaih chu Inspector General Assam Rifles (East) Major General Satish Dua, SM chuan IGAR(East) hmunpui Srikona (Silchar bul) atangin a vailiam. He National Integration Tour hian ni 17 lai a awh dawn a, he Tour a kal Mizoram, Tripura leh Assam chhim lam naupang 15 leh zirtirtu 3 te chuan North India khawpui thenkhat Delhi, Jaipur leh Chandigarh te fang kualin heng khawpuia hmun pawimawh tak tak te an tlawh ang. He tour chhung hian Union Home Minister leh Sipai hotulu nen inkawmhona buatsaih tum bawk a ni.

Maj. Gen. Satish Dua chuan hetianga National Integration Tour neih chhan chu IGAR(East) biala chhunga naupang la zin chhuak ngai lo tan remchang siam saka, India khawpui fan kual puia ram hmasawnna a taka an hmuh thei ngei nan; inpumkhatna leh hnam hrang hrang te inkara inunauna tha zawk a thlen theih nan te a ni a ti. - DIPR

 

*Aizawl: Zing atangin khua a vawt var a, inrinni zing chawhmeh leh second hand bazar pawh a lun hle. Romei a zam chiai a, ni q hmuh theih mang lo a, veng tam takah electric power cut a awm reng a, thingtlang lam mi masi bazar tam zawkin an khaw lam an pan mek bawk. Tunah hian Aizawl vawh lam chu 12C a ni mek e.

 

*Mizoram chhim lam a tuialhthei laihchhuah tur endik leh hmalatur a sorkarin contract a lo pek tawh Reliance Natural Resources Ltd chuan hmalakna engmah an la neih loh avangin Director General of Hydro and Carbon, Ministry of Petroleum and Mineral Resources chuan RIL te hi an contract an tih tawp sak.

 

*Nizan zanlai atang khan India ram pum ah petrol man 41 paise in tihpun niin diesel pawh 10 paise in tihpun a ni bawk.

20th December 2013 in Mizo

Lates news collection in Mizo language

MIZO TAWNG A CHANCHINTHAR LAWRKHAWM

20.12.2013 

*Vawiin khan hmeichhiate enkawl tur bik 'Dak In (Post Office)' Armed veng, Aizawl ah hawn a ni a, he 'Dak In' a thawk te pawh hi hmeichhia vek anni dawn a ni.

 

*Vawiin khan Mizoram CM in sms hmang a vauna a tawh chungchang a police ten an man K.Chhawnthuama, Durtlang chu magistrate hma ah hruai a nih hnu ah bail in chhuah tir a ni. Mizoram CM Lal Thanhawla hian 13.12.2013 khan tun tum Mizoram MLA inthlan chungchang ah EVM dik lo tak a hman tir ah te, election duty te dik lo tak a tham ah te puhna leh he thu chiang tak a puanzar sak a nih tur thu sms hmang a adawn chu chhui chiang turin Aizawl PS ah FIR a thehlut a ni.

 

*Vawiin khan Rajasthan Governor Margaret Alva chuan Chief Minister Vasundhara Raje kaihhruai sorkar a minister thar 12 te rinawmna thutiam tir in a lalut. MLA 9 te hi cabinet minister ah lakluh niin MLA dang 3 te chu minister of state ah lakuh anni thung.

 

*New Delhi-a cham mek Chief Minister Pu Lal Thanhawla chuan vawiin chawhma khan Prime Minister Dr. Mammohan leh United Progressive Alliance (UPA) Chairperson Pi Sonia Gandhi te a hmu.

Chief Minister Pu Lal Thanhawla chuan Prime Minister hnenah hian Mizoram sorkarin Non Plan hnuaia sum harsatna a neihte chu sutkian sak turin a ngen a. Dr.Manmohan Singh chuan rampum sum harsatna hre reng chunga Mizoram sum harsatna chu chingfel turin theihtawp alo chhuah tur thu a hrilh a. Mizoram sorkar flagship programma NLUP ah Integrated Land & Water Management telh a ni chu tha a tih thu sawiin, a programme pumpui tih a hlawhtlin ngeina turin theitawp chhuah anih tur thu Chief Minister hi a hrilh bawk a. Dr.Manmohan Singh hian Pu Lal Thanhawla chu tun inthlana sorkarna siam thei dinhmuna a inhlangkai chu a lawmpui thu a sawi bawk.

Prime Minister a hmuh zawh hian Pu Lal Thanhawla chuan UPA Chairperson Pi Sonia Gandhi hmu lehin, state dang inthlan zawh takah hnehna an chan theih loh laia sorkar siam theia chakna an chang chu a lawmpui thu alo hrilh a. Sorkar chak leh tha tak, langtlang sorkar kalpui zel turin duhsakna Pu Hawla chu a hlan a. Mizoramin sum lama harsatna a neihte chu lo enpui a, a sutkian dan tur lo ngaihtuahpui a tum thu hrilh bawkin, Finance Minister pawh lo biakrawn anih tur thu a sawi bawk a ni.

Chief Minister Pu Lal Thanhawla hian Union Minister for Commerce Pu Anand Sharma pawh a hmu a. Zokhawthara Land Custom Station la hawn loh chungchang sawipuiin, nakum 2014 chhung ngeia hawn theih anih tur thu Commerce Minister hian Chief Minister hi a hrilh a ni.

Chief Minister hian Union Minister for Power Pu Jyotiradiya Madhavroa Scindia pawh hmuin Tuivai HEPchungchang an sawi dun a. Chief Minister chuan Power Project dang pawh siam zel anih theih nan project ala thehluh belh zel tur thu Power Minister hi a hrilh a, Pu Scindia chuan theihtawp lo chhuahpui zel a tiam a ni. Chief Minister hian Pi Kumari Selja, Union Minister for Social Justice & Empowerment hmu bawkin a ministry a thil tih theih awm ang ang chu Mizoram tan ti zel ang tiin, sorkarna siam thei a chakna an hmu chu a lawmpui thu sawi pahin a hrilh bawk a ni.

Chief Minister hi Pu T.P.Khaund, Principal Adviser to Government of Mizoram leh Pu Lalram Thanga, Principal Secretary to Chief Minister ten an tawiawm a ni. - DIPR

 

*Fire & Emergency Services Department chuan mipuite kangmei laka inven leh fimkhur chungchang inhrilhhriat zau nan December ni 31, 2013 zanah Lunglei-ah ‘Musical Concert’ neih nan Rs. 60,000 an bultum sak dawn a; MJA Lunglei Sub-Headquarters-in Concert hi an huaihawt dawn a ni. He hunah hian zaithiamte an che dawn bakah kangmei laka inven leh fimkhur chungchang mipuite hriatturinpuan a ni bawk ang. - DIPR

19th December 2013 news in Mizo

Latest news collection in Mizo

MIZO TAWNG A CHANCHINTHAR LAWRKHAWM

19.12.2013
*R.L Pianmawia, MLA chu Mizoram Government Deputy Chief Whip atan ruat nawn leh a ni.
 
*Dr.Ngurdingliana, MLA chu MAMCO chairman atan ruat thar a ni.
 
*K.Chhawnthuama, Durtlang chu MLA inthlan chungchang ah Mizoram CM Lalthanhawla sms hmang a vau a puh a nih avangin police in an man.
 
* Naktuk December ni 20, 2013 hian dar 12 chhung (zing dar 5:00 AM atangin tlai dar 5:00 PM thleng) BJP, Assam Unit chuan Assam-ah bandh a huaihawt dawn a. Chuvangin hemi hun chhung hian zin mite fimkhur turin Deputy Resident Commissioner, Guwahati chuan a hriattirin a ngen a ni. - DIPR

* Mizoram sorkar a Parliament Secretary thar te hna chanpual tur chu hetiang hian siam fel a ni:
K.S. Thanga -Minister, Industries, School Education etc,.
Lt. Col. (Rtd) Z.S. Zuala - Minister, Finance, Law & Judicial, etc,.
H. Zothangliana - Minister, Higher & Technical Education, etc,.
Joseph Lalhimpuia - Minister, Home, Rural Development, etc,.
T.T. Zothansanga - Minister, Horticulture, LAD etc,.
K. Lalrinthanga - Minister, Food Civil Supplies & Consumer Affairs, Transport etc,.
Hmingdailova Khiangte - Minister, UD&PA, Sports & Youth Services, etc,.

*NGAIHDAN: India ram a Kristian tam berna ram Mizoram ah hian Krismas hi sorkar hian tourism lam a sum lakluh nan a hmang thiam lo ngawt hian i hre ve thin em? Khawvel hriat a 100% Kristian awmna ram inti si hian kan kut pui ber hi zaikhawm leh ruaitheh leh thalai carol etc tih vel bak hman dan hre chuang em em lo in kum 100 chuang kan lo hmang liam tawh a,  kan economy thalo tak siam that nan te hian heng hun te hi hman tangkangkai a tha ngawt lo maw? Sorkar laipui chawmhlawm inti reng si hian heng hunpui ah te hian rampawn khualzin te hip zawng leh khualzin ten kan ram a pawisa thlauh tir ngei tum a sorkar in programme/tourist package siam in hma a lak a hun tawh i ti ve em? Nge Thailand chu nise eng engemaw an tih leh awmsia tiin ral khat ram hi kan awt leh ringawt dawn? Enge i ngaihdan ni ve le?
 

*Vawiin hian Goa mipuite chuan Portuguese sorkar lak atanga an zalenna ni vawi 52-na an lawm. 19 December 1961 khan Goa mipuite hian Portuguese awpna lak atangin zalenna neih tumin nasa tak a an beih bakah India sipai ten operation Vijay hmang a an puih avangin zalenna an lo hmu thei ta a, chumi hnuah India union an zawm ve thei ta chauh a nih kha.

*Mizoram Larsap Pu Vakkom Purushothaman in Mizoram mipuite hnena Krismas leh Kumthar thuchah a sawi chu December 22 tlai dar 5:35 p.m hian DDK Aizawl ah tihchhuah a ni ang a. Hemi ni vek tlai dar 6:05 p.m ah AIR in a tichhuak ang a. LPS leh ZONET ten December 23 zanah an ti chhuak bawk ang. -DIPR

*Facebook i hmang a nih chuan kan page https://www.facebook.com/Lamtluang hi i lo like ve dawnnia.

17th & 18th December 2013 news in Mizo

Latest news collection in Mizo language:

MIZO TAWNG A CHANCHINTHAR LAWRKHAWM

18.12.2013
*John Siamkunga, MLA chu Chairman, Mizoram Law Commission atan sorkar in a ruat thar.
 
*S Laldingliana, MLA chu Vice Chairman, Lunglei High Power Committee ah sorkar in a ruat thar.
 
*JH Rothuama, MLA chu Chairman, NLUP Implementation Board ah sorkar in a ruat thar.
 
*H Liansailova chu Mizoram State Planning Board Vice Chairman atan vawiin tlai khan lakluh a ni.
 
*Lok Sabha ah eiruk do na leh hremna tur dan Lokpal Bill chu passed a ni ta.

*Ni 15 - 17 January, 2014 inkara Army Recruitment Rally neih tur a intlar dan tur (Programme) kimchang chu hetiang hi a ni - 15 January, 2014 ah Sipai pangngai (Soldier GD), 16&17 January, 2014 ah Sipai Technical, Sipai Nursing Assistant, Sipai Clerk/ Store Keeper, Inventory Management (IM). Sipai-a intlar tumte chuan intlarna hmun Rajiv Gandhi Stadium, Mualpui thlen hma ngeiin Physical Fitness, Educational Qualification, Mark, etc. -ah te an tlin leh tlin loh in endik hmasak vek nisela, a tha hle ang. Hrechiang duh tan Army Recruitment Office -ah emaw, Mizoram Youth Commission Office 0389 - 2310317/ 2310333 -ah emaw Office hun chhungin zawh fiah theih a ni e. - DIPR


*Mizoram Legislative Assembly Deputy Speaker atan R Lalrinawma, INC chu chuhtu awmlova thlan tlin a ni.
 

*Mizoram sorkar a Parliamentary Secretary ruatthar te:
KS Thanga, 

Lt.Col(Retd.) Z.S Zuala, 

H Zothangliana, 

Joseph Lalhimpuia, 

K Lalrinthanga, 

Hmingdailova Khiangte, 

TT Zothansanga te hi vawiin tlai dar 4-ah Assembly Conference Hall ah rinawmna thu tiam tir a lakluh anni ang.

 

*Vawiin ah Lok Sabha ah eiru te hremna tur leh chhuichianna tur dan Lokpal leh Lok Ayukta Bill chu sawiho a ni dawn a, nimin khan Rajya Sabha chuan he dan hi an lo passed tawh a ni.

 

17.12.2013

*Mihring puitling hian taksa tan a hahdam nan zantin darkar 7-8 inkar tal muthilh a mamawh niin mithiam ten an sawi.

 

*Vawiin tlai dar 5 khan Dibrugarh, Assam a bomb puak ah mi 1 boral in mi 9 in hliam na tak an tuar.

 

*Naktuk atangin Andhra Pradesh Assembly house ah Telangana Bill chu sawiho tan a ni dawn a, ruahman ang chuan zirtawpni thleng a sawiho tur a tih a ni.

 

*T Sangkunga, INC, East Tuipui Bial MLA chu Mizoram Youth Commission Chairman thar atan ruat a ni.

 

*Naktuk a thlan tur Mizoram Legislative Assembly Deputy Speaker atan tun thleng hian R Lalrinawma, INC chiah in nomination a la file a ni.

 

*MNF President Zoramthanga chuan an party hruaitu te hnenah vawiin khan banna a thehlut a, he a banna thehluh hi MNF Hqtrs OB ten ngaihtuah nghal in an pawm sak lo a ni.

 

*Vawiin khan Rajya Sabha ah eiruk hremna dan thar tur Lokpal leh Lokayukta Bill 2011 chu sawiho a ni a, Samajwadi Party member te erawhin dodal in house an chhuahsan. He bill hi nilaini ah Lok Sabha ah sawiho a ni leh ang.

 

*Angela Merkel chu a tum 3-na atan Germany ram Chancellor turin German Parliament chuan an thlang tling leh ta a ni.

 

*NLUP 2nd, 3rd leh 4th Phase tanpuina sem chhunzawm dan turah ruahmanna siam mek a ni a. Hei hi peih fel a nih hma chuan tanpuina sem chhunzawm rih lo turin NLUP Implementing Board(NIB) chuan line department te leh D.C te a hriattir a ni. -DIPR

 

*Lamtluang page/blog visitors/likes tu te in zavaiin Christmas e-card Mizo tawngin kan thawn vek a che u, kan hma lawk a Krismas lo thleng tur hi thinlung hlim tak a in hman vek kan duhsak a che u.

*DDK Aizawl chuan kumin Christmas pualin zanin dar 7:30 leh dar 10:30 inkarah Live Advance Christmas programme a tichhuak dawn a. Tunlai zaithiam lar tak tak te leh Zaipawl te zai bakah zaikhawm-na hun hman a ni ang. -DINGDI