26th August 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

 26.8.2014

*MIZO NULA IN JNU ATANGIN Ph.D DAWNG THAR
Vawiin khan Lalthansangi Ralte (Mami) D/o Rev. Lalrinawma, Chanmari, Aizawl chuan Centre for English Studies, School of Languages, Jawaharlal Nehru University, New Delhi atangin Doctor of Philosophy (PhD) a dawng thar. A Thesis title chu “A Critical Analysis of Poetry from North-East India” tih a ni.

Mizo scholar Ms.Lalthansangi Ralte has been awarded Ph.D degree from  Centre for English Studies, JNU, Delhi

 *NUTLING KUM 56 MI LEH KEITE INSUAL
Pathianni liamta mai khan Uttarakhand a thingtlang khaw pakhat a nu kum 56 mi Kamla chu lo a lei a leh laiin keite in a bei a, hmanraw dang a neih em em loh avangin a kut lawng deuh thaw in leilehna hmanraw remchang thenkhat nen keite hi a bei let a ni. A mangang authawn hria in an khua a mite an lo pungkhawm a, hliam na tak a lo tuar tawh a ni, keite pawh chu thiin an hmu a ni. Kamla hi damdawiin ah hruai niin darkar 48 nikhaw hremang lo a awm hnu ah, a rawn harh chhuak leh tawh a, a dinhmun pawh a ziaawm deuh tawh niin Lamtluang chuan thu kan lo dawng.

 

*KERALA GOVERNOR SHEILA DIKSHIT BANG
Kerala governor nilai Shiela Dikshit chuan vawiin khan a banna a thehlut. Lamtluang ah pawh kan rawn tarlan tawh thin angin NDA kaihhruai sorkar an din tak hnu hian UPA hunlai a ruat governor te an bang sup sup ta zel a ni. Sheila Dikshit hi Congress politician niin Delhi Chief Minister pawh hun rei tak lo ni tawh a ni.

 

*RAJASTHAN GOVERNOR THAR ATAN KALYAN SINGH RUAT A NI
Uttar Pradesh Chief Minister hlui Kalyan Singh (82) chu Rajasthan Governor thar tan ruat a ni. Lamtluang thulakna in a tarlan danin Kerala Governor nilai Shiela Dikshit pawh ni 2/3 hnuah ban a tum ni a sawi a ni.

 

*RAMTHIANGHLIM BUAINA LAM HAWI ZUAI ANG
Tukin khan Israel chuan Palestinian te bei leh in mi 2 an thi a, Gaza a in sangber an kap chim a ,mi 20 in hliam an tuar a ni. He an in an kah chhiat hi chhawng 13 a sang a ni a, chhungkua 70 an cheng a ni. Hamas te hian Israel ten an rawn beihna hi chhang let in Gaza atangin rocket 130 leh mortar bom an kapchhuak ve bawk a ni. Lamtluang a kan rawn tarlan tawh thin angin kumin July ni 8 atang khan he buaina avang hian Palestinian mi 2125 an thi tawh a, Isreael lam mi 68 an thi tawh bawk a ni.

24th - 25th August 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

 25.8.2018

*PAKISTAN BEI LET TURIN SHIV SENA HOTU IN PM NGEN
Maharashtra political party kal na thin tak Shiv Sena hotu Uddhav Thackeray chuan, an party chanchinbu 'Saaamana' kaltlangin tunhnaia Pakistan in India outpost an rawn kap chu India tan an phu tawk a chhanlet a tul a ti. Lamtluang thudawnna in an tarlan danin Uddhav Thackeray hian an party chanchinbu ah hian tuhnaia Pakistan ambassador in Kashmir separtist pawlte a biak vanga India leh Pakistan foreign secretary level inbiak tumna India in a thulh pui bakah, Pakistan ramri chhung ah luhchilh a, va khuainuai a hun tawh a ni a ti.

 

*LALROUTMAWIIN FANU THAR NEI
Zaithiam lar Lalruotmawi W/o.Rev.Rammawipuia Pachuau, Sialsuk chuan vawiin khan Synod Hospital, Durtlang ah fanu duhawm tak anei. Lamtluang in thu kan dawn danin naute hi zai chhuah niin 3.75kg arit a ni. Lalruotmawi leh a pasal Rev.Mawipuia te fa 3-na a ni.

 

*MIZORAM GOVERNOR HNA ZAWM DAWN TA LO
Mizoram Governor thar tur a ruat Maharashtra Governor hlui K.Sankaranarayanan chuan Sorkar laipui in an sawn thut chu lungawi lo in banna a theh lut ta a ni. Gujarat governor O P Kohli chu Maharashtra lo hmui hrih tur a tih a ni.

 

24.8.2014

*MIZORAM AH MIN SAWN CHUAN KA BANG ANG
Nizan a Mizoram Governor thar nitur a India President in thu a chhuah Maharashtra governor nilai K.Sankaranarayanan chuan "Official warrant ka la dawng lo a, mahse hetiang a khawngaihna tello a rorelna avang hian Mizoram ah sawn ka nih chuan ka bang ang" a ti a ni. Lamtluang ah kan rawn post tawh angin Maharashtra governor nilai K.Sankaranarayanan hian kum 2017 thleng Governor nih theihna hun a la nei a ni.

 

*VAWIIN AH UPSC PRELIM EXAM NEIH A NI
Vawiin hian UPSC Civil service preliminary examination 2014 chu a hma lama dodal nasa tak karah neih mek a ni a, chawhma leh chawhnu exam a awm a ni. Ramchhung exam centre hrang hrang te zingah Aizawl exam centre ah pawh exam hi neih a ni. Lamtluang ah kan rawn tarlan thin angin kumin hian CSAT Paper II a sap tawng a chhanna awm thin chu sap tawng thiam ve lo te tan inthliarna a ni ti pawl an awm avangin sorkar laipui pawh a buai rum rum a ni.

 

*PUTAR KUM 82 MI K.SANKARANARAYANAN MIZORAM GOVERNOR THAR ATAN RUAT A NI
Nizan tlai tawh tak khan India President chuan thuchhuah siamin Maharashtra Governor nilai K.Sankaranarayanan chu Mizoram Governor thar atan a sawn a ni. Amah hi kum 82 mi niin kum 2017 thleng Governor nih theihna hun a la nei a ni. Lamtluang in kan lo hriat danin Mizoram larsap thar tur hi a hmingpum chu Kateekal Sankaranarayanan niin Kerala lam mi a ni a, Kerala ah hian Congress sorkar hnuaiah minister a lo ni tawh thin a, chubakah Governor hna hi Nagaland, Jharkhand ah te a lo thawk tawh thin bawk a ni.

23rd August 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

23.8.2014 
*SUPREME COURT IN UPSC EXAM HUN DAN PANGNGAI A KALPUI THA TI
Vawiin khan Supreme Court chuan UPSC preliminary examination 2014 neih tur sawn hla tura dilna theluh chu hnawl in, hun ruat anga exam kalpui turin thu a ti thlu. Lamtluang ah pawh kan rawn tarlan thin tawh aing UPSC civil service exam ah hian Civil Services Aptitude Test (CSAT) Paper II ah English comprehension section a awm thin a, chu chu English medium chhuak lo tan mark a hmuh that ve theih loh tiin mitam takin an sawisel a, hei vang hian dodalna huaihawt a ni nghe nghe.
 
*MIZO ZAITHIAM REBECcA SAIMAWII ZAI A NI
Nimin 22.8.2014 khan Mizo zaithiam lar Rebecca Saimawii chu a ke a thizem zam kalsual (Varicose Veins) avangin Aizawl Hospital ah zai a ni. Zaithiam Rebecca hi tluang tak a zai a ni a, a mah pawh a harh tha niin Lamtluang chuan thu kan lo dawng. Lamtluang in a dam chhoh zel kan duhsak e. 

Mizo celeb singer Rebecca Saimawii  has gone through minor operation due to varicose veins at Aizawl Hospital

*PROJECT MENGMAWII SIAMTU NONOA BORAL
Mizo rimawi khawvel a mikhual lo tak, kum 1990 chho vel a Zoram dengchhuak audio album hit em em - Project Mengmawii leh Project Lungdumtu lo buatsaih tu, Benjamin Lalrinawma (47), Nonoa ti a hriat lar chu tukin zing dar 4:10 khan lungna avangin Aizawl Hospital ah a boral. Vawiin chhun dar 1 ah an chenna in Tuikhuahtlang ah vui a ni ang.

Nonoa hian a nupui Laltanpuii (Bungkawn High School Headmistress) leh a fate mipa 2 hmei chhia 1 a kalsan a ni. Thangthar zawk i ni a, Mizo lengzem leh lenglawng hla i ngaina a Nonoa i hre lo a nih chuan i playlist ah khan Jenny emaw C.Awma leh Didini te sak 'Herchhuak leh se' tih emaw Nonoa leh Remmuana te phuah Rebecca Saimawii sak "Aw khawnge i awm?" tih te kha ngaithla la Mizo rimawi khawvel a Nonoa danglam na chu i hre theiin a rinawm. Amah hi Tribal Power band a an guitarist Maitawka (L) u a ni. Mizo hlaphuahthiam leh musician Pu Nono, Lamtluang in kan mangtha ve a che. RIP

Mizo noted song composer and musician Mr. Benjamin Lalrinawma (Nonoa) Aged:47 passed away on 23rd August 2014, 4:10 am at Aizawl Hospital due to heart failure. RIP Nonoa

 *J&K RAMRI AH PAKISTAN SIPAI TEN INDIA SIPAI TE KAP
Tukin zing khan Pakistan rangers ten Jammu District a RS Pura sector hmun Jodafarm thingtlang khua ah BSF sipai post rawn kap in, he khua a mi Pa pakhat Muhammad Akram leh a fapa kum 13 an kaphlum a, anupui leh fate 3 bakah BSF sipai pakhat in hliam an tuar a ni. Lamtluang in thu kan lo hriat dangin hliam te hi Jammu Medical College ah hruai anni tawh a ni. India sipai thupuangtu in a sawi danin Pakistan lam hian an la rawn kap reng a, BSF sipai ten he inkahna hi an lo chhawn leh ve bawk a ni. Sipai te inkah avangin mipui 2000 chuang te chuan an nitin hna kalsan in hmun him lamah an insuan mek bawk.

15th - 22nd August 2014 news collection in Mizo

Latest news collection in Mizo language

MIZO TAWNG A CHANCHINTHAR LAWRKHAWM

22.8.2014

*NAKKUM ATANGIN RBI IN PLASTIC PAWISA NOTE HMAN TAN TUM
Reserve Bank of India (RBI) chuan nakkum 2015 atangin plastic atanga siam pawisa note hman tan an tum. Lamtluang in kan lo hriat danin RBI governor Raghuram Rajan chuan Plastic pawisa note siam nan hian tender koh ania, pawisa note Mataduai 1 siam phawh turin hma lak mek a ni a ti. Plastic pawisa note hi a tahtawl a kalpui tum a nia, a tir berah heng khawpui Kochi, Mysore, Jaipur, Bhubaneswar leh Shimla ah te hman hmasak tir phawt anni dawn a ni.

 

*SUPREME COURT IN UTTARAKHAND GOVERNOR BAN TIR TUM CHUNGCHANGAH SORKAR LAIPUI INSAWIHFIAH TURIN TI
Nimin khan Supreme Court (SC) chuan Sorkarlaipui in Uttarakhand Governor anihna atanga bang tura an hriattir chungchang a thubuai Aziz Qureshi an a thehluh chu a ngaihtuah a, court chuan chawlhkar 6 chhung a insawifiah turin sorkar laipui a hriattir a ni. Lamtluang ah nimin a kan rawn post tawh angin Uttarakhand Governor Aziz Qureshi hian governor te hi an term tawp hma a thil tihsual an nei pawh nisilo a bantir tum chu constitution dan kalh a ni tiin SC ah hian thubuai a thehluh ta a ni.

 

*KERALA SORKAR IN ZU KHAP BUR DAN KALPUI TUM
Congress kaihhruai UDF sorkarna Kerala State chuan a tahtawl a zu khap burna (total prohibition) kalpui tum mek a ni. Lamtluang thulakna in a tarlan danin Kerala state chhung a zu inna hmun (bar) 312 te license chu March ni 31, 2015 atangin tihthar (renew) sak annih tawh dawn lo a ni. April ni 1, 2015 atangin bar license hi 5-Star Hotel te chauh pek anni tawn dawn a, 4-Star Hotel leh 3-Star hotel te pawh in bar license an nei thei tawh dawn lo a ni.

Kerala Chief Minister Oommen Chandy chuan sorkar in zu khap burna dan kalpui a duh avangin zu zawrhna dan thar (Liquor policy) chu reilo te ah peih hman a ni ang a ti. Kerala a zu khap burna dan kalpui tumna hi sorkarna siamtu UDF front meeting ah pawm a nia , state cabinet in an lo pawmpui leh dawn a ni. An thuthlukna hi August ni 26 ah Kerala High Court ah bar an kharsak mi 418 ten sokar an khinna ngaihtuah anih hunah sawilan a ni ang.

Lamtluang in thu kan lo hriat dan in Kerala Sorkar hian zukhapna dan hi a tahtawl in kalpui a tum a, kum 10 chhungin an state chhunga zu zawrhna dawr zawng zawng khar hman an tum a, kumtin zuzawrhna dawr 10% a tih tawp hman an tum a ni. Kerala hi India ramah Kristian sakhaw thlen hmasakna leh ringtu te tamna hmun a ni.

 

*DELHI KHAWPUI CHU HMARCHHAK MITE THLIAR HRANG NASA BER ANNI
India hmarchhak (northeastern region) mite khawpui hrang hrang a thliar hran leh diriam an tawhna tihtawp na tur a rawtna siamtu tur sorkar ruat, 11 Member panel MP Bezbaruah kaihhruai chuan Delhi High court hnenah India khawpui te zingah Delhi ah North East miten thliarhranna an tawk nasaber an ti. Lamtluang in kan lo hriat danin Panel Report phek-80 a chhah hi kumin July khan Union home ministry ah thehluh a ni a, an zirchianna ah hian 2005-2013 khan Delhi ah North East mi nuai 2 chuang an khawsa a, an zinga 86% ten an hmel adanglam avanga thliarhranna (racial discrimination) an tawh thin thu an sawi a ni.

21.8.2014

*ASSAM LEH NAGALAND RAMRI BUAI ZUAL ZEL
Vawiin hian Assam Chief Miniser Tarun Gogoi leh Nagaland Chief Minister TR Zeliang te chuan Guwahati ah ramri buai chungchang an sawi dun dawn. An inbiakna tur ah hian Union Minister of State for Home Kiren Rijuju leh DoNER minister Lt-Gen (retd) V K Singh te pawh an tel ve dawn a ni. Ramri buai lo alh chhuah leh na chhan hi karhmasa August ni 12 leh 13 khan Naga hel NSCN(IM) ten Assam nen an ramri buai laiah hian lut in Assam lam mi 14 an thah bakah an in te an halsak a ni.

State 2 ramri buaina kal zel ah hian Lamtluang in thu kan lo hriat danin nimin khan Golaghat khua ah mipui thinrim pungkhawm in police station an hual a, police lam hian mi 2 an kaphlum a, midang 7 in hliam an tuar bawk a ni.

Assam leh Nagaland ramri buai hi Nagaland state a pian phat atangin a intan tawh a, Assam lam hian constitution anga ramri siam pawm an duh laiin Nagaland lam hian history a an lo neih thin ramri chu kalpui an tum thung a ni. Kum 1988 khan Assam sorkar chuan Nagaland nen an ramri inchuh thubuai hi Supreme court ah thlen a, mahse court hian thubuai hi rem mai lo in a thli thlai chhunzawm ta zawk a ni. Assam leh Nagaland ramri buai thelh mit tur hian kum 1979 atang khan sorkar laipui chuan Assam Rifles sipai a lo dah tawh a, ahnuah CRPF ten an thlak a, anni hian ramri hi an la veng reng a ni.

 

*UTTARAKHAND GOVERNOR IN SUPREME COURT AH SORKAR LAIPUI KHING
Uttarakhand Governor Aziz Qureshi chuan nimin khan Supreme court ah thubuai thehlut in Sorkar laipui a Home Secretary in telephone a amah rawn bia a, bang tur a hrilh chu constitution dan kalh a ni a ti. He thubuai hi vawiin ah thil hmanhmawh ngai(urgent) tak a nih avangin court hian ngaihthlak (hearing) sak dawn a ni. Lamtluang ah kan rawn post thin tawh angin BJP kaihhruai in sorkarna an chan hnuah UPA sorkar ruat Governor te an ban nual tawh a, ban zingah kan Mizoram governor pawh atel nghe nghe a ni.

 

 20.8.2014

*RUIH HLO MAN
Mizoram Excise & Narcotics Department (END), Champhai Station ten 18th August, 2014 zan khan Heroin gram 27 leh a neitu an man.

Excise & Narcotics Department, Champhai Station te hian 18th August, 2014 (Thawhtanni) zan khan Mualkawi daiah Heroin gram 27 chu Maxi Cab pakhat atangin an man a. Vawiin zing kar khan heng Heroin neitu Tuakmeng (30) d/o Liandet, Lumbang, Myanmar tuna Khawmawi, Myanmar-a khawsa mek chu an man ta a ni. Heroin te hi Hawng 2 a ni. Heroin neitu Tuakmeng chu NDPS Act, 1985 hnuaiah thubuai siamsak nghal a ni. (DIPR)

 

*MIZORAM BJP IN MITHAR LAWMLUT
BJP Mizoram Pradesh chuan thuchhuah siamin, nimin khan an party-ah mi pariat an la lut tih an tarlang. BJP zawm tharte zingah hian MLA hlui leh tun hnaia Congress party general secretary aṭanga báng ta Dr. JV Hluna leh Central YMA president hlui leh tun hnaia MNF adviser aṭanga bâng ta K Lianzuala te pawh an tel a ni.
Source: www.vanglaini.org

 

*SLAMIC STATE FIRFIAK TEN US CHANCHINBUMI LU AN TAN
Iraq hmar lama mipui sorkar lehthal tum a nasa taka tan la mek Islamic State (IS) firfiak pawl ten US journalist an man James Foley lu an tan sak lai video chu an tlangzarh. Lamtluang thulakna chuan Islamic State firfiak te hian hmanni a US in thlawhtheihna hmanga Iraq a bomb a thlak an chhanletna niin an sawi. US thuneitu te chuan he video hi a dik tak nge inbumnan a a lem an siam tih finfiah phawt an tum a ni.

US Chanchinbumi James Foley hi kum 40 mi niin 22 November 2012 khan IS firfiak te hian Syria ram hmarlam ah an man a, Boston atanga tihchhuah online publication pakhat a thawk a ni. Lamtluang follower ten in lo hriat atan, ISlamic State firfiak pawlte hi Sunni Muslim an ni a, an Muslim pui Shia ten rorelna an channa chhuhsak an tum a ni. IS te chetlakna Middle East ram Syria leh Iraq ah te firfik takin ralthuam nen mipui sorkar an bei mek a ni.

 

19.8.2014

*MAOIST TE BEI TURIN NAGA IR BATTALION HNIH THAWN DAWN
Nagaland Indian Reserve Battalions hnih(2) te chu Maoist hel te bei turin Chhattisgarh a Bastar hmun ah thawn annih dawn. Union Home Ministry in Nagaland sorkar hnenah lehkhathawn in Nagaland IR Bn te Bastar a thawn tur hian a hriattir tawh a ni. Lamtluang thulakna a an tarlan danin Naga IR Bn te hi ramhnuai a ralbeih (Jungle warfare) ah an that em avangin Chhattisgarh Chief Minister Raman Singh chuan Union Home Minister Rajnath Singh hnenah an state chhung a thawn phalna a dil niin sawi a ni.

Bastar hi India ram a Maoist hel te chet nasat na leh hmun hlauhawmber zing a mi a ni a, avawi 1-na atan IR Bn police te tirh luh anni dawn ta a, Naga IR Bn hnih te bakah hian CRPF Battalion 10 pawh Bastar ah thawn luh belh anni ang.

 

*CBI IN EIRUK VANGIN FILM BOARD HOTUPA MAN
Ninin khan CBI chuan Central Board of Film Certification a Chief Executive Officer nilai Rakesh Kumar chu thamna pawisa chungchang avangin an man. Lamtluang thulakna in an tarlan danin Rakesh Kumar hian Chattisgarh a regional film pakhat censor certificate pekna chhuah nan thamna pawisa Rs.70,000 a lo dawng ni a sawi a ni.

 

*TATA LEH BHARTI FOUNDATION TEN SIKUL AH INTHIARNA IN A THLAWNIN SA DAWN
India ram company lian - Tata Consultancy Services (TCS) leh Bharti Foundation te chuan sorkarin ekin neilo te tanpuina "Swachh Bharat" a kalpui mek ah sorkar tawiawm nan Rs. Vaibelchhe 100 ve v an thawh tur thu an puang. An sum thawh hi athlawn a sikul a ekin sak nan an tih a ni.

Prime Minister Narendra Modi an Independence day a thusawina ah khan sorkar in ekin/inthiarna neilo te a thlawn a siam sak a tum na kawngah corporate/private company te sorkar tawiawm tur in a sawm a nih kha. Lamtluang in kan lo hriat danin hetiang a private company ten mipui vantlang tan a thil/hna an thawh sak hi corporate social responsibility an ti thin a ni.

 

*Vawiin hian Telangana state thar in 'Intensive Household Survey 2014' an neih mek avangin Hyderabad khawpui ah chuan sorkar office leh zirna in te khar vek a ni. Public transport ah auto ricksaw leh taxi service te pawh an chawl a, bus service pawh dar 5am-10pm leh 5pm-10pm ah chiah an tlan dawn a ni. Telangana CM K.Chandrasekhar Rao chuan he survey hi Telangana mipui te ham thatna dawn na tur leh sorkar in ruahmanna tha zawk a neih theih nan a kalpui niin a sawi.

 

18.8.2014

*KURDISH TEN IRAQ HMAR LAM TUIKHUAH LALET
Lamtluang ah pawh vawi duailo kan rawn tarlan tawh thin Iraq ram a mipui rorelna tibuai a, Islam sakhaw firfiak anga rorelna kalpui duh pawl Islamic State (IS) te kuta awm mek Mosul a tuikhuah lian tak chu Sorkar lam tang Kurdish ten a pumpui deuh thaw in an lalet leh tawh a ni. He tuikhuah hi Iraq ram hmar lam a chengte tui intur leh kawlphetha pe chhuak tu a ni a, sorkar lam leh firfiak pawlte tan hian a enkawltu zawk nih a pawimawh em em a ni.

 

*INDIA HMAR LAMAH TUILIAN NASA
Nimin tlai thleng khan Uttar Pradesh a Nepal ramri hnaih district 9 ah tuilian vanga thizat chu mi 28 an tling tawh a, mihring 60,000 chuangte hmun him lamah an insuan chhuak a ni. Uttarakhand ah pawh tuilian vang hian mi 50 chuang an boral tawh bawk a ni.

 

17.8.2014

*INDONESIA LAWNG CHESUAL AH MI 20 TUIAH TLA
Nizan khan Indonesia Lombok thliarkar ah khualzin phur lawng a chesual a, lawng a chuang ramdangmi khualzin mi 20 tuiah an tla a, tun thleng hian an zinga mi 10 te chu chin hriat loh in an la bo mek a ni a. Vawiin khan lawng a chesual zing a mi 10 te chu chhanchhuah anni tawh a, an zing 5 te chu tutenge annih hriat anni tawh a: New Zealand mi 2, Spain mi 2, leh Britain mi 1 anni.

 

UPSC CHAIRMAN THAR RAJNI RAZDAN
Union Public Service Commission Chairman thar Rajni Razdan chuan nimin khan a hna thar a zawm a, UPSC Chairman kalchhuak ta Prof. D.P Agrawal a thlak a ni. Lamtluang in kan lo hriat danin amah hi kum 64 mi niin IAS, Haryana cadre a ni a, IAS atanga chawlh hnu in kum 2010 April ni 19 khan UPSC member atan lakluh a ni.

UPSC ah hian Chairman leh member 10 an awm a, chungte chu Former DoPT Secretary Alka Sirohi, academician David R Syiemlieh, Retd IFS officer Manbir Singh, former CBI Director Amar Pratap Singh, Former Navy Vice Chief D K Dewan, Ex-Railway Board Chairman Vinay Mittal, educationists P Kelimsungla & Hem Chandra Gupta, former IAS officer Chhatar Singh te anni.

 

16.8.2014

POPE IN SEOUL AH OPEN AIR MASS BUATSAIH DAWN
South Korea tlawh a zin mek Roman Catholic Puithiam luber Pope Francis chuan vawiin hian South Korea Khawpui Seoul khawlai Gwanghwamun Square ah mipui vantlang tan mass a buatsaih dawn a ni. Nimin khan Daejeon football stadium ah mipui vantlang tan mass a lo buatsaih sak tawh bawk a ni. Pope hi South Korea ah hian ni 5 a cham dawn a, vawiin hi a ni 3 na a ni tawh a ni. South Korea sorkar hruaitute hnenah North Korea nen remna leh muanna neih turin a ngen a ni.

 

15.8.2014

ASSAM LEH NAGALAND RAMRI BUAI AH MI 11 THI TAWH
Assam leh Nagaland state ramri chungchang a an intihbuai avangin Nagaland hel pawl ten Assam a Uriamghat khua a mi 11 an that. Ruang 9 chu vawiin khan hmuchhuah anni a, a hma lam khan mi 3 ruang hmuh ani tawh bawk a ni. Lamtluang in kan lo hriat angin Naga te hian Assam lam mite in 200 an halsak tawh bawk a ni. Buaina laka himna duh in mi singkhat vel an Golaghat District, Assam ah an raltlan mek a ni. Buaina chhuak zel tur veng hian CRPF company 3 thawn luh belh anni.

11th August 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

  11.8.2014

*CHAKMA CENSUS LAK TUM CHUNGCHANGAH HOME MINISTER LEH CYMA HRUAITUTE INHMU
Vawiin khan Central YMA-in Chakma Census kalpui a tum chungchangah Home Minister R. Lalzirliana hovin a pisaah Sorkar hotute leh Central YMA Office Bearer-te an thukhawm. He hunah hian Chief Secretary Pi L. Tochhong leh Home Department hnuaia Officer pawimawhte an tel a ni.

Home Minister chuan YMA-in chhiarpui kalpui a tum hi ram leh hnam hmangaihna leh humhalh duhna atanga chhuak a ni tih a hriatpui thu leh, YMA-in ram venhimna a vei tak zet avanga a lawmzia a lo hrilh a. Chutihlaiin, mahni thahnemngaihna zawna census lo neih chu ram inpumkhatna tichhe theitu leh nghawng tha aia thalo thlentirtu a nih theih zawk avangin fimkhur a ngaih thu a sawi a. Mizoram chhunga hnam bil bik chhiarpui lo neih ngawt pawh hi ram Dan Pui pawhin rem a tih a rinloh thu sawiin, YMA chu an thil tum kal tlangpui rihlo turin Minister Pu. R. Lalzirliana chuan a lo ngen a ni.

Mizoramah Dan lo anga pawn lam mi an awm hi eng sorkar tan mah phal chi a nih loh thu sawiin Home Minister chuan khua leh tui takte chhinchhiahna tur khaw tina Village Register neih chu tihhlawhtlin dan kawng zawngho zawk turin CYMA hruaitute chu a sawm a. He Village Register neih hi Legislative Session-a pharh theih tura ruahmanna mumal tak siam tura theihtawp chhuaha tangho turin rawtna a siam a. Dan anga hman theih anih chuan phallohva hnamdang mi state chhunga lo lutte zawn chhuahna leh danna hmanraw tha tak anih tur thu Minister chuan a sawi a ni.

YMA hruaitute chuan census lak an tum chu hnam bil thliarna leh harsatna siam sak tumna anih loh thu leh political party bil tana hamthatna siam sak tumna anih loh thu an sawi bawk. (DIPR)

 

*NRINNI A ASSAM A HMEICHHE PAWNGSUAL RAWNTUTE MAN ANNI
Karhmasa Inrinni zan dar 11:45 a Assam Dibrugarh a hmeichhe kumtlinglo pawngsual rawntu College zirlai 4 - Pranjit Dutta, Kalyan Dutta, Karan Gogoi leh Pranjit Dutta te chu Assam police ten an manchhuak ta. Lamtluang in kan lo hriat dan in heng zirlai 4 te hian thingpuihuan a thawk hmeichhe kumtlinglo an pawngsual hnuah nikhawhrelo khawp in Dibrugarh Railway Station bul Banipur ah an hmeichhia pawngsual hi an kalsan a ni. Pawngsualtute ni a puh te hi Dibrugarh atanga Km 20 a hla Romai Kordoibam khua a mi te anni.

 

*SOCIAL WELFARE MINISTER PU P.C. LALTHANLIANA'N 'CAREER GUIDANCE AWARENESS CAMPAIGN' A HMANPUI
Vawiin khan Saikuti Hall, Lunglei-ah MSU Regional Hqrs. Lunglei buatsaihin 'Career Guidance Awareness Canpaign' hman a ni a, Social Welfare Minister Pu P.C. Lalthanliana chu Khuallian niin Campaign hi a hawng a ni.

Hawnna inkhawm MSU Vice-President Biaksiamtluanga kaihhruaiah Khuallian Pu P.C. Lalthanliana chuan Career Guidance Awareness Programme hlawhtlinna tura mithiam hrang hrang-in tunlai khawvelah eizawnna tur kawng kawhhmuh theihna tur zirlaite tan MSU-in a buatsaih chu a vanneihthlak hle a ni, a ti. Zirlaite kawng tha leh dik zawk kawhhmuhtu tur nei lo tam tak an awm laiin vawiina Career Gudance Campaign chhim theia lo kal zirlaite chuan tih takzeta mithiamte thusawi ngaithla a, hmang tangkai ngei turin a chah a ni. "Vawiin ni hi in naktuk ni tur in siam hun a nih avangin, tumruhna nen, eizawnna atan eng kawng pawh thlang ula in rahbi tur in tuk thiam phawt chuan hlawhtlinna in hmu ang," tiin Minister chuan zirlai kalkhawmte a fuih a ni.

MSU Secretary Lalnuntluanga chuan report pein MSU-in 'Career Guidance Awareness Campaign' hi kum 2012 leh 2013-ah te sikul hrang hrangah an lo huaihawt thin tih a tarlang a. Kumin Career Guidance hian sikul 4 - Govt HSS, BHSS Serkawn, Leitlang HSS leh KT HSS - te a huam dawn a ni. MSU Regional Hqrs. Lunglei chuan kumina College admission chang lote chu JB College leh Lunglei Govt College-ah admission an dil hlawhtlinsak thu leh Class XII zirlai leh Under-graduate tithate chawimawina hun hman a nih thu te a tarlang bawk a ni. (DIPR)

*MIZO MUSIC VIDEO THAR: MICHAEL M.SAILO LEH SPI TE NUPA MUSIC VIDEO  "KA HMANGAIH CHE" TIH CHU HEI LE!
Mizo rapper lar Michael M.Sailo leh a nupui SP-i te chuan an nupa a an zaidunna music video thar "Ka hmangaih che" tih chu a duh apiang te en theih turin youtube ah Michael M Sailo channel ah an dah ta. Upload a nih 4 August 2014 atanga he thu post a nih thleng hian thlirtu(viewer) 4393 an tling tawh a ni. An zai in lung a kuai a, an hla ngaihthlak a hahdam bakah an video pawh a qualiy a that piah lamah an creative hle a ni. Hei le youtube link chu: https://www.youtube.com/watch?v=sJaZYfAt6xw 

Mizo celebs - Michael M Sailo & his wife SP-i on their new music video

*EBOLA HRILENG IN CHENNAI A RAWN THLENG EM NI?
Nimin Pathianni khan India mipui tam tak ten Chennai ah Ebola hrileng mek vei mi pakhat hmuchhuah a ni tih thuthang avangin an ralkhel hman hle a nih kha. He thuthang hi Union Health Minister Dr Harsh Vardhan chuan thudik lo niin a sawi. Mi pakhat Guinea ram atanga rawn haw chu chennai Airport ah Inrinni khan health check neih a ni a, Ebola a lo vei palh takin tih hlauhthawn thil ah Government General Hospital, Chennai ah dahhran nghal a ni a, mahse a taksa ah ebola natna hmuchhuah a nih tak loh avangin nimin Pathianni chawhnu khan Damdawiin atangin chhuahtir leh a ni.

10th August 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

 10.8.2014

*SUPERMOON ZANIN AH
Zanin hian Britain ram zawnah Supermoon a lang mek a ni. Zanin a supermoon hi kum 20 kalta ai khan thla leh lei a inhnaih bik a, astrologer te sawi dan chuan zanin hian thla hi 14% in a lang lian dawn a, 30% in a lang eng zual dawn bik a ni. Supermoon tih chu saptawng a ni a, Mizo tawng a awmzia sawi dawn chuan "Thla leh lei in hnaih ber tum" tih na a ni mai awm e. Zanin hi kumin chhung a vawi 2 awmna a ni a, June 12 khan a lo awm tawh bawk a ni. Kumin September ni 9 hian supermoon a awm leh beisei a ni bawk. Zanin anga lei leh thla inhnaih hi kum 2034 ah a lang leh chauh dawn niin chhuichiangtu te chuan an sawi.

*THLAWHTHEIHNA TLA MI 48 THI
Tukin khan Iran a Mehrabad airport atanga thlawk chhuak Air Iran-140 chu a tla a, hriat theih chinah mi 48 an boral.

 

*SUMO ACCIDENT
Vawiin chhun dar 12 vel khan Aizawl - Guwahati sumo service 'Ebenezer' chu Jowai bulah truck nen an insu a, passenger 2 an boral. Midang pawh in hliam na tak an tuar ni a sawi a ni. Chanchin hrechiang in awm chuan comment ah rawn sawi nise.

 

*MIZORAM SYNOD CHOIR LEH SYNODE MODERATOR PROGRAMME
Mizoram Synod Choir chuan Wales rama rawngbawla an zin report Kohhran 6-ah an pe tawh a, vawiin chawhnu inkhawm ah Aizawl Chaltlang Kohhran Biak In ah report an pe mek a, Zanah Mission Vengthlang Kohhran Biak In ah report an pe leh dawn a ni.

Mizoram Synod Moderator Rev.K Lalhmuchhuaka chuan nizan khan Kawtethawveng South Kohhran a tlawh a, vawiin chawhma khan West Bunghmun kohhran a tlawh a, vawiin chawhnu ah Serhmun Kohhran tlawh mek a, zanah Kawrtethawveng kohhran a tlawh leh bawk ang.

*BCM IN MISSIONARY TIR CHHUAK
Vawiin hian a rualin Biak in 2- Lunglei Chanmari Biak In leh Rahsiveng Biak Inah te Missionary tirhchhuah Inkhawm Baptist Church of Mizoram in a buatsaih . Tun tumah hian July 24-a Missionary lak thar 10 tirhchhuah an ni. Heng Tirhchhuah te hian July 30 – August 8 chhungin BCM Headquarters, Serkawn-ah Orientation an nei a ni.

Missionary tirhchhuah thar te chu:
1.F.Rorelliana : Belthei Bru Mission(BBC)
2.R.Lalnunzira, Evangelist – Arunachal Pradesh – Far East
3. F.Vanlalhruaii, Evan.Teacher-St.James H/S Tripura
4. R.Zorempuii, Evan.Teacher-Tukawi CBC
5. Amar Thapa, Evangelist- Kolosib-Non Mizo
6.V. Laawmsangpuia, Rotlang West
7.Moses Lalvenhima, Nazareth H/S Vathuampui
8. H. Malsawmkimi, Baptist Mission School, Putlungasih
9. C. Lalnunzami, Zawlpui P/S
10. R. Lalhmangaihzuala, Evangelist, Non-Mizo – Lengpui

Source:mizobaptist.org

 

*SYNOD HOSPITAL A NURSE ZIR DUH TAN
Synod Hospital, Durtlang chuan GNM zir tur a la dawn a, Prospectus/Application Form chu August 1 - 23, 2014 chhungin a hnuaia hmun tarlanah te hian dar 9:00 am - 4:00 pm chhungin lei theih a ni e.

Application form hi mahni ngeiin Principal Office-ah thehluh tur a ni ang.
1) Principal Office, School of Nursing, Synod Hospital, Durtlang
2) Fraser’s Clinic, Mission Veng

Prospectus/Application Form man - Rs. 100/-

Dil thei chin :
1. 10+2 emaw a tlukpui emaw pass, 45% mark hmu chin.
2. Nupui/Pasal la nei lo, kum 17-35 inkar.

Source: Synfocity=499

 

*MIZORAM GOVERNOR HLUI KAMLA BENIWAL IN DAN ANG ZEL IN THIL TI NIIN A INSAWI
Mizoram Governor anihna atanga sorkar in a ban tak Kamla Beniwal chuan Mizoram a chhuahsan hnuah an khua Jaipur tluang takin a thleng a, Airport ah thuthar lakhawmtuten zawhna an zawh chu chhang duh lo in, an in a thlen hnuah pawh an zawhna a chhansak ta chuang lo a ni. Hemi hnua hian Kamla Beniwal chuan a hranpa in thu a chhuah asiam a chutah chuan "Ka thil tawh chu dan ang zel a tih a ni" tiin a sawi. Mizoram Governor hlui hian hethu hi dan a bawhchhiat vanga Governor a nihna atanga ban tir ani tia an puhna a chhanna a ni.

Kamla Beniwal, Former Governor of Mizoram

9th August 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

 9.8.2014
HYDERABAD KHAWPUI A DAN LEH THUPEK CHUNGCHANG AH TELANGANA LEH SORKAR LAIPUI IN MILLO
Sorkar laipui a Home ministry chuan Telangana sorkar hnenah ah lehkhathawnin Hyderabad khawpui chu Andhra Pradesh Bifurcation Act 2014 in a duan anga Telangana leh Andhra Pradesh ten kum 10 an intawm dawn avangin dan leh thupek kenkawhna chu Telangana sorkar kutah ni lo in Governor kut a awm tur a ni tih an hriattir. He hriattirna hi Telangana sorkar hian chhanglet in Sorkar laipui duhdan chu an zawm theih loh thu leh state chhhung a dan leh thupek kenkawh chu state sorkar kut (State affairs) a ni tiin an sawi.

Union Home ministry hian Telangana state sorkar hnenah hian Andhra Pradesh Bifurcation Act 2014 in a duh angin Hyderabad khawpui chhung a dan leh thupek kenkawh hna chu Governor kut a awm tur leh police lal te pawh sawn theihna power pek a ni tiin an hriattir. Mahse, Telangana sorkar hian Governor chu council of minister thurawn anga hma la tur chauh a ni an ti thung. Telangana Chief Minister K.Chandrasekhar Rao chuan an party TRS MP te chu sorkar laipui thil tih dan hi state sorkar hnuaichhiahna a nih avangin Thawhtanni ah Parliament a auchhuah pui turin a ti a ni.

Kan hriat angin Hyderabad khawpui ah hian Andhra lam mi leh Telangana lam mi an in chenpawlh nuk avangin Telangana state thar khawpui tur a puan pawh nise kum 10 chhung a intawm hrih tur a tih annih kha.

*BARACK OBAMA IN IRAQ FIRFIAK PAWL AN BEIH CHHAN SAWIFIAH
Vawiin khan US President Barack Obama chuan US indo thlawhna 2 in Iraq rama Muslim firfiak pawl Islamic state ten an awp mek Erbil chunga bomb an thlak chhan a sawifiah na ah chuan heng firfiak pawl te hian Iraq ram a sorkarna chelh mek te an tihbuai vang leh mipui thlabar te chhanchhuah an duh vang niin a sawi. Nimin a US in Iraq firfiak pawl te a beih na ah hian Islamic state te ramthuam leh hmanrua te tihchhiat sak anni in Obama hian a sawi.

US thlawhna te hian bomba ah thlak hnu hian Iraq ram hmar lama Sinjar tlangdung a Yazidi hnam tlem zawk te firfiak pawl Islamic State hlau a tlanchhe mek te tan tui in tur leh chaw ei tur a thlak sak bawk a ni. Thlawhna atanga tanpuina an thlak hi chawfun 28,000 leh tui gallon 1500 a ni.

 

*INDIA IN CRICKET STADIUM SAK NAN AFGHANISTAN TANPUI DAWN
India chuan Afghanistan sorkar hnenah cricket stadium sak nan US Dollar maktaduai 1 a pe dawn. He stadium hi Afghanistan ram chhim lam Kandahar ah sak a ni ang.

 

*MAMIT HMASAWNNA TUR THLITHLAI
Mamit khawchhung tih hmasawnna tur 'Mamit Development Project' chungchang chu Mamit DC Pu K. Lathawmmawia hovin UD&PA Department aiawh te nen ngaihtuah ho a thlithlai a ni.

Mamit Development Project hnuaiah hian khawtlang hmunhma tha zawk siam (Composite Infrastructure Development) , inkalpawhna tha leh khawchhung kawng cheithat (Road Project) leh Bazar huam chhung cheimawi leh tih changtlung (Bazar area development project) ah te ruahmanna siam a hmalak dan tur thlithlai a ni.

Survey hi Ningani (dt.7th august,2014) atanga tan ni in vawiin khan zawh a ni a.Mamit VC member ten survey hi tawiawmin khawtlang mamawh te an lo thlen a ni. (DIPR)

 

*AFRICA A EBOLA NATNA HRILENG MEK CHU WHO IN INTERNATIONAL HEALTH EMERGENCY AH PUANG TA
Lamtluang a kan rawn post tawh ang khan nimin khan World Health Organization (WHO) chuan Geneva ah Emergency Committee neiih Africa khawtlang ram a natna hlauhawm tak leng mek ebola darh zel tur ven nan international health emergency a puan hnan ta. Chumi awmzia chu he natna ebola hi khawvel ram dang te tan pawn kaichhawn hlauhawm khawp in a darh chak tihna a ni. WHO hian khawvel ram dang te pawh he natna hi an kai loh nan fimkhur tur leh invenna ruahmanna siam vek turin a hriattir.

WHO hian he natna lenna ram abikin Liberia, Guinea, Nigeria leh Sierra Leone ah te he natna leng hi tihtawp anih hma chuan mipui vantlang punkhawm te, zanlam a nightclub leh intihhlimna dang huaihawt te a tihtawp tir vek a ni.

WHO hian he natna lenna ram tlawhtu/zin mi tupawh ebola natna an vei a hlauhthawn awm tawh avangin international airport zawng zawng ah exit screening neih vek turin khawvel ram hrang hrang te an ngen a, he natna vei ni a rinhlelh te chu ramdanga in enkawl tur a phalsak annih chauh loh chuan thlawhna a zin phalsak anni dawn lo a ni.

India sorkar pawh in ebola natna kaipalh theih laka invennan Mangalore leh Bangalore international airport ah te ebola special examination centre a dah tawh a ni. Lamtluang in news report a kan hmuh danin Delhi ah pawh he natna vei hmuchhuah annih chuan Ram Manohar Lohia hospital ah enkawl tur in Sorkar in ruahmanna a siam a, vawiin atangin 24 hour emergency helpline no 011-23061469, 3205, 1302 ah te hman tan a ni ang. He natna vei nia rinhlelh te thisen sample chu National Institute of Virology, Pune leh National Centre for Disease Control, Delhi ah te enfiah thin ani ang. Bagalore a awm te tan help line no chu 080-22873151 emaw 080-26631923 a ni .

Vawi duailo Lamtluang a kan rawn post tawh thin angin ebola natna hrik (virus) hi thisen, thlan, luak, zun, mihring chi (baw), chil atang te a inkaichhawn theih a ni. A natna landan chu khawsik, luna, chauhna, luak, khawthalo, pumna, ruh inzawmna na, thisen chhuak te in an awm thin a ni. Lamtluang in i hriat hmaih hauh loh tur a kan duh chu, ebola natna enkawlna tur damdawi hi la hmuchhuah loh a ni tih hi a ni.

*HINDU TEN UTTAR PRADESH AH KRISTIAN AWMLOHNA KHUA SIAM TUMIN TAN LA NASA
Hindu duhfir pawl Rashtriya Swayamsewak Sangh (RSS) a coordinator for the western UP region nilai Rajeshwah Singh chuan Kum 2/3 chhungin Uttar Pradesh khawthlang lam a thingtlang khua te chu Kristian awmmiah tawh loh na khua ni turin hma an la dawn niin a sawi. A sawi dan chuan kumin Krismas ni (25 December) hian Hindu atanga Kristian a inlet tawh te chu Hindu ah inleh tir leh vek tumin beihpui nasa takin thlak an tum a, "Hindu nge Kristian chak zawk tih chu lo thlir mai rawh u" tiin thuthar lakhawmtute zawhna a chhang a ni.

RSS leh Hindu duhfir pawl dang te hian tun hnai ah Kristian chauh nilo sakhaw dang te pawh an beiin ram lak an tum nasa hle a ni. Nimin piah lawk pawh khan Uttar Pradesh ah Hindu nula 1 Muslim a inlet in pawngsual a tawh avangin BJP hmeichhe pawl (Mahila Morcha) leh RSS te hian Sakhaw dang a inlet te nasa taka sawisel in an sakhua Hindu ah inleh tir leh an tum thu an au chhuahpui a ni. Lamtluang in hepa thusawi kan lo chhiar danin kumin December ni 23 khian UP state chhung a hmun 50 ah Muslim atanga Hindu a inleh runpui huaihawt an tum bawk ani. RSS te hian Hindu atanga Kristian leh Muslim ah inlet te hming leh chanchin kimchang an lakhawm mek ni a sawi a ni bawk.

Tunkar nilaini pawh khan Rohtak District, Haryana ah pawh St.Francis Xavier Biak in compound chhung ah Sikul bus 2 te pawh tihchhiah sak anni bawk. I hriat hmaih hauh loh tur chu tuna India Prime Minister Narendra Modi leh a minister tam zawk te hi RSS mi leh sa ruh em em te an ni.
-----------
Kan sakhaw biak ang be lo ten tan an lak nasat zia leh ringtu te kan tawngtai nasat a tul zia hi i vei a nih chuan, he post hi a zau thei ang berin lo share chhawng ve rawh le.

 

*V.K. DUGGAL MIZORAM LARSAP ATAN LAKLUH A NI
Sorkar Laipuiin Mizoram Larsap hna hmui tur atana a ruat Shri Vinod Kumar Duggal, Manipur Governor ni lai mek chu nimin tlai dar 6 khan Raj Bhawan-ah rinawmna thu tiam tira Mizoram Governor 13-na atan lakluh a ni a. Rinawmna thu hi Gauhati High Court, Judge, Justice L.S. Jamir’n a tiam tir. Larsap lakluhna inkhawm-ah hian Home Minister Pu R. Lalzirliana, Chief Minister charge la mek, Minister te, Assembly Deputy Speaker, Parliamentary Secretary leh MLA te bakah Chief Secretary leh Sorkar mi pawimawh thahnem tak an tel a ni.

Larsap hi kum 69 a upa niin November ni 1, 1945 khan Sialkot tunah Pakistan a awm ta ah a piang a. Zirna lamah chuan BA, Delhi University atanga neiin Post graduate degree National Defence College, Delhi (National Security Issues) leh Reading University, U.K (Agriculture & Food Production) atang te in a nei bawk.

Kum 1965 khan Second Lieutenant-in Indian Army a zawm a, kum 1971 khan Captain niin hemi kum vekah hian Indian Administrative Service (IAS) a zawm a. Sipai anih chhung hian kum 1971 Bangladesh War ah Sylhet sector-ah indona a hmachhawn a ni.

1973 kum laihawl atanga 1976 kum tawp lam thleng Mizoram UT a nih laiin Mizoram ah a awm a, hemi hun chhung hian Aizawl DC hna pawh a lo chelh tawh a ni.

Sawrkar hna a thawh chhung hian dinhmun pawimawh tak tak te lo luahin kum 2003 khan Sawrkar Laipuiah Secretary puitlinga hlankai a ni a, 2005 khan Union Home Secretary atan dah a ni a, he hna atangin hian 2007 khan a pension a.Sawrkar hna atanga a chawlh hnuin Member, Commission on Centre State Relations te, Member Secretary, Committee for Consultations on the situation in Andhra Pradesh te (Srikrishna Committee on Telangana), Member of the Task Force on National Security te leh Member, National Disaster Management Authority te a ni.

Nikum May thla ah Uttarakhand a leimin leh tuilian rapthlak tak a thlen khan Uttarakhand Sawrkar pui turin leh chhanchhuahna leh chhawmdawl hna te vil turin Sawrkar Laipuiin a ruat a, chutiang bawkin October thla a Odisha-a Cyclone Phailin a thleh khan chhawmdawl hna a enkawl bawk.

December ni 31, 2013 khan Manipur Governor atan lakluh a ni.
(DIPR)

Mr. VK Duggal sworn in as Mizoram Governor
pix: DIPR Mizoram

8th August 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

8.8.2014

*KHAWNGLUNGRUN FILM DELHI AH SHOW DAWN
Ministry of Information and Broadcasting ten 22-24 August 2014 chhung a Siri FOrt Auditorium Complex, Delhi a Film Festival on North East an buatsaih turah Mapuia Chawngthu (Leitlang Picture) siam Mizo film lar "KHAWNGLUNG RUN" chu a hawnna ni 22 August ah chhuah (Screen) turin an rawn sawm a ni. Lunglei atanga thu kan dawn danin Khawnglung run film director Mapuia Chawngthu (C.Lalhmangaiha) hian he sawmna hi pawmin Delhi pan a tum niin sawi a ni.

Mizo Warrior movie 'KHAWNGLUNG RUN' poster

 

*US IN IRAQ FIRFIAK PAWL TE BOMB TA
Vawiin khan US indo thlawhna pahnih US F/A-18 ten Iraq ram a Islam firfiak pawl Islamic State of Iraq te awp mek Irbit khawpui ah 500-pound (225-kilogram) bomb an thlak.

 

*ISRAEL LEH HAMAS TE INBEI CHHUNZAWM
Ni 3 chhung inkahhai an puan a tawp leh tak hnuah Israel leh Palestine hel Hamas te chuan vawiin khan inralsai an tan leh ta. An ram sana a zing dar 8 (0500 GMT) khan inkahhai hi a tawp a, chumi hnu lawk chuan Hamas te hian Israel lamah rocket 21 an kapchhuak leh nghal a ni, an rocket kahchhuah tamber te leilet zawl ah tla a, mahse 2 te chu tuipuikam a awm Ashkelon khawpui chungah lo kahthlak anni thung. Israel sipai te hian Hamas te beih na chu an lo chhang let ve chauh niin an in sawi thung.

Nimin thleng khan Egypt khawpui Cairo ah ram dang palai te hmalakna a inbiakna neih ah Israel lam hin Hamas te chu tharum hmang a chet bansan se an duh a, Hamas lam hian Gaza strip chu inkalpawh theih a hawn nise tiin an phut ve tlat bawk a, hei vang hian Israel leh Hamas te hian inremna fumfe an la nei thei leh ta lo a ni.

 

*MIZO ZAITHIAM NANCY FB FRIEND PUNGCHAK
Mizo gospel singer lar Nancy Zothanmawii chuan a profile record a landan in 31 July 2014 khan Facebook account a hawng thar ve a, a account hawn atanga ni 9-na chhung (he thu post a nih thleng hian) in thian (friend) 1060 a nei hman a ni.

COURTESY: He kan thu post hi amah Nancy Zothanmawii hnen atanga official a kan dawn leh dil nilo in Mizo celeb lar a nih avangin Lamtluang in a FB account hi kan "stalk" a, chuta tanga kan rawn tarlan chu a ni e, ama hriat loh in a FB account kan lo chingphul chiam a nih hi. Ama privacy kan zah sak avangin a FB profile link pawh chu min zawt lo turah kan ngai che u ania.

Mizo celeb gospel singer Nancy Zothanmawii posing with children in UK

 

*I HRE TAWH NGAI EM?
Mizoram hian UT kan nih laiin Lt.Governor 6 kan nei hman a, state kan nih tak hnu hian Governor 12 kan nei tawh a, zanin a lakluh tur - min hmui hrih tur VK Duggal hi a 13-na tur a ni dawn e.

 

*Pope Francis chuan karleh 13-14 August khian South Korea tlawh a zin a tum a, a kalkawng ah China boruak thlawh tlang a ngaih avangin China ram boruak a thlawh laiin China sorkar hruaitute biakhlatna hmanga biak pawh ngei a tum. Kum 1989 khan khatih laia Pope John Paul II khan South Korea tlawh tur a zin tum in China in an ram chung boruak ah Pope kha thlawh tlang an phalloh avangin Russia boruak zawn ah a thlawh phah tawh a ni.

 

*Thenzawl khawchhung a tuilian thlalak whatsapp lam a kan dawn

Flood in Thenzawl town, Mizoram

8th August 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

8.8.2014

GOOD MORNING MIZORAM
LAMTLUANG ZINGKAR CHANCHINTHAR LAWRKHAWM
*Mizo Students' Union (MSU) chuan tunhnai a Mizoram sorkar in zirchianna awmlo a sikul kai hun an sawn hma chu tha lo an tih thu an sawi a, theihtawp chhuah in dodal an tum a ni.

*UPSC Civil Services Examination 2013-2014 a Mizo tling thar pahnih Grace Lalrindiki Pachuau D/o Van Hela Pachuau, IAS (Retd.) leh Malsawmtluanga S/o Lalmalsawma, IAS te chawimawina thuziak nimin khan MZP Gen.Hqrs. chuan I&PR Auditorium-ah an hlan. Zirna lama hlawhtling thar MZP Ge.Hqrs. hruaitu mi 7 te an hlan tel bawk. (DINGDI)

*Mizoram Larsap (Governor) ban tak Kamla Beniwal chuan Mizoram a chhuahsan anga, vawiin tlai dar 5 ah Mizoram Governor hna lo hmui hrih tur Manipur Governor tanglai VK Duggal chu lakluh a ni ang. VK Duggal hi Mizoram buai lai 1 January 1976-2 Novermber 1976 khan Aizawl DC a lo ni tawh a ni.

*Bawngkawn Local Council chuan an veng chhungah zu zawrh, zu inna hmun leh zu chhek khawlna hmun awm an rem tih loh thu an tarlang.

*Congress party thupuangtu Shobha Oza chuan Mizoram Governor atanga ban tak Kamla Beniwal chu eiruk thubuai a nei a nih chuan engatinge Gujarat atang khan sorkar in ban nghal mai loh a Mizoram ah an sawn daih? tiin thuthar lakhawm tute hma ah sawi. AAP pawh in sorkar laipui in Mizoram Governor an ban chhan hi an sawifiah tur a ni an ti bawk.

*West Bengal Finance Minister Amit Mitra leh Chairman emeritus of Tata Sons, Ratan Tata te chu West Bengal a Tata company chetlak dan ah an thu in hmu lo in tawngkam feikibar in an in chhun sak sak mai. Minister hian Ratan Tata hi a tar tawh a a duh duh a sawi niin a sawi a, Ratan Tata thung chuan Tata company hian west Bengal chhungah eizawnna kawng nasa tak a hawng niin a insawi thung.

*Lok Sabha Speaker Sumitra Mahajan chuan Parliament House venhimna thazawk awm theih nan Parliament security review committee a dinthar. Union Home secretary hlui leh BJP MP ni mek R.K Singh chu he committee hotu lu a ni ang.

*Union Health Minister Dr. Harsh Vardha chuan sorkar laipuiin India ram pumah modern cancer hospital din vek tumin ruahmanna a siam mek a ti.

*Rajasthan ah ruahsur nasa vangin mi 4 in nunna an chan. Odhisa ah erawh tuilian ten kiam lam an pan thung.

*Directorate General of Civil Aviation (DGCA) chuan tunhnai a service thar AirAsia India Pvt Ltd (AAIPL) hnenah thupek chhuah in an thlawhna chhung a khualzin (passenger) te chhiar tur chanchinbu (Inflight magazine) leh website a India map an tarlan dik loh avangin an magazine chu titawp vek tur leh website a mi pawh lathla turin hriattirna a pe.

*Vawi duailo kan rawn post tawh thin Africa khawthlang ram a leng mek ebola natna chuan ziaawm lam a la pan hleithei lo a, he natna hian mihring 932 te nunna a la tawh a, damlo mi 1700 chuang an awm mek a ni. WHO chuan ebola natna darh zel dan tumin chak takin hma an la mek a, vawiin hian Geneva ah  emergency closed-door session neih a ni ang a, he natna venna kalpui zel dan tur  ngaihtuah a ni ang.

*USA sorkar thuruk puangchhuak tu ramdang a raltlan mek Edward Snowden chu Russia sorkar in an ram a kum 3 chhung awm phalna a pe.

*Israel nen a inkahhai nei mek Palestine hel Hamas te chuan an duh ang an hlawhtlin hma chuan Israel sorkar chu tharum hmangin an la beih chhunzawm zel tur thu nimin khan an sawi. Ni thum chhung (darkar 72) chhung inkahhai kalpui mek zel a ni.

*Afghanistan ram inthlanpui result chu tunthla chhungin puan hman ngei tum  a ni tih President Hamid Karzai chuan a sawi. June ni 14 khan vote hmusang 2 - Dr. Abdullah-Abdullah leh Dr. Ashraf Ghani Ahmadzai te atangin tuzawk nge President atan an duh thlang turin vote thlak leh a nih kha kan la hre vek awm e.

*Kumpinu (British) lal fapa Prince William (32) chuan kum 2 chhung atan ambulance pilot niturin East Anglian Air Service hnenah contract a ziak fel. He a hna thar atan hian thla leh atangin training a tan anga, thla 5 chhung a training dawn a ni. Kum khat chhung a  hlawh tur zat nia sawi Pound 40,000 chu midangte tanpuina (charity) atan a pe vek dawn niin Kumpinu lal in (Kensington Palace) thuchhuak chuan an sawi. Damlo thlawhna a phurh ngai te phur tur leh tanpui turin a pen chhuak dawn a ni.

*Sorkar laipui chuan khawkheng tuar nasa 50% pawh ruahtui dawng phalo kuthnawthawk te hnenah 50% diesel subsidy a pe dawn.

*Mizoram University a Post Graduation course zirtur zirlai lak tawh zat chu mi 760 an tling tawh.

*Mizo Post Graduate Students' Union, University of Hyderabad te chuan zanin tlat dar 6 hian an University campus chhung a Students' Recreation Hall ah Mizo zirlai kalthar te lawmna Fresher Social an hmang dawn. UoH ah hian Mizo zirlai 30 chuang an awm a ni.
----
FB kalphung an siam dan ang hian kan page a thu kan rawn post te regular tak a i lo hmuh zung zung duh chuan i like emaw comment ve thin angai a, i tih vak loh chuan reilo te ah kan page update feed i dawng lo zel mai ang. Kan page ah chauh loh pawh page dang leh group dangah pawh i active loh chuan notification i set bawk siloh chuan update feed i hmu lo zel ang. Chuvangin like, comment leh share kha i tih ve angai a nia.

Tin, kan facebook page/blog a kan news post te lo lachhawng (copy paste) in awm thin a, khawngaih in in va post chhawnna ah "Thulakna: Lamtluang" tih emaw "Source:Lamtluang" tih dah tel thin tawh turin kan ngen a che u.
--
*UPSC IN CIVIL SERVICE EXAM TIDANGLAM DAWN LO
Tunlai hian UPSC in Civil service exam a CSAT paper a telh dodalna nasa tak a thlen mek laiin nimin khan Parliamentary Affairs Minister M. Venkaiah Naidu chuan Parliament ah zawhna chhang in UPSC civil service exam chu ruahman sa angin 24 August ah neih a ni ang a, exam kalphung hi hun reilote chhung a thlak danglam thut theih a ni lo a ti. Sorkar in budget session zawh ah erawh chuan CSAT chungchang ah all party meeting a la ko ang a ti.

7th August 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

7.8.2014 
*ZAWNGTE SELFIE THLALAK NEITU INCHUH
Kum 3 liam ta khan Indonesia thliarkar Sulawesi ah photographer David Slater a camera chu zawng ( crested black macaques) pakhat in a ru a, chu zawng chuan amah leh amah thla alo in lak (selfie) ve chiam a, chumi thlalak chu Wikipedia ho enkawl Wikimedia ho in an website ah an lo tarlan ve avangin David Slater hian a neitu nihna Copyright thubuai a siam a ni. Wikipedia lam hian he thlalak hi zawngin a mah ngeiin a inhmeh (click) avangin copyright chu camera neitu David Slater nilo in zawng zawk hi a ni tur a ni an ti. David Slater hian he thlalak wikimedia in an lo tarlan ve ngawt avang hian a thlawn in miin an hmu in an download thei a a pawisa lakluh tur tam tak a hloh phah niin a sawi thung. (Zawng in selfie a lo ti ve hi a lawmawm reng reng e.) 

*PAKISTAN IN INDIA SIPAI AN MAN CHHUAH DAWN
Nimin khan India sipai Border Security Force (BSF) mi leh sa Satyasheel Yadav (30) chu a thawhpui mi 3 te nen an patrol laiin Jammu and Kashmir a Chenab lui lian in a la a, tui hian Pakistan ram thleng a len tak avangin Pakistan Ranger sipai ten an lo man a ni. He sipai an man chungchang hi India leh Pakistan sipai hotu ten ngun taka an sawi dun hnuah naktuk zing ah ah India lam panin an rawn chhuah dawn ta a ni. Sialkot ah BSF leh Pakistan Ranger ten flag meeting an neih ho pahin India sipai hi an hlan let dawn a ni.

 

*NAKTUK AH GOVERNOR THAR LAKLUHNA
Vawiin tlai khan Chief Secretary L.Tochhong hovin Sawrkar hotulu ten Chief Secretary's Conference Hall ah Mizoram Governor thar, V.K. Duggal lakluhna (swearing-in- Ceremony) programme duangin Governor kalchhuak ta Kamla Beniwal thlah dan tur programme an buatsaih a. Naktuk hian Governor thar hian a hna a rawn zawm dawn a ni.
Governor thar V.K. Duggal hi tuna Manipur Governor ni lai niin thu leh awm hma chuan Manipur leh Mizoram Governor nihna a chelh kawp dawn a ni.Naktuk Dar 12:20 ah Lengpui Airport ah Sawrkar mi pawimawh ten an lo hmuak ang a, tlai dar 6:00 ah Raj Bhavan ah Mizoram Governor thar atan lakluh a ni ang. Naktuk ah vek hian Governor kalchhuak ta Kamla Beniwal chu thlah a ni dawn a. Chawhnu dar 2:00 ah Raj Bhavan a chhuahsan anga, chawhnu dar 3:50 ah Lengpui atangin Mizoram a chhuahsan tawh dawn a ni. (DIPR)

*I lo bengvar nan leh thuthar ber ber rang tak a i hriat theih nan facebook ah Lamtluang page hi lo like ve dawnnia.

ENGATINGE MIZORAM GOVERNOR AN BAN?

Latest news in Mizo language

On 9th July 2014 Smt. Kamla Beniwal reached Lengpui Airport, Aizawl, Mizoram to become Mizoram Governor , she was received by Mizoram Government officials
pix: DIPR, Mizoram

7.8.2014
ENGATINGE MIZORAM GOVERNOR AN BAN?
Kan rawn post tawh angin nizan khan India President chuan Mizoram Governor Kamla Beniwal (83) chu ban a nih thu a chhuah a ni kha. Mitam tak in chuti teh thut a ban a nih chhan chu kan hre chak awm e.

Times of India in an website a news report an tarlan ah chuan Mizoram Governor Kamla hi Gujarat Governor a nih lai a an khua Jaipur, Rajasthan lamah sorkar hriatpui em em loh in sorkar sum seng tho siin a zin nasa lutuk a, chu chu tunhnai lawk khan hailan a ni a, national tv leh newspaper ten an tarlang chuai chuai a ni. 2011-2014 chhungin Gujarat atangin Rajasthan ah hian sorkar sum senso in vawi 63 thlawhna in a thlawk a, vawi 53 zet Jaipur tlawh in thlawk hman a ni . A zinna senso hi Rs.Vaibelchhe 1.5 chuang niin a chhut a ni. Dik lo taka Gujarat state sorkar sum hmang ni a puh a nih tak avang hian Governor a nihna atang hian an ban tir ni ta ber in a lang ta a ni.

India Prime Minister nilai Narendra Modi hi Gujarat Chief Minister a nih lai khan Kamla Beniwal hi Gujarat Governor a ni a, Governor chuan Gujarat Lokayukta atan retired Justice R.A Mehta a ruat a, chu chu Narendra Modi hian amah rawn lo a tih anih avangin nasa takin a lo sawisel tawh a, national news ah te anni 2 in ngeih loh thu a lan chuai chuai kha kan la hre theuh awm e.

Kamla Beniwal hi congress party mi leh sa hlun tak niin UPA sorkar khan Governor ah an ruat a, hetia BJP kaihhruai NDA in sorkar laipui ah lalna an chan tak ah hian a hun tawp dawn hnaih ah Gujarat atangin Mizoram ah an rawn sawn ta chuk chuk a, thla 2 chauh hun a nei tawh laiin tihian an ban tir chhunzawm leh ta a ni. Mitam tak chuan BJP an sorkar tirh khan a mah in Governor atang hian banna a thehluh mai an ring zawk hial, bannna thehlut bik lo in tihian politics lama an hmelma BJP kaihhruai sorkar ah pawh engemaw chen chu Governor a ni chhunzawm a nih kha.

Kamla Beniwal hi 9 July 2014 khan Mizoram a rawn thleng a, Mizoram ah thla 1 pawh a la awm tlin hma in tihian India President chuan a rawn ban (sacked) ta thut anih tak ber hi maw.

Pix: Kamla Beniwal in Lengpui airport a lo thleng lai. Courtesy: DIPR

Smt. Kamla Beniwal was given warm welcome in Lengpui airport, Aizawl, Mizoram by Mizoram Chief Secretary Mrs. L. Tochhawng IAS and Mizoram Chief Minister Lal Thanhawla and his wife Mrs. Lalriliani and Council of ministers were also seen in the picture.
pix: DIPR, Mizoram

6th August 2014 news in Mizo

Latest news collection in Mizo language

MIZO TAWNG A CHANCHINTHAR LAWRKHAWM

6.8.2014

*MIZORAM GOVERNOR BAN A NI
India President in thuchhuah a siam angin Mizoram Governor (Larsap) Kamla Beniwal chu Mizoram ah thla 1 chauh ala awm tih ah zanin khan ban a ni. Kamla Beniwal hi Gujarat Governor a nih laiin tuna India Prime Minister Narendra Modi hi khatih laia Chief Minister a ni a, anni 2 hi Gujarat Lokayukta member ruat chungchang ah an lo in millo fe tawh thin a ni. Mizoram in Governor thar a neih hma chuan Manipur Governor VK Duggal in Mizoram a hmui tel dawn a ni. Kamla Beniwal hi NDA sorkar in UPA ruat Governor a ban luih tir 2 na a ni ta a ni.

Government sacked Mizoram Governor Smt. Kamla Beniwal on 6.8.2014

Smt. Kamla Beniwal sworn in as new Governor in Mizoram Raj Bhawan
pix: DIPR, Mizoram

Mizoram Governor Kamala Beniwal visited Mizoram Milk Producers' Cooperative Union Ltd.(MULCO) office in Aizawl
pix; DIPR, Mizorm

Mizoram Governor Kamala Beniwal visited Sericulture silk production centre in Aizawl
pix; DIPR, Mizorm

*RAIL A CHUANG TEN MIHRING CHHAN NAN A HUHO IN RAIL AN NEM
Vawiin khan Australia ram khawthlang lam Perth khawpui a rail station ah mipakhat ke rail leh station platform inkarah atan avangin rail (train) a chuang (passenger) ten hepa ke tang chhanchhuah nan hian a huho in rail an nem kang a ni. Rail leh platform inkar a ke tanna hi inches 4 chauh a inhlat a ni. Atir chuan passenger te hi rail pindan chhung sir leh lamah insawn tirin rail chu buk kan tir an tum a, mahse a theih tak loh vangin an rawn chhuak a, a huho in rail hi an nem ta vak a, mihring ke tang pawh chu a chhuah theih phah ta a ni.

(LAMTLUANG THUBELH: Hetiang thil thleng ang chi a huho a tlawmngai midang tan a thawh ang chi hi kan ramah chuan kan la kalpui reng a nih laiin ramdang ah chuan thil mak leh news ni pha a ni a, chuvangin ramdang te ngaihtuah chuan hetiang kawngah hi chuan kan Zoram hi la nuam tak a lo ni.)
 
*SAUDI ARABIA TLANGVAL TE TAN RAM 4 A MI NUPUI NEIH THEIH TAWH DAWN LOH
Saudi Arabia ram thuneitute chuan an ram a mipa te tan Pakistan, Bangladesh, Chad leh Myanmar nula te nupui a neih an phal dawn tawh lo. Hei hi an tlangval ten ram pawn lammi nupui atan an neih nasat lutuk ven nan an tih a ni a, tunah hian heng ram 4 atang hian Saudi Arabia a pasal nei mi 500,000 an awm mek ni a sawi a ni.
 
*CHIEF MINISTER-IN REANG (BRU) LO KIR DUH LO TE ROLL ATANGA PAIH AN NIH THEIH NAN HOME MINISTRY CHU ECI DAWR TURIN NGEN
Nimin khan New Delhi-ah Chief Minister Pu Lal Thanhawla leh Union Home Secretary Pu Anil Goswami te chuan inkawm hona hun an nei a, Mizoram mamawh leh thil pawimawh engemawzat an sawiho a ni.

Tripura Transit Camp-a Reang(Bru) raltlan te chungchang a sawipui naah Chief Minister Pu Lal Thanhawla chuan Home Secretary chu Reang(Bru) te lakletna leh an chhawmdawlna atan Mizoram Sawrkar hmalak tawhna te a hrilh a. Sawrkarin theihtawp a chhuah a an mahni laklet tumin hma a lak laiin Camp a awm Reang(Bru) ten a Mizoram an lo let duh lohna leh heng ruahmanna te hi an ti thlawn fo thin hi Mizoram mipui chuan hriatthiam harsa an tih thu a hrilh a.

Hemi chungchangah hian kumin Lok Sabha Inthlanpui neih dawn a, Mizorama Joint NGO ten bandh an huaihawt thu a hrilh a. Election Commission of India (ECI) nena Joint NGO te inremna pakhat ‘hun bituk chhunga Mizoram lo let duh lo Reang(Bru) te Mizoram Electoral Roll atanga paih nise’ tih chu ECI chuan a pawmpui thu hrilhin hemi chungchangah hian Election Commission of India (ECI) dawra a ranglama hma lak sak turin Chief Minister chuan Home Secretary hi a ngen a ni.

Home Secretary chuan High Level Committee-in Reang (Bru) raltlan te awmna Tripura Transit Camp a tlawh thuai tur thu Chief Minister hi a hrilh a ni. (DIPR)
 
*CHAMPHAI DISTRICT AH HANDLOOM FAIR NEIH A NI
Vawiin chawhma dar 11:00 khan Champhai Town Hall-ah Ministry of Textiles, Govt. of India leh MAHCO Ltd. te tangkawp buatsaih District Handloom Fair ni thum chhung awh tur chu Pi K. Laldingliani Champhai District Information & Public Relations Officer chuan a hawng.

Mizote min ti mizotu leh min chawikangtu, hmeichhiate min ti nalhtu leh min ti changkangtu chu kan mizo puan mawi leh nalh tak tak te hi an ni tiin khuallian Pi K. Laldingliani chuan, Handloom Fair neitu leh zuartute hnenah lawmthu a sawi. Mizoram pawn thleng pawha kan puante zahpuiawm loh zia leh chhuanawm anih thu a sawi bawk. Khuallian chuan kum engemaw zat Champhai ah Handloom Fair kan lo ti ve tawh thin a, MAHCO chauh lo pawh midang tam takin an rawn ti ve tawh thin a, kumdang aiin a kum telin kan changkang zel a ni tih sawiin, tunah chuan nangmahni thawhrah leh inpekna avangin Champhai ah pawh hmun dang a an neih ang tam tak kan nei ve tawh a ni, a ti a. Hmun hla zawk pan ngai lovin mahni kawtkai ngeia puan tha leh nalh tak tak kan lei ve thei chu an thawhrah leh inpekna avang a ni tiin, dawr hawngtute chungah lawmthu a sawi. Champhaiah pawh mizo puan silh tur a hnianghnar sawt thu pawh tarlangin khuallian chuan miharsa zawkte pawh in an mamawh ang an lei ve theihna turin tlawm deuh zawk leh man man zawka an lei theihna tura rilru zau zawk pu thei turin dawr hawngtute chu a ngen bawk a ni.

Hawnna inkhawm hi Pu K. Lalthanpara ARCS chuan kaihruaiin, District hrang hranga he Fair neih turah Champhai a neih hmasak ber a ni chu lawmawm a tih thu a sawi a. Chmphai District Handloom Fair-ah hian Aizawl leh Thenzawl atangin mi 28 ten dawr an hawn thu a sawi bawk.

He hunah hian Pu K. Rothawmliana, Manager MAHCO chuan lawmthu sawiin he hun hi khar a ni. (DIPR)
 
LAMTLUANG ZINGKAR CHANCHINTHAR TAWI LAWRKHAWM
*Aizawl Tuivamit vengte chuan an veng chhungah zu dawr, zu inna hmun leh zu dah khawmna siam an remti lo.

*vawiin hian Meghalaya ah lungalhthei mahni thu thu a laih phal a nih tak loh avangin duhloh entir nan Meghalaya State Co-ordination Committee of Coal Owners, Miners and Dealers Forum (SCCCOMDF) te chuan bandh an buatsaih dawn.

*UPSC civil service exam a Civil Services Aptitude Tests (CSAT) Paper II a English subject a zawhna chhanna a mark hmuh chhiar tel ni lo tur a sorkarin zirlai lungawilo te nen inremna a siam chu Bureaucrat leh social scientist hriat hlawh tak tak ten tunhnai athalo an ti hle.

*New World Wealth in khawvel mihausa list a siam ah India ram chu mihausa $ Maktaduai 10 neipha chin multimillionaire tamberna ram 8-na a ni an ti. India ah hian mihausa tawntaw multimillionaire 14,800 an awm mek a ni.

*US missionary Africa a ebola natna enkawl tur a inpe a hnua ebola natna vei chhunzawm ve ta 2 zing a hmeichhia zawk Nancy Writebol chu nimin khan Liberia atangin US ah doctor thiamte enkawl turin hruai haw ve ta a ni. A thawhpui ebola vei thar ve tho Dr.Kent Brantly nen Atlanta a Emory University Hospital ah a hranpa in mithiam rual ten an enkawl nghal a ni.

*Saudi Arabia ah pawh ebola natna vei nia rinhlelh hmuhchhuah a ni a, ebola natna a vei ngei em tih enfiah mek a ni.

*Vawiin chawhma dar 11:00 A.M hian Mizoram Legislative Assembly hnuaia committee peng pakhat Ethics Committee chu Mizoram Legislative Assembly Secretariat Annexe Building Committee Room-ah an thukhawm dawn.

*Asia khawmualpui ah tuialhthei thlitfimna hmun te an inkhar avang leh tualchhung hel ten buaina an chawhchhuah nasat avangin tuialhthei man a pung nasa hle.

*Zalen i nih avangin midang zalenna i tihbuaisak thei bik lo tih i inhrereng thin dawnnia.

*Lamtluang news kan post te like leh comment tha apiangin news update feed in dawngtha thin, chuvangin like emaw comment tha la "tunlai ka va hmu khat ve" i ti lo mai ang. I mut pindan atanga i chhuah dawn lai khan i nuih za lo mahse han then lui sak teh. Ni hman nuam vek ule.