30th April 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM
30.4.2014 

*CONGRESS GS IN CHHASS THAR NEI
Pathlawi kum 67 mi Indian National Congress party General Secretary ni mek bawk Digvijaya Singh chuan nikum a nupui a sun hnuin tunlai hian TV journalist Amrita Rai nen an inngaihzawn thu a sawichhuak. Amrita Rai hian tweeter ah a post dan chuan a pasal nen an awmhran tawh thu leh dan anga inthenna tur a tihfel hnuah Digvijaya Singh nen a inneih an tum thu a lo tarlang ve bawk a ni. Digvijaya Singh hi kum 10 chhung Madhya Pradesh Chief Minister lo ni tawh in, tunah hian Rajya Sabha MP a ni mek a ni.

Romantic bloom: Digvijaya Singh & Amrita Rai

*Lunglen Magazine Editor Sangzuala Hmar chu Mizoram Journalist Association(MJA) General Secretary thar atan ruat a ni. MJA Gen. Secy hi MJA dan angin President thlan thar in an mi duh zawng an ruat thin a ni.

Sangzuala Hmar, Editor Lunglen

*SORKAR LEH NAGA HEL TEN INKAHHAI PAWTSEI
Sorkar laipui chuan kum 13 chhung zet Naga helpawl National Socialist Council of Nagaland (Khaplang)/NSCN-K te nen a inkahhai thuthlung an siam chu kum 1 atan a pawtsei leh a ni. Sorkar leh helpawl te inkahhai(ceasefire) pawhsei lehna thuthlung hi India sorkar aiawh in Home Ministry a Joint Secretary Shambhu Singh leh NSCN-K lam atangin Supervisor of Ceasefire Y.Wangtin ten an ziak a ni.

 
 *GOVERNOR IN HSLC TOPPER LAWMPUINA A HLAN

Vawiin khan Mizoram Governor Pu Vakkom Purushothaman chuan kumin HSLC a ti tha zual top 5-te chu Raj Bhavan ah lawmpuina a hlan.

Governor hian pakhatna 2-te Lalremruati Sailo leh Malsawmzuala Royte te chu Rs. 5000/- ve ve leh lehkhabu tha tak a pe a. 2-na atanga 5-na mi 8 te hnenah Rs. 3000/- theuh a pe bawk.

Governor chuan tuna an result tha chu duh tawk mai lovin an zir leh zelna turah tun aia tang sauh sauh turin a fuih a. Tumruhna leh taimakna nen lehkha an zir chuan dinhmun sang takah an inhlang thei a ni a ti bawk.

Lawmna inkhawmah hian Governor hi Secretary to Governor Pu Manoj Kumar IAS leh Pu R. Lalvena IAS, Director, School Education ten an tawiawm a ni. - DIPR

2014 HSLC toppers with Governor and IAS officers

*PAWNGSUAL TAWK TE DARKAR 24 CHHUNGIN MAGISTRATE HMA AH HRUAI TUR
Supreme Court chuan pawngsual tawk an awmin darkar 24 chhungin Judicial magistrate hnenah hruai ngei ngei tur tiin thupek an siam. Thubuai siam a ran zawk theih nan police officer nilo in Judicial Magistrate in direct in pawngsualtawktu statement pawh an la tawh tur a ni tiin thupek thar siam a ni. Vanduaina tawk te darkar 24 chhunga magistrate hnena hruai annih loh chuan a chhan chiang tak a ziakin investigation officer in magistrate an hrilh tur a ni tawh bawk ang. Tin, pawngsual tawktu statement chu chargesheet siam a nih hma chuan tuma hnenah puanzar phal a ni lo tiin thupek siam a ni bawk.

 
*Vawiin hian Telangana state thar lo awm tur atan Assembly leh Lok Sabha inthlan neih mek a ni. MLA thlan tlin te chu Telangana state thar a MLA hmasaber tur te anni.

29th April 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM
29.4.2014

*KENYA PRESIDENT IN NUPUI TAM TAK NEIH PHAL
Lamtluang ah pawh thla hmasa a kan rawn post tawh Kenya parliament in mipa ten nupui pakhat aia tam an neih theihna (Polygamy) tur dan an pass tak kha an ram President Uhuru Kenyatta chuan dan puitling atan pawmpuiin a tak a hman a ni dawn ta. He bill hi thla hmasa a pass a nih khan parliament a hmeichhe member ten nasa takin an dodal a nih kha. He dan duhlo tute zingah hian Kristian kohhran 40 inhlawmkhawm National Council of Churches in Kenya (NCCK) pawh telin an duhloh thu nasa takin an auchhuah pui a ni. An ram kalphung ah Parliament in dan a pass chu President pawmpui angaih avangin President hian a pawmpui ta a ni. Kenya President thuchhuah chuan "Inneihna na hi mipa leh hmeichhia ten inlungrual a inzawmna an siam a ni a, kawppui 1 chauh neih(monogamy) emaw kawppui 1 aia tam (polygamy) pawh nise a pawm theih ve ve a ni" tiin.

*RUSSIA IN UKRAINE RUN AN TUM LO
US Secretary of Defense Chuck Hagel an Russian Defense Minister Sergei Shoigu bia in Russia chu Ukraine tualchhung buaina ah inrawlh tawh lo turin a ngen a ni. Russia defense minister hian US Secretary of Defence hnenah hian Ukraine in tualchhung buaina tawk mahse run an tum loh thu a lo hrilh a ni. US hian Russia chu Ukraine ramchhung a a inrawlh zel chuan khawvel ramdang te lakah a tlatlum loh telh telh dawn niin an vaukhan a ni.

*Vawiin khan Health & Family Welfare Minister Pu Lal Thanzara chuan Aizawl Civil Hospital chu chipchiar taka fanna hun a hmang.

Minister hi Dr. K. Ropari, Principal Director, H&FW, Dr. Lalbiakkima, Director, Hospital & Medical Education, leh Dr. Rosangluaia, Medical Superintendent bakah Doctor leh Nurse senior dang ten tawiawm in, Aizawl Civil Hospital-a department leh ward tin te a fang kual a. Thawktuten an harsatna tawh thin leh mamawhte an sawi chu ngaihthlak sakin, a remchan dan zel a hmalakpui Minister chuan a tiam a ni.

Accident tam avangin a bika enkawl na tur Trauma Centre mamawhna te, department thenkhat tihchangtlun ngai a awm thu te, morgue van (mitthi phurhna) indaihloh chungchang leh thawktu, a bik takin nurse indiahloh chungchang te Minister hnenah hian thlen a ni a. Referral Hospital, Falkawn tih changtlung kawng a hmalakna te, medical college din chungchanga hmalakna hrang hrang kalpui mek te sawiho a ni bawk.

Tunah hian Aizawl Civil Hospital hi India hmarchhak a sorkar hospital zingah chuan thawk tha ber pawl a ni a. Chawkawng cancer zai dam kawngah chuan North-east ah thawk tha ber a chhal theih a nih mai bakah, Aizawl Civil Hospital chu north-east state sorkar hospital zinga mit darthlalang tha lo thlak (corneal transplant) tithei awmchhun a ni a. Aizawl Civil Hospital Eye Bank ami mit darthlalang Sri Lanka-a thawnchhuah pawh a awm tawh a ni. - DIPR

Mizoram Health Minister Lal Thanzara visit Aizawl Civil Hospital

 

*DREAMHUNTER MUSIC VIDEO THAR
Mizo band chuai theilo Dreamhunter chuan "Dawn tisei tura'n" tih hla hmangin music video thar an tichhuak leh ta, a hla a nalh bakah video quality pawh a tha khawp mai, a hnuai a youtube link ah hian ngaihthlak theih e.

 

*TALIBAN MI 46 KAPHLUM
Vawiin a Afghan Interior Ministry thuchhuah in a sawi danin Nangarhar, Kandahar, Zabul, Logar, Paktiya, Helmand leh Paktika province ah te Afghan sipai ten beihpui an thlak na ah firfiak pawl Taliban mi 46 kahhhlum anni a, midang 10 hliam tuar awm in mi 26 an man bawk a ni. Taliban te hnen atang hian silai leh a mu bakah ralthuam hlauhawm thahnem tak an man tel bawk a ni.

 

*SANGHA CHITHAR HMUCHHUAK LEH TA!
Dr.Lalramliana (Tetea Lrl), Asst. Professor, Zoology Dept. Pachhunga University College chuan hian Mizoram atangin Sangha chithar (new species) a hmuchhuak thar leh ta. Khopai khaw ram chhung a Tuisih lui atangin Sangha chi thar Psilorhynchus khopai an hmuhchhuah hi International Journal Zootaxa 3793 (2): 265–272 ah tunhnai te khan khan an publish a. Khopai khua hian Tuisih an humhalh tha hle a ni.

Dr.Tetea hian Mizoram atangin kum 4 chhung lekin Sangha chithar 10 a hmuchhuak (describe) ta der mai! Mizo fish taxonomic scientist thiam tak kan nei hi a chhuanawm takzet a ni, Heng Sangha chithar te hi PUC Zoological Museum ah en theihin an awm.
http://www.mapress.com/zootaxa/2014/f/z03793p272f.pdf
Source: Hmar Lalthanzara via CHANCHINTHAR (Zofate chanchinthar inhriat tawnna)

 

*HOME MINISTER IN CHANCHINBUMI-TE A KAWM
Vawiin chawhnu khan Home Minister R. Lalzirliana chuan tunlai Mizoram chhunga law and order chungchanga sawichhuah tul a tihte tarlangin ama Office ah journalist-te a kawm. Law&Judicial Minister Pu Lalsawta, Environment & Forest Minister Pu Lalrinmawia Ralte, Parliamentary Secretary Lt.Col.(Rtd) Z.S. Zuala leh Parliamentary Secretary Pu K.Lalrinthanga ten Home Minister hi an tawiawm a.

Home Minister chuan thubelhchian dawllo leh dawta inpuhna thenkhat vanga buaina thenkhat awm mek te hi ram hmasawnna leh ram ralmuanna atana thil tha ani lova. Heng buaina te tih reh leh chhuichhuahna kawngah Mizoram Police te an chhuanawm in an rintlak thu a sawi. Court rorelna te hial rinhlelhna a awm te hi thil pawi tak thil nithei lo leh awmze nei lo a ni a ti a. Court rorelna hi sawrkar in a hriatpui lo mai nilovin tihdanglam theih pawh a ni lova. Court rorelna ah Sawrkarin thuneihna pakhatmah a neilova, a hnathawk te pawh High Court hnuai a awm an ni a ti.

Home Minister Press conference a tel journalist-ten Law & order chungchanga zawhna te chu Pu Zorammawia, IGP leh Pu Zorammuana, DIG(Range) ten an chhang a ni. - DIPR

 

*INDIA MI NOKIA CEO THAR ATAN RUAT
Tunhnai a an mobile phone sumdawnna Microsoft hnen a hralh tu Nokia company chuan Chief Executive Officer (CEO) tahr atan India ram a piang Kuwait a seilian Rajeev suri(47) an ruat. Rajeev Suri hi Manipal Institute of Technology, India atang a Electronics and Telecommunications Engineering zirchhuak a ni. Rajeev Suri hi a danglam bikna chu MBA emaw master degree nei silo a khawvel company lian ber pawl a CEO a ni pha hi a ni. Nokia hotupaber (CEO) a nih hma hian Nokia Solutions and Networks (NSN) ah hotu a ni thin a ni. Nokia hian an larpui ber mobile phone sumdawnna (Nokia's Devices & Services) chu microsoft ah hralh tawh mahse electronics thildang internet leh computer sofware dang tam tak an la siam chhuak reng tho a ni.

 

*LAMTLUANG ZINGKAR CHANCHINTHAR LAWRKHAWM
*Tunhnai a Assam police leh forest hnathawk ten Buhchangphai leilet a Mizo te in leh an thilneih te an suasam sak thin avangin Mizoram sorkar chuan nimin khan 1st IR Battallion platoon hnih (sipai 60) ramri vel abikin Buhchangphai ah te patrol turin a tir a ni.

*Liverpool striker Luis Suarez chu Professional Footballers' Association Player of the Year atan thlan niin Chelsea player Eden Hazard chu Young Player of the Year atan thlan a ni bawk.

*Sikkim khawchhak ram Thegu khua ah vur sur avangin nimin khan khualzin sanghnih chuang an tangkhang a, Black cat sipai ten tanpuiin khualzin te hi dam takin Gangtok ah an let leh thei a ni. Sikkim a vur a sur mek lai hian nimin khan Odhisa ah chuan khawlum in 40 degree celsius a pel a mi 17 khawlum vang in an boral niin sawi a ni. Odhisa ah hian Non-Ac bus te chu chawhma dar 11 atanga tlai dar 3 chhung tlan lo turin hriattir anni.

*US leh European Union chuan Russia sawisel in Ukraine khawchhak lam a helpawl te tanpuitu ah an puh a ni.

*Aigupta(Egypt) court chuan Muslim Brotherhood hotupaber Mohamed Badie leh a hnungzuitue mi 682 te chu thi turin an chungthu a rel.

*19 April zan a Khawzawl a an in a thi a chhar Ronald Lalrinpuia(25) chu Lalfakawma(23) S/o.Vulmawia, Khawzawl in damdawi duh vangin a that a ni tih police hma ah inpuang.

27th & 28th April 214 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM
28.4.2014
*BUANGA'N NUPUI A NEI DAWN E:
"Lo phone tawh lo mai rawh se aw" tih atanga Zoram khawvel in kan hriat lar, Buanga kan tih tak mai, LH.Vanlalruata 'Vavaltea' S/o LH. Lalchhuanmawii Lunglei Ramthar leh K.Lallawmsangi D/o H.Lalkhumi, Bethlehem Vengthlang te chu tunkar Nilaini 30.4.2014 tlai Dar 3 hian BCM Diamond Jubilee Hall Ramthar, Lunglei ah an innei dawn.
(Thlalak - Vavaltea leh A nupui tur Malawmi)

Vavaltea (Buanga lo phone tu) leh a nupui tur Malawmi

Source: Gilbert Renthlei via Lunglei Chanchinthar Group.
Buanga nu leh Vavaltea te inbiakna ngaihthla duh tan a hnuaia youtube link ah hian ngaihthlak theih:

 
 
*NUI LAWK ANG U!
Sap Nursery Rhyme lar tak "Johny, Johny, Yes, Papa" tih chu Mizo lengkhawm thlukin ngaihthlak tur a awm ve ta a hnuaia youtube link ah hian ngaihthlak theih e.

 

*MIZO ICON STAR SARAH-I MZU MISS AH THLAN ANI
Mizoram University zirlaite kut Vibrio 2014 zawh tak ah Varsity Miss atan LPS in Mizo Icon an thlan hmasak ber tum a top 10 a lang Sarah Lalngaihawmi, M.A (Psychology) zirlai chu thlan a ni a, 1st Runner Up-ah Bernice Malsawmdawngliani (Department of Commerce) leh 2nd runner up atan F Laltlankimi (Department of English) te thlan an ni.
source: www.vanglaini.org

Mizoram University Miss Contest winners 2014
L-R: 2nd Runner up F Laltlankimi, Varsity Miss 2014 Sarah Lalngaihawmi, 1st Runner up Bernice Malsawmdawngliani
Pix: Joe Joseph

*MH370 BORUAK AH ZAWNG TAWH DAWN LO
8 March a Malaysia thlawhtheihna bo MH370 chu ram hrang hrang ten vawiin thleng khan boruak leh tui ah te an la zawng zel a, mahse an beisei ang a engmah an hmuh chhuah tak loh avangin thlawhna hmang a boruak a zawn chu an titawp ta a ni. Tuipui leh khawmual lamah chuan blackbox tal hmuh chhuah tumin la zawn chhunzawm zel a ni ang.
 
*I CHHASS HNENA I SAWI HREH LOH TUR THIL 7 TE
Inngaizawng/nupa inkungkaihna nun hlim leh hlim loh hi mi pahnih inkawp te inkar a inbiak thiam dan a zir a ni ber e an ti thin. A chang chuan kawppui te bula thil sawi loh theih loh tawn chang a awm vek thin a ni. Chung ang hun tawn lai chuan thil sawichhuah nuam vak lo nimahse nakin zel a inkungkaihna tha neih nan erawh chuan heng thil 7 te hi a bikin nula tlangval ngaihzawng nei ten mahni kawppui te an hrilh hreh tur a ni lo:
1.MIPAT HMEICHHIATNA (Sex)
I kawppui in mipat hmeichhiatna(sex) hman a duh a nangmah i inpeih silo chuan "Aih" tih hreh suh ang che. Taksa leh rilru lam in peih miah loh chung si a kawppui te tih lungawi tum duh vang chauh a sex hman hian rah tha a chhuah chuang lo a ni. In peih lo chung ai chuan "Aih, tunah lo nidang/zandang ah zawk le" tih hi a pawi reng reng lo a ni

2. KA BEISEINA NANGMAH AH
Inngaihzawnna chu engtin zel a kalpui nge i tum thin le? I kawppui chu hlawkna hmuh nan/nawmchen nan chauh nge hmalam hun hlim tak a hmanpui atan i duh tih chiang takin hrilh thin ang che. I rilru dik tak a i hrilh chuan a ni pawh in i chungah ngaidan dik tak a neih theih phah dawn a ni.

3. NANG LO ZAWK KA HMANGAIH TLAT?
Kum rei tak inlo inkawp tawh a mahse mak deuh maiin i duhzawng dik tak i tawng ta tlat mai! chutiang boruak i tawn hunah chuan i duh zawk i thlang a nih chuan i duhthlanna chu i ngaihzawng hnenah a rilru pawh na dawn mahse i hrilh ngei tur a ni, i hrilh loh chuan i kawppui leh i tawnthar tan pawh a dik(fair) bik miah lo a ni.

4. I TAN KA INSENG VE ASIN
Ngaihzawng te tan a insenso hreh suh ang che. I hausa emaw i rethei pawh nise, i ngaihzawng tan chuan a tha ber lei/pek tum thin ang che. I pek/leisak rualin i neih atanga i theih sang ber i tih ve a ni tih hrilh hreh suh ang che. Mi tupawh hausa emaw rethei pawh nise an neih/theih sang ber kan tan a sengtute an lo awm chuan tuman kan ngainep ngai lo ang hian.

5.MIN TI RILRU HAH
A ni/nutei emaw a unau te ngaihzawng ve tho ten i inchei dan, i sam/mithmul/tinrawng chei dan an lo sawisel a nih chuan, i kawppui hnenah nuam i tih loh thu leh chutiang insawisel sak a awm tawh loh nan a hma la turin i titi pui hreh tur a ni lo.

6. DUH LEH DUHLO SAWI NGAM
In ngaihzawnna hi a tawp lamah chuan inhauh in a chhunzawm duh khawp thin a, a chhan pawh duh zawng/ngainat zawng in an loh vang te, ngaihdan in an loh vang te, ei leh in duh zawng te thleng a in an loh chuan inremlohna a thlen fo thei a ni, chuvangin tlang tak a ngainat/duhzawng in hrilh mai thin hi sawichhuah silo a inrem si lo ai chuan a tha zawk a ni. Tin, ngaihzawng hlui kan neih leh neih loh thleng a hre duh an awm pawn mahni ngaihzawng te na na chu tha tak a hrilh a tunhma nun chu engpawh nise tun amah nen a tha tak inkawp i duh zawk thu te i hrilh hreh tur a ni lo a ni.

7. MAHNI A AWM KA DUH LAWK
A chang chuan midang nen a awmho lo a a fal a tuma tihbuai loh a mahni a awm duh chang i nei thin ngei ang, chung hunah chuan i ngaihzawng hnenah tlang takin mimal rilru sen ngai chi i neih thu leh mahni a awm i duh thu i hrilh ngei thin tur a ni. I hrilh siloh a i reh daih bawk si chuan i kawppui ten an rinhlelh loh che pawn an ngaih a tha ngai lovang.

Compiled by Simi Kuriakose
Source: Times of India @Lifestyle
 
*BAWNGHNUTE PACKET CHUNGCHANGA MULCO THUCHHUAK
Mizoram Milk Producers’ Co-operative Union Ltd. chuan ni 24.4.2014 (Ningani)-a MULCO Bawnghnute buk tlinglo chungchanga PRISM ten Legal Metrology hotute nena Press mite hmaa an thu puan chungchangah a hnuai ami ang hian thu awmzia an tarlang a ni:

1. Bawnghnute rate litre khata Rs. 40 ni thin chu November ni 1, 2013 kha Rs. 45 ah tihsan a ni a. Bawnghnute standard packing hi 500 ml a ni a. Standard packing ang kalpui dawn chuan packet khat man hi Rs. 22.50 a ni a. Pawisa nawi kir thu ah harsatna a awm thin avangin bawnghnute zuartu leh mipuite tan a awlsam zawk nan packet khat Rs. 20 manin siam a ni a. Packet khatah hian bawnghnute 445 ml thun a ni. Hetianga kalpui hma hian mipui hriat turin TV kaltlanga puan zar a ni.

2. Bawnghnute pack-na polyfilm hi chhut (print) sa vekin phailam atanga lei a ni a. Vawi khatah kum khat daih te lei thin a ni. Tuna stock kan neihsa zawng zawng hi 500 ml in chhut (print) sa vek a ni a. Polyfilm thar kan la lei mai theih loh avangin kan stock neihsa hi kan la hmang zel a, chuvangin a pawna inziak leh a chhunga bawnghnute awm zat hi a inmil theilo a ni. Hetiang anih avang hian mipuiin an hriatthiam theih nan TV kaltlangin November 2013 khan puanzar a ni a, hemi bakah hian bawnghnute zuartu zawng zawng pawh mipui an hnen atanga bawnghnute leitu te hrilh hre tura hriattirna pek an ni bawk. A packet pawnah hian 500 ml tih chhut nimahsela, a chhunga bawnghnute awm zat chu 445 ml a ni. Packet khat man hi litre-ah cheng 45 a chhutin Rs. 20 man a ni.

3. Bawnghnute pack-na khawl (Packing Machine) hi darkar khata packet 4000 pack thei a ni a, minute khatah chuan packet 66 vel a chhuak thei a, packet zawng zawng hi teh/buk kim vek sen a ni lova. A tling chiah tura khawl siamrem (adjust) reng a ni chung pawhin Power supply mumal lo (voltage hniam leh sangte) leh engemaw thildang avangte pawhin a packet hi a inang vek lo thin a. Kan bawnghnute packet zawrh chhuah chin erawh hi chu a tling pangngai veka ngaih a ni.

Hetiang anga ngaih sual theih thil a awm hi pawi kan ti hle a. Mipuite hriatthiamna kan ngen a, Packet khat hi 500 ml nilovin, 445 ml a ni a, a man pawh chumi hisapa siam a ni e. -DIPR
 
*NITLA NGAILO ZION KHAWPUI TIH HLA PHUAHNA KHUA TEN THUPHA CHAWINA HMANG
Kum 1927 a "Nitla ngailo Zion khawpui" tih phuahtu Rev. Lienrum(L) Pathian thu sawi phal lova an hnawhchhuahna Khua Suongsang (Thanlon Sub-Div, Manipur) mipuite chuan Pathian hnenah thuphachawina leh ngaihdam dilna Maicham an buatsaih.

He hun pawimawh tak hi April 24, 2014 khan Suongsang khuaah Bawng 2 leh Vawk 2 talh in hman a ni a, hunserh hi Rev. Lienrum(L) fapa Rev. L.Neithang leh a tute 16 zetin an hman pui a ni.

Khatih hunlai khan Rev. Lienrum(L) chu Pathian thu sawi phal lovin Suongsang khua atanga hnawhchhuah a ni a, riah na tur nei lo a an khaw dai a khawhar taka hun a hman laiin Pathianin hla ropui leh chuai tawh ngai lo tur “Ni tla ngai naw Zion Khawpui”(Ni tla ngai lo Zion Khawpui) hi a pe ta a ni.

Suongsang Lal Pu Chunga sawi danin Pathian rawngbawltu an lo hnawl vang nge ni, an Khua hian Vanduaina tamtak a tawk thin a, an khua a changkang thei lo a, an khawchhuak zingah lehkhathiam, sorkar officers leh miropui sawi tur pawh an vang thin hle a ni. Kum tam tak hnuah ti hian Rev. Lienrum(L) an a lo belh leh hla ropui tak a phuahna hmun Thingbuk hnuaiah ngei chuan Suongsang mipuiten thuphachawina leh ngaihdam dilna hun hmang in Maicham lung an phun nghal bawk a ni. Rev. Lienrum-a fapa Rev. L. Neithang in hunserh hmang in Ngaihdam dilsakna tawngtaina a nei.

Lungphuna thu inziak :
SUONGSANG KHAWPUI INSIRNA MAICHAM “Lungsirhai kuomah LALPA a hung hnai ie” SAM 34:18 Evan. Lienrum, Suongsang khawpui 1927 kuma harsat beidawnga a tuorna chunga ngaidam inhnina maicham. “Ni tla ngai naw Zion Khawpui”

Source : Rengkhawpui Mail
Transcript: Joel Lungtau

Nitla ngailo Zion khawpui

*RAMRI KAN A M.A.P TE CHETDAN AH TIPAIMUKH KHAWTLANG HRUAITUTE LAWMLO
Manipur a Tipaimukh Sub-division Village Authority Union te chuan Parvachawm leh Lungthulienk khua a Mizoram Armed Police (MAP) ten mipui pawisawilo an rikrap an duhloh zia thuchhuah siam in an tarlang. An thuchhuah in a sawi danin kumin February 19 khan MAP te hi Parvachawm khua ah kalin in hrang hrang ah an lut a, an khaw lalpa Malsawm in pawh an zuah lo a, inthenkhat tukverh leh kawngkhar te an tihchhiat sak mai bakah mipui pawisawi lo engemaw zat te kut an thlak niin an sawi.

Tipaimukh Village Authority Union te thuchhuah in a sawizel danin kumin April ni 22 zan ah khan Parbung sub-divisional headquarter atanga 10km a hla Lungthulien khua ah MAP te hi kalin an khaw lalpa Ralkapthuom in chu a kalhna tichhia in an lut a, inchhung bungrua an tihchhiatsak zingah an thingrem a kohhran pawisa Rs.3,555 awm pawh an la tel niin an tarlang. He khua a mi Lalpiengruol s/o. Lalsiem Sanate chu MAP te hian a motor a Mizoram a hruai turin an tilui a, kut an thlak hrep hnuah an rawn chhuah leh ni a sawi niin a taksa a hliam awm avangin damdawi a inenkawl na alak phah hial niin an sawi bawk.

Tipaimukh Village Authority Union te hian state ramri kan a MAP te chet dan hi na takin an dem a, Manipur sorkar hnenah an harsatna tawh hi enfiah sak a, a adawt leh thleng tawh ngai lo tur a titawp dan ngaihtuah sak thuai turin an phut a ni.

Source:www.thesangaiexpress.com
 
27.4.2014
*POPE HLUI 2 MITHIANGHLIM AH PUANG
Roman Catholic Puithiam luber Pope Francis chuan vawiin khan Vatican St.Peter's Square ah mipui sangtam tak hmaah Pope hlui pahnih John XXIII leh John Paul II te chu mithianghlim(Saint) ah a puang a ni. Pope John XXIII hi 1958-1963 chhung in Pope a ni a, Pope John Paul II thung hi 1978-2005 chhungin Pope a ni bawk a ni. Tun atang chuan anni 2 hi mithianghlim(saint) ti a sawi anni thin tawh dawn ani.

Newly declared Saints of the two Popes

*Tukin zing inkhawm reh lai dar 10 vel khan West Phaileng, Bethlehem veng ah In pathum a kang a, inkhawm reh lai tak anih avangin bungrua chuh hman loh in a kangral hlawm a ni.

*Vawiin khan kum 64 mi Justice Rajendra Mal Lodha chu Chief Justice of India vawi 41-na atan lakluh a ni. Kumin September ni 27 ah pension in a chhuak ang.

*South Korea Prime Minister Chung Hong-Won chuan vawiin khan tun hnai a lawng chesual vanga mi 300 chuang bo leh nunna chan an awm avangin banna a thehlut.

*Mizoram Presbyterian Kohhran ten Pastor Bial Inkhawmpui an hmang mek, vawiin chawhnu hian upa boral te sunna hun leh Lalpa zanriah sakramen kilhona an nei hlawm ang.

*Mizoram Food, Civil Supplies & Consumer Affairs Department March ni 31,2014 thleng khan carrying contractor te buhfai phurhman ba Rs. 12,57,40,359/- a ba. - Zalen
 
*DARLAWN BUS ACCIDENT
Vawiin chhun dar12:30 vel bawr khan Pi Sangpuii, Darlawn bus Sawleng a inkhawmpui hruaitura a kal chu Darlawn dai ah a chesual a. Kawngthlang ft.300 velah a liam a, hriat theih chinah a hmunah mi pakhat a thi nghal a ni. Bus ah hian mi 10 vel an chuang nia hriat a ni.
Source: Amozzy Ralte Lûtmâng via DINGDI (since May 30, 1982)

Bus accident in Darlawn village, Mizoram on 27 April 2014

 

26th April 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

26.4.2014
*EPL WEEKEND RESULT
Southampton 2-0 Everton
Stoke City 0-1 Tottenham
Fulham 2-2 Hull City
Swansea City 4-1 Aston Villa
West Brom 1-0 West Ham
Man United 4-0 Norwich City
 
*Mizoram Baptist Kohhran chuan naktuk ah "Buhfaitham Pathianni" an hmang dawn. Pathianni Chawhma Inkhawm-ah Headquarters atanga thupui thlan sa "Hma i sawn zel ang u" (Phil. 3:16) tih thupui hmangin Pathian thuchah ngaihthlak a ni ang a. Hqrs. Atanga hemi ni pual thuchah buatsaih chu Kohhran tinah chhiar chuah leh Tualchhung Buhfatham Report ngaihtlak a ni bawk ang. A hnuaia tarlan thupui hmang hian tawngtairual neih a ni ang:-
i) Buhfaitham rawngbawlna kan neih theih avang leh hma kan sawn zel avangin lawmthu sawi ila.
ii) Buhfaitham enkawltu te leh a khawntu ten thahnemngaihna thar an neih zel theih nan dil i la.
iii) Chhungkaw tin ten Buhfaithamah hma kan sawn zel a thlaraubo tam tak Krista hnena hruaina hmanrua a nih zel theih nan.
Source: www.mizobaptist.org
 
*ZU MAN ATAN A FANU A HRALH
Dantia khua Madhya Pradesh a patling kum 40 mi Mohan Kewat chuan a zu man a duh avangin a fanu Rs.150 in a hralh, a thil tih an duh loh avang hian vawiin khan an khaw mipui ten police station ah an hlan. He pa hian a nupui hnathawk a a kalbo hlan in an fanu kum 1 mi chu mi tutih hriatloh hnenah a zu man tur a duh avangin a hralh thu police te hmaah a inpuang a ni. A nupui Pushpa in a sawi danin an pa hi zu ngawl vei hnathawk peih silo a ni a, an fanu hmasa pawh a lo hralh tawh niin a sawi.
 

*Vawiin a Mizoram Health Department official 1 in Indo-Asian News Service (IANS) a hrilh danin Mizoram in medical college a nei thuai dawn a, Union health ministry nen pawh thuthlung (memorandum of understanding) an ziak fel tawh a ni. A sawi zel naah Mizoram medical college neih tur chu Aizawl Civil hospital khum 300 awmna ah tan a ni ang a ti. Bultanna tur sum Rs.Vaibelchhe 45 pawh pawm a ni tawh a, tin, Zemabawk ah cancer care centre changtlung zawk din tum a hmalak mek a ni bawk a ti.

 

*HSLC 2014 Topper Malsawmzuala leh Top 5 Mary Zonunmawii te, an pahnih hian St.Peter's Higher Secondary School, Chhingchhip a zirlai an ni.
Pix courtesy: Dennis Lalfela
#Mizotopper #MBSEresult #Chhingchhip

Mizoram HSLC 2014 toppers from St.Peter's Higher Secondary School

 

*Vawiin khan Mizoram State Veterinary Council (MSVC) leh Indian Veterinary Association, Mizoram tangdun te huaihawt in 'World Veterinary Day' chu Tourist Lodge, Chaltlang ah Veterinarian-te leh ranvulh lama tui ten an hmang a. He hun hi AH &Vety Minister Pu C.Ngunlianchunga leh Secretary Pu C. Thatkunga ten an hmanpui a ni. World Veterinary Day lawmna inkhawm ah hian kal khawmte hnenah mithiam ten 'animal welfare' tih thupui hnuaiah zirtirna an pek bakah Veterinarian thawkthate hnenah chawimawina MSVC in hlan bawk a ni. -DIPR

 

*KAN SAWISEL IN AWMZIA A NEI(?)
Nimin tlai lama MBSE Website a an thil ziah dikloh leh thlalak duhkhawp lohna kan page a kan rawn tarlan hnu khan vawiin lamah www.mbse.edu.in kan entha leh chhin a, kan sawisel thenkhat chu siam that a ni tawh a, thlalak pawh vai thlalak 1 chu a la awm hram a, a dang chu Mizoram landscape leh Mizo thlalak a awm ve ta e, kan sawisel in awmzia a nei ve niin kan hria. Siamthat ngai lai tam tak a la awm tho in kan hria a, a enkawltute hi Mizo an lo nih palh tak hlauh in tih thilthu ah saptawngin open appeal nizan a kan ziah chu lo chhiar duh in awm takin a hnuaia link ah hian chhiar theih e. In chhungte/thiante MBSE a thawk an awm chuan in lo hrilh darh dawnnia.
http://lamtluangnews.blogspot.in/2014/04/open-appeal-to-webmaster-of-mizoram.html

 

*Jammu & Kashmir a Shopian district a Manlo hmunah nimin tlai atanga tukin thleng a India sipai te leh firfiak pawlte inkahna ah India sipai Major 1 leh sipai lumum (jawan) 1 an thi a, firfiak pawl lam mi 3 an thi tel bawk a ni.

 

*CHANCHINTHAR LAWRKHAWM
*Mizoram Law & Judicial Secretary P.Singthanga'n Mizoram a High Court hmunhma cheithat naturin Rs.Vaibelchhe 9 DONER ministry in a thuphung in a pawm tawh a, chumi sum chu a lo kal hunah High Court tur hmunhma chei nan hman a ni ang a ti.

*Food & Civil Supply Minister John Rotluangliana'n buhfai man tih san a ni dawn tih a sawi chu eptu lam a bikin ZNP ten na takin an dodal thu an sawi.

*Vawiin ah Mizoram Presbyterian Kohhran Pastor Bial hrang hrang a palai ten Bial Inkhawmpui rorel inkhawm an nei ang.

*Israel in Palestinian te nen a inbiakna an titawp lailawk.

*UK leh Kenya mithiam ten Kenya ram Kusumu county a sanghamantute zing a research an neih Plos One journal a an chhuah in a tarlan danin Mipa zahmawh (z***) nei lian te aiin nei te ten nupa nun (sex) an hman laiin an nupui te lungawina an pe tha zawk niin an sawi. Mipa zamawh (til) lian avangin an nupui ten nupa nun (sex) hman laiin na an tuar theih thin avangin zahmawh (penis) nei te zawk te tan lungawina siam a alsawm zawk an ti a ni. [He thu post hi Mizo te chhiar tur atan chuan kan inthlahrung khawp a, khawngaihin rilru puitling takin pu in a ni lo zawng (sexual offensive/vulgar) a ngaikawilo turin leh sex education ang zawnga  lo chhiar zawk turin kan in ngen e.]

*Matric pass lawm nan vawiin tlai a chaw eikhawm tum an awm nual dawn ni a rin a ni :-)

Open Appeal to Webmaster of Mizoram Board of School Education

To,

Website Administrator,

Mizoram Board of School Education,

Chaltlang, Aizawl, Mizoram -796012

Subject: An open appeal to review MBSE official website (www.mbse.edu.in)  contents and to make necessary correction.

Dear Sir/Madam,

While checking HSLC 2014 result that you have recently declared we came to know that your esteemed office has new website template (http://mbse.edu.in)  We have found many textual errors in your website, and most unscrupulous mistake in disclaimer section is even your official nomenclature "Mizoram Board of School Education" is incorrectly written with "Mijoram Board of School Education". We have never heard there's Mijoram state under the sovereignty of Indian republic, if we are being ignorant on this regard we beg your kind excuses. In your website home page picture slider section we have also seen very strange name of "Mizoram School Board Education", is this a new board set up in Mizoram? or we are being ignorant again? We think it has to be written as it proper name i.e. "Mizoram Board of School Education". Moreover, in Affiliated school section we also came to know that there's "Aizwal District", if you can tell me where is Aizwal district located? or is it newly created district in Mizoram? Sir/Madam, as per our very limited knowledge we knew only Aizawl district not ever being heard about Aizwal district! Moreover, could you please tell us since when Cachar, Assam is included under the domain of Mizoram Board of School Education? You had included this also in Affiliated school section!

To be honest and not to be consider as racist your website home page picture slider also showing non-Mizo students and teachers, if you can add or replace with some pictures of our very own Mizo students and teacher we will be very much obliged to you. In our opinion your website is funded from Mizoram state budget and your main concerned must be Mizoram state, therefore displaying non-relating Mizoram pictures may be inappropriate for public views, it can also be consider as insulting to Mizo students and teachers. Nowadays thing can be done easily as we are living in technology era, we think there's a government school near to your very own MBSE office (Chaltlang, Aizawl), just get down for a while and click with your camera so that you may have beautiful Mizo students and teachers pictures for your web sliders. If Mizo students and teachers pictures are displayed on your home page than the existing ones we will be much more delighted.

Sir/Madam, we request you through this open appeal to take necessary correction in your esteemed office website i.e www.mbse.edu.in, if you consider this appeal we the concerning Mizo citizens will be grateful to you.

Thank You,

Yours Sincerely,

Editorial Staff,

Lamtluang Mizo Online News Service,

Aizawl (Not Aizwal), Mizoram (Not Mijoram).
Dt.26.4.2014

(We are enclosing screen shot images of erroneous in your website that need to be corrected, kindly check it from below.)

Error no.1 Mijoram Board of School Education (What is Mijoram?)

Error no 2. Aizwal District (What is Aizwal?)

Error no 3. Mizoram School Board Education (We never heard this!)

Error no.4 Can we have Mizo students pics here?

Error no.5. Can we have Mizo pictures instead of this?

Error no.6. Is Cachar, Assam is really included in MBSE domain?

24th & 25th April 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM
25.4.2014

*MBSE WEBSITE AH MIZO NAUPANG THLALAK HMANG ZAWK SE!
Mizoram Board of School Education (MBSE) official website (http://mbse.edu.in/) home page a thlalak/slider an hman hi Mizo naupang/zirtirtute a hman theih loh em ni aw? Vai naupang leh zirtirtute an hmang daih mai a, MBSE office awmna hnai sorkar sikul naupang emaw zirtirtute thla te la zuai se a harsa awm lo a sin mawle!!! Chuan a home page hnuai disclaimer ziahna ah hian "Mijoram Board of School Education" an la ti kulh bawk a. Siam that deuh chu a ngai a ni. Enge i ngaih ve dan le?

 
*MIZORAM HSLC TOP 10 LIST
1. Lalremruati Sailo, St. Pauls Higher Sec. School.
Malsawmzuala Royte , St. Peter's Higher Sec. School, Chhingchhip.
2.Lalruatfeli, St. Pauls Higher Sec. School.
Snehasudha Subhadarshini Sahoo, St. Pauls Higher Sec. School.
Rochansangi Sacred Heart School, Lunglei.
C. Ramdinpuii Zorem, BHSS Lunglei
3. Christina Lalnunfeli Helen Lowry Higher Sec. School.
4. Teresa Vanmalsawmi St. Pauls Higher Sec School.
Lalzara, St Pauls Higher Sec. School
5. Mary Zonunmawii St Peters Higher Sec. School, Chhingchhip.
6. Wahengbam Loyanganba Tiny Tots School, Aizawl.
Samuel Lalruatfela , Gov't National High School, Phullen
7. Vanlalthupuia , St. Pauls Higher Sec. School
8. Emily C. Zothanpari, Helen Lowry Higher Sec. School
9. Dodi Lalthatluanga, Home Mission School
Malsawmzuali Khiangte, St Pauls Higher Sec. School.
C. Lalnunchama, Sihphir Venghlun High School, Sihphir.
10. Lalzikpuii Chenkual, St pauls Higher Sec. School.
Lalbeiseii Sailo, Sacred Heart School, Lunglei.
 

*HSLC RESULT CHHUAK TA
Vawiin khan Mizoram Board of School Education chuan High School Leaving Certificate Examination - 2014 result a ti chhuak a, a pumpuiah 1-na mi 2 awmin Lalremruati Sailo d/o Lalhruailiana Sailo, St. Paul's HSS, Aizawl leh Malsawmzuala Royte S/o Rotluanga, St. Peter's HSS, Chhingchhip te anni. Rampumah pass parcentage 80.21 a ni. Result hi online in mahni hming/roll no hmangin hemi link ah hian en theih a ni: 

http://results.indiaresults.com/mz/mbse/hslc-exam-result-2014/query.htm

 

24.4.2014

*INDIA RAM UNIVERSITY THA TOP 10 A LANG TE
Kumtin a khawvel a University tha thlang thintu lar tak British magazine Times Higher Education (THE) leh Thomson Reuters tangkawpin an buatsaih thin 'Times Higher Education World Reputation Rankings' chu tih chhuah a ni ta a, citation database information hmanga teh a India ram University/Higher Institution tha an thlanchhuah Top 10 (Times Higher Education India Reputation Rankings) a lang te chu hengte hi anni:
1. Indian Institute of Science (IISc), Bangalore
2. Indian Institute of Technology Bombay (IITB)
3. All India Institute of Medical Science (AIIMS), Delhi
4. Indian Institute of Technology Kanpur (IITK)
5. Indian Institute of Technology Delhi (IITD)
6. University of Delhi (D.U)
7. Indian Institute of Technology Madras (IITM)
8. Indian Institute of Technology Kharagpur (IITKGP)
9. Aligarh Muslim University (AMU)
10. University of Hyderabad (UoH)

 

*ZEPHYR MAPUIA'N NUPUI NEI DAWN
Fiamthu hmang a Zofate min tihlim thintu Zephyr Drama club hotupa H.Rotluanga (Mapuia Hauhnar) leh Chanmari West nula T.Malsawmtluangi te chuan 14 May 2014 ah hian Aizawl Dinthar Presbyterian Biak In ah inneih an tum.

Mizo comedian Mapuia of Zephyr Drama to tie a knot with his girlfriend

 

*INDIA ARMY CHIEF THAR RUAT HNAI DAWN
Sorkarin Vice Chief of Army Staff nilai Lt. Gen Dalbir Singh Suhag chu Army General thar atan a ruat thuai dawn ni a sawi a ni, news report thenkhat a a landan chuan vawiin ah Prime minister office lam in General thar ruatna tur hi an peih hman beisei a ni. Tuna India army General nila iGeneral Bikram Singh hi July 31 ah a pension dawn a ni. Election neih lai a nih avang Sorkar tan hian appointment liantham siam a harsat lai a ni mek thung.

23rd April 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM
23.4.2014
*PUTLUNGASIH AH IN 12 KANGRAL VEK
Vawiin ni 23.4.2014 chhun dar 12 vel khan Putlungasih, Lunglei District khawtlang lamah kangmei chhuak vangin mihring chenna in 12 a kang ral. He kangmei chhuak ah hian chhungkaw thenkhat chuan an bungrua tlema zawng an chuh hman a, mahse a tam zawk hi chuan engmah an chuh hman lo a ni. Kangmei hi Pu H. Lalhmingthanga In atanga in tan a ni a, a kan chhan chiah hi hriat nilo mahse electric current kal sual vang a nih a rinawm ber.
Inkang tuartute chu:
1. H. Lalhmingthanga
2. Zonunpari
3. T. Lalfakzuala
4. T. Lawmsanga
5. Lalfakkima
6. C. Lalkhuma
7. Remsanga
8. Lalhmangaihsang i
9. Laldinthara
10. PC. Ha
11. Suna Hemrom
12. Vanlalnghaka
Source: Sena Leo Ngente via Mizoram Breaking News Group

Fire gutted twelve houses in Putlungasih village in Mizoram Lunglei District

 *MATRIC RESULT CHHUAK DAWN HNAI
Mizoram Board of School Education (MBSE) chuan harsatna dang a awm a nih loh chuan tunkar Zirtawpni 25 April 2014 hian High School Leaving Certificate (HSCL) exam result an ti chhuak dawn. Cl-X result nghal mek te tan MBSE office Chaltlang ah emaw an website www.mbse.edu.in ah ngaihven theih a ni ang.

MBSE HSLC Result 2014 will be declare on 25th April

 

*THLAWHNA AH PHONE LEH LAPTOP ILO HMAN PHAL NI DAWN
Directorate General of Civil Aviation (DGCA) chuan zinmi te tan India ram a thlawhtheihna service chhungah ah te electronic hmanraw(portable electronic devices) thenkhat cellphones, tablets/ laptops te chu non-transmitting/flight mode a dah in hman a phalsak ta. Phone/tablet/laptop te Flight mode ah dah a nih chuan thlawhna chuan pahin music ngaihthlak te, games khelh te, movie en te a theih tawh dawn a ni.Nikum December thla khan British Airways chuan thlawhna chhungah flight mode a dahin cellphones hman an lo phal tawh a, American leh European airlines thenkhat pawh in flight mode a dah a nih chuan electronic thil thenkhat te thlawhna chhungah hman an lo phal tawh hlawm bawk.

21st & 22nd April 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM
22.4.2014

*MH370 BO KHA KHAWMUAL LAM A ZAWN RILRUK TAN
Ni 45 zet khawvel ram hrang hrang 20 ten an zawn hnu pawh in Malaysia thlawhtheihna MH370 chu a chin hria ren reng an la awm thei chuang lo a, tuna a bona zawn nia rin zawn mek na Indian Ocean chhimlam ah engmah hmuh thar a nih loh chuan khawmual lamah zawn tel rilruk tan a ni. Daily mail in an tarlan dan chuan bo zawngtu ram tam tak chuan MH370 kha tuipui ah tla lo in khawmual khawi lai ah emaw a awm zawk mai thei niin an ring tan a ni.

 

*MANCHESTER UNITED IN DAVID MOYES AN BAN
Manchester United chuan an manager nilai David Moyes chu mi tam tak rin ang ngeiin an ban ta, manager thar an neih hma chuan an club enkawlna hna chu Ryan Giggs kut ah awm hrih dawn a ni. Tukin khan Manchester United Club Chief executive Ed Woodward chuan an manager David Moyes chu club hruaitute thu tlukna anga bang turin Carrington training ground ah a hrilh a ni. Sir Alex Fergusion khan a chawlh dawn in David Moyes hi a aiawh turin a thlang kha a ni a, mahse Moyes a ho hian tun EPL season ah champion lai kha 7-na ah an tlathla ta dawrh a chuvang in club hruaitute leh fans te lung a dum zo ta lo ni berin a lang.

 

*RANI IN PASAL NEI
Bollywood filmstar Rani Mukherji chuan nizan khan Italy ramah hunrei tak a lo zui tawh Film Director-Producer lar Aditya Chopra nen an innei. An inneih ah hian an thian tlemte sawm bik te chauh an tel a ni.

 

*MIZORAM MITIN IN Rs.SINGNGA CHUANG LEIBA NEI
Vanglaini chanchinbu in an tarlan danin sorkar kum kal mek 2013-14 (revised estimate) thleng in Mizoram sorkar in leiba a neih zat chu Rs. Vaibelcheh 5455.95 a ni a. Sorkar leiba hi sem rualin Mizorama mi tinin Rs. 50,008.06 zel leiba nei ang an ni.

Mizoram sorkar leiba hi kum tin rulh ṭhin ni mah se, kum tinin a pung zel a, kum 2014-15 a Mizoram leiba chu cheng vbc. 2288.35 a ni. Kum 2004-05 aṭanga 2014-15 thlenga Mizoram leiba hi cheng vbc. 5455.95 a tling a, kum 9 chhunga Mizoram leiba punna hi cheng vbc. 3167 a ni.
Source: www.vanglaini.org

 

*MIZO BOOK OF THE YEAR 2013 AH 'THINGLUBUL' THLAN A NI
Mizo Academy of Letters (MAL) chuan kum 2013 chhunga Mizo iráwm chhuak lehkhabu chhuak zinga tha ber atan Lalpekkima ziah, 'Thinglubul' tih an thlang.

Book of the Year 2013 hian lawmman Rs. 5,000 leh thuchei a keng a, lawmman hi April 23, Nilainia Synod Conference Centre-a MAL golden jubilee lawmnaah hlan a ni ang. MAL golden jubilee lawmnaah hian MAL member te, Academy Award dawng tawh te, Book of the Year dawng tawhte leh an thawhpui pawl hrang hrangte tel turin an sáwm a ni.
Source: www.vanglaini.org

 
21.4.2014

*MALAYSIA AIRLINES THLAWK KIR LEH
Tukin zing ah khan Malaysia Airline MH192 chu Kuala Lumpur atanga Bangalore pan a an thlawh chhuah laiin a tumna(landing) gear in a control zing a ke(tyre) pakhat a kang a, hemi avang hian Kuala Lumpur airport pan in an thlawk let leh a him takin an tum chawpchilh leh (emergency landing) a ni. He thlawhna Boeing 737-800 ah hian passenger 159 chuangin crew member 7 an chuang a ni.

 

*MANCHESTER UNITED IN MANAGER THLAK DAWN EM?
Tunhnai a thuthang hrang hrang ah Manchester United manager David Moyes chu an ban dawn tih thawm a awm a, hemi chungchang ah BBC in Manchester United hotute an biak pawh in engmah manager chungchang hi an sawi lo a ni. David Moyes hi Sir Alex Fergussion khan kum 26 Manchester United a enkawl hnu ah a mah thlak tur a thlan kha a ni.

 

*Vawiin khan Delhi High Court a hmeichhe Chief Justice hmasaber niturin Justice G Rohini chu thutiam tira lakluh a ni. Justice Rohini hi Osmani University leh College of Law (Andhra University) atanga dan lam zirchhuak niin Andhra Pradesh High Court ah judge a ni thin a ni. Kum 1980 khan advocate turin in a inziaklut a, chumi hnuah Andhra Pradesh State Bar Council ah chairman niin 2001 ah sorkar ah additional judge in a lut a, 2002 ah permanent judge a ni chhunzawm a ni.

 

*April 17 &18 a Mizoram Police ten an man ruihhlo (Khehpuam) phurhna motor neitu Lalrozara hian Congress party-a Media Cell secretary a nihna aṭanga bânna a thehlut a, a bànna hi MPCC president, Lal Thanhawla chuan a pawm­sak nghal a ni. Lal Thanhawla chuan, damdawi man chung­changah Lalrozara chu a inhnamhnawih a nih chuan ngaihthiam chi a nih dawn loh thu a sawi. Tin, Man zingah hian a bultumtu ber a puh Mizoram Youth Commission member Lalremsangi Fanai, Falkawn leh midang 5 te pawh central jail ah dahluh anni tawh a ni.
Source: www.vanglaini.org

19th & 20th April 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM
20.4.2014

*Mizoram Congress Party Spokesperson (Thupuangtu) leh Media Department-a Secretary Lalrozara tun hnai Mizoram Police CID ten Khehpuam chungchanga an man zingah khan a tel a, vawiin khan Aizawl Civil Hospital ah a hriselna Doctor ten an endik hnu in Central Jail lamah an thawn thla ta a ni.

 

*PONDICHERRY UNIVERSITY ADMISSION TIH THEIH
Pondicherry University (Central University) ah Post Graduate course zir tum tan online application 23.4.2014 - 15.5.2014 chhungin a thehluh theih. Chiang zawkin University website http://www.pondiuni.edu.in/ ah en theih e

 
*DELHI UNIVERSITY PG COURSE APPLICATION HUN PAWTSEI
Delhi University Post Graduate online application submit theih hun chhung pawh sei ani a tunthla 30th April thleng online a apply theih a ni, hetah hian mumal zawkin en theih http://admission.du.ac.in/pgadm/
 

*THINGTLANG MITEN AN LEILAWN SIAM AH POLITICIAN TE KAL VE PHALLO
Bihar a Dharbanga parliamentary constituency huam chhung a thingtlang khua te chuan Lok Sabha inthlan April 30 a neih tur ah vote thlak an tum loh thu an sawi a, politician ten inthlan dawn apiang a luiral leh lam khuate Kamalpur - Brahmotar Ghat kal kaina tur cement concrete a lei dawh an intiam ziah hlawhtling ngai chuang silo chu an hre peih tawh lo niin an sawi. He an lungawiloh avang hian nikum November thla khan in tin a Rs.3 khawnin an mahniin mau leilawn metre 40 a sei, metre 3 a zau an dawh chawp ta a, chu an lei dawh chu thuthiam hlen ngailo politician (MP & MLA) te zawh ve an phal sak loh avang in heng khua ah te hian politician tumah campaign tur in an kal kai ngam ta lo a ni.

 

*FACEBOOK CHHASS IN A BUM VANGIN KAPHLUM
Nimin khan tlangval kum 22 mi U.P a Muzaffarnagar khua a mi Vineet Singh chuan Jabalpur ah kum 3 chhung facebook kaltlang a lo biak C.K thin Jyoti Kori chu a kaphlum. Police ten an chhuichianna ah Jyoti Kori hi nu pasal nei tawh kum 45 mi niin fa 3 a nei tawh a, housewife a nih avangin facebook ah a chat regular thin hle a, nula kum 21 mi ni a insawiin a profile picture ah pawh filmstar thlalak a hmang thin a ni. Amah kaphlumtu Vineet Singh nen hian online a intawngin kum3 chhung inhmu lo a an lo chat tawh thin hnu ah nimin khan Jabalpur a marble rock ah inhmu turin an in tiam a, an in hmuh nuah a bialpa chuan bum a ni tih inhrechhuak in silaiin a kaphlum a, amah pawh inkap ve nghal in a hliam tuarin lo in damdawiin a thi chhunzawm ve leh a a ni. A ruka mipa lo be thin Jyoti Kori pasal hi irrigation department ah clerk niin fa 3 an nei a, an fanu upaber pawh kum 21 mi a ni tawh a ni.

 
*"Isua a tho ta sawi ang khan" Happy Easter!

Easter Sunday  Morning 2014
Pix:azassk

*Lal Isua thawhlehna ni hriatrengna Easter Sunday Chibai le!
 

19.4.2014

*MIZORAM KOHHRAN LIAN 2 EASTER SUNDAY 2014 PROGRAMME
Mizoram Presbyterian Kohhran te chuan naktuk Easter Sunday hian Synod atanga thupui thlan sa 3 - "Thihna leh thlan thim hneh zovin Isua a tho leh", "Tho leh Lalpa Minunga hi a mite hnenah a inlar" tih leh "Isua thihna leh thawhlehna tawmpuitute rilru put dan tur" tih hmang te in chawhma, chawhnu leh zan inkhawm ah te thuchah an ngaithla dawn a. Hetih lai hian Mizoram Baptist Kohhran chuan naktuk Easter Sunday Chawhma lam Inkhawm ah Headquarters atanga Easter Sunday thupui thlan sa – “Thawhlehna Thiltihtheihna” tih hmangin thusawituten thuchah an puang ang a. Ram pumah Tawngtai thupui thlansa hmangin tawngtairual a ni bawk ang. Chawhnu lamah Kohhran inpawlhona leh zaikhawm awmin zan lamah pawh Inkhawm banah zaikhawm programme siam a ni bawk ang.

 

*Mizoram Baptist Federation (MBF) chuan a vawi khatna atan Lunglei Chanmari Biak inah April 25-17, 2014 hian General Conference an nei dawn a, Conference thupui atan “Inpumkhatna” (John 17:11) tih thu hman a ni ang. Zirtawp zan-atangin zan tin Vantlang Inkhawm leh Chhun lamah pawh Inkhawm leh Fellowship Programme te siam a ni. Inrinni chhun dar 11:30-4:00 chhungin MBF Rorel a awm ang a, hemi chhung hian Rorel ve lo te pualin Fellowship program siam a ni bawk. Heng Programme hrang hrangah hian Kohhran member a duh apiang tel theih a ni.

Tunah hian Mizoram Baptist federation (MBF) ah han member (Association) 5 an awm mek a chungte chu:-

1.Baptist Church of Mizoram (BCM)
2.Lairam Isua Krista Kohhran (LIKBK)
3.Zomi Baptist Church (ZBC)
4.Evangelical Baptist Convention(EBC)
5.Conregational Church of India, Maraland (CCIM)
6.Fundamental Baptist (FBAM)

MBF Hruaitu ni mek te:
Chairman : Rev. H. Lianngaia
Chairman Elect : Rev. Dr. Raltawnga
Secretary : Rev. Dr. Lalpekhlua
Asst. Secretary : Rev. AZ Beirakhaw
Treasurer : Rev. TC Lalsanghmuna
Fin. Secretary : Upa L. Laizika
Source: www.mizobaptist.org

 

*Vawiin khan Jammu & Kashmir a Nowpora khua, Sapore district ah firfiakpawl Lashkar-e-Taiba (LeT) lo tanpuithintu Imran Ahmad Jabroo chu zirtawpni zan a tualchhung hmeichhe 1 kidnap a tum vangin mipui lungawilo in a chenna in leh a in kawt a car 2 awm te an hal ral sak a ni.

*Australian official ten Malaysia thlawhtheihna bo MH370 black box Indian ocean tuihnuai a an zawn mek chu ni 5-7 chhung a zawh theih an inbeisei a hetih lai hian Malaysia Transport Minister Hishammuddin Hussein ve thung chuan "Vawiin leh naktuk atan he kan thil zawn chungchang ah hian dinhmun khirh tak ah kan ding mek a, engemaw tal kan hmuh chhuah theih nan khawvel a mi zawng zawng te min tawngtaipui turin kan ngen a che u" tiin a sawi a ni.
 

*Abdelaziz Bouteflika chu Algeria President atan thlan nawn leh a ni. Amah khingtu Ali Benflis chuan inthlanna ah hian thil fel tawk lo a awm tiin a tang ve thung.
 

*Australian National University (ANU) leh Germany ram a University of Heidelberg mithiam inkawp ten chloroquine hmanga sikserh(malaria) enkawl dan thar an hmuchhuak.
 

*Nimin khan Mizoram leh khawvel hmun hrang hrang ah Kristian ten Lal Isua tuarna pualin Good Friday programme urhsun takin an hmang.

 

*GOOD FRIDAY PUALIN INKHENGBET

Nimin Good Friday khan Philippines ram hmarlam San Pedro Cutud khua ah kumtin an lo tih thin dan angin Lal Isua tuarna hriatpui nan mi thenkhat in Kros ah an inkhenbeh tir leh a ni. Kros a inkhenbeh tir hi mi 18 chuang an tling a, an zingah hian lemziakthiam Ruben Enaje (53) te Demark mi Film siamtu Lasse Spang Olsen (48) te pawh an tel a ni. He tiang a mahni duhna avanga Kros a inkhenbeh tir hi he khua a Roman Catholic kohhran leh Health department lam chuan mihring taksa tan a pawi thei thil ni a hriat avangin tihtawh loh an duhthu an sawi chamchi a ni.

17th & 18th April 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM
18.4.2014

*Nilaini kalta a South Korea a lawng chesual a tel ve sikul naupang za chuang lai kalpuitu Danwon High School Vice Principal Kang Min-gyu (52) chu kawnghren hmanga thingkung a inawkhlum a hmuh a ni. Vice Principal Kang Min-gyu hi lawng chesual ah hian tel ve in tui atanga chhanchhuah zingah a tel ve a, a thihchhan atan thuhnuchhiah engmah dah lo mahse nimin atang khan a awmna chin hriatloh in a bo tawh a, an sikul naupang tam tak lawng chesual a an tel ve avang leh nunna chan tam tak an awm vanga a rilru hah in hetiang hi a ti ta mai ni a rin a ni.

 

*GOOD FRIDAY AN TIH CHHAN
Saptawng a "Good Friday" tih hi Mizo tawng chuan "Zirtawpni tha" tih na a ni mai awm e. Engvang a Lal Isua thihni hi "ni tha" ti ta tlat nge (k)annih ang aw? Hun hmasa lamah chuan Black friday, Holy friday, Silent friday, Great friday, God's friday, Long friday ti ten an lo sawi thin a ni. Baltimore Catechism in an sawifiah dan chuan "Good Friday tih a nihna chhan chu Lal Isua thihna kha rapthlak thei angber a tih nimahse a tuk 3-na (Easter Sunday) a ropui tak a a thawhlehna thlentu niin chu chu a ringtute tan nunna thar petu a ni" tiin an hrilhfiah. Lal Isua thihna kha rapthlak mahse a thawhlehna avanga nunna kan neih avangin chu a thihni ni chu ni tha tak a ni tiin an lo sawi thin ni awm tak a ni. GOOD FRIDAY HMAN NUAM ULE

 

*MIHRING PUMPUI ATANGIN GOLD BISCUIT ZAI CHHUAK
Delhi a Chandni Chowk veng a sumdawng pa pakhat kum 63 mi chuan ni 10 kalta khan Singapore atanga a zin lo haw lamin security check pumpelh nan rangkachak(gold) biscuits 12 a lem a, a ruahman anga a thil lem chu a ek chhuah leh mai theih tak loh avangin Sir Ganga Ram hospital ah doctor ten a pumpui atangin an zaichhuah sak ta a ni. Gold Biscuit lemtu pa hian a tir chuan doctor te hnenah bottle chhin ka lem palh tiin chhuanlam a siam a, mahse an han zai tak ah chuan dawt a sawi tih finfiah a ni ta a ni. A pumpui atanga an lakchhuah tak Gold Biscuit 12 te hi police leh custom lam a thawk ten an la nghal a ni.

 
*Lal Isuan kan sual tlan nan a a nun a hlan ni 'Good Friday' 2014  hman nuam vek ule.
 
17.4.2014

*PUNE AH EVM CHIANGKUANG LO HMANG
Tukin khan Maharashtra a Pune khawpui a Shamrao Kalmadi School a polling booth ah Lok Sabha inthlan na atan hman Electronic Voting Machine (EVM) chu vote thlaktu ten an hmeh apiang a congress candidate chauh vote ang a a lan zel avangin Election hotuten vote thlak lai titawp lailawk in EVM tharin an thlak ta a ni. EVM thar hman anih avang hian vote lo thlak tawh mi 28 te pawh vote thlak that tir leh vek anni. He lai bial ah hian Congress atangin Nilesh Rane leh Shiv Sena atangin Vinayak Raut te an inkhing a ni.

 

*IROM SHARMILA VOTE THLAK PHALLO
Vawiin khan Inner Manipur Lok Sabha seat atan vote thlak a ni a, kum 13 chaw lo nghei tawh Irom Sharmila chu vote thlak phal sak a ni lo a ni. Election commission hotute sawi danin Section 62 (5) of the Representation of the People Act, 1951 behchhan in mi tupawh jail a tan chuan vote thlak phal sak anni ngai lo a ni. Sharmila hian vote thlak dilna hi a hma in a lo thehlut tawh a mahse phalsak a ni ta chuang a lo a, ama sawi danin "India democracy ah ka beidawn tawh em avangin tunhma zawng chuan vote thlak ka chak ngai lo a, mahse, tunhnai a eiruk duhlo pawl Aam Aadmi Party te an rawn awm tak ah hian ka rilru ka thlak ta a ni" a ti.

 

*MAL BOOK OF THE YEAR TOP 3
Mizo Academy of Letters in Book of the Year 2013 thlan meka a lehkhabu tha zual pathumte chu - 'Pro Pastor a ni si' tih Lalhriata ziah te, 'Thinglubul' tih Lalpekkima ziah te leh, 'Zoram mi hrangte an vanglai' tih C.Lalnunchanga ziah te an ni.

 

*CHANCHINTHAR LAWRKHAWM
*Zanin ah Mizoram leh khawvel hmun hrang hrang a kohhran ten Lal Isua man tir a awm zan hriatrengna hun ang hmang ang.
*Lai Autonomous District Council huam chhung a Village Council 93 inthlan result chhhiar zawh ah Congress in seat 287 an la a, independent-in seat 116 leh MNF in seat 42 an la bawk.
*Vawiin hian India state 12 ah Lok Sabha inthlan phase 5-na neih mek a ni a, MP seat 121 atan mipui ten vote an thlak tan mek a ni. Odisha ah chuan Lok Sabha inthlan rual hian Assembly inthlan pawh neih nghal a ni.
*Nizan khan Indian Premier Leaugu season 7-na Abu Dhabi ah khelh tan niin Kolkata Knight Riders chuan champion lai Mumbai Indians chu run 41 in an hneh a ni. Zanin dar 8 ah Delhi Daredevils leh Royal Challengers Bangalore te an inkhel leh ang.
*I&PR Auditorium ah Real Life magazine editor Sena chuan a lehkhabu thar "The Adventures of Dindin: Inbumna Hlawhtling Ber" chu a tlangzarh dawn.

 

*YMA GROUP CONFERENCE VANBAWNG AH GALLERY CHIM
16.4.2014 zan dar 8:45 vel khan Tuivai Group YMA Conference Vanbawng neih mek tiak zanah programme an hman laiin hall gallery a chim thut a inkhawmpui palai 30 chuangin hliam an tuar a ni. Hliam te hi Suangpuilawn damdawiinah hruai anni a, a na zual mi 5 te chu Aizawl lam panpui anni. Vanduaina thlen chhan tak hi hriat ni lo mahse conference palai an tam em avangin Vanbawng community hall hnung lama an gallery sak thar hian a dawl zo ta lo niin a lang a ni.

15th & 16th April 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM
16.4.2014

*Jerusalem a Juda te hmun thianghlimber Temple Mount chung atangin Muslim ten lung leh halpuah an vawm luh vangin hnawt darh turin Israel police te chu lut in mittui tihtlakna(tear gas) leh hmanraw dang te an hmang a ni. Juda te hmunthianghlimber Temple Mount hi 1967 a Niruk Indo tum a Isreal in Jordan awpna hnuai atanga an laklet niin Tahna bang chhung a awm a ni.

 

*61st NATIONAL FILM AWARD SEM A NI
Directorate of Film Festivals chuan vawiin khan 61st National Film Awards a sem ta. Best Actor ah Rajkumar[Shahid (Hindi)] leh Suraj Venjaramoodu [Perariyathavar (Malayalam)] te thlan anni a, Best Actress ah Geetanjali Thapa [Liar's Dice (Hindi)] thlan a ni. Best Feature film ah Ship of Theseus(English-Hindi) thlan niin Best Supporting actor ah Saurabh Shukla [ Jolly LLB (Hindi)] thlan niin Best Supporting actress ah Amruta Subhash [Astu (Marathi)] leh Aida El-Kashef [Ship of Theseus (English-Hindi)] te thlan anni.

 

*MILEY CYRUS DAMLO
Kum 21 mi American zaithiam leh lemchanthiam nibawk Miley Cyrus chu a damdawi ei antibiotic a ngeihloh(allergic) nasat lutuk avangin damdawiin ah dah a ni. Miley hian thawhlehni zan khan Kansas City Sprint cenre a show neih a tum pawh a thulh a ngai hial ta a ni. Miley hian tunthlatir atang khan hritlang(flu) a vei a, Charlotte, N.C ah pawh a show neih tur a lo thulh tawh bawk a ni.

*UKRAINE KHAWCHHAK LAMAH BUAINA IN MUNG ZEL
Vawiin khan Ukraine khawchak lam a Russia zawmduh pawl ho awm tamna Slaviansk khawpui chu ralthuam keng lirthei 6 in an luhchilh a mipui tam takin an lo lawm a ni. Ralthuam keng lirthei/tank 6 ah te hi Russia zawmduh pawl ho ten Ukraine sipai te lak atanga nimin a an chhuhsak niin Russia flag leh an mahni (Russia zawmduh pawl ho) banner te an tar thung a ni. Heng sipai lirthei ah te hian Russia zawmduh pawl ho silai nen rawn chuangin nitam tak Ukraine awpna duhlo a Russia zawmduh pawl ho in an lo luah tawh Slaviansk Town Hall kawt ah an ding ther fur a ni. Mipui tam takin lo lawmin "Tlangvalte u in ti tha e!" tih te "Russia, Russia!" ti te in an lo au rual thup thup a ni. Kumin February thla atanga Russia/Ukraine hual vel a tualchhung buaina awm tak neuh neuh zel avang hian naktuk hian Geneva ah Ukraine, Russia, US leh European Union hruaituten remna zawng a inbiakna an nei dawn a ni.

 

*VANDUAINA THLENG
*Tukin khan Davangere - Bangalore inkar bus service a tlan laiin a kang a michuang 6 kang hlumin midang 12 in hliam na tak an tuar.
*Tukin khan Assam ah Dimapur-Kamakhya rel chesual ah mi 50 in hliam an tuar

 

*IPL-7 KHELH TAN A NI DAWN TA
Zanin dar 8 hian India tualchung cricket tournament puiber Indian Premiere League (IPL) season 7 chu Abu Dhabi (UAE) ah khelh tan a ni dawn. Inkhel hmasaber turte chu Champion lai Mumbai Indians leh a kum hmasa lama champion Kolkata Knight Riders te anni ang.

 

*Tunkar thawhtanni liam ta khan Islam firfiak pawl Boko Haram ten Nigeria ram hmar chhak a Chibok khua ah silai nen sikul luh chilh in sikul naupang hmeichhia 100 an ru bo a ni. Boko Haram tih hi an tualchhung tawng niin a awmzia chu "Khawthlang(western) ho zirna hi khap a ni" tihna niin an sawi.

 

15.4.2014
*MJA PRESIDENT THAR TAN VANLALREMA VANTAWL THLAN A NI
Mizoam Journalist Association (MJA) hruaitu thar thlanna vawiin khan MJA General conference hman mek ah neih a ni a, a hnuai a mi te hi an hruaitu thlan thar te an ni.
President: Vanlalrema Vantawl (Editor, Zalen)
Vice President : Zonunsanga Khiangte (Editor, Lenlaini)
Treasurer : R Lalhmangaihzuala (Editor, Romei)

Executive Members:
C.Lalduhawma (LPS)
C.Lalhmachhuana (Youth Herald)
Lalremsiama (Zawlkhawpui)
K Zothankhuma (Virthli)
T.Lalbiakdika (Zawlbuk)
Lalzamlova (Chhawrpial)
Sangzuala Hmar (Zozam Times)
Lalrinmawia Sailo (Zoram Thlirtu)
L.T Sanga (Morning Post)
Joseph Lalnuntluanga (Zonet)
Lalhmachhuana Zofa (Diktawn)
 

Vanlalrema Vantawl, Editor Zalen Newspaper elected as new President for Mizoram Journalist Association

*MIZO PHANTOM SAIRANG POLICE STATION THLENPUI A NI
Nizan a police ten Guwahati a an man Mizo Phantom tia hriatlar K.Chhawnthuama chu vawiin chawhnu khan Lengpui Airport ah rawn haw pui niin Mizoram Police ten amah tantu ten an lo hmuah ve avangin Aizawl panpui nghal mai lo in Sairang Police station an panpui a, Sairang Police station ah hian a mah tantute(fans) te hian buaina siam an tum loh thu an sawi hnuin police te hian inchung atang a fans te a hmuh an phalsak zawk a ni.
Pix courtesy: Mizo-Phantom Admin via Mizo Phanton Fan Club Group

Mizo phantom  (K.Chhawnthuama) fans waving their hero who is taken under police custody at Sairang Police station, Mizoram

 *PHANTOMA AIZAWL THLENPUI A NI TA
Vawin tlai khan Mizo Phantoma ti a hriat lar K.Chhawnthuama chuan Lengpui Airport a lo thlenga, Police ten an lo la nghal in thlalak a Gypsy hnunga chuang hi Pu Phantoma chu a ni e.
Source: Gilbert Renthlei via Lunglei Chanchinthar Group

Police vehicle carrying Mr.K Chhawnthuama (alias Mizo Phantom) who is being arrested from Guwahati Hotel for being accused as spreading wrong information to public regarding Electronic Voting Machines used in last Mizoram Assembly election.

 

*PETROL MAN TLAWM DAWN
Zanin zanlai atangin ramchhung hmun hrang hrang ah petrol man 1litre khat zel ah pawisa (paise) 70 in tihhniam a ni dawn.

 

*TRANS GENDER TE THIRD GENDER TIH ANNI TAWH DAWN
Supreme Court of India chuan vawiin khan thuthlukna siam in vairam a rail leh bus vel a pawisa khawn ching thin hmeichhe inthuam a in thuam a mipa pianphung nei si ang chi ho transgender/hijras te chu mipa(male) emaw hmeichhia(female) ti a an nihna ziak ve kher tawh lo in third gender (Mizo tawng chuan a ngial angan lehlin chuan gender 3-na tihna a ni awm e) tih a phalsak ta. Supreme Court hian Sorkar laipui hnenah hriattirna chhuah in third gender a awm te hi khawtlang ah ngaihhniam annih thin avangin Other Backward Class(OBC) category ah dah ve turin a ti a ni. Supreme Court hian an thuthlukna siam hi tunlai a tuai (gay), patil (lesbian) leh mahni anpui kawp thei (bisexual) te erawh a huam loh thu sawiin mitilreh(eunuch) ho chauh a huam thu an sawi.

 

*OPINION POLL AH NDA SORKAR RING
NDTV in mipui ngaihdan a lakna ah tun tum Lok Sabha inthlan neih mek ah hian BJP leh an tanrualpui te NDA chuan seat 543 awm ah seat 275 an lak an beisei a, Congress leh an tanrualpui te UPA chuan seat 111 chauh an lak an beisei thung a ni. BJP leh Congress tih loh ah chuan Trinamool Congress in party mal in seat an la tam in an ring bawk.

 

*MIZO PHANTOM AN MAN
Nizan dar 12 khan Mizo Phantom ti a hriatlar K.Chhawnthuama leh K.Lalhruaitluanga (Journalist) te Guwahati ah IR Battalion Commandant Zosangliana leh a ho ten an man. An man chhan ah hian thudik lo thehdarh a mipuite ti chiai tu a puh annih vang a ni awm e.

 

*Ph.D HMU THAR
Lalsangluaii Fanai d/o. F Vanlalruata, Ramhlun North, Aizawl chuan Mizoram Univeristy aṭangin Doctor of Philosophy a hmu thar a, a thesis chu 'Investigation of Dermatophytic activity from selected Medicinal plants of Mizoram' tih a ni.
Source: www.vanglaini.org

 

*AIZAWL A ARSA THIANGHLIM LEI DUH TAN
Southern Chicken House, Mission veng bazar, Aizawl ah arsa siamsa tui tak tak grilled chicken, tandoori leh fried chicken engtik lai pawh in lei tur a awm reng e. Nileng a hnathawk a chhuak thin tan phei chuan man tlawm si a arsa siamsa lei mai hi an intihhmuh ta sup sup mai. (Fresh chicken, Grilled chicken, tandoori & fried chicken available in Southern Chicken House, Mission Veng, Aizawl)