15th & 16th April 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM
16.4.2014

*Jerusalem a Juda te hmun thianghlimber Temple Mount chung atangin Muslim ten lung leh halpuah an vawm luh vangin hnawt darh turin Israel police te chu lut in mittui tihtlakna(tear gas) leh hmanraw dang te an hmang a ni. Juda te hmunthianghlimber Temple Mount hi 1967 a Niruk Indo tum a Isreal in Jordan awpna hnuai atanga an laklet niin Tahna bang chhung a awm a ni.

 

*61st NATIONAL FILM AWARD SEM A NI
Directorate of Film Festivals chuan vawiin khan 61st National Film Awards a sem ta. Best Actor ah Rajkumar[Shahid (Hindi)] leh Suraj Venjaramoodu [Perariyathavar (Malayalam)] te thlan anni a, Best Actress ah Geetanjali Thapa [Liar's Dice (Hindi)] thlan a ni. Best Feature film ah Ship of Theseus(English-Hindi) thlan niin Best Supporting actor ah Saurabh Shukla [ Jolly LLB (Hindi)] thlan niin Best Supporting actress ah Amruta Subhash [Astu (Marathi)] leh Aida El-Kashef [Ship of Theseus (English-Hindi)] te thlan anni.

 

*MILEY CYRUS DAMLO
Kum 21 mi American zaithiam leh lemchanthiam nibawk Miley Cyrus chu a damdawi ei antibiotic a ngeihloh(allergic) nasat lutuk avangin damdawiin ah dah a ni. Miley hian thawhlehni zan khan Kansas City Sprint cenre a show neih a tum pawh a thulh a ngai hial ta a ni. Miley hian tunthlatir atang khan hritlang(flu) a vei a, Charlotte, N.C ah pawh a show neih tur a lo thulh tawh bawk a ni.

*UKRAINE KHAWCHHAK LAMAH BUAINA IN MUNG ZEL
Vawiin khan Ukraine khawchak lam a Russia zawmduh pawl ho awm tamna Slaviansk khawpui chu ralthuam keng lirthei 6 in an luhchilh a mipui tam takin an lo lawm a ni. Ralthuam keng lirthei/tank 6 ah te hi Russia zawmduh pawl ho ten Ukraine sipai te lak atanga nimin a an chhuhsak niin Russia flag leh an mahni (Russia zawmduh pawl ho) banner te an tar thung a ni. Heng sipai lirthei ah te hian Russia zawmduh pawl ho silai nen rawn chuangin nitam tak Ukraine awpna duhlo a Russia zawmduh pawl ho in an lo luah tawh Slaviansk Town Hall kawt ah an ding ther fur a ni. Mipui tam takin lo lawmin "Tlangvalte u in ti tha e!" tih te "Russia, Russia!" ti te in an lo au rual thup thup a ni. Kumin February thla atanga Russia/Ukraine hual vel a tualchhung buaina awm tak neuh neuh zel avang hian naktuk hian Geneva ah Ukraine, Russia, US leh European Union hruaituten remna zawng a inbiakna an nei dawn a ni.

 

*VANDUAINA THLENG
*Tukin khan Davangere - Bangalore inkar bus service a tlan laiin a kang a michuang 6 kang hlumin midang 12 in hliam na tak an tuar.
*Tukin khan Assam ah Dimapur-Kamakhya rel chesual ah mi 50 in hliam an tuar

 

*IPL-7 KHELH TAN A NI DAWN TA
Zanin dar 8 hian India tualchung cricket tournament puiber Indian Premiere League (IPL) season 7 chu Abu Dhabi (UAE) ah khelh tan a ni dawn. Inkhel hmasaber turte chu Champion lai Mumbai Indians leh a kum hmasa lama champion Kolkata Knight Riders te anni ang.

 

*Tunkar thawhtanni liam ta khan Islam firfiak pawl Boko Haram ten Nigeria ram hmar chhak a Chibok khua ah silai nen sikul luh chilh in sikul naupang hmeichhia 100 an ru bo a ni. Boko Haram tih hi an tualchhung tawng niin a awmzia chu "Khawthlang(western) ho zirna hi khap a ni" tihna niin an sawi.

 

15.4.2014
*MJA PRESIDENT THAR TAN VANLALREMA VANTAWL THLAN A NI
Mizoam Journalist Association (MJA) hruaitu thar thlanna vawiin khan MJA General conference hman mek ah neih a ni a, a hnuai a mi te hi an hruaitu thlan thar te an ni.
President: Vanlalrema Vantawl (Editor, Zalen)
Vice President : Zonunsanga Khiangte (Editor, Lenlaini)
Treasurer : R Lalhmangaihzuala (Editor, Romei)

Executive Members:
C.Lalduhawma (LPS)
C.Lalhmachhuana (Youth Herald)
Lalremsiama (Zawlkhawpui)
K Zothankhuma (Virthli)
T.Lalbiakdika (Zawlbuk)
Lalzamlova (Chhawrpial)
Sangzuala Hmar (Zozam Times)
Lalrinmawia Sailo (Zoram Thlirtu)
L.T Sanga (Morning Post)
Joseph Lalnuntluanga (Zonet)
Lalhmachhuana Zofa (Diktawn)
 

Vanlalrema Vantawl, Editor Zalen Newspaper elected as new President for Mizoram Journalist Association

*MIZO PHANTOM SAIRANG POLICE STATION THLENPUI A NI
Nizan a police ten Guwahati a an man Mizo Phantom tia hriatlar K.Chhawnthuama chu vawiin chawhnu khan Lengpui Airport ah rawn haw pui niin Mizoram Police ten amah tantu ten an lo hmuah ve avangin Aizawl panpui nghal mai lo in Sairang Police station an panpui a, Sairang Police station ah hian a mah tantute(fans) te hian buaina siam an tum loh thu an sawi hnuin police te hian inchung atang a fans te a hmuh an phalsak zawk a ni.
Pix courtesy: Mizo-Phantom Admin via Mizo Phanton Fan Club Group

Mizo phantom  (K.Chhawnthuama) fans waving their hero who is taken under police custody at Sairang Police station, Mizoram

 *PHANTOMA AIZAWL THLENPUI A NI TA
Vawin tlai khan Mizo Phantoma ti a hriat lar K.Chhawnthuama chuan Lengpui Airport a lo thlenga, Police ten an lo la nghal in thlalak a Gypsy hnunga chuang hi Pu Phantoma chu a ni e.
Source: Gilbert Renthlei via Lunglei Chanchinthar Group

Police vehicle carrying Mr.K Chhawnthuama (alias Mizo Phantom) who is being arrested from Guwahati Hotel for being accused as spreading wrong information to public regarding Electronic Voting Machines used in last Mizoram Assembly election.

 

*PETROL MAN TLAWM DAWN
Zanin zanlai atangin ramchhung hmun hrang hrang ah petrol man 1litre khat zel ah pawisa (paise) 70 in tihhniam a ni dawn.

 

*TRANS GENDER TE THIRD GENDER TIH ANNI TAWH DAWN
Supreme Court of India chuan vawiin khan thuthlukna siam in vairam a rail leh bus vel a pawisa khawn ching thin hmeichhe inthuam a in thuam a mipa pianphung nei si ang chi ho transgender/hijras te chu mipa(male) emaw hmeichhia(female) ti a an nihna ziak ve kher tawh lo in third gender (Mizo tawng chuan a ngial angan lehlin chuan gender 3-na tihna a ni awm e) tih a phalsak ta. Supreme Court hian Sorkar laipui hnenah hriattirna chhuah in third gender a awm te hi khawtlang ah ngaihhniam annih thin avangin Other Backward Class(OBC) category ah dah ve turin a ti a ni. Supreme Court hian an thuthlukna siam hi tunlai a tuai (gay), patil (lesbian) leh mahni anpui kawp thei (bisexual) te erawh a huam loh thu sawiin mitilreh(eunuch) ho chauh a huam thu an sawi.

 

*OPINION POLL AH NDA SORKAR RING
NDTV in mipui ngaihdan a lakna ah tun tum Lok Sabha inthlan neih mek ah hian BJP leh an tanrualpui te NDA chuan seat 543 awm ah seat 275 an lak an beisei a, Congress leh an tanrualpui te UPA chuan seat 111 chauh an lak an beisei thung a ni. BJP leh Congress tih loh ah chuan Trinamool Congress in party mal in seat an la tam in an ring bawk.

 

*MIZO PHANTOM AN MAN
Nizan dar 12 khan Mizo Phantom ti a hriatlar K.Chhawnthuama leh K.Lalhruaitluanga (Journalist) te Guwahati ah IR Battalion Commandant Zosangliana leh a ho ten an man. An man chhan ah hian thudik lo thehdarh a mipuite ti chiai tu a puh annih vang a ni awm e.

 

*Ph.D HMU THAR
Lalsangluaii Fanai d/o. F Vanlalruata, Ramhlun North, Aizawl chuan Mizoram Univeristy aṭangin Doctor of Philosophy a hmu thar a, a thesis chu 'Investigation of Dermatophytic activity from selected Medicinal plants of Mizoram' tih a ni.
Source: www.vanglaini.org

 

*AIZAWL A ARSA THIANGHLIM LEI DUH TAN
Southern Chicken House, Mission veng bazar, Aizawl ah arsa siamsa tui tak tak grilled chicken, tandoori leh fried chicken engtik lai pawh in lei tur a awm reng e. Nileng a hnathawk a chhuak thin tan phei chuan man tlawm si a arsa siamsa lei mai hi an intihhmuh ta sup sup mai. (Fresh chicken, Grilled chicken, tandoori & fried chicken available in Southern Chicken House, Mission Veng, Aizawl)

13th & 14th April 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM
14.4.2014
*I HRE TAWH NGAI EM?
Mizo Idol Grace Lalchhanhimi hian Idol a nih hma daih kum 2011 khan music video "Aw hmangaihna a sang lua e" tih a lo siam tawh a ni hi mawle! https://www.youtube.com/watch?v=FDujp5qgRPw
 
*Zai ngaina hnam tih takah Mizoram Maxi Cab Assn lam pawh in theme song an lo nei reng a nih i mawle! https://www.youtube.com/watch?v=ll8OTjuGqQM
 
*Vawiin hi India danpui (constitution) duang chhuaktu Bhimrao Ramji Ambedkar piancham a ni. 14 April 1891 ah khan Mhow khua Madhya Pradesh ah a lo piang a, Marathi hnam niin hnamhnuaihnung zing a mi a ni. Amah hi US leh UK atanga lehkhazirchhuak niin Dan (law) leh economics ah te degree neiin thiamna vawrtawp Ph.D zirchhuak a ni. India in zalenna a hmuh hnu lawk khan ram danpui duang tur a ruat Constitution Drafting Committee ah Chairman a ni. 6 December 1956 khan zunthlum natna in Delhi a boral ta a ni. 1990 khan a thih hnu in India khua leh tuite chawimawina sangber Bharat Ratna pek leh hnuhnawh a ni.
 
*April 11, 2014-a Lok Sabha MP inthlanah service voters leh Tripura transit camp-a vote tlate tel loin vote 61.05% a tla a; Hrangturzo biala Assembly bye-election-ah chuan vote 73.78% a tla thung.

MP election-a district-a vote tla
District Voter Vote tla Vote %
Mamit 58263 35675 61.23
Kolasib 51834 29893 57.84
Aizawl 261461 153615 58.75
Champhai 78316 47339 60.45
Serchhip 45565 31179 68.43
Lunglei 91474 57590 62.96
Lawngtlai 72058 46720 64.84
Saiha 34405 21464 62.39
Transit camp 11243 7993 71.09%
Source: www.vanglaini.org
 
13.4.2014
*MIZO NULA HMELTHA MEGA MISS NORTH EAST 2014 AH LANG
Nizan a ITA Cultural Complex, Machkhowa (Guwahati), Assam a neih zawh tak India hmarchhak a nula hmeltha thlanna Sunsilk Mega Miss North East 2014 ah Mizo nula Lallenpuii (Leni Ralte) D/o. Lalthafamkimi, Khatla Chawnga road, Aizawl chu 2nd Runner up atan thlan a ni. Pawisa fai Rs.20,000 leh Modelling assignment leh thilpek hlu tak tak a dawng tel a ni.

Leni Ralte from Mizoram 2nd runner up@ Sunsilk Mega Miss North East 2014

Leni Ralte from Mizoram 2nd runner up@ Sunsilk Mega Miss North East 2014

*US PRESIDENT TE NUPA AN RETHEI TELH TELH
US President Barack Obama leh a nupui Michelle Obama te chu nikum chhung khan an sum lakluk 21% in a tlahniam. Nikum chhung khan US President leh a nupui pawisa lakluh zat chu $481,098 (India pawisa a maktaduai 2 vel bawr) a ni a, chu chu a kum hmasa 2012 atanga an sum lakluh $608,611 atanga chhutin za zelah 21 in a tlahniam tihna a ni. US President hlawh hi kum 1 ah $ 400,000 a ni a chuta tang chuan chhiah (income tax) $98,000 a pe bawk a ni. President hlawh bak a sum an lakluh na lehkhabu ziah lamah nikum chhung khan kum hmasa lam pha lo in $116,180 an lalut phak chauh a ni. Obama te nupa hian nikum chhung a an sum lakluh atanga 12.3% chu mirethei te tanpuina(charity) atan an pe bawk a ni. Miram hruaitu thenkhat te hi chu an tlin hnu hian an rethei zawk thin a, chu chang a ni lo an hlawh chhuah atangin mirethei te tanpuinan tiin an la thehchhuak then thin zawk lo nih hi mawle!
 
*Tumkau ni 2014@Hyderabad Mizo Christian Fellowship
#Palm_Sunday_Hyderabad
Pix: Zara Ralte

Palm Sunday in Hyderabad 2014 @St.George's Church, Abids

*Tumkau ni 2014 @Thingkangphai Presbyterian Kohhran, Churachandpur, Manipur
#Palm_Sunday_Manipur
Pix: Joel Lungtau
 

Palm Sunday in Manipur 2014, Thingkaiphai, Churachandpur

Palm Sunday in Manipur 2014, Thingkaiphai, Churachandpur

*Tumkau ni 2014 @Imphal (New Checkon area)
#Palm_Sunday_Manipur
Pix: Joel Lungtau

Palm Sunday in Manipur 2014, Hmar Churches, Imphal

Palm Sunday in Manipur 2014, Hmar Churches, Imphal

 
*Tumkau ni 2014 @Mission Vengthlang Presbyterian Church, Aizawl
#Palm_Sunday_Mizoram
Pix: Mala Chongte

Palm Sunday in Mizoram 2014, Mission Vengthlang, Aizawl

 
*Tumkau ni 2014 @BCM Central Church, Aizawl
#Palm_Sunday_Mizoram
Pix: Awma Vanchhawng

Palm Sunday in Mizoram 2014, Baptist Central Church, Aizawl

 
*Tumkau ni 2014@Bawngkawn Kristian Naupang Pawl
#Palm_Sunday_Mizoram
Pix: Lalromawia Khiangte

Palm Sunday in Mizoram 2014, Bawngkawn BKNP

 
*Tumkau ni 2014 @Mission veng, Aizawl
#Palm_Sunday_Mizoram
Pix: Mawia Ralte

Palm Sunday in Mizoram 2014, Mission veng Presbyterian Church, Aizawl

*Vawiin hi Kristiante ni pawimawh Lal Isua Jerusalem a chawimawi a awm hriatrengna ni 'Tumkau ni' a ni a, Mizoram leh khawvel hmun hrang hrang ah ringtute he ni pual hian programme an duang a, tukin ah hian Sunday school naupang ten kawngpui zawh in chawimawina hun an hmang a ni.

12th April 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

12.4.2014
*Prime Minister hlui leh Janata Dal (Secular) party hotupa HD Deve Gowda chuan Narendra Modi Prime Minister a nih chuan Karnataka chhuahsan a hmundanga pem a tum thu a sawi mauh mai.
 

*Tunhnai a Mizo Music video lar thar "Triau Trackx ft Ruatfeli - Ka lo nghak reng ang che" tih chu a music video an siam dan leh a hla an phuah chhan te ngaihnawm tak a tarlang in behind the scene en theih in youtube lamah an dah ta. Hei hi a link chu https://www.youtube.com/watch?v=xKt8rk1qbc8

 

*Congress vice president Rahul Gandhi chuan vawiin hian vawi 2 a lo tlin tawhna Amethi bial Uttar Pradesh ah M.P Lok Sabha nomination a file dawn. A pa PM hlui Rajiv Gandhi pawh kha Amethi bial ah hian tum 4 lai thlan tlin a lo ni tawh thin a ni.

 

*BJP Prime Minister candidate leh Gujarat CM ni mek Narendra Modi chuan Vododara bial a Lok Sabha nomination a file na ah Joshodaben chu a nupui a nih thu a ziak lang, hemi te nupa hi 1968 khan tleirawlte in an innei a mahse kar 2 chiah an awm dun a, chumi hnuah mahni seh seh mual hran ah tiin an awm hrang ta char char a vawi khat mah an awmdun leh ta lo a ni.

 

*Lancet Oncology Journal in a tarlan danin India ramah kum tin cancer vei mi nuai 10 hmuhchhuah thin anni a, chung zing a mi nuai 6-7 te chu kum tin an boral thin bawk niin an chhut. Kum 2035 ah phei chuan cancer vei hi kum tin mi nuai 17 an tlin chhoh tawh tur thu leh chuta tang a kum tin thi zat tur pawh nuai 12 an tlin thuai rin a ni.

 

*Vawiin hian Diphu, Silchar, Tripura East leh Karimganj ah te Lok Sabha vote thlak mek a ni a, Sikkim ah Lok Sabha seat 1 leh Assembly seat 32 atan vote an thlak mek bawk.

 

*Lalremsiami Hrahsel d/o Lianmawia, Mission Veng chuan Mizoram University-a Department of Biotechnology aṭangin Doctor of Philosophy Ph.D) a hmu thar a, a thesis chu, 'In Vitro Mass Propagation and Agrobacterium-mediated Genetic Transformation of Banana Plants Native to Mizoram' tih a ni. - Vanglaini

10th & 11th April 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

11.4.2014
*ZIRTAWPNI 11.4.2014 DUHAWMLO
*Zirtawpni tlai dar 6:30 khan Aizawl Treasury Square atanga Venghlui chhuk thla Republic Road ah City Bus in hmeithai Lalzampuii (40), Mission veng a mi scooty khalh chu hnawlin, damdawiin panpui a nih laiin Lalzampuii hi a boral.

*Zirtawpni chhun dar 12:30 ah khan Phunchawng ah Durtlang atanga mibo zawng Lalhuliana (40) scooty khalh chu Tank Lorry nen an insu a hmunah a boral nghal a, a hma chiah a tlan scooty khalh ve tho Lalramngaia Dutlang tho chuan hliam na taka tuar bawk.

*Zirtawpni zing khan Gadchiroli district , Maharashtra ah Naxalite ten an lambum vangin Maharashtra Police Anti-Naxalite force zinga 1 boral in an zinga 5 in hliam an tuar.

*Zirtawpni tlailamah khan Alwar Mathura Passenger train Maura leh Goverdhan station inkar a tlan chu a tlan laiin rel pindan 2 a thlawn avangin mi 1 a boral a, midang 6 in hliam an tuar a ni.

 

*Vawiin a Hrangturzo bial a MLA by-election neih a vote tla zat chu 75% a ni.

 

*Vawiin khan Mizoram ah tluang takin Lok Sabha inthlan neih a ni a, State chief electoral officer Ashwani Kumar sawi danin Polling Station 1126 zinga 884 atanga report dawn tawh a vote tla zat chu 60.6% a ni a, hmun hla thenkhat atangin report la dawn kim loh a nih avangin hei ai hian vote thlak zat hi a la sang thei niin a sawi.

 

*VAWIIN AH MIZORAM AH LOK SABHA INTHLAN LEH HRANGTURZO BIAL MLA BY-ELECTION NEI DAWN
Vawiin hian Lok Sabha 16-na tur a Mizoram atanga Member of Parliament tur thlanna neih a ni dawn. Candidate te chu: CL Ruala (INC), M Lalmanzuala (AAP) leh Robert Romawia Royte (UDF) te an ni. Mizoram hian MP thlan hi tum 11 a lo paltlang tawh a, MP hi mi 7 kan nei tawh a ni. Vawiin vek hian CM Lalthanhawla chhuahsan tak Hrangturzo MLA constituency ruak hnawh khat turin MLA By-election neih a ni bawk dawn a, candidate te chu: Vanlalawmpuii Chawngthu (INC) leh H Lalduhoma (UDF) te anni. Mizoram mipui ten MP atan a kan lo thlan chhuah tawh te chu a hnuaia mite hi anni:
1. Sangliana - Mizo Union - 5th Lok Sabha (1971-1977)
2. Dr.Rothuama - People Conference - 6th Lok Sabha (1977-1979)
3. Dr.Rothuama - Independent -7th Lok Sabha (1980 - 1984)
4. Lalduhawma - Indian National Congress - 8th Lok Sabha (1984-1989)
5. Dr.C.Silver - Indian National Congress - 9th Lok Sabha (1989-1991)
6. Dr.C.Silver - Indian National Congress - 10th Lok Sabha (1991- 1996)
7.Dr.C.Silver - Indian National Congress - 11th Lok Sabha (1996 -1997)
8. Dr H.Lallungmuana - Independent - 12th Lok Sabha (1998-1999)
9. Vanlalzawma -Independent - 13th Lok Sabha (1999-2004)
10. Vanlalzawma - Mizo National Front - 14th Lok Sabha (2004-2009)
11. C.L Ruala - Indian National Congress - 15th Lok Sabha (2009-2014)
----------------
Vote thlak hi India khua leh tui ten kan aiawh a rorel tur thlanna a kan duhthlanna kan lantir theihna sang ber a ni a, khua leh tui tha i nihna ang leh ram in a phut che angin vawiin hian i duh ber thlang chhuak turin vote thlak ve ngei ang che.
 

 

10.4.2014

*Tukin dar 5:30 khan Jamui parliamentary constituency, Bihar pana election duty tur a kal CRPF ten Maoist te bomb phum chilpuak in CRPF 2 an thi a, mi 3 in hliam an tuar.

 

*Vawiin khan HPC Cup 2014 Organising Committee chu an Chairman Pu S.Laldingliana hovin HPC Vice-Chairman Office chamber-ah an thukawm a, HPC Cup 2014 khelh mek chungchang thu pawimawh an sawiho a ni.

Vawiin Committee-in a thurelte zingah HPC Cup 2014 kharna inkhawmah Mizoram Chief Minister Pu Lal Thanhawla chu Khuallian atan sawm ni se tih te, kumin HPC Cup 2014 Champion-te chuan Trophy hi neih hlen se tih te leh March ni 14, 2014 atanga tan tawh he football tournament hi a kalpui danah a lungawithlak tih te a tel a ni.

HPC CUP 2014 hi March ni 14-ah neih tan niin tunah hian Pre-Quarter Finals khelh zawh a ni tawh a. April ni 14-17, 2014 chhung hian Quarter Final leh Semi-Final match-te khelh a ni dawn a ni. - DIPR

 

*Vawiin hian India ram State 11 leh Union Territories 3 ah te Lok Sabha seat 91 thlang chhuak turin vote thlak a ni dawn.
* BJP PM candidate Narendra Modi chuan nimin khan Vadodara, Gujarat ah MP seat chuh turin nomination a file.
*Ni hman nuam vek ule