Covid-19 hrileng leng thar chungchang thu thar

⚕️Delhi International Airport-ah ni 2 chhungin khualzin mi 6000 an test ah mi 39 ten Covid natna an vei tih hmuhchhuah a ni.

⚕️ India sawrkarin karleh atangin China, Japan, Hongkong, South Korea, Thailand, Singapore atanga khualzin rawn thlawk lut turte chu, an rawn thlawh chhuah hma dar 72 chhungin RTPCR hmanga enfiahnaah Covid an negative vek tur a ni tiin dan kenkawh a tum.

⚕️Tunlaia Covid natna leng thar leh mek hi Omicron natna hrik chi peng BF.7 a ni a, mi thiamte sawi danin inkai darh a awlsam em em a, he natna vei mi 1 in mi dang 16 a kai darh thei a ni.

⚕️India sawrkar laipuia hriselna lam changtu sawrkar hotute chuan ni 40 lo awm leh tur hun chhung hian India-ah Covid hrileng vanga buai leh thut thei kan ni an ti. Lamtluang thu laknain a tarlan danin January thla chan ve chhoah hian a brouak tur a hriatthiam theih ang an ti. Amaherawhchu hri hi rawn leng leh vak pawh nise nunna chan leh damdawiina luh ngai an tlem deuh tawh tur rin a ni.

.⚕️Hmai tuam that te, kut silfai that te kan tih chhoh leh a hun ta viau e. Chiai lovin fimkhur thung ang u aw.

LAMTLUANG CHANCHINTHAR TAWI LAWRKHAWM

 📰 Nimin khan Sairangah tui tlaa boral Pu Mafaka ruang hmuh a ni.

📰 Sialhawk khua atanga tharchhuah lakhuihthei te chu Dubai-ah zawr chhuah a ni.

📰 Assam leh Arunachal Pradesh ten ramri buai chinfel na turin nimin khan state pahnih aiawh sawrkar hotu liante inbiakna an nei.

📰 India sipai ten rikrum thila tualchhung siamchhuah ralthuam te an lei vat theihna turin nimin khan Defense ministry hotu lu ten phalna pek chhuah an remti.

📰 University Grants Commission chuan thiamna bik nei te tana zirna lama degree sang neilo pawh nise college leh university a zirtirtu 'professor of practice' hna an thawh theihna tura kaihhruaina siam chu nimin khan a pawm. He inkaihhruaina siam thar hi thlaleh September vela tihchhuah tum a ni.

📰Madhya Pradesh leh Odhisa ah tulian vangin mi 6 ten nunna an chan. Tulian hian mi nuai 9 chuangte nunphung a ti khaihlak nasa hle nia sawi a ni.

📰 Tunhma lama hetianga LAMTLUANG chanchinthar tawi lawrkhawm kan rawn tarlan ṭhin te kha i lo chhiar ve thin em? In zavaiin tuk chhuah nuam vek ule.

Khawvel ram lian ten Ukraine an phatsan em ni?

Ukraine President Volodymyr Zelenskyy chuan an ram khawpui Kiev ah Russia in an ram a run chungchang sawiin, "nimin ang thovin tukinah pawh khawvel ram lian ten  keimahni chauhin min tan tir a, hla tak aṭangin min thlir vek" a ti. Khawvel ram lian zawk te chu Russia hrekna kalpui ringawt lovin a taka rawn che chhuak ve turin a ngen bawk a ni.

Lamtluang thu lakna ten an tarlan danin Russia chuan Ukraine khawpui Kiev luchhuah tumin hma lam an pan zel. He tih mek lai hian Russia Foreign Minister  Sergei Lavrov chuan Ukraine sipai ten an ralthuam an tun chuan inbiakna neih kan thei reng a lo ti ve mek bawk a ni..